2003 年 9 月 10 日 星期三 【酷熱】

有skip左一日日記tim..
算啦.. 都無咩大事發生...

=============================
九一一... 兩周年紀念... 諗起都心寒...
中秋節.. 嗯.. 好玩的一個節日..
今年好得意.. 可以係維園坐氫氣球上半空賞月...
不過... 坐熱氣球.. 我只想起孫燕姿我不愛MTV中的其中一幕, 講到佢一個人, 男友離去後一個人去旅行的悲涼.... 唉... d 情緒好負面...

中秋.. 應該開心o既...
人月兩團月.. 咁我都有我的屋企人.. 而且已經無左兩日前的心病...
只係... 只係....

有時見到"佢".... 我想... 凝望一個自己鍾意的人.. 有無錯呢?
可是... 她從不會怎樣望我的.... 不是沒有.. 跟她說話是總要望我吧...

有時見到佢同清泉一齊出現, 仲好開心... 學胡sir 話齋.. what can i say?
我.. 只可以告訴自己.. 唔好激動.. 冷靜d....

而今日達達同大魚好似搞到咁大件事咁..
老實講, 大家的要求唔同...
咁咪就下囉~ 不過, 我無咩呢方面的經驗~
但係我都知.. 唔好咁激動.. 自己鍾意的人.. 咁你咪有咩野, 就下佢..
唔好下下迫到咁緊張... 同埋鍾意係付出..
但係另一方面, 人家對你好, 你又鍾意人...
唔開心架咩..... 收咩埋呀....
唔好下下等對方俾晒d野你之後仲要無咩反應咁...
唔好咁 angle > 90 degree先得架.. (鈍 !)

唉.. 而家d 年青人真係~

有時諗諗下.. 其實好似而家咁追唔到都係一件好事o既...
一來, d 人都話暗戀係最幸福.. 因為無失戀..
二來... 心入面有自己掛念的人.. 唔使四處諗... 只係諗一個人就可以..
三來... 唔使面對兩個人一齊的相處之道.. 因為一定唔會一齊的... 我們, 是兩條分隔很遠的平行線..

所以我都可以話幸福o既.. 唔計我當思念所帶來的傷痛的話.. 或者睇到d 唔想睇的野...

不過, 我始終寧願無鍾意佢...
就等於有些人說, 幸福就是沒看過冬日戀歌.. 是的.. 因為看完後心情真的不好...

中秋節.. 如果同屋企人一齊, 又可以同自己最鍾意的人一齊. 你說多好....

我要的幸福真的很簡單..
達問我做功課考試係唔係要攞高分.. 我話唔係.. 我只要達到入U的目標就可以..
例如CDD可以入想入的U讀電腦.. 我做咩走去考AAA? 無必要~~
只要我讀得開心, 出黎做野開心...
小康之樂.. 有一個老婆, 一兩個仔/女.. 夫復何求?
唉... 不過離目標.. 都唔係好遠o者... 三億光年咁上下啦...

簡sir 再結婚啦.. 真係恭喜晒.. 最希望佢無下一次.. =) XDDDDDDDD
努力啦簡sir... 快d 三年抱兩....
最難得... 佢話:" 感情d 野無咩野o既.. 我都經歷過兩次婚姻.. 無咩大不了... 同學有咩感情問題呢, 不妨同我傾下.."
傾下!? 嗯.. 都係唔好啦.. 咁close...
除非.. 佢有忘情水...

唉.. 雖然話就話想佢好..
但唔代表自己都會好...
我自己並唔好受.. 太多顧慮.. 太多野諗.. 太多太多.. 我遲早會受不起的.. 怎辦?

有誰能明白?
====================================
回: 魚子:
係o既~
====================================
送大家一句台詞:
來自冬日戀歌, 惟真對民亨說: 對方的心就是自己最好的家..

>>September 11, 2003 at 1:29:17 PM GMT+8

2003 年 9 月 8 日 星期一 【晴】

尋日無寫日記.. 因為一來唔得閒..
二來.. 無咩值得寫..
反而可以講下前晚..
============================
前晚就訓果陣同老豆炒大獲..
佢又呢樣果樣...
老實講, 除左我邊個中學生仲係十一點訓架.. 根本就唔夠時間用..
可笑地佢仲話要經濟封鎖我.. 佢都有病o既~
我計過條數, 就算我交埋電話費, 上網費, 我每個月仲可以有成138蚊用..
只要我唔出街, 唔出去食飯... 真係一蚊我都唔使用咁濟...
還有, 我好多時都會出外搵錢..
經濟問題.. 簡直無有怕!!

================================
今日.. 唉... 有早上黑仔到放學都不特只......

1. 一返到去.. 超準時.. 可以係學校打幾個圈先打鐘..
只不過我要搵蔡生, 同埋入校務處.. 所以就要遲入隊..
都無咩所謂. 上年我都成日咁架啦~
問題今年又要寫咩檢討書.. 仲要成百五字.. 頂! 痴線~ 邊有咁得閒呀我!
同miss wong 討論左呢個問題... 講左一陣..

2. 今日放學phy test... 唉.. 三題數~~ 三題一開始都唔識.. 最後只係夠時間做到第一題.. 雖然係o岩..但係都唔多開心..

3. 最頂的係最後的出現.. 而家都仲未出現.. 今日放學仲要去做ECA個board. 關於ITST.. 你班死仔包.. 最後好彩楊sir 落黎同埋新一屆主席有 d 人性o者.. 如果唔係得我一個做.. 仆街....

4. 最頂的... 就係清泉同"佢"一齊走.. 因為我係雨天操場做board.. 我見到....

多重打擊..

無mood....

>>September 9, 2003 at 12:51:34 PM GMT+8

2003 年 9 月 6 日 星期六 【颱風】

今朝起身前明明仲係無咩雨.. 仲好好天..
點解我一起身就陰陰暗暗, 下午居然仲落到咁大雨呢?

===================================
尋晚(唔係, 係今朝)搞到咁夜,
真係好遲先起到身.. 今日.. 我諗最重要都係個Sectioni E.. 拖欠已久..... 起碼拖左成個暑假~

做做下.. 媽媽話去表哥到...
未做晒, 唯有去到老表屋企繼續做...
之後第二個老表都過埋黎....

三個人, 又係做埋果d野囉~ 吹下水, 上下網咁囉...
====================================
呢期心入面都唔係好好過..


2. 尋晚呢, 我同我老表係佢公司做野果陣,
佢女友打俾佢.. 問佢野之類啦.. 我老表講左一句: 係, 係我呢排無時間陪你..
well.. 老實講, 真係我而家的工作量.. 有女友只係我的負擔... afford 唔起..
但同時間我又放棄唔到"佢".. 所以的確有矛盾位.. 應該點呢?
我諗.. 反正追唔到.. 點做, 都無咩大所謂啦掛~~ 所以會唔會追唔到反而合理好多呢...
可能追到反而係大檸樂...無時間照顧對方.... 所以嘛.. 愛, 可能真係有天意....
=====================================
係靈魂的日記中.. 佢話:

"當我們愛得有點累的時候，
何不走回起點？
想想什麼是愛？ "

是的.. 我真的愛到很累... 現在我們不如探討這個問題..
首先, 從我用的中國文化去看, 仁者, 愛人的能力也..
仁, 是人對天地萬物側忍之表現.. 而對其物加以有憐憫, 愛護之心...
人之所以可以愛, 全因人有仁心...
好啦, 我們再去用狹意的愛 - 單討論男女之間的兒女私情去看..
去愛一個人, 就對其有傾慕之意.....
也是人的性欲的一種.... 也是人的一種欲望..
愛一個人, 當然.. 會有心跳加速的感覺.. 也會面紅...
韓憶冠都話愛一個人比起飲一支醋酸一萬倍.. well.. 係誇張左少少.. 但係的確如此.
首先, 你會好想見到佢... 深化左的感情就係會好想對佢好.....
心靈, 帶住行動..
=====================================
贈我老表的 - 花太香 - 任賢齊
啊哈~你又何苦強忍思念不理她
孤舟海中晃 活得四不像 還是那麼想著她
=====================================


>>September 9, 2003 at 12:32:09 PM GMT+8

2003 年 9 月 5 日 星期五 【乍寒還暖】

今日約左以前的大老闆Richard..
去佢屋企同埋新公司睇睇部電腦咁囉..

=============================
我點識richard? 說來一匹布咁長..
話說我form 3 果年讀MCSE.. 咁坐我隔離的.. 係一個中年男仕 Stanley..
當時呢, 我係果班人之中同佢比較熟.. 其它就係Eugene Tam(幾靚架呢位小姐.. 可惜大我都好多同埋明花有主..) 同埋另一個陳小姐~~
當時Stanley 叫我幫手寫程式.. 而當然stanley 同richard 合作..
richard 同我一樣係住大埔.. 所以果陣大家都好熟... 有時仲叫我上佢屋企坐...
richard 同佢太太兩個, 無仔女.. 非常之有錢的小康之家. (好矛盾, 我都知..)

上次呢, 有一單野對我黎講咪"澳門黑鷹十五小時'o既.. (果時晚上去澳門, 做野做通頂, 第二朝先返返香港..) ... 個VOD 咪佢話想做囉~~ 係佢識廣州果間公司的.. 最初我仲以為果班人用Web Server做interface.. 仆街.. 點知佢地用個program 做埋interface.. 真係啤一聲....
------------------------------------------------
呢次richard 搬左入屯門黃金海岸果邊(近三聖邨)
叫我入去幫佢睇下部電腦... 無咩.. 裝番d program o者..
之後落左元朗佢公司到.. 睇埋兩部電腦就番左屋企啦~
64k 真係好慢~~~ 又凍.. 凍到我...
"冷得我騰騰震...."
-------------------------------------------------
之後同媽媽落左果間"皆大歡喜"食飯飯..
果間野.. ok 啦. 不過由於個午飯食得太遲.. 所以,
食唔得落~ 所以無真係品嚐味道...
=================================
咪以為我返到屋企, 上網就訓呀..

第二個老表係咁搵我, 話佢地公司轉左上網plan,
有六粒true ip.. 而且web site 已經轉左ip..
不過呢, 無一隻router support 食六粒ip.....
佢公司亦贊成用linux 做router/firewall...
好~ 我八點半搭的士到大圍,
佢打咭走係00:58..
我返到屋企係01:30.. 真係.. 好累耶..
不過過程非常之順利, 除左第一次裝linux hang左機...
都算易set.. 用iptables... 我都係第一次玩iptables 玩到咁顛!!
不過好有滿足感, 因為我又將linux 文化推廣到多一間公司!!!!!
================================
回 路易斯..
佢也是YY2, 也是MST的師妹.. (轉入來的)
不過老實講你都唔好話唔信優生學.. 我覺得總有關係..
不過我呢d呢, 優極有限.. 賤人一個~ =)
asymptotes.. 哈.. 都係有d 迫近, 但係追唔到~~~
LCCI係一個會計的試..
=================================

>>September 7, 2003 at 2:52:23 PM GMT+8

2003 年 9 月 4 日 星期四 【晴】

返學來來去去都係上堂落堂.. 都無咩好講..
只係.. 今日PE 堂踢波覺得自己好似好波左..
識扭下波... 唔知邊個上左身啦~~
=====================================
最主要可以講下
同一個師妹吹水的事...

講下佢做咩一連三日俾人罰..企 (咁大個.. 仲會俾人罰企.. 真係...)
佢.. 唉.. 只係想勸佢唔好咁鋒芒畢露.. 係YY2可以好危險..
我都開始覺得自己應該收番少少... 收多d 都唔緊要...
反正仲有半年玩... 入到U就玩咩都得啦~

呢個師妹的覺幾勁.. 又LCCI, 又日文cert..
佢鍾意的男仔仲勁. 唔係29就30分.. 真係有少少過份~
不過佢鍾意咪得囉.. 唔關我事~~

之後六點鐘果陣去左KFC.. 佢, 同埋一班係圖書館識的師弟/妹吹水....
最慘就係佢個師妹(YY2果個)見到"佢"...
結果我就俾六個人質問..
其實有咩好問呀... 追一個永遠都追唔到的人囉.. 電視都成日做架啦..
唉~~ 苦~~ 慘~~ 悲.....

今日返到屋企..
就開始真係落手搞Hylafax (Linux Fax Server)
簡單黎講, 就係用Windows 經網路, 經Linux Server用Modem fax出去..
呢個solution我都係第一次(cho um)試.. 咩file, print, web, mail, ftp, nat, dhcp, appletalk etc 都做過,
就係fax 同埋proxy server 未做過.. 呢次真係要學下野啦~
比起想像中.. 差唔多啦.. 唔係真係好難..
只係好難搵到對方有fax機去試~

同靈魂吹水.. 吹左好耐..
估唔到佢.... 餘波未了....
算啦.. 佢比我睇得開好多. 起碼仲會期望.. (期待個女仔幾時同個男朋友散..... 老實講我寧願佢地幸幸福福就算... 最多自己一個兒流淚... 都唔知點解佢個心可以咁堅強...)

-------------------------------------
或許唔太識我的人會問我,
我同果個師妹有無可能?

當然無可能啦.. *_* !
佢鍾意果d 係29-30分..
我... 嗯.... 我覺得佢唔係我個type囉.. she's not my cup of tea..
===========================
原來尋覓愛, 如河畔撈針
從無止境裏追尋..
原來忘掉你, 如為難自己..
一種記掛心理..
===========================
回 魚子:
知.. 問題係服唔服..
而家就係要自己樂天"知命".. 唔好走去同天作對...
唔好走去咩"命運在你手永不低頭".. 無呢路....

>>September 5, 2003 at 3:27:16 PM GMT+8

2003 年 9 月 3 日 星期三 【乍寒還暖】

雖然決定左, 要順天而行..
可是不代表會真正立即的開心..
始終, 心入面仍隱隱作痛...
==========================
在眾人面前好難會見到我真係唔開心,
當然啦.. 眾人.. 隨時"佢"會係到.. 唔係咁好o既.. 以笑可以蔽醜
(突然諗起Sammi果隻歌: 如何掉眼淚, 自知身份都不對, 似愛情沒你准許, 笑我沒有這資格, 去為你心碎..).. 所以要開心d.. 開心d... 扮到...
始終自己一個人的時間, 還是.. 不開心..

所以呀, 見到/知道我唔開心的你們, 你們真的同我很熟..
我才會俾你地知的.. 知道嗎? 你們是我真正的朋友...

今日終於返到學.. 無咩野o既.. 返學d 野都不用再提..
無咩好講...
很倦... 很倦....

返到屋企.. 部機仲係壞,,
重裝都無用...
==============================
咩叫窮到褲穿窿.. 今日就睇會左..
我個褲袋真係穿左個窿..
==============================
固執算不算任性的要求,付出也可能看不到結果.

我不要,愛情的低潮,我會微笑,眼淚不准掉,我很好,後來的你好不好.你會知道,我沒有走掉.

還是害怕夜深人靜時總想起你, 還是害怕不經意聽到你的消息

我愛上讓我奮不顧身的一個人,我以為這就是我所追求的世界,
然而橫衝直撞,被誤解被騙,是否成人的世界背後,總有殘缺
我走在每天必須面對的分岔路,我懷念過去單純美好的小幸福
愛總是讓人哭,讓人覺得不滿足,天空很大卻看不清楚,好孤獨

斷章取義自孫燕姿 The Moment
如果你想飛我明瞭,你自由也好
===========================
係靈魂的日記中見到一段好有意思的文字:
然而愛情也是一樣……
有人只渴望一次真正的愛情，
不理是任何原因，
他們總是得不到，爭不到，
不論他們做什麼。
甚至被人欺騙……也得不到……

有人卻有不斷、不同的愛情，
有人甚至可同時享受幾段愛情。
可惜這群總是那些不懂珍惜的人……
可惜、可惜……


>>September 4, 2003 at 12:52:52 PM GMT+8

2003 年 9 月 2 日 星期二 【雷雨】

雖然在某一刻,
我說過我愛上下雨..可是..今天我沒有很好的心情去研究..

因為... 我病了...

一起身我就嘔到七彩... 精力耗盡的表現..
只好放一日病假, 好讓自己可以康復...

下午同智偉去行街..
買左孫燕姿果隻Moment..

心情點? 今日好平靜.. 邊到都無去...
只係在大埔行左一陣而己....
始終都係有點倦... 縱使今日我最後都訓到十一點幾...

=============================
回大魚:
我唔係好似你咁"論盡"
行路唔帶眼!
我唯一一次入醫院就係小學的耐力跑俾人"kick"跌~~
入左廠連針..

>>September 3, 2003 at 1:11:43 PM GMT+8

2003 年 9 月 1 日 星期一 【寒冷】

今日心情好返d..

可能我已經決定左.. 順天而行..
天意如此, 的確不可違...

我唔知點講好,
但係... 我真係好倦.. 好倦..
唔想諗任何野, 也諗唔起任何野...
可能, "假如愛有天意"

已經整頂... 就算點要求都唔會有...
還是別要求了...

等某一日, 我心淡時,
我就會快樂....

呢一刻, 始終我都仲係鍾意佢...

>>September 2, 2003 at 2:12:58 PM GMT+8

2003 年 8 月 31 日 星期日 【陰】

都係自己衰.. 搞到咁遲先開始做..
搞到做phy 做到兩點幾..

好睏...
幾乎沒有合著眼, 在學校就睡著了...

由於實在太倦..
所以... 今日很清靜.. 好耐都未試過咁靜..
咩都唔會諗... 太倦..

原本都唔覺得校長講野咁有point..
今日佢突然間講野.. 好有point... 啟發左我..
佢話, 你想上天對你好d, 上天唔會俾你..
例如你想要上天俾勇氣你, 可是上天不會, 只會俾好多困難你...

我想, 我這次的悲劇.. 可能也是上天安排的..
上天安排我入圓二, 安排我同佢一班..
安排, 我鍾意佢..
安排, 我失望..
那麼上天為何會這樣做? 不知道..
既然是上天安排的... 只好照著去做..
可能想我學會如何去愛..
老實說, 我真的改變了不少........

縱使結局將至, 我, 作為上天安排的一個演員, 就算如何也得要演下去...

只可以說句順天而行..

=====================================
回魚子
好一個你唔講粗口..

你睇我好, 咪即係有"睇我好囉"囉..
放心啦.. 我有話唔要你咩...


回靈魂(電話所說的內容)
容祖兒也有一句很好的:
由這一分鐘開始計起春風秋雨間, 限我對你以半年時間慢慢的心淡.
付清帳單, 平靜的對你熱度退慢..

=====================================

>>September 1, 2003 at 2:02:31 PM GMT+8

2003 年 8 月 30 日 星期六 【颱風】

今日係葉sir 離開香港的日子...
送機的, 有我, 乾, 坤, J, 仲有"佢", 同埋佢form 7 的朋友..

============================
今日本來已經唔開心..
因為一位好老師要離開我們...

之後更加唔開心的事會發生..
可是, 我有表露出嗎? 沒有... 我不想葉sir 走得唔開心,
更也想"佢"知道.. 我係因為佢唔開心...

都係有導火線..
但係呢次我唔方便講...
我諗你地最好直接問我... 如果我會講, 我係會講的..

好睏....
好睏....

睏到.. 只想永遠在床上發夢, 那麼.. 餘生不會再悲哀...

==============================
回: 靈魂
你該死嗎? 起碼你識享受現有的生活...
我反而好想放棄自己...
但實在有太多責任, 太多牽連... 所以我先沒有這樣做...
每日活在自己給自己的痛苦之中.. 好過嗎?
失樂的每一天.....

回: 魚子
很可惜, 我不能像你.. 開心和滿足..
我只覺得我有一個很大的殘缺..
我... 你可以說我自卑...
我只覺得自己是一個很差的人...

>>August 31, 2003 at 11:18:57 AM GMT+8