2006 年 1 月 14 日 星期六 【炎熱】

其實真係有好多野想寫 ... 不過呢幾日實在冇咩時間得閒寫 ... 今晚又想早點兒睡覺 ... 所以都係唔寫住啦 ~~~ 遲 d 先啦 ~~~ 聽日就要番學啦 ... 其實都有少少想番學o既 ... 不過亦都有 d 唔係咁想番學 ... 其中一個原因係因為我想有多一點兒o既時間可以留o係屋企 ~~~ 我想有多 d d o既時間可以俾我做家務 ... 同埋照顧媽媽 ... 聽日要番學啦 ... 我唔想呀 >< 我唔想掉低媽媽一個 ...... 你地話點算好呀 ?? 我究竟可以點做先好呀 ?? ........

P.S. 近排真係好忙 ... 喘不過氣來 ... 不過都係值得 ~~~ 因為真係好滿足 ... 所以我係絕對唔會放棄同埋嗌辛苦架 !! 同時地 ... 我一定一定會好好咁照顧自己 ... 因為我知道咁樣我先至可以真真正正咁照顧好媽媽 ... 同埋身邊o既人 ... I promise ~~~

>>January 15, 2006 at 5:27:46 PM GMT+8

2006 年 1 月 8 日 星期日 【乍雨乍晴】

媽咪要做手術 ...........................................................
係今個星期五 ............................................
( 一月十三日 ) ...........................
我 ...............................

>>January 9, 2006 at 4:16:59 PM GMT+8

2005 年 12 月 29 日 星期四 【炎熱】

今日終於可以訓到中午先起身呢 ~ 好滿足呀 ! ! ~^^~
今日冇咩點出街, 只係去陪左媽媽佢飲下午茶吧了 ! 不過都幾開心 ~ 因為慢條斯理咁 ... 好舒服同休閒 ~ 之後只是到處逛逛, 到天黑便要回家煮飯吃了 ! 很久已經沒有吃過住家飯, 很懷念呢 ~ 所以難得今晚有咁o既機會, 我當然要好好把握啦 ! 哈 ~ 今晚好好食送 ... 吃得飽飽的 ! 不錯呢 ! ^v<
今天我善用了逛街的時間去不停打電話聯絡番 o-camp 個 d 朋友仔, 可惜很多都沒有聽電話呢 @@ 我想應該是番了工吧 ! 幸好到夜晚終於搵到大部份的人了 ~^^~ 佢地個個接到我o既電話都好開心咁呢 ! ^^ 一聽到話我地終於又搞 gathering ... 又可以一齊約出o黎見個面同埋玩 ... 佢地都好開心同埋好支持我呢 ! ! ~^^~ 謝謝你地呀 ! >< 今次係我地o既 Christmas & New Year Party 呢 ! hehe ... 佢地個個都得呢 ! 真好呀 ! 開心 ~ 仲有當然要多謝 Henry 啦 ! ! thank you 你呀 ~~~ 哈哈 ~ 佢真係幫了我不少呢 ~ 佢那種義無反顧o既精神 ... 真的是一個很值得交和知心o既好朋友呢 ! ! ^^ 今次唔係我一個做搞手啦 ........ 仲有佢一齊幫手做聯絡工作同埋 planning ~ 真好 ! 雖然就算要我一個人搞 & 諗我係唔介意的 .......... 是真呀 ! 不過有多一個幫手都好呢 ~ 至少有咩都可以有多個 fd fd 一齊商量商量嘛 ~! 哈 ~ 我地會努力努力咁好好籌備我地個 gathering 架 ! ! 期待著與大家見面o既日子呢 .......... :)

嘩 .......... 唔寫啦 ~~~ 原來又咁夜啦 ......... 要睡覺了 ! ! good night ~^^~

P.S. 1) 原來有時我都幾鐘意睇電視劇架 ........... 尤其係空閒o既時候 ! 今晚終於可以舒舒服服咁留o係家中煲電視劇 lu ~~~ 很高興呢 ! 好好睇呀真係 ............. 有好多都真係好感動 ! ! ! 差點兒忍唔住要流眼淚 tim .......... 定係流左呢 ? ~ ' ' ~ 哈哈 ....... 唔緊要啦 ~ 事但啦 ~ 遲 d 先同大家分享吧 ! ^^ 今晚我又再一次證實左比自己睇 .......... 原來要令到自己 or 一個人開心真係唔難呢 .......... 只要有心便行了 ! 就好似自己咁 ........... 我好 enjoy 睇電視劇o既那些時間架 ! 因為我真係有用心咁投入落去其中嘛 .......... 咪自然會覺得開心囉 ! 我個人好簡單 .............. 不過做人簡單 d 唔好咩 ? 咁樣咪會開心 d 囉 ................. :)
2) 好 enjoy 琴日同你地一齊去唱 k o既時間呀 ! ! ! 因為真係好正呀 ! *v* 哈哈 ~ 幾時再去呀 ? :)

>>December 30, 2005 at 7:28:14 PM GMT+8

2005 年 12 月 28 日 星期三 【炎熱】

今日玩得好開心 ! ! ! 是真的 ! 謝謝你地呀 ! ^<>^ 好似衝刺似的連續出街玩了差唔多一個星期了 ! 很累呢 ! 雖然係咁 ... 不過都係值得的 ! 因為都玩得幾開心 ! 特別係今日 ! ! ! 哈哈 ~ 有一點是估不到的呢 ~ 平時我地五個外表看來斯斯文文似的, 誰不知原來一玩0係上o黎佢地個個同我一樣都可以玩得咁癲架喎 ~ ' ' ~ 可能係因為我地五個人好夾好投契吧 ! 哈 ~ 我地就好似傻左咁呀 ! 好 Crazy ........ 不過真係好正 ! 我鐘意呀 >< ( 詳情明天再寫吧 ! 因為有少許累呀, 同埋想學習一下早點兒睡覺呢 ! 我想對身體也會好一點吧 ! )
而聽日終於可以休息番差唔多一日咁多 lu ...... 應該要這樣的 ! 畢竟都是剛剛好番一點罷了 ! 其實起初唔得閒的呢 ~ 因為麟麟哥佢想約我聽日出去行下食個飯, 可惜我還是比較想休息一下先呢 ~ 唯有遲些搵日再見個面吧 ! 很對不起呢 ~

P.S. 1) 除了我之前所講考完試之後最病個一兩日之外, 其他全部的時間都是出左去玩呢 ~ 哈哈 ~
不過佢地個個都真係好鍚住我呀 ! 因為全部都知道我o既問題 or 憂慮, 所以無論我地玩咩
or 去邊度都好, 佢地個個都盡量讓我可以早一點 (十二點之前) 番到屋企呢 ! 所以我變左做
灰姑娘呀 ~ ' ' ~ 哈哈 ~ 真好 ! 好開心呢 ! 我唔知道點解你地個個都咁疼鍚我 ........ 我剩係知
道我真係好鐘意你地同埋好感謝你地呀 ! ! thank you really ............. :)
2) 入左大學之後真的很高興呢 ! 有時可能會比較忙 or 辛苦, 但我覺得每一天都是過得好開心
呢 ! ! 我好 enjoy 咁樣o既生活 or 同你地一齊o既日子呀 ! 我地仲有差唔多三年o既大學生活,
我一定一定會每日都更加好好咁珍惜你地架 ! ! :) 現在俾我o既感覺就好似 ......... 成班同學
仔都係我o既好朋友似的 ! 仲有 year 2 & year 3 的呢 ! 所以真的很高興 ! 我好喜歡你地呢 ~
我諗除左 o-camp 我個組個 d 好朋友仔之外, 令到我最最最感動同開心o既係你地
呀 ............ 我四位好好好朋友 or 好 "姊妹" ........ 哈哈 ~ ^v< ~ 佢地係阿金, Sherry, 阿寶,
Amy 喇 !! 識到你地對於我來說係最好的事 ~ 但願我地五個永遠都係最好最好o既朋友 ! ! !
<--- 我相信呢個亦都係你地幾個o既願望吧 ! :)

>>December 29, 2005 at 6:41:50 PM GMT+8

2005 年 12 月 28 日 星期三 【暴雨】

12月28日 寒冷
今日出去之前屋企突然間有 d 事, 要我處理同幫手, 結果遲左出門, 所以唯有快步咁行啦~ 點知出到去先知外面唔單至凍左好多, 仲落緊雨 tim, 嘩 ......... 凍到我想死呀 >< 好彩有帶頸巾咋 ! 唔係病情實行又試惡化~ 去到冇遲到喎 ... 不過條龍就真係勁勁長 ......... 佢等左成半個鐘都未買到飛, 我地仲要係諗住睇一個字之後就開場個齣戲 tim wor !! 真係勁趕 ! 哈 ~ 不過我好 lucky 呀 ...... 咁o岩比個 fd fd 見到我 ........ 叫住我, 咁我地咪唯有打尖囉 ~^Q^~ 哈哈 ~ 好 sorry 哩 .............
套戲真係幾唔錯 ! 加上好耐都冇睇過戲o既關係, 感覺特別唔錯 ~ 哈 ~ 好 touching 哩 ........ 睇到我眼濕濕, 差點兒忍唔住呢 ! 其實個心一早已經喊左 lu ~ 至於我隔離果個 .......... 哈哈 ........... 真係有 d 估唔到喎 .......... 估唔到原來佢係咁感性 ........... 好似喊左少少呢 ~~~ 不過都係正常o既 ! :)
之後去行左一陣街街, 主要因為想買生日禮物俾 Amy ......... 諗 & 搵得都 ok 痛苦 ........ 希望佢會鐘意啦 ! 最後去左食野 .......... 嘩 ...... 厲害呀 ! 我地第一次食晚飯可以食左好似兩個幾鐘呀 ! ! ~ ' ' ~ 哈 ~ 其實都係因為傾計多囉 ............ 我地主要都係係度傾計 ......... only 用左 1/2 hr 左右食飯 ~ 不過感覺真係 ok wor ....... 雖然未必話可以解決到問題 ....... 但至少我o既感覺都舒服左唔少呢 ~~~ 我決定出o黎果然係冇錯呀 ! 謝謝你呀 ................. :)
食完飯個時都唔係太夜o既 ............ 不過佢知道我身體剛剛好番, 又有好多野要做, 怕我太累, 所以我地就一齊早 d d 走 lu ........... 番屋企 ^^
聽日阿金, sherry, 阿寶, Amy 佢地同埋我一齊約左出去玩, 同 Amy 補祝生日 & 慶祝聖誕節 ! 哈哈 ..... 好野呀 ! ! 我地去唱 k & 打邊爐呀 ! ! 仲有交換禮物 .......... 希望大家都可以玩得開開心心啦 ! ! :)

P.S. 現在是多事之秋嗎 ? 我想叫一聲 <救命> ! 今日屋企又發生左一件事, 一段 <小插曲> ! 所以又臨時召開呢個家庭會議 ............. 爸爸係屋企o既 < $$ 之柱 > ............ 而我就係屋企o既 < 靈魂之窗 > .................... 唉 ............. 所以經常要發表意見 ............ 因而導致有點兒頭痛呢又 ! ! ! 唉 ............ 真係一波未平一波又起 ............ 我又多左一件事情要煩惱啦 ~~~ 早點兒睡覺先 ~~~ 希望唔會影響聽日吧 ! @@

>>December 28, 2005 at 6:52:58 PM GMT+8

2005 年 12 月 27 日 星期二 【颳風】

其實今日好支力呢真係 ... 因為呢幾日剛剛先好番 d d 就日日都不停咁出街 ... 所以真的很累呀 ! ! >< 不過由於佢叫到 ............. 咁我就出去行下啦 ......... 仲有睇戲 ......... 同埋可以買埋禮物 ~~~ 而最想出去有一個原因 ........ 就係因為心煩 ~! 今日真係好心煩呢 ~/////// 出去最想做到 ........ 最希望做到o既 ....... 就係 ......... 傾下心事 ~~~ 好想 ....... 好想 .............................

唔寫住啦 ~~~ 因為夠鐘要出去 lu ........ 番o黎先繼續啦 ~~~

>>December 28, 2005 at 6:12:18 AM GMT+8

2005 年 12 月 26 日 星期一 【颳風】

今朝一早出左去廣華醫院度探婆婆 ................. 感受良多 ............. 好唔開心呢 ~ //////////// ><
唉 ......... 但係唔知點講好 ~~~ 唯有等我遲 d d 先再講啦 ~! @@
因為有遠方o既親戚o黎左探我地 & 一齊過聖誕 ........... 所以點支力點唔想都好都要一盡地主之誼去陪佢地出去旺角行街 ~~~ 行左好耐好耐 .............. 之後夜晚妹妹同家姐o既老公仔都來了 ......... 好人齊呀 ! ! ~ ' ' ~ 結果出左去尖沙咀睇左少少燈飾 ........... 經過海旁個時 ........ 無意間中剛巧見到 <激光> 表演o既開始 .......... 可以睇埋 ~~~ 都 ok o既 .......... 叫做睇過下囉 ~~~ 不過我想講o既係海旁 d 風都幾大 ........... 有 d 凍呢 ~~~ 之後發生左一 d 事 ......... 不過都係遲 d d 先再講番啦 ! !
最後去左唔知油麻地定佐敦食大排檔 ............ 原來都唔錯架喎 ........ 幾好味 ! ! 不過我就覺得辣左 d d 囉 ........ 其間又發生左 d d 事 ........ 哈哈 ....... 好搞笑 .......... at last 終於番屋企 la ! ! !
嘩 ......... 對於我來說真係幾支力架 ! ! 好彩塔巴士個時有個好心人好有風度咁讓左個位俾我o即 ~~~ 所以一上左車就即刻真係訓著左 ! 一訓就訓左差唔多成個鐘 ............ 嘩 ....... 訓得好淋 ......... 不過真係好 sorry ........... 因為打搗左坐o係我旁邊果個男仔 ............... 唔好意思呢 ............ 其實佢都係同我一樣 .................. 哈 ~~~ 訓醒之後好舒服 ! ! ^^
嘩 ............... 今日真係又充實又累呀 ! ! ! @@

P.S. 今日有唔開心 ......... 有擔心 ........ 有開心 .......... 有安慰 ......... 最後番o黎見到一 d 野之
後 ...... 就有埋好傷心 ! ! ! ! ! :(

>>December 28, 2005 at 6:38:43 AM GMT+8

2005 年 12 月 25 日 星期日 【微雨】

12月23日晚 失眠
一件一直以為很少發生o既事情~ 特別在空閒o既時候~ 但這偏偏
發生了. 明明身心都感到很疲累, 而考試亦都結束了, 但不知為何
竟然不能入睡! 你們教我應該如何是好呢? 結果不幸o既事件真的
發生了...

12月24日凌晨
身體開始有點跡象要發病似的~

12月24日早上
當天一光o既時候, 我想是七點左右吧, 全身突然抽搐起來! 手腳一
直在抽筋, 震個不停~ 心裡很驚慌~ 我從來都沒有試過這樣的! 所
以喊起上來... 無論我幾努力都好, 做咩都好, 仍然都冇辦法可以克
制得到! 身體變得 uncontrollable. 本來知道媽媽身體已經不太舒服,
近來又要多番外出探望婆婆, 大家都有很多事情要煩了, 所以真的
不想加重媽媽o既負擔呢! 可惜自己真的不行了, 因為我感到呼吸
很困難! 唯有叫醒媽媽... 之後佢地好似仲驚過我咁, 媽媽, 家姐, 妹
妹, 仲有樂樂, 大家都一齊幫手, 媽媽扶起我, 佢地幫我不停咁按摩
d 手手腳腳, 隔左一陣就開始慢慢餵我飲 d 暖水, 一直都係咁冇停
過... 維持左成個幾鐘... 直到早上八點幾, 我開始慢慢 calm down 落
o黎, 呼吸開始慢慢順暢起來, 身體亦都只是有輕微o既抽筋, 而胃
部, 腸部同埋個肚因為之前身體抽搐得厲害而導致受傷, 所以有點
兒抽住o黎痛. 之後突然間就演變為發高燒~ 個頭好似火山咁不停
燃燒, 就快爆裂; 而身體 d 手手腳腳就好似冰山咁凍. 所以連我自己
都真係唔知道自己是凍還是熱! 個一刻我只知道身體唔好再抽搐
咁就得架啦! @@ 當時原本媽媽想帶我去睇急症, 但係大家都一致
覺得唔可行的! 因為要等o既時間實在太耐~ 所以最後決定都係去
番睇自己o既家庭醫生! 當時o既我好似虛脫左咁, 已經冇晒力, 朦朦
朧朧咁睡著... 應該唔係暈左o既, 我諗應該係我太累啦! 媽媽叫我
休息下先, 佢飛左去診斷等它開門幫我掛號, 9:00 開門~ 點知超級勁
多人... 我去到再等左成個鐘... 大約十點幾左右先到我睇~ 嚇左醫生
一跳, 話我其實要去醫院, 咁樣係最好! 但係我真係好唔想!! 我知道
媽媽佢心入面都係咁諗架... 因為之前有陰影... 所以我好耐之前已經
同自己講過無論發生咩事我都一定一定唔可以o係醫院裡面過聖誕
架!! 絕對唔可以呀! > . < 我知道自己可能太過任性, 但係我有苦衷,
所以就算你話我任性都好, 我都想咁樣做! 就算有咩事我都好想好想
留o係屋企同埋留o係媽媽o既身邊! 如果你地係明白我了解我既就會
知道~ 而醫生佢話其實係因為我身子好虛弱, 好少休息, 太過辛苦,
捱得太勁, 同埋心理壓力大, 又要 handle 好多野, 所以就導致我咁樣
or 成日病! 佢話我應該一早就隱藏左好耐, 只不過係之前要考試, 我
o既意志力好強, 所以考緊試個時就唔會發現太大問題, 但現在剛剛
一考完試, 個人一稍為輕鬆左 d, 暫時冇咩太大o既顧慮, 所以就自然
會突然咁爆發出黎喎! 佢講到好似咩咁... 嚇死我... :(
之後番到屋企, 一直 keep 住準時食藥, 因為我真係好驚呀! 我唔可以
有事架! 因為我仲有好多野要做... 媽媽, 婆婆, 同埋女麻女麻佢地都
有 d 事... 仲有近排發生o既好多事情... 都要等住我o黎照顧同埋處理
架! 所以我知道我一定一定唔可以俾自己有事架!! 如果唔係o既話咁
佢地點算呀~ 所以你地放心啦~ 我會一直好努力咁撐落去架!
雖然 d 藥o既藥力真係太重, 食左之後會有反應, 就係我個胃會勁痛!
加上我o既高燒係由裡面燒出來的! 所以會引致成身骨痛~ 可能因為
咁... 所以成日都訓唔著啦~ 慢慢開始擔心聽日... 因為聽日係我o既
一位好好好朋友o既大日子---洗禮! 我真係好想好想可以親身去到觀
禮呀! 我想同佢一齊見證同分享佢o既喜悅! 曾經聽朋友講過... 對於
一個基督徒來說, 一生中最幸福o既係兩個時候, 第一係結婚~ 而第二
就係洗禮! 所以我知道係好重要架!
幸好在凌晨3點幾左右... 我終於睡著了! 直到另一日o既早上8:15便要
起床~

P.S. 今朝一早先臨時 cancel 左我地o既約會...... 掃你興不特至仲要累
你留o係家中......... 真係好對唔住呀!!! > . < 原諒我 .........................

12月25日 溫暖
今日一早就起左身~ 因為要參加一位好朋友o既典禮! 上天對我真的不
錯~ 因為雖然我昨晚只要睡了差不多五小時, 如果計埋之前, 我想我呢
四日內睡覺o既時間合共只有八小時! 是真的! 想起都覺得可怕~ 但是今
天起來o既時候卻是那麼的精神呢! 所以真係好開心! ^^ 還有, 令我最高
興的是當我今天一醒來o既時候, 第一眼望到o既就係手提所顯示o既三
個訊息! 大致上都係寫著<聖誕快樂>等等o既說話~ 其實我真係好開心
呢~^^~ 如果佢唔講... 我就差點兒都忘記了今天是聖誕節... 因為昨天o既
經歷... 實在是... 太可怕了!! > . < 原本今年o既聖誕節我一點兒也不覺得
開心~ 還覺得過得很痛苦~ 可能係我咁大個女以來最唔快樂o既聖誕節!
不過收到佢o既 sms ... 我真係好開心呢! 雖然佢唔知道我病左... 仲病得
咁辛苦... 亦都冇咩點對我講過一句慰問o既說話... 但係呢個 sms 已經係
啦! 已經足夠... 我唔會咁貪心架! 哈~ 我問佢拿聖誕禮物~ 其實使咩呢~
因為佢已經送左比我啦~ 呢個簡簡單單o既 sms......... 對我來說已經係佢
送俾我最好最好o既禮物啦!! :) hehe ... 其實佢唔知道o既呢~ 因為佢根本
就唔知道我有呢個日記... 我諗佢亦都更加冇睇過我寫o既所有日記... 佢
係一個好重朋友o既人, 所以佢對佢所有o既朋友都好好架, 可惜只係偏偏
好少留意有關我o既事, 包括呢個日記! 我諗如果有一日, 佢真係會發現同
埋黎睇我呢個日記, 仲係度留埋言俾我o既話... 我諗我一定會好好好開心
呢! 昨晚終於睡得到, 今日好精神, 所以亦都份外興奮! 到左個度先知原來
係一個教堂o黎架! o係教堂入面進行... 哈哈~ 好正呀! 個教堂我覺得都幾
靚架! :) 成個過程都令到我覺得好舒服~ 好輕鬆 ~^^~ 我慢慢感覺到少少
我想要o既野呢~ 係<平安>呀 ~ 當中令到我最深刻o既係負責人講到有關
"朋友"o既事情~ 佢講左一個 IQ 題 ...... 佢話:{ 由某個地方(唔記得左個地
方名)去羅馬, 最短o既路程係點去? 佢話當時冇咩人會識, 唯獨有一人答
對了, 就係 .......... 同朋友一齊行o既路 ............. 即係o係人生裡面每一段
路都可能好難行或者好長, 但只是係同"朋友"一齊行, 無論係咩路都會係
最易行同埋最短的!! } 另外佢亦都講左一個故事來帶出主係我地o既好朋
友~ 同時亦問我地身邊有冇一些咁樣o既好朋友呢? 我心入面笑了 .........
因為我慶幸我身邊真係有好多好多咁樣o既好朋友!! 所以真係好想多謝
你地架!! 所有我親愛o既朋友們! 但願我與你們永遠都係最好最好既朋友!
哈 ~ 之後大家一齊影完相相就去左食飯飯 lu .......... :) 嘩 .............. 好好好
美味呀真係 !!! d 米線 ....................... *v* 超級滑呀 ! 哈 ~ 真係好正呀 >< 有
機會o既話我一定會再去食架! 遺憾o既係 ... 我未好番 ... 所以冇得飲我最
愛o既珍珠奶茶 !!!!!! :( 嗚嗚的 ~ 有得睇, 但係就冇得飲, 真係好慘架! ><
夜晚番左屋企休息同埋陪妹妹佢打邊爐 !!! hehe ........... 正 ~ *v*

12月26日 溫暖
( 今日好開心 ........... 咩事 ? 哈 ~ 待續啦 ................ 今日遲 d d 再下回分解
呀~ 因為開始有點兒累了 ....... 要去訓覺先 ~^^~ 其實佢都講得o岩o既, 當
想訓o既時候就要快 d 訓, 訓醒夠啦就先起身! 所以我要快 d 去訓啦 .......
弊! 我唔記得左食藥 tim >x< 嗚嗚的 ~ 又要去食藥啦 ......... 救命 ! :( )
Cont. --- 其實開心有三件事, 第一, 就係身體比之前所講o既已經好番好多
了! 可能因為有 keep 住準時食藥 + 連續兩晚都訓到覺啦~ 雖然訓
得唔多~ 希望唔好再復發啦 ... @@ 第二, 見身體好番少少, 所以
今朝一早就起左身打電話俾女麻女麻話佢知我諗住落去探佢 & 請
佢飲茶~ 哈~ 佢起初仲話唔使啦唔使啦, o黎探下我咪已經好囉, 唔
使請我飲茶啦~ 一秒之後就話咁你幾點左右o黎到呀, 我早 d 去霸
定位飲茶嘛 ......... 哈哈 ~ 好得意! ^^ 咁之後當然係我早去霸定左
位先, 之後再親自上樓去接佢過去茶樓啦! 女麻女麻真係笑得好開心~
其間問我點解咁遲先o黎探下女麻女麻呀, 知唔知女麻女麻好掛心
呀... 我問答佢我冇幾耐之前咪o黎探過你同埋請你飲茶囉, 你唔記
得左喇, 之後我就一直不停咁測驗考試, 忙個不停, 根本就冇得休息!
一考完試又即係病埋, 而家一見好番 d d, 可以行下o既咪已經即刻飛
左o黎探你囉! 佢聽到同知道我o既病情之後, 又話嘩 ..... 嘜你病得咁
嚴重呀! 仲差點兒要入醫院, 仲厲害過我呀, 咁唔怪得之啦~ 咁你就
唔好o黎探我嘛! 哈~ 傻女麻女麻! ^Q^ 原來佢仲為左等我過黎陪佢飲
下午茶, 仲開心到緊張到連早餐午餐咩都冇食 tim 呀 ~ ' ' ~ 哈哈 ~ 真
係好傻呀! >< 最後我話... 咁你想唔想我o黎先想唔想見到我先? 佢又
話好想~ 我問咁你而家我咁樣做你開唔開心先呀? 佢又答好開心!! 我
咪話咁咪得囉~ 之後兩個一齊係度傻笑 ................. 哈哈 ~ :)
下午陪左妹妹出去旺角~ 行左一陣~ 佢去買左少少野, 好開心! 而我就
買唔到我想買o既野, 所以有少少唔開心啦~ 不過唔緊要! 遲 d d 再出
去睇過... 希望到時買到啦! 同埋一直都未有時間 or 唔得閒去旺角o既
中旅社取回鄉卡呀............ 有邊個可以幫我去拎呀? >< 慢慢開始有 d
唔想 ... 去 ... 果個 company visit ...
之後去左剪頭髮 !! 嘩哈哈 ~~~~~ 超開心呀 ! 我等左好耐終於去左剪頭
髮啦 !! ^^ hehe ............ 好爽呀真係 !!! ^___^ 舒服晒 ! 哈 ~ 可能今日精神
好番好多啦~ 所以好似隻甩繩馬騮咁 ......... 滿場飛 ........ 成日係度好開
心咁笑~ 哈哈 ~ 搞到髮型屋入面個個人都係度不停笑, 我妹妹佢都係~
就連平時幫我剪開頭髮果個好 cool o既阿 Dee 呀 ... 佢最後走個時都俾
我感染左笑左出黎~ 哈哈 ~ 識佢咁耐我都係第一次見到佢笑咋 ... 好搞
笑 !! :) 最後就番左屋企 lu ............ 順便可以追埋電視劇嘛 ! 因為我見自
己始終都係剛剛好番o既第一日, 所以都係唔敢太過操勞呢~ 咪唔去街
街住囉~ 休息下先 ~ 遲 d d 再去過 ! ! hehe ............

P.S. 好緊張 ! ! 因為聽日會去醫院探婆婆 ..........................

>>December 27, 2005 at 8:39:09 PM GMT+8

2005 年 12 月 22 日 星期四 【微冷】

今日我終於考完試啦 !!!!!!!!!!!!!!!!!!!!!!!!!!!! 真係好好好開心呀 !!!!!!!!!!!! :)
終於都捱完 ~ 可以有覺好訓 lu ~
至於 me 考成點 ............. 唉 .......... 我諗都係唔好提好過 lu ~
唔係因為唔識 ~ 相反 , 我好多都識 , 差唔多全部都識晒架 ~
真係架 ............. 可惜 .............. 時間 ......... 唉 ~ 都係唔講啦 ~
唔想再唔開心 !!!!!
諗番起當時 ..... 見住 d 題目 .......... 一 d 自己識既題目 ........
但係就要眼白白咁睇住自己親手送走左 d 分 ......... 諗起都
想死 ! 幸好考試坐o係我附近個 d 全部都係我o既好好朋友~
大家互相扶持 , 鼓勵 , 同埋想盡辦法乙水番我開心 ~ 真係
好 ~ >< 多謝你地呀 ~! 所以算啦 ~ 而家唔理住先 lu ~ "繞樣"
左好耐 .......... 到我地走個時先發覺冇人 ......... 唔見晒 d 人
............ 嗚嗚的 ~ 點解會咁架 ?? 出到去 lecture ...... 幸好仲
有阿金同 Amy 兩個好朋友仔係度等緊我 jei ~^^~ thank you
:) 之後行左一陣街街就番屋企 lu ~ 真好 ! 很累呀 !!!!! >< 不過
都值得o既 ........ 因為阿金佢可以買到佢既心頭好嘛 ~ 哈哈~

現在要做o既事 ?? 就係今晚好好咁俾我抖番一晚咁多啦 ~~
之後 ............. 哈哈 ~ 當然係好好咁盡情咁去玩啦 ~~~~ 今次
辛苦左咁耐 ....... 一定要玩番夠本 ! 去玩盡佢先得呀 !!!!!!!! ~^^~

有好多好多野想做呀真係 .............. 好多地方想去 ............
行街唱 k 睇戲食飯唔在講呀 ......... 唔知點解今年o既聖誕節
........... 我突然間好想去行下燈飾呀 .............. 因為聽到人地
話今年好多地方o既佈置都好靚靚 ?? 唔知呢 ~ 好似話有 d 係
用紫色做主題黎佈置架 ......... ~ ' ' ~ 我好鐘意呀 ......... 我諗一
定會好靚靚 jei ^v< 哈哈 ~ 剩係諗起都已經覺得好開心好興奮
呢 ~! 其實我好鐘意聖誕節架 .................. :) 唔知邊個肯陪我去
睇燈飾呢 ?? 哈 ~ 如果有人有興趣想去o既都可以同我講架 ~
我一定會好開心呢 ............... :)

總之今個假期就一定要好好咁去玩下同埋休息啦 ~~~

yeah yeah yeah yeah yeah !!!!!!!!!!!!!!!!!!!!!!!!!!!!!!!! :)

*****************************************************

P.S. 1) To: Amy --> Happy Birthday ~ 生日快樂呀 !!! :) 你有咩生
日願望咁呀 ?? 哈哈 ~ 不過唔理你有咩願望都好啦 ~
都一定會實現架 !! 呢個係思朗話o既 ......... hehe :)

2) 知道婆婆佢又入左醫院 ........... 嗯 .......... 都唔知自己想
講 d 咩呢 ............ 現在已經係 12月24日 ........... 即係
平安夜 ~ 真奇怪 ..... 又會咁橋o既 ........ 如果你地問我
呢一刻我想要o既係咩 ?? 我會答 :{ 平安 } ........... 好似
好簡單o既兩個字 .......... 但係就好似好難得到咁 ........
現在我想要o既係 ............. < 平安 > 呀 ................... @@

>>December 23, 2005 at 6:44:05 PM GMT+8

2005 年 12 月 18 日 星期日 【乍雨乍晴】

好耐都冇寫日記 lu ...
好多野想寫, 成日都想寫, 不過冇時間 ~
而家就唯有等我 drop 低 d points 啦 ~

(1) 溫書係好辛苦, 但係當我諗起 daddy, 我就唔敢嗌辛苦~ 因為近排我考試咁耐, daddy 佢就咁橋
一直都要番夜, 係番通宵班趕工, 同我一樣, 日夜顛倒~ 佢年紀已經大喇, 未必可以頂得順, 但
係仍然都捱得著~ 我咁後生又點可以話辛苦呢? 所以我一定要撐住架 !!

(2) 近排身體唔好 ... 考試考咁耐, 我就一直咁病左咁耐~ 好支力呢真係 ... 不過幸好有佢地久不久
就打電話俾我咋~ 多謝你地呀! 佢地成日都打黎關心我 ... 又成日都霸埋班房問我會唔會番去
一齊溫書 ... 我真係好開心架~ 其實我都好想番去同你地一齊溫書架 ! 因為我o係屋企都唔係咁
溫得到 ... 不過可惜我身體比較差 ... 怕太過頻撲 ... 想盡量休息多少少呢~ 所以咪成日都冇番
黎囉~ 而家真係好支力呢~ o係屋企成日都溫唔到書 ... 迫住一定要等到夜晚或深夜, 屋企人訓
晒之後先可以開始溫書 ... 直到天光朝早咁先訓覺, 訓到黃昏日落先起身, 日日如是, 好唔健康
呢~ 就連自己都有 d 擔心~ 希望快 d 可以考完試就好啦 ......

(3) 近排真係發生左好多事 ... 加上唔舒服同辛苦 ... 所以心情真係唔係咁好 ! 而我屋企人 ... 其實
我知道佢地真係好關心我架 ! 可惜 ... 點解我會咁呢? 難度係我真係要求太高? 我好想佢地可
以多 d o係我既身邊, 尤其係當我唔舒服 or 覺得辛苦既時候 ... 可惜佢地卻差唔多日日都唔會
留o係屋企 ... 早出晚歸 ... 不停咁搵地方去~ 原因係唔想阻住我 ...... 因為佢地知道我辛苦, 怕
我身體會捱唔住, 所以唔想我要避開佢地而番學校溫書咁頻撲 ... 結果就選擇左多 d 出街俾我
可以有多 d 時間可以自己一個人o係屋企靜靜地咁溫書 ...... 其實我自己心入面係知道架 ! 不過
我想要既又係 d 咩呢? 好矛盾呀 ...... > . <
就好似我自己一個人o係屋企既時候, 好多時覺得唔舒服, 想食兩粒 <幸福傷風素>, 去搵, 冇~
差唔多兩個星期前提過媽媽好多次去買~ 結果 --> 佢仍然都係唔記得左買 !! 又有好多次當我
覺得肚餓既時候, 想煮 d 野食食, 嘜野都冇~ 咁咪諗住搵個杯麵食囉, 點知都係冇~ 一個星期前
亦都提過媽媽好多次話買, 結果 --> 同樣都係唔記得左買~
總之 ... 唉 ~~~ 近排真係發生左好多事呀 ...... 好想可以大喊一場 ~///////// 或者好好咁休息番一
下呢 ....................

******************************************

P.S. 1) 17/12 晚 --- 番左以前預科間中學到, 因為係學校四十周年既大日子喎~ 見到好多好多人, 好
多朋友仔, 同埋我好鐘意亦都一直好疼鍚我既呂 sir 等等 ... 好開心呢 ! 佢地好多人見到我
都讚我靚靚呀 ~ 哈哈 ~ 開心 ! 最後影左好多好多相相就走 lu ~~~ 不過個晚真係好凍好凍
呀 !!! ><
2) 其實夜晚溫書 ... 最難捱既唔係眼訓 ~ 而係我既死敵呀 ! 就係凍 ~ 每日既夜晚都真係好凍
好凍呢 ~~~ >< 著極衫都唔夠暖 ...... 太陽伯伯你快 d 出黎啦 ~~~ 我好掛住你呀 >< 不過我
一定一定唔會咁輕易就放棄架 !! 我一定要俾心機呀 ! 思朗 , 你要加油努力呀 ! 你一定得
架 !! 你地都係呀 ~ 我地一齊努力啦 !

>>December 19, 2005 at 3:30:19 PM GMT+8