2006 年 9 月 5 日 星期二 【炎熱】

4/9 開學日
期待已久o既日子終於黎啦 ~ 今日係開學o既大日子 ... 見番 d 同學仔好開心呢 ~ 特別係見到 d 朋友仔 , 以前個種感覺又番左黎啦 ~ 哈哈 ~ 好開心 ! *v* 今曰只係上一堂 ... 我好留心好俾心機咁上個堂 , 點知 ... 又係比一直困擾左我好耐o既喉嚨影響左我 , 令到我唔可以好專心上堂 , 哼 ! 可惡呀 \ o / 之後落左堂好 crazy 呀 ! ! 哈 ~ 我地成班朋友仔唔知做咩傻左 ... 大家一齊手拖手咁衝左出去 ! 為o既係 sofun ? @@ 哈 ~ 點知開學 4/F platform 個度超多人 , 結果搞到四圍亂碰亂撞 ! 哈 ~ 好搞笑 ! 最後我地仲成班人 + 幾個莊員因為一時興起齊齊上左去 9/F 食 tea buffet ! ! good good 呀 ! 就係咁 , 我今年今個 sem o既第一次 ... 開學飯就咁奉獻左比佢地啦 ~ 哈哈 ~ :)
之後夜晚 bbq ... 哈 ~ 當然梗係超開心啦 ~ 點解 ? hehe ... 相信只有我地 " 一家人 " 先會知道 ~ 亦只有我地先會真正感受 & 體會得到 ! ! 所以我唔講 lu ~ 唯一想講o既係 ... 我發覺我呢排真係開心左好多好多呢 ! ! *v* hehe ... 謝謝你地呀 ! ^^ 不知不覺我開朗o既一面又比佢地發現左 ... 但同時我傻瓜 + 笨笨地蠢蠢地o既一面亦都比佢地發現埋 ... 所以成日都比佢地笑我 ... > . < 哈 ~
後記 :
好多謝你送我番屋企呀 , 有你陪我傾計真好呀 , 等我唔使咁悶 ~ good good ar ! ~^^~ 可惜累到你要行番屋企 ... 真係好對唔住呢 >< 我真係好大懵呀 ! 又低 b b ...

6/9
今日上 elective ... 其實有 d d 驚 ga ... 因為咁早就讀呢 d 唔知自己應唔應付得到 ... 同埋要同 yr 3 一齊上 ... 點知真係出事 ! 一入到去都唔知有冇坐到幾分鐘 ... 又開始咳 la ... 近排咳得好厲害 ! o係屋企成日都咳到死死下 , 真係咳到就快肺都咳埋出黎 >< 仲要衰到一咳開o既話就好似 non-stop 咁 ... 完全冇辦法控制得到 & 停止 ! ! 我已經睇左 " 兩 " 次醫生啦 ... only 睇咳 ... 一直都有 keep 住食藥 ga ... 點知都係咁 ... 今日班房好凍 ! 醫生話我氣管唔好 , 叫我千祈唔好嘆冷氣 ... 所以我都知今次死梗架啦 ! 我氣管好 sensitive , 一入到去 feel 到 d 冷氣 , 就即刻有反應 , 係咁咳咳咳 ... 我不停咁食喉糖呀飲水呀等等 ... 都完全唔 work ! 我知道自己已經 control 唔到 , 好怕怕其他人會望住我 ... 所以即刻衝左出去先 ! 之後咳左成幾個字 ............ @@ 總算好番 d d ~ 唉 ~ 不過開始有 d 驚 ... 唔知仲好唔好入番去 ... 因為我真係控制唔到 , 亦 predict 唔到 ... 怕佢突然又咳咳咳 ... 唔通到時我又試再走出黎 ? 好彩突然間撞到阿米 ! ! 佢就即刻借左件風褸比我著 ! ! GOOD GOOD 呀 ! ! 多謝米米 ! ! ! *v* 好彩有你咋 ! 救左媽媽一命 ! 唔係我都唔知點算好呀 >< 之後就即管好勇咁入多一次課室 ... 用米米件風褸當頸巾 ! 不停圍住條氣管 ... 盡量唔比條氣管吹到風 ~ 果然好好多 ! 勉強可以捱到落堂 ! ! 但係又係因為咁 ... 搞到自己唔可以專心聽書 ... 哼 ! 激死我啦真係 ! ! \ o /
之後點算好呀 ? 你地有冇 d 咩良方呀 ? 有o既就話我知啦 ! ! 因為我真係束手無策啦 ! 好擔心自己呢 ... 好擔心之後唔知可以點上堂 ... 如果之後一直都係咁 , 我真係冇辦法上堂呢 ... 難度我真係要請假冇得上堂 ?? 我唔想咁呀 ......................... 好擔心 ..............
P.S. 我而家先知道原來 d 喉糖係唔可以亂食 or 一次過食咁多架 ... 要好似食藥咁 ... 死啦 ! 等我仲 ... 救命呀 ! 唔會死人卦 ... 朋友仔見到我食得密到好似拍丸咁 ... 所以即刻 stop 我話我知 ... 哈 ~ 對唔住呀 ! 要你擔心 ... 我會留意下 & 盡量食少 d ga la ~!

>>September 6, 2006 at 5:04:41 PM GMT+8

2006 年 9 月 1 日 星期五 【晴】

29/8 O-day
今日成日都好似行屍走肉咁 ... 肉體番左黎 , 但係支力到冇氣到完全係唔屬於自己 ... 靈魂都隨著肉體飄左番黎 , 但係就好似無主孤魂咁 , 四處飄浮 ... 好恐怖 ! ! @@ 哈哈 ~ 比身邊o既朋友仔發現左 , 原來我太支力o既時候自己係會語無倫次的呢 ! ^^ 唯一令我感到開心快樂o既係見到部份o既仔仔女女 ... 佢地咁支力都竟然番左黎 ... 媽媽真係好佩服你地o既體力呀 ! ! ~ ' ' ~ 之後完左開埋會搞埋 d 手尾就終於可以番屋企再繼續休息一下啦 ~~~ 下個星期我地搞 bbq , 雖然唔係 re-u , 係 mentor 搞o既 , 但係佢地好多仔仔女女同埋阿傑都得閒話可以一齊參加 ! 差唔多全部都得呢 ~ 哈 ~ 開心 ! ! 真係好似我地自己o既 re-u 咁 ... hehe ... :) 好想快 d 到個日呢 , 因為又可以同你地見面 & 一齊玩 !
今日 , 仲有一件事係令到我好開心同埋都幾感動的 , 就係畢仔o既來電 ! 嘩哈哈 ~~~ 真係好開心呀 ! 我仲好傻瓜咁開心左好耐 ! 佢打黎係打算話我知佢剛剛 reg 左 hall , 好開心 & 意外地同埋自己 d 仔仔家輝一齊做 room mate , 同房 ! 所以諗住帶個喜訊比我知 ~ 佢地知道我好想嘗試 & 享受 hall o既生活 , 所以同我講話遲 d 得閒個時我可以隨時上去佢地度坐下, 探佢地 ~ ! hehe ... 超 good 呀 ! :) 我最開心o既係就算過左 o-camp , 佢地仍然都會記住我呢個媽媽 , 一有咩開心野都會同我分享 ~ 真係已經好滿足 ! 不過我想你地記住呀 ~ < 有福同享 , 有難同當 > 呀 ! ! 媽媽唔單至想同你地共富貴 , 更加希望可以同你地一齊共患難架 ! ! 記住我o既說話 ! 無論係幾時 , 只要你地有咩開心唔開心o既事 , 任何時候都可以隨時隨地咁搵我呢個媽媽架 ~!~! :)

30/8-31/8 IAS training
同阿燕 , Viann 一齊上 ... 好彩有佢地同我一齊上咋 , 大家有伴嘛 ~ 雖然果兩堂都真係幾悶 , 加上自己真係好支力 , 所以都幾辛苦 ! 不過而家都總算捱過左 , good ~ 同佢地傾計 , 講左 & 分享左 o-camp 好多好多野 ~ 哈 ~ 開心 ! 期待我地大家o既大 re-u 呢 ~! 仲有 o-camp d 相相呀 ~ 我完全睇都未睇過架 , 好想快 d 有得睇呢 ...... @@
阿傑 , 仲有 d 仔仔女女 , 好似威威同廁紙筒 ... 佢地又去左 camp 啦 ~ 又有得去玩 ~ 哈 ~ 真係好佩服佢地o既體力呢 ! ! ' o ' 希望你地個個都可以玩得開開心心啦 ! ^^ 不過要快 d 番黎喎 , 我等住同你地會面 & 一齊傾計一齊玩架 ... hehe ... :)

1/9 休息
原本諗住今日可以全日都o係屋企休息下同埋陪下屋企人啦 ~ 點知又要出去 ... 因為要番學校幫手 ... 好彩都唔係搞左好耐 jei ~ 到左下午一兩點個時 , 終於可以走得 , 我當然咩都唔搞住即刻飛番屋企啦 ~ 因為約左媽媽同樂樂 ( 我o既細佬 ) 飲下午茶 ! ! 哈 ~ 開心 ~ 好 enjoy 呢 d 咁休閒o既生活呢 ~ >< 媽媽佢仲向我撒嬌 , 話佢終於可以同我一齊坐低好好咁飲一餐茶 ... 而我又唔需要趕頭趕命咁話要走 or 做野 ... 哈 ~ sorry ar 媽媽 ... >< 樂樂佢雖然細 , 但係都識得向我撒嬌 , 佢同我講話 { 二姐姐 , 我今日真係好開心呀 ! ! ^^ } 我問 { 點解呀 ? ~ ' ' ~ } 佢就話 { 因為我終於可以見到你喇 ~ 今日我仲可以見到你好多面 tim ar ! ! } 嘩哈哈 ~ 開心死左 ! 傻瓜樂樂 ... >w<

2/9
今日起身好想死 ... 因為我又試失左聲 ... 係 " 又 " ! ! 自 o-camp 開始到現在 , 我已經係第 "三" 次失聲啦 ! ! @@ 嘩 ... 真救命 ! 現在我已經不停咁飲水呀蜜糖水呀等等 ... 雖然辛苦 & 勁痛 , 但慢慢開始我終於可以勉強咁發到音 , 但係我相信冇人係會認得我把聲 ! 嘩 ... 真係爛到難聽到爆炸爆炸爆炸 .............................. >< 呢個就係 o-camp o既後遺症 ~ @@
最搞笑係媽媽佢咁朝打電話比我諗住叫我落去飲茶 , 我只可以 " 唔唔 ... " 咁應佢 , 哈哈 ~ 點知落到去先知原來佢以為我係度訓緊覺 , 所以咁應佢 ~ 之後我唯有用僅餘o既手語去解釋比佢知我失左聲 ... & then 大家不停咁係度笑 ... @@
仲有一次 , 之後下午有一個朋友仔打電話比我 , 我唯有用少少單音 or 單字勉強咁同佢嘗試溝通 ... 佢竟然唔認得我 ... 仲不停咁話要搵思朗 , 佢以為我整蠱佢 ... 哎呀 ! ! 救命呀真係 ................. >< 希望可以快 d 好番啦 ~ 我唔想做啞巴呀 ! 好辛苦呢 ! ! 難度我又要去睇醫生 ??? ~ ' ' ~ 遲 d 先算啦 ~

>>September 2, 2006 at 8:56:59 AM GMT+8

2006 年 8 月 31 日 星期四 【炎熱】

嘩哈哈 ~ 又係時候等我慢慢寫下有關今次 o-camp o既野啦 ~! 今次可謂畢生難忘 ! 是真的呢 ! 一匹布咁長 , 都唔知由邊度講起好 ...

26/8
今日入去個時心情真係好興奮呀 ! 因為我地呢個o既愉快又難忘o既旅程終於開始啦 ~ 不過正正因為咁 , 所以琴晚成晚都訓唔到 , 眼光光直到天光 , 死死氣起身 , 好支力好支力好支力呀 ! ! @@ 好準時咁番到去 , 橙色衫 ... 嘩 ! 好 sharp 呀真係 ... 我好叻叻呀 ! 只要係見過個 d 仔仔女女 , 我全部都認得晒呀 ! 哈 ~ 到齊之後影左好多相 , 大家圍埋一齊傾計 , 一齊諗 slogan , 一齊大叫 , 正呀 ! ! 氣氛好好 , 所以一開始我地係領先架 ~! 中途認識了 Max , 感覺幾好人同搞笑 , 應該會係幾幫得手呢 ! good good 呀 ! 又多左一個人幫手同埋一齊玩 ! ^^ 之後一齊食 lunch ! 哈 ~ 我地個組比我感覺真係特別正同團結呢 ~ 因為佢地一去到大家就一齊提出話成組圍圈咁坐 ! 雖然 canteen 係細 , 我地咁多人有一定o既難度 , 但係所謂 < 齊心就成事 > ma ~ 哈 ~ 冇問題 ! 我地大家最夾o既就係性格 ! 因為我地大家都係比較細心o既人 , 每一個人都只會默默咁為其他人付出而從來都唔會用言語說出去邀功 , 咁先至係 " 真心 " 同發自內心嘛 ~! 呢個正正係我地吸引人o既地方 , 我不知不覺由個時開始已經慢慢咁愛上你地每一個 la ... :) 途中廁紙筒同其他女仔問我 , 點解我會對佢地咁好 , 哈 ~ 傻瓜 ! 原因其實好簡單 , 咪就係因為我係你地o既媽媽你地最好o既朋友仔 , 同埋因為你地每一個人都值得我咁去做囉 ~! ^v<
之後就係痛苦o既開始 ... 我o既死敵 --- treasure hunt ! @@ 話你地知呀 , 其實我身體比較差 , 所以醫生話我係唔可以做一 d 劇烈 or 長途o既運動架 ! so 呢次亦都係我挑戰自己極限o既機會 ~ 我好想每分每秒都可以同你地一齊並肩作戰 ! 同你地一齊努力幫你地打氣 ! 我唔想掉低你地咁辛苦去跑而自己就留低 ... 我知道自己一定會內疚 & 後悔 ~ 所以最後決定鼓起勇氣搏一次 ! 其實起初都 ok ga ~ 我地仲係最快個堆人 ~ 可惜之後真係 ... 不過我真係好多謝你地每一個人架 , 特別係幫我打過氣果 d ~ 好似 ... 阿傑呀 , 阿 Max 呀 , 廁紙筒呀 , 阿米呀 , 畢仔呀 , 阿鋒呀等等 ... 如果冇左你地 , 我諗我未必可以捱完成個 game 呢 ! 你地o既支持+鼓勵俾左我好大好大o既原動力 ! 謝謝你們呀 ! :) 哈 ~ 中途最搞笑o既係阿 Max 呀 , 我耳邊成日都聽到某幾句說話 , { 豬呀 , 加油呀 ! 跑快 d 呀 ! 差少少咋差少少咋 ! } or { 哎呀 , 隻豬又墮後喇 ! } ... 哈哈 ~ 超搞笑呀 ! 我次次一聽到都會想盡量跑快 d ! 可惜我病底 , 之後跑跑下仲胃抽筋+腸抽筋 ...... 好想死呀 > . < 真救命 ! @@ 之後真係靠意志咁跑完場 ! 個刻我真係有 d 怕 & 擔心自己唔得架 ... 好彩 ok ~ 不過唔多唔少都係因為我而累到佢地咁遲先番到 camp site ~ sorry ar > . < 其實我真係好內疚同埋覺得有 d 對唔住你地呢 ! ! 希望你地唔會怪我呢個身體咁差o既媽媽啦 ...... 哈 ~ 有時我仲會傻瓜到係度諗唔知佢地會唔會後悔 or 嫌棄有我呢個咁無用o既媽媽 or 老婆仔呢 ? ^v< 不過呢 d 咁傻瓜 or 低 b b o既問題我係絕對唔會問佢地架 , 唔係又會俾佢地笑我 ! ! 哈 ~ ^^ ~
其實作為一個媽咪 , 我覺得我最應該做o既就係多 d 陪住佢地 , 同佢地一齊玩 , 大家會好 close 咁 , 真係好似一家人 , 同埋我想好好咁照顧佢地保護佢地關心佢地 ! 多 d 同佢地傾計 & 幫下佢地拎野等等 , 呢 d 我自己一直都係 keep 住咁做 ~ 我唔知 & 唔在乎佢地知唔知道 or 感唔感受得到 , 我只知道自己唔會對佢地感到歉疚 ~ 但係阿傑就唔同 ~ 其實我一直都真係覺得自己好對唔住佢架 ! 我自問自己係一個好媽媽 , 但就未必係一個好老婆 ! 我除左懂得同佢地大家相處得好融洽 , 令大家關係好好 , 好 close , 投入 , keep 住咁之外 , 我就好似冇咩點做其他野 ... 我每次見到你好努力咁搞活動 or 氣氛搞得好辛苦個時 , 我就真係好內疚好唔知點咁 ... 我除左去配合你 or 幫下你手之外 , 就冇其他野可以做到 lu ... 我覺得自己好似幫唔到你 d 咩咁 ... 阿傑 , 好對唔住呀 ! 真係辛苦你啦 ~! 哈 ~ 我好開心我真係冇撰錯老公 , 你真係一個好識搞活動o既人 , 仲好細心同幫得手 ! 唔知你會唔會覺得自己撰錯老婆呢 ? 因為好似幫唔到你太多而令到你咁辛苦 ~ 希望唔會啦 ~ :)
夜晚番到去食飯個時 , 其實我真係支力到咩咁架 ... 好暈 , 開始又係度左搖右擺 , 東歪西倒 ! 好驚自己會暈低 , 撐住 ~ 哈哈 ~ 好彩有畢仔咋 ! 佢真係好細心好乖乖 , o係個個都咁支力包括佢在內o既時候 , 佢仲會記住 & 留意到我呢個媽媽 ... 哈哈 ~ 真係心都甜埋 ! 抵我咁鍚佢 ~^^~ 佢讓左個位比我坐 , 等我可以稍作休息 & 食飯 ~ 感動 ! *v*
之後 camp fire , 哈哈 ~ 阿傑佢好搞笑 ~ 我以為佢係插入黎我地度一齊跳 , 點知原來佢係推埋我出去示範比佢地睇 ... 救命呀 ! 我又俾佢呃左喇 ~ 發覺自己真係好笨 ~ 哈 ~ 冇所謂啦 ~ 因為都幾好玩 ! 之後同番仔仔女女佢地一齊跳 , 哈哈 ~ 超開心呀 ! ^^ 佢地起初唔係好識跳 , 不停咁望住我 , 慢慢終於跟到可以一齊跳 ! 哈 ~ 開心 ! 不過我就唔知點解成日比佢地 "批掙" & 踏腳 ! 哈 ~ 之後要用水潑佢地 , 我同佢地太熟啦 ~ 我太鐘意佢地 , 所以真係唔忍心 , 最後只係循例咁潑下佢地就算 ~ 完左之後一齊去左沖涼 ~ 冇熱水 , 得凍水 ... 嘩 ... 簡直想叫救命 ! 之前一直都萬試萬靈 , 每次沖親凍水涼 , 我都一定會發燒 ! 所以成晚都有 d 擔心呢 ~! 番到房之後同佢地一齊玩 , 玩左好多好多野 , 好開心 ! 我見大家都玩得咁開心咁投入 , 真係好呀 ! ^^ 半夜終於有 d d 時間 , 我可以有機會食藥 lu ... 其實我一直都病緊 , 所以帶埋藥入去 , 但係我地 d 節目好豐富 , 一直都冇機會比我可以靜下來食個藥休息一下 ... 當我食藥個時 , 佢地好多人都見到 ... 比佢地知道左媽媽我唔舒服 tim ... 哈 ~ 不過真係好開心 & 感動 ! 因為佢地好多仔仔女女 , 好似家輝呀 , mathew呀 , kevin呀 , 阿鋒呀 , 威威呀 , 畢仔呀 , 仲有 d 女仔呀等等 , 佢地都好關心咁問候我 ~ 之後有時仲會提我食藥 , 哈 ~ ^^ ~ 我見佢地好似有 d 擔心我 , 所以我就笑住咁同佢地講 { 我冇事呀 ~ 哈 ~ 放心啦 ~ } :)

27/8
今日玩水戰 , 其實我都幾鐘意玩架 ... 加上天氣又熱 , 如果可以成盤水咁淋落黎 or 成桶水咁潑過黎 , 都真係幾爽幾舒服架 ! ! 可惜自己衰啦 ~ 戴左 con ... 又唔醒起要比水淋呢 d 野喎 ~ 搞到下下都要就住就住咁 ~ 真係冇癮呀 ! >< 好彩佢地知道 , 都好好人 , 盡量就住唔潑向我塊面 or 眼到 ~ 所以冇咩事 ~ 佢地 only 向住我個身潑 , good good 呀 ~ 都幾正 ! hehe ...
之後玩左好多遊戲 , 其中一樣係食生果 , 呢個遊戲我真係忍左 + 掙扎左好耐好耐啦 ! 因為我一早就知道佢地食完之後要砌番 , 但係由於遊戲規則 + 公平o既關係我又唔可以話比佢地知喎 ... 睇住佢地開生果個時開得咁過癮 + 粗暴 , 開到 d 皮散晒 ... 爛晒 ... 唉 ... 真係十個 "敏" 呀 ! 不過佢地真係幾奇怪架喎 ... 要砌番原狀個時唔知點解佢地又會咁斯文o既 ? ~ ' ' ~ 因為其實都唔使理砌得靚唔靚 ... 總之砌到唔散就 ok 啦 ~ 最緊要快 only ~ 可能佢地唔知啦 ~ 所以我都有少少唔明白 ~ @@ 夜晚我盡快咁沖完涼就番房搵埋阿傑同佢一齊幫手準備營花營草同埋真人 show ~ 個真人 show 先搞笑 ! 原本一個幾普通o既遊戲 or 題目 , 最後都可以諗到咁好咁生動 ! 正呀 ! 哈哈 ~ 佢地真係好醒目呀 ! 又有諗頭 ~ good good 呀 ! 哈 ~ 同埋我覺得爸爸媽媽都一齊參與呢個 idea 都唔錯架 ~ 因為可以表示出我地係一家人同埋團結嘛 ! 無論係一粒掣又好 , "搞"拌機o既捧捧又好 , 食物又好 , 主角又好 , 每一樣小事物都好重要 , 缺一不可 ! 呢個先係我地真正o既意義 or 精神嘛 ~ 要所有野加加埋埋一起先至成事 & 似樣嘛 ~! ^^ 哈哈 ~ 營花營草都搞得好成功 , 我地 win 左呀 ! yeah yeah ~ 好開心呀 ! ! :) 無論係佢地台上o既表現 or 我地台下o既表現 , 都真係好唔錯呢 ! ! 我地o既 slogan 諗得好正架 ~ 又有埋動作 ! 我地做得又齊又夠大聲 ! ! 超 good 呀 ! 真係 ~ 另外我地仲一齊唱埋歌歌 tim ~^^~ 哈 ~ 好玩呀 ! ! *v* 畢仔o既表現令我印象最深刻呀 ! 無論係行 catwalk 啦 , 答問題啦 , 全部都好 good ! 行 catwalk 個時勝在夠自然同埋有自己獨特o既風格 ! 完全唔造作 ~ 好 ! 另外答問題個時 , 我最鐘意o既係佢o既坦白呀 ! 佢會好大聲咁同人地講自己已經有女朋友 , 相信如果佢o既女朋友仔知道 or 係度聽到的話一定會好開心 jei ~ 一定會好感動 ! 冇錯 ! 有就係有 , 冇就係冇 , 就係咁簡單 ! 畢仔你唔會因為想 win 而講大話 or 做任何違背自己o既事 , 媽媽好欣賞你呀 ! ! *v* 你夠 "真" , 同埋真係會做番真正o既自己 , 呢個就係你吸引人或者係你贏o既原因啦 ! 知道嗎 ? ^v< 你要相信自己同埋對自己有信心呀 ! ! :) 最後畢仔同埋阿 yan 要完成埋最後一個 task --- 整爛保鮮紙 , 佢地兩個都好認真同埋大方咁完成 , 就咁就 win 左 & finish 左呢個 game ! 成個 game 全場我地成組人都一齊狂嗌狂嗌 ! 特別係我同阿傑 , 玩得好放亦都好開心 ! ! 之後番房我地就不停叫不停慶祝不停影相 , 影左好多好多相 ! 哈哈 ~ 好開心呀真係 ! ! *v* 之後夜晚慢慢靜下來先發覺 ... 原來自己竟然失左聲 ! ! ' o ' 哈 ~ 自己竟然玩到 high 到咁 ... 我完全冇咩保留 , 只係不停咁放聲大嗌 ... 就係咁 ... 就失左聲 ! ~ ' ' ~ 哈 ~ 囡囡佢地發現先 , 之後就叫我要鍚住自己 , 唔好再講野住 , 等好番少少先 ~ 哈 ~ 我心入面就係度諗 , 其實有你地鍚住我咪得囉 ~ hehe ... ^^ 原本我同阿傑兩個都買左好多喉糖比佢地食 , 點知真係冇諗過竟然自己食得仲多 ! 成晚我都同佢地一齊不停咁食好多好多喉糖 , 過左一段時間 , 終於開到聲啦 ~ 不過就好似老牛聲咁 ... 超難聽 & 辛苦 ! >< 半夜同佢地出去行個時撞到哎呀老公仔肥偉 , 我地兩個一見面就不停係度笑 , 大家都係度鬥對方邊個把聲爛 d ... 唉 ... @@ 不過好彩有佢係度 ... 因為阿傑唔會成日都o係我身邊 , 所以除左阿傑 , 我就係同其他 oc 或者肥偉佢地訴苦 ! 好彩有佢地一直不停咁同我打氣 , 同我一齊互相支持鼓勵 , 我先可以支撐得到 ! 謝謝你們呀 ! :)
之後不停咁同佢地玩左好多好多唔同o既遊戲 ~ 有火車頭呀 , 好好玩呀 , 信心遊戲呀 , 講鬼故呀 , 仲有好多好多 ! 其中個好好玩都唔錯 , 我負責帶頭 , 帶得好辛苦呀 >< 因為不停咁狂跳呀狂扭呀仲有狂嗌呀 ... 我條聲帶 or 喉嚨真係俾埋你都得啦 ... @@ 仲要係 non-stop 咁帶左好多組 ... 好彩有 d yr 2 & 老鬼佢地幫手交換帶下咋 ... 唔係死都似 ~ ! 其實我最鐘意係聽鬼故 ! 因為我覺得咁多人一齊圍埋熄燈聽 , 個氣氛真係好正 ! 咁多人一齊又唔會話好驚咁喎 ~ good good 呀 ! *v* 哈 ~ 不過就有 d d 對唔住自己 d 仔仔女女囉 ~ 因為之前我一早就應承左畢仔呀 , 阿鋒呀 , mathew呀 , 阿 chris 呀 , 阿米呀, 同埋廁紙筒佢地一齊去 share 食杯麵呢 ! sorry ar >< 餓扁左佢地 tim ~ 哈 ~ 冇辦法啦 ~ 因為老鬼佢地好長氣 , 但係又真係好有心咁陪我地同我地一齊玩 wor , 我地點都要比番少少禮貌同佢地玩一陣先架嘛 ~ ^^ ~ 好彩仔仔女女佢地個個都好明白事理 jei ~ loving ~ 不過佢地難免都忍唔住要向我撒嬌一番 ~! 哈哈 ~ 好可愛呀 ! 真係 ~ 我最鐘意係佢地靠住我然後同我講 { 媽媽 ... 好肚餓呀 ... 就快餓暈啦 ! >< } 哈哈 ~ 好 warm 呀 ! ! >w< 真係好鐘意佢地 ! 不過我地好搞笑 , 大家雖然真係幾肚餓 , 但係因為得番四個杯麵 only ... 我地唯有大家一齊你一啖我一啖咁 share 左佢啦 ~ 哈 ~ 每人少少 ... " 分甘同味 " ma ~ :) 慢慢 ... 慢慢就咁到天光啦 ~ 好累呀 ... @@

28/8 最後一天
玩扯大覽個時又係狂嗌 ! 嘩 ... 真救命 ! 算把啦 ~ 我一早就已經豁左出去啦 ~ 條聲帶 or 喉嚨送埋俾你地啦 ~ 起初未到我地個組個時 , 我同阿傑再加埋仔仔女女佢地成組人一齊幫其他組打氣 ! 好有氣氛呀 ! 正 ! 到我地個組玩個時更加唔使講啦 ~ 總之無論邊組玩都好 , 我地都係一齊嗌 , 幫手打氣 ~ 哈 ~ good good 呀 ! ^^
之後到左 trust fall ... 嘩 ... 救命呀 ! 真係 ~ 阿傑佢突然搵埋 d 仔仔女女佢地一齊叫我上去玩喎 ~ ' ' ~ oh , my god //////// 其實我都預左啦 ... 我估到佢地最後實會叫我上去玩 , 不過有心理準備就有心理準備 , 但係上到去仍然都係咁 , 一個字 --- 驚 ! ' o ' 呢個遊戲簡直可以話係挑戰我o既極限 ! 點解呢 ? 因為唔怕話你地知呀 ! 其實我真係超級 x 1000萬 驚架 , 因為我有 ... 畏高 ! 同埋本身我有病在身 ( 耳水不平衡 ) , 平衡對於我黎講有一定o既難度 ... 我就連行路咁簡單都會東歪西倒 , 左搖右擺 , 更何況要企o係木台上面呢 ... 所以玩呢個遊戲真係 ... 哈 ~ 好彩最後都成功 ! 應該算是不辱使命卦 ... 我知道 & 見到好多朋友仔支持我 & 同我打氣 , 我唔想令佢地失望 , 最重要係我 d 仔仔女女 ~ 我對佢地係百分之二百o既信任 ! 我知佢地都知道的 ! 可惜佢地唔知道我o既苦衷 or 困難 , 我好怕如果我唔嘗試的話 , 佢地會誤以為我呢個做媽咪o既唔信任佢地 ! ! 所以我知道無論點都好我都一定要鼓起勇氣訓落去 ! 所以當我聽到佢地好大聲咁答 { YES ! } o既時候 , 我就同自己講 , 死就死啦 ~! 咁就真係訓左落去完成了 ! 哈哈 ~ 鬆晒 ! 不過諗番起就真係樣衰左 d 囉 ! ! > . < 仲要咁多人同我講 or 提起話見到我咩咩咩 ...... ! @@
之後玩磁力共震 ~ 哈 ~ 好開心呀真係 ! ! *v* 因為我同佢地影左好多好多相呀 ! 其中仲有好多都係 cutie or 鬼馬相 tim ~ 哈 ~ ^v< 可惜o既係我唔可以同你地每一個人都影啦 ~ >< 哈 ~ 不過唔緊要啦 ~ 希望你地唔好介意我地咁做啦 ~ 傳統黎架 ! 我地都只係希望可以同你地一齊拍低一 d 難忘o既鏡頭 + 回憶呢 ! ! 你地放心啦 ~ 我都有鍚住你地架 ~ 大多數都係我地自己圍內個 d 人一齊同你地影咋 ~ ok ?
最後終於要走 lu ... 好唔捨得呀真係 ... > . < 可能因為我真係太過投入 & 放得太多感情o係你地身上 , 所以好難抽離番出黎 ! 你地講得o岩 ~ 你地個個都話不知不覺間已經當左我係你地o既 "真媽" ! ! 我又何嘗唔係呢 ? 我地大家就好似真係一家人咁 ... 連續三日兩夜都o係埋一齊 , 冇分開過 ~ 我真係當左你地係我o既仔仔女女 , 所以你地每一個都係我o既心肝寶貝 ! 同你地分開 ... 我真係好唔習慣 ! 突然覺得好感觸 ! 阿傑佢真係好叻叻呀 ~ 好醒目 , 挑通眼眉 ! 完全睇穿我o既心 , 佢一早就知道我o既感受 or 心情 ! 可能係因為佢同我o既身份都係一樣啦 ~ 大家都係佢地o既爸爸媽媽 ~ 其實我一直都真係玩得好開心架 , 差唔多走個時好唔捨得 ! 阿傑佢個時o係房入面竟然走去同你地講話媽媽應該感受最深 , 有好多野想講 , 仲叫你地個時一齊走去多謝我 ... 救命呀 ! ! 個時我已經忍唔住架啦 ... 好魚 ! 之後番到學校 sharing 個時 , 聽到 Amy 話記得之前同我傾計個時問過我o既少少問題 , 之後得出一個結論就話覺得我地好偉大 ... 我好開心 ! 我開心係因為佢地平時唔聲唔聲 , 但係原來一直都有記住我講過o既每一句說話 , 就算係好細微的 ! 所以我真係好開心好意外 ! 之後佢地輪住講自己o既感受 , 對我地o既感覺 , 同埋多謝我地等等 , 所有所有o既說話對於我o黎講都係覺得好動聽好動聽 ! ! 真係會心甜呢 ! 我又試忍唔住 ... 之後我覺得咁樣落去真係唔 ok ~ 佢地未正式出去講感受我已經係咁 ...... 我自己已經知道實死梗都得啦 ~ 於是搵埋廁紙筒陪我入 toilet 整理好 , 順便同佢講定先 ~ 因為我真係好唔想o係大庭廣眾度出醜 ! ! >< 好啦 ~ 之後出番黎諗住好 ok , 實冇死啦 ~ Amy 同畢仔佢地都係以搞笑o既形式大約咁多謝完我地就 ok ~ 點知 ... 大劑 ! 到左廁紙筒 ... 佢起初拍晒心口應承我唔會講 & 唔提我 , 以免我咩 , 點知佢竟然連唔講個句都講埋 ... 咁突然 ... 我真係嚇一嚇 ~ 同埋佢仲要講得咁激 ... 試問我又點忍呢 ? >< 之後到左阿鋒 ! 好衰呀 >< 救命呀 ! 佢又係咁 ... 哈 ~ 不過其實我覺得你地所講o既全部野都真係幾感動架 ! 所以我真係覺得好開心呢 ! 多謝你地呀 ! ! 之但係又真係好樣衰呀 ! ! > . < 我想搵癃 "娟" ...... 之後佢地番到黎都同我講 sorry ... 哈 ~ 傻瓜 ! 其實我根本一直都冇怪過你地 ~ 我鐘意你地都黎唔切啦 ~ 又點會咩喎 ~ hehe ... :) 最後就係寫紙仔 ! 哈 ~ 感動 ! *v* 不過有 d 仔仔過黎同我講話我 d 字寫得好潦 , 睇唔到 or 唔明我寫咩 ... oh , my god ... 唔係卦 ? 咁點算好呢 ? ~ ' ' ~ 雖然你地寫比我個 d 都係咁 ... 同埋有 d 仲係冇署名 tim ... 好想知係邊個打邊個o既留言呀 ... v.v

o係呢度我好想好想好好咁多謝我o既老公仔阿傑 , 我o既奶媽 Max , 同埋我o既15個活潑可愛o既仔仔女女 , 排名不分先後 : 廁紙筒 , 阿米 , 阿 yan , 阿 chris , 威威 , 家輝 , 畢仔 , 阿信 , 阿鋒 , terry , kevin , mathew , 阿朗 , Amy 同埋 阿銘 ! ! ! ( 次序係跟 camp book 排的 , 等你地冇得話我偏心 ! 嘩哈哈 ! ! ) 多謝你地呀 ! ~^^~ 我愛你地每一個人呀 ! ! ! ^Q^ 哈哈 ~ 其實一直以黎我都有 d 野想講架 ~ 就係一直都只有 or 只聽到你地 d 仔仔女女 or oc 莊員們話多謝我地 d 爸爸媽媽 , 但係我地反而係冇咩機會同你地講 ~ 呢個我想係呢度一次過同你地講晒喇 ~ 就係想衷心咁同你地講聲多謝 ! 因為其實做媽媽o既我真係玩得好開心 ! 特別係做摺凳o既媽媽 ~ 因為我有你地 ~ 其實你地 d 仔仔女女成日都話自己點開心點開心 ... 話爸爸媽媽好鍚自己好關心自己 , 我又何嘗唔係呢 ? 你地都係好細心 , 好鍚我同關心我 , 雖然你地好多時都冇講出口 , 但係你地o既一舉一動 , 媽媽全部都接收晒 ! 行動勝過千言萬語 ! 我一直都深信一句說話架 --- < 施比受 , 更有福 ! > 我係付出左好多 , 甚至係全部 , 但係我所得到o既係更多更多同好寶貴o既野 ! ! 呢 d 全部都係你地送俾我 ! ! o係你地身上 , 我得到好多好多野 , 全部都係無私o既真心o既 ! 而我最愛o既又係你地俾到我o既係 ... 溫暖 ! 唔單至係朋友之間 , 仲有o既係家庭o既溫暖 ! ! 呢個係我一直所嚮往o既東西 ~ 我得到好多 , 亦都學到好多 ! 呢 d 對我將來 , 特別係我同我o既屋企人都有好大o既幫助 ! ! thank you 你地呀 ~! :)

最後 , 我想係呢度多謝咁多位出心出力o既莊員 & oc ... 你地 have done a good job 呀 ! ! good show ! ! ^^ 同時我亦都好多謝你地俾呢個咁好o既機會我去做組媽 , 希望我冇令你地失望啦 ! 你地送比我好多好多快樂難忘o既回憶 , 亦令我得到最寶貴o既東西 , 特別係我o既 " 一家人 " ! >w< 我永遠都唔會忘記架 ! 一定會好好咁珍惜 ! 我完全冇後悔做組媽 , 反而我覺得呢個係我咁大個女以o黎決定得最o岩o既事情 ! 多謝你地呀 ! :)

P.S. 話說個晚番屋企途中 , 撞到一個朋友仔 , 哈 ~ 佢見到我個時比我嚇左一跳 , 因為佢話我個樣好似昏迷緊咁 , 迷迷糊糊 , 好似就跌就跌咁 , 最厲害o既係見到我係 "合埋眼" 咁落電梯 ! ! ! 差點兒仲叉錯腳跌左落去 ~ 哈哈 ~ 所以佢一見到就好擔心我 , 送左我番屋企 , 唔知邊個將我搬上床 , 直到 14 hrs 之後果個早上 , 我先被弄醒 ! 哈哈 ~ 佢地唔講我都唔知道 or 完全冇印象 ! 我仲以為自己夢遊 ! 因為我有印象 or 記憶o既只係同仔仔佢地分別, 各自番屋企個時 , & then 就已經係第二朝早醒番個刻呢 ! ! 哈哈 ~ 我竟然可以完全唔知道自己係幾時 or 點樣番到屋企 ... 好恐怖呀 ! ! 好彩有朋友仔佢咋 ~ 哈 ~ 原來做媽媽o既我o既意志力係可以咁驚人呢 ! 原來我真係咁支力支力架喎 ~ ' ' ~ 原來一個人做完所有野一放鬆之後會係咁架喎 ' o ' ..............................

>>September 1, 2006 at 6:32:30 PM GMT+8

2006 年 8 月 24 日 星期四 【颱風】

嘩哈哈 ~~~ 好開心呀 ! ! ~^^~ 我聽日就會去 camp 喇 ~ 你地唔好掛住我喎 >w< hehe ... 我好快就番黎啦 ~ 嘩 ' o ' 夜啦 ~ 聽日要晨咁早就起身 ! 而家要快 d 去搞埋少少手尾訓個覺覺豬先 ~! bb :)

>>August 25, 2006 at 4:33:20 PM GMT+8

2006 年 8 月 22 日 星期二 【炎熱】

一連串密集式o既玩樂 & 幫手o既生活 , 真係累透啦 ! ! @@ 好支力支力呢 ! T_T 不過好彩全部都係值得開心o既事呢 ~~~ 哈哈 ~ 呢幾日真係覺得好開心呢 ~! >w<

20/8 gathering
等左呢一日好耐好耐啦 ~ 好心急想同佢地會面 , 睇睇佢地係一 d 點樣o既人 , 可否融洽相處等等 , 結果比我o既感覺 or feedback 係好唔錯呢 ! 哈哈 ~ 亦可以話係意料之外o既事 ! 佢地分別真係有好多好多不同類型性格o既人 , 幸好我亦都能夠同佢地所有人相處得都幾好 ^^ 首先係 random 分o既組別 , 超正呀 ! ! 嘩哈哈 ~ 佢地個個都真係好正呀 ! 起初覺得有 d 參差 , 總是怪怪的 ~ 誰不知原來唔使 "1" 秒鐘就可以同佢地變得幾 close ... 哈 ~ 佢地個個都好投入 ! 當然我都一樣啦 ~ :) 之後終於到左分自己 o camp 個組 , 見到自己 d 仔仔女女 , 不錯呢 ! ! 應該會唔錯的 ! 哈哈 ~ 同 d 女仔都幾熟 , 我想 o camp 我地應該冇問題呢 ! ! hehe ~ 不過都係個句啦 ... 有點兒擔心自己 d 體能 or 身體狀況呢 ... >.<
完左 gathering 之後 , d 女仔話肚餓 , 咁我就陪左佢地一齊去食 tea 啦 ~ 本身佢地組爸都一齊去架 ! 因為佢地想 ~ 可惜最後佢都忙於整理工作而o黎唔到 ~ 哈 ~ 我已經幫佢講左唔少好說話呢 ~ 同佢地講組爸好忙呀 , 佢係一個好有責任感同勤力o既人 , 所以成日都可能需要四圍去走走& 幫手 ~ 但其實佢都好關心你地 & 好想同你地一齊玩架 ~ ^^ ~ 哈哈 ~ 幸好佢地全部都好明白事理 , 體諒到組爸o既苦況 ! good good 呀 ! 其實我真係好開心可以幫到你地同埋解答到你地o既疑難架 ! ! 是真的呢 ! 呢個正正係我想做到o既事情呢 ! 知道嗎 ? 所以你地記住啦 ~ 有咩即管搵我啦 ~ 唔使怕會煩到我呢 ! 我好樂意的 ! :) 其間佢地偶然講左少少佢地對我o既感覺 ... 令到我真係覺得好開心 & 心甜呢 ! 哈哈 ~ 佢地讚我好溫柔呀 ! ! 嘩哈哈 , 真係開心死我啦 *v* 一直以來我聽得最多o既都係好好人 or nice 等等 , 我同佢地一齊玩得咁癲 , 真係冇諗過佢地竟然可以睇到我溫柔o既一面呢 ! ! 哈哈 ... ( 唔講啦 ~ 唔係我怕其他睇我日記o既朋友仔會嘔呢 ... 哈 ~ )
夜晚 , 一齊出左去食飯 ~ 哈 ~ 開心 ~ 總括呢一日 , 雖然自己好好好病 & 唔舒服咁o黎 , 雖然辛苦 , 但係都係值得的 ! 因為有意義 & 真正的開心 ! :)

21/8 睇醫生 >.< + 番工
今日晨咁早就起身去睇醫生 , 支力死我啦 ! 辛苦 > . < 同我預計一樣 ~ 醫生話我感親 , 都幾嚴重 , 所以引致耳水不平衡 ! ! 有時嚴重 d o既時候就會因失去平衡而跌倒 or 暈低 ! oh ... how come ? ~ ' ' ~ 真救命 ! 怪不得我連續幾天一整日都超級勁暈 + 有時平衡方面會感到很吃力 , 因而弄致東歪西倒 , 左搖右擺啦 ... 希望準時食三日藥之後會好快好番啦 ! ! @@
之後又去同媽媽一齊嘆下午茶 , & then 趕去番工 ... 支力死左 ... 不過開心 ~ 哈 !

22/8 番工 + 準備 add 科事宜

23/8 add 科 + 去朋友仔屋企睇書
嘩 ... 今日真係十個激氣呀 ! 果科 psy 真係唔知點解可以話冇就冇架喎 ~ ' ' ~ 打去問啦 ... 話臨時因為某 d 原因而摺左 ' o ' ...... oh ...... 原來真係咁都得架喎 ~ 無奈中 ... @@ 再問 , 咁我 minor course 架嘛 , 如果之後都遇到咁o既問題 or 情況 , 咁點算好呢 ? 佢竟然話 ... 係架 ~ 唔排除有咁o既可能性架 , 如果係我都冇辦法 ! dead 埋 ...... 突然間真係唔知道自己咁辛苦為嘜 ~ @@ 而家唯有 take 左咩咩咩先 ~ 希望 ok 啦 ~ 可以順順利利就好啦 ! 同時都想係度多謝咁多位好朋友仔你地o既幫忙 + 支持 ! ! 哈哈 ~ thank you 你地呀 ! :)
之後去左 fd fd 屋企睇書 , 要準備做功課呢 ~ 其間好休閒 , 但同時又睇到我很累呢 ! 哈 ~ 之後終於等到夠鐘啦 ! 好野 ~ 可以有得去食 mum mum ~ ^^ ~ hehe ... 其實我好肚餓呢 ~ 因為自朝早 or 中午個餐之後 ... 我就一直都冇食過野啦 ... 所以真係好興奮 ! ! 哈 ~ 見一場黎到 , 所以四圍去行下 , shopping下先 ~ 嘩 ! ! ! 原來個度 d 野都真係 ok 抵架 ! ! 救命呀 ... 我 "又" 買左野啦 ~ 哈哈 ~ 不過唔緊要啦 ~ 就當獎勵一下自己 , 乙水自己開心啦 ~ hehe ... 好靚靚呢 ~ 遲 d 有機會一定要再去過呀 ! ! 哈 ~ 美中不足o既係今次 Peggy 佢臨時黎唔到呀 ~ 因為佢胃痛 ... Peggy 你一定要小心身體呀 ! 多 d 休息 ~ 唔好捱壞身子呀 ! 我地下次等埋你一齊再去過玩呀 ! 知道嗎 ? 記住啦 ! ! :)

24/8 番工 + o camp briefing + 剪頭髮 ( 可以的話 ) + 中學朋友仔聚會
期待聽日o既來臨 ......

>>August 23, 2006 at 4:59:30 PM GMT+8

2006 年 8 月 18 日 星期五 【清涼】

我番黎喇 ~~~ 嘩哈哈 , 同想像中一樣 , 唔錯呀 ! ! *v* hehe ... 詳情就遲 d 先講啦 ~ 今次o既行程真係好好好充實呀 ~ 但係同時亦都真係好支力下 ... @@ 番到黎之後要準備一連串密集式o既活動 , 應該都會唔錯呢 ^^ 希望我o既體力可以應付得到啦 ...... 有 d 擔心 ... 真的呢 ... 而家我有個好強烈o既感覺 ... 就係病 ......... 希望唔會啦 ~ 我諗我真係要盡量嘗試抽多 d 時間去休息下先 , 就等我今日早少少去訓覺 , 睇得 work 唔 work 先 ~! :)

P.S.
1) 今朝搭早船番黎香港 , 之後就趕去開會 , 好累呀 >< 我慢慢開始發覺 ... 原來自己係有點兒怕暈船浪架 ~ ' ' ~ 點會咁架 ?
2) 好掛住媽咪同樂樂呀 ! ! ! 只係冇見幾日已經係咁 ... 哈哈 >w< 今日開完會之後打比媽媽 , 媽媽佢就話想同我去飲下午茶 ... 哈哈 ... loving ~

>>August 19, 2006 at 3:40:14 PM GMT+8

2006 年 8 月 14 日 星期一 【酷熱】

哈哈 ~ 好開心呀 ! 之前我講個 d 麻煩o既事已經搞掂晒 lu ~^^~ 希望以後都會順順利利啦 ~! 不過都仲有一件小事未解決 , 一講到呢度我就不其然會諗起自己前排 d 傻瓜 / 大懵野 , 諗起都想死 , 點解我可以咁低 bb 架 ...... >< 之前我幫學校做野 , 可以話係 part-time o黎 ~ 計 hrs 的 ! 點知我竟然可以由頭到尾從來都冇 mark 低過日期時間地點等等 ! 救命呀 ! 真係好低 bb 呀 ! ! ! 最弊係我自己係有諗過需唔需要記低 hrs 呢個問題架喎 ~ ' ' ~ 但係唔知點解自己會唔 mark 低 ... 原因都係唔好講啦 , 我諗我都係傻左喇 ~ @@ 總之而家真係 ... 唉 ~ 計多左又好對唔住人地喎 , 計少左又覺得有 d d 對唔住自己咁 ... 因為自己真係好俾心機 & 認真咁去做每一樣野架嘛 ... 所以我覺得自己做得幾 good good 架 ... 不過算啦 ~ 今次就當賣個教訓啦 ~ 還掂自己都可以學到幾多野咁 ... 就求其咁象徵式 or 大約收番少少啦 ~ :(

hehe ... 另外今日下午左右我就會出發去澳門喇 ~ 各位朋友仔你地都可以搵到我架 ~! 但係唔好太掛住我喎 ~ 哈哈 ! :)

P.S. 呢幾日雖然都幾累 , 但係都真係玩得幾開心呢 ! 哈哈 ~ thank you ~

>>August 14, 2006 at 10:28:39 PM GMT+8

2006 年 7 月 31 日 星期一 【酷熱】

終於捱完啦 ! ! ! 超級開心呀 ! 值得慶祝 ! ~^^~ 不過而家剛剛又有 d 麻煩野處理緊 , 遲 d 先再寫日記啦 ! 記住唔好 delete 我呀 ! :)

>>August 1, 2006 at 10:10:34 AM GMT+8

2006 年 7 月 19 日 星期三 【炎熱】

而家又o係學校做緊 d 好無聊但又要迫住做o既野 @@ 好無奈呀 ! 唯有等我打下日記消磨時間啦 ! 首先想講o既係我剛剛收到 head P o既 postcard 呀 ~ 哈哈 ~ 真係好好好開心呀 ! 好靚靚呀 ~^^~ 好快好心急咁睇 d messages ~ 令我都一直咁同佢一樣不停係度重溫番以前好多好多o既事情 , 我諗o既大多數都係開心o既事 , 原來我無意中發現 ... 以前中學o既生活好多好多都有佢o既存在 ~! 佢一直都好照顧我 , 就當我好似一個永遠都長唔大o既小妹妹咁 ^^ 仲記得以前我成日都會同佢一齊傾心事 , 而家機會少左好多啦 ~ 所以真係令我好懷念好懷念 ~! :) 不過從佢o既字眼當中 , 我感覺得到佢記憶中o既回憶究竟係開心定唔開心o既事 , 突然間好想同佢講聲對唔住 ~ 因為我真係好想留比你地所有o既回憶都係開心的呢 ! !

另外 , 媽媽o既手勢真係勁呀 ~! 而家對腳好番好多好多啦 ~ 哈 ~ 開心呢 ~! ^^

>>July 20, 2006 at 12:04:13 PM GMT+8

2006 年 7 月 17 日 星期一 【颳風】

原本都真係幾忙 , 冇咩時間寫下日記 , 不過而家o係學校做緊一 d 傻野o既時候 , 偶然見到一個留言 , 所以忍唔住又黎左喇 ~ hehe ... 我諗而家又係時候等我表白一下 la ~^^~ 路人PP , 我真係好好好鐘意你呀 ~! 哈哈 ~ 我永遠都會記住 CSL o既真正意思 ! ! ! :)

>>July 18, 2006 at 12:37:53 PM GMT+8