2006 年 7 月 15 日 星期六 【寒冷】

一輪機關槍之後, 終於可以暫時安定下來 ~ @@" 之前個幾日真係恐怖, 地獄式o既生活 ! 忙到我真係氣都冇得透 ! 成個人都覺得好 stressful ~ 今個 weekend 終於可以比我稍為休息一點兒 ~! 之後亦有另一個地獄式o既生活等住我 ... 我諗起碼要過多兩個星期 or 鬆少少 , 我先至可以真真正正咁鬆一口氣 & 好好休息呢 ~! 有千千萬萬份功課 , 測驗 , 考試 , paper 等等 ... 希望我可以好快就捱過去啦 ! ! > . < 另外 , 我兩對腳真的是呀 ... 筋骨 + 肌肉勞損 + 關節炎 ... 痛到我呀 ... >< 唔識點形容 ! 痛痛痛 , 成日都痛 ... 真係激死我啦 ! 總之如果兩對死人腳再係咁痛o既話 , 我遲早就斬左你地落黎 ! ! ! \ o /

>>July 16, 2006 at 10:48:06 AM GMT+8

2006 年 7 月 2 日 星期日 【微雨】

病 ... 仍然都係繼續咁病 ! 有時都真係唔係好明點解個身體可以燒左咁多日都未燒完 ,,, 真係覺得好無奈囉 ~~~ 燒完又好似好 d d , 好完 d d 之後又繼續燒 ... 亦都唔知點解次次都一定要揀o係番學個 d 日子先o黎燒 ... 放假或者有少少時間可以休息個時又唔見佢燒喎 ~ 你係咪想玩死我呢 ? 今朝開始又復發 , 放 break 個時去食埋最後一次o既藥 ... 係最後一次 , 即係又冇晒藥 la ... 我應該點好呢 ? 又繼續睇落去睇多次醫生呀 ? 但係 d 藥好似唔多o岩咁喎 , 冇效都不在話下 , 仲有好多好多副作用 ... 不過就算去醫院都係冇用 , 因為個度 d 藥仲廢 ! 無奈 ... @@" 今朝上個堂死人普通話呀 ... 上到我鬼咁辛苦 ! 個頭暈到差 d 就快跌低咁 , 成身 d 骨痛到簡直好似唔係自己咁 ... 分組討論個時好彩阿 sir 同埋 d 男仔好好人主動幫我移櫈仔同埋扶下我咋 , 唔係實死得 ! 不過自己就覺得真係幾魚下 ... 仲好似成個阿伯咁 ... 唉 ~ 其實咁樣同冇番又有冇分別呢 ? ~ ' ' ~ 我唔係又試傻左 ma ~ 希望食埋新個批三日藥會冇事或者好 d 啦 ! ! :(

另外 , 我o既英格蘭 ......................... 真係 ....................... 嗚嗚的 ! ! 超級萬級唔開心呀 ! ! 點算好 ?! 朗尼仔個紅牌都唔好再講應唔應該 la ... 反正雖然打少個人 , 但我覺得好似影響唔係好大 , 反而成隊人仲可以打得生鬼左好多 ! 不過見到碧咸仔傷左出場 ... 好激氣個樣 ... 之後仲喊 ... 見到真係心都酸埋 ! 其實平心而論呀 , 我o既英格蘭今場真係比之前打得好左好多好多架 ! 進步左好多 ! 我指防守個度 , 因為我不嬲都覺得個龍門好似廢廢地咁 ... 多數都靠 d 防守球員去幫手 , 甚至護空門 ! 而後防之前一直都有幾多漏洞 , 呢 d 先係我一直最擔心o既問題 ! 不過今場令我好意外好驚喜o既就係呢 d 問題全部都唔存在 ! 後防守得好好 , 連比對方攻入去o既機會都冇嘜 ! 只有遠射 ! o係打少一個人o既情形下可以一球都唔失 , 真係唔錯架啦 ! 可惜o既係 ... 平時頭 "隨" 好勁o既高佬冇機會有高波比佢頂入龍門 ! 而我o既林柏特又多次都射唔入 ... 令我最心痛o既係我o既謝拉特 ! 平時o係利物浦超班馬o既佢 ... 唔知點解o黎到英格蘭真係點都發揮唔到水準出o黎 , 見佢地真係已經好努力 ! 於一早就打少一個人o既情形下只好以守為主 , 攻為次 , 佢地一直都係想守完場可以踢十二碼 ... 我一直都不停打氣 , 希望真係可以 ! 諗住終於可以守到十二碼啦 ... 之後我一諗起個龍門已經開始好鬼驚 ... 之後仲 ... 唉 ... 快到我覺得同即時死亡制冇咩分別 ! ! 一樣咁殘忍一樣咁傷心 ! 希望佢地班球員可以早 d 平復番心情 , 唔好再咁唔開心啦 ~ 仲有要繼續努力呀 ! 就算今次你地輸左 , 我都一樣一樣會咁支持你地架 ! 因為你地o係我心目中永遠都係超班馬 , 係粒粒o既巨星 ! ! :)

>>July 3, 2006 at 10:14:19 AM GMT+8

2006 年 6 月 29 日 星期四 【微雨】

琴晚出左去食飯 , 好開心 ! 多謝 Peggy & Jason 送比我一個咁難忘o既晚上 ! ~^^~
雖然呢幾個鐘唔算好耐 , 卻係我覺得開心o既一個晚上 , 因為呢短短o既幾個小時我可以無拘無束暢快咁同你地傾計 ... 真係好呀 >< 你地亦都令到我可以暫時咁唔諗一 d 令我煩惱o既事 , 所以我真係好開心呀 ! 如果你地琴晚想o既係令我度過一個開心o既晚上的話 , 我可以話你地知 , 你地成功啦 ! ! ^^ 哈哈 ~ 不過同時地 , 我亦都好希望你地都係同我一樣咁開心啦 ~

我仲期待緊下一次我地o既聚會呀 ! ! 我要去寶琳呀 ! ! 之後再去深水埗 ! 哈哈 , 呢個係我落o既 order ... 你地唔可以唔聽架 ~! 知道嗎 ? 哈哈 , 你地兩個聽唔聽到呀 ? ^v< 我要去你個度開 party 呀 ! ! 仲有睇波 , 睇你個 d 小作品 , 同埋玩呀 ~! 我地仲等住你教我地點整架 ~! 一個人整好悶架嘛 , 幾個人一齊整一齊玩就唔同呢 ^^ Peggy 你都可以帶埋你個 d lego o黎架 ! 記住啦 ~~~

P.S. 今日開始又病左 la ... 唔知點解成日都係咁 ... 成日都病 ... 一起身已經覺得 ! 雖然辛苦 , 但好彩的是今次燒得唔算好厲害 , 至少冇好似以前咁 , 燒到 104 度 ... 唉 ~ 算好彩架啦 ! >< 醫生同我一齊傾計 , 亦都一齊研究點解我o既身體會咁 ... 琴晚仲好地地 , 今朝一醒就 ... 完全唔知道病o既來源 , 真係唔知點好 , 好無奈 ! 同埋唔開心 ......

>>June 30, 2006 at 7:52:31 AM GMT+8

2006 年 6 月 24 日 星期六 【酷熱】

我冇咩時間寫日記喇 ~ 現在上黎都係想 reply 朋友仔o既留言 ~

To: Jason > 我諗我明你係咩意思 , 但係我都想知 ... 你所指o既 "大丈夫" 係點解呀 ? ~ ' ' ~

To: BC > sorry ar ... 之前我見到你o既留言 , 我真係又意外又開心架 ! ! 不過近排真係有好多好多不幸o既事情發生o係我身上 ... 一件又一件咁接踵而來 ... 所以我先冇機會覆你 ~ 等我而家再同你講啦 ~ 我當然記得你啦 ! 哈哈 ~ 我又點會唔記得左你呢 ?! 因為我仲記得以前我地曾經好 friend friend o既呢 ~^^~ 咩都會講 ~ 開心o既事我係會永遠都記o係心入面架 ~ 就連我個時幫你改o既花名 , 同埋你最鐘意o既迪比亞路呀 ... 等等等等 ... 我都仲記得呢 ^^ 哈哈 ~ 係咪好勁呢 ?! 怎樣呀你 ? 應該升 yr 3 喇喎 ... 好忙呀 ? 應該會睇世界盃 & 捧你o既意大利啦 ~ 哈 ~ 而我呀 ... 現在都可以算係好番好多 la ... 其實我並唔係想寫 d 唔開心o既事 only ga ... 我亦曾經講過無論係開心定唔開心o既事 , 我都會喜歡寫低記低同你地一齊分享 ~ 其實我一直都好希望我所寫o既大多數都係一 d 開心o既事 ~ 只可惜我上面都提到 , 近排實在真是發生太多事了 , 特別係家中的事 , 我需要好多好多的東西 ... 可能係時間 ... 可能係平安 ... 可能係寧靜 ... 可能係支持 ... 遲 d 我應該會好番的 ! 現在 , 我唔知點解總是覺得很忙很忙 ... 一直都冇時間冇機會同埋唔方便上網 ... 所以我沒有太多o既時間去寫日記 ... 總不能夠將所有想記下o既事情都寫低 ~ 只好選擇一 d 比較重要的事情來寫 ... 同埋我知道很多很多朋友一直都好擔心我 ~ 想知我的事情我的近況 ... 我冇咩機會同佢地講 , 只好透過呢度 , 希望佢地會知道同埋唔會太過擔心我啦 ~! 另外 , 我明白你o既意思架 ~ 所以我希望真係可以如你所講 , 一切都可以好快就過去 , 以後可以有多 d 多 d o既機會去寫多 d 開心o既事啦 ! ! thank you 你呀 :) 同埋我想講雖然近排好少寫 d 開心o既事 , 但係我好多時都會覺得好開心架 ~ 就好似而家咁 , 因為我係o係度睇緊你地o既留言同埋 reply 比你地嘛 ~ 咁樣已經足以令到我好開心呢 ~ 剩係咁都已經足夠 lu ~ 所以你地以後有時間o既都可以多 d 黎留言比我 ga ~ 因為每一次我收到o既時候都會覺得好開心好開心架 ! ! ^v<

To: 你地四個呀 > 希望你地會知道我係同你地幾個講緊啦 ... 23/6 個晚我真係過得好開心好開心呀 ! ! 好多謝你地呀 ! ! 你地幾個為我所做o既一切一切 ... 真係令我好感動呀 ! 我永遠都唔會忘記你地忘記今晚架 ... 嘻嘻 ... 不過而家我冇時間呀 ... 我仲有好多野想同你地講 , 遲 d 有時間我再繼續打落去啦 ...

To: Peggy > 多謝你呀 ~ 多謝你o既每一個留言同埋同我講o既每一句說話 ! 是真的呢 ! 因為你留言比我o既每一個字都真係令到我好窩心好感動呢 ! *v* 特別係尾尾個 d ... 哈哈 ~ 我真係好期待好期待同你一齊去玩去海灘去 BBQ 或者去行山等等o既日子呀 ! ! ! 好期待呢 ... 我會積極想想幾時 ok or 有時間架 ... hehe ... 遲 d 我地再一齊研究研究呀 ~! ^^ 如果你有時間 or 得閒個時你幫我諗諗呀 ... 例如諗下可以去邊度呀仲有可以叫埋邊 d 人一齊去呀咁樣呀 ... 因為我地所諗個 d 節目好似大多數都係多 d 人一齊會好玩 d 咁o既 ... 哈哈 ~ 我冇所謂架 ~ 所以你地得閒個時就記住諗定先啦 ~! hehe ... 諗起都開心 !

>>June 24, 2006 at 8:54:11 PM GMT+8

2006 年 6 月 21 日 星期三 【微冷】

直到現在 , 今日開始好似好了一點兒似的 , 而家好似慢慢好了起來 , 希望真的如此 !

P.S. 希望會冇事啦 ! 如果唔係o既話我諗我唔會原諒我自己 ! ! ! ................

>>June 22, 2006 at 6:49:06 AM GMT+8

2006 年 6 月 18 日 星期日 【驟雨】

P.S. 我想我永遠都唔可以忘記今日 ! ! ! 好對唔住呀 ...................... > . <

>>June 22, 2006 at 6:45:49 AM GMT+8

2006 年 6 月 15 日 星期四 【晴】

To: Peggy & Jason >
... 你地兩個講緊 d 咩呀 ? ~ ' ' ~ 點解我完全唔明白o既 ? @@ 難得有機會上到網 , 一上到黎就見到你地兩個o既 ... 留言 ? reply ? 對話 ? 好搞笑呀你地兩個 ! 我原本冇嘜心機架 , 好心煩 , 睇完之後就不其然咁令我笑左出黎 ~ 哈哈 ~ 你地真係呀 ... 我真係越來越鐘意你地啦 ~ *v* ~ 不過都係個句啦 ... 我仍然都係完全唔明白你地兩個係度講緊 d 咩呀 ... v.v 你地會唔會打算話我知架 ? ~ ' ' ~ 不過呢 ... 我剛剛睇左 jason o既日記呀 ~ 哈哈 , 我見到好多好多巴士士呀 ! ! ' o ' 仲有巴士站 ... 哈哈 , 真係好好好靚靚呀 ! 超級得意 ~ 我好鐘意呀 > . < jason 呀 , 你整黎做咩呀 ? 你參加左比賽 or 展覽呀 ? ~ ' ' ~ 講真呀 ~ 我覺得真係好靚架 ! hehe ... 有冇我份架 ? ^Q^ 得閒o既時候應該整個比我同 peggy 嘛 ~ 同埋我又想整呀 , 你地預唔預埋我呀 ? ~ ' ' ~

P.S. 如果你地比我揀 , 我就希望可以有一架飛機 or 一支火箭喇 , 因為可以好快咁載我離開呢度 , 去一個又遠又靚又寧靜o既地方嘛 ...................

其實我真係好多謝你地兩個架 ~ 因為你地真係令到我好安心好開心呢 ~! :)

>>June 16, 2006 at 7:55:42 AM GMT+8

2006 年 5 月 29 日 星期一 【乍雨乍晴】

昨晚 , 發生了一件事 , 我想今次不僅令我傷心難過 , 心也真的碎了 ! 心裡一直問 , 為何又是這樣 ? 為何永遠也是這樣 ? 我的心不會再期望什麼 , 因我已累透了 ! 支撐不了下去 !
曾經有人問過我 , 為何我會這麼有趣要等待爸爸不在家時才可以用電腦 , 我想在此回答你吧 ! 因為其實我跟他的關係不好呢 ! 已忘記不知有多久以前已是如此 ! 所以一直以來其實我都覺得好辛苦 , 感到很傷心難過 !
昨晚我所受的不僅是 " 第一次 " 的皮肉之苦 , 弄得遍體鱗傷 ! 但我已不記得究竟有多痛了 . 因為我知道就算再痛 , 都不夠個心咁痛 ...
我知道媽媽 , 妹妹也是如此 . 正因為咁 , 無論我有多想離開這個家 , 離開他 , 或自行了結自己的生命 , 我都不會這麼做 , 因為我知道這樣只會令媽媽 , 妹妹 , 樂樂 , 姐姐 , 和其他所有愛我的人更加傷心難過 ! 所以我只好繼續委曲求全 !
我唔知道我可以忍受到何年何月何日 , 我唔知道媽媽佢地會唔會真正知道我究竟有幾傷心難過 . 我亦唔知道佢地有冇為我而想過 . 姐姐有阿龍 , 妹妹有達達 , 咁我呢 ? 我有什麼呀 ? 除了我的好朋友和神之外 , 試問我還有什麼 ? 我知道我唔可能咁貪心 , 或者我真的不應該這麼貪心吧 ! 但我真正需要的是什麼他們應該知道的 , 他們是知道的 !
我由細到大一直以來都只有一個心願 , 就是想盡心盡力咁 , 用盡我所有的力量咁好好地照顧身邊所有的人 , 特別是我的屋企人 ! 很想他們有好的生活 . 但經過昨晚之後 , 我想我不行了 ! 由昨晚開始至今 , 日記不停地寫 , 眼淚不停地流 , 從沒間斷 ! 我唔知道我為何可以有這麼多的眼淚 , 我亦有克制自己不想再這樣流眼淚 , 但仍是不行呀 ! 我不知道眼淚為何還是不斷的向下流 ...
整晚都躲在被窩裡面 , 雖然係焗 , 但是就算會被焗死 , 我仍是喜歡這樣躲在被窩裡面 , 因為這樣才能夠找尋得到我一直渴望已久的 " 寧靜 " !
一整晚 , 除了不停地哭 , 我也有不停地自我反省和不停地思考 . 腦海從來沒有停止過 , 心也從來都沒有停頓過 , 一直在想 , 直到某一刻 , 心變得透徹起來 , 好像是有了結果似的 . 我想我可能不能再保(守)護媽媽佢地了 !
我想我在往後的日子裡面或許真的不能再保(守)護他們了 ...
因為我沒有力量了 , 因為我感到真的很累了 !
一直以來我從來都好少想著自己 , 好少為自己打算 , 自己的生與死 , 開心與否都覺得冇咩所謂 , 不是最重要 . 心只是一直想著媽媽佢地 , 想著他們開心嗎 ? 生活過得好嗎 ? 或是想著怎樣才能令他們有好的生活 ! 心裡一直在想 , 每天一直在想 ...
但這樣真的令人疲憊不堪呢 !
特別是經過昨晚 ... 我覺得我再已不能夠好好咁保(守)護他們了 ! 我覺得我可能不能夠好好咁保(守)護他們了 !
因為我已感到真的很累很累 ......
因為我已沒有信心可以做到 ......
因為我已支撐不了下去 ..............
真對不起 ..................

P.S.
(1) 可以讓我真正好好的休息嗎 ?
(2) 可以話我知往後的日子我可以怎樣做嗎 ? 我究竟應該怎樣做先至可以令你們不會再受傷害 ?
(3) 可以原諒我嗎 ? 若果有日我真的不能夠再保(守)護你們的時候 , 可以原諒我嗎 ?

>>May 30, 2006 at 8:11:53 AM GMT+8

2006 年 5 月 28 日 星期日 【微冷】

唔想食藥 , 討厭食藥 , 討厭討厭討厭呀 ! ! ! ! ! ! ! ! ! ! > . <

>>May 28, 2006 at 6:11:23 PM GMT+8

2006 年 5 月 27 日 星期六 【微冷】

病左 ~ @@ 呢幾日都病到七彩咁 ... 今日先至好番少少 v.v 今日發生左一 d 事 ... 遲些再說吧 !

P.S. To: Peggy) Peggy , 唔係呀 ~ 你都唔係唔知道我電腦 + 上網個度壞壞地架啦 ~ 加上我呢幾日又病左 , 所以我近排真的好少好少上網呢 ! so 你先至好少見到我 jei ^^ 不過想見我又唔使係度 book 時間o既 ^^ 只要係 Peggy 你叫o既 , 我飛過o黎搵你都冇所謂啦 ~! hehe ... :)

>>May 28, 2006 at 11:47:47 AM GMT+8