2003 年 4 月 17 日 星期四 【晴】

今日呀..... 過得好平淡咁囉~~ 冇咩特別..... 少少開心啦!! 因為我終於都有番心機繼續讀書喇~~ ^^ 之前好懶散呀.... >.< 考完試之後原本好想去玩下架, 但係又..... 冇人陪我喎~~ 所以自己不禁有d 失望同埋悶, 終日無所事事咁~ 原來有時輕鬆咁讀下書, 真係會令到生活充實d 架~~ 今日我溫左少少 MS , 同埋幫樂樂佢溫書, 平凡得來都幾開心 ^v^ 夜晚聽到新聞, 得知我個憧樓都不幸 "中招" .....但係又未知道係邊層, 好驚呀~~~~ 不過我最擔心都係其他人!! 有好多好多的朋友, 我都好耐好耐冇見佢地喇, 唔知道佢地點呢? 好擔心呀! 老天爺爺呀, 你一定要保佑佢地呀~~ 唔好俾佢地有事呀~~ 'o'
**************
0係呢度我都祝願所有既人會平安無事, 可以健康快樂咁生活 !!
**************
P.S.唔知道點解....... 越來越鐘意......." 傻妹妹 " 呢個名 la *v*

>>April 18, 2003 at 4:40:47 PM GMT+8

2003 年 4 月 16 日 星期三 【晴】

哈哈~~~~ 今日好開心呀.... 因為我終於有街街去喇.... 係同屋企人去既 !! 首先我陪媽媽佢去左拜叔公同埋公公, 之後就去左食齋呀... 哈哈~~ 幾好味架~~ 可能係因為同我心愛既媽媽去啦 ^^ 我原本唔係咁想去架~~ 因為琴晚幫表妹佢整野, 搞到成4點先有得訓, 今朝一早又起左身~~ 好 "支力" 呀!! 不過媽媽佢好好好開心呀.... 哈哈!~~ 因為有佢最愛既囡囡陪佢喎.... ^v< 我仲同左媽媽佢去食早餐~~ 哈哈!! 見到媽媽佢咁開心, 辛苦d 都抵啦 ^^ 其實媽媽佢都好辛苦喇.. 因為我之前要考試, 令到媽媽好耐都冇得去街街玩, 仲要成日照顧我呢個刁蠻女..... >.< 之後下午同妹妹去左行街街, 其實主要係想買手錶錶既.... 因為我好想要呀~~ 'o' 哈哈, 最後真係成功買左呀.... 好野呀!! 好開心呀.... 好靚同埋好得意架~~~~ *v* 呢份係媽媽佢送俾我0既生日禮物呀..... 好貴重哩 !! 不過我會好好咁珍惜架~~ 仲要鍚晒媽媽~~ { 媽媽, "妹妹" 真係好多謝您呀 !! ^v< }

>>April 17, 2003 at 5:19:39 PM GMT+8

2003 年 4 月 15 日 星期二 【晴】

之後出左去旺角幫我妹妹買野, 點知...... 去到竟然先知道個間鋪位未開門..... -.- 唉..... 真係..... { 連我自己都唔知道想講咩喇..... } 不過..... 哈哈~~~ 我都話左老天爺爺係會眷顧我架啦~~ ^v^ 我打左俾一位好耐都冇見的老朋友, 原本諗住訴下苦既.... 點知道佢竟然話好耐冇見&掛住我.... 所以想出黎陪我喎..... 我聽到之後好好好開心呀~~~~ 多謝您呀!!! 我好耐都冇試過咁開心喇~~ 我唔單至幫到我妹妹佢買野, 仲買左好多野俾自己呀~~ 哈哈~~ 全部都好靚架.... 都係我既 " 心頭好 " ~~ 所以哩..... 真係好開心架~~ *v* 今日真係收穫豐富呀 !! 買到咁多野, 又有得行街街, 仲見到我呢位好朋友..... ^^ 但係我就好內疚喇.... 對唔住呀 !! >.< 原來我呢位朋友佢剛剛整親佢既舊患.....傷左呀.... 0岩0岩先敷好藥.... 就要即刻趕出黎.... 之後佢都頂唔住, 結果我就陪左佢去睇跌打喇~~ 見到佢咁痛, 咁辛苦..... 我真係好心痛架~~ >.< 我每次問佢 :{ 點呀? 你痛唔痛呀 ? } 佢都會忍住咁答我 :{ ....唔痛唔痛.... 你放心啦.... 我冇事既.... } 但係傷成咁.... 又點會唔痛喎~~ 我知道你係為我好, 唔想我擔心~~ 但係我見到你舉步維艱咁既樣..... 你教我點樣可以唔心痛呀 ? >.< 除左問候你.... 扶住你, 幫你拿東西, 我就冇野可以幫到你喇..... 如果可以的話, 我寧願傷果個係我呀.... 我都唔忍心見到你咁辛苦呀~~~ 對唔住呀.... 不過我想衷心咁同你講句 {多謝} ！！我一直都知道你好關心&擔心我架~~ 經過今次之後, 我會比以前更加珍惜您架~~ ^v^ 加油努力呀~~ 你要俾d 心機考埋其他既試呀~~ 我會一直幫你打氣同埋祈禱架 !! ^v<

***************
話個秘密俾你地知呀~~ 其實我好鐘意影相相架~~ ^v< 所以一直都好想好想買數碼相機呀..... 好唔好買呢 ? 'o'

>>April 16, 2003 at 6:08:04 PM GMT+8

2003 年 4 月 15 日 星期二 【晴】

今日精神唔係咁好喇~~ 唔知道係唔係因為太緊張呢 ? 我琴晚成晚都訓唔到呀, 眼光光咁, 搞到今朝無奈咁起番身囉~~ -.- 點知道...... 竟然盪失路 !! 個間都唔知道咩中學黎架~~~ 有冇搞錯呀? 咁偏僻都有既 ? 真係激死我喇 !! 激到我 " 生蝦咁跳 " ~~ 地圖都唔知道有冇呃我架~~ 又話咩 " 根德里道 " 喎~~ 佢同埋地鐵站出口都標明住話 B2 出口架嘛~~ 呃人既 >.< 真係嚇到我死呀, 心都離埋~~ 問人人地都唔知道啦~~ 何況係我~~ 唔通真係蝦我 " 人生路不熟 " ? 個時咁既情況連搭的士都冇用啦~~ 不過好彩最後唔知道點解我胡里胡塗..... 亂踫亂撞咁就突然間到左喎..... 'o' 唔知道係唔係...... 老天爺爺佢一直都眷顧我呢 ? 哈哈~ 我諗一定係 jei..... ^v<

********
之後冇幾耐就考完試..... 我有一條唔識呀...... 結果成條都冇做到, 眼白白咁睇住人地收左我份卷 !!好慘呀!!!! 嗚嗚的~~~~ 連監考官都玩我既~~ 3個實驗中有兩個實驗我都係有零件壞左架~~ 仲要係做做下先發覺, 我點解會咁黑仔架 >.< 而我舉手佢地又好遲先見到我~~ 咁都算啦~ 佢地仲衰到係度拖延我的時間, 竟然要我解釋俾佢地聽邊度壞左喎..... 我講左幾百次喇.... 佢地先明白.... 先肯去幫我換..... -.- 都遲晒啦..... 激死我喇~~~~ @.@

>>April 16, 2003 at 5:38:10 PM GMT+8

2003 年 4 月 14 日 星期一 【陰】

今日心情唔好, 因為雖然我未完全考晒試, 但係已經考完 AL lu, 之前實在太辛苦, 所以諗住放自己假去玩下, 輕鬆下架嘛~ 點知又冇街街去喎..... 好失望, 仲好好好悶 tim ar !! >.< 今晚心情好緊張呀~~ 因為聽日又要考試喇~~ 考phy 既 practical 呀~~ 講真架~ 我冇呃你地架, 我真係好驚架~ 連考mock 個時, 我都已經手震啦~ 何況係.... AL 喎.... 點算好呀? 好驚呀~~ 唔知道聽日會點呢? -o-

********
主啊 ~~ 你要守護我呀 !! '0'

>>April 16, 2003 at 5:17:03 PM GMT+8

2003 年 4 月 13 日 星期日 【雨】

............[今日過得好平凡, 但係原來唔係一定 "平凡是福" 架~~~~ 原本都幾開心.... 不過之後......] 今朝為左健康&皮膚著想, 早左起身, 我諗住想KEEP 住以後都 "早睡早起" 嘛~~ 心情幾好~ 因為哩... 哈哈~~` 我著左媽媽買俾我既靚靚夏季睡衣, 係新架~~ 真係好靚, 因為成套都係 "藍色" , 我好鐘意哩~~ ^^ 著左之後就好似好有朝氣咁~~ 我的摯愛---即係樂樂呀....佢.... 哈哈.... 佢見到我之後仲即刻作左副對聯呀.....咩.... { 西施靚女美少女, 東施醜女噴水池 } 哈哈!! 真係笑到我眼淚水都標埋~~ ^v< 你地一定問咩係 "噴水池" 呢..... 件事既始末係咁既, 我妹妹佢近日因為想方便溫書, 將頭頂的一小節頭髮扎起左, 向上豎起, 咪變成好似個 "噴水池" 咁囉~~ 激到我妹妹佢 "生蝦咁跳" 呀~~~ 但係又因為實在太好笑, 搞到佢都 "哭笑不得" 呀~~ ^^ 呢個樂樂呀... 成日都"乙水"我開心0既....雖然我知道佢只不過係"乙水"我.....唔係事實....但係我都已經好開心喇~~ 佢呀... 雖然年紀小小, 但係真係好識"乙水"人架~~ 所以我同佢的感情係最好~~ 難怪我一直都咁疼鍚佢0既 !! ^v^

*******************
到左晚上, 心情變得好矛盾...........我而家終於明白咩叫 " 平凡中見不平凡" & " 開心中見其不開心之處 " ~~~ 就好似我越開心, 就越難遮掩我的傷心~~~ 我個心越係平靜, 我就會越覺得不安, 越驚咁~~ 今日我d 朋友佢地好多人都考完試, 我本身應該好開心架, 但係唔知道點解我好似仲更加..... 之前我好想快d 可以考晒試, 因為我覺得真係好辛苦, 好難捱 !! 但係到而家我突然間好唔想咁快考完試呀........因為之前無論點辛苦, 都係因為讀書 jei, 生活會仲充實, 唔使諗咁多野~ 但係而家..... 我真係覺得好煩呀..... 我個心入面就好似有好多好多好多個問號咁, 好多既疑惑 !! 唔通我係度逃避緊一d 野.....? 係咩呢? 我唔想知, 亦唔想諗~ 我唔知道自己究竟想唔想解開呢個心結, 我剩係知道呢一刻既我想既係.....每日都用大被蓋住自己 !!!

>>April 14, 2003 at 5:55:11 PM GMT+8

2003 年 4 月 12 日 星期六 【晴】

我今日一早起身磅重, 嘩............. 真係嚇死我喇~~~ 我簡直唔相信眼前所見到既野.... 我竟然得..... ? 磅...... 其實我一早就預料到自己瘦左架喇, 不過真係完全冇諗過瘦左咁多..... 我突然先發現自己近呢兩年身體真係差左好多呀~~~ 仲記得以前會考個時, 我瘦左"8"磅.... 考會考之前我都幾標準幾FIT 架~~~ 可惜之後突然間瘦左"8"磅..... 個時都幾傷心架..... 而家..... 而家考完AL , 我竟然仲瘦左........ " ~10 " 磅......... 係接近10磅..... " 10 " 磅 呀~~~~~ >.< 真係激死我喇~~~~~ 點算好呀? 我已經好努力架喇~~~ 但係都肥唔到呀~~~~~~~~ 所以決定今日開始努力增肥, 我要向..... " 98 " 進發.....您地要幫我呀~~~ 得閒就多d 約我去街食野........如果你地諗到有咩辦法, 就話俾我聽啦~~` ^v^

>>April 13, 2003 at 8:53:23 AM GMT+8

2003 年 4 月 11 日 星期五 【晴】

今日我終於申請左呢個日記喇 , 好開心呀~~~ 因為我呢個人好長氣哩 ! 所以最0岩就係寫日記, 以免我的朋友耳仔受罪啦~~~ 要佢地成日聽我訴苦.... >.< 雖然我知道佢地係好樂意~~ 因為佢地個個都好疼鍚我嘛~~ ^v< 開到呢個日記 , 首先要多謝既就係一直都0係我身邊好關心我,同埋默默咁支持我既君君喇.... 因為全靠佢, 我先可以有呢個日記咋~~ 多謝您呀 !! 另外我要多謝欣欣, 我知道佢係好關心我的健康架, 我之前仲擔心佢會唔記得左我~ 但係原來唔會架~ 從佢的日記, 我就知道喇~~ ^v^ 欣欣, 多謝您呀~~ 係你令到我明白---真正知心的朋友, 並唔一定會成日都可以見到面, 或者未必成日可以傾到計.... 但係只要大家都真心咁待對方, 真正咁關心對方, 就算係架喇~ ^^ 當然我都會盡量咁抽多D時間陪你地0既~~ 另外, 我想多謝既係Angel....因為琴日我見到佢個時, 佢好開心咁同我講 :{ 哎呀 ! 好開心呀, 你帶左我送俾你果條頸鏈呀~~~ 好靚呀~~ ^^ } 哈哈~~ 你可能唔知道啦.... 亦可以已經唔記得啦.... 因為呢D係好小0既事....但係思朗朗想同你講.... 其實唔係架 ! 呢D 0係其他人心目中可能係微不足道的事 , 但係對於我黎講, 就係一D好重要既事, 因為咁係代表你地有留意我,關心我嘛~~ ^v^ 所以我好開心架~~~ 仲有要多謝比比, 因為我琴日好隨意咁講左一句 :{ 我唔識去個間學校呀~~ >.< } 之後你就話得閒幫我去網查下, 點知道竟然0係當日的晚上, 你就即係打俾思朗朗話查到喇..... 你知道嗎? 當時我真係覺得又意外又開心呢!! 好多謝您地呀~~ 原來0係我的生活鎖事中, 有好多都係圍繞您地 (魔女之聲)---即係我地五姊妹架~~ ^v< 多謝您地走入我的生活裡呀~~ 最後我當然仲要多謝你---一位成日都陪我傾icq 的好好朋友啦~~ 多謝您呀~~~ 我琴晚好唔開心.... 如果唔係有你, 我都唔知道會點呀~~ ^v^ 而呢個亦都係我咁心急想申請日記的原因, 因為我琴晚好唔開心, 但係唔想煩你地, 所以咪想寫日記囉~~ 而家終於夢想成真啦 !!

>>April 12, 2003 at 3:46:47 PM GMT+8

2003 年 4 月 10 日 星期四 【陰】

今日我好唔開心呀~ 所以就覺得個天好似昏昏沉沉咁~~~ >.< 其實都唔係話今日先係唔開心lu.... 只可以話今日先突然間爆發出黎啦~~~ 事情的始末係咁既.... 係好耐好耐之前(耐到連自己都已經唔記得左究竟有幾耐lu.....), 我同我daddy 佢鬧左交, 個次鬧得都幾僵架~~~ 可能係因為我daddy 佢既大男人主義既性格啦~~~ 成日都覺得佢係"一家之主"..... 就斷定有強權冇公理咁.... 任何時候都係有佢講,就冇人講~ 所以就搞到我地個個都好無奈....我就係因為唔想佢咁, 其實我一直都好想可以有一個好溫暖好溫馨的家庭架~~ 我知道我有必要/有責任做一D野....所以我0係某D時候係唔會向佢妥協, 因為佢而家已經越來越專制...如果我地全家都就晒佢....咁佢就會覺得個個都怕左佢, 會令到佢變得不可一世咁... 其實一家人相處最緊要就係互相遷就嘛~~~ 所以有時我可能會逆佢意, 唔會完全地聽佢話~ 我一方面就尊重佢, 同時地我就會同佢平心靜氣咁講道理, 但係可能我同佢真係前世LO亂骨頭啦....佢好易就會大發雷霆~~~ -.- 之前發生左一件事.... 令到我同佢變得好似陌路人咁... 從來都冇講過任何一句說話..... 佢今晚就借我家姐過橋..... 想我幫佢燒碟~~ 因為佢應承左佢個死黨幫佢整~~~ 佢好要面子.... 我唔想佢0係人地面前落面子, 所以我就幫佢整~ 我係心甘情願幫佢架 ~~ 因為我知道只要我幫到佢, 佢就一定會好開心~ 我剩係想我身邊的人開心咋~~ 整野中途有少少的阻滯, 不過我都係好快就幫佢搞掂架~~~ 佢由頭到尾都冇講過要我幾時整好架~~ 係佢死黨自己誤會左, 結果我DADDY 佢就好惡咁鬧我..... 我真係好想同佢講 :{有冇搞錯呀~~ 你當初又冇講清楚, 我為左幫你整野, 已經冇食晚飯&睇電視.... 你究竟知唔知道我身體真係好差架~~ 我一直都病緊... 近日都係.... 我藥都未得閒食呀~~ 就係為左幫你咋.... 我都冇做錯.... 你點解次次都要0係度無理取鬧咁鬧我喎~~~ 況且果個係你死黨咋.... 但係我就係你個"女" 呀~~~ 你唔關心我唔緊要~~ 但係你可唔可以搵一次諗下我的感受呀~~~ 一次咁多呀? 得唔得呀? >.< } 我今次冇再嬲佢喇.... 畢竟佢係我DADDY , 我點可以嬲佢呢? 嬲佢都冇用啦~~ 亦可能以後都唔會再嬲佢.... 我今次真係徹底的 "心淡" ..... 其實我只不過係想一家人生活得開開心心咋..... >.<

>>April 13, 2003 at 8:21:24 AM GMT+8