2006 年 2 月 13 日 星期一 【炎熱】

~ Happy Valentine's Day ~
~~~ 情人節快樂 ~~~
~~~~ ^^ ~~~~

********************************

無論係有冇情人都好, 我都祝大家可以度過一個開開心心o既情人節 !

********************************

雖然天工不造美, 要俾雨淋, 但係今日都過左一個簡簡單單但開心o既日子 ~
今日大家都好開心好興高采烈咁交換左好多好多朱古力食, 哈哈 ~
食左好多朱古力, 但係我發現原來最最最好味o既朱古力係親手整個 d 呀 ~ ' ' ~
我係一個唔係太鐘意食朱古力o既女仔, 特別係唔好太甜個 d, 但今日開始
竟然慢慢愛上左食親手整個 d 朱古力 ! ! 表面望落去好普通, 好似不太吸引
似的, 但原來放入口先感覺到入口即溶, 好軟好軟個種感覺, 真係好正呀 ! >v<
哈哈 ~ 等我遲 d 有時間又試下整先 ~^^~

現在要去覺覺豬 lu ~ 聽日要覆診 ..............................
唔知點呢 .........................
早抖啦 ~~~ 朋友們 !

P.S. 1) 謝謝 Nancy 今日o既來電, 同埋 Amy & 金金呀 ! 同你地一齊食 tea
係我番學o既日子入面最最最開心o既時候呢 ~~~ 今日唔知點解
突然同你地傾左咁多咁多計 & 秘密 ~ ' ' ~ 哈 ~ 不過真係好開心 ~
thank you 你地呀 ! ! >v<
2) 今日傾開計先知原來 michael 佢今個 sem 都有住 hall 喎 ~ ' ' ~ 哈 !
真好呀 ~ 咁以後 gathering o既時候如果真係打邊爐o既話, 又可以
有多一個地方啦 ! ! 現在總共有 4 個住 hall, Bryan, 媽媽 ( Kennis ),
kahoo, 同埋 michael ~ hehe ... 開心 ~ :)

>>February 14, 2006 at 7:04:40 PM GMT+8

2006 年 2 月 11 日 星期六 【微冷】

o岩o岩洗完頭, 而家又未訓得住, 要等個頭乾左先得, 加上現在又冇人o係我附近,
最好又係比我打下日記o既時候 lu ~ ^v<
今日感覺都唔錯 ^^ 因為終於可以唔使食藥住 lu ^^ 好似好番 d d lu ~~~ 希望感覺
冇錯啦 ~ 嘻嘻 ~ 琴晚訓得都幾好呀 ~ 可能因為太支力啦 ~ 同 d fd fd 食完飯番到
屋企都 ok 夜 lu ~ 不過都幾開心 ^^ 所以訓得幾好呀 ~ 至少冇發惡夢呀 ... 希望之
後都可以咁啦 ... 唔好再發惡夢就好 lu ... ><
今日做左少少功課 only ... 唔得 ! 我一定一定要努力呀 ! ~ ' ' ~ 而大部份o既時間都
係係度整電腦 ........ 唉 ~ 整到我一頭煙咁 @@ 搞左好耐 ~~ 之後發覺原來屋企都
真係幾亂 ... d 野堆積如山 ... 好似隨時會 "山泥傾瀉" 咁 ... 真係好想好想可以整理
一下 d 野 ... 唔知幾時先會有咁o既時間呢 ?? @@"
至於夜晚, 同屋企人一齊出左去打邊爐, 哈 ~ 真好 ~ 佢地唔使我煮飯 ... 嘻嘻 ^^
好搞笑 ... 樂樂 ( 我細佬 ) 突然話要比賽, 鬥快食野 @@ 哈哈, 我地幾個唔知做咩
陪佢一齊癲 ~ 真係玩 ~ 由我同樂樂一隊 vs 妹妹同爸爸 ~ 樂樂佢仲要係 choose 左
食肉類 ... 而佢地就食齋 ... 我爸爸佢好勁架 ... 而樂樂佢又得個十歲 ... 點鬥呀 ??
哈哈 ~ 但係樂樂佢真係好鬼可愛同老積架 >v< 佢話未鬥過又點知邊個贏喎 ... 可能
會有奇蹟出現呢 ? 冇錯 ~ 我地要有體育精神, 有好多野都係志在參與, 唔使分輸贏,
只要大家有努力過, 爭取過, 咪得囉 ~^^ ~ 就算輸 ... 我地都要輸得好好睇睇架 ...
樂樂仲話, 二姐姐, 你要加油呀 ~ 我支持你呀 ^^ 就等你呢個大胃王加埋我呢個小胃王
兩姊弟一齊拍住上, 俾 d 厲害佢地睇下啦 ~ 哈哈 ~ 真係好搞笑 >v<
原來呢個世界真係有奇蹟架 ~~~ 幾經努力, 我地兩個真係戰勝左呀 ! ~ ' ' ~ 哈哈 ~
直到最後一刻佢地兩個先知道我地竟然贏左 ... 仲話歎為觀止 ! ! 哈哈 ^^ ( 諗番起都
覺得好恐怖呢 ~ 因為我地個口真係完全冇停過, 點可以咁架 ............ @@" )

P.S. 係咪呀 ? ^v< 我都講過啦 ~ 只要肯努力, 奇蹟係有可能會發生架 ! ! 哈 ~ 朋友們,
我地就一齊繼續努力啦 ~ :)

>>February 12, 2006 at 5:32:50 PM GMT+8

2006 年 2 月 10 日 星期五 【炎熱】

哈哈 ~ 現在終於可以打呢篇日記 lu ~~~ 之前一直都唔敢打,
亦都好小心咁留意要隻字不提, 原因只得一個, 咪就係怕 Amy
睇我o既日記時會見到囉 ~ ^v<

今日好正呀 ! ! 係 Amy o既大日子, 因為佢都準備左幾耐, 就係
為左今晚果個表演呢 ~! ^^ 我地好鬼正呀 ! 成班 fd 一齊去捧場呀 !
肥偉同 michael 佢地仲咩咩 tim ar ~ 哈哈 ~ 呢樣都係唔講好 d,
我怕佢地會嬲左我 ma ^v< 不過佢地真係幾有義氣, 願意抽時間
黎捧 Amy 場, good good 呀 ! ! ~^^~

之前 Amy 一直都唔知道我會去架 ~ 因為佢問左我好多次, 我都
好似冇咩點出聲咁, 佢起初好似有 d 失望 ~ 之後星期四晚佢發現
連飛都賣晒 ... 結果星期五上堂個時佢一見到我就好灰咁同我講
話我幫唔到你買飛呀, 因為賣晒 lu ... 我特登冇咩點回應佢 ~
哈哈 ~ 其實我一早就秘密咁買左飛啦 ~! hehe ...

今日下午o係屋企整電腦 ... 整左好耐 ... @@ 之後好快好快咁飛
左入去洗白白, and then 一枝箭咁衝左出門口 lu ~~~
今次係第二次入黎屯門, 第一次係上次 sherry 洗禮個次 ... 我突然
間發覺原來我好開心同好唔開心o既事情都係咁橋o係屯門發生 ~
我都唔知應該話呢個地方旺我呀定係咩我好 ... @@"
上次開心係因為可以去觀禮, 對於一個基督徒來說, 一生中最幸福
o既會係兩件事, 一係結婚, 二就係洗禮 ~ o係咁重要同開心o既時刻,
我好想同好榮幸可以去與她同在, 做個見證 ~ sherry 佢好開心, 所以
我都好開心 ! ! 不過個時就係病得最辛苦o既一次 ~~
至於今次 ... 唉 ~ 仲衰 ... 先講唔開心o既事情, 就係 ... 搭地鐵個時
遇到個 ... 咸濕佬 or 色狼 ................... @@ 真係 ....... 唉 ~ 我都唔知
講咩好喇 ~ 只想講o既係 ... 我真係好驚呀 > . < 當時都唔知點好 ...
我避來避去都避唔到, 最好當然係即刻落車啦, 但係我又趕時間喎 ...
唔想遲到 ... 所以咩都冇諗, 個心只係不停咁諗住 ... 快 d 到美孚站
就好啦 ! ! >< 等左好耐 ... 好耐 ... 好耐 ... 之後 ... 終於到左美孚站啦 ! !
我諗都唔諗一枝箭咁標左出去, 好彩果個變態佬冇跟埋出黎咋 ......
嗚嗚的 ~~~ 之前試過一次係搭火車, 個變態佬真係跟埋我出黎, 我上車
佢上車, 我落車佢又落車, 我停係度唔行, 佢又係咁, 差 d 仲跟埋我番
屋企 ............... 嚇死我啦 .......... > . < 好彩今次唔係咋 ....... 嗚嗚的 ~
點解我會咁黑仔咁唔好彩架 ! ! >< 起初諗住冇事啦 ..... 點知仲要黑仔
到比人點錯我搭車 ........... 真係激死我啦 ! 原本我o係美孚站落車轉西
鐵咪o岩o既 ......... 點知自己驚得滯, 個腦突然一片空白, 諗唔到野, 唔
記得左上次黎個時係要o係出左地鐵站閘口, 之後於某個出口先再行去
轉乘西鐵 .......... 我一心以為好似搭東涌線咁 ... 落左地鐵過對面 or 有 d
指示牌會寫住去某個月台可以轉乘等等 .......... 點知原來唔係 ....... 以為
自己落錯站 ......... 咁咪唯有問人囉 ........ 點知咁o岩又問著個人原來唔
識o既 or get 錯左我意思 ..... 竟然同我講話我落錯站, 你要o係呢度搭地鐵
多一個站, 去到荔景, 先有得轉西鐵咁 ~ @@" 我都覺得奇怪架啦 ... 我識
字架嘛 ... 明明之前一早睇好地鐵入面個 d 路線牌寫住話美孚有條線係
接駁去西鐵架嘛 ...... 同佢講 .... 佢又話唔係 .... 叫我信佢 ... o岩架啦咁 ....
唉 ~ 咁我咪唯有上車囉 ~ 之後打比 sherry 同阿寶, 諗住同佢地訴苦&叫佢
地自己去先, 唔使理我, 因為自己已經冇咩心機, 都唔知仲去唔去好 @@
佢地聽到之後都嚇左一跳, 結果o係西鐵站等我, 搵埋我一齊有伴搭車,
唔使我自己一個 ~ >< thank you 你地呀 ~ >< 佢地知道我驚 ... 所以沿途一直
都 hold 住個電話一路行一路同我傾住, 直到大家會合為止 ~! @@"

唉 ~ 幾經辛苦終於都去到我地o既目的地 ~ 結果都係遲左 d ~ ( 都唔知點解
去個屯門都要咁多波折 ......... 如果下次仲要入去屯門, 我一定一定唔會再
自己一個人去架 ! ! )

跟住講番 d 開心野先 ^^ 未入場之前我地一直都諗緊我點樣入去會最唔顯眼,
唔怕俾 Amy 見到呢 ~ 哈哈 ~ 阿寶好搞笑呀 ~ 佢話叫我拎 d 野遮住自己 or 學
之前o係 city canteen 見到果個人咁用人地拎黎扮卡通人物果 d 公仔頭戴落
自己個頭度, 咁人地咪唔知道我係邊個囉 ~ 哈 ~ 我就話 ... 人地可能唔知道
我係邊個, 但係我就好肯定全場人都一定會個個都望住我囉 @@" 哈哈 ~ 之後
我地三個係度傻笑 ~ >v< 到入場啦 ... 我諗住背向台行, 而佢地就幫我遮遮掩掩,
搞到我好似做賊咁 ..... 之後好 "魚" 呀 >< 因為我背向台, 咩都睇唔到, 突然有人
拍拍我扯扯我衫袖 ... 我就細細聲話 ... 做咩呀, 唔好叫我啦 ..... 佢繼續係咁,
我再講 ... 都話唔好叫我咯 ~~ 我以為係 sherry ....... 點知 ....... 哈哈 ~ 原來係
果度帶位個 d 人 ........... 嗚嗚的 ~~~ 好 "魚" 呀 ! ! >< 阿寶見到不停係度笑 ........

到左中場休息個時, 我地就 join 埋肥偉, michael, 阿湯佢地去後台搵 Amy 喇 ~~~
嘩哈哈 ~~~ 佢見到我地真係好好好開心呀 ! ! 見到我仲好意外 tim ........ 哈 ~
我係佢地o既神秘嘉賓 ~ ^^ ~ 睇黎今次我地為佢而準備o既 surprise ...... 佢好似
幾鐘意咁喎 ~^^~ 哈哈 ~ 我地個個都好開心 ^^ 咩都抵番 lu ^v< 之後我地一齊獻花
同埋影左幾張相相, 就放番 Amy 比佢入去準備下半場 lu ~~~ ^^

跟住好快就完場 lu ~~~ 起初以為可能會比較悶, 點知原來都 ok 喎 ~ ' ' ~ 唔錯唔錯 ~
雖然我唔係幾識聽 ......... 不過都幾鐘意流行曲+中樂果 part ~~ 因為我覺得都幾好聽
同埋好有新鮮感呀 ~~~ 幾得意 ~~~ 哈哈 ~ 唔錯唔錯 ... ^^
完場之後我地一齊去左食野 ~ 嘩 ........ 好肚餓呀真係 ..... @@ 我成日都好似冇咩點
食過野 ~~~ 所以肥偉佢帶左我地去 <大姆指> 食野 ~^^~ 哈 ~ 呢間 d 野食都 ok 架 ~
不過太大碟, 我一個人食唔晒呢 ~ 而我最鐘意o既都係個杯熱朱古力 ! ! 哈哈 ~ 好
好味呀 >v< 搞到我不停飲, 唔願放低個杯咁呢 ^^ 結果好似飲晒咁滯 ....... 好飽飽呀 !

之後番到屋企就訓覺覺豬 lu ~ >v< ~ 今晚好支力哩 ... 不過都幾開心 ! ! :)

>>February 15, 2006 at 12:23:08 PM GMT+8

2006 年 2 月 9 日 星期四 【陰晴不定】

9/2/2006

今天沒有什麼東西寫, 但總有一點點令我感動的事情想寫吧 !
今天早了些少回校霸位, 幸好不負所望, 做到了~
可惜的是時間不夠, 做到了此事, 但卻做不到另外一件事,
就是食藥吧 ~
因為我要用暖水食藥的, 所以一定要去 canteen 拿暖水先可以食藥,
時間不夠, 結果沒有吃藥 ~
之後直落去到 4:30 先落堂 ~
突然覺得阿金好勁, 而自己就 ... 好水皮 ~
因為我只是沒有吃藥和食物罷了, 但就已經覺得頭暈眼花,
連所看到的東西都是模糊一片 ~ 很差勁 !
阿金佢平時成日都好似練仙咁, 竟然可以整天都不用吃東西,
但也可以保持精神弈弈的樣子 ! 平日的我經常都會很擔心她這樣長此下去
是不行的 ! 直到今天先知道原來我是沒有資格去擔心他人的, 因為我就連
自己都顧唔到 ... 開始有點兒討厭自己 !
其實食藥是有副作用的, 所以醫生都說真的感到身體不適先好食, 只要
忍得到的都最好不吃 ! 我也很想可以做到這點, 我也很想不吃藥, 可惜的是
我真的真的經常都感到很不舒服, 那我又可以怎樣呢 ?
就好似今日咁, 我在出門口或上堂前有意無意的不吃藥, 結果即刻有反應,
覺得辛苦, 上完晒堂之後仲 ... 原來我真的不能不吃藥, 就連怠慢了少許也不能夠 !
結果還是立刻飛去 canteen 拿暖水去食藥 ~

唯一令我開心的是得到很多很多人的關心和慰問 ! !
好似 sherry 咁 ... 真的令到我好開心 !
她是唯一一個真真正正令我感受到她一直都是默默咁支持我的好好好朋友和好姊妹 ! !
因為她不但會經常性的慰問我, 著緊我, 看我的日記, 還會真的記著我很多的事情,
很上心 ! 謝謝你 ...
現在回想起今天她一見到我時就即刻問我琴晚是否又發燒了, 現在好了一點沒有,
也會微笑 ............ :)

至於其他好朋友, 哈 ~ 我當然唔係話佢地唔關心我啦 ~ 只是佢地會比較主動熱情, 不是
暗地裡罷了 ~ ^^ ~ 阿金就不用多說啦 ~ 而 Amy 佢也是呀 ! 哈哈 ~ 雖然佢呢幾個星期都
真係幾忙下, 忙著表演呢 ~ 但都不忙慰問我呢 ~^^~ hehe ... 開心死 ~ 佢叫我盡可能都抽
少許時間來休息一下, 不要捱壞自己身體 ! 哈 ~ 知道 ^^

P.S. 1) 係度預祝 Amy 星期六 good show 呀 ! ! ! ( 這是她想做到的事 )
2) 今日唔小心 ... 整斷左條鍊 ... 唔開心 ... > . <

>>February 9, 2006 at 5:33:19 PM GMT+8

2006 年 2 月 7 日 星期二 【陰晴不定】

激氣 ~ 真激氣 ~ 但又偏偏無可奈何 ...............

***********************************

琴晚已經覺得有點兒辛苦了, 感到很累很累 ! 立刻去休息 ~
明明感到身體有點兒不妥, 以為只是自己敏感罷了 ~
怎知道原來真的是 ...............

一秒前十分精神, 完全沒有任何跡象 ~ 一秒後怎會變得如此 ...
覺得真的很可怕 !

琴晚好像剛剛睡著了沒多久, 就突然驚醒了 ~ 係凍醒左 ...
之後又有少許抽搐, 雖然沒有上次那般可怕, 但也感到一點點
的辛苦和疲累 ! 繼而又是發燒了 ...........
為何每次都是這樣 ?? 我已沒有諱疾忌醫, 為何還是沒有辦法 ??
我已經好小心了 ..............

食完藥之後好了少許吧 ~ 但整晚也沒有好好的睡多一會兒 ~
因為頻頻都有電話響和屋企人有事要我幫手 ........... 所以很累呀 !

到了今朝, 媽媽突然發現了一件事, 原來今日早上我要去醫院覆診呢 !
oh ............. 弊弊弊 ! ! 怎算好呢 ?? 到左我地發現個時已經剛剛好過了時間,
媽媽說立刻趕過去的話或許會有機會俾我睇的 ~ 但是我感到很不舒服, 又沒有
睡覺, 一點力氣也沒有了 ~ 疲於奔命 ... 怎樣趕過去呀 ? 我怕我還未去到已經 ...
暈過來了 ........ 所以都是算吧啦 ~~~ 最後媽媽佢放棄左去醫院探婆婆, 改為幫我
去醫院解釋及預約, 起初還以為今次又要再等多半年左右先有得我睇, 點知不知道
點解今次佢地 d 人咁好人, d 護士問過醫生後就話唔想我延遲得太耐, 准許我下個
星期去補睇番 ~ 真好 ! 感謝他們 ! ! 而下個星期那一堂 lecture ... 怎算好呢 ?? 真的
不想走堂, 好煩呀 ! ! > . <

>>February 8, 2006 at 4:05:32 PM GMT+8

2006 年 2 月 6 日 星期一 【陰晴不定】

點解咁架 ??? 究竟發生左咩事呀 ??? 我又可以做 d 咩呀 ??? 唔開心 ..................
今晚真係 ............ 好唔開心 ! ! ! ! ! > . <

*********************************

P.S. 今晚突然間先發覺, 原來有陣時唔開心o既時候, 身邊係會一個人都冇架 ...
定係自己有 d 時候有事個時, 好似唔知可以 or 想同邊個講咁 ...............
我唔想變得咁軟弱 ... 我好怕自己變得咁軟弱 ...
喊完之後真的成個人都覺得很累很累呀, 現在就去 sleeping 先 ~

>>February 7, 2006 at 6:41:25 PM GMT+8

2006 年 2 月 2 日 星期四 【颳風】

之前話過寫日記, 點知妹妹佢突然間搵我幫手整佢部電腦, 原本諗住好快整完之後就即刻番黎繼續打日記啦~~~ 點知 ............... 整整下竟然咁黑仔連自己個部都死埋 .............. 好無奈呀 ! 激死 ! @@ 過左個一日之後, 我都唔知究竟幾時可以再有時間比我去打日記啦 ............

1/2/2006 (Wed)

以下o既一段文字o係我打在一位好朋友日記上所提到的其中一部份留言~~~
很想在自己o既日記上也記下這些感受...............

今日我剛剛就無意地傷害左一個好朋友... 一個我真係好在乎的好朋友...
好唔開心... 是真的 ! ! 其實我真係好想大聲的同你地講: 我真係好愛好愛你地架... 亦都好在乎你地... 所以我真係冇心傷害你地架!! 要知道傷害你地比傷害我自己會難受千萬倍!!
今次我竟然冇留意到 ... 以前我亦都冇特別咁注意呢一點 ... 好痛恨自己 ! 一直個個都覺得我係一個好細心o既女孩子, 而同時都自以為好細心o既我今次竟然...
但願我還有xx的機會...... > . <

雖然我知道你唔想聽到我講呢句說話, 我亦明白你想聽到o既係咩 or 想我能夠做到o既係咩, 但係我真係好想好想衷心咁跟你說一句: 對不起 !

我知道我之後應該點做架啦 ~~~ 我一定會多加留意架 ! 而你亦都要繼續 keep 住鞭策我呀 ! ! 知道嗎 ? ^v< 謝謝你呀 .............. :)

P.S. 原本諗住趁假期可以一邊休息一邊咁做一 d 自己想做o既事情啦, 點知 ... 唉 ~ 竟然都可以唔知道點解放假好似仲支力過番學個時咁 ....... 因為日日都三更半夜先訓 .......... 真係晚晚都超級勁勁夜咁呀 .......... 而原因竟然係 .......... 哈哈 ~ 連我自己都真係覺得好 crazy 呀 ! ! ^^

>>February 3, 2006 at 6:19:36 PM GMT+8

2006 年 2 月 1 日 星期三 【炎熱】

哈哈~ 現在妹妹o既男朋友仔o黎左屋企, 所以又係我寫下日記o既時候啦 ~^^~ hehe ...

>>February 2, 2006 at 10:04:29 AM GMT+8

2006 年 1 月 28 日 星期六 【颳風】

Happy New Year ~^^~

>>January 28, 2006 at 4:02:16 PM GMT+8

2006 年 1 月 26 日 星期四 【颳風】

經過深思熟慮同多番掙扎後, 最終都係決定留低o係香港過新年~
其實真係好唔想架, 非必要我都好唔想同媽媽分開~
媽媽佢番左大陸, 即係我屋企人成家人都一齊番左大陸過新年~
剩係我 ... 同妹妹兩個人 ...
妹妹因為男朋友仔去左旅行, 所以佢迫住要留o係香港想每日都
可以接到他的電話~~~
而我 ... 就想留低做自己想做o既事, 可以的話更想休息少許~
因為假期已經不多, 只有一個星期, 真的不想成個星期都玩掉了~
而媽媽又唔放心我自己一個人遲 d d 先番大陸 join 佢地 or 早幾日
走先~ 所以我唯有放棄唔番啦~ 其實我真的想番一陣架, 因為很
喜歡那兒像度假式的生活, 是我一直所嚮往過的生活! 今日出左去
辦一些事, 幸好還趕得切回來, 送佢地去搭車, 媽媽很捨不得的樣子
似的~ 也帶有少少擔心, 不停交低了很多很多事, 特別係再三地講給
我知買了一排幸福傷風素給我, 還有樂得胃片等等 ... 叫我一定要
記得放了那兒! 我 ... 不知道說什麼好 ... 感覺有點兒害怕!! 好像 ... 怎
辦好呢? 驚 ... 是真的呢~!
其他人可能會覺得我地兩個就好似好小朋友咁, 心諗唔係卦, 成二十
歲人啦, 仲點會咁架, 兩個仲點會話唔捨得對方~ 擔心對方呢~ 所以
我知道 ... 除了我同媽媽兩個人之外, 唔會有其他人可以明白我地
兩個o既心情~ 因為呢 d 係我地兩個人之間o既體會! 自媽媽做完手術
直到現在, 剛好是兩個星期的事, 給了我很深很深的感受, 所體會的
卻是兩個世紀般多的事情呢~ o係呢兩個星期裡面, 我就好像一個
半工讀的學生! 我的兼職就是做一位家庭主婦, 除了o係學校, 我其他
所有所有的時間都是花在家庭上~ 每一日番到家中, 都是不停地做
家務~ 除了家務, 還是家務! 還有一件事想記下, 就是媽媽佢讚我呀 ^^
佢讚我的廚藝~ 還記得很久很久之前, 自己一直已經很想很想有一日
或者有一些空閒的時候可以有機會下廚, 整多 d 野食~ 因為我真係幾
鐘意煮野食, 無論係中式或西式, 都一樣呢~ 但現在 ...........
我不介意照顧媽媽, 若果要我每天都煮飯比媽媽食, 我也不介意呢,
是真的呀! 相反, 我很樂意咁做架! 但是我不喜歡在這樣的情況下做
這件事, 我諗我年幼時所想的也不是這樣呢~ 我想的是自己可以
好開心好享受咁煮野食 ... 是在媽媽身體很健康, 心情很愉快的時候
煮野食給她吃呢! 所以 ... 我真的好希望媽媽可以快 d 完全康復, 健健
康康, 快快樂樂, 如果真係可以的話, 咁樣就算以後每天一日三餐都是
好像現在般, 我都一定很願意煮呢!! 記得媽媽前幾日, 不知道是那一天,
突然跳皮地對我說, 妹妹, 你的廚藝已經很不錯, 如果你繼續咁落去,
相信你有一天很快便會變成一個廚藝高手! 哈哈~ 我想也許是呢~
在其他地方, 在朋友或喜歡的人面前, 我或許是一個活潑可愛的小女孩,
又或是一個斯斯文文而柔弱的女孩子, 常常好像一個開心果似的,
很喜歡笑~ 或許是我給予你們這種柔弱的感覺, 所以令到你地一直都
好保護我, 其實我真係好鐘意被你地保護個種感覺架~ 同你地一齊, 我
就會覺得自己好似一隻受保護的動物似的, 感覺好 warm, 好幸福! 朋友
仔都很了解我, 知道我是一個很缺乏安全感的女孩, 你地對我o既保護,
對我o既好, 就好似不停咁填滿我所缺乏的安全感似的!! 所以 ... 我真的
很喜歡你們呢!! 亦常常都不自覺地向你們撒嬌 ~~~
但是在家中, 我不敢亦很少向媽媽撒嬌呢 ... 耐到連自己都忘記了究竟
有多久沒有向媽媽撒嬌了! 今天外出時, 搭馬鐵既時候, 分別見到前後
兩家人, 他們的兒女都向爸爸媽媽撒嬌, 場面好溫馨, 兩次我的反應都是
一樣, 一秒前的我笑了, 我笑因為我替他們高興, 感受得到他們的溫暖;
但一秒後的我哭了! 因為我只是一個很普通很普通的女孩子 .................
屋企人不太了解我, 媽媽亦都不完全了解我 ...........
我並不可以真的那麼堅強, 亦都不是你們一直所想的那麼堅強 ..............
我只是一個很普通很普通的女孩子 ..............
不知為何卻是家中的精神支柱 ! ! 這自我懂事以來我一早已經知道了,
所以從那一刻開始, 我已經無時無刻都提醒自己, 點辛苦都一定要撐落去,
跌倒了並不要緊, 但要有 quota, quota 用完時間一過就一定要懂得爬番
起身 ! ! 一直以來o係屋企人, 尤其o係媽媽心目中, 我都是一個堅強, 能幹,
好 tough 的女兒, 姐姐或者妹妹~ 但真正的我呢? 想這樣做嗎? 不敢想~
我從來都冇諗過自己究竟想唔想咁樣做 ! 又或者自己究竟想唔想o係家中
擔當一個咁樣的角色同如此的重任 ! 唔敢諗 ............ 我只知道呢個係自己
的責任 ! 亦都是屋企人想我做同需要我去做的事情 ! ! 有些親戚不是很認同
我, 有時妹妹或姐姐都有點兒妒忌媽媽喜歡我而不高興, 我是知道的! 但
試問我又可以做 d 咩呢? 我什麼也不可以做, 因為我自少已經知道媽媽
對我寄以厚望, 所以我咩都唔可以做, 以免行差踏錯! 只好盡力做好自己
本份罷了! 直到現在, 有一日親戚們來我家中探媽媽, 一齊去飲茶, 期間,
有一位親戚突然望著我, 然後語重心長地說 :{ 你真係乖女, 我終於明白
點解你阿媽由細到大都係最鍚你 ................... } 其他人全部都係度點點頭,
微笑, 而媽媽佢更加眼濕濕 ........... 當時的我比唔到任何反應佢地~ 只知道
有很深的體會! 沒想到自媽媽做完手術後, 經過左呢兩個星期, 佢地見到我
為屋企所做的事之後, 終於由心底裡面真真正正的認同我! 我應該開心嗎?
我不知道! 感到安慰是真的~ 但並不感到特別的開心! 到現在我先真正學到
or 知道, 原來有時我地所做o既好多事, 並不一定需要得到別人的認同,
只要係自己認為對的事, 便去做~ 盡了責任, 做好了自己的本份, 便行了!
所以我可以說的是, 現在得到佢地真正的認同, 我並不感到開心, 呢一刻的
我只知道很累 ............ 我感到真的很疲累了 ..................... @@
放學 --> 番屋企 --> 執野 --> 煮飯 --> 食飯 --> 執野 --> 洗碗 --> 倒垃圾 -->
掃地 --> 洗地 --> 收衫 --> 褶衫 --> 洗衫 --> 掠衫 --> 沖涼 --> 訓覺 --> 起床
--> 整早餐俾屋企人食 --> 有時間的可能執野/掃地洗地 --> 匆匆忙忙地
搭車番學 --> 上堂 --> 放學 ( repeat & repeat .................. )
每晚都希望可以盡量o係 2:00 a.m. 前睡覺, 因為想可以練好身體, 咁樣先
可以 ................... 所以真的很累呢 ! ! @@ 有時仲會遲左少少去上堂, 我唔想
咁樣呀 .......... 我唔想遲到 ............ 對唔住呀 >< 以後我會努力架 ! 幸好我有
一班好好好好o既朋友仔, 佢地一直都好體諒我! 而我地現在邊個早到都會
幫另外未到個 d 朋友仔霸埋位, 真好呀! 謝謝你地呀 ! 感動 ................... :)

現在, 媽媽佢已經慢慢康復, 好番好多啦 ^^ 真好 ! 哈哈 ~ 呢幾日話唔定
我可能會有多 d d o既時間可以休息下呢 ! 諗起都覺得好開心 ^.^
你地呀, 有時間的話可以隨時打俾我 or 搵我架! 約我出去玩下 or 聚一聚
都不錯呢! 哈哈 ~^^~

P.S. 1) sherry 成日都好關心咁問我點解咁耐都唔寫日記, 我想現在你
應該明白點解啦~~~
2) 假期前 last day 個日我地 ( 大學裡面的一家人 ) 食了 < 團年 tea > !
之後大家亦都傾左一陣先走~ 哈哈 ~ 開心 ~ 感覺很好, 越來越正, 好 friendly,
好 relax, 好親切, 好 close, 好 warm ............ 正呀正呀正呀 ! ! 哈 ~ 其間有好多
搞笑 or 開心野, 最記得係呢兩件事情 --> a. 話說 henry 係度排緊隊等買野食,
我同媽媽 (kennis) 就係度睇緊食嘜, 之後諗住去 henry 度打尖, henry 就話
阿媽你先啦, 媽媽話好呀! 咁我同媽媽就排左佢前面, henry 佢冇話到讓我排
先嘛, 只係同媽媽講, 咁我就諗住整蠱佢, 我問咁我呢, 佢好快咁答阿女先啦,
我話算你啦! 之後媽媽係度笑話嘜你咁快做左人地阿女呀, 我咪好鬼馬咁整
蠱 henry 話係啦, 咁阿媽呢, 之後佢即刻知道俾我地整蠱左, & then 好似有點兒
怕醜咁, 哈哈~ 好搞笑呀! 笑死我啦 ^^ 佢一定係諗起佢女朋友仔呢 ^v< b. 食食
下野個時, 唔知點解講起 gpa & programming, kahoo 突然好似衝口而出同好
雀躍咁同媽媽講你應該覺得好驕傲同光榮呀! 你有兩個仔咁叻 ! ! 係咪先 ......
哈哈 ~~~ 超搞笑呀! 好正呀 >< 媽媽你睇下, 係咪呀 ? 我冇講錯架 ? 唔係剩係
我一個人改唔到口架, 其他好多人, 好似 kahoo 佢咁呀, 咪同我一樣 ^^ 哈哈!
感覺唔單至好似一班好朋友咁, 仲真係好似一家人咁呀 ! ! ! 嘩哈哈 ............
好正呀 ! *v* 我真係越來越鐘意你地啦 ! ! :) 有時久不久都會聽到其他組o既
朋友仔話好灰, 因為佢地個組好似散晒咁 or 好少好少 gathering, 同我地好唔同,
好羨慕我地 ~~~ 哈 ~ 所以我地一定要一齊繼續努力呀 ! 我相信我地大家一定
可以 keep 到落去架 ! ! :)

>>January 27, 2006 at 7:40:47 PM GMT+8