2003 年 4 月 18 日 星期五 【晴】

今日的天氣也很好，我今日也是溫bio，classification那一課真是十分無聊，令我讀到有點想死的感覺……今日的生活與昨天無異(其實每日都一樣)，實在有點悶……

NB: 中大MBT是Molecular Bio-Technology(分子生物技術課程)，是近年新開的課程，比生化系更偏更專門，所以收的學生更「尖」，絕對稱得上是真正的pure science。

>>April 19, 2003 at 1:59:03 PM GMT+8

2003 年 4 月 18 日 星期五 【晴】

我早上從報章得知超過9千個中學生在peditiononline.com留言反對22號復課，我也想說句公道說話。無錯，現在非典型肺炎還未受到控制，感染人數一直上升。學校是人多的地方，無疑有可能成為散播病毒的場所。中學生們聲稱局長要他們先復課就等於叫他們去送死，可是他們根本沒有做好預防措施，大部分年青人流連人多的公共場所都沒有戴口罩，完全沒有危機感，這似乎跟反對復課的意念自相矛盾。無限期停課是不切實際的，只會令學生更散漫，製造更多少爺兵。只要做好預防措施就問題不大。人人每天到要出外工作，他們可以要求不上班停薪留職嗎？可以，除非有人想「唔撈」。大家還是堅強一點面對現實吧。

>>April 19, 2003 at 5:27:52 AM GMT+8

2003 年 4 月 17 日 星期四 【晴】

今朝起床後我覺得非常疲倦，莫說有甚麼戰意了。午飯後與友人談談日後升學事情，精神才稍為好了點。我已經瞄準了中大生化與MBT，這當然要付出相當大的代價，就是要讀好bio & chem，實在不容易。>__<”

今日老m實在太多人了，吵得根本無法令人集中精神，明天還是去青協好了。
天氣實在非常好，6時左右我走到海邊做點兒運動，因為我實在想呼吸一下新鮮的空氣，口罩真的可以把人弄至窒息。出點汗的感覺認真不錯。

夜晚又回到老m，我喜歡這時段坐到近柜枱那邊，因為那裡會靜一點，但今晚卻吵得要命，只好忍耐了。今日溫一溫bio，我愈來愈認為這是我考的5科中最難的一科，資料多不在話下，而且沒有一個確實範圍。我在筆記中發現新詞彙，於是翻一翻字典研究，解釋中常常又有大量新的詞彙，可以無止境地查下去。有點「讀又死，唔讀又死」的感覺。所以bio的難度絕對比得上econ。

我用了整天時間也未能讀完ms wong 派的那堆genetics「碌士」，以前學的更一早忘掉，真是有點無奈……/ __ \

>>April 18, 2003 at 4:15:54 PM GMT+8

2003 年 4 月 16 日 星期三 【晴】

雖然我說過中國大陸的科研技術可能比不上香港，但內地的中醫技術卻比香港好，所以大家各有所長。(兜返)

今日收到好消息，我班有最多A並報名做暫取生的同學全都成功入選心水學系，已知的有head girl冰入讀中大醫學(很厲害) ，雞榮則入讀medic engine。他們現在開始可以算是讀“風流書”了，因為已經“上岸”，又無須考AL，我這些小子還要每日跟phy, chem, bio搏鬥，不足一年後就要考AL……無論如何，我也希望他們能好好享受大學生活，並把握他們的優勢大展拳腳吧!

話說回來，今日回復正常，獨自走到老m自習，科目是chem的rate of reaction。情況與早2日一樣，會考人聊天居多，似乎去老m也不是必勝辦法。我聽到一位女生連sine law & cosine law也未記得清，還說:「會考還有2星期才到啦!」這些人接到成績表時哭哭啼啼也不值得同情。

8時才回到老m，開始equilibrium 的複習，但過程並不順利，到了10時已經“彈盡”，一看到第5條就快快撤退，否則必定噴血斃命! > _ <#

最近ribavirin(三氮唑核苷)成為熱門話題，於是我查查那東西。原來那是一種antiviral drug，除了能治療肺炎，也能對抗A, B, C肝炎，甚至能混合其他藥物增強對HIV病毒的功效。似乎真的很厲害~

>>April 17, 2003 at 5:34:52 PM GMT+8

2003 年 4 月 15 日 星期二 【晴】

這是不幸的一天。早上無故流鼻水，應該不會有傷風，更不是那些未清的感冒。最近我的生活已經算是正常，一日2餐(遲起床) ，有大量睡眠，有少量運動，又有認真做功課，每日都有食生果，只是胃口不太好。我實在不想再被這些小病纏繞，我又想不到有甚麼原因再病。我到底做錯了甚麼呀?

下午疲倦得很，睡了很久，結果整天沒有外出。夜晚看明珠台7:30新聞做news reports功課，得知f.3或以上學生如常22號復課，f.2以下就遲一周，任何人在學校感染就全校停課10日。我想，現時情況還未受控，22號復課始終有學生老師受感染的危機，還可以觀察多幾日情況。我覺得明珠台新聞報導並不算難看，但要完全理解就一定要下苦功，學甚麼都是一樣。

夜晚看明珠台“人體侵略者”(the body invaders) ，今集內容是消化道疾病，內窺手術鏡頭少不了，雖然看過多次，始終有點嘔心。醫療科技認真厲害，吞下藥丸型鏡頭就能看到小腸內壁。我又知道vitamin K是由大腸中的細菌製造，蛋黃蔬菜也有vitamin K，它用來做蛋白質prothrombin用作凝固血液，也作為製造其他blood clotting factors的coenzyme。今日總算學到多少東東。

中大與港大都相繼完成SARS病毒基因排序，港大並確定病毒由動物傳人。看來未來數屆AL Bio有好題可出了，就是病毒gene mapping、mutation、快速測試法了。我要溫一溫genetics……啊
/ __ \

最新消息: WHO已確定SARS病原體是冠狀病毒變種，香港的大學中了，大陸還說是甚麼衣原體……香港的科學研究雖然經費不足，但質素的確不差。


>>April 17, 2003 at 2:08:50 AM GMT+8

2003 年 4 月 14 日 星期一 【陰】

今日轉移陣地，去樓下老m做功課，因為可以回家食飯，慳d$。今日有人陪，唔使咁悶。下午老m都有幾多人溫習，但似乎多數都係講多過做。

夜晚食完飯曾經掙扎到底是否再去老m，結果都有去。2篇中文功課(應該只有1份，多出來的1份是放假前交的>__<)，差不多用了成日時間來做。我發覺自己與普遍的年青人很不同，我外出一定戴口罩，但多數年青人都冇戴; 他們有唱k、開p、去飯局、溝女/仔，我一項都冇做。但我是否很無聊、不開心? 也不是，只是喜好、追求的東西不同。這數日開始我不容許自己再糊塗地過，現在人人都拚命找工作，我有自己的工作可做，就一定要做。人人都不想工作，但最後都要返工。現在我還食得飽，也就要做好自己份內事。我這樣做並非為了取悅任何人，我只是為了達成理想。我想從事科學研究，所以我不能浪費太多時間在玩樂上。雖然理想未必能達到，但年青人應該有理想，並盡力實現它。

說了一大堆廢話……未做的功課有news report*9，中文閱讀報告，chem幾題，應該還有不少時間可以溫溫習。

>>April 15, 2003 at 3:32:59 PM GMT+8

2003 年 4 月 13 日 星期日 【晴】

今日知道葵正樓(青協樓上)有肺炎個案，唔理啦，我樓上樓下都有啦，照去!!
不過昨日有壯漢死左，又話有變種病毒，有冇事睇螺ㄚY睇你好唔好彩…

皇家蘇斯達好野!! 皇馬“4條煙”完全冇料到， 慘敗2:4， 真羞家!!

早排我開始搵番d舊歌豁央A如beyond，王傑d經典電視劇主題曲，雖然好似好老土，不過d歌真係好聽，唔同而家果d。昨日我搵下有冇張國榮d cd，我老豆就攞隻“張國榮告別當年情珍藏版”出薄A 4cd加埋48首歌，89年出既，果然係經典!! 還有許冠傑精選，我即時“炸”佢做mp3。哥哥d歌好聽, 但大多數我都未聽過。而家就懷念一下哥哥吧……

中午從電腦抄低physics功課攞去青協做， 3:30pm先開始, 做左typical果份就夠鐘關門，於是諗下去邊。最後都俾我諗到，就係屋企樓下m記! 呢排老m好靜，夜晚就更加係拍烏蠅! 仲分分鐘乾淨過自己屋企，掂!! 我回家食完飯就去，7:30pm左右繼續開工, 順便食舊新地筒。atypical呢份真係做到噴血，到9點零鐘已經有d疲態，唔係好識果d就亂薄K所以上天安排d刺激俾我，搵個麻甩佬帶4個年青男女薄A坐我前面。麻甩佬相信是其中某人父親，一蟈N成班人嘈到拆天，又帶埋小販食物薄A我都聞到有幾油膩，雖然我真係醒神好多，但佢地真係勁嘈，連個老既都係…不過，好戲在後頭!!! 有個女既，十六7歲左右，係度剪趾甲，留意，係“棟”隻腳係度剪腳指甲!! 仲要一邊剪一邊發出怪叫……我肯定佢個名俾個阿叔講過幾次，但可惜醒唔起。夜晚10:00有1個女仔o向長發老m剪腳指甲，真可怕。/ __ \
10:30pm，幾經辛苦終於做完physics2份奪命習作……今日都算係咁啦。


>>April 14, 2003 at 4:23:47 PM GMT+8

2003 年 4 月 12 日 星期六 【晴】

昨晚做0下掌上壓, 因為放完新年假後狂病好耐冇做, 手瓜又縮番水, 所以要鍛鍊一下。但做了廿下就頂唔順，有d瘀皮。
今日成個晏晝都躲藏在家, 為o左做bio功課。呢份〝非典型〞功課認真麻煩, 要上網睇3份港大d教材, 之後就要寫3份100字essay, 雖然唔難寫, 但睇到暈! >__<”最慘係佢把powerpoint抄落pdf格式, 搞到d貼上去o既圖一pat野咁,每舊pdf又有成百幾頁, 睇到傻…

不過學到d過癮野, 人體機能在30歲後下降(nerve conduction, cardiac index, hi-frequency hearing, max breathing capacity, max work rate, 愈後下降愈快), renal blood flow & accommodation ability就10歲開始下降, 適應力在25歲時更只有bb時一半, 而惟一成世人不變o既就係personality!! Haha, 3 歲定80, 古今中外意見一致。 所以, 有咩大理想, 大茶飯就要在30歲前努力, 否則人老就力不從心。
我都係剩番12年“光輝歲月”, 要好好運用了。

做完功課趁天未黑走去顥景灣青泰苑海邊做運動, 因為太耐冇做運動, 好慢咁跑左3個字就已經要停。我都冇勉強繼續死衝, 個心跳快左, 流過2滴汗算了, 遲d勁番先加強訓練。前後我睇到4個麻甩佬“放飛劍”, 有一個較有良知, 吐去垃圾桶, 其他d隨地放, 有1個仲出2hit!! 平時“放飛劍”都唔好, 而家周圍“放飛劍”就真係賤格啦!!

今晚皇家蘇斯達主場迎戰皇家馬德里, 無線難得有直播, 大戰點可以錯過?!


>>April 13, 2003 at 2:22:33 PM GMT+8

2003 年 4 月 11 日 星期五 【晴】

中午食飯時睇湯漢斯的《劫後重生》(castaway), tom成套戲佢做晒, 1個人流落荒島生活左4年. 日日跟畫上哈哈笑的排球作伴, 演技精湛不容置疑. 最勁係佢4年後個樣比之前瘦左起碼廿磅, 我就唔信個個都可以為套戲去到咁盡啦!

今日熱到爆, 但中心開”行”風扇, 搞到我爭d冷親, 總之帶件外套.
AL似乎仲爭pure maths未考, 日日都o向度果個顧超文狂人呢2日狂計數, 佢做得最耐, 但食得最少, 有時只係食麵包當一餐, 我就冇咁好野嘞.

用左5日時間先做到5份news comment, 真係渣, 始終不能驅除心魔……今日提早撤退, 因為俾風吹到流鼻水-__-#
今晚要早d睡, 因為生病潛力(sickness potential)正在急升……


>>April 12, 2003 at 2:23:30 PM GMT+8

2003 年 4 月 10 日 星期四 【陰】

而家扯晒火唔係講笑, 頭先打左成個鐘, 一句”無法顯示網頁”即時俾佢玩殘!!
仲話showhappy, 真係唔方唔happy……又要打過晒/ __ \ . 以後用word打…

樓下貼出通告證實敬發樓有1人頼左非典型肺炎, 真麻煩…

今朝8點起身, 走去荃灣海灣花園搞身份證. 我由楊屋道走過去, 一條路好快到. 我用ESD預約10點, 填完表就影相, 打指紋, 最後攞埋”行街紙”都係半粒鐘, 非常好. 回程應該直接行青衣北橋, 可能快過走番出去搭車, 下次先試.

下午搵老豆幫手消毒家居, 因為早排洗過1次, 所以今日集中清洗廚房和浴室(偷懶> . <). 我用x:99漂白水溶液(x>>1), 抹成日摸果d野. 洗完就把污水沖落馬桶和水渠.

意外驚喜: 收到生日卡, 貼有雪山8毫子郵票, 郵戳寫住CA, 冇錯, 是美國寄出的. 是何穎嵐(小拉登)寄俾我的. 佢都算鬼馬, 事前粒聲都唔出, 總之就多謝佢啦! 佢走到加州Pleasant Hill(zip code: 94523)讀書, 仲記得寄卡俾我, 都算夠朋友啦! 佢一個人去到咁遠, 那裡又冷, 又冇親人, 乜野事都自己搞掂, 我都幾佩服佢o架, 俾著係我都未必捱得住!

今日可以話係一事無成… / __ \

NB: 死都唔好download政府網個字符patch, 否則由頭學過速成, 因為多左x倍字數, 而且一貼左就番唔到轉頭, 政府o野真係靠唔住. 信我啦, 我試過喇……> _ <"

>>April 11, 2003 at 4:12:36 PM GMT+8