|
2003 年 5 月 5 日 星期一 【陰】
臨瞓前仲有幾分鐘, 就總括一下今日Labour Day holiday做咗乜啦!!
去咗看X-Men 2, 幾正!! D人物, 動作同特技都好好, 唯獨是做ending – 落太多墨喺兒女情, 太少喺手足情…話明 X-Men….梗係要好似 “友情歲月” 咁講多D 大佬同細佬嘅互利関係啦 即 “劈細佬好, 劈中佬又好; 劈中佬又好, 劈大佬更好!” (a parallel to 董伯伯名言, “香港好, 九龍好; 九龍好, 中央更好!”…..但 X-Men 尾段勁講D情情塔塔嘅野噃, 所以大打折扣….黑仔農指數: 3粒星
>>May 14, 2003 at 2:21:11 PM GMT+8
2003 年 5 月 4 日 星期日 【陰】
今日睇咗一篇 報紙 article, 同24/4 嗰篇 “道教與Chem” 所提出嘅倫理問題有着不約而同嘅POV. 小弟睇完之後好有共鳴, 心想呢條友所講嘅正係小弟嘅心聲. 我自知自己語文水平稍 “削”, 怕讀者唔明我之前up乜, 所以決定節錄此文章, 希望貴讀者可以同我share 呢個idea 啦!! 如下:
未 來 世 界
在 復 活 節 假 期 ， 讀 了 幾 本 書 ， 其 中 之 一 是 《 胡 桃 裡 的 宇 宙 》 ， 作 者 是 史 蒂 芬 ． 霍 金 ， 劍 橋 大 學 教 授 ， 最 廣 為 人 知 的 著 作 是 《 時 間 簡 史 》 。
作 者 對 未 來 世 界 作 了 一 些 預 測 ， 甚 有 見 地 。 他 說 ： 「 過 去 一 萬 年 來 ， 人 類 DNA 並 沒 有 顯 著 的 變 化 ， 但 很 有 可 能 在 未 來 一 千 年 內 ， 我 們 會 有 辦 法 完 全 重 新 設 計 這 些 DNA 。 」
作 者 並 沒 有 表 示 贊 成 人 類 遺 傳 工 程 研 究 ， 但 他 說 ： 「 基 於 經 濟 因 素 ， 動 植 物 的 遺 傳 工 程 不 會 遭 禁 ， 所 以 一 定 會 有 人 嘗 試 應 用 到 人 體 上 。 除 非 我 們 有 一 個 極 權 的 世 界 政 府 ， 否 則 在 世 界 某 個 角 落 ， 難 免 會 有 科 學 家 嘗 試 設 計 改 良 人 種 。 」
他 估 計 ， 數 百 年 後 ， 人 類 的 腦 袋 會 比 現 在 的 複 雜 ； 由 於 基 因 的 改 變 ， 體 形 上 ， 亦 跟 現 代 人 有 很 大 差 異 。
我 和 大 多 數 人 一 樣 ， 不 同 意 發 展 改 良 人 ， 認 為 那 是 違 反 自 然 ， 但 我 也 相 信 ， 改 良 人 還 是 會 出 現 ， 或 許 我 們 該 開 始 研 究 改 良 人 所 引 致 的 倫 理 問 題 。
人 總 希 望 聰 明 ， 而 我 們 確 比 古 代 人 聰 明 ， 但 我 們 的 世 界 ， 真 的 比 以 往 美 好 嗎 ？
>>May 14, 2003 at 2:19:44 PM GMT+8
2003 年 5 月 2 日 星期五 【晴】
好攰呀!! 唔知點解今朝就開始有D頭痛, 連PE 都冇上…第一堂上咗QCS tutoring, 都有D 頹. 因為做咗一份practice test, 試卷內有一part 英文comprehension, 一 part 數. 數就梗係 no problem la…但係英文….6 題炒5題 lor…唉…如果份卷係嚟真嘅話就肯定P 咗 o架喇!! 我諗我要學多D vocab, 睇多 D 報紙同school window 先得喇!!
第二堂 PE 去咗 sick bay 瞓咗一堂…好𣎴適呀…應該唔係”非典”掛, 如果係嘅話 Brisbane 就會有首宗病例…NOOOOOOO!!!!
第三堂Maths B, 阿史密夫Sir (梁朝偉)(你睇埋落去就知點解我要註加佢係忠嘅) 照樣勁問我問題, 好波!! 但佢好波, 小弟更好波!! 佢每次問, 我都肯定識答, 皆因我時刻都 make sure 佢喺道up乜. 讀者可能唔知我喺道講緊乜…等我解釋一下呢個阿 sir 嘅特性啦. 阿史密夫Sir 雖然瘦到排骨咁…但其千里眼ability 乃敝校一絕…只要任何學生稍為將注意力移離佢十秒, 喺第十一秒佢即刻會問你一D 要喺個十秒內有留心先會識答嘅問題, 好似 “How did so and so suggest the strategy we can employ to tackle this problem?”. 有時連個 problem 都唔知係乜, 點答佢呀?? 年初嗰陣係咁口啞啞, 唔知佢 up 乜…..hehehehe…好彩 “魔” 高一尺, “道”高一丈…我有時冇聽嗰陣就盡量避免同佢有眼神接觸…不過都係有時 works 咋!! 記得year 8 嗰陣… 佢差唔多日日都 picked on me… “This is another pick on Alvin day…Alvin, can u summarize what we did yesterday and lead us to the unfinished discussion??” 真係比佢吹漲囉…嗰時英文已經唔係咁好 o架喇…仲要我吹成10分鐘水…玩野咩!! 不過今非昔比啦…佢玩我唔起啦, 因為我識答佢野 loh!!
第四堂 eco…記得渾鈍 (Wootton) Sir 拜頭話過今日會派番D EWR. 不過我都唔會寄予他任何厚望…話明 “渾鈍”…梗係做野勁懶勁慢 (全校緊遜於 Slowbez 同 Barrel)…或者咁樣先合乎梁家輝 口中嘅 “經濟原則” 掛!! 今堂照舊播D廿年前錄低, 勁唔 update嘅帶比我哋睇…人人成日話讀經濟最緊要與時並進, 最緊要update…但係呢學校教 eco 好似教中史咁…攪野!!
第五堂 chem….冇乜特別好講, 總括嚟講一個字, 悶!!
第六堂 maths c….阿史密夫Sir (劉德華) ….請大家唔好攪錯, 佢唔同教 maths b 嗰個忠嘅史密夫 Sir…此阿史密夫Sir…話明劉德華…梗係其毒無比啦…D 咩西毒歐陽鋒呀, 梅超鋒呀, 眼鏡蛇呀, 石堅呀, 三公子呀…同佢簡直無與倫比囉!! 成日上堂遲到 o架佢 (最高記錄15 分鐘), 但係有一次佢自己早咗到…我再強調, 係佢自己早咗到…黑口黑面咁…最經典係當其他準時或遲咗2分鐘嘅友嚟嗰陣…阿史密夫Sir 勁惡咁叫佢哋喺門外等. 但係陸續有更多人嚟…阿史密夫Sir 嘅面口開始由黑轉紅, 由紅轉紫, 再由紫轉白 (人喺開始火爆時會腦充血 (紅), 計而轉紫 (壓力上升), 如壓力繼續加劇, 血液又會隨地心吸力 “谷” 番落下半身)…佢最後一怒之下…勁大力咁 “砰” 埋道門, 將半班只係遲咗三分鐘 (本來兩分鐘嘅, Smith Sir 用多咗一分鐘 “換面”) 遺棄喺課室外…你話佢 E 唔Evil 喇?? 相比之下, 阿史密夫Sir (梁朝偉) 係咩正常好多呢?? Hehehehehe….好野!! 阿史密夫Sir(劉德華) 不但教我 maths c, 仲加插埋 D biol 同physics…仲不忘加D 富娛樂性嘅元素 tim…正係現今需要嘅懂得教授 “活動教學” 嘅人才喇!! Evil Smith 真係一個懂得與時並進嘅 “敬業與樂業” 嘅 “好” 老師也!!
>>May 14, 2003 at 2:17:48 PM GMT+8
2003 年 5 月 1 日 星期四 【晴】
今朝上form class 果陣, 阿Newell Sir 一見到我就問我估自己Complex Reasoning 有幾多, 咁我咪幾孤兒仔地答佢 話4 out of 6 囉…點知佢話我 “cruising in complex”, 有5.5/6噃…咁我咪COME ON!!!! 咁囉. 另外我 Scientific Process 都有 18/20, 有A…都算係咁啦!! A Overall in Report Card?? 慢慢嚟啦!!
By the way, 基韓國仔張智勳要寫D廢話: あるアノしノし儿…雖然小弟唔係太明佢想講乜 (我唔係漢奸嚟 o架!!), 不過佢都行開咗loh…算啦.
英文 Poetry Elective 又係Slowbez…原本諗住佢實唔會教 Frost 同 “Hardy”…(要記住 hardy = hardcore = cool = 好波!!) …佢D咁嘅廢柴又點會教D咁 “hardy” 嘅野吖…所以咪簡咗呢個combo 嚟脫離佢嘅摩掌 lor…點知?!….突然一場金融風暴…投資失誤…嚟緊嗰六個禮拜又要對住個慢茄啦…唉!!
最後我都不忘pay out Nick Jang about being gay:
張智勳愛洪英權 and Pok Gai Chris!!!
>>May 14, 2003 at 2:16:46 PM GMT+8
2003 年 4 月 30 日 星期三 【晴】
前幾日勁考英文同牛少, 好大壓力, 但好有挑戰性!! 唔知點解, 越變態嘅tests我就越覺得興奮, 我諗呢D叫遇強越強掛. 依家考完, 見到嚟緊兩個禮拜都冇野考, 仲好似有D失落tim…你哋係咪覺得小弟有D唔正常呢?? 我都希望唔係掛, 如果吾係嘅話咪活像一名被虐待狂乎??
仲未派Physics, 所以都唔知考成點…我可以好肯定講一句: 未派之前係無法預測結果 o架…簡直就如同chaos theory 囉!! 記得上次…諗住都係錯咗少少啫, 最多咪扣幾分, 都有A掛…點知….一失足成千古恨…派番嚟得個 B+, 頹, 再頹, 更頹!! 佢果D咁嘅qualitative comparison, abstract 到好似梵高 (呀唔係, 應該係畢家索就真!!) D impressionism(expressionism for Picasso) 畫咁. 恕小弟冇咁嘅藝術天份, 太 愚昧stupid 唔明. 希望聽日派番果陣OK 啦!! 唔講咁多啦, 太長氣會變阿伯 o架啦!!
>>May 14, 2003 at 2:15:54 PM GMT+8
2003 年 4 月 26 日 星期六 【雨】
我D星期一恐懼症又番嚟啦!! 諗起聽晚要番宿舍, 後日朝一開學仲要考試就頹lu…今晚有D唔想瞓, 因為瞓醒之後又差唔多要番學…唉!! 今個復活節嘅時間編排都算唔差, 以前放假最尾果日都後悔自己勁sai 時間, 但係今次好似有D改善…起碼冇禁regret. 嗱, 我都做咗唔少野 o架…約人踼波, 打tennis, 睇Johnny English, 最開心嘅係考咗學車牌…仲一次得咗tim, 好波!!
呀, 我表哥叫我同大家講我今日同佢喺ICQ度痛飲暢談, 仲犀利到盡訴心中情tim!! 表哥!! 我係唔會忘記你教我嘅 “做人最緊要忠直, 就算乞食, 腰骨都要挺直!!” 對此金石良言, 作為表弟兼老友嘅我係絕對會銘記於心 o架!! 不過唔知我表哥會唔會睇呢篇日記呢??
今日應該係小弟喺呢個Easter Break 最後一篇日記…開咗學如果有時間我會每星期寫幾日嘅 (禮拜六晚post 上呢度囉)…如果唔係…我都會keep 住個account…等六月尾個term break 再續未了緣lu…希望我D原本己經唔係好多嘅讀者唔好離我 (孤兒仔??) 而去啦…during weekdays 就嚟下, 留下言, 唔係好難啫….等我weekend 番嚟睇到果陣俾D驚喜我吖, 好唔好??
多謝合作!! Thank you very much!! Merci beaucoup!! “公公公俾條 條 條是穩俾 條!!”
>>April 27, 2003 at 12:19:20 AM GMT+8
2003 年 4 月 25 日 星期五 【雨】
剪咗頭髮, 成個人都輕鬆哂!! 識我嘅人都知, 我個頭最厚時可重達四至五鎊, 你估野小o架!! (可媲美Ivan嘅頭髮筆插) 至於我喺邊度剪髮?? 梗係唔係將人剪到耳仔都 lut 埋嘅新偶像啦, cheap!! Vassaci, 中環D所謂高級剪頭鋪?? 癡線, 小弟都afford 唔起啦, lee家咁嘅 o嘅野闊太八婆先會去o架啫!! "朕"嘅𨨶用髮型顧間犀利啦......登登登登......就係細舅父!!! 唔好話老土啊, 你哋班友. 佢嘅廿載hairdressing 功力遠勝過D喺Vassaci幫闊太負離子直髮嘅gay佬o架!! 小弟禁難打理嘅秀髮佢都一樣應付自如, 強!!
今次佢更幫我重新設計形象, 話剪碎D好睇噃, 等D頭髮可以有位走. 又可以勁gel噃, 何樂而不為呢!! 剪咗個頭, "朕"都幾滿意個新形象!! 依家可以開始gel 啦, 有style地亂撥, 喺凌亂之中又帶點驚喜同創意...我知自己唔會好似有D低能仔咁條條頭髮豎起直到成個鮑魚刷咁....我已經參考咗D lun毛鬼仔嘅gel 法o架啦...希望得啦!!
其實我個頭都幾獨特o架...好少中國人係 lun 毛嘅!! 加上膚色又 tanned, 所以有D 人話我似鬼仔囉!! 其實自己係咩膚色唔緊要, 最緊要都係做好自己. 就算俾你有金髮又點吖, 如果你勁懶, 到頭咪一樣要拾垃圾做PK仔!! D人個個當D鬼佬日本仔 (要知道可能嗰D鬼佬日本仔喺自己老家做洗廁所嘅, 嚟到香港就也文也武咁囉) 係神咁拜, 講野要狂加插D不必要嘅"English vocabulary" 嚟扮勁扮有學識, 真戇居也!!
Sorry ar 大碌, 唔知係咪尋晚勁夜瞓兼勁大壓力(驚夢見唔到 Mr Bean), 所以只瞓咗6個鐘, 今朝九點已經醒咗loh...無緣在夢中與 Mr Bean 相會, 所以冇好笑野講比你聽lu....sorry
>>April 25, 2003 at 10:43:25 PM GMT+8
2003 年 4 月 24 日 星期四 【晴】
First of all, 尋日嘅Variation in D should be Variation in Cannon, sorry!!
尋日講咗道家同物理千絲萬褸嘅微妙關係, 今日我諗住 go one step further…原來道家亦都跟化學有一定嘅聯係. 不過我相信呢個point 唔再新奇, 因為大家都知Chem 係 Physics 嘅一個分枝. Anyway, 呢個 relationship, 依小弟愚見, 係由秦始皇蠃政開始. 统一六國, 認為自己不但勁過三王五帝, 更強過穹穹蒼天, 於是就命徐福帶一百名男女去東海揾老泥丸, 希望令自己衝破天理循環, 長生不老. 從此, 中國嘅道派就興煉制老泥丸. 唔好唔記得, 道派當時已經用自創嘅calculus,機本上掌握咗天地萬物嘅 rate of change. 好 “自然”, 當人達到一個境界之後, 又會有一個更高嘅目標. 所以道士就開始希望戰勝自然, 克服死亡, 繼而就勁lo埋D chemical compounds 一齊,符碌地希望可以成功煉成仙丹, 打破自然定律 – 衰老, 死亡. 道家亦喺以徐福為大佬嘅倭國(日本)發揚光大, 今日嘅Shinto 同Zen 就將其思想表露無遺! 雖目標尚未達到, 但係就促進咗中國嘅化學同醫學發展. 照此推測, 四大發明之一嘅火藥應該就係由一個道士發明. (I’m not sure if this is true) 再者, 如果冇足夠嘅化學知識, 相信 本草鋼目亦都寫唔成, 因為李時珍未嘗哂百草就己毒發身亡!! 現今大多中醫都同道家有淵源, 咩人天合一啊, 顧本陪原啊聽落都覺得都好道.
呀, 今日另一個point 係就算俾我哋煉到長生不老藥又點吖?? 打破自然唔一定係好事. 你試想吓, 如果俾你有多三百年命, 你會唔會更珍惜時間吖? 人總係有一種惰性, 時間多咗, 反而會做少咗有貢獻野. 生產力低咗, 個社會仲點樣進步呀?? Furthermore, 長生不老又會引致嚴重嘅人口老化, 後生仔遠遠不及原本己經變咗古人嘅朁英多!! 維園亦會嚴重爆棚, 而維園阿伯嘅摳鬥事件也會增加, SHIT!! 最近有個印籍人士friend同我講咗個Indian fable, 話天上眾神因為覺死神嘅職責太殘忍, 所以踼佢走. 但最後又因為見到人間冇人死, 失衡, 有D 人又老到勁頹廢, 又死唔去. 所以都係叫番死神番嚟, 人類先生活得開心. 我喺度唔係鼓勵人自殺, 但係人係咪應該經歴人生所有嘅stages 先會充實快樂呢?? 有時自己有入冇出都己經覺得好辛苦啦, 更何況係一生一世嘅有入冇出??
>>April 24, 2003 at 10:29:14 PM GMT+8
2003 年 4 月 23 日 星期三 【晴】
今日聽咗好幾次月光曲同 “我的野蠻女友”入面嘅 Variation in D (女主角hai學校hall 用鋼琴彈嗰首), 覺得D用天然樂器演出嘅音樂特別有性格, 使在繁hill中生活嘅現代人脫離幾分鐘緊張生活, 聽完之後人生嘅新一頁. 所以大部份我鍾意嘅流行曲都係以鋼琴為主要background music instrument, 加上我又彈鋼琴. 咁當然, 我都有聽小提琴, 不過總係覺得有D單調沉悶. 另多又有一D好騎呢, 好有 “公公公” feel 嘅快,嘈歌同rap 小弟都欣然接受.
唔知係咪呢個原因, 我好欣賞道家思想, 崇尚自然, 幾禁瀟灑寫意恬達!! D咩虛竹ar, 小龍女ar都係D幾正嘅人物!! 隨住宇宙萬物嘅改變進步, 道人都已經將轉變融入其生活中, 習以為常, 所以佢哋睇嚟好似不問世事, 因為所有rates of change 都已經用differentiation 遇測哂. 本人覺得道家思想有D似Physics, 你又知唔知Physics嘅前名係叫natural philosophy 吖? 所謂物理物理, 顧名思義, 係用一D道理定律嚟解釋事物或能量嘅運行或轉變, 即係數學入面嘅modelling. 所以道家經歴自老子幾千年嚟嘅歲月, 依然屹立不倒, 不段跟隨時代進步. 所以話如果有好嘅POV, 一定有人識欣賞, 能夠長存人嘅心裏.
追隨看似變幻無常嘅宇宙當中又有一D定律, 呢個觀念中國人hai 幾千年前已經發現, 但係洋鬼hai 二十世紀隨住quantum theory 同chaos theory嘅發展先置知道. 先前(或依家?) 都重用緊個個當佢係神咁拜嘅牛少發現嘅嗰3條 “碎料” “定律” (well, I dun think this term is appropriate anymore) 嚟死計爛計. 可想而知西方同東方世界嘅文明同智慧係差幾遠!!
>>April 23, 2003 at 10:13:09 PM GMT+8
2003 年 4 月 22 日 星期二 【晴】
夜晚Daddy打電話嚟, 傾咗成粒鐘, kian呀!! 我講緊嘅當然係佢啦, 一路都勁幫我, 一有D野唔識, 即刻用佢過人嘅智慧同豐富嘅社會經驗嚟協助我解決好多問題. 記住, 佢只係協助, 純粹係獻計性質, 佢從來唔會直接幫我解決問題, 以前試過叫佢佢都叫番我去食X. 依家諗番起都arm嘅, 唔比個魚字個仔, 反而比個漁字我, 好野!! 教識我好多 “都” 理, 呀, 唔係, 應該係啓發咗我好多睇事物嘅價值觀, 即係條尺呀, Daddy 個名真係冇改錯嘅!!! (D咩自己judge 阿, 唔飲水會口臭嘅都理都係佢教嘅!!)
以前成日都聽佢講 “古”仔, 細細個就出嚟工廠日日企十幾個鐘, 賺嗰兩蚊, 放工又要番夜校. “古”仔嘅戲肉就hai 有一個月黑風高嘅晚上, 得4度, 仲要沖凍水涼. 佢激動到hai度問自己: “我點解要番學校讀書?” 實質結局hai呢度唔寫leh, 寫嚟都佢都冇乜意義. 總之佢對得住佢自己, 對得住屋企人, 特別係個仔.
呢排勁做 institution and individual topic 嘅 assessments, 10個禮拜已經perform 咗一個6分鐘嘅oral, 寫咗一份1200字嘅feature article, 依家假期都仲要寫一篇narrative, 嘔哂茄咁…我阿爸都不厭其煩咁勁比idea我, 我比 rough drafts 佢睇又戚刻send 番D feedback比我. 我唔明果陣佢梗係狂同我煲電話解釋一番la. 但係有時真係有D服咗佢, 我都已經有個fairly solid嘅 concept o架lah, 佢都仲打嚟同我吹半粒鐘去reinforce 同consolidate噃, 好波!! 不過又真係透切D嘅, 佢嘅再度引渡又真係令我嘅方向清𥇦D嘅, 寫嗰陣又會慳番D時間. 今日聽到佢講真係有D唔信, 佢居然幫我諗assignment諗到瞓唔着噃. 我話冇禁誇張嘛, 幫個中學生諗assignment諗到瞓唔着?? 不過諗諗下都可能噃, 有時連我自己(己經睇哂成本A Clockwork Orange, 有哂先生幫o架o剌)都諗到差唔多發癲, 更何況係一個冇外援嘅人?? 佢又話驚教唔到個仔做人, 分唔清是非黑白噃(呢兩年嘅English Literature 都係教D morality 嘅野o架!!). 我完全明白佢嘅用心良苦嘅!! 因為中一時(好彩個陣仲未着草) study過朱自清嘅背影, 體會到佢對佢自己年少低B時對父親嘅冷淡嘅種種後悔慚愧表現, 我係絕對唔會重蹈佢嘅覆轍嘅!!
我覺得Twins hai友誼第一首歌入面唱出一句話我好想同我老豆講嘅: 神奇在我孤立無援時看清楚你, 來年若可再奪殊榮在台上多謝你!!
今日真係特別覺得好波嘅!!
>>April 23, 2003 at 10:06:38 PM GMT+8
|
![]()
校訓一百條
1. 每 天 要 高 聲 朗 讀 100 條 校 訓 一 遍 。
2. 哎 o 也 ！
3. 不 准 交 學 費 時 「 o 雪 o 雪 」 聲 。
4. 不 得 用 雞 翼 尖 頂 別 人 個 雞 心 。
5. 不 得 食 餅 餅 食 到 滿 口 滿 牙 餅 餅 渣 時 張 開 咀 巴 驚 嚇 老 師 個 心 。
6. 不 得 咬 別 人 個 頭 。
7. 不 得 不 交 學 費 。
8. 不 要 這 樣 好 不 好 。
9. o 拿 ， 真 的 不 要 這 樣 。
10. 我 愛 您 。
11. 唱 歌 不 得 震 喉 震 得 不 緊 要 。
12. 不 准 小 便 不 準 ， 小 小 不 準 也 不 准 。
13. 小 過 三 次 便 算 大 過 一 次 ， 大 過 三 次 便 要 停 學 。
14. 小 便 三 次 便 算 大 過 一 次 ， 大 過 三 次 便 要 停 學 。
15. 大 便 過 大 算 三 次 ， 一 次 過 小 三 次 便 要 學 停 過 。
16. 不 得 小 小 不 滿 意 便 考 慮 轉 校 ， 對 面 街 的 幼 稚 園 其 實 仲 渣 就 真 。
17. 不 准 吃 了 一 舊 又 一 舊 。
18. 不 准 說 話 一 舊 舊 。
19. 不 准 一 腳 踏 到 隻 蟑 螂 變 屎 餅 後 還 要 老 師 看 看 ， 驚 嚇 老 師 個 心 。
20. 交 學 費 。
21. 不 准 拉 拉 扯 扯 。
22. 不 准 「 o 痾 」 「 o 痾 」 聲 高 叫 。 「 o 丫 」 「 o 丫 」 聲 、 「 咩 」 「 咩 」 聲 、 「 哎 」 「 哎 」 聲 等 則 有 時 准 ， 有 時 不 准 ， 要 聽 過 至 知 。 但 「 o 痾 」 「 o 痾 」 聲 就 一 定 不 准 。
23. 說 話 結 尾 不 得 加 個 「 囉 」 字 ， 這 樣 不 太 好 囉 。
24. 發 問 前 要 舉 手 。
25. 發 問 後 要 放 低 手 。
26. 發 問 前 和 發 問 後 之 間 ， 把 手 扣 在 手 骹 上 。
27. 不 得 問 老 師 或 校 長 ： 「 咩 o 者 ？ 」
28. 唱 遊 時 不 得 用 兩 隻 食 指 篤 面 面 懶 可 愛 ， 驚 嚇 老 師 個 心 。
29. 交 學 費 囉 。
30. 不 要 吃 別 人 個 包 。
31. 不 得 遲 交 學 費 足 足 一 個 星 期 都 有 ， 驚 嚇 校 長 個 心 。
32. 要 大 個 仔 大 個 女 ， 不 要 把 「 車 」 叫 作 「 車 車 」 ， 不 要 把 「 波 」 叫 作 「 波 波 」 ， 不 要 把 「 頭 」 叫 作 「 頭 頭 」 。
33. 不 要 當 我 「 Lulu」 。
34. 上 課 記 緊 要 帶 自 己 個 頭 頭 。
35. 不 在 乎 天 長 地 久 。
36. 不 准 留 鬚 （ 貓 科 類 學 生 除 外 ） 。
37. 長 大 後 不 要 怨 我 們 。 （ 要 怨 就 怨 你 自 己 ）
38. 不 要 吃 九 製 陳 皮 。 那 是 老 師 的 。
39. 不 得 明 明 收 了 聲 ， 又 喊 ， 驚 嚇 老 師 個 心 。
40. 不 准 乘 坐 名 貴 房 車 上 學 ， 驚 嚇 校 長 個 心 。
41. 不 得 不 這 樣 。
42. 久 不 久 就 想 起 你 。
43. 不 得 痴 心 枉 種 。
44. 不 可 吃 得 太 飽 打 屎 噎 ， 驚 嚇 同 學 。
45. 不 如 算 數 。
46. 不 可 吃 吃 o 下 卡 樂 B 薯 片 問 人 幾 點 。(或請人食凍柑)
47. 交 學 費 。
48. 不 准 上 課 打 瞌 睡 噶 噶 聲 流 口 水 打 擊 老 師 個 心 。
49. 上 課 全 班 一 起 叫 「 老 師 早 晨 ！ 」 「 校 長 早 晨 ！ 」 時 不 得 把 音 調 故 意 拉 長 說 成 「 老 ─ ─ 師 ─ ─ 早 ─ ─ 晨 ！ 」 「 校 ─ ─ 長 ─ ─ 早 ─ ─ 晨 ！ 」 ， 延 誤 學 業 。
50. 放 學 全 班 一 起 叫 「 老 師 再 見 ！ 」 「 校 長 再 見 ！ 」 時 不 得 把 音 調 故 意 拉 長 說 成 「 老 ─ ─ 師 ─ ─ 再 ─ ─ 見 ！ 」 「 校 ─ ─ 長 ─ ─ 再 ─ ─ 見 ！ 」 ， 延 誤 收 工 。
51. 不 要 一 味 話 得 得 得 。 （ 要 真 係 得 至 好 。 ）
52. 要 因 應 環 境 ， 不 得 隨 便 賴 尿 。
53. 不 准 不 孝 。
54. 要 孝 。
55. 上 廁 要 排 隊 （ 位 置 不 得 轉 讓 或 以 有 限 公 司 方 式 更 換 董 事 ） 。
56. 不 得 這 樣 傻 皮 。
57. 交 學 費 。 （ 支 票 抬 頭 請 寫 「 德 和 燒 味 」 ）
58. 不 可 在 上 課 時 吃 杯 麵 吃 到 「 o 雪 」 「 o 雪 」 聲 。
59. 不 可 移 民 ， 驚 嚇 校 長 個 心 。
60. 不 過 不 失 咁 啦 。
61. 不 要 吃 特 點 。 不 抵 。
62. 不 嬲 到 冇 折 。
63. 不 經 不 覺 又 幾 年 。
64. 久 不 久 又 想 起 你 。
65. 不 要 發 耳 贈 。
66. 不 要 撩 人 o 地 。
67. 不 要 眼 大 睇 過 籠 。
68. 不 要 朦 眼 。
69. 不 要 對 月 亮 起 誓 。 ─ ─ 莎 士 比 亞
70. 交 學 費 。
71. 不 得 貪 口 爽 。
72. 吧 啦 啦 啦 啦 吧 。
73. 吧 啦 啦 啦 啦 吧 啦 啦 啦 。
74. 吧 吧 啦 啦 吧 吧 啦 啦 啦 啦 啦 啦 啦 吧 吧 吧 吧 啦 啦 吧 吧 啦 啦 啦 啦 吧 吧 吧 吧 啦 啦 啦 啦 啦 Boo Boo Bon Bon。
75. 不 得 批 評 別 人 有 少 少 黐 線 。
76. 你 先 至 有 少 少 黐 線 就 真 。
77. 吧 啦 吧 啦 啦 啦 啦 啦 吧 。
78. 交 學 費 。 （ 本 票 或 現 金 ）
79. 不 得 咬 老 師 個 菠 蘿 油 。
80. 不 得 都 要 得 。
81. 好 o 野 還 有 二 十 句 校 訓 便 作 完 。 （ 密 切 留 意 最 精 采 的 校 訓 第 93 條 。 ）
82. 不 得 忘 記 本 校 校 訓 。 （ 尤 其 最 重 要 的 93 條 。 ）
83. 不 要 兩 頭 望 。
84. 交 學 費 。
85. 你 的 名 字 ， 我 的 訓 示 。 （ 尤 其 第 93 條 。 ）
86. 要 記 起 我 。
87. Love You Forever！ （ 留 意 第 93 條 。 ）
88. 交 學 費 。 （ 都 係 最 好 現 金 o 丫 唔 該 。 ）
89. 「 畢 」 多 碗 飯 畀 我 o 丫 唔 該 。
90. 不 得 咬 本 校 校 訓 。 （ 尤 其 第 93 條 。 ）
91. 不 得 用 腳 腳 踢 別 人 的 暈 精 。
92. 哎 o 也 ！
93. 不 准 偷 看 。 （ 原 「 校 訓 93 」 已 遷 往 「 校 訓 98 」 。 不 准 再 偷 看 ， 否 則 用 腳 腳 踢 你 的 暈 精 。 ）
94. 不 要 令 別 人 失 望 。 （ 密 切 留 意 校 訓 98！ ）
95. 臨 睡 前 要 吃 一 碗 粗 麵 。
96. 吃 完 粗 麵 要 踢 腿 。
97. 要 一 邊 踢 腿 一 邊 高 聲 朗 讀 校 訓 。 （ 其 中 當 然 包 括 最 重 要 的 第 98 條 。 沒 有 第 98 條 ， 就 沒 有 本 校 ， 就 沒 有 校 長 ， 就 沒 有 老 師 ， 就 沒 有 你 。 畢 生 也 要 緊 記 本 校 校 訓 第 98 條 ！ ）
98. 冇 校 訓 九 十 八 ， 就 冇 本 校 ， 就 冇 本 校 長 ， 冇 老 師 ， 亦 唔 會 有 各 同 學 － － 記 住 ， 畢 生 都 要 緊 緊 記 住 ： 「 忘 記 荔 芋 火 鴨 扎 ， 也 不 可 忘 記 校 訓 九 十 八 ！ 」
99. 吧 啦 啦 啦 啦 啦 啦 Boo Boo Bon Bon Bon！
100. 交 學 費 。
from 春 田 花 花 幼 稚 園
|
廣告 |
|
|
讀者留言 |
| 路人留言
|
 喂！好耐無contact啦~
>>April 11, 2006 at 10:49:19 AM GMT+8
只要有毅力 + 找緊機會, 看似
>>September 9, 2005 at 6:55:09 PM GMT+8
should be very b
>>August 13, 2005 at 7:41:52 AM GMT+8
what do u think
>>June 4, 2005 at 9:43:47 PM GMT+8
Did you type all
>>May 10, 2005 at 10:16:03 PM GMT+8
Still remember t
>>January 5, 2005 at 3:07:22 PM GMT+8
我都想出多幾次街一齊玩呀...
>>December 18, 2004 at 8:31:43 PM GMT+8
ur diary takes m
>>September 26, 2004 at 12:57:36 PM GMT+8
荷蘭青口煲 mus...sel
>>August 7, 2004 at 1:22:04 PM GMT+8
i like your diar
>>July 22, 2004 at 10:54:48 PM GMT+8
哈哈...你個澳門trip都真係
>>July 22, 2004 at 8:21:55 PM GMT+8
A little bit con
>>July 21, 2004 at 3:54:38 PM GMT+8
Enjoy reading yo
>>July 20, 2004 at 11:43:09 PM GMT+8
假 如 每 個 人 都 理 性
>>July 20, 2004 at 4:25:07 PM GMT+8
好似落狗 shXt 咁 (sho
>>July 20, 2004 at 4:05:00 PM GMT+8
xxx is too much
>>July 5, 2004 at 6:55:48 PM GMT+8
Haven't posted a
>>July 5, 2004 at 5:09:29 PM GMT+8
美 醜 成 一 對
<br>i
>>July 3, 2004 at 10:25:34 PM GMT+8
Today seems not
>>July 3, 2004 at 12:35:25 PM GMT+8
hey, find one da
>>July 2, 2004 at 1:41:46 AM GMT+8
Once upon a time
>>June 30, 2004 at 12:01:28 PM GMT+8
From your 28/6 d
>>June 30, 2004 at 11:37:55 AM GMT+8
However, definit
>>June 21, 2004 at 6:19:27 PM GMT+8
Besides US baby
>>June 21, 2004 at 5:40:46 PM GMT+8
BBQ super hot "冇
>>June 21, 2004 at 12:40:23 AM GMT+8
I think the majo
>>June 17, 2004 at 6:15:02 PM GMT+8
o-11 was ok la a
>>June 13, 2004 at 9:19:25 PM GMT+8
你個consultion好有人情
>>June 11, 2004 at 1:28:55 AM GMT+8
maybe u stay in
>>June 10, 2004 at 6:38:15 PM GMT+8
Do you still rem
>>June 9, 2004 at 10:30:57 PM GMT+8
自 然 、 自 信 、 簡 潔
>>June 9, 2004 at 10:20:56 PM GMT+8
The day is almos
>>June 8, 2004 at 3:54:24 PM GMT+8
hey, my 1st sem
>>June 1, 2004 at 6:11:00 PM GMT+8
学校嘅
>>May 28, 2004 at 5:53:42 PM GMT+8
Your comment of
>>May 27, 2004 at 4:14:43 PM GMT+8
三三不盡，六六無窮，九九八十一~
>>May 19, 2004 at 10:00:37 PM GMT+8
New living looks
>>May 7, 2004 at 10:49:12 PM GMT+8
睇黎你既medi生活都幾多姿多采
>>May 7, 2004 at 5:58:40 PM GMT+8
wah so nice... i
>>April 30, 2004 at 1:53:05 PM GMT+8
Wow ... long tim
>>April 30, 2004 at 10:57:08 AM GMT+8
喂好波喎~~
<br>你個ana
>>April 26, 2004 at 9:06:07 PM GMT+8
i'm looking forw
>>April 25, 2004 at 12:41:35 AM GMT+8
Diary owner vani
>>April 17, 2004 at 3:10:16 PM GMT+8
嘻‥
<br>好耐冇黎啦‥
<b
>>April 15, 2004 at 8:56:33 PM GMT+8
wei wei, how oft
>>April 6, 2004 at 5:23:14 PM GMT+8
咁正？咁你同bernard有乜野
>>April 5, 2004 at 1:14:13 AM GMT+8
唔知我係味你響墨記里邊認識，第一
>>April 2, 2004 at 8:45:30 PM GMT+8
Work hard and fi
>>March 25, 2004 at 9:46:12 AM GMT+8
概然mc咁難做...咁咪用中華牌
>>March 24, 2004 at 10:50:19 PM GMT+8
hmm....ur old ic
>>March 14, 2004 at 11:48:23 AM GMT+8
|
|
臨瞓前仲有幾分鐘, 就總括一下今日Labour Day holiday做咗乜啦!!
今日睇咗一篇 報紙 article, 同24/4 嗰篇 “道教與Chem” 所提出嘅倫理問題有着不約而同嘅POV. 小弟睇完之後好有共鳴, 心想呢條友所講嘅正係小弟嘅心聲. 我自知自己語文水平稍 “削”, 怕讀者唔明我之前up乜, 所以決定節錄此文章, 希望貴讀者可以同我share 呢個idea 啦!! 如下:
我D星期一恐懼症又番嚟啦!! 諗起聽晚要番宿舍, 後日朝一開學仲要考試就頹lu…今晚有D唔想瞓, 因為瞓醒之後又差唔多要番學…唉!! 今個復活節嘅時間編排都算唔差, 以前放假最尾果日都後悔自己勁sai 時間, 但係今次好似有D改善…起碼冇禁regret. 嗱, 我都做咗唔少野 o架…約人踼波, 打tennis, 睇Johnny English, 最開心嘅係考咗學車牌…仲一次得咗tim, 好波!!
First of all, 尋日嘅Variation in D should be Variation in Cannon, sorry!!