2003 年 4 月 12 日 星期六 【晴】

聽日就要返學，真係有d唔想...
放假放左咁耐，放到個心都散晒...
唉...真係覺得自己好無用，
放左兩個幾星期假，竟然一份paper都做唔好，
點解我會咁架??????
d paper真係好難做...無特定既答案，
唔知點先算做得好，點樣先至做得對，
我之前做左幾百字，諗住起左個頭好易做啦，
點知睇睇下又覺得離左題，
又要再寫過，唉.......
算啦！我甚麼都不知道啦！
今日下午訓左三個半鐘，
諗住訓醒會諗到點做，點知都係咁！
算啦算啦！唔理咁多勒！
今日返崇拜有d唔專心，
有d眼訓.....有d內疚添！
算啦算啦！唔理咁多勒！
以後要做好d先得！
d paper，真係好難做呀~~~~~~~~~~~~~
算啦算啦！都係唔理咁多勒！
將一切都交託俾主啦！

>>April 13, 2003 at 4:32:25 PM GMT+8

2003 年 4 月 12 日 星期六 【晴】

heehee....等我又寫下我既小小感想啦!
我覺得一班好朋友gathering係一件好美好既事情...
唔知你有冇我以下既同感呢?...我喺理工大學既同班同學裏面,由9月開學至今都搵唔到一個完全
可以交心既朋友,成班total有七十幾個,剩係男仔都有六十個以上,但係都係無乜好好既朋友...
感謝主!我有你依一班可以伴我一齊成長,互相扶持既好朋友,令我能夠去講出自己既內心説話,
雖然我尋日無乜講到自己既嘢,但係我係感覺到互相之間係有一份無微既關心...當心既開心係難以言諭...
見到一班"女孩子"喺度傻笑既時候,對於心境蒼老既我來說,有提神既作用,令我有少少返老還童...hahaha...我係唔係後生咗呢?竟然無人叫我中叔呀,中伯呀...可能係放假既緣故吧!
Liu King你係我既好朋友,係一個好好既聆聽者...
小鳳無見一排瘦咗又醒咗bor,果然"乜野"之後成個唔同咗...
茵姐依然無變呀,豪邁奔放,都係咁"man"咁醒神...
俐俐一身黑色既打扮顯得成熟高貴咗...
小雲果然都係幽默風趣,仍然寸人係一針見血...
最後,梗係唔少得你啦,嘉穎,你靚咗同埋溫柔咗,識得為人設想,顧及他人既感受(係一個好社工)
多謝你哋咁多位帶俾我既歡樂,尤其係"你"呀...以後要keep住gathering呀！要去到七老八十呀！
祝各位今個sem勁勁過,有咁高就攞到咁高!
年青既阿中上

>>April 13, 2003 at 8:14:18 AM GMT+8

2003 年 4 月 11 日 星期五 【晴】

對十兄弟的一番話……

突然有所感觸，好想同大家講…當今日大家傾下次gathering既時候，我發覺大家既時間都好唔夾….我地好似連續考試咁，一d月頭、一d月中、一d月尾，小鳳更加要考晒成個六月添！不過，見到大家咁積極相討下次見面既日子，真係好感動…雖然我地成日都唔齊人，而家都唔知係十兄弟定係八兄弟，有時真係好驚我地會散……所以我會盡量gather大家，希望可以維持大家既感情同友誼，當我諗到如果有朝一日大家見面既時候，只係寒暄兩句、變成hi-bye friend既時候，我真係覺得好恐怖，唔想見到咁……我真係好希望十年後可以再去多一次日本！你地知嘛，我地而家可以話係各散東西，散佈在全港不同的大專院校，有d去左上莊，有d去左拍……各有各的生活，好似已經習慣左咁，但係有無諗過我地呢班人在無幾耐之前，仲係7A既其中一人呢？唉~大家都已經接受左呢個事實，我無話咁樣唔好，只是覺得有點兒那個而已，可以既話，真係好想再讀多一次7A，同大家一齊返學、放學、食lunch、食tea。不過，如果唔係經歷過呢D轉變，如果唔係中七暑假之後既日本之旅，我地之間既感情又未必會發展到而家咁樣……愈來愈唔知自己想講乜，總之一句講晒，好高興有你地呢一班朋友！

你地未必會認同我講既野，不過以上只係我既感受而已


>>April 12, 2003 at 6:16:07 PM GMT+8

2003 年 4 月 11 日 星期五 【晴】

今日超勁開心！
見左一班好耐無見既朋友gathering，
雖然開頭只得四朵金花，但係我地都已經癲左，
哈哈哈哈哈，我地一路只係識得哈哈哈哈哈，
好鬼失禮，攪到跟住既兩棵草都唔知點咁！
哈哈哈哈哈，我地實在太耐無見，
我地唔理得咁多，係咁笑係咁笑......
真係超級勁開心呀！
多謝俐俐同茵姐在我做paper做到發瘋既時候
幫我攪呢個gathering，雖然我無左一日既時間，
但係我個人真係relax左好多，相信做paper一定事半功倍！
仲有一件好開心既事，
就係佢地兩個係攪呢個gathering既時候熟絡左好多，
雖然可能佢地以後會分少左時間俾我(希望唔會啦！)
但係見到佢地兩個感情咁好，我真係好安慰！

哈哈，今日我地一班人食飯既時候講起以前小學既事，
嘩！我地只不過係大學生，就咁快想當年....
哈哈！我不禁諗起以後我地老左，
大家相約在茶樓飲茶的情景.....好攪笑！

我唔會忘記茵姐俾人拍左一拍之後既反應，
我唔會忘記茵姐俾人電既趣怪樣子，
我唔會忘記我地係尖沙嘴行左好耐好耐，
但係完全無意欲去買野既情形，
我唔會忘記茵姐同Liu King既一段往事，
我唔會忘記......
種種事情，我都唔想忘記，
特別係呢班朋友，真係好開心！
感謝主賜俾我呢班咁好既朋友，
好開心好開心好開心.....
為左你地，我真係可以放棄我既一切，
多謝你地帶俾我咁多既歡樂時光，
多謝，真係好感謝！
雖然夜晚我地坐在一起，好似無野傾咁，
但係我都好鍾意，總之我地一班人在一起既感覺就係好鍾意好鍾意啦！
Gathering，原來唔需要有好多活動，只要有一處地方供我們嘻嘻哈哈的就足夠了。

有一個人，成日都唔講野，
真係好驚佢係嬲左我地一班女仔不同佢傾計....
如果係既，對唔住呀！
我真係有d擔心佢唔開心，
佢雖然成日都話我窒佢(我唔覺架！)
不過我都好開心可以同佢一齊參加gathering，
我係一個好professional既社工...學生，
有咩，唔怕同我講架！
哈哈，雖然我同佢唔係好熟，不過俾d精神上既支持佢啦！

最後，想話俾各位知，
原來玖瑰真係有剌架！

真的最後，
想多謝你對我咁好，
多謝你默默的支持我、為我代禱，
我會努力做好d paper，唔會令你擔心！
thanks
「因為有你，世界變得不一樣；生命因愛動聽」

還有很多很多值得紀念的事，恕未能盡錄

>>April 12, 2003 at 4:01:33 PM GMT+8

2003 年 4 月 10 日 星期四 【陰】

今日心情麻麻，唔知自己做緊乜！
不過入夜後，心情有d好轉，
我同左一個好耐無見既朋友icq，
佢就係白姐嘞！好開心呀！
同佢真係好耐無溝通，
今次真係要多謝份paper。
送一封信俾各位，值得反省：

親愛的朋友：

今天早晨，當你起床的時候，我在旁端詳著你，並且希望你能和我說話；即使是幾句短短的字句，詢問我的意見或是為了昨天發生的一些事感謝我。但是我發現，你一起床就很忙。忙著找適當的衣服穿去上班。

我再一次等候。

當你在房子裡東跑西跑，忙著準備出門時，我知道你有幾分鐘可以停下來和我打個招呼，但，你還是太忙了。後來，你有十五分鐘，呆坐在椅子上，什麼都沒做。然後你突然站起來，我想你大概要對我說話，沒想到你竟然跑到電話那兒撥了號碼給朋友閒聊了一番。

我看著你去上班，我一整天耐心地等著你。從你一天的活動，我知道你真的沒空和我聊一聊。

結果午餐的時候，你四周觀望了一下。或許你覺得在他人面前和我說話很丟臉，所以你也沒有低頭向我謝飯。你看到前面幾桌有你的朋友在開動之前簡短地對我說了幾句話但是你還是無法做到。

沒關係。反正還有時間，我希望你可以和我說說話。

你下班回家了，但好像你還有許多的事要忙。做了幾件事後，你打開電視，我不知道你是否喜歡看電視，你拿著選臺器一個個頻道不段地跳著。你每天花很多時間坐在電視機前，腦袋空空毫無思索，只是欣賞著節目。我還是很有耐心地等你看完電視，吃完晚餐，但是你還是不理會我。上床的時間到了，我猜你大概累壞了。你向家人道晚安後，一股腦兒地躲進被窩裡，準時倒頭就睡。

那也沒關係，因為你可能沒發現我隨時在你旁邊守候著你，我有的耐性是遠超過你所思所想的，我甚至想教導你如何對待他人也要有耐心。我非常的愛你，以至於我每天等候你向我點個頭、禱告、想到我，或者從內心深處說出你對我的感謝。單向的會話實在很難的........。

嗯，你又起床了，你一次次地起床，我會一直用愛等候，盼望今天你能給我一點時間。

祝你順心如意

你的摯友，上帝

附註：你有多餘的時間將這封信寄給別人嗎？

這是上帝來的一封信
我們是否常因為忙碌、害羞或信心不足等因素，常常忽略了和上帝說話呢？雖然我們是如此的軟弱，但上帝卻一直與我們同在，深愛著我們，並且願意用一顆寬容的心，等待我們再次的歸向祂 …

寫得真好！無錯！所以雖然我有好多好多paper，
但係我都依然會靈修！

....今日寫呢篇日記真不簡單，要排隊！
哈哈！真係聞所未聞，寫日記要排隊！

仲有，好開心，因為liu king用左我既留言版講佢既喜訊呀！
大家要多多留意呢！

雖然應承左俐俐同茵姐唔通頂，
但係我諗我唔可以守諾言，
sorry呀！我會訓架，
你地唔好擔心呀！
heehee...我會用我最靚既樣去gathering，
放心啦！

希望明天會更好！
會懂得把握現在的幸福啦！

>>April 11, 2003 at 8:15:43 PM GMT+8

2003 年 4 月 9 日 星期三 【陰】

今日，又係無乜特別......開始對做paper有d厭倦，
一起身，睇下報紙、上下網check e-mail，
之後就開始做paper，然後食飯、做paper、食飯、做paper...
跟住就訓覺.......好苦悶........所以我期間同左細佬妹玩左一陣啤牌，
唉........只不過訓左半個鐘左右既晏覺(18:45-19:15)
今晚就唔多眼訓，睇黎聽日都係會成十二點幾起身....
惡性循環...哈哈，我老豆最鍾意講既野。

唔知呢，我老豆好似唔多鍾意我成日訓到咁晏同傾電話，
佢今日問我琴晚幾點訓，我話點幾，跟住佢話，咁你咪一日訓成差唔多十個鍾？
一日得二十四個鐘，你咪有一半時間訓覺？做唔做得晒d野？
哈哈，我識左佢廿年，知道說話中間有骨，所以我無理佢。
其實我咁大個女，唔使咁擔心，因為你要擔心都擔心唔到咁多。

琴晚同妹妹訓既時候，同佢一齊讀聖經，佢好叻女呀！識得背十誡，
我同佢講，要多d讀聖經、祈禱、同返教會，佢問我，如果淨係讀聖經唔返教會得唔得？
我話，最好唔好啦！哈哈！佢話返教會好悶，所以唔想返，咁我就叫佢大個左同我一齊返，
佢應承左我！阿寶，講左無得反口架勒！琴晚真係好開心！

今日同茵姐好傾左一陣電話，哈哈，成日阻住佢真係唔好意思，
多謝你呀！識到你，我真係幸福，多謝你成日都咁支持我！！
我為你above mean而感到高興！我地要繼續努力呀！^^

睇左個好好睇，好值得睇既web-site.....
得閒就睇下啦！
有意思： http://www.soez.com.tw/0_soez2u/7_coolupload/upload/qMQ=102IQGQxj.swf (多謝呠呠)
好得意：http://www.iloveegg.com/ (多謝小雲)

.....半夜三點三，繼續寫paper.....唉........悶！

>>April 10, 2003 at 7:29:12 PM GMT+8

2003 年 4 月 8 日 星期二 【雨】

又睇到一睇文章：

一生何求
哲學家見一位漁夫在海灘上曬太陽便奇怪地問：“你怎麼不去捕魚？”
漁夫說：“我已經回來了。”
哲學家說：“為什麼不多捕一船？”
漁夫答：“我們吃喝夠用了。”
哲學家說：“多捕魚可以多存錢呀。”
漁夫搖頭道：“存錢幹什麼？”
哲學家算道：“如果你每天多捕一船魚，十五年後就會買很多船。”
漁夫懶洋洋地說：“那又怎麼樣？”
哲學家認真地說：“那時，你就可以安安穩穩地躺在海邊曬太陽了。”
漁夫說：“我現在已經安安穩穩地躺在這個海邊曬太陽了。”
幸福，是一種感覺。

各位，知足常樂呀！

今日，同茵姐睇左一d好得意既野，
哈哈！真係好好笑！
茵姐，你要小心d呀~~~小心我既留言呀！
哈哈！成日阻住你唔好意思呀！

今日完成左一份group paper既一part，
都唔錯，進展…麻麻……不過我會繼續努力！！

今晚同妹妹一齊訓....好耐無試過，好開心呀！

>>April 10, 2003 at 6:00:34 AM GMT+8

2003 年 4 月 8 日 星期二 【陰】

我實在係忍無可忍!!!
我要將你所有既惡行公諸於世,等你無面見人,哼!
你連續五次攪我,每一次我都好無奈,只有忍受...
但係到第五次,我終於頂唔住,我要講俾其他人聽你對我做過既事,
等人對你有所既防範...
你頭四次攪我右耳,最後一次竟然得寸進尺,攪埋我隻左耳...
我好討厭你既"溫溫"聲呀!!!!!!!!!!!!!!!!!!!!!!!!!!!!!!
救命呀!!!!有冇人可以救我呀???????
我只不想訓過覺"姐",咁都唔得!?

阿中

>>April 8, 2003 at 6:51:54 PM GMT+8

2003 年 4 月 7 日 星期一 【雨】

而家落緊大雨，心情同我差不多--麻麻地，剛剛被"得意可愛"既細佬激親，都唔明點解我琴日會話佢"得意可愛"！有無攪錯！！

唉~~~原本聽日要去沙田visit機構，不過今日去搵個聯絡人既時候，佢話太忙想下個星期先再去wor......唉~~原本我地約三月廿幾，一拖再拖.....攪到而家都仲未去得，四月廿二就要交呢份paper，點算？

今日四點幾去左"和諧之家"visit，問左好多好多問題，唉....意味著份paper有好多好多野要寫.....個visit唔錯，個社工姐姐好靚.....唔知我第時會唔會好似佢咁呢？.........佢又好叻、好prof.，真係唔敢相信第二時我會做d同佢差唔多既工作，見到佢同我地傾完之後就要即刻做番自己既野，抖都唔抖，傾左兩個幾鐘，佢唔攰我地都攰....無乜精神，唉....真係替佢辛苦......唉..........唔知第二時我會唔會好似佢咁忙呢？..........唉..............

而家唔想讀書，但係見到佢咁辛苦就更加唔想做野，咁，究竟我可以做d咩呢？

諗番成日最開心既事，就係在地鐵入面同俐俐、茵姐一齊諗星期六去邊既時候，因為我地又有gathering勒！好期待呀！呢次gathering唔係我攪，不過係我建議，之後我就shift左呢個責任俾茵姐同俐俐....哈哈！好唔負責任呀！真係辛苦晒佢地兩個，不過唔係我攪既gathering，都幾難得，要好好享受吓被人約既滋味先！唉....如果無papers我諗我會開心好多、享受好多！！！
真係好唔想做paper呀！救命呀~~~~~~~

各位，為左我可以如期完成d papers，我決定自行閉關直到下星期一(不過我都會去gathering同埋返教會)，你地唔好以為我消失左呀！

>>April 8, 2003 at 2:28:28 PM GMT+8

2003 年 4 月 7 日 星期一 【晴】

而家差不多朝早五點，我仲未訓，點解？我都好希望我係因為趕paper而咁勤力，事實上，今晚(今朝？)我同左一個好同學、好朋友、好知己、好表姊、好姊妹......呠呠傾計。
我地諗返好多好多以前既事，佢係一路咁陪我成長，講得佢老d就係佢睇住我大......
傾左好耐好耐，唔想停，我地都好想好想返番以前童年既時候(可以o既話...我情願乜都唔要....返返以前)，真係好開心，不過我地都知無可能，覺得有時"回味o下都會好開心o既"！
我真係好好好幸福，有個咁好既表姐，佢好明白我，成日陪我，俾我支持，佢係繼婆婆之後，帶俾我最多美好回憶既人！我知無野可以分開我地！曾經有一段時間同佢既關係麻麻，感謝主，再將佢帶番去我既生命當中，如果唔係，我諗這將會係我人生中最大既遺憾！亦因為一次既危機，我地更加識得珍惜對方！真係感謝主~
家陣我同佢雖然唔係成日見，但係我地既感情一直維持住，無變淡。當大家有d咩事發生，我地都會即刻搵對方，我地唔怕麻煩對方，因為在對方眼中，無野比得上大家！我地"知道有個人隨時都願意陪伴住自己"，好滿足，我地唔需要成日見架！
我想同佢講：「我呢一生一世都願意陪你，無野可以分開到我地！」

當我地傾番以前既事既時候，我真係好想返番去，因為童年既時候無咁多煩惱，好無牽無掛，好開心，不過，而家有好多野我真係唔捨得放手，如果返番去以前，咁我就會無左我得意可愛既細佬妹(雖然有時好勞氣！)，無左班好好好好既朋友(尤其係十兄弟)，無左個好好好好既男朋友(傻佬)，無左好多美麗既回憶，無左好多人生經驗(雖然有d我唔想要)，無左一個屬靈既心(細個既時候我仲未返教會).......有時回憶先係最美好既，係呢一刻，我又諗番起，以前我係幾咁渴望長大..................人始終都係唔安於現狀的......最起碼我係啦............唉.....無計.......唯有安然接受.....認命把啦......................................paper...paper........paper.......................

>>April 7, 2003 at 9:41:23 PM GMT+8