2003 年 8 月 3 日 星期日 【晴】

終於都訓喇......
每一晚都好希望見到佢，好想陪佢
開頭見到會好開心，但係見佢遲遲唔走，就好擔心，
後來，決定陪佢陪到佢走....雖然佢唔知，但係無所謂，
起碼當佢悶既時候，有一個選擇--同我傾下計
或者做野做到好唔開心時，可以同我講下...
雖然佢未必會咁做，但係，唔代表佢唔會做........
每一晚見到佢，就有預感：今晚又要夜訓。
記得有一次，諗住陪佢，點知唔覺意訓左，
佢就在我訓左之後既一段好短時間之內同我講野...
結果我遲左成個鐘先應佢....就係咁，我好後悔，點解唔等多幾分鐘呢？
之後幾次...我好「成功」咁等到佢話訓我先好安心咁去訓....
都唔知點解要咁做，只想精神上俾你支持，你話我傻又好咩都好，
就算你唔知都好，可以既，希望以後我都可以比你遲訓，讓你知道你唔係得一個人。


各位，早抖！

>>August 3, 2003 at 8:26:12 PM GMT+8

2003 年 8 月 2 日 星期六 【晴】

對醫生朋友的一番話：
好開心呀！上年八月識你，一路都同你感情唔錯，
以為已經好好架啦！點知.......
今年因為一齊做XX，合作多左好多好多，
一齊既時間又多左好多，所以感情都好似進步左好多咁....
真係好開心！
之前以為已經認識你好多，不過原來只係我既主觀，
你係一個同我一樣好想好想照顧人既人，好關心人同細心既人，
我地大家都好鐘意為XX做野，有時仲爭野做添！
哈！有時又會互相推D工作俾人，因為大家都知道對方喜歡做個樣工作！
哈哈！真係好開心！同你一齊好舒服，你照顧得我好好呀！
(^^ 照顧阿XX都唔錯呢！ 哈！睇黎我唔再可以幫你食死貓喇！)
佢地都開始....... ^^
你呀！書遲D有排你讀，有排你忙....好趁呢個暑假休息多D呀！
唔好成日俾個殘樣人地睇，等人地以為你好弱，想照顧你呀！
由於呢排見得你最多，關心既野又好相同，所以搵多左你，
^^ 希望無煩親你啦！ 好多謝你成日做我同XX既夾心人！(不過我知你同佢都好樂意呢！^^)
仲有仲有...你呀！真係太純喇！要小心d呀！如果唔係，真係好易俾人呃.....
(呢個係我最最最擔心既一樣野呀！)

>>August 3, 2003 at 9:29:35 AM GMT+8

2003 年 8 月 1 日 星期五 【晴】

嘩！想話自己唔勁都唔得！好番lu~~~~~
哈哈！真係無乜事，不過慎重起見，今日都無出過街....
驚遲d去唔到o camp呀！咁就真係大鑊喇！

哈哈！由於有一日休息，做左好多平時已經想做，但係又做唔到既野，
家陣個心安落左好多lu，如果唔係，d野積下積下，都唔知幾時先掂！
雖然d野好瑣碎，but好重要！

琴日真係有史以來訓得最多既一日，不停怒訓訓訓！
唔係計訓左幾耐，而係有幾多個鐘係清醒既！
哈哈！數下手指....有八九個鐘啦！哈哈！真勁！
今朝訓到我唔想再訓！怕左訓覺！訓得多都唔好，夜晚會訓唔著.....

今日知道自己做左件錯事.....真係好好好內疚....唔知點做先可以補償番......
對唔住呀！真係好內疚！對唔住.......sorry呀！

同你講左...唔知你點諗，希望唔好亂諗......
只係想你輕鬆d，唔好成日掛住d xx野，好傷身！
知你會貴人善忙，所以話聲你知，等你好好準備，
唔好亂黎，終身大事呀！小心小心！

唔知你點諗，算啦！做好自己就算！
(陪你陪到你off啦！)

>>August 1, 2003 at 6:10:18 PM GMT+8

2003 年 7 月 31 日 星期四 【晴】

今朝收到一個電話，聽完之後唔太開心
不斷反省，都係太過魯莽，自以為是......
對唔住，增加左你的麻煩，又幫唔到你，
令你煩上加煩，sorry呀！
竟以為自己有能力幫你，令你有所疏忽，
而家真係唔知點算....
對唔住，真係萬分個對唔住，
原諒我啦！

>>August 1, 2003 at 5:35:15 AM GMT+8

2003 年 7 月 30 日 星期三 【晴】

真係好邪呀~~~~~~~
前幾日先話好耐無病過，而家就真係病左喇...
唉~~仲要係病到死死下咁...好辛苦呀！
可能係前日去睇戲時冷親(個戲院真係好凍)，
跟住呢排又無乜休息掛......
都好，有個藉口俾自己大訓特訓一餐！哈！
真架！琴晚已經好唔舒服，咁就早訓左...大約一點左右訓，
今朝又遲少少起身(七點半....差d遲到)，
返學校途中成程巴士都訓，回程又係..
.一返到屋企，因為太肚餓，食左少少野就怒訓.....
訓左三個幾鐘呀！跟住心知唔可以再訓，先起身....
哈哈！點知都仍然好唔掂當，訓左係張梳化度.....
細佬妹話我發燒wor....話有成三十九度....哈！都唔知係唔係，
不過真係好鬼辛苦，所以食左粒panadol，跟住就好左dd....
哈哈！家陣好左好多lu~~
由於太少病既關係，要好好記低先得！
and...要趁而家好dd，繼續做野先得！
聽日最後一日返學，希望好頭好尾啦！

>>July 31, 2003 at 11:05:38 AM GMT+8

2003 年 7 月 29 日 星期二 【晴】

今日有dd累，因為喉嚨仲有少少痛...而且好似有dd傷風...哈哈！真抵死！
頂唔順.....最衰就係咁....少少既病，又唔大，唔可以休息！
今日帶埋細佬妹去書展...因為唔想成日去街唔理佢地，
始終都係我細佬妹....成日早出晚歸，野都唔講多兩句....
琴晚茵姐同我講，佢要遲到，俐俐又可能唔到....
即時既反應係：不如cancel啦！
原因係...好少人去，不如下次再約過.....
其實真係好衰好衰！最主要既原因係我唔想去！
因為真係好累......
之前pre-camp完左返黎，到而家都未有一日係可以好好好舒服咁訓，
唔想再早起身，想搵一日留在家，盡家姐既本份(真係成日都無乜點理佢地...)
(作為一個輔導員、OC、miss、朋友，我覺得我已經盡左我既責任，當然仲可以好d啦！^^)
好想留在家休息休息....
不過朋友話，而家唔出黎，都唔知幾時會出，都係既....所以照原定計劃行事！
其實都唔係唔好，都好開心呀！哈哈！
不過就係有dd呆滯，希望你地唔好介意啦！
哈哈！成日都好似無乜表情咁....無乜出聲(出唔到聲...)，真係唔好意思！
因為之前唔係太得閒，所以對今次出黎都好似無乜準備咁，
買飛都係之前一晚icq叫朋友買....仲要佢地去左銅鑼灣咁遠添！
好在最後都買到....不過係在灣仔買到...哈哈！
見到d朋友好開心呀！佢地好似都變左少少...尤其係女仔呀！
一個變得成熟左，一個靚女左...貪靚左！^^ (我就殘左！)
哈哈！真係得意！竟然會跌左隻con出黎...成四個人圍住你望住你隻眼既感覺係點架？
哈哈！好得意呀！不過你真係好冷靜！厲害！係我既話都唔知點算！
今日其實真係開心，只係有d累，所以先會好似無乜表情咁...
sorry呀！下次出黎我會興奮d架喇！

哥哥對我好好！所以我會努力d！
姐姐你都做左好多野！辛苦晒~~~

>>July 30, 2003 at 10:30:52 AM GMT+8

2003 年 7 月 29 日 星期二 【晴】

請用心去閱讀這個故事，必定有一些體會

如果沒有這次遠遊，
遲鈍的我也不會知道
退休十幾年的老爸，竟衰老得如此快速。

我們五姊妹湊足了三個，決定陪爸媽去新加坡玩。
在去程的飛機上，老爸四小時都不願如廁，
任憑我們好說歹說，他依然老僧入定， 不肯起身。
在每一站觀光區，他也是非到萬不得已才進男廁。

有次我觀察到他小解出來，看不到熟悉親人身影，
先是向東搜尋，繼而向西呼喊，
站在陌生人群中，一副茫然失魂的樣子，
我終於瞭解他出門在外不願如廁的原因。

以前不解事的小兒子常笑他八十幾歲的老奶奶，
不知是裝傻或變笨了，連鈕釦都不會扣，
好簡單的一件事，為什麼老人就是做不好？

我們還未經歷到，當然難以理解，
年紀大了，有時候手腳會不由自主、不聽使喚，
我以為老爸和婆婆之間還有一大段差距，
誰知他也不知不覺走到這個階段了。

往後行程我根本無心玩賞，
只要看到老爸表情稍有異樣，便強行押解他到男廁，
自己則守在外頭，起初老爸感到萬分不自在，
後來就漸漸習慣了。

回程飛機上，我陪老爸去洗手間，
他忽然低聲對我說：「其實我不會鎖機上廁所的門。」
我拍拍他肩膀，告訴他：「沒關係。」
心裡卻翻湧出一陣心酸。

很想告訴同行的妹妹，下次出遊，該把各自的老公也帶來，
「半子」也應盡一份心，不是嗎？
很想告訴沒有同來的三妹，錢財日後都賺得回來，
唯有父母健在安康，又能帶著遠遊，
這才是為人子最大的福份；
很想告訴老爸，
問題解決了，我們下次可以飛到更遠的地方去旅行。

這篇文章給了我許多感觸
也讓剛離開家的我不禁滴下眼淚....
或許是自己太多愁善感，
也或許自己的父母親也有可能如文中那般類似狀況，
只是自己一直沒發覺，
才驚覺原來老爸老媽也變老了，變脆弱了
不再是以前那「強壯的臂膀」、「溫暖的避風港」，
原來一直幫我扛著頭上那片天的巨人也會變老....

今生今世
我最忘情的哭聲有兩次
一次在我生命的開始
一次 在你生命的告終
第一次我不會記得 是聽妳說的
第二次 你不會曉得 我說也沒用
但兩次哭聲的中間啊
有無窮無盡的笑聲
一遍一遍又一遍
迴盪了整整三十年
你都曉得我都記得
好好珍惜身旁的親人、因為年輕、機會、生命只有一次．．．
惜生、惜福、惜緣

>>July 30, 2003 at 9:48:57 AM GMT+8

2003 年 7 月 28 日 星期一 【晴】

今日去左同兩個朋友玩....係名副其實的玩！
哈哈！因為之前無乜點plan過，所以有dd悶，
不過真係好舒服呢~~~真係好耐無試過咁樣lu~~
哈哈！多謝你地兩個呀！
唔知點解，我覺得我地三個人一 齊既感覺好好呀！
之後出黎玩(唔想叫gathering or 組聚 or 其他...係玩！)，我會plan一plan先！
多謝阿哥！希望你真係可以輕鬆d啦！^^ 不如以後都叫你做阿哥....幾好！
^^ 多謝阿哥請食飯、打機同玩冒險樂園！謝謝！

好開心有個好好好好好既大組長！
多謝你！你真係付出左好多！
好快就放完暑假，之後我地再出黎玩啦！

>>July 29, 2003 at 12:51:33 PM GMT+8

2003 年 7 月 27 日 星期日 【晴】

聲音變得性感起來....好得意呢！
不過真係好無用..........少少野都做唔到！
d鹹柑桔水真係好鹹！救命！
究竟係d鹽有效定係d柑桔有效？

你真係有佢既影子，不過今次我唔會再咁傻！
我死都唔會再俾你玩我！

我真係好不安，原因唔係你所想咁簡單.............
唔好理俗世既眼光，要相信自己！
講左真係舒服d，最怕互相猜度，誤會對方...
不過我到呢一刻仲係有d驚....唔想因為咁而失去你........

今日好累，原諒我啦！

>>July 28, 2003 at 8:50:19 AM GMT+8

2003 年 7 月 23 日 星期三 【晴】

一位醫科生朋友sent以下message俾我：
<男人的藥物分類>
一個男人被封為「毒藥」是無上的光榮，因為大部分的男人都不過是「普通成藥」。
有些男人是「胃藥」，當你胃裡空蕩蕩或胃酸過多時，可以找他陪你吃吃飯，但他絕不是可以陪你吃一輩子飯的人選。
有些男人只是「止痛藥」。在你失戀之後，可以找他陪你度過傷心寂寞的日子，但他終究不是你愛的人......唉～如果可以，誰願意吃止痛藥？
有些男人是「傷風感冒藥」。吃不吃藥，傷風感冒還是會痊癒，這種男人可有可無。
有些男人是「減肥藥」，如果不到最後一步，誰肯要他？
有些男人是「避孕藥」，不要他，就沒有安全感；要他，卻有副作用。
有些男人是「春藥」，他喜歡上床多過談情。
只有「毒藥」，令人沉迷，非愛不可，明知他是毒，還是心甘情願服毒，直到肝腸寸斷。
而有些男人是「中藥」，一開始效果不見得好，但日久見人心，藥效是愈來愈顯著，到最後一定就能病癒，而且藥性溫和不傷身......只要堅持得久，包君滿意！
有些男人是「瀉藥」，跟他在一起，一輩子就完了！

哈哈哈！男士們有何感想？

>>July 24, 2003 at 11:03:12 AM GMT+8