2003 年 6 月 19 日 星期四 【晴】

琴晚好開心，因為發覺原來自己比李嘉誠富有。

錢
一個當大家不能再以物換物時,
必然出現的中界物


堅持
當試探不斷提高，是否仍然會「不再猶疑」呢？

>>June 20, 2003 at 11:16:29 AM GMT+8

2003 年 6 月 19 日 星期四 【晴】

收到一個感人的見証.
感人, 是因神的恩典很大, 很大.

梁一鳴先生, 前教育署副署長.
還記得有這樣的一件事嗎?
1998年與太太同時被控以房屋津貼租用自己的物業.

他從沒想過這樣做的後果如此嚴重.
他和太太都醉心於讀書和研究工作.
搬屋對他們來說是一件非常痛苦的事, 於是便想到住自己的物業.
而當時其實很多人都是這樣做的, 甚至學校方面亦隻眼開隻眼閉.
事實上, 他們生活很簡樸, 不曾想到要刻意欺騙些甚麼.

他交代這些背景, 並非要為自己辯護,
只是想說明, 當人在罪中, 往往不察覺不到自己的罪.

1998年2月, 被停職之後, 一個人留在家中.
想到自己身敗名裂, 還連累太太 (太太本是中大的兒科教授).
萬分懊悔, 不單把姆指也屈斷了, 甚至已寫好遺書, 準備自殺.
太太知道後把他送進醫院, 以重精神科藥物控制他的情緒, 出院後仍得繼續用藥.

後來有不少親戚向他表示關心, 有帶他去見法師, 有帶他返教會.
在教會中, 牧師告訴低著頭的他, 在教會中每一個都是罪人, 只是我們已得著神的恩典.
他回想從前自己亦曾讀基督教學校, 但那些道理並不能打動他,
因他自覺是一個不錯的人: 讀書成績好, 心地善良, 何罪之有?! 但今天.....

牧師又告訴他, 他之所以想自殺, 是因為他看到自己失去了很多東西,
但這些失去的東西都只是短暫的, 他原來可以得著有永恆價值的東西!
經過查經和尋求的日子, 他流著淚決定信耶穌, 心靈得著很大的釋放,
因祂知道主耶穌已經完全原諒了他, 接納了他, 從此他亦不用再服用任何精神科藥物.

1998年 7 月, 他和太太作好準備, 等候審判入獄 (律師亦是這麼估計),
神的恩典叫他們被判入獄 9 個月, 緩刑兩年.
他們高興之餘, 收到律政署發出的上訴信.

萬料不到, 這一次上訴, 因著文件的遺失, 法官生病.....
這單 case 竟足足拖了一年 - 由1998年 7 月, 到1999年 7 月才再上庭.
這一年間, 他與太太享受到之前十幾年也沒試過的拍拖生活.
過往各有各忙, 他 7 時已經出門口, 晚上 11 時才回家.
另外, 他的大兒子正讀中四, 有這兩位博士為他補習, 他的成績實在不能差到哪裡去.
99年 2 月, 他爸爸在加拿大爆血管, 接受了大手術,
由於正在停職, 他才能立刻趕往探望.
爸爸的情況非常危險, 社工已介紹城中最便宜的殯儀館,
但神亦保守了爸爸的性命, 並讓他在爸爸最辛苦的時刻伴在他身旁, 為他禱告.

99 年 7 月, 法官說應判他 12 個月, 沒有緩刑,
但鑑於這單 case 已足足拖了一年, 若再判會對他很不人道, 於是當庭釋放.
回想神奇妙的安排, 他實在不能不感恩!

00 年受洗加入教會.
同時, 他太太被裁定得以復職, 他卻被取消教書牌照, 即是連代課的資格也沒有了.
尊嚴受到打擊之餘, 他思想當中是否有神的意思.
他用一年的時間從新考穫一個基督教教育文憑.
他在禱告中計劃開一間教育服務中心, 然後有一位朋友找他一起合作.
然後有一位女孩子辭退本身的職位來幫他們開荒, 後來才知她是基督徒.
然後再聘請一位職員, 後來才知他也是基督徒!

在沉重打擊的日子, 亦是他和太太尋求人生最寶貴東西的機會.
基督徒並非不會經歷失意, 只是我們已經擁有最實貴, 又永不會失落的東西!

"惟有基督在我們還作罪人的時候為我們死,
神的愛就在此向我們顯明了." (羅馬書5: 8)

>>June 20, 2003 at 10:56:50 AM GMT+8

2003 年 6 月 18 日 星期三 【晴】

哈！一定要提提琴晚發左既夢..........

發左都幾多個夢，最深刻既係一個惡夢....其實都唔係好惡、好得人驚.......
哈！當我訓醒(被嚇醒？)既時候，真係感覺到個心跳得好犀利，
好似想跳出黎咁....又好似有少少抖唔到氣咁....
哈哈！個感覺好得意.......哎呀~~~總之難以形容，
不過....最可惜既就係我好快就訓番.........哈哈！

之後....又發左一個好真實既夢，夢既主人翁唔係我...
哈哈！好得意呀！真係好真實，希望唔會成真啦！
如果係真既話，我會將在夢中所說的再講一次俾你聽！哈哈！


呢排發得太多夢了~~

>>June 19, 2003 at 9:27:00 AM GMT+8

2003 年 6 月 18 日 星期三 【晴】

好書推介：小王子-------------------->超正！
不過所得到既message未必係正面既，有時更會為你加添幾分的無奈。
可是...大人就是這麼奇怪的了。

唉~~我失敗了，如果一切能如願，或者今天會辛苦一點，
但明天就會天順利了.......祝你明天一切順利。

cell group好多野做呀！(係cell group要做好多野，唔係我好多野做...)
哈哈！始終剛剛開始，還欠缺組織，慢慢來吧！

今天有一位朋友問了一個問題：
二百元賣不賣身？ 唔賣
五百元呢？ 唔賣
一千？ 唔賣
一萬？ 唔賣
十萬？ 唔賣
一百萬呢？ ........唔賣
一億？ .....要賣些甚麼？..............唔賣
.........

到了一億，很多人都會開始考慮，難道真的有一個價？
有了一億，可以做很多的事情，隨心所欲，但....卻失去了自己的身體.............

又一個問題：
如果到了一億元願意賣身，那麼九千九百九十九萬九千九百九十九元呢？
又會不會賣？ 真的會為了一元而改變主意？

人，到底值何價呢？

>>June 19, 2003 at 9:17:53 AM GMT+8

2003 年 6 月 17 日 星期二 【晴】

特別送比你 ~~ "天使的話"
曾經有個朋友同我講過佢自己既故事.....
響一年幾前，佢同相戀左好多年既女朋友分手，傷心欲絕....就響呢段時間,
佢睇左一部不知名既電影，內容係講有個人死左之後去到天堂，
果度有好多好多天使，仲有好多好似電視機既機器....
天使請呢個人坐低，然後呢 D 機器就開始放映呢個人既一生。
就係咁, 呢個人就睇住自己既一生好似電影咁播放....
但係, 佢發現機器每次放映緊佢逃避現實既場面，畫面就會停格，
而呢部機器曾經停格響 : -
1. 佢第一次激嬲爸爸媽媽而唔敢道歉
2. 佢深深愛上一個女人但係又唔敢表達
3. 為人父親既時侯，唔敢表達自己對仔女既愛
4. 到死既時候, 都唔肯講出內心所想
就係咁，呢個人一生既片段放完啦....天使們討論一陣之後同呢個人講 : -
你呢一生人裡面, 完全缺乏愛同埋勇氣，所以我地要請你重回人間，
去學一學咩野叫愛同埋勇氣之後，先至再番上黎呢度。
畫面一轉，呢個人又再一次出世啦 ... 因為佢要重新去學咩叫愛同埋勇氣。
我個朋友話比我知，呢部電影令佢非常震撼同埋感動 ...
因為, 原來如果佢呢世學唔識咩叫原諒，佢就要來生再學;
如果佢呢世學唔識勇敢面對，佢又要來生再學;
咁樣, 佢覺得點解唔響呢一世就學好呢兩樣野呢？
呢個朋友既一番說話，令到我重新提起勇氣去面對我應該要面對既生活同事情。
其實, 係天使的話!!
電影裡面有一位天使曾經咁樣講過：
有好多人進出你既生命;
但係只有真正愛你同鍚你既人先會響你個心裡面留底佢地既腳印,眼淚同心跳..
如果一個人背叛你一次，係佢既錯﹔
如果一個人背叛你兩次，咁就係你既錯...
失去金錢既人，失去好多﹔
失去朋友既人，失去更多﹔
失去信心既人，失去所有。
美麗既人係天然形成，美麗既心先至係難能可貴。
你同我係朋友，你會帶比我另一位朋友，咁我地互相就有三個朋友，
我地就開始成為一個小組，就好似一個圈圈，
無開始亦都無結束, 無貴賤亦都無彼此...一路延續落去...今生今世...

>>June 18, 2003 at 10:56:32 AM GMT+8

2003 年 6 月 17 日 星期二 【晴】

人道

紐約位在寒帶，所以冬天常有大風雪，
撲面的雪花不但令人難以張開眼睛，
甚至呼吸都會吞入冰冷的雪水。
有時前天晚上還是一晴朗，
第二天拉開窗簾，才發現已經積雪盈呎，
連門都推不開了。


遇到這樣的情況，公司行號會停止上班，
學校也透過廣播宣佈停課，
可是令人不解的是，唯有公立小學，
即使那雪已經積得難以舉步，卻仍然開放，
只見黃色校車，艱難地在路邊接送小孩子，
老師們則一大早就噴著白煙，鏟開車子前後的積雪，
小心翼翼地開車去學校。

據統計，十年來紐約的公立小學只因為超級暴風雪而停過七次課。
這是多麼令人不解的事，
犯得著在大人都無須上班的時侯讓孩子去學校嗎?
小學的老師也太倒楣了吧?
於是每逢大雪而小學不停課時，
都有家長打電話去罵，
妙的是，每個打電話的，
反應全一樣------
怒氣沖沖地責問，再滿口道歉、笑容滿面地掛上。


原因是，學校告訴家長：
在紐約充滿百萬富豪，但也有不少赤貧的家庭，
後者白天開不起暖氣、供不起午餐，
孩子的營養全靠學校的免費中飯(甚至多拿些回家當晚餐)，
學校停一天課，窮孩子就受一天凍、挨一天餓，
所以老師們寧願自已吃苦，也不願意停課。
有家長說：
何不讓富裕的孩子留在家裡，
貧窮的孩子去學校享受暖氣和營養午餐。

學校的答覆是：
我們不願讓那些窮苦的孩子感覺他們在接受救濟。
因為施善的最高原則，
是保持受施者的尊嚴

施善不等於施捨

>>June 18, 2003 at 10:42:15 AM GMT+8

2003 年 6 月 17 日 星期二 【晴】

很令人振奮的一段文字：
Students who succeed are the ones who read.
Writing is an assimilation and reflection of a person's ideas, knowledge and experiences on paper..
所以我們要享受寫paper，享受睇references.

>>June 18, 2003 at 6:22:05 AM GMT+8

2003 年 6 月 17 日 星期二 【晴】

昨晚搵到個知音人，多謝佢提醒左我好多，
發覺亂諗野都係一件好事....佢仲叫我keep住添！
YEAH!!!!!!! 好開心呀！
佢話我好expressive....哈哈！係咩？^^
不過覺得佢做呢行係對的，很適合他，很中point，多謝！
有很多的問題，不是一下子就會有答案的，
慢慢地想...不停地想，就會發掘出自己的答案，
一個屬於自己的獨一無二的答案。
「無結論都好,如果可以將個過程紀錄低,你會發覺原來幫o左你自己好多~~~」
人就是一路在變，變又是另一個使人步向快樂的過程
「回憶，尤其是苦澀的回憶，不能因時間磨滅，只能靠快樂沖淡，
像沖1/99漂白水那樣，變是面對日後困難苦難的消毒劑」
....太正了，多謝你，你真明白我。不過，從這又想像到，你也有很多的心事......
「苦澀沒有甚麼好享受的, 但苦澀可引起別人的注意及關懷........可有想過有些人濫用別人的關愛?」
也許，享受的不是苦澀，而是他的次產品----別人的注意與關懷。


原來很多朋友都是夜鬼....不到半夜是不會找你的.......半夜才是最忙的時候....哈哈
你地呀~~早d訓啦！都唔知點解成日攪到咁夜......早睡早起身體好呀！
會唔會，夜深人靜，倍添寂寞，所以才特別需要找人聊聊，中和一下空虛的感覺呢？

預左會有咁既結果，知道你係個點樣既人，都唔好話失唔失望lu~~
或者應該話要開心，為自己咁了解你而高興！
都怪自己一時手多多...一失足成千古恨.......哈哈！
而家都做唔到d乜.....唯有望自己生生性性啦！哈！

多謝你同我既分享，大家都知發生緊咩事，我地真係絕配！
哈哈！無聊精！咁就一晚.....哈哈！考試加油啦~~~
人生就係有好多都係身不由己，要忍受、接受、然後就會享受.......
大家一齊努力啦！要對得住自己，做唔到就唔好做，都係一個經驗之嘛~~

夠喇！昨晚實在太不知所謂喇！
不過...得到了很多很多......thanks

要再次投入paper既懷抱之中....學習忍受、接受和享受............

>>June 18, 2003 at 5:50:26 AM GMT+8

2003 年 6 月 16 日 星期一 【晴】

好多野做呀~~~~~~~不過又唔想做住.....
^^ 都未dead，算啦~遲d先算~~~~哈哈！

聽日....唔想咁快到聽日......好怕知道個結果........
唔想再面對呀.....希望唔會係真架啦~
好怕好怕.....不過次次都無事，所以今次都唔使驚！

哎呀~~~~~點算好呢？好多野未做呀........
哈哈！次次都係咁！得把口！！

將會同表姐做一d好耐未做過既事...哈哈！唔知我頂唔頂得順呢？
^^ 哈哈！好緊張呀~~~~~~

>>June 17, 2003 at 8:36:33 AM GMT+8

2003 年 6 月 16 日 星期一 【晴】

文章兩則：

一、手提vs攝影機
偵測廁所是否有針孔攝影機方法：
進入公廁時先看看你的手提是否可撥出電話，確認進入廁所後，
再看看你的手提是否一樣可撥出電話，
如果在廁所外面可撥出，
而在廁所內卻不可撥出，
就是有問題，因為安裝的時候光纖的問題會令電話不能正常接收，
這時你就要當心了！

二、不斷增值
人，其實跟一樽衣物柔順劑、一瓶漂白水、一罌果醬、一瓶餐酒，沒有兩樣
----要生存，得先被社會需求。
然而，到一天老舊了過期了，被社會用盡了，卻又再被遺棄，
一個掏空了的玻璃瓶，還有何用？人無法循環再用，
只有在被挖空之前，不斷refill自己，延遲見底。




節錄自一位朋友的info：
《小王子》的酒鬼為了忘掉自身酗酒的可恥而不斷喝酒.....
現實中很多人為了迴避灰色的現在而沉溺於美好的回憶，使現在更長灰塵。
但為甚麼，一些人總是回味著苦澀的過去呢?可能苦中帶甘吧?還是苦澀本身是一種享受呢?

享受苦澀？苦澀有甚麼可享受？

>>June 17, 2003 at 4:56:38 AM GMT+8