2003 年 7 月 4 日 星期五 【晴】

多謝你幫我整電腦，不過講真，唔覺得有咩特別唔同，
anyway都多謝你，好耐無見，好似型左d咁bor....哈哈！

夜晚有個新體驗，從未試過，都幾得意....
開始喜歡夜晚同黑色，蠻神秘的，
究竟黑夜彩虹係點樣架呢？
日抖同夜晚所見的事物好唔同，感覺有好大分別。

>>July 5, 2003 at 4:24:09 AM GMT+8

2003 年 7 月 4 日 星期五 【晴】

六則小故事

故事一：誰是傻瓜?
「傻瓜繳學費學習，聰明人以傻瓜繳的學費學習」--巴西諺語


有一個楞頭楞腦的流浪漢，常常在市場裡走動，

許多人很喜歡開他的玩笑， 並且用不同的方法捉弄他。
其中有一個大家最常用的方法。

就是在手掌上放一個五元和十元的硬幣，
由他來挑選，而他每次都選擇五元的硬幣。
大家看他傻乎乎的，連五元和十元都分不清楚，都捧腹大笑。
每次看他經過，都一再的以這個手法來取笑他。
過了一段時間，一個有愛心的老婦人，就忍不住問他:

「你真的連五元和十元都分不出來嗎?」
流浪漢露出狡黠的笑容說:

「如果我拿十元，他們下次就不會讓我挑選了。」

※默想:
當人自以為聰明時，其實正顯出愚昧和無知。
讓我們多以柔和謙卑的態度與人相處，那才真正是智者的作為。


--------------------------------------------------------------------------------

故事二：觀察力

「多數人的失敗不是因為他們的無能，而是他的心志不專一。」---吉魯德


有一個外科醫生告訴學生:

「當個外科醫生，需要二項重要的能力:
第一、不會反胃，第二、觀察力要強。」
接著，他伸出一隻手指，

沾入一碟看來令人作嘔的液體中，然後張口舔舔手指。
他要全班學生照著做，他們只好硬起頭皮照做一遍。
醫生頷首一笑說:

「各位，恭喜你們通過了第一關測驗。

不幸的是，第二關你們都沒通過，
因為你們沒注意到我舔的手指頭，不是我探入碟中的那根手指。」

※默想:
你有沒有仔細而認真的觀察，現在從事的工作是否有不佳之處?
及時調整，永遠不晚。一個認真的人也必是一個智慧的人。


--------------------------------------------------------------------------------

故事三：兩個家

「不要害怕你的生命會結束，而要害怕它從未開始。」---格雷斯.漢森


有一個人搭船到英國，途中遇到暴風，全船的人驚慌失措，
看到一個老太太非常平靜的在禱告，神情十分的安詳。
到風浪過去，全船脫離了險境，

這人很好奇的問這老太太，為什麼一點都不害怕。
太太回答:

「我有兩個女兒，大女兒叫馬大，已經被上帝接走，回到天家，
二女兒叫馬利亞住在英國。
剛才風浪大作時，我就向上帝禱告，如果接我回天家，我就去看大女兒，
如果留我性命，我就去看二女兒，

不管去那裡我都一樣，所以我怎麼會害怕呢?

※默想:
無論是甚麼樣的遭遇任何事，總不致懼怕。
把命運交託上蒼，充實而用心的過好每一天。


--------------------------------------------------------------------------------

故事四：小花的依靠

「沒有烏雲，沒有暴風雨，便沒有美麗的彩虹。」---芬生

有一朵看似弱不禁風的小花，生長在一棵高聳的大松樹下。
小花非常慶幸有大松樹成為她的保護，

為它擋風擋雨，每天可以高枕無憂。
有一天，突然來了一群伐木工人，

兩三下的功夫，就把大樹整個鋸了下來。
小花非常傷心，痛哭道:

「天啊!我所有的保護都失去了;

從此那些囂張的狂風會把我吹倒， 滂沱的大雨會把我打倒!」
遠處的另一棵樹安慰她說:

「不要這麼想，剛好相反，少了大樹的阻擋，

陽先會照耀妳、甘霖會滋潤妳 ;

妳弱小的身軀將長得更茁壯，妳盛開的花辦將一一呈現在燦爛的日光下。
人們會看到妳，並且稱讚妳說，這朵可愛的小花長得真美麗啊!」

※默想:
當失去了一些以為可以長久依靠的東西，

自然會有難過及割捨的痛苦，
但其中卻隱藏著無限的祝福和機會。
日後回首時，你才驚訝自己成長的痕跡，

是那麼清晰明顯，甚至是令人滿心喜悅的。


--------------------------------------------------------------------------------

故事五：沒有失敗，只有暫時停止成功

如果你已經為人父母，當你的孩子正在學習走路時，你會給他幾次機會？
你會在他跌倒十次之後，讓他改坐輪椅嗎？
還是只給他二十次學走的機會，若學不會走路就要他放棄？
或者當你身邊有五十個人叫囂著勸你放棄，你就決定讓他坐輪椅呢？
我想你的答案是：不會。
的確，當我間每一位父母，會給你的孩子幾次機會呢？
他們都說：我會給他無數次機會，直到他站起來，學會走路為止！
是的，一直堅持到底者，最終都會站起來。
為什麼許多父母只給孩子一次聯考的機會？
為什麼常用失望的口氣告訴孩子不適合某種行業，要求他轉行呢？
而許多人竟也因為沒有堅定的信念，一遇挫折就認為自己能力不足，
因此放棄了他們的理想。
其實，凡事沒有失敗，只有暫時停止成功。


--------------------------------------------------------------------------------

故事六：上帝的延遲並不是上帝的拒絕。

有一個人，他在二十一歲時，做生意失敗。
二十二歲時，角逐州議員落選。
二十四歲時，做生意再度失政。
二十六歲時，愛侶去世。
二十七歲時，一度精神崩潰。
三十四歲時，角逐聯邦眾議員落選。
三十六歲恃，角逐聯邦眾議員再度落選。
四十五歲時，角逐聯邦參議員落選。
四十七歲時，提名副總統落選。
四十九歲時，角逐聯邦參議員再度落選。
五十二歲時，當選美國第十六任總統。
這個人就是林肯，因為他堅信上帝的延遲，並不是上帝的拒絕，

因此能屢仆屢起，最終成就不凡。
重要的不是發生了什麼事，而是要做那些事來改善它。
佛家說逆境是「增上緣」，可遇而不可求。

遇到困難時，重要的不是發生了什麼事，

而是你即將用什麼態度來面對，
做什麼事來改善它。

>>July 5, 2003 at 4:10:06 AM GMT+8

2003 年 7 月 3 日 星期四 【晴】

好開心呀！
我老豆竟然會睇我既日記wor！
仲留埋言添呀！哈哈！
好耐無見你勒，好掛住你呀！
仲有都好掛住阿媽.......
上次我地briefing既時候，個個仔女都到齊，
就係無左老豆阿媽同埋阿婆，
感覺好怪呀！老豆阿媽你地唔好唔要我地呢班孤兒仔呀！

仲有你呀！哈哈！無諗過你都會留言，哈哈！
好開心呀！:p 我仲未睇你既diary添！
嘻嘻...我陣間就會去，你唔好鬧我呀！

今日A-Level放榜，唔知d朋友仔點呢？我都好緊張呀！
喂喂~~~你考成點呀？可以既就話聲我知啦，
想既都可以搵下我架！

好高興你終於放手俾我幫下你，有時好似逼你俾野我做咁......
哈哈！只係唔想你咁辛苦咋！
你知啦！你又要返工，又要處理好多其他事，
可以既都想你休息一下，雖然唔怕辛苦，但係可以既都唔好令自己辛苦嘛~
我會盡力做好d，為你又好，為個大組又好，都想大家開心d！

>>July 4, 2003 at 3:03:59 AM GMT+8

2003 年 7 月 2 日 星期三 【晴】

今日遇到一個好囂張既人(雖然我認同佢好叻)
對佢並無好感，不過我要幫佢做野.......
唔鍾意佢"懶"醒(雖然真係好醒).......
死野！點解我要under你bor！
仲有.....俾你拖我隻手，好唔抵呀！
哼！條氣真係好唔順呀！
好地地學人帶有色眼鏡，你以為自己好型咩？(雖則都有少少...)
又話忙，又唔帶筆，家陣我一定要幫你架!?
車~~咪以為自己好醒，第二時唔好問我，我唔會理你架！
知你識跳舞、彈結他，好巴閉咩？唔使係人面前show off bor！
家陣真係好唔順氣呀！死野死野死野！我一定唔會俾你睇小！哼！

好彩之後搵左個老朋友食飯，傾左好多野，
如果個個好似你咁對我，你話有幾好呢？
唉....多謝你呀！下次再約過出黎啦！
見到你諗通左我都安樂d，同你既想法好相似，感覺好好！
你要珍惜同佢之間既緣份，得閒再約我啦！
恭喜你得到重生，可惜我沒有來見證，但多謝你同我分享！
多謝你的體諒，以致我地既友誼可以長存！謝！
還有...你真的好坦白......多謝！

>>July 3, 2003 at 10:54:13 AM GMT+8

2003 年 7 月 2 日 星期三 【晴】

想講講七‧一
好多人。
由搭車去中央圖書館既時候已經知道會有好多人，
未見過地鐵會人多到塞住左個月台，人多到落唔到車，
未見過地鐵飛站、響"安"，真係多人多到覺得好離譜，
個個著住黑色衫，個感覺好特別。
去到因為遲大到，所以無跟其他同學仔行，就咁walk-in就算，
行得好慢好慢，平時十五分鐘既路程，要行成個鐘都未到，
又逼又晒，好在有幾個朋友陪住，無咁悶。
不過實在太多人，攪到失散左.......
好好彩又撞到幾個同學、教會朋友。
沿途既食店、士多真係開心到笑，好多「黑衣」幫襯，
不過就好似係黑社會聚會咁，好攪笑。
今次遊行既目的係希望唔好草率立法，
不過聽到好多反政府既說話，見到董生、葉太既公仔被人糟蹋，
覺得好慘，點解要咁做黎降低自己既人格呢？
一路行，d人叫得最大聲既就係「董xx落台」，
我同d朋友都無叫，因為呢個唔係我地既目的，
有時我諗，董生落左台係唔係真係可以改善呢？
得罪人都要講，我覺得董生同葉太好可憐，我好欣賞葉太！
今次遊行的確係好大型，講真如果無去既話我會後悔，
因為真係見到好多野，知道香港既民怨真係好大好大，
不過再有呢類遊行我未必會再去，因為我並唔反政府。
多得呢次既遊行，令市民有發洩既途徑。

....行到條腰好痛好痛............

>>July 3, 2003 at 10:33:48 AM GMT+8

2003 年 6 月 29 日 星期日 【晴】

今日又去街市，不過無之前兩次咁興奮，因為好眼訓。
好眼訓好眼訓好眼訓呀！
而且又無乜idea，唔想諗呀！
不過，因為咁先可以試下一路俾太陽晒，一路淋雨既感覺，
好得意架！又熱又凍咁，哈哈！
發現大自然真係好神奇。

謝謝你，我都希望可以變得簡單d，
乜我真係可以做到？
儘量啦下~~

原來你大過我架？
但係你好似好細個咁....
無論係個樣定係思想，
keep得好好呀！^^

>>June 30, 2003 at 10:56:58 AM GMT+8

2003 年 6 月 29 日 星期日 【晴】

一場空
<醒世詞> 清雍正皇帝
南來北往就西東 看得浮生總是空
天也空 地也空 人生杳杳在其中
日也空 月也空 來來往往各西東
田也空 銀也空 死後何曾在手中
妻也空 子也空 黃泉路上不相逢
朝走西來暮走東 人生恰似採蜜蜂
採得百花成蜜糖 到頭辛苦一場空

人若賺得全世界，賠上了自己的生命，
有甚麼益處呢？人還能拿甚麼換生命呢？
(太 16:26)

>>June 30, 2003 at 10:36:31 AM GMT+8

2003 年 6 月 28 日 星期六 【晴】

收到一封email，subject係「淨係forward俾妳~」，唉~
內容如下：
前兩天手機不知為什麼，自己跳進茶杯裡，當然一陣忙亂，關、拆、擦、甩、吹，
剛好人在維修店附近，趕忙送去維修，目前已無事。
維修人員告知一重要常識，可提供給各位如手機要自殺時的緊急小常識，可使手
機不容易告別人間。
手機一進水，請切記不要作任何按鍵動作，尤其是關機（一按任何動作，水馬上
會跟著電路板流串），正確的方法為馬上打開外蓋，直接將電池拿下，直接強迫斷
電，可保主機板不被水侵襲。
這個常識非常重要，故轉告各位，使大家的手機可用久一點。
學一學吧！以後以備不時之需啊！
...........................唉............................>_<
真係「多謝」你！唉..........................................................

>>June 29, 2003 at 8:12:34 AM GMT+8

2003 年 6 月 27 日 星期五 【晴】

感謝主的保守，讓一切得以順利。

好開心，
雖然雨一陣一陣的落，但係唔大，
雖然人一個一個的失約，但係我地有心！
真係好開心，呢個感覺令我好舒服，謝！

感謝主垂聽我們的禱告。

多謝你的提點，以後我地要互相扶持呀！
謝！繼續努力！thanks~

>>June 27, 2003 at 5:38:59 PM GMT+8

2003 年 6 月 26 日 星期四 【晴】

生活有時是很簡單的一回事，
在工作中時有滿足感，
休息時便感到休息，
這便是簡單的工作生活。

遇到自己想吃的東西便去吃，
遇到自己想玩的東西便去玩，
遇到自己想買的東西便去買，當然不包括樓等貴價物質，
喜歡看書時便去看書，
喜歡打機時便去打機，
喜歡看電影時便去看電影，
喜歡聊天時便與朋友聊天，
這便是簡單的消閒生活。

當生活有目標的時候便盡力去做，
當生活沒有目標時便盡力去尋，
這便是簡單的目標生活。

遇到愛的人便去愛，
遇到不愛的人便不去愛，
這便是簡單的愛情生活。

簡單的生活可能還包括家人，朋友，知已等，
擁有簡單知足的生活的人是幸福的，
其實每個人都可以得到這個福份，
只在乎為與不為的問題。

*********************************************************************************************************
期待明天的來臨

多謝你提醒了我，
真的高興，真的！
謝謝你，
縱使你經常騙我，
但我仍然會堅持相信你的，
希望有一天，你會讓我知道我的堅持是沒有白費的。
說真的，你也蠻吸引呢~~ ^^

*********************************************************************************************************
你的夢想是甚麼呢？好想知唷！
你要學習獨處，我不能經常陪住你！
>< 有無攪錯！叫左你唔好遲到，就真係遲到！俾你激死！
>_< 咁唔小心！眼大睇過龍......唉~~麻煩鬼~~~~~~
^^ 多謝你成日陪我！今日時間真係過得快！
聽日唔好遲到喇！唔係要罰架~~~ ^^

>>June 26, 2003 at 5:22:22 PM GMT+8