2003 年 8 月 30 日 星期六 【晴】

給我所有的朋友，包括麒麟各成員、五朵金花、各棵殘草、ucswk莊員、阿仔阿女........
特別係我最好既表姐！Laura！茵姐！俐俐！細Car！阿珍！雞雞！阿康！阿集！

<朋友>
你傷心時......我願意安靜地陪著你.....
你開心時......我願意不顧形象的陪你一起大笑
你無聊時......我願意在旁邊對你說冷笑話打發時間
你肚子餓時...我願意跟你一起去麥當勞啃薯條
因為你是我朋友.....所以這些事情都是理所當然...
因為你是我朋友.....
所以不需要客氣的過分..........
因為你是我朋友.......所以你快樂我就快樂
因為你是我朋友..........
所以花多少時間在一起都是值得的
朋友嘛!!..........何必計較那麼多呢......
我的思想是.....快樂就好
因為適合我最棒的朋友~你在一起........
所以做什麼都好快樂喔!!
有你這個朋友.........實在太棒了............
我們要一直當朋友唷!!我最棒的朋友!!
有一個甜蜜的心唷~!

◢█◣◢█◣送給你關心的人......
██████
◥████◤
◥██◤
◥◤

人的思緒是複雜而凌亂的.........當夜深人靜時..你會想起誰?.
我會想起....與各位認識的種種.....也會想起...發生過的點點滴滴...
不管如何.....................................我們永遠是最真誠相對的好朋友...

█◤☆◥◤☆◥█
█☆☆☆☆☆☆█送你星星千百顆..
█◣☆☆☆☆◢█生命活得精彩燦爛......
██◣☆☆◢██願你快樂！！
███◣◢███wish you were happy all the time!!!

>>August 31, 2003 at 4:36:45 AM GMT+8

2003 年 8 月 30 日 星期六 【晴】

今日...有少少唔開心
又開始見番以前既我...好多野諗......
諗起之前有朋友問我：究竟你係唔係成日都咁開心架？
我答：只要你地開心，我就開心
係呀！如果你地唔開心，我就一定唔會開心
but...你地開心，都唔代表我一定會開心架！
有時為左令你地開心、舒服，做左d自己唔係咁喜歡既事
有時真係覺得自己為你地做得太多喇！
有人同我講：「你鐘意做野」......無錯，因為我做得多，代表你地少d野做嘛~~
但係，同你地做得多野，當我無野做既時候就會諗：「我而家有咩用？」
真係唔知....究竟我係邊個呢？
如果有一日，我唔係為大家而活既時候，我會係點既樣呢？
真係唔知...好難想像.............................

*****************************************************************************************************************
今日同朋友傾計...討論緊一個人
呢個人令我地都好失望
真係唔想再理佢喇！
開頭係我話唔理佢先，個朋友都叫我唔好
but最後講下講下，連佢都唔想再理佢了..............
其實我睇得出我個朋友好關心呢個人，
so佢先有咁大反應
希望...果個人識做d，唔好令我既朋友咁難受啦！
但係講真，有時有d野，好難控制
我地未必明白佢既情況
but就算明白，都唔代表我認同佢既做法
一定唔認同！而且唔喜歡

*****************************************************************************************************************
休息夠了，是時候回復！
好多好多野做呀！又要諗呢樣果樣..........煩死喇！

******************************************************************************************************************
唔知點解...感覺好麻木
好似無感覺咁...好驚呀.................
做乜都好似無反應咁....無情緒、無表情........
點算？

>>August 31, 2003 at 4:32:46 AM GMT+8

2003 年 8 月 29 日 星期五 【晴】

決定放手了
回想，總覺得很無聊
自己把自己放入一個幻象之中，
一切都是自己想像出來
一直都是自己欺騙自己
事實是如何，心知肚明
就當發了一場夢吧！
一場美麗的夢.....值得紀念的夢.........
我已決定忘記！以後不會再讓自己發夢！
也不會再跟你說話，不會再等你
讓一切變回從前那樣吧！
如果時間可以倒流，那會多好啊！

>>August 30, 2003 at 3:39:49 AM GMT+8

2003 年 8 月 29 日 星期五 【晴】

一個乞嚏，不需要噴得好遠，也可以傳播細菌(巴士/小巴上)
一份所謂工作，不需要好好pay，也可以做到我死
一個老公，不需要好靚仔，也有權衰到貼地
一個吻，不需要糾纏交葛輕輕柔柔地，也可以很深情。
一份關心，不需要長篇大論短短的一句，也可以很溫暖。
一個知己，不需要每日見面，心和心的維繫，也可以很長久。
一對夫妻，不需要每天浪漫手牽著手，也可以感受到「愛」。
淡淡的表達，是一種哲學，也是...一種美..........

>>August 30, 2003 at 3:15:58 AM GMT+8

2003 年 8 月 29 日 星期五 【晴】

點解會咁架！竟然俾我聽到d咁既野.......
諗番轉頭...我太遲鈍喇！
對唔住呀！但係我而家真係唔知點做...........
手掌手背都係肉，
驚幫你變成害你，
有太多既examples話我知.....
呢d野要慎重考慮呀！唔好亂黎......
分開下，冷靜下，可能會好d

要開始過番我既「正常」生活喇！

>>August 29, 2003 at 5:22:31 PM GMT+8

2003 年 8 月 28 日 星期四 【晴】

今日去左海洋公園玩！
上次去係F.5會考之後既暑假lu~~~
今次得三個人，好特別，未試過咁少人去，
都幾好玩呀！我地三個...哈哈！都係無乜野講，
可能比較累啦！but都好開心！好舒服！
差唔多玩晒所有遊戲，除左大fing fing同摩天輪之外，
因為怕暈....無理由因為玩而整傷自己身體嘛！
啊！仲有....哈哈！竟然無人夠膽玩跳樓機！
我以為你好大膽添！仲話自己最鐘意激~~~~車！
哈哈！玩過山車既時候真係好得意，
原來大家都驚，都唔想玩.....仲以為對方鐘意玩，鐘意刺激....哈哈！
算唔算係美麗的誤會呢？
好在玩完都唔係好驚..好快玩完....哈哈！
今日真係玩得好舒服，少少累啦！
不過唔知係唔係自己大個左呢？覺得d games好似頹左dd咁......
點解海洋公園好似好細咁既？
算啦！今次既目的都係想relax一下，希望達到啦！
我地真係有plan過同你做乜架！
不過你都無時間啦！就算有，都用黎休息下啦！

唔係成日都要你諗，而係我地想就你....
我知你又想就我地wor，
咁點算？
以後大家都唔好就對方啦！
有咩就講，咁樣相處會好好多架！

係呀！你呢個導遊都做得唔錯
^^ 不過無貼士俾bor！哈哈！

好希望好希望同你地兩個可以keep in touch！

>>August 29, 2003 at 2:08:14 PM GMT+8

2003 年 8 月 27 日 星期三 【晴】

仔呀女呀！我有野同你地講呀！
各位仔仔女女：
你地好嗎？O Camp之後，有足夠的休息嗎？
首先要講聲「對唔住」，O Camp期間成日走開左，要阿爸一個同你地吹水，我真係好內疚！而且我太粗心大意，你地同我講左既野，我成日都唔記得，真係好對唔住。我真係唔識做組媽，成日要你地幫我做呢樣果樣，因為驚阿集，成日要你地行快d、早d起身……完全唔識得保護你地，對唔住！

今個O Camp真係好開心有你地呢班仔女，講真，我無乜做阿媽既感覺，我覺得你地同我似friend多d，但係個感覺又好親切，呢四日三夜真係好令人懷念！你阿媽我好無用，讀左一年，仲有好多野都唔識，你地有時問我，我都唔知點答，不過，我會盡我既能力去幫你地，如果我唔識，我會去問，問到知道答案為止！

呢四日三夜入面，每一日每一刻我其實都好驚、好擔心。好驚你地會玩得唔開心，驚你地覺得悶，擔心你地要早走，擔心你地覺得我唔稱職，擔心你地唔投入、無一個家庭既感覺。我做組媽既原因係因為上年我實在玩得太開心喇！同d兄弟姊妹既感情好好好好好，所以好想將呢份喜悅帶俾你地，但係，唔多唔少會有少少佢地既影子，對你地有一份寄望，就係好似我地咁，將一個細組擴展為大組(阿集係我既哥哥黎架)，我知咁對你地唔公平，所以你地唔使理我，做你地喜歡做既事，我想「好麟居」有佢自己既一套，所以你地要經常提點我呀！

今個O Camp有一個遺憾，就係我地吹水既時間好唔足夠，令我到而家都仲未太了解你地各位，希望黎緊既日子，我地既關係可以繼續發展啦！

多謝你地送左一個開心既O Camp俾我！多謝！

>>August 28, 2003 at 8:18:25 AM GMT+8

2003 年 8 月 27 日 星期三 【晴】

好開心！
琴晚去左朋友家過夜，同埋成班好好好好好既friend一齊
傾左好多野...好開心呀！
之後都唔知有無時間再約出黎聚.....
開左學之後大家都會各有各忙，唔可以再成日出黎聚聚，
要記得我呀！要記得麒麟呀！
好認同你地既講法：
好難得搵到一班所有人都咁nice既群體、所有人都喜歡既群體
同你地一齊真係好好好開心！好好好舒服！
我呢個summer過得真係好滿足，
有失意時、有得意時，但係個結果我係好鐘意架！
雖然唔會有咩生離死別，但係各散東西既感覺都唔好受，
每一次輔聚完之後，真係好想即刻再見到你地，
今日在地鐵上，人一個一個咁走，到最後突然有一大班人離我而去，
得番我一個....有少少寂寞既感覺........一路諗番夜晚所發生過既事....
真係好開心！

點解我成日笑？哈哈！
因為我覺得好開心lor！
而且一朝早，大家都無野講，目口目面既樣真係好得意！哈哈！
仲有......呢樣野真係好笑！
最衰都係基基，攪到我俾人遺棄，無人理.....最後仲要俾人mit我塊面.........
不過....真係好開心！

夜晚都唔知有無叫訓過....應該有既，
but都訓得好開心！
雖然無被無床，要訓地下，
but同呢一班人堆埋一齊訓，真係好得意
你知唔知你有踩到我個頭呀？不過算啦.........^^
訓醒，點解d人唔同晒位置既？
兩個訓梳化的，一個去左走廊，一個去左地下.....
哈哈！有梳化都唔訓，作賤！

好開心好開心好開心呀！

(邊個話我好少笑？我成日都笑架啦！係你唔笑之嘛~~~)
**********************************************************************************************************
返家途中經過太空館，諗起夜晚可以睇火星，
好想好想有人陪我睇火星.....
自認係個ok浪漫既人，鐘意接觸大自然，
如果有個人真係會陪我睇就好喇！
不過可惜好多人都覺得睇火星係無聊野。
雖然好想有人陪我睇火星，
但係我唔會搵人陪我咁做...最少唔好勉強求其搵個
因為始終覺得諗先係最浪漫，最開心既時候就係活在自己的想像之中，
實現左，未必係好事。

>>August 28, 2003 at 8:13:37 AM GMT+8

2003 年 8 月 26 日 星期二 【晴】

今日睇番同你既icq history，感覺...好得意
原來短短的幾個月之間，產生左咁多既變化，真係好厲害！

今日同左阿媽「話當年」，都好值得令人懷念：
上年既點點滴滴，仲留在我心中，
記得阿may到達的一刻，
記得集是如何的介紹自己，
記得玩「掃把波」、「互片」等等的片段，
記得食宵的laura，阿爸的眼淚，
還有很多很瑣碎，但係值得記念的回憶！
仲有我地在千人宴之前的金魚缸組聚，
去大佬、阿爸的宿的組聚........
真係好開心！
已經同過阿媽講，不過再講多一次：
我愛阿爸！我愛阿媽！我愛阿May！
無你地唔會有今日既我，
多謝你地！我永遠都係禁住獎的人！
呢一生一世都係！
我愛你地！

>>August 26, 2003 at 6:22:57 PM GMT+8

2003 年 8 月 25 日 星期一 【晴】

竟然俾你騙左我咁耐........

你真係得意，講野唔經大腦，
但係咁樣好易惹人誤會架！
不過都係咁，先顯得你簡單、可愛

見到你回復番自由身，真係替你高興
不過...唔好叫我擔心你啦！
唔講咁多，只係想話你知，
就算你唔係大組長，你都係我哥哥、我朋友
我點都會繼續關心你，所以你千祈唔好行差踏錯呀！
剛才既icq，好開心，多謝你對我既坦白，
雖然我唔認同有時你所做既野，好擔心你
不過你唔使理我，你有你自己既決定
講真，原本真係有少少嬲，講多兩句就好似煩親你咁，
我都係出於好意之嘛~ 不過，你有你既決定，
你有你自己既角色，我唔干預得太多，有好多野我唔明
唔想因為我嬲你先同我講，唔鐘意咁
希望我地之間都係以真誠相待......
總之take care啦！

>>August 26, 2003 at 9:07:15 AM GMT+8