2004 年 3 月 31 日 星期三 【雨】

｛一年大事回顧｝

咁快又一年囉～今日係我牛一，嘻嘻～
呢本日記簿亦都係一週年紀念囉～ｙｅａｈ！！

我開始寫日記大大話話寫左一年喇，時間真係過得好快！
我仲記得上年愚人節發生左好多事情呀，
果排爆發左沙士，攪到我唔駛返學，放左十四日假．．唉．．
咁先至慘呀，我既生日就係孤伶伶一個人咁渡過．．．＞＿＜

下午就有人話香港會變疫埠，攪到一大班師奶去左搶米！真係廿年難得一見啊．．
又因此而撞到一位令我學懂「帶眼識人」既人！
夜晚就係我第一日返馬會上　ｔｒａｉｎｉｎｇ～
不過，放工後就收到張國榮跳樓自殺身亡既消息，唉．．攪到我果日幾灰呀！

我完全體會到咩叫做愚人節既威力！！

>>April 4, 2004 at 10:54:40 PM GMT+8

2004 年 3 月 30 日 星期二 【陰】

懶蟲大發作！

今朝原本要睇牙齒，不過自己一早已經覺得非常累，
再加上陰沉沉既天氣，真係好冇心機．．．
最後仲打電話俾學生寧願取消預約喇～
之後我一直訓到九點半先至起身，哈哈～本來我已經係到左牙科醫院囉！
下午返埋最後一堂導修，四月開始就唔駛再返喇！ｙｅａｈ～
上完堂就返屋企囉，因為想休息多點，今晚又要補習呢！
終於等到三月底，出人工既日子啦，我今個月多左好多，有成十四堂呀～
所謂「多勞多得」嘛，今個月份糧好滿意呀！嘻嘻～＿～

>>March 31, 2004 at 11:48:58 PM GMT+8

2004 年 3 月 29 日 星期一 【溫暖】

忙碌但開心既一日！

今朝上城城堂，佢依然都係保持一貫作風，語調一條直線，好似唸佛經咁．．悶！～
不過佢今日派左份測驗卷俾我們，我初時都幾驚架，因為怕考得唔好嘛＋＿＋
但是我一見到個分數，當堂鬆左一口氣呀～竟然俾預計既好好多！嘻嘻^o^

下午就出左去銅鑼灣，今日有人同我預祝牛一呀．．哈哈～
先去皇室堡唱ｋ，之後就睇左見鬼２，不過都唔係好恐怖囉．．．我有些覺得悶添！
夜晚就同一位好耐冇見既好朋友食飯，佢同另一個朋友送左一份生日禮物俾我呀！嘻嘻～
係一件靚靚熊貓外套同埋一個ｎｉｋｅ袋仔呀！

>>March 30, 2004 at 9:48:25 PM GMT+8

2004 年 3 月 27 日 星期六 【雨】

周身骨痛

昨日行左一整日，今日開始覺得背部酸痛，
雙腳都係！今朝又訓得唔好喎，
不過又要上八點半堂，冇得再訓，慘！
唯有上完堂立即返屋企訓囉～

>>March 30, 2004 at 9:27:15 PM GMT+8

2004 年 3 月 27 日 星期六 【陰】

好爽呀！～

今日約左朋友去考察，佢介紹去南丫島喎，
我咁耐都未曾真正遊覽過呢個島，所以好有興趣呀！
佢係一個好動既人，我就唔同喇，好少做運動，近來又肥左添．．
所以要做多ｄ運動減肥喇！嗚嗚～
我們由榕樹灣做起點行到索古灣，一條直路走天涯．．
佢知道我快牛一，所以請我食左一餐好正既午餐！多謝晒！
之後就沿著家樂徑咁行啦，見到好多一家大小都黎行山呀，
所以好熱鬧！今日雖然係辛苦ｄ，因為路程都有不少斜坡，
但我就好彩過佢喇，因為佢昨晚打完波好夜訓，
所以今日雙腳都跛跛地呀！
今日天氣好涼爽，所以行得幾舒服啊，唔會太辛苦！
又食左一碗地道既豆腐花，果然好香好滑！好味道。。。
我們有時停下來影相，有時又睇下地圖，
五點鐘左右到索古灣啦！
回程時大家都累壞了，訓左覺～
不過今日的確好開心好輕鬆兼好滿足呀！哈哈　＠＿＿＿＠

>>March 28, 2004 at 1:19:12 PM GMT+8

2004 年 3 月 26 日 星期五 【暴雨】

※㊣食盡大埔㊣※

今日都係一如以往，返學放學補習，
不過夜晚約左一位好好既大學老師去大埔～
目的何在？佢介紹我去睇中醫囉！
見到中醫師，佢問我有咩事，我咪如實直說囉，
之後我又講左以前既一些病歷俾佢聽，
佢就話我肝火盛，所以成日喉嚨發炎同頭痛，
仲開左ｄ調理肝火既中藥俾我喎。
阿ｓｉｒ仲好，佢知道我有咁多病痛，
之後仲話幫我俾埋藥費，攪到我不知幾感動！

接著去左一家酒家吃飯，今餐幾豐富呀～
有冬瓜盅、紅燒海班、炒鮑片同埋水餃。
我雖然唔係太喜歡食中菜，不過都覺得唔錯，幾好味！
只是油膩左一點吧．．今餐阿ｓｉｒ請食飯，
梗係唔會咁客氣啦！嘻嘻^__^
歎完正餐，仲去左附近既一間叫「彩虹甜品屋」食個飯後甜品添！
佢好著名架，因為係由一對基督教情侶開既，
甜品種類繁多又夠創新特別，難怪在淡季中都能有錢賺！
食完甜品，都成十一點囉，之後就搭火車返屋企囉～～

>>March 28, 2004 at 12:44:51 PM GMT+8

2004 年 3 月 25 日 星期四 【暴雨】

終於笑得出喇～


各位朋友仔，經過連日既失落迷茫，今日終於雨過天晴，如釋重負囉！
昨晚去左紅磡食日本菜。
我成晚都仲係心神恍惚，強顏歡笑，
基本上連自己都頂唔住，我唔想咁無心機呀！．．．
後來我們邊食邊吹水，他們俾左好多中肯又寶貴既意見，
我覺得他們講得有道理丫，慢慢開始對自己檢討，唔～
我真係火爆無理左ｄ既．．．
於是昨晚寫左個短訊俾佢，之後佢都有回應。
今朝大家見面都冇再鬥氣囉，和氣生財！嘻嘻^___^

>>March 26, 2004 at 4:34:04 AM GMT+8

2004 年 3 月 24 日 星期三 【暴雨】

眼淺ｖ＿ｖ

昨晚真的好失敗．．．竟然一邊補習一邊忍不住喊．．

這首歌所講的．．是真的嗎？

門外有車停下的片刻
我都以為你抱花來了
早早就把朋友趕開了
不理世界今天該是我們的

＊星星亮了　空氣冰了
最想你的時候你在哪裡呢
手機關了　你不記得
你上次認錯發誓講什麼

真不想哭的 卻還是哭了
不應該愛的 還是愛了
害怕犯錯的 卻還是錯了
擔心變笨的 還是笨了

真不想哭的　卻還是哭了
再難去放的　也總該放了
想鎖的門　會不會開了
然後有個驚喜　嚇住了我
你會懂得　我還在等你的

想鎖的門　忽然被開了
你用一只驚喜　感動了我
抱著笑了　你還是疼我的

>>March 25, 2004 at 5:42:16 AM GMT+8

2004 年 3 月 22 日 星期一 【陰】

行到腳軟的一日

今日一早去左牙科醫院，因為其中一隻牙既永久牙套終於完成啦！
不過盛惠３２５蚊！＞.＜
之後就開始試位，睇睇會唔會太長，頂住其他牙齒，
再去修改些少隻牙既顏色，最後就黐番上去，
呢隻牙套就完成左喇！當然，梗係唔好食太硬既野，
唔係一不小心甩出來就唔好啦！

下午去旺角買禮物俾朋友，行左好多間店舖，
都睇唔到一些特別又價錢合理既心水貨，自己又想睇定ｄ先再買，
所以行左三個鐘至買左件白色Ｔ恤俾佢呀！
點知係搭火車返家途中，先至發現件衫有些紅色漬，
我唯有又返去再換過件新啦～
我都係第一次咁快走去換番件衫咋，因為我怕遲兩日佢地話
Ｄ漬可能係我自己造成既，唔可以換俾我啊！
不過，當我同果位售貨員講番呢件事，
佢就幫我去搵第二件喇，但發覺只有沙田間分店先有貨喎，
於是佢既阿頭就黎幫手．．
我剛才並不知道件衫有問題，所以好快手咁撕去張價錢貼紙，
跟住先發現，我已經心諗：大獲！我撕掉張貼紙，佢未必肯換喎？
不過私既然已經搭番車出來，就硬著頭皮都要試一試先至心息！
佢阿頭發現冇左張貼紙，面色一沉，再怒目望左我一眼，
我知道出事喇～唯有垂下頭．．
結果．．佢都肯換俾我，不過要明天出番呢間店舖囉！
臨走前我仲同佢講唔好意思，因為我知道自己多手得滯，
攪到佢地好麻煩！唉．．．結果成五點半先至返到屋企．．．

嗚～～今日真係行左成個下午，好累好無奈！

不過依家真係好誇張呀，我行旺角睇運動Ｔ恤，竟然發覺店內
起碼一半人係我們內地既同胞！不過．．．
我就對佢地---ＮＯ　ＣＯＭＭＥＮＴ喇．．．唉～

>>March 23, 2004 at 11:01:10 PM GMT+8

2004 年 3 月 21 日 星期日 【陰】

差點有免費早餐食呀！

今朝上堂，阿ｓｉｒ問左我們一個問題，
係上次課堂有提過既，
咁佢仲好串咁講若果有人答中，
就會請佢食早餐！
因為我對上堂既內容仲有ｄ印象，
所以我咪求其亂講一個囉！
我講７５％，阿ｓｉｒ就去左睇答案，
點知原來係７６．５％！
哎呀．．只差一點點咋．．．咁就冇左份早餐食囉～
真係唔抵＝＿－

>>March 22, 2004 at 8:46:53 AM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39229

Design & Scripting by ShowHappy.Net