2003 年 9 月 30 日 星期二 【晴】

感慨...（是我經歷幾天缺乏休息情況下有感而發）...
另外...我仲想多謝阿tin呀...^^希望你睇到啦~~

我討厭賭博；
卻為了掙錢，
而學習賭博。

我感到孤寂；
卻為了掩飾，
而強顏歡笑。

我缺乏休息；
卻為了將來，
而不眠不休。

我渴望快樂；
卻為了別人，
而失去自我。

我活得好累；
卻不斷堅持，
而活到今朝。

我聽天由命；
卻樂天知命 !!

>>October 1, 2003 at 5:29:16 PM GMT+8

2003 年 9 月 29 日 星期一 【暴雨】

好開心好刺激呀！


昨晚返到屋企，同一位好朋友仔傾傾下電話，忽發雅興想睇午夜場喎，於是我地就出左尖沙咀睇戲啦！我未曾試過半夜睇恐怖片架，所以決定去睇「三更來嚇」喇。。。
本來一心諗住可以嚇下自己啦，點知越睇越．．．悶囉！根本就一點都唔覺得恐怖，我睇到中途經已唔耐煩，結果整齣戲完左我都冇驚過．．．無奈+_________+

之後又同佢去左唱k、食宵夜、傾偈傾到天光，由尖沙咀行到去旺角，今次係我呢世人第一次咁樣傾偈傾通宵架，最正就係我地係冇悶場囉，不斷咁講笑話，邊行邊吹水都唔覺得累，我諗今朝真係我呢幾年來最開心最好玩既一晚呀！！！我覺得自己真係好好彩呢，可以搵到一個傾得埋既好朋友．．．嘻嘻^__^

今晚連續上四堂，四點半上到八點半先至放學呀，好悶呢～～
之後去左O night，其實都係想食番餐咋，因為好鬼肚餓呀．．．呵呵！都好豐富呀，仲食剩好多食物添。。。
最高興就係行到巴士站時竟然遇到一位幾年冇見既舊同學，真是有些一見如故既感覺！大家見面都好興奮呀，雞啄唔斷咁傾，傾到好開心呢．．．多謝依華棉花糖！！　

>>September 30, 2003 at 3:51:11 PM GMT+8

2003 年 9 月 28 日 星期日 【晴】

上堂釣 "魚" Zzz


今朝雖然上十一點半堂 , 不過我打算返學校做功課同印筆記 , 所以九點半就返到去囉...
首先上左兩堂regional geog, 講中國人口控制既問題, 內容都幾沉悶,不過好攪笑囉, Dr.chung成日都會在上堂時播影帶架, 好似變左上傳理課程咁,哈哈~~

下午就上兩堂GIS,嘩...勁眼訓而且勁悶囉,見到大多數人都係"釣緊魚", 就連自己都頂唔住訓著左呀......個頭仲樁o下樁o下咁,好鬼樣衰呀!! @__@

>>September 29, 2003 at 8:41:08 AM GMT+8

2003 年 9 月 27 日 星期六 【晴】

聲都沙埋！


今晨四點唔夠就起來喇，唔知道點解．．．
之後又好似想反胃咁，有些不舒適，唯有起身上網啦，又俾我遇見一位朋友，佢有些事唔開心．，接著我打電話俾佢，傾到早上八點半，一連傾左四小時！雖然幾累，不過好難得囉．．．大家乜都講一大餐．．．希望佢盡快冇事喇．．．
中午就去左旺角食完午餐之後，再去左尖咀唱ｋ。不過最近唱得太密喇，幾乎一星期唱一次，所以好多歌都唱過喇，我覺得自己好似太過份咁．．．都係要玩少ｄ至得！：ｐ
今晚又去左我既至愛餐廳食晚飯呀，唔，果然幾正，菜式健康又吸引，味道都不俗啊．．．呵呵～～　

>>September 29, 2003 at 3:06:06 AM GMT+8

2003 年 9 月 26 日 星期五 【晴】

大丈夫


今朝上完三個小時既普通話堂，之後就去睇左一陣jazz dance既練習，睇住ｄ師弟妹跳舞，真的好有趣哩．．．：ｐ
今晚就去左旺角睇戲，睇左「大丈夫」，劇情一般就係意料中事，只有最後有些部分幾好笑咁喇。
但最巧合既反而係我買戲票時，竟然遇到一位中研既師妹在那兒兼職呀，我覺得勁攪笑但就勁開心囉．．又會咁有緣既？

>>September 28, 2003 at 4:18:07 PM GMT+8

2003 年 9 月 25 日 星期四 【晴】

大笨蛋！


今朝上完普通話堂，以為有兩小時休息啦，點知道後來有個同學問我點解唔上普通話堂，我先至想起原來今日係補課呀．．．自己仲懵然不知！失敗～～～
今晚同一班朋友食飯同睇相，仲收到一份手信，就是一個狸貓音樂盒，ｄ音樂好好聽架．．．真的好多謝那位朋友仔呀！


>>September 28, 2003 at 4:06:09 PM GMT+8

2003 年 9 月 24 日 星期三 【晴】

躲懶了。。。


今日原本打算返中學睇學生會選舉既情況，話晒自己都係"超齡大師姐"，我同今屆班候選人有些都幾熟，因為睇住佢地成長，所以知道佢地參選時我覺得好開心架，希望佢地可以全部順利當選啦！！嘻嘻～～
之後下午兩點半本來要返學校同ｐｒｏｆｅｓｓｏｒ見面，不過今朝一直勁累勁眼訓．．．所以最後都決定臨時甩底，唔返去啦．．．
我其實都想聽聽黃觀貴講野架，但是由於太過眼訓喇，所以都係放棄左．．．對眼真的累到睜不開，兼且周身痛．．．唉．．救命呀！＞＿＜
今晚就去左奧海城，感覺幾舒服啦．．．仲食到一餐好特別美味既意粉添，個樣好似飯咁，點知原來係意粉黎！

>>September 28, 2003 at 3:28:33 PM GMT+8

2003 年 9 月 24 日 星期三 【晴】

百萬富翁!!!


今日中午返左學校還書, 之後又去左 soc 房睇番 o camp 既相,雖然大多數都冇我份,因為我係helper, 好少機會影相...不過睇到那些相片真的值得再三回味, 實在係勁好笑兼攪鬼呢~~

今晚就返馬會加班, 都係咁上下啦,最慘就係有些喉嚨痛,令我講說話時發音唔清,唉... 好辛苦!!!
接著跑馬賽事完畢後有些過戶時間, 附近有個員工竟然接到一個贏了一百萬錢既客戶!! 我做咁耐都係第一次見到有客人因此而做了百萬富翁架!!!
嘩嘩...十分羨慕... 不過都唔會輪到我啦...邊有咁好彩喎.......>___<

>>September 24, 2003 at 7:09:03 PM GMT+8

2003 年 9 月 22 日 星期一 【晴】

這些四字詞語都是形容我今日既所思所想, 只要順序串聯起來便明白我今天的心情......


筋疲力竭
睡眼惺忪

匆匆忙忙
粗心大意

有口難言
忍氣吞聲
大功告成

機緣巧合
閒話家常

沒精打采
魂飛魄散

思前想後
夢寐以求

卸下包袱
絕塵而去

>>September 24, 2003 at 6:56:47 AM GMT+8

2003 年 9 月 21 日 星期日 【陰】

沒精打采


今日由於要present政治學, 所以雖然昨晚訓得唔好,今朝都要一早起來再三準備。。。
不過,始終都係未曾讀過呢科,所以就算點準備,都好似唔係好明白咁,冇乜信心囉...
而且又緊張到訓得唔好,精神不振,仲因此覺得心情唔好,有些情緒低落既感覺,
想搵朋友又偏偏搵唔到...唉...難道「天意弄人」?!
希望今日唔好咁"黑仔"喇~~
====================================================================================================================
漸入佳境
寫完上面既日記, 中午之後開始有些起色...一來搵到我既朋友啦, 約定今晚食飯同佢補祝生日 ; 二來個present 終於完成左, 自己成日走晒所有堂去準備呀, 因為好冇信心...>_____<
雖然最後都係講得唔好, 但係算數啦, 我只想及早完成!!!

今晚都幾開心啦,我同個朋友, 仲有佢男友三個人去左銅鑼灣既 "太平館" 食晚餐, 果度係老牌食肆黎,招牌菜有"妙齡乳鴒" 啦、瑞士雞翼、仲有一些西式食品等, 此外焗梳乎厘都係好出名。。。
我食左一碟焗蟹蓋加海鮮意粉, 味道一般啦, 那些海鮮都算新鮮既...
不過最意外既就竟然係梳乎厘, 勁大個囉...有成一個一磅蛋糕咁大個, 又軟綿綿咁, 趁熱食真的好好味架!! ^o^
之後又遇到一位朋友一同搭車返屋企... 嘩,今日都幾充實呢~~


>>September 22, 2003 at 5:59:30 PM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39228

Design & Scripting by ShowHappy.Net