2004 年 3 月 10 日 星期三 【晴】

偶遇

今朝搭車返學，係車站無意中見到陳牧師在等巴士，
我覺得好奇怪架，因為平時佢唔會係度搭車架喎．．．
於是我上前同佢打招呼囉～
一問才知道，原來佢家既外傭ｊｅｎｎｙ扭傷左隻手，
睇左成十一次跌打都未好番喎！啊．．真係慘！
於是佢今日專程去搵一個老朋友幫手睇睇，
所以先會係度等車，而我亦因此見到佢喇。

希望ｊｅｎｎｙ快ｄ好番啦，佢好好人架～

>>March 11, 2004 at 6:43:42 AM GMT+8

2004 年 3 月 9 日 星期二 【炎熱】

測驗衰左囉！

嗚～～今天係地理科「周城城」教授既測驗．．．
今日我雖然晨早四點起來，不過自己都係．．唉．．衰左囉～
特別係地圖題呀．．

考試的心理壓力同緊張表現都係我一向既致命傷．．

>>March 10, 2004 at 8:10:00 AM GMT+8

2004 年 3 月 8 日 星期一 【晴】

我有焦慮症？！

今朝冇上堂，係屋企溫書。
不過下午就要返學校和同學練朗誦，今日效率好高呀，
動作表情全部諗晒，仲好多時有爆肚添！希望果日表演唔好掛住笑啦～

不過下午我同朋友仔傾偈，佢話睇到巴士有個關於情緒病既介紹，
當中講到焦慮症，佢覺得我同果度講既特徵好相似喎，
例如怕唔知醒所以一早起來啦、容易發脾氣等等．．

其實我一直都有一些情緒問題架啦，不過係環境因素令我會否鑽牛角尖而已．．
看來我下次覆診要嚴重少少，問問醫生先得！

>>March 10, 2004 at 7:52:41 AM GMT+8

2004 年 3 月 7 日 星期日 【晴】

打冷震＠﹏＠

今朝上八點半至十點半，個教授十點三就放左學，
之後我仲坐巴士去大圍買野再返樓下買麥當當午餐，
返到屋企只是十一點零五分咋！勁～簡直快如閃電～
但是今天整日都在打冷震囉，完全體會到何謂－
「心都寒埋」～～＠﹏＠
今日真的好好好唔舒服．．．

>>March 9, 2004 at 8:56:20 AM GMT+8

2004 年 3 月 6 日 星期六 【晴】

想得太灰

昨日一早起來，諗住俾ｄ心機溫習喇．．．
不過自己真的好唔爭氣，溫左一陣就眼訓，訓完又訓，
成日都只是溫左十多頁！

而且身子又同自己鬥氣喎，下午開始一直唔舒服，
又頭痛又反胃，仲忽冷忽熱，打晒冷震咁，
落街買野又勁出汗．．總之就辛苦死左！
最慘就係連買野都心不在焉咁，買西米個膠袋，竟然係超級市場
收銀處果度穿左，跌晒出黎，即時勁尷尬兼瘀到七彩！＞＿＜

屋企又係自己一個，一時之間勁灰勁冇晒心機．．．

※※※※※※※※※※※※※※※※※※※※※※※※※※※※※※※※※※※※※※※※

>>March 7, 2004 at 10:52:04 PM GMT+8

2004 年 3 月 5 日 星期五 【晴】

「School of Rock」好睇呀！

今朝上煲冬瓜堂，之後下午出左去尖沙咀食野，
再行左去睇「School of Rock」，
真係幾攪笑呀，個主角好鬼馬囉，
另外我仲好欣賞戲中班童星既音樂天份，
真係個個真材實料，裡面ｄ歌曲首首
都好正好好聽架，而且內容幾攪笑添．．
的確係一套好戲！唔錯唔錯！

>>March 7, 2004 at 1:45:17 AM GMT+8

2004 年 3 月 4 日 星期四 【陰】

是巧合還是有緣？

今朝返抵學校飯堂，見到一個同我頗熟絡既好老師，
佢真係好傳奇架，堂堂都爆滿，佢既堂好多人報架，
而且份人仲好真，好了解我們學生既苦況，
總之就係正啦！
同佢傾開中醫，因為大家都好認同中醫既優點，
下星期一佢仲會帶我睇中醫啊！哈哈．．幾攪笑！
之後又傾到其他話題，才發現原來佢有朋友係我
屋村商場開電腦用品店喎，他昨晚仲逗留至十一點
才走！噢．．差點會遇見呢！可惜我冇出街啦．．．
不過好巧合啊！

>>March 7, 2004 at 1:43:37 AM GMT+8

2004 年 3 月 3 日 星期三 【颳風】

部門會議

今日我代替同學出席地理系既部門會議，今次係我第一次出席，
初時勁淆底囉，不過好彩開會前一日有份議程睇睇咋，
唔係就一定口啞啞啦～

呢個會雖然係集合成個ｄｅｐａｒｔｍｅｎｔ既教授一齊開會，
好似好大卡士咁，
不過佢地其實真係好ｎｉｃｅ丫，
完全冇架子之餘，仲見到好多平時上堂以外既行為．．勁攪笑～～
好似 "城城" 就好鍾意畫公仔啦，鄧生就嗑眼訓，仲訓到不省人事！哈哈＠＿＠
Dｒ.鍾．．佢好似細路仔咁伏得好低寫字架，見到佢個樣好可愛呀！
個會雖說係有些長左ｄ，但是我全程都忍唔到笑囉，
因為見到佢地既樣完全同平時天壤之別，
實在太過好笑喇！^______^

>>March 4, 2004 at 12:59:47 PM GMT+8

2004 年 3 月 2 日 星期二 【乍雨乍晴】

我太傻

今晚幫個女仔補習，不過自己唔知做乜，成晚係度傻笑，簡直好似被點笑穴咁．．
好彩佢冇見到咋，唔係實嚇死佢～！～
可能自己根本就係傻既！嘻嘻^^

☆◥★◤☆ ☆◥★◤☆ ☆◥★◤☆ ☆◥★◤☆ ☆◥★◤☆ ☆◥★◤☆ ☆◥
落錯車　ｖｓ　 再上車

再上車
心跳感覺如暫借 昨日曾落錯車
最終知道 置身荒野 雙腳酸軟長路斜
難找到一間旅舍 如上帝亦缺席的午夜
空氣將痛苦折射 卻幻想自己頭上 星光傾瀉

＠ 再上車 能遇到 新主角 待我好 　
誰令我錯誤跌倒 只當磨鍊上征途 　
緣份未來到 亦要為明日倒數 　
我不想抱著記憶共舞 (只想天都知道 便贈我好報)＠

只會一剎懷念你 卻未能令我死
愛得起你 放得低你 走錯方向無運氣
下班車風景更美 從獨個踏步每步的雪地
找到想去的勝地 都在於絕不回望 爭一口氣

再上車便能遇到 新的愛侶更加好 　寧願信發夢太早 不信期望會偏高 　
緣份若來到 落了淚仍是看到 　某天兜錯路也可以達到 (也許今次是眼光獨到)
想要的太難遇到 發夢如代價高 如下一位經過仍令我傾倒


落錯車
漫長路途沒法跟他開花結成果 跑車中只得兩座
忽然忽然誰在窗邊揮手叫我 遇到上帝的救助
若停下來在你手中取一個蘋果 他的心也不許可
雖然雖然無限風光不想錯過 然後想清楚和他原本不錯

＊落錯車如離開了幸福的高速路 誰又保證我明天將更好
若你的好只講不做 但我現在無去路 才後悔發夢那代價很高
落錯車如明天發現只愛舊懷抱 才學到貪心的人總喜歡兜錯路
無謂煩惱寧願自保 當沒有跟你遇到（我沒法賭我命數）＊

突然面前是愛不起的一個危機 差一些我將蟀死
車離開前寧願終於不敢愛你 同幻想總比在真實中淒美

>>March 3, 2004 at 11:44:39 PM GMT+8

2004 年 3 月 1 日 星期一 【陰】

即興唱ｋ！

今朝上城城堂，佢唔知做乜，好鬼幽默，勁爆肚之餘，
有意無意之間又流露出點點無奈，真係令人既振奮又有值得反思～
佢講到有同學話佢既「語調令人好眼訓」呢度，我真係極度認同！^o^拍爛手掌呀～
不過希望佢唔好咁灰心啦！佢係一個幾仁慈又可愛既老師黎架～～

上堂期間，同學仔即興話去唱ｋ，我諗咁耐冇唱，都好喎～
於是放學後極速狂奔去尖咀間ｎｅｗａｙ啦，
沿途仲俾我無意間拿到張折扣優惠單張！哈哈．．勁攪笑！
不過今日唱左唔係好耐咋，兩個鐘就趕走我們喇．．＞＿＜
但是我們唱得勁興奮囉，仲有節奏咁搖搖擺擺一齊唱！哈哈！～～

同學仔．．係呀，今日真係唔夠喉，下次一定要再唱過！
響我既同學圈子裡，又加多兩位唱ｋ好拍擋喇！

>>March 2, 2004 at 11:40:34 PM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39226

Design & Scripting by ShowHappy.Net