2003 年 6 月 13 日 星期五 【晴】

今日見到yumiko在"新monday"的封面, 嚇到我半死,
一個樣衰到爆的人妖就在我面前出現
很想接受朋友們給我的意見, 把我的別號改了,
但又捨不得這個令我有很多回憶的別號

那麼, 我在還沒想到新的別號之前, 我還是會用這個令我也覺得嘔心的人妖花名...

>>June 13, 2003 at 3:17:19 PM GMT+8

2003 年 6 月 12 日 星期四 【晴】

身上一陣香水味，即使沖過涼，香味亦久久不退，
很香... ...

>>June 12, 2003 at 7:32:39 PM GMT+8

2003 年 6 月 11 日 星期三 【晴】

肚痛...肚痛...
教琴...嘔血...
掛念...突然掛念...
遠在澳洲的...
與...
遠在中環的...
朋友...

>>June 12, 2003 at 1:28:27 PM GMT+8

2003 年 6 月 10 日 星期二 【晴】

第二朝同ALICE 阿爸阿媽阿女麻女麻飲完茶之後, 就返屋企休息…好似都叫訓左一陣既…夜晚就睇左孝庄史料五十隻, 仲有一百五十頁要進攻, 決定好一星期內把它看完!

其實呢個深圳之旅我地去的地方都好奇怪, 好似0係香港都食到去到…好似食”天使冰王”, 食元祿, 買左條S&K的牛仔褲, 到KFC hae, 去jusco行街…
但就係唔知點解去到深圳都要咁行…超搞笑.


>>June 11, 2003 at 11:53:59 PM GMT+8

2003 年 6 月 9 日 星期一 【晴】

朝早九點起床, 落街去間超級豪華酒樓做暴發戶, 一口氣點左十碟點心, 其中那碟金錢肚最為豪華, 因為佢用一隻有一隻手掌咁大的碟, 裝左五條金錢肚過我地吃, 真係豪華! 最後食唔哂D 野, 仲折墮到玩”牛肉球大戰”、”春卷大戰”, 即係猜包剪鎚, 輸左就要食一隻牛肉球……在最後的春卷大戰中, 我終於體會到”相煎何太急”的道理.

出門口時下著大雨, 但我地乜都唔怕, 堅持要去歡樂谷玩.
咪幾好玩囉, 我地淋著兩玩盡歡樂谷的景點, 我地去KCF 落PUB飲水, 去”天使冰王” 推雪球, 又去精品店流漣買T-shirt (即係上面印有”歡樂谷”的字樣呢), 仲去埋歡樂谷的廁所玩水上樂園…超正!
歡樂谷完仲去世界之窗睇巴黎鐵塔, 一日玩兩個大景點, 唔係好似我地呢D 自由行都唔得架!
真係深圳市郊ON郊郊……LO MO!

之後又行左去福田區買左本書, 係有關孝庄的史料黎架, 並唔係小說, 廿蚊之嘛, 超抵. 再去深圳的jusco, seibu行街… 原來0個度的商場唔俾食野架喎, 阿KA買左包”爆米花”食都俾個食蕉警告…大概是因為0個間商場玩high-class掛.

夜晚就0係alice屋企過夜, 最記得當晚在我頭頂上有兩隻雞腳, 發出陣陣惡臭,不過,有得食桂林米粉, 好食呀, 但無0係南寧食咁有風味囉, 好似少左D 野咁…呀, 我好掛住南寧呀!!!!!
又去左一間雞竇洗頭…一入去就見到有個男人俾一個女人幫佢洗頭, 咀角露出淫邪的笑容, 不隔十分鐘, 那女人便帶了那男人入去間美容室, 一點聲音也沒有發出… 直至我們離開, 他們也沒有出來.

最恐怖的是幫我洗頭的那塊五花腩肉(佢個肚腩真係好似), 幫我洗頭的時候, 突然有隻手唔見左, 眼尾哨過去, 佢竟然一隻手指R緊佢塊面……R邊度就唔知啦, 我都唔想知道, 總之, 佢好似想幫我個頭加PAT Gel咁啦
佢地幫人洗頭的方法都幾特別, 竟然會摔人仔耳仔, 仲插隻手指入耳窿入面…好嘔心啥! 事後諗返, 我地好似俾人性騷擾咁. 好想喊…
不過, 我發現左一樣得意野, 原來蔡屋圍的髮型屋, 都有好多人妖架喎, 難道佢地搬哂去蔡屋圍住???
有個就著住工字背心, 仲夾左好多個有顏色的夾0係佢個頭上面, 好似女人整曲頭髮用的那種; 還有一個女人樣, 梳了一頭長馬尾, 加上瘦猛猛的身型…除左個胸同埋佢把男人聲之外, 我都估唔到佢係一個男人…


>>June 12, 2003 at 12:28:48 AM GMT+8

2003 年 6 月 8 日 星期日 【晴】

為了接今晚個客(即係教兩個成年人學樂理), 今日整天都在溫返七年前學過的樂理, 好似讀書咁, 死溫爛溫, 仲做埋筆記, prepare哂教材, 諗住今晚掂, 點知上堂前一小時, 個老闆打電話黎話今晚CANCEL左, 下星期再來.
頂! 為左呢堂我特登遲返大陸JOIN alice佢地架嘛, 家下書城去唔成不特止, 連那一舊水都無埋, 真係偷雞唔到蝕渣米!

之後八點就同細妹過去深圳join Alice 同ka , 我阿爸為左我地的人身安全, 更專誠從布吉(……)老遠搭飛機過黎添, 真係”唔該行開”囉!

上到屋企, 吃過了一碗蘭州拉面(超好食!), 又等”唔該行開”先生唔該行開之後, 我地就開始玩”雅玩”, 超勁, 手氣超凡, 賺左十幾塊人民幣!
玩到兩點就上床訓覺, 但由於同阿妹同床的關係, 俾佢踢到我成晚都無覺好訓…


>>June 11, 2003 at 11:49:37 PM GMT+8

2003 年 6 月 7 日 星期六 【晴】

今日好忙呀, 一朝早去教個五歲的小妹妹, 然後再去教一個私人的學生.
但忙得好開心, 因為有錢賺.
但係個老闆突然問我聽日得唔得閒教樂理, 突然間考我七年前學既野,
一D 時間都唔俾人準備, 乜咁架?!
不過有得做好過無得做.

之後又約大佬出黎食飯, 大佬一D 都唔大佬
可能因為佢退隱江湖啦, 所以著得好LADY
難怪有人話自己無做大嫂好耐啦.

再去買左兩條水晶俾我妹做生日禮物,
一條紫晶, 一條白晶, 220蚊, 都好既, 欠左佢成十七年囉, 一次過都送俾佢!
然後去間買女人野的舖頭, 老板娘叫我同RITA係兩姐妹.
"不如兩姐妹都買啦..."
邊個係姐邊個係妹, 大家心裡有數啦.

>>June 7, 2003 at 10:01:08 PM GMT+8

2003 年 6 月 6 日 星期五 【晴】

不知道大家看“向左愛向右愛”了沒有？在此我誠意向大家推界此片。
這部片不只是一個男生同時愛上兩位女生的三角故事那麼簡單，同時，它亦是一部十分感人的愛情三角關係懸疑片，劇裡男男女女的感情真令人感到不惑，尤其是兩位女主角的友情線最好。初時劇情雖然平淡，但到了一切答案被揭盅的時候，你才淡淡發覺劇情開頭原來有更大的深意，令你想再看多一遍，找尋中間的蜘絲馬跡。感情片刻劃得如此細膩，令人一看難忘，久久不能釋然矣。

喊死我… …眼淚就河防崩堤般一發不可收拾。若然換轉在電影院看，我也不能像這樣哭到口腫臉腫。這種感覺，正！


>>June 6, 2003 at 9:44:24 PM GMT+8

2003 年 6 月 6 日 星期五 【晴】

昨晚又去港晶neway, 由八點唱到第二朝五點.
返到屋企都已經天光, 超累, 聲都沙埋,
但係訓到12點又忍唔住要起身, 因為我訓唔慣日頭.
情願累一累, 都要撐起身.
今次唱K 一百蚊有找... 都叫抵既...
不過組合好似有D 唔多啦更...
是但la, Lily姐, 6月12日生日快樂, 記住我D MTV 要俾返我存根!!!!

每日都0係度打日記, 日日都出街, 好充實咁...
無錯, 因為我唔想佢停!
今日要繼續進修!

>>June 6, 2003 at 1:14:26 PM GMT+8

2003 年 6 月 5 日 星期四 【晴】

今日多得Tracy姐教路, 終於將個小朋友搞得服服貼貼
我帶了幾隻狗仔公仔去, 每隻小狗代表一個琴鍵, 而琴鍵上亦貼上不同的顏色, 吸引那位小朋友去彈.
我嘗試把自己聲音提高十個八度, 更把說話速度減低十倍, 再加上我扮出一副天真瀾漫的笑聲, 配合低b 加無人信的說話...
計劃成功! 終於哄到那位小朋友玩琴, 雖然還是胡亂彈, 但起碼他肯彈琴嘛.
最成功的是那位小朋友的媽媽也想學琴, 又多一位客人選了我這塊豬腩肉, 多謝哂!
今日終於出糧, 好似出左多廿蚊喎...hey, 你請一個九級去教一個初級的, 又成日出動私火野, 乜都抵返啦!
勁開心!
但係打"雅玩"依然係輸......
夜晚將會出去唱k 同lily姐慶祝生日, 對, 又是唱k, 會唔會又130一位架?
無錢啦大佬!

>>June 6, 2003 at 1:10:32 PM GMT+8