2003 年 7 月 24 日 星期四 【雨】

今天早上因八號風球的關係，我們不用上Account Lesson，但因為之後我們沒時間補堂，唯有在晚上補學accout上埋最後一堂，加考試，Easy easy~~
下午出去教琴，教到五點半左右，又過去富善村問LEeAnn借card同叫Rita幫忙錄影，晚上便出去學account。
到十點半才能回家。
一日的行程很忙很忙。


>>August 1, 2003 at 9:09:34 PM GMT+8

2003 年 7 月 24 日 星期四 【晴】

尋晚訓得唔係幾好, 成晚個腦海入面有蓋鳴輝個樣....
God! 梗係睇得金牌冰人多, 上左腦.
第二朝打風唔使上account, 可以訓多陣.
下午一點半去大埔教琴, 教琴五點半, 又話改左七點出旺角學Account
勁趕時間!
去埋富善叫大佬Rita幫忙, 同埋搵Leeann 借Card俾我之後.
到火車站已經六點半.
趕到七點正先趕到...點知夜班原來無乜人上...
考埋個試...走得.
今晚要早D 訓, 聽朝四點起身
因為六點要到機場!
要手信者, 放心, 實有你份!
下星期四同barry聯校歌唱比賽, 突然間想唱"漩渦", 好似唱到FEEL 喎.
但係好耐無夾過. 放棄!
唱不知不覺啦...
要拿飛者, 到我ICQ account留言啦~

>>July 24, 2003 at 11:34:25 PM GMT+8

2003 年 7 月 23 日 星期三 【雨】

今日似乎要打風喎，吊得高高的心都放下了，事關唔使擔心出發當天受風雨影響！
聽聞要六點去到機場集合，晨咁早出門？！有無搞錯！！！！
下午去箏藝教琴，Grade two不練琴的那個學生遲到，又成個星期無練琴，面對這個懶惰的學生，這個好好人的Miss終於發火了，罵了她一頓！上完堂之後，她亦乖乖在別的琴房練琴。
第二個六歲的學生Jeff很是聰明伶俐，不過有點active！
到了五點半，在風雨欲搖的三號颱台下，我踏出琴行的門口，獨個兒回家了～
自尋煩惱啦～


>>July 23, 2003 at 7:07:25 PM GMT+8

2003 年 7 月 22 日 星期二 【晴】

今日仍然有Ｄ腰酸骨痛，不過依然要撐起來同Rita學account，今日的數比較易懂！yeah!
然後和妹妹買Ｄ旅行用品，買了臭的蚊怕水和貼在身上的驅蚊貼紙（夠ｉｎ呢～），又買了一些消毒藥水，你知啦，泰國好dirty架嘛！
無茶會去，只可以上網搵資料同問下Ｄ朋友。
今日依然好累，躺在家裡！
肚腩也日復日、日積月累的長大了～～～～


>>July 23, 2003 at 10:23:53 PM GMT+8

2003 年 7 月 21 日 星期一 【晴】

本來想和LeeAnn一大清早去游水，不過經過昨日一天的戰役，成身腰酸骨痛，最後作罷。成日都訓覺，同埋溫account，但始終太累，都無溫過。
呀！救命！
向大家推薦一位克羅地亞的pianonist－Maksim
今年他只不過是２９歲，九歲的時候已經公開表演。
被Vannesa Mae的經理人看中，捧為新一代集Pop and Classical於一身的型仔pianonist
最正的歌曲是The Fight of the Bumble Bee~~~
大家不防Download來聽聽～


>>July 23, 2003 at 7:04:26 PM GMT+8

2003 年 7 月 20 日 星期日 【晴】

昨晚媽媽約好一班鄰居北上購物，在海港吃了一頓“魚王餐”，下欄貨當上等菜吃，所以不好吃，手藝差劣，不值。
然後與那班師奶先回香港。夜晚一人在家很寂寞，所以周圍搵人傾計，傾到兩點幾就訓覺，但係訓唔著，因為夜麻麻一個人好驚架嘛！

今天去西貢浪茄玩。一早十二點幾約左LeeAnn Ming禮同埋麻煩的Cannun在大學火車站等，轉車去到西貢市中心，突然一陣大雨，破壞我們興奮的心情。一班初生之犢無懼風雨，照樣出發，後來天公造美，再沒有下雨了。
我們搭的士到浪茄。司機叔叔好好人，沿途向我們介紹了西貢好幾個景點，經過一個渡假勝地－白腊，聽聞二百來塊便可以入camp包食宿，LeeAnn同Ming即興高采烈地嚷著下個月中旬要到這裡玩一玩。

我們在東壩下車，再行過一段驚險的山邊小路（似乎是麥理浩夫人徑），大約半小時左右，我們便到了浪茄。
原來浪茄是一個Valley，海水也很美，可媲美大嶼山的塘福，但是由於天雨關係，及遊人不負責任的行為，沙灘上遺下了不少垃圾，大殺風景。那裡也沒有地方沖涼換衣服，不過貪玩的我們也顧不了這麼多，一於照樣下水。
當天正是一號風球，所以海浪也大，我們玩浪。後來我們三女二男來了一場激烈的水戰。
拍了好多張照片，我們便回家。當然沖涼及換衫對於我們三個女仔來說也是一個難題，所以我們躲在草叢裡換衫，涼都無沖就飛快地跑出來。(好在無人睇到jar~)

一身咸豬肉雖然難當，但我們也不甚介意。回程要經過那段需時半小時的山路，累透了的我們仍然堅持玩馬拉松遊戲，輪了便要退到隊尾最後，也忘了自己已經累極了。
出到東壩，我們又搭的士出去西貢市中心，的士車費來回總計＄２２０，好貴啥！在西貢吃了泰式晚飯，再到滿記吃甜品。
到了十點左右，我們便回家了。回家以後第一件事便是沖涼！沖走髮上的沙和身上的海水，再用手洗自己的衣服，沖出了很多沙。太累了，要睡覺了！
今天是又開心，但又累透了的一天。浪茄雖然是個很美麗的地方，但始終只不過是童軍喜好之地（林兆龍介紹，但此人最後甩底），沒廁所，沒清水，只有驚險的山路和一遍草叢，下次還是去一些比較容易到的地方吧！不過若你只為了美麗的景“色”的話，那裡也有很多穿比堅尼的鬼妹搭遊艇去玩的，可能你也會像我一樣，看見某個鬼妹鬼佬被人脫下泳褲，坦然地露出圓滑的屁股及身上武械的。嘻～～


>>July 21, 2003 at 8:39:55 PM GMT+8

2003 年 7 月 19 日 星期六 【晴】

教完琴之後，我便和家人北上食大餐，因為今次book了table。
打算今晚自己一個人南下返港。
明天一早12點在大埔出發去浪茄！

希望過一Ｄ幾Free又不用錢的生活~~~~

>>July 19, 2003 at 10:37:44 AM GMT+8

2003 年 7 月 18 日 星期五 【晴】

今天溫過account，學懂了account入數原則，原來沒想像中難明。
也去看過醫生，原本$260找數，後因是中大教職員家屬，故只須徼交$50。仁安醫院不愧為貴族醫院，普通的傷風感冒都要$260那麼貴！所以病不是窮人玩得起，是有錢人的專利。

箏藝老闆問我會否到他尖沙咀新開的店舖看舖，又是$15 per hour，又縛手縛腳，又蝕車貴，斷然拒絕了！我倒不如教琴搵食好過？

曾經說過一些發人深省的話，以為自己很了不起，今天卻有點自打咀巴的意味，果真說易做難。


>>July 19, 2003 at 10:33:25 AM GMT+8

2003 年 7 月 17 日 星期四 【晴】

星期二那天，我做過什麼事呢？只不過是上午學過account後，下午回家hae，夜晚連續追看幾套電視劇。
星期三，看舖日。一點回去作準備，阿蘭交待好一切好，我便開始看舖生涯。真係超忙，一來我要看舖，二來要教琴，三來要照顧客仔，四來要教新人學古箏……嘩！試過同一時間有兩批客人問價，兩人來練琴，同時我又在教琴，好忙呀！15蚊一個鐘就係咁過，直到7:00收舖，爸爸黎接我放工。
雖然呢日係累Ｄ，不過都勁好玩，但最好唔好有下次，因為一心不能二用，搞到我教唔到琴呀。
今日有四個學生，其中三歲那個打算唔學。應該的，小朋友手指都唔夠力，都係去Ｄ唱遊班學下野好玩Ｄ。
另外有一個六七歲左右的學生，又是男的，勁Active囉。佢之前學過小提琴，樂理應該無問題，只不過係超active而已，搞到我好累！
在門口練古箏的時候，有班著住校服、拖住條女的靚仔經過舖面，望著我練琴，又說：都幾靚女喎。
哈！其實我好驚佢到踩場，因為當時得我一個人，好在最後乜事都無。
明明著到成個男人咁，都會俾人撩，唉～
呢一晚寶馨著得靚靚去謝師宴，有Ｄ女仔係Ｄ妖豔人，搞到塊面好似馬騮屎忽咁，連我妹都妖豔埋一份，不過好在佢0係LEenn這個professional指引下，變成一個靚女0者。
今朝又去學account，下星期四要Test，所以要襯聽日的空檔時間溫書。然後下午三點教琴，有三個學生，兩個是新來的。其中一個是Grade2的學生，又是懶練琴的人；第二個係六歲的小妹妹初學，好似幾喜歡彈琴咁喎，但係佢阿媽勁煩囉，問呢樣又問0個樣，好似想起我底咁，搞到我唔識應付。教到5:30走人，阿爸又黎接放工。
呢排真係超忙！

最近睇律政新人王，越黎越覺得陳鍭鋒幾掂，不過醒得黎有Ｄ作狀，但個角色就係咁，要扮professional。另外，一睇呢套片我就好掛住甘婷，原因係劇裡面的廖碧兒勁似甘婷，動作超誇張，加埋副秦人眼鏡，超似，亦都好恐怖！


>>July 17, 2003 at 6:52:35 PM GMT+8

2003 年 7 月 15 日 星期二 【晴】

尋晚到肥狗屋企BBQ, 影左好多相, 傾左好多計...
Lily姐曾經講過怕搭我老豆車, 原因很簡單, 因為我阿爸係一個比較難應付的人.
記得上次打完麻雀之後, 我老豆好心咁駕車送佢到吉之島. 當日係放榜的大日子, 所以話題自然離不開高考成績有幾多分呢樣野. 麻煩的老豆就問Lily姐幾多分, 以下就係對話的內容:
爸: 你高考幾多分呀?
Lily姐: 我點夠寶寶高分呀, 我呢D好低分架jar(多謝lily姐誇獎)
爸: 咁即係幾多分?...有無A呀?
Lily姐: O下?
爸:有無B呀?
Lily姐:……
爸:…有無C呀?...咁有咩呀?
Lily姐:……
問到lily姐口啞啞…
我都話啦, 除左我地呢家人之外, 無人頂得順我阿爸 :P


>>July 15, 2003 at 8:10:34 PM GMT+8