2003 年 5 月 8 日 星期四 【晴】

好熱既一日
點解天氣會咁熱既？

訓左好多好多...

食左好多好多薯片...

點解呀？
點解既？
點解咁！

功課其實吾多
但就做左好耐......

阿BEN真係犀利呀！
食飯之前先至send個resume俾佢
轉頭食完飯就已經覆番個email~
真係吾可以睇少佢
評語係neat and good ar~

連nooby都未訓
分明係陪wayne溫書做功課啦~

...........
吾出聲即係嬲緊啦！
最多以後駁少d嘴囉.......
吾好咁啦！向你道歉~咁好無


>>May 15, 2003 at 8:20:59 AM GMT+8

2003 年 5 月 7 日 星期三 【陰】

今日十點返到學校
就係為左影代表會既相
joe, sam, ed三個吾想黎影咪話吾影囉
駛吾駛講大話又吾聽電話呀！
要成村人係到等！過吾過份d呀！！
不過我地(geoge,nooby,亞 B, keith, 小P,me, doris)影得好開心呀！

影完相無野做去左028到搵小寶
但只係得alan係到...好悶呀....
放底個書包走左去食餐
依家早餐有焗豆食呀 ~^ ^~ 好味！！

出學校門口見到maly返黎上堂
佢話尋發夢見到我喎~

中午果段時間嘛~
去左搵一個好重要既人~

發覺認真工作時既你係最吸引架^^


>>May 15, 2003 at 8:20:01 AM GMT+8

2003 年 5 月 6 日 星期二 【陰】

mandy都著到好靚靚咁返黎
可惜無帶相機….

係232門口遇到翁翁
我帶住口罩佢都認到我呀！！
佢仲問我『你今日要見工呀？扮到成個OL咁！』

之前仲驚住要present好緊張
但可能真係驚到無野好驚
回復返以前present既勇氣呀！

點解我要坐係小寶隔影相既！！！
幾大都寸下佢先~
不過佢真係無用呀！
晏晝整親隻腳！

去開canteen既會
真係有少少俾個場面大親添~
我都未試過同d高層開會

仲意為小寶會笑我條3d功課
但最後佢都無笑到！ ^ ^


>>May 15, 2003 at 8:19:00 AM GMT+8

2003 年 5 月 5 日 星期一 【晴】

日記個server開吾到
唯有係icq到寫著先~

今日紅雨呀！所以停課一日
不過一早七點幾eddie就打黎問係咪吾駛返
到八點幾就輪到mandy.....
十點幾就輪到.....

晏晝開始無雨仲出太陽呀！
咁當然出左去行下啦！
不過到返屋企時返而落好大雨呀！

一次過煲晒幾集既邪流丸
好鐘意邪流丸、電虫、同貧窮神呀！

食飯之前口渴
開左罐上個禮拜買既梳打酒
無留意到罐酒比平時既啤酒多兩、三個巴仙既酒精
搞到飲完之後醉左.......
暈下暈下咁...行吾到直路添
好眼訓呀....


>>May 15, 2003 at 8:16:41 AM GMT+8

2003 年 5 月 4 日 星期日 【雨】

alavin好衰架！一早就打黎
人地仲係張床訓緊覺
又要人地起身幫佢攞個電話俾家姐！！
我要再訓過呀！！

家姐問我尋晚幾點返！
尋晚我明明好早返到屋企
仲同佢講左好多嘢
無咩事嘛佢！？

煎餃子好好味！
不過好多功夫呀！

今日天氣雖然吾係太好
但係可以好淸楚咁見到機埸

>>May 4, 2003 at 4:59:13 PM GMT+8

2003 年 5 月 3 日 星期六 【雨】

好眼訓吾想起身呀！
尋日燒完野食既後遺症
就係berri個媽咪打黎搵佢個女呀！

今日落好大雨呀.....

又遲到俾mil mil話添~ ^ ^ ~
吾好意思呀！
今日去小熊國比預期好玩好多呀！
最重要係果到既野食真係好好味呀！
初時知道係日本放題真係有少少怕怕架~
因為好記得去日本旅行食放題食到怕怕呀！
但係開始食野之後,就越食越多野
咁係因為佢d野真係好味呀~
果到有好特別好味味既菇菇壽司、炒麵煎餅、炸薯餅、~U酒朱古力慕思
特別推介係佢地既朱古力蛋糕呀！
好香濃既朱古力味呀！食左兩件咁多呀！
死啦....肥死呀！！！
但個咖啡餅都吾錯~

玩得開心！食得仲開心呀~ ^ ^ ~
好多謝你帶我去玩呀！

今晚食左好咸好咸既蘿蔔
仲飲左感覺好油既湯
攪到好掛住屋企既飯R同木瓜湯

>>May 4, 2003 at 2:12:32 AM GMT+8

2003 年 5 月 2 日 星期五 【晴】

星期五既日記仲未寫完添~

六個人燒野食都有咁多野要買
攪到好夜添~同eddie去到街市d舖頭都開始閂啦！

好吾鐘意夜晚西貢既海
好黑好恐怖
令人覺得好吾開心

唉.....
好掃興好吾開心呀.....
燒左一陣...都無乜食過野就要返屋企.....
好彩有vv 同berri陪我等的士咋....
跟住一個人撘的士落坑口

夜晚一個人係地鐵站等人真係好樣衰呀....
個個經過既望兩眼咁...(仲要係男人喎...)
但吾係地鐡站等夜晚晚又好危險喎....
足足等左半個鐘....


>>May 4, 2003 at 1:42:50 AM GMT+8

2003 年 5 月 2 日 星期五 【晴】

上mbe時eddie又係到發癲啦！
畫好個map之後就攞著問kaman『咁得吾得呀！咁得吾得呀！』
咁我梗係要加多句啦！『老師！咁eddie個張有幾多個兎仔印呀？』
跟住阿公話自己無溫過書
eddie又係到話『咁吾好溫啦！』
kaman話eddie成個小學生咁呀！『叫人吾好溫,話自己都無溫過,但其實係屋企死鋤爛鋤！』
kaman真係講得好岩呀！

唉....個networking test又改到星期一.....
又要溫耐d.....v v呀！......
唉.....今次就原諒你一次咁多啦！
無下次啦！！！吾好將d野成日推遲啦！

知道mil mil勁想去小熊國
但又怕貴,所以吾去
咁既然有得平就大家一齊玩啦~^ ^~

晏晝食左d好難食既壽司
跟住撘車過沙田上堂
出到市廣埸既時候同berri講依家落車去西貢玩啦！
但係mandy又吾去喎！！！

放學果時同chester興祝生日
個蛋糕好好味呀！有好多生果呀！
士多啤梨同芒果！




>>May 3, 2003 at 3:39:28 AM GMT+8

2003 年 5 月 1 日 星期四 【晴】

個個放假可以訓晏d既時候
自己就要一早起身返學
依種感覺好討厭呀！
好彩有人今日要返工
同我一樣無得訓晏d~^ ^~

返到學校Dr. mak話我係第五個返都算早喎~
又真係無乜人返喎~

Berri上左半晝就走左去飲茶~
唉...我都好想飲茶呀！！
魷魚鬚、蝦餃.......

食lunch既時候mandy話好悶想出去玩
諗左好多地方...
海洋公園、白沙灣、茄灣、大浪灣、半月灣、黃石碼頭......
到放學都仲未傾得點...

唔知點解某d人請既糖
我會吾想食囉~

今日放假都係學校見到臭豆腐！！
係icq到讚我今日都好靚女
但我見到佢果時係帶住口罩果囉~
咁分明係話我真人係無咁靚啦！太可惡啦！！！

係我地放學時既第一個景點『報紙檔』
v v見到古天樂做封面既雜誌
就話諗起明星同學wayne喎~
仲講起明星同學會隨身㩦帶遮瑕膏既事~
諗起都好好笑hahahaha~
明星同學你仲有無睇我日記呀？
如果有既...你吾好嬲喎~
做人吾好咁少氣啦！！

>>May 1, 2003 at 8:43:11 PM GMT+8

2003 年 4 月 30 日 星期三 【晴】

今日off...但聽日公眾假期反而要返學...

朝早食左個好好味既茶果~ ^ ^ ~
好好味呀！媽咪話下次再買過
好野~呵呵呵~

三字頭既電話號碼...究竟係邊個打黎呢！
原來係！原來係！！！......
聽完個電話勁開心呀！
即刻打番個電話俾maly先~

本來今朝都無乜心情話出去食晏晝
但聽完頭先個電話成個人既心情靚晒
即刻打個電話問幾點食晏好....
又一次俾人嚇親...
諗著坐底傾電話...
點解會係屋企出面既？
真係喜上加喜呀！ ~^ ^~

好耐都無食過燒銀雪魚定食....
原來同出面一樣有野飲送架！
可惜前茶係中華沙律囉~
依餐都食得好開心呀！
如果有特式牛肉就好啦~



>>April 30, 2003 at 8:58:20 PM GMT+8