2003 年 6 月 30 日 星期一 【晴】

今日又係神不守舍既一日....
唉.....好討厭呀.....
有好多說話屈係個心到....
但無機會講出黎

今晚個星空好靚呀...
有好多星星...
不過又係得我自己一個人睇.....
點解...點解...點解永遠都獨自一人....

>>July 1, 2003 at 1:39:22 AM GMT+8

2003 年 6 月 29 日 星期日 【晴】

落左咁多日雨.....終於都可以見番藍天白雲
心情嘛....點都好過係落雨天既~

今日屋企多左個新成員呀！
『小龜先生』每次我一行埋去...
佢就會走得好快...潛左去睇唔到佢既地方
呵呵~你意為潛左水我就搵你唔到既咩！！
你小心我帶你去同小白打招呼呀！

領教過咁多次.....
如果有機會去旅行.....
一定...係一定！唔會同爸爸媽媽去！！
好似上次咁...家姐同媽咪撇抵人地....要我同個領隊一間房
雖然只係訓覺果時至會過房訓
但同一個陌生人一間房點都會覺得唔自在

真係好難得阿珠會打電話黎
平時打極佢電話都無人會接
所以接到佢電話點都要傾番陣~ ^ ^ ~

>>June 30, 2003 at 1:47:47 AM GMT+8

2003 年 6 月 28 日 星期六 【雨】

依排唔開心既日子入面
真係好多謝咁多人關心我
好似阿mike咁,知道我唔開心就會玩魔術俾我睇、
同我玩猜謎語、陪我去吉之島行supermarket
而mil mil一有時間就會約我出黎行街散心、食下飯、傾下偈
仲有nooby會係icq好有耐心咁聽我講野...開解我...令我諗通好多野
好多謝大家呀！！
不過除左nooby之外...個個都叫我唔好太過於執著一個人
由其是豆腐呢！

突然記番起件好笑既事...
呵呵呵...前幾日去屯門間campus上 ve
mike遇番佢係icq到識既fd...
佢個fd意為我係mike既女朋友呢！

今日又同mil mil去左食大家既男友都唔喜歡既米線
當然依餐係我請啦~點可以叫生日果個自己俾錢呢！^ ^
跟住就係我地最鐘意做既事
唔需要消費既活動...就係走左去citysuper坐左三個鐘...
又有冷氣...又有海景...又可以傾足成日！

別人既男朋友好似好怕我會教壞佢女朋友呢！
呵呵呵~話我教佢女友欺負佢喎！
如果個男友係好男人...愛錫佢都黎唔切啦！
又點會去欺負佢喎...
不過最重要既問題係...
依個世界上係無好男人既存在

乜海傍依個地方真係好嚴險既咩？
我只係知道...每當我好唔開心既事候
就會拉個人陪我去海傍吹下風...睇下夜景...
不過別人既男友好似有d擔心....
下次都係....

今晚飲左幾啖啤酒....
搞到個人好熱...皮膚好乾.....

>>June 29, 2003 at 1:51:57 AM GMT+8

2003 年 6 月 27 日 星期五 【雨】

唔知係咪因為有人S挾f心情好左
定係真係咁攰........
訓到成十一、二點至起身

今日mil mil生日~
係到祝mil mil生日快樂！
又大一歲！！

晏晝係到睇台劇....
睇睇下又覺得幾好睇喎~
又多一套劇要追啦！

沖澡個時諗著閂窗...
閂左一半既時候...
好似見到d野...又打番開個窗....
心諗...『唔好行過黎呀！千祈唔好行過黎呀！』
望多兩眼之後...都係閂番個窗....當咩都見唔到.....
我見到d咩？
咪係就算我係到住左咁耐...
見過咁多次都好驚既.....蛇呀！！

唔....我都係鐘意食蒸魚多d~
特別係爸爸整既！！爸爸整既海鮮好好味呀！
可能平時屋企既飯R太好味啦~
所以出到街食d咩...都唔會話覺得好好味！
好似有次 v v帶我地去食潮州茶果咁
v v讚果度既茶果好好味
但我食落又吾覺得話特別好食.....
因為我婆婆整果d仲好食好多喎~


>>June 27, 2003 at 7:46:22 PM GMT+8

2003 年 6 月 26 日 星期四 【雨】

雖然我記性好差！
特別係自己講過既說話
但係好記仇架我~
所以別人講過既說話會比較記得
所以唔好忘記你曾經講過既說話呀！

尋晚真係好唔開心.....
好彩身邊有 mil mil 同nooby既開解
突然之間好似諗通左好多野咁
講真依個世界上有咁多男仔
佢唔愛錫我既...出面都仲有其他人俾我揀
可必為左佢而成日唔開心...成日喊...
但其實我知道自己係放棄唔到
因為係咁多年入面...
等左咁耐...揀左咁多個...
直到依家先至俾我遇到佢
雖然曾經個心越黎越淡.....
但我真係想好好咁珍惜依份情
因為係2002年既年尾我曾經許過一個願
希望真真正正咁愛一次
就連去到日本雷門求左支簽
簽文都話" The person you are waiting for will come soon"
當然啦...如果到左最後...係無結果既話...
亦都唔會勉強落去....

一個人坐係美食廣埸睇雜誌....
真係有諗過一走了之算....

>>June 27, 2003 at 7:24:04 PM GMT+8

2003 年 6 月 25 日 星期三 【晴】

尋日家姐既同事打電話黎
話要家姐既身份証附本
仲話好趕既添.....
搞到我要一早起身攞去銀行....

經過千色店...特登去攞搵下有無藍苺批
因為berri話搵唔到...咁既然係我發現千色有得買
咁咪等我買囉~

跟住順便去埋中銀搞掂埋自己張信用咭...
要住址証明...之前申請時又唔叫人交埋！！

去街市買野...好耐好耐無去過街市呀！
駛唔駛咁大份呀！好重喎...老闆....

之後去左買豆腐花...又好耐無食過啦~
買埋朱腸粉做早餐(其實係午餐)就撘車返屋企
因為無手左買野啦！而且天氣好熱.....

返到屋企食完野就開始做野.....
洗衫...(積左成兩日啦！唔洗唔得！)
掃地...(有時屋企大都唔係好事...
掃晒成間屋既範圍...要成個鐘...
所以嘛~局部地區性掃地)
抹塵...(都吾知點解既...屋企會咁多塵！)
.........................
做左咁多野....唔知會唔會瘦d呢？

做晒以上所有野之後....
已經係四個鐘頭之後.....
好肚餓...食左個杯麵
死啦！會唔會肥番既呢？


>>June 25, 2003 at 4:56:46 PM GMT+8

2003 年 6 月 24 日 星期二 【晴】

mike真係吖~咁夜send sms過黎問人野....
學足terence咁要人地打番電話俾佢！
打到去又話人地把聲唔同左....好聽左...女仔左....
有無攪錯呀！！仲叫人地喊多d...等把聲好聽d...過份呀！

一早起身...去IVE (TM)返果個VE
好無聊既LEADER TRAINING呀！
問卷...遊戲...小組討論......
其實我想學個D...商業實習概論...要七月至有得上...
如果唔係喺屋企一個人太悶都吾會返
返左起碼有人同我玩....

一句『點解呀？』就變左隻豬添~呵呵呵~

Kaman好可憐呀....被人地改左咁既名....
咩名？...人地既傷心事就唔好提啦~
都係因為佢平時串得學生多啦....

wayne晏晝至入到黎....
仲要係到睇報紙...
d明星同學真係大牌呀！！！

對DM既人黎講...個TRAINING COURSE實在太悶啦...
個個一早去到個樣都唔夠訓咁
比起BA既人...真係木口木面好多
無計啦~個個都習慣夜訓嘛~
所以下午中途break既時候
個個DM都走晒~

同mike走左去行吉之島.....
無無聊聊去左旅行社到睇野.....
講番起佢上次去泰國睇真人show....
吓.....金魚........................好恐怖呀.........
其他四位數字既團又話吾會去.....
反而對上海...昆明依d 得三位數既團有興趣....

肚餓....兩個人走左去吉島超市試食
試左好多野呀！有麵啦、燒賣、牛肉、福州魚蛋、
小麥草汁..同埋熱情果果醋

喜歡上 I WISH既《往明日之門》好好聽~

>>June 24, 2003 at 7:22:44 PM GMT+8

2003 年 6 月 23 日 星期一 【晴】

凌晨兩點幾都仲未訓得著...
最後至發覺自己之前飲左杯茶...
所以訓唔著...真係...
好耐都無試過一個人係到睇星星...
平時因為要趕功課
都無乜時間靜靜地好悠閒咁坐係到
到得閒個時成個天都係雲
不過尋晚四周實在太黑啦...
唔知點解...好驚...

都唔知係亞mike陪我吖...
定係我陪佢等睇波！
一路傾到三點鐘...
D人真係吖...咁唔專心既！
連開左波都可以繼續玩icq

朝早望向機場...
岩岩見到一架飛機起飛
因為陽光既折射...架飛機好光好白
非常之耀眼

mil mil對唔住呀....
星期六果日我既心情影響埋你添...



>>June 24, 2003 at 2:15:38 AM GMT+8

2003 年 6 月 22 日 星期日 【陰】

連我都好想問自己一句…
究竟我係到做緊乜

今日係屋企同家姐一齊追韓劇…
從來都未試呀！呵呵~

同家姐行左成日行…
去左delifrance食左個芒果雞肉三文治
好好味呀！仲加杯好好味既熱檸茶
仲有！仲有！加六蚊有瑞士雪糕…
係撘國泰時食過果隻雪糕呀！
原來同撘飛機時食既感覺好唔同呀！
但係都好好味~
我幫家姐攞糖…
佢問點解我會知佢飲外原粒果隻粗糖
咁我同佢黎過一次黎食野架嘛~
點會唔知喎~
係某某無心裝在隉I！

唔知點解依排有好多野都令我回想返日本果次旅行既事？

跟住去左買泳衣~
點解又會無新架！！
尋日自己一個人去睇果時又係咁！
不過今次唔係我無新貨
而今次輪到家姐無呢！

去左新世界轉plan~
依家d plan好抵呀！同樣用番$138
但係多左成幾百份鐘…message都係四毫子個！！
仲送埋飛線添呀！
不過等左好耐至有人service 呀！
因為有個好無理既阿婆係到攪左好耐
又話依樣又話果樣
阿婆︰『你依個係咩字呀！個A字唔該你同我寫番做大楷啦！』
阿婆︰『張單你地同我用電腦打…我唔要手寫！』
阿婆︰『依張單你當我簽左名…出埋第二張出黎俾我一次過簽啦！』
職員︰『但係部電腦要簽完一張..做好至可以出到第二張架！』

今日某某問左一句︰『二妹你平時覺唔覺D男人係側邊行過會望下你架？』
唔……我平時行街都唔望人既……唔覺架喎……

凌晨一點....望向天空.....
有好多星星呀！...好多好多...
雖然係夏天...但係d海風涼得黎
帶著少少凍....
原來深夜仍然有飛機既升降
但當所以飛機都無既時候.....
突然間....一齊都變得好寧靜.....



>>June 23, 2003 at 2:00:41 AM GMT+8

2003 年 6 月 21 日 星期六 【雨】

今日落左成日雨呀！
如果唔停雨真係諗著同mil mil講唔出架！
好彩到左中午開始無雨啦~
點知一出門口就塞車….
雖然唔係塞出九龍條線
但係d車入唔到屯門…即係無車出啦~

行街一件衫都無買到….
只係買左隻髮夾….
本來睇中左隻鐲架！！
諗著買番一隻俾自己帶下…
唉….點解d情侣鐲會咁貴架！
一隻都要二百三蚊……
唔捨得買呀！睇左好多間......

行晒旺角….跟著慢慢行咁行左去尖咀
去到栢麗就開始落大雨啦！
個下望著d雨係前面吹過黎
場面真係好震撼呀！
諗著走快兩步唔駛開遮
但俾我行到海港城都唔得！！始終都係要開遮….

係citysuper見到有依個日式燒餅呀！好香呀！
跟住買左一個豬肉口味既燒餅同mil mil兩份分~
d麵撈埋d燒汁好好味呀！
本來想買番個俾家姐食架…
但係攞到返屋企都凍晒啦！
下次帶家姐去食番次至得！！

係食緊燒餅既時候阿威黎到….
唉…佢地兩個真係親熱呀！
我都係快d閃好d ~
人地咁難得兩個人拍拖
邊好意思阻住人呢！
mil 同阿威真係好似驚我會唔見咁
一定要送我到mtr至走
不過我知佢地真係關心我
其實如果我真係唔見左....
搵警察先生幫忙咪得囉~

六點幾返到荃灣
一個人係到行悶街…
咁都可以俾我磨到兩個鐘~
係千色見到好得意既虎虎呀！
係長頸鹿版本既虎虎呀！
得一個人既時候...就算見到d咩
有幾開心都好....只係能夠對自會心一笑

係等緊巴士既時候….
抬頭望向街燈….
見到一點點既雨點….
個一刻令我回想番係第一次係日本見到既雪….
仲好記得果一晚除夕…好靜好靜…..
係街燈之下…望住一片片既雪花飄落在手掌上….
慢慢地融化成水...
仲有第一次見到雪既興奮心情...
同埋mandy...隔離房既一對夫婦...
係萬天雪花既之下...渡過左除夕....

如果一段感情能夠為持到三個月已經是很好
對平通人來說…可能會不敢認同…
但如果對某個人的準則來說…
這個成績…的確…已算合格
因為已經做到三分之一了嘛~


>>June 22, 2003 at 12:35:50 PM GMT+8