2002 年 12 月 13 日 星期五 【晴】

係地鐵車廂入面食早餐
好似已經變成左一個習慣咁！
不過次次都係食麵麭
好想食番d熱野呀.....早晨全餐、熱香餅、朱腸粉、炒麵..........

今日係小巴站遇到keith呀~
依排好似同佢特別有緣份咁！成日都遇到佢
吾知阿B會吾會呷醋呢？

一返到學校就係028門口遇到小寶
佢第一句就話︰『係囉！笑多d咪幾好！』
哈哈哈~
其實我根本就係鐘意笑既人
只係有好多身邊既野都令我笑吾出o者
所以我成日都好希望有人逗我笑架~

028又有新貨到啦！
同dada、momo玩得好開心呀~
dada話d公仔做吾到一字馬....咁dada自己都做吾到啦~hahahah
但點解就係無榮恩既？
原來d公仔吾駛錢架！就算要耐d先至攞到番黎
咁都放埋榮恩落去啦！小寶吾知邉個係榮恩呀！
連佢都話要睇『無間道』呀~支持香港電影！

birthday kiss嘛~
呵呵呵~你就想喇！臭豆腐 >. <

好彩係canteen遇到nooby
如果吾係又要一個人食.......
又話芹菜炒牛肉，點解會有咸菜既？

nooby真係好清楚阿wayne既動向呀~
連阿wayne係邊到都知道！
見到阿wayne咁勤力溫書
都係吾好阻住佢喇.......

今日係244A開會時
同阿Roy係到玩game玩得好開心呀~
點解咁都會俾佢贏到架......

特登撘車返屯門行街~
一個人好快就行到悶.......
買左熱甩甩既菜肉包同牛肉包返屋企同妹妹分
好味~ ^ ^

>>December 13, 2002 at 7:06:08 PM GMT+8

2002 年 12 月 12 日 星期四 【晴】

今朝一起身覺得好凍呀~
但就見到一個靚既晴天
心情變得好好多
仲同媽咪去左飲茶
食左好好味既魷魚鬚、煎腸粉、蝦餃，飲左壺水仙
仲去左睇洗衣機，買邊部好呢？

係太子遇到磨菇同紫瑩呀！

今次mbe個test算係答得最多既一次啦~
因為真係有用心去溫過嘛！

點解個個都細過我既.......
十二月生日既人真係好呀！
後生好多呀.....羨慕.......

小寶話我變番以前個髮型好睇d喎~(我自己都覺)
仲叫我笑多d添呀...
吾好苦瓜乾咁！
唉....你估我吾想笑咩.....
只係咁既情況點笑得出喎~
覺得好心灰呀！咁算係點喎~
既然係咁咪咁囉~又吾係第一次.....
中三、四個年都係咁架啦~
最討厭就係d人鄙視我朋友囉
佢自己又好好咩！
同maly佢地玩真係好開心呀！
令我比上年笑得更多，識得更多朋友
好多謝maly呀！

連系會都要我去開埋.......
咁聽日咪得自己一個人食.......唉.......

>>December 12, 2002 at 11:48:23 PM GMT+8

2002 年 12 月 11 日 星期三 【雨】

吾知係因為吾舒服，定係因為天氣既關係
心情跌到落谷底，吾想講野......想搵人俾個膞頭黎靠下......
冬天既雨水好冰冷，突然間好想同個天一齊哭
將所有既吾開心都喊晒出黎

今日比較開心既係圖書館門口遇到KATY
27號吾得閒咪叫EDDY改期囉~還點D人咁難約得齊
成日都話邊個吾去佢又吾去
不如叫埋阿mark去，佢打過兩次電話黎我都吾得閒同佢傾
好快咁收左佢線..........

原來rex怕食肥豬肉.....
佢個反應好似阿sam同阿帆見到蟲時個反應咁....
好好笑........
豆腐今日好溫柔
係咪因為今日我個樣又睇得出係吾開心呀.....

覺得自己好以變左隻狗仔咁
希望有人摸下我個頭
稱讚一下自己

>>December 11, 2002 at 10:18:08 PM GMT+8

2002 年 12 月 10 日 星期二 【晴】

點解係用AM吾係用FM既？
個答案係咩呀？想知呀！
講講下書點解講到去嘉年華會既？

今個聖誕一定要睇『無間道』
『HARRY POTTER』同埋『貓之報恩』
想過一個開心既聖誕
一個溫暖既聖誕

今日去左食米線......
辣到痴線呀.....
成晚個肚都好痛呀......

我老公已經吾係我老公啦！
自從佢同個女仔打乒乓波之後
連阿sam都話佢吾岩呀~

今日個黃昏好靚呀！
好想同佢一齊睇...不過......
其實我對佢講左好多大話呀
唔知佢知吾知呢？

無打電叫佢起身
就俾人話無心裝在....
又話吾理佢......
唉........

胃痛呀........
................乜心機都無
差d連碗都打爛埋..............d水咁凍點洗呀！

>>December 11, 2002 at 1:20:16 AM GMT+8

2002 年 12 月 9 日 星期一 【晴】

hahahah
阿堯讚人地越黎越靚女呀~'
haha好開心呀！ ^ ^
雖然今世我地都係無乜緣份架啦！(同吾到阿堯影相呀！)
但下世，下世一定有緣份架我地~ hahahahha

>>December 9, 2002 at 11:20:39 PM GMT+8

2002 年 12 月 9 日 星期一 【晴】

好凍呀~屋外好大風呀！
成屋人都訓晒.......零晨四點鐘
算數...於棄.....早d訓....但係訓極都吾暖既？
隻腳好冰呀........

今朝返學又遲到啦~
因為俾人捉住要著多件褸喎......
唉.....好暖啦.....吾著呀.....著吾落......

次次一個人食飯真係幾悶.......
食飽之後都吾知做乜好？
但又吾想出去食喎.....

仲意為做左一半既功課會俾人閙添~
呵呵呵~竟然無事...

乜我作既大話真係好大咩~
佢相信咪得囉~雖然所有野都係虛構出黎

唉......本來都吾駛係到等車架.....
咁耐都無車架......好大風呀！
凍死人啦......

嘩~~~~
今晚同阿wayne傾緊電話時
俾我見到粒流星呀~綠綠地色架！
好靚呀~
許願嘛~我希望...............

>>December 9, 2002 at 10:45:21 PM GMT+8

2002 年 12 月 8 日 星期日 【雨】

天氣突然間變得好凍呀......
如果可以攬住你待係你身邊就好啦.....
可惜你吾係屬於我

你身邊既一切都關注著
好想知道依家既你做緊咩
係你身邊既人係邊個

好妒忌你眼中既佢
因為我永遠都改變吾到你.........

>>December 8, 2002 at 2:42:25 PM GMT+8

2002 年 12 月 7 日 星期六 【晴】

點解訓訓下覺隻腳會抽筋既........
吾通係訓得太多........
好痛呀..........一定係我阿媽咒緊我.......

起左身同細妹玩兩場GT
呵呵~佢架車真係慢.....我又贏左

晏就食左樂宜個生日蛋糕
D奇異果好酸呀 > . <.....都係俾媽咪食.....仲有D桃.......
都係蜜瓜好食D ^ ^ ..如果有士多啤梨就仲正
記得上次大佬俊生日特登留番D士多啤梨俾我食
諗起都開心...hhahah.....果然大過仔....咁識氹我...
好啦~我就借部ps2俾佢玩一陣咁多啦~

原來阿wayne send過message黎都吾知添~
hahahah其實琴晚我都係走左一半路至打俾佢咋~
所以咪話快返到屋企囉！
落車個下心情真係勁差呀.....人地明明訓得好好地架嘛.....
爸爸又打電話黎問幾時返........問左又點喎...都吾會等我門架啦~

行返屋企條路雖然係靜.....
但係行上去樓梯後...果刻睇到到既星星係好靚架~

今日黃昏時去左沙灘
坐係個大石上面睇住一架架既飛機降落
感覺得有少少涼意~
好耐都無幫手洗米洗菜......洗少左米咋嘛.....
駛吾駛咁話我呀.......叫小白食少d囉~

keith好日都吾打電話黎
打黎就話趕著要阿ed個電話.....
唉~我依個主席變左1083添~
收錢呀！！！

>>December 7, 2002 at 10:50:48 PM GMT+8

2002 年 12 月 6 日 星期五 【陰】

今朝係小巴站見到紫瑩同阿wayne一前一後
究竟同邊個打招乎先好呢？
hahahaha兩個人一齊打招乎咪得囉~
紅酒糖都吾係咁差o者~
吾通男仔都係吾鐘意食糖既？
alan同豆腐都吾好糖...而阿sam就話好甜.....
咁糖梗係甜架啦~

sorry呀~wayne......
無諗到個會要開咁耐架....
要你等我咁耐....
勁吾好意思呀.....

同nooby、doris去左旺角行街呀~
我同nooby都有收獲呢～
試過件衫
個領原來都吾係咁低
著落勁舒服呀～好喜歡呀！
真係好榮幸呀！要阿wayne特登過海黎九龍搵我同nooby攝時間呀
不過真係多謝阿wayne請食飯呀
仲陪我撘到去葵芳咁遠
辛苦晒呀！

好攰呀～攞左盒檸茶坐係到望海睇星
個感覺得好以夏天咁
今晚好多棉花糖呀
我、虎虎、虎虎、虎虎同虎虎都食吾晒呀
所以只係見到好少星星咋

>>December 7, 2002 at 1:43:33 AM GMT+8

2002 年 12 月 5 日 星期四 【陰】

好想一路咁訓落去......吾想起身.......

終於見到harry potter架列車呀！
勁正呀！如果吾係趕著返去開會
一定會即刻落車等下班車

返到去一個人都無......
好彩都仲有小p幫下手
一個人真係搬吾到d櫈
好重呀........個個都話會黎幫手.....但最後.........
好掛著天佑同billy呀......
係代表會入面最錫我既人
我係代表會做得吾開心都有佢地氹番我
依家無晒lu.......

又一個人走左去行街.......
去到萬寧一個人係到玩香水
玩到成身都係香水味
發覺自己越黎越無聊

天氣又開始變壞
連心情都差左好多......
全程車都無訓到
只係呆呆咁望著窗外
好吾鐘意依家既自己呀.......
心情可以大起大落
但跟本無人會在意
都吾知自己做緊乜.......
又覺得自己變得多餘......
我既說話吾係命令呀....
任何人都可以抗議吾去做
反而勉強咁做.....令我仲吾開心
聽到那句話後...好想即時離開
越係大方咁扮無事
自己反而好辛苦..........

>>December 6, 2002 at 12:13:12 AM GMT+8