2003 年 6 月 7 日 星期六 【雨】

今朝出面好似落好大雨呀...
我繼續咁瞓無理到
但係又跳左制啦....廳個邊無晒電....
好彩房好事...仲有電腦可用

mil mil同威威睇完戲就即刻打黎同我講套好睇....

好悶呀...但有好多野做......



>>June 7, 2003 at 9:02:46 PM GMT+8

2003 年 6 月 6 日 星期五 【雨】

無帶電話添....
周圍問人借電話打
好彩係mtr遇到maly咋

chester好恐怖呀....
回光反照呀！咁好笑容既....
驚.........

哦...點解我會有kaman電話....
我同佢咩關係呀！真係吖....
唔通我有你電話...閞係就吾同d啦咩？！

A - Z.....又有餐無啦！
想食咩無咩....
燒個三文魚扒都無.....
不過滑蛋牛肉幾好食！！
但柚子茶吾好飲既..淡......

其實我吾怕辛苦.....
但最怕既係....

>>June 7, 2003 at 3:05:15 AM GMT+8

2003 年 6 月 5 日 星期四 【晴】

朝早嘛~如果我早d做晒個report咪好囉...
咁係咪睇下有無人陪食早餐嘛！！
不過最後都係無望....

『唔答！』...其實吾係秘密...
只係習慣....
其實只係上一個想聯絡番我�...
不過我都無諗過要見番佢！
因為我咁辛苦至搵到依家咁好既男友
除非係佢放棄先....如果吾係我唔會放手架！

無論點...始終都影鄖鴔甯J情緒呀！
係地鐵站果刻真係好想喊....
最後搵到我既好朋友mil mil陪我去左海傍坐
海傍既夜景好靚呀.....


>>June 7, 2003 at 2:54:15 AM GMT+8

2003 年 6 月 4 日 星期三 【晴】

嘩~成晚都無訓過呀....
但都仲頂得住....
好肚餓囉...餓都想訓都訓吾著
咁就食埋早餐至訓
但係九點幾就俾媽咪嘈醒左~

今日做節好熱鬧呀~
有大陶(樂宜)、小陶、同小小陶(悠悠)
但可惜趕緊功課.....
我都好想一齊去游水呀.....

出門口去機埸......
同媽咪講聲今晚吾返黎食.....
跟住媽咪就打蛇隨棍上咁問去邊到食飯....
諗著誠實d咁講話去男朋友屋企食飯啦....
點知.....唉......又俾人話啦......
講左好多好難聽既說話.....

哦~點算呢！
第一次見到佢發咁大既脾氣....
都知佢係唔開心架啦....
但係即時我又諗吾到點S恕H喎~
好無用呀....

唉.... 上一個吾認真...就話早d同人講淸楚...唔好害左人
到今次認真d...又叫人唔好咁認真...玩下好啦...
咁係咪話永遠對感情都吾好咁認真呢...
到最後真係無去到男朋友屋企食飯...
返屋企食...媽咪開頭講左幾句...跟著又好開心煮飯俾我食喎~
S挾f媽咪...又得失自己個男朋友...
以後都吾會去男朋友屋企食飯lu...

龍門居嘛....唔....
我諗就算就腳經過都吾會入去行囉
無為又俾人錯覺啦~

>>June 5, 2003 at 3:05:03 AM GMT+8

2003 年 6 月 3 日 星期二 【晴】

唔知係因為開始習慣左....
定係因為知道佢聽日就返香港
又或者尋日大喊左一場之後
今日心情總算平穩左好多
不過最主要既原因...
係今朝收到佢打黎既電話呀！^ - ^ ~

d功課真係由朝做到晚
好似返功咁...對住部電腦八個鐘都吾止！

尋日俾小白抓傷左
今日隻腳都仲痛緊
小白真係曳曳呀！
仲等我幫佢按摩~真係吖！
連隔離屋隻狗見到小白咁舒服都行埋過黎望著我......
唔....望著我都無用架......


>>June 3, 2003 at 5:51:45 PM GMT+8

2003 年 6 月 2 日 星期一 【晴】

今日無返到學....
因為吾想浪費四個鐘既車程
寧願留番d時間做功課

點解會咁唔開心既......
好討厭自己呀！！
點可以為左d咁小事就唔開心架....
不斷咁叫自己開心d
叫自己集中精神做功課
人地有工作在身自然無時間打電話...無時間send sms.....
由相識時開始就應該知道會係咁.....
當初一早都已經講明左
....不過...不過.........
次次自己都明白.....
亦都應承過吾會扭計...唔會唔開心
但次次自己都做唔到....
開始懷疑緊自己究竟有幾愛佢.....
點解自己吾懂得為對方設想.....
每次自己唔開心既時候只會責怪佢
其實錯果個係我自己呀.....
『對唔住呀！』......

聽完等左成日至打黎既電話
終於都係忍唔住喊左出黎.....
每次係電話到都唔想佢知道自己其實係好唔開心.....
所以每次都會好開心咁講電話
等佢可以安心咁工作


>>June 2, 2003 at 5:31:39 PM GMT+8

2003 年 6 月 1 日 星期日 【晴】

今日真係吾想起身呀！
因為真係覺得好攰好攰.......

雖然好鐘意食粽
但都吾可以早午晚三餐架嘛！

今日二舅母講左d令人好感動...好想喊既事呀.....
如果佢吾講我永遠都吾知依件事呀.....
原來聖誕去日本旅行時
飛日本既第一日
媽咪好繄張...好擔心我呀....
足足等左我成日電話呀！
連飯都無心機煮呀....
但係日本既第一晚打返屋企既時候
媽咪已經訓左覺啦.....果時香港十點半
而果時日本已經係十一點半啦~
夜晚既日本好凍好凍呀！

依家終於感受到媽咪有幾擔心啦！
因為每次當男朋友吾係香港既時候
唔知點解我都會好擔心佢
至於怕吾怕佢係出面曳曳嘛~
已經係其次(初時d朋友都會話佢既工作性質好方便出去曳曳！)
而身邊既朋友成日都話
『都咁大個人啦！駛乜咁擔心呀！佢識照顧自己架啦~』
但無收到sms或者電話
真係會擔心架！！吾知佢有無事.....唔知佢做緊咩....
所以尋晚收到佢到左當地機埸既電話時
個心真係放心好多....好開心！

唉....每次當聽到『做緊野』幾隻字...
就會好吾開心.....
我知工作係重要d既~
所以每次都好聽話咁收線...唔阻住人做野...
但係...........

>>June 1, 2003 at 10:48:14 PM GMT+8

2003 年 5 月 31 日 星期六 【晴】

起身刷牙~
刷緊牙點講電話呢！
媽咪拎個電話埋黎都聽吾到架啦！？

今朝食左個好開心既早餐
真係好開心好開心呀！

好鐘意睇阿sa做既戲呀！

唔捨得呀.....(要扭計.......> _ <)
將仔仔帶左返屋企住幾晚

今晚又好似以前咁.....
坐係到望著個機場.....
係到等電話響.....
係到望著一架架既飛機起飛.....

>>May 31, 2003 at 11:04:16 PM GMT+8

2003 年 5 月 30 日 星期五 【晴】

等等等.......
mbe要等齊人先至有得present
berri果組打左八折

terence成日都話我去028搞搞震
我邊到有喎~
我只係得閒係到晝下公仔咋嘛！

chester吾講都吾知呀！
原來kaman吾俾佢apply天文台份工呀！
因為佢已經有得見Ai份工喎~
但如果Ai份工見吾成咪乜都無囉！！

磨菇乜都無apply真係有d替佢擔心呀！

夜晚亦都要等等等等~
等到九點至食飯
但都覺得好開心
因為時間好寶貴嘛~

平時自已亂洗錢無乜問題
但到人地亂咁洗錢就好吾鐘意！
咁既思想好奇怪呀！

哦~.......
我認人好差呀！
乜有咁矮既咩？吾記得左添~

無端端做乜要人地買人壽保險喎~
不過算啦！第一年都吾駛自己供！


>>May 31, 2003 at 1:11:05 AM GMT+8

2003 年 5 月 29 日 星期四 【晴】

哦~
終然等到電話
有工見啦....
仲要係九號交dap果日interview
人工少左但要求反而多左！

唔.......好快又星期六啦.....
唔制呀！但係又要趕功課.....
唉........

今日dayoff係屋企
但都好乖乖咁有安時食三餐
因為平時放假係屋企都只係食兩餐嘛~

>>May 29, 2003 at 7:13:51 PM GMT+8