Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

2003 年 2 月 17 日星期一【陰】

☆相當刺激╭☆
今日下午食飯既時候，因為我地食飯個間餐廳計錯數，找多左錢，所以我地由每人原本$22一個人，變左平均每人收少左$5，即每人$17就得喇，哈哈~!
下午Phy堂，我地做左一個Young modulus of copper既實驗，個實驗好好玩呢~!呢合實驗用既銅線最後會斷左嫁，我地一共用左16個100mg既mass去整到條銅線斷呢，條銅線斷既時候，d mass「咚」一聲趺落地下，發出好大聱音，嚇左阿Sir一跳呢~!哈哈~!不過當我地一個一個mass咁加上去既時候，條銅線就愈來愈拉得長同幼，就黎要斷咁﹐真係好刺激呢~!

>>February 19, 2003 at 7:30:47 PM GMT+8

2003 年 2 月 16 日星期日【晴】

☆Grammer lesson╭☆
今日朝早我又無去自修室溫書，下午我就去左元朗補英文，原本由2:00開始，至5:00結束，點知因為開頭播錯帶，攪到over run，成5:30至落堂，跟住我就返左屋企食飯同埋溫書，咁又一日喇，時間真係過得好快呢~!

>>February 17, 2003 at 12:42:09 AM GMT+8

2003 年 2 月 15 日星期六【晴】

☆元宵節╭☆
今日係元宵節。因為先前扭傷隻左腳，仍然有ｄ腫，所以今日無去自修室溫書，而係媽咪陪我去睇趺打，但因為好多人，加上我又約左綽綽食飯，所以就登記左係下午至睇，跟住就同媽咪逛左一陣街，之後就同綽綽食飯，我同綽綽好耐無見喇，好掛住佢呢～！多謝晒你送比我既手信呢，我好鍾意呀～！
食完飯之後，綽綽就返童軍，我就同好朋友仔逛左一陣街同埋影卡片，之後我又送佢搭車返工。
送左佢搭車之後，諗住打電話比媽咪，同佢匯合去睇趺打啦，點知打左成個鍾頭電話比佢，佢都唔接電話，等到差不多夠鍾睇趺打至搵到佢，真比佢激死。
睇完趺打之後，我就返左屋企，小休一陣，跟住又去左元朗補習，補習之後又同好朋友仔一齊食飯，連續兩日中西既情人節都可以同好朋友仔一齊過，好幸福呢～！
收到好朋友仔送比我既My Melody公仔頭形手袋，超級幸福呢~錫晒你~!

>>February 21, 2003 at 1:23:13 AM GMT+8

2003 年 2 月 14 日星期五【晴】

☆情人節╭☆
2月14日．情人節。街上看到很多的一雙一對，挽著手快快樂樂的捧著鮮花的，都是一臉甜蜜的樣子。

沒有情人的陪伴的，不是一件應該自卑的事，並不代表自己條件不夠好，只不過，是暫時未遇到吧了。

今天，是奉旨sweet的﹔今天，是奉旨甜蜜的﹔甜蜜得有點刻意？哎呀，不要緊啦，就刻意這麼一天好了。

其實愛對了人，情人節每天都過嘛。

By 帶銀公主
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
雖然尋晚溫書同做Lab report攪到成三點半至訓覺，但今朝一早7:45就起左身喇，因為要同好朋友仔食早餐嘛，所以咪要一早起身梳洗law。梳洗之後，就去左輕鐵站同等好朋友仔去食早餐。去到茶餐廳，好朋友仔比左一個好大既袋袋我，一打開，袋裡面有一個好靚既心形大盒愛的禮物呢呢，再打開個盒，裡面有好多壽司愛的壽司呢同埋朱古力愛的朱古力呢呢~!d壽司係好朋友仔尋晚親自製作的呢~!雖然d朱古力味既壽司有d古怪，但係我都好開心呢~!錫晒你，好朋友仔~!
食完早餐，佢就上左我屋企休息左一陣至返工，我就送佢搭車返工，下午我就返學。今日Phy pre mock唔係太識做呢＞﹏＜
放左學之後，就去左幫Katherine補習，跟住又返左元朗補Chem。
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
因為好朋友仔既放工時間同我放補習既時間差不多，所以我地就約左一齊食晚飯，但我比佢早返到屯門，所要我等左佢接近成大半個鍾呢，不過可以見到佢，已經好開心嫁喇～！
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

I enjoy lying with you, at an angle of 45 degrees.
I'll be happy anywhere in thw world.
before falling at right angles,
Do hold me tenderly at a straight angle.

我喜歡四十五度地靠緊你
不論在世界任的何角落
都要感到幸福
在即將九十度墮落時
請用一百八十度溫柔抱抱我

By 幾米

>>February 21, 2003 at 1:32:56 AM GMT+8

2003 年 2 月 13 日星期四【晴】

☆UE oral mock exam╭☆
今日放學之後，我就同阿沈、阿欣同埋Angel食飯，之後就去左考UE oral mock，考試既題目雖然唔係好深，但係我都好緊張呢 ~!考完oral之後，就立即去左幫家興補習，跟住就去左補Phy(6:25至開始上堂，但未夠6:00就有人排隊，勁~!可以見到小欣子同Crystal，開心~!)補完Phy之後，我就返左屋企食飯、做Lab report同埋溫書，準備聽日既Phytest。今日真係好忙碌呢~!

>>February 16, 2003 at 11:59:59 PM GMT+8

2003 年 2 月 12 日星期三【晴】

☆預祝情人節╭☆
今日因為好朋友仔又唔使返工，加上星期五既情人節我要返學、幫Katherine補習同埋補Chem，好朋友仔就要返工返到好夜，所以我今日就襯未夠鍾幫家興補習之前，就同好朋友仔一齊食飯，順便比埋情人節禮物比佢，佢收到份禮物既時候好開人心呢~!希望佢會鍾意份禮物吧~!
雖然今年情人節未必一定可以見面，但其實愛對了人，情人節每天都過嘛。係咪?
P.S.今日係阿妹生日，在此祝你生日快樂~!

>>February 18, 2003 at 12:27:13 AM GMT+8

2003 年 2 月 11 日星期二【晴】

☆烏龍皇╭☆
今日因為好朋友仔唔使返工，所以我又同好朋友仔一齊食早餐,，下午佢就送我搭車返學，原本今日Chem堂係要用第四冊，點合我又帶錯左第三冊，我已經呂係第一次帶錯Chem書嫁喇，真係烏龍呢，唉‥‥‥唔叫自己做烏龍皇都唔得啦~!

>>February 18, 2003 at 12:17:13 AM GMT+8

2003 年 2 月 10 日星期一【晴】

☆返學大吉╭☆
今日係年初十，農曆新年假終於完結喇，又要開始返學喇~!今日放左學之後我仲要去補Phy呢~!又要開始好夜至有得食晚飯既生活喇，不過為左考好AL辛苦d都要嫁喇，反正都只係辛苦多幾個月吧了~!
各位朋友、同學，我地一定要努力撐埋呢幾個月呀~!辛苦完呢幾個月我地就有好日子過嫁喇~!

>>February 18, 2003 at 12:38:25 AM GMT+8

2003 年 2 月 9 日星期日【晴】

☆勇往直前╭☆
今日係年初九，係農曆新年假最後既一日，又所以我又一早七點左右起左身，走去自修室溫書，今日我已經八點半左右到自修室排隊，但我去到既時候已經有好多人係度排緊隊呢~!係等入自修室既時候，竟然比我遇見到君好呢~!見佢同埋佢既朋友排既位置比我後，緊係立即叫佢join埋我度啦，如果唔係輪到佢既時候無位坐咪好慘law。下午我就同君好兩個人食飯，之後仲行左一陣漫畫店至返自修室溫書，不過佢因為有事，所以溫到兩點半左右就走左喇，我就自己一個繼續溫書溫到五點至走，今日溫書既進度都算係ok咁啦，不過都係要仍需努力至得~!

>>February 18, 2003 at 12:36:28 AM GMT+8

2003 年 2 月 8 日星期六【晴】

☆Catch me if you can╭☆
今日係年初八，因為好累既關係，所以我今日無出去自修室溫書，訓到成10:30左右至起身，食完午飯之後，我就同可風、阿妹、阿大、阿咪、德儀、君好同埋卓庭一齊去左睇” Catch me if you can”，呢~!我地都好耐無試過咁多人一齊出街喇~!真開心呢，不過如果小欣子同埋爸爸都有出現就仲好喇~!近年來很少會入戲院看西片，這次吸引我入場的，唯有Tom Hanks。這次還加上了好久不見但仍然算係很靚仔的Leonardo DiCaprio，單看卡士就已經很吸引啦！
將犯罪英雄化，非常成功又令人投入，至少我也真的渴望做賊的別被兵捉到才過癮。不斷行騙的大騙子，其實不過是個極崇拜父親，想盡辦法令父母復合的寂寞青年人一個（這個角色，由Leo的娃娃臉來演簡直是一絕）。鬥智鬥力的場面令人看得過癮，描述FRANK對家庭的感情部份亦最為感人（後部睇到眼仔濕濕）。一兵一賊的關係，敵對同時卻又惺惺相惜，鬥智往來之間產生了互相賞識敬重與信任的感情。我信任你，我也不會辜負你的信任。看得起，留在心。
結局是完美的，完美得不得了。真人真事版的「暗戰」，卻有最戲劇化的大團圓結局（不一定要有人死才叫有高潮才叫精彩啦）。讚！
睇完戲之後，我地去左麥記食野(呢個時候爸爸終於出現喇~!)，之後阿妹同阿咪去左行街，德儀同埋卓庭就去溫書，可風、阿大、君好就去左爸爸屋企同爸爸打麻將，我就去左元朗補UE，補完習之後我就約左好朋友仔一齊食晚飯，之後就返左屋企喇~!
P.S.可風，多謝你話等我考完 AL陪你玩呀，即使到時大家可能會各有各忙，但到時我都會搵你出黎食飯嫁，你要等我呀~!

>>February 19, 2003 at 7:44:11 PM GMT+8

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 >>

人氣: 27684

Design & Scripting by ShowHappy.Net