2003 年 2 月 27 日 星期四 【晴】


☆第一日考mock╭☆
今日第一日考mock，考中國語文及文化既卷一，今日既表現都算係ok咁啦，不過就真係好緊張呀＞﹏＜點算好呀~!Help~!
晚上就出左黎補Phy，如果聽日中國語文及文化既卷二既題目唔好咁深就好喇‥‥‥

>>March 16, 2003 at 11:41:49 PM GMT+8

2003 年 2 月 26 日 星期三 【晴】


☆陪公主讀書╭☆
因為今日好朋友仔唔返工，所以我就去左佢屋企溫書，人地就陪太子讀書，宜家就有人陪公主讀書，哈哈~!下午就去左幫家興補習，聽日就開始考mock喇，好緊張呀＞﹏＜點算好呀~!Help~!


>>March 16, 2003 at 11:43:39 PM GMT+8

2003 年 2 月 25 日 星期二 【晴】


☆最後一日上堂╭☆
今日係中學生涯中最後一日上堂，雖然好多人都可能會話中學生涯中最後一日上堂會好唔捨得，但係我就一ｄ唔捨得既感覺都無，可能係因為我對呢間學校一向都無感情既關係吧～！反而得就因為今日係最後一日上堂，覺得可以即將離開呢個人間地獄而感到高興。Yeah~!再見喇，人間地獄～！

>>March 16, 2003 at 11:19:01 PM GMT+8

2003 年 2 月 24 日 星期一 【晴】


☆身心疲累╭☆
因為好朋友仔下午至返工，所以今日佢專程去元朗陪我食晏，然後至返工。佢都好耐無係星期一陪我食晏喇。今日下午Phy考 practical，但係我三個實驗都做到一團糟呢，如果出去考practical都係咁的話，咁就不得了喇‥‥‥
放左學之後，返屋企換件衫，又再出黎補Phy，真係好累呢～

>>March 16, 2003 at 10:54:30 PM GMT+8

2003 年 2 月 23 日 星期日 【晴】


☆No Comment╭☆
今朝早我一早7:00起身，去自修室溫書，今日朝早除左見到君好，君好朋友之外，仲見到好耐無見既Rockey、屎忽鬼卓庭同埋好可愛既德儀。不過我今日無同佢地一齊坐，因為我想閉關，同埋‥‥‥嘻嘻‥‥‥唔使講啦，心照算啦，細路仔唔好問咁多野喇，溫左一陣之後，我又去左睇趺打，跟住返左自修室溫書，當我中途出去講電話既時候，竟然比我遇見阿細呢~!嗨~!阿細，又會咁岩見到你既?哈哈~!
綽綽，咩野叫「芝士coombe唔online@丸丸.com」呀?又唔見你話「小柔唔online@丸丸.com」?真是的‥‥‥ -_-;

P.S.你鍾意點就點啦~! 我無意見呀，唔好問我~!

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

在帶銀公主 的日記中，看到一個她就「50個女生要男生知道的心事」的回應，紀錄如下：

０１）我「喊」，無論是否你的錯，你都一定要哄我。
０２）我都唔會每秒鐘都掛住你，大家咁話。
０３）我見到靚仔都會望，這也是天生的。
０４）我「哦」你都是因為我關心你和緊張你。
０５）你唔使係有錢仔，但最好都有比較遠大的目標和理想，在未來有成為一個有錢佬的可能。
０６）同我出街時，可唔可以梳番個頭同剃鬚？
０７）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
０８）當我剪了兩吋頭髮打了少少眼影穿了對新鞋時希望你會留意到。
０９）所有大時大節紀念日同生日，你必須全部都記得。
１０）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
１１）當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。
１２）得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
１３）你臨訓前可唔可以刷牙？
１４）你唔需要好靚仔，但一定要乾淨。
１５）我 M 時係大哂，可以大條道理發脾氣，你最好一個月忍我幾日就哂我。
１６）我會假設你懂得操控及修理任何電器，包括電腦相機電視機錄影機及HI-FI等等。
１７）有很多事我並不是不懂得做，只是不想做就扮唔識。
１８）每日去任何地方時都要 CALL 話比我知你位置及同邊個一齊，比我清楚哂你的行蹤。
１９）同一個笑話同話題，可唔可以盡量唔講得多過廿次？
２０）我發脾氣CUT你線，其實係想你即刻打番電話來再哄我。
２１）如果迷路時，可唔可以快快趣趣向途人問路，唔好逞強拉住我走來走去行好多冤枉路？
２２）我唔介意你有少少肚腩，但盡量唔好太肥，亦唔好比我瘦。
２３）太大隻既肌肉型男人一D都唔MAN，係好驚。
２４）我會好介意你有一Ｄ有不良嗜好的「兄弟老友」，認為佢地一定會帶壞你。
２５）在我的朋友面前，我希望你可以表現得比平時更錫我同緊張我。
２６）我煮飯比你食時，你唔可以覺得係奉旨，一定要「話」好食。
２７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。
２８）你要欣賞我的工作。
２９）大男人唔等於霸道。
３０）溫柔唔等於無主見。
３１）瀟洒唔等於無交帶。
３２）不羈唔等於烏where。
３３）我鍾意你努力工作，但都要盡量抽時間陪我。
３４）唔好成日問你約會去邊度好都話「是旦」，咁唔叫就哂我只係表示你無心思。
３５）如果我有朱茵的身型，我唔介意穿得像個性感尤物。
３６）如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」
３７）我跟你說話的時候，唔知點解聲音會比平時嬌嗲同低Ｂ。
３８）CHECK你電話的來電顯示是我的嗜好之一。
３９）你最好唔好有任何女性朋友、紅顏知己或契姐契妹之類的物體。
４０）我有男性朋友係好正常。
４１）我希望你的女同事全部都是師奶呀嬸醜女或肥婆。
４２）我好有興趣去知道你同你舊女友的事，愈詳盡愈好。
４３）我有時都會掛住舊男朋友、以前暗戀過的男生、華dee梁朝偉同藤木直人。
４４）無論拍左拖幾耐，我都渴望你時不時比Ｄ驚喜我。
４５）你要時不時對我講「我愛你」，否則我會假設你唔愛我。

* * * * * * * * * * * * * * * * * * * * * * * * * * * * * * * * * * * * * * * * * * * * * * * * * *

以下是網友對帶銀公主的回應:
４６）十二歲以下的女孩才有權扮 CUTIE，其餘年齡既女人有權有CUTIE既性格！（魅紅）
４７）你要比時間同機會我去了解你，同埋唔好成日口口聲聲話冇人了解你。（CATHY FOK）
４８）只有我可以話自己好醜樣，你一定要話我靚，係我謙虛先咁講。（秋仔）
４９）（回應：＊不要在公眾場合怪叫或大驚小怪。）不要在公眾場合向我呼呼喝喝又或是撇下我一人。
５０）（回應：＊＊最好不要日日作 OVERSIZE 的 HIP HOP 的打扮。）最好不要作MK LOOK的打扮，也請不要穿冒牌衫。
５１）（回應＊我唔使減肥，所以唔好阻止我食 JUNK FOOD。）你唔使減肥，但我唔想第時你心臟病、血壓高、爆血管時埋怨我以前點解唔阻止你食JUNK FOOD！
５２）（回應＊大庭廣眾怕醜、唔出聲不叫斯文）大庭廣眾粗口爛舌唔係叫有型。
５３）（回應＊你打扮得太誇同我去街我會驚。）你完全唔打扮同我去街我仲驚。（PEACHY）
５４）我做錯野果陣教訓我唔緊要，最重要係之後會哄返我同錫返我。（呀ｋａ）
５５）雖然已經有左你，但我都仲想有人追。（阿汶）
５６）我希望你可以將我送比你既野或我既相隨身帶住。（光希）
５７）我唔介意你面油多，但請自備面油紙定期清理面上油漬。
５８）我發爛渣時說不要再找我，其實不是要你不找我，而是要你哄我。（小山）
５９）其實我經常將你身邊的女孩子比較，是想你讚我比她們好。（don301）
６０）我o係街發脾氣行左去，其實係想你跟得我貼ｄ同快ｄ上前哄番我，唔好要我係ｄ轉角／反光物件上裝你仲係唔係我後面，最驚就係你走左去唔跟。
６１）口是心非係我既專長，尤其發脾氣時大多數係假話，唔去即係去，唔要即係要，唔好即係好。
６２）發脾氣時要即時哄番，唔好比時間我冷靜下，其實我完全唔需要時間冷靜。（結他鼓鼓）
６３）我講過鍾意0既野，你唔使全部都送晒俾我。但起碼0係特別0既日子送其中一兩件俾我，俾我知道你有將我講過0既野放上心。
６４）成日遲到，因為見你時想扮靚d而遲左出門口；成日話減肥，唔多唔少都係因為你。（Sandy）
６５）我"MUM憎"果時唔可以"MUM憎"過我，最好係溫柔咁唔出聲攬住我，等我"MUM憎"完之後哄番我。（CATHY POON）
６６）女朋友講既野最好要大致上記得，唔好求其扮聽到。
６７）可以陪自己既朋友但一定要重色輕友。（catcat）
６８）我說有一首歌很動聽的時候，希望你會留意歌詞，因為其實我是想憑歌寄意。
６９）我check 你的來電顯示，是因為我對自己沒有信心。（KA KA）
７０）未經我同意最好唔好買衫比我，我自己揀衫會開心ｄ。
７１）當你做完運動（跑完步ｏｒ打完波），唔該你唔好走埋黎攬住我，你陣汗味好臭。
７２）購物是女人的天性，請不要阻止或對我的購物行動有甚麼意見，最好間唔中資助下我
７３）我唔介意做你的dup骨妹，但我也有疲累的時候，我都想你做我的dup骨仔
７４）在你的父母面前唔好話我唔識做家務。
７５）我煮完飯唔該你去洗碗，我掃完地就到你拖地 。（衫）

如果比我諗的話，我就會話:「唔好次次都係得我煮野食比你，有時都要輪下你煮比我食，唔好以唔識煮為藉口，唔識就要去學下，世上係無野學唔識既，只係你肯唔肯學jae。」
唔知大家又點睇呢?



>>February 23, 2003 at 9:29:14 PM GMT+8