2004 年 9 月 9 日 星期四 【晴】


☆ non-unhappiness╭☆
hat everyone is looking for not happiness"but a"non-unhappiness"
situation for the time being...
Therefore ..peopce maintaion that situation 4ever`

l can't hapi everyday ..



>>December 3, 2004 at 12:50:11 AM GMT+8

2004 年 9 月 3 日 星期五 【乍寒還暖】


☆ 課程簡介日 ╭☆

今日因為係 課程簡介日 (1:30p.m.---3:30p.m.)，所以我就大約11:00左右出左門口，之後道搭車返學。返到學校，我就去左its印少少野(途中遇見Rei，所以先帶左佢去佢參加workshop既地點先)，之後原本諗住去Block A交遲交學費既申請表，不過唔夠時間，於是就同Fening佢地去聽左 課程簡介先，今年我地既programme coordinator係Lily Cheung，呢次係我第一次見到佢，感覺都唔錯，幾nice，又有少少風趣，睇落好似會比上一年既programme coordinator好，係課程簡介既途中，上年既programme coordinator --- Christine殺左出黎，仲三句唔埋兩句就插我地上年10B1既兩位班代---嘉芙同Elate，=_=; 。

聽完課程簡介，就同阿B同Megan上左office睇下派左去邊度實習，今年我都係派唔到返屯門呢……我比人派左去青衣既--- 保良局田家炳幼稚園，呢一間學校既規模好似好大咁呢………唔知個度既老師同小朋友會點既呢?諗起實習，又諗起上年個一班可愛既小朋友、郭老師同甘老師喇，好掛住佢地呀……

睇完去邊一間學校實習之後，我就去左Block A交遲交學費既申請表，之後就同阿B、Megan、Gobie係canteen食tea，之後Rei打電話比我，於是我地就約埋一齊捃校巴返屯門，點知同上年一樣，第一日返學就係central plaza見到個個人，又係想見個d人又見唔到，唔想見到個d又………唉……

>>September 7, 2004 at 4:03:27 PM GMT+8

2004 年 8 月 30 日 星期一 【晴】


☆聚舊@IED同學╭☆

今日下午我約左Megan去長沙灣既學生資助辦事處補交少少資料，之後我地就去左旺角同穎欣一齊行街街（我仲買左一條褲呢），途中我地遇見到阿冰、阿菊同Carmen，之後因為Megan同穎欣都有ｄ事，所以今晚去唔到（阿B、Fening同Nymphen都黎唔到呢……），所以就得我自己一個人同其他同學一齊食飯喇，不過我地都係一共得16個人到咋……

食飯既時候，我地一直討論我地下一年讀邊一班，之後我地仲影左少少相，最後我同阿Ming就早左少少走，一齊搭西鐵歧屯門喇，係車上我地傾左好多野呢~


>>September 1, 2004 at 5:44:27 PM GMT+8

2004 年 8 月 28 日 星期六 【乍寒還暖】


☆做義工2@仁愛堂 + 聚聚舊@TPYC朋友╭☆

今日我又一早8:00左右起身，去幫仁愛堂手係卓爾居攪活動喇，不過，一起床個肚又好好好痛呢……諗住打電話返中心，話比佢地知我唔舒服，遲少少至到中心，不過打電極話都打唔到，最後成9:30至返到中心，不過一個人都唔見，於是立即去卓爾居搵佢地，好在比我搵到佢地
啫……如果唔係都唔知道點算好喇，今日我要做既野好簡單，只係同Megan一齊係接待處比d問題紙同筆人地，之後就同人對答案，比禮物人地，同埋幫d表演團體報到。早上坐係接待處時，竟然比我見到Wallace呢，佢仲問我下星期一可唔可以幫手帶camp，不過個日我有野要做，所以唔得呢，有少少可惜呢……唉……食飯既時候，又比我見到彭彭喎，下午一個人坐接待處時，又見到Katherine媽咪呢……係呢個商場真係見到好好好多熟人呢~係喇，今日Ericion好慘呢，比Billy既表弟仔玩呎成日呢……唔知道佢今日返到屋企時累唔累呢?

做完義工之後，我就去左同TPYC既朋友們食飯，今次出席既人有可風、鮑鮑、Samuel同Cindy，Pizza因為有d事，所以黎唔到。今次我地去食壽司，當我同可風、Samuel去搵位時，竟然比我見到Kimmy同Francesca呢~!!!!你地兩個曳曳喇，出街都唔搵埋我? '︿' 下次Kimmy你返黎時，一定要搵齊人至出街呀~食飯既時候，Cindy話比我知，我地中五時既一位同班同學，竟然同阿飛話我結左婚……Oh my god~!!!我幾時結左婚連自己都唔知嫁？‧口‧丨丨丨食完飯之後，我地就去左M記食雪糕同吹水，行去Ｍ記時，又比我遇見Kimmy同Francesca喇，唔制呀~!!!我又要同你地兩個去街街呀~!!!

今日返到屋企時，Samuel話比我知聽日可以搵到Pizza一齊食午飯呢~!!!好野~!!!好耐都無甩詔佢喇~!!!

今日真係好開心呢，遇見到咁多呾耐無見既人~

>>September 1, 2004 at 4:48:33 PM GMT+8

2004 年 8 月 27 日 星期五 【乍寒還暖】


☆做義工1@YWCA╭☆

今日我8:00就起左身，之後就搭車去天水圍，今日係Ａ計劃最後一日既活動，就係由一大班邊青去老人中心將佢地呢個暑假所學既野，表演比長者睇喇。我地大義工約左10:00開會，不過到10:30都未齊人，於是我就同Mike整全彩沙樽先喇，原本我約左跳舞個一班學生11:00係中心作最後綵排，點知最早到凔兩個都遲成15分鐘，有兩個仲要遲成半個鍾，而且仲有一個無黎，天呀，我地已經由起初８個人，減到星期三得返６個，而家得返５個？唔係呀化？之後我都唔理得咁多，５個都照綵排住先，不過佢地真係跳到……唉……我無野好講……練到12:00左右，佢地就去幫手整紀念品，用黎一陣活動時送比ｄ長者。點知……我係呢個時候，個肚開始唔係咁舒服，而且仲好辛苦呢……不過我又唔想咁樣做義工做到中途就走，於是我就問左阿Pal佢地攞止痛藥食，不過食左ｄ藥，都要成個幾鐘至開始好少少，好在係活動正式開始時無咩野事咋……如果唔係都唔知道點算好喇……

不過去到正式表演時，竟然得返三個學生跳舞，而且仲跳到…… =_=︱︱︱而尋晚答應左表演扭波波既一肥一瘦又無黎到，好在其他既表演同遊戲夠用啫……如果唔係，個活動都唔知會變成點喇……完成左呢一個活動之後，我就快手快腳咁搵好朋友仔陪我食少少野先，之後又返左去中心開會，攪到成10:30左右至離開中心呢……不過今日開會時好開心呢～

唔知下一年有無機會再參加呢一類既活動呢？


>>September 1, 2004 at 5:24:58 PM GMT+8

2004 年 8 月 24 日 星期二 【乍寒還暖】

☆聚聚舊＠小學朋友╭☆

尋晚Kimmy打電話比我，話比我知佢下星期一就返加拿大讀書，於是佢就立即搵Francesca ，我就立即搵Twinnie同Katherine(因為佢之前想見下Kimmy，不過我硬係搵唔到佢)。不過最後因為Francesca有事黎唔到，到最後就得返我、Kimmy、Twinnie同Katherine一齊下午茶喇，不過係下午茶之前，我先同Katherine補習同埋買少少野先，之後我就同Kimmy、Twinnie匯合，然後就一齊去左椰林閣tea喇～

我地今日傾左好多野呢，由大家既近況、前途，到小學時既回憶……真係好開心呢……好耐未試過有呢種既親切又溫暖既感覺喇，真係好想時間永遠停留係呢一刻呢……

我地一直傾到成5:30左右至走呢，之後我地介去左影貼紙相同卡片，先至返屋企……今日我又同Kimmy一齊行呢，不過中途落大雨，攪到我好狼狽，仲要用左$10買遮用呢……

唔知幾時又可以同你地咁樣見面呢？Kimmy你要快d返香港呀，我會等你嫁~!Twinnie記得畢業禮時搵我觀禮呀，到時我又要同你合照呢~!

>>September 1, 2004 at 5:24:03 PM GMT+8

2004 年 8 月 12 日 星期四 【酷熱】

☆Love Paradise╭☆

You're always on my mind
　All day just all the time
　You're everything to me
　Brightest star to let me see

　You touch me in my dreams
　We kiss in every scene
　I pray to be with you
　through rain and shiny days

I'll love you Till I die
　Deep as sea Wide as sky
　The beauty of our love paints rainbows
　Everywhere we go

　Need you all my life
　You're my hope You're my pride
　In your arms I find my heaven
　In your eyes my sea and sky
　May life be our love paradise

>>September 1, 2004 at 4:06:06 PM GMT+8

2004 年 8 月 9 日 星期一 【清涼】


☆祝你生日快樂╭☆

今日係好朋友仔既生日，10:00左右佢就黎到我屋企樓下接我，我地去左長沙灣，先去學生資助辦案整少少野，跟住就去左搵婆婆，幫媽咪比d野婆婆同德德表弟，然後我地就去左上環食牛腩河(個一間店既牛腩真係好好味呢)，食完之後，我地就經上半山既扶手電梯，去動植物公園，去搵好朋友仔既「同類」------ 大猩猩，我地係公園裡面行左一陣，因為太熱，所以好朋友仔買左一條雪條比我食。行完公園之後，我地就經蘭桂坊出返去搭地鐵，我地仲係蘭桂坊附近一間糖水店食左少少野(又食?)，食完之後我地至搭地鐵出旺角。

出到旺角，我地行左一陣街，之後就走左去影貼紙相同食小食(再食?)，今次d貼紙相影得麻麻地啫……夜晚因為好朋友仔話想食煲仔飯，於是我地就去左廟街食飯喇。食完飯之後，去搭巴士既時候，我地見到一個袋，而好朋友仔又話鐘意，於是我就買左比佢喇……

今日真係係咁行路同食野呢~ XD

P.S. 你唔好諗住我阿公阿婆今日見到你，就會將你當成孫女婿至得嫁，傻瓜………發夢未有咁早


>>September 1, 2004 at 4:06:52 PM GMT+8

2004 年 8 月 8 日 星期日 【乍寒還暖】

我只想跟你做對　最穩固伴侶

>>August 8, 2004 at 6:57:10 PM GMT+8

2004 年 8 月 7 日 星期六 【晴】

☆愛情真相╭☆

《01》當愛情出現選擇時，受傷的人便不止一個


《02》踏出愛情的第一步並?唯有「誠」字而已


《03》愛情是世上唯一可以自私的事，無法與人共享


《04》世界上沒有二個愛情故事是一樣的


《05》初戀通`不會成功，因為都還不懂得珍惜彼此


《06》愛她就要包容她的一切


《07》在愛情這道菜裡，醋是不可或缺的調味品


《08》愛與被愛都是幸福的，愛人的要無怨無悔，
　　　
　　　被愛的要心存感激


《09》愛與恨是一體兩面的，你恨一個人有多深，
　　　
　　　就代表你曾愛她有多重


《10》真金不怕火煉，最真摯的愛情也經的起考驗


《11》在心中深深的愛著一個人，
　　　是人一生中的浪漫之最


《12》不要輕易的接受愛情，
　　　一旦接受了就要終身不渝


《13》沒有人能預知情人彼此的愛戀是否是有情人

　　　終成眷屬，唯一能做的唯有珍惜與把握對方


《14》婚前的愛情可以是單純的浪漫，

　　　婚後的愛情除了浪漫外還要有責任心


《15》選擇適合你的愛情，因為最好的未必最適合你


《16》愛要表現出來，對方才會知道


《17》愛要自己去把握，失去的機會永不再回來


《18》愛情的神祕與浪漫，
　　　
　　　就在於它只能意會不能言傳


《19》有些人花了一生的時間才能了解愛情，
　　　
　　　卻有人在剎那間就刻骨銘心


《20》有人因為錯誤而結合，因了解而分開，
　　　
　　　雖然終究了解了愛情，但代價未免也太大了



《21》再美的愛情，也有曲終人散的時候


《22》戀愛是「談」出來的，所以交往的
　　　過程要多了解彼此


《23》過多的愛也是一種負擔


《24》情人的眼裡是容不下一粒細沙的


《25》如果不得不分手，也要好聚好散，

　　　畢竟對方曾經是妳的最愛，

　　　也曾深深地，深深的愛過你


《26》讓心愛的人過的快樂，是當時的最終目的


《27》真愛不只是手牽著手，肩並著肩而已，
　　　
　　　還要心連著心


《28》戀愛另人陶醉，結婚令人清醒


《29》愛是不必說抱歉的


《30》最美最真的愛情，一生只有一次


《31》在愛情的列車上，永遠沒有候補的乘客


《32》戀愛使人年輕，失戀使人更加成熟


《33》婚前你要睜大眼睛，

　　　婚後你要睜一隻眼，閉一隻眼


《34》世上沒有無盡的幸福，也沒有永遠的悲哀


《35》戀人的選擇沒有好壞之分，只有適不適合而已


《36》婚戒不只是首飾而已，

　　　而是相愛倆人頭上的光環，

　　　從此倆人不再流浪而要相扶持，體諒直到永遠


《37》愛一個人多麼不容易，所以不要輕易去恨


《38》如果能珍惜現在，剎那即成永恆


《39》情到深處轉為濃，愛到深處無怨尤


《40》愛是沒有條件的，有條件的愛不過是
　
　　　一場遊戲罷了



《41》男女之間的甜言蜜語，只能相信三分之一


《42》愛情只是男人生命的插曲，

　　　卻是女人生命的全部


《43》不要總是等到別人付出，你才回應，
　　　
　　　不要等到悲劇降臨，才後悔莫及


《44》當你愛上一個人時，考慮清楚你是真的愛她嗎


《45》每個熱戀當中的女孩要的都是真愛，
　　
　　　而不是虛假的愛情


>>September 1, 2004 at 4:49:05 PM GMT+8