2008 年 11 月 2 日 星期日 【晴】

今日我又喊喇,但喊既原因係我好感動,我做細佬既就梗係要參加我二哥既結婚典禮,由於我哥我嫂係基督徒既關係,結婚係o係佢地返開既教會既教堂舉行,可能係o係教堂舉既關係,個感覺特別神聖,莊嚴,新郎新娘企o係聖壇上,牧師宣召既時候,我望住我哥既背景,我已經眼濕濕,跟住就唱聖詩,我相信在場既賓客大多數都係基督徒,所有人都一齊唱,個感覺好溫暖,好幸福,跟住有位好慈祥既女仕讀經,雖然我唔係基督徒,但我都想同大家分享一下,馬可福音10:6-9 [從起初創造的時候, 神造人是造男做女,因此要離開父母,與妻子連合,二人成為一體.既然如此,夫妻不再是兩個人,是一體的了.所以 神配合的,人不可分開] 哥林多前書13:4-8 [愛是恆久忍耐,又有慈愛,愛是不嫉妒,愛是不自誇,不張狂,不做害羞的事,不求自己的利益,不輕易發怒,不計算人的惡,不喜歡不義,只喜歡真理.凡事包容,凡事相信,凡事盼望,凡事忍耐;愛是永不止息] 聽到之後我有種當頭棒喝既感覺,原來愛,係咁無私,偉大,同埋簡單只問付出,不問收獲......我根本連咩係愛都未知係咩,就成日掛o係口邊,我可以用兩個字黎形容自己:[膚淺.]又或者四個字: [井底之蛙]一諗到原來我二哥係咁厲害,咁偉大,我又要拎張紙巾出黎,跟住又唱詩歌喇[新的開始]歌既內容係講兩個人互相扶持,一齊努力生活,
好感人的,跟住又有令一位好好笑容既女仕解說返之前讀既經文,同埋講左個故事黎勉勵一對新人,到左證婚,牧師好叻搞氣氛,o係一片笑聲中完全晒互換信物同簽署婚書,到新郎致詞既時候喇,
多謝完上帝就梗係到屋企人啦,果刻我真係好感動,以前同我一齊返學放學,踢波,幫屋企人睇檔,打機,行百佳,去置樂買野,o係上下格床傾計,不經不覺就已經25年了,開心既唔開心既都成為左我珍貴既回憶,只屬於我地三兄弟既回憶,他大個仔了,成家立室,我非常戥佢高興,我唔識形容我依家既心情,總之就係好感動啦
原來我感情咁豐富係我老豆遺傳架,佢o係教堂又眼濕濕,晚宴睇片既時候又眼濕濕,
送首歌俾一對新人,希望睇到lee編日記既朋友都同我一齊祝福佢地
永遠幸福快樂
光良-童話


>>November 3, 2008 at 2:57:23 AM GMT+8

2008 年 10 月 30 日 星期四 【晴】

最簡單既快樂,就係幫助有需要既人,
今日我收工收得夜,要搭通宵巴士返屋企,我見到個女仔睇個968巴士既線路圖,跟住就見佢排隊,我心諗,依家冇左n968,變左n368,但要去對面馬路上車先係返元朗的,到底,我同唔同佢講好呢,佢會唔會以為我係黎搭訕呢,又或者佢係去中環呢......講唔講呢.....
小姐,唔好意思,我想問呢你係咪諗住搭n968返元朗架,佢話:係呀,依家冇左n968,轉左n368先係返元朗,你過對面馬路巴士站睇睇丫,佢講左聲唔該,面帶疑惑咁得左去喇
我幫左個陌生人,佢上車既時候會唔會多謝我呢,定會覺得我係個怪人呢??

<<我喜歡深夜>>
深夜的記行佐治街,百德新街,怡和街沒有了平日的人頭湧湧,只剩下在等客的市區計程車,衣著入的時的青年男女,路也行的不隱,大大聲的傻笑,我行到了n962的巴士站,看見一個不懂搭車,樣子可愛,嬌小玲瓏的可愛女生胡裡胡塗的等車,一個青年坐在梯級上吃著薯條和漢堡包,頭頂上的招牌都關上了燈,少了分繁華的氣氛,多了分寧靜的感覺,sogo的大門沒有人在等人,很少會出現吧在有陽光的時候.
巴士來了,隨便找個位子坐下,每個站都停下來,但上車的人只有兩三個中年中國籍男子,車行到了中環,平時因塞車要用上15分鐘才過到的兩個繁忙路口,現在不用五分鐘就到信德中心了,上層的座椅大半都沒人坐的情況下就一直走到屯門,我就在巴士上打浮惡龍和霸龍,納悶......霸龍.....玩具而已
秋天的風來得有點高傲,總是不理別人的感受,亂七八糟的吹來吹去,一步一步的走回家,有mp3陪伴著我,我一點寂寞也感覺不到,回到家裏,家人都去找周公了,msn裏只有掛網而人不在的人online,無聊的我可以做的就是在facebook看看朋友最近去了那兒旅行,發生了甚麼事情,我還可以做的事情就是將自己今天所發生的事,特別的感覺,百感交集的, 情用文字記錄下來,和現在在看我著這編文字的你分享的的內心世界......
寂寞......很難受......我.....又哭了......
也許......這樣子最適合我......一個人......手提電話變得很少響,放假待在家和媽媽吃晚餐看電視

>>October 31, 2008 at 5:14:42 AM GMT+8

2008 年 10 月 25 日 星期六 【晴】

我好想快D自己睇自己既日記唔會再喊......
又又又到左寫日記既時候喇,返工放工.....都冇咩特別既事情發生
咁我又講下無聊野啦
我公司有個女同事,同佢拍拖五年既同居男友分開左,日日眼紅紅,早幾日見佢笑返,以為冇野啦,LEE兩日見佢又神情呆滯,唉.....我可以做既就係同佢水下,講下爛GAG,希望佢快D搵返自己啦
有個笑話都幾搞笑,如果演繹得好既話都會好爆笑
題目叫做死仆街既由來

死仆街既由來
五六十年代香港有好多有錢死鬼佬，成日媾女。
果陣時唔似而家又卡拉ok... （更多）、又上網咁多娛樂活動，媾女基本上只有四種選擇，
第一種：無錢就去公園郊遊
第二種：有D錢就去睇戲
第三種：比較有錢就去跳茶舞
第四種：高尚人家去打網球
一般用打網球呢種方法媾女都係有錢仔，又偏偏呢班友最無本心，經常趙完鬆，搞大人個肚又唔認數，所以廣大市民都好憎恨呢班以體育為名玩弄女性嘅衰仔，因為呢班人裡面有好多都係鬼仔，果時d香港鬼佬仲比較霸道，所以大家都唔敢直接叫「衰人」，就用英文叫呢班人做「sports guy」，中文意思係「玩體育嘅死仔」
經常有家長同D意亂情迷嘅傻女講，「果個sports guy黎架，玩你架咋，女。」
到後來，「sports guy」就音譯成廣州話「死仆街」...

我成日覺得大家因為佢叫可愛教主就冇去留意佢既歌藝,以為佢就淨係識得裝可愛,希望大家俾少少寶貴既時間,聽聽一首好能夠感動人既歌曲
楊丞琳-學會

2951

>>October 26, 2008 at 3:25:50 AM GMT+8

2008 年 10 月 24 日 星期五 【晴】

我發覺最緊身邊好多人都好情緒化......唔知同近日既經濟問題有冇關係呢??
我好憎之前d人個個都以為自己係股神,我心諗,好市既時候有身分證都有彩派,依家d股神呢??跳樓死9能7晒呀???股神......估神......
我尋晚睇返晒自已既日記,發覺寫得好差,差在自己睇返都唔知寫果日發生過d咩而有感而發,我會改善架喇......
今日有個師傅阿dee問我: [喂,啫喱,有冇去飲野呀最近,有冇局呀?]
我就話喇: [吓.....我戒左喇.....]佢又問; [點解呀...]我就答返佢: [我失戀呀,冇心情]
我又俾人弓喜我失戀,佢就話: [咁咪岩囉,你無理由要為一棵樹放棄成個森林咁on9架,你高大而威猛,氣質高雅,英俊蕭耍,唔好俾人霸住你果半邊床丫嘛] [哦......]
雖然我係無雀仔既雀仔,但......都係樣搵棵樹起返個雀巢生活咁啫
p.s.
有好多字唔識打,打左同音字,不好意思
吃鯨魚的人-麥浚龍


>>October 25, 2008 at 3:36:19 AM GMT+8

2008 年 10 月 23 日 星期四 【晴】

寫咩好呢......冇咩好寫,寫D無聊野先啦
木木三聽日由比利時返黎香港喇,佢代表香港拎左個冠軍返黎,真係叻仔,希望佢冇俾人DIU到開巷啦,唔知有冇影D相俾大家睇下
WINNING2009(日版)要11月尾先出......
最近O係FACEBOOK見返D小學同學,要約出黎見下面搞EVENT,嗯,幾好,
有個小學同學已經結了婚,還準備生小孩,好羨慕,可以組織一個幸福小家庭,可能我冇咩大志啦,我覺得同自己鐘意既人一齊生活,就已經係人生中一件好偉大既成就,
但.....我都仲係自己一個ON能99,唉.......
單身最大既好處,就係可以儲到$$,非正式估計每月最少慳返,$1329.151561981851848884701有D損友就話可以北上尋花問柳,可惜我冇太大既興趣O係LEE方面,食下飯,泵下骨都仲OK....
好鐘意秋天,個人都特別開心,好想吹下海風,搵D FD吹下水,好似返到中學既時候咁無憂無慮
陳柏宇 楊丞琳 - 理智與感情
今次POST埋歌詞,我驚大定聽唔明丞琳唱咩,其實都聽到既我覺得
掛念會美化了錯愛　永遠受害
愁在理論像哲學精彩　說易行難　無可奈
LEE句好正,同丞琳一樣咁正,夠唔夠毒先

遺憾到　無助到　難受到　殘酷到　到早上　很怕張開眼晴
連望見　牆上撲灰一片　都想到　那張臉　便逃命 和怨命
這麼感性　難怪無法撇清　
已逝去感情　早已沒生命
這種反應　完全是任性　
告別唯有　當擦亮眼晴

多少失戀者仍然健在　
證實要放棄過去至找到未來
曾被愛　同樣有權分開　
拒絕悔改　會死於愛海
一生本應該活在現在　
掛念會美化了錯愛　永遠受害
愁在理論像哲學精彩　說易行難　無可奈

誰沒有　盲目過　然後再　麻木過　要恭賀　得到比失去多
沉澱過　明白過　只不過　花開過　最想念　仍然是無花果
話雖不錯　人有時愛痛楚
太自覺可憐　偏卻沒幫助
大千色相　誰人憑甚麼　
會令誰永世　困在最初

多少失戀者仍然健在　
證實要放棄過去至找到未來
曾被愛　同樣有權分開　
拒絕悔改　會死於愛海
一生本應該活在現在　
掛念會美化了錯愛　永遠受害
愁在理論像哲學精彩　說易行難　無可奈

如可這麼理智的話　那段愛可能是假
就與他哭到快樂吧　也許開心過總有代價

多少失戀者仍然健在　
證實要放棄過去至找到未來
曾被愛　同樣有權分開　
拒絕悔改　會給感性所害
一生本應該活在現在　
誰每日能開心喝彩
最可惜理論如何精彩　
那寂寞如何忍耐

>>October 24, 2008 at 3:13:47 AM GMT+8

2008 年 10 月 22 日 星期三 【晴】

放假冇地方去,真係唔習慣......
一個人行街,食野,睇戲,太浪漫了......
置樂都仲係$10五包撈撈,但可能我老了,開始覺得撈撈唔好食,下次都係台灣腸算了
試左pizza-nox既日式咖哩雞pizza,傳統批底,味道ok,如果可以再香d咖哩味就好了,白汁雞皇飯就嘛嘛.....
外賣自己半價,大批加個飯$90,夠3個人食既
又到推歌既時候喇,大家記住留意MV既女主角喎,係好多人都話幾工既MACY,我自己就覺得一般......
鄧健泓 - 難分難解


>>October 23, 2008 at 11:31:02 AM GMT+8

2008 年 10 月 16 日 星期四 【晴】

好難得要睇BUFFEE,由於經濟低迷既關係,都冇平時咁旺.過左個清閒既中午,我有想野想講,就係有個客著住件透白色橫間貼身T,咁講得係橫間,令一隻色係咩呢,就係再透明D既白,黑BRA既,腰完全冇,有D野睇,著得幾OK,樣就......60分.......55啦,我想講依家D女仕都幾肯露,佢既男伴就開心啦我心諗,I'M READY
令外,我O係街見到個臭西想將一D廢紙碎放入垃圾桶,但佢放到個桶邊,彈到一地都係,我DIU,你有心既就放準D啦臭西,你不如就咁放O係地下咪算9數囉,又唔汁返,唔死都冇能用,阻9住個地球轉,正臭西
TST莊園依然係咁好味,冇加過價,有機會既話同月月鳥同木木三試下
食薯片,食雪榚,飲檸檬茶,都有好多回歸......
2913

>>October 17, 2008 at 8:21:32 PM GMT+8

2008 年 10 月 7 日 星期二 【晴】

今日係一個好特別既日子,因為我學識左下樣好重要既事情,就係[放手]
我同阿蛋坐o係度傾,到底.....我地既關係算係點.....諗呀諗,好累,咁我明既,如果覺得唔岩既,o係一齊都冇好結果,大家又辛苦,我地做返朋友,一對好了解對方情性格,喜好,身活方式既朋友,
我又覺得可能係timing唔岩啦,我付出俾佢既野,唔係佢依家所需要既,
我攢住佢,輕聲問:[我係味唔可以再攢住你喇??我係味唔可以再攢住你喇.....]我放開手了
跟住,我就用朋友既身份,問候一下佢既近況,送佢搭巴士,我就話:[有d咩,都把比我啦]佢俾返一個好開心既笑容我,我就俾返個微笑佢,佢上車之後我就轉身走喇,行左兩步,我d眼淚就走出黎,垂低頭行左去海旁吹風,打左個sms俾佢,就返屋企打lee編日記
講真,可能我心景仲未成熟,好多野都諗唔明,但我真係好唔甘心,個心仲係好痛
一路打,一路喊,我好想將我既心情講俾人聽,冇人會想聽,我好想同人講我好寂寞,lee種感覺我做左25年人都冇試過,
愛一個人係一件好幸福既事情,唔能夠開花結果既愛情,好酸
7年裏面我學到好多野,好開心,好多謝你
點解d眼淚流極都唔識停架.....
我點首歌俾我自己
安靜-周杰倫
我會學著放棄你 是因為我太愛你


>>October 8, 2008 at 2:34:17 AM GMT+8

2008 年 9 月 21 日 星期日 【晴】

滴露出左隻冰涼沐浴露,好爽架,沖完涼浸浸,特別係郎郎XD
依家聽咩歌都好到,[背叛]成日唱架平時,依家聽半首心都痛埋.....
之前就純粹聽歌,依家就實在感受到歌入邊所寫既意思,寫歌既人一定經歷過比我更痛既事情,我果D好碎O者
南拳媽媽-笑著流淚
類似[死了都要愛],但[笑著流淚]係講分手


>>September 22, 2008 at 2:12:30 PM GMT+8

2008 年 9 月 20 日 星期六 【晴】

彬仔,多謝你既意見,希望我會體會到你所講既[被放生]
喊完開心返lu

>>September 21, 2008 at 2:24:37 AM GMT+8