2005 年 11 月 22 日 星期二 【晴】

今日好平常,冇咩特別,其實真係冇咩好寫,有個好消息既對我黎講,就係我個芒死唔晒,可能仲有得醫,可以用少千幾銀,成個人都輕鬆晒,
我呢要開始唔飲咖啡同奶茶檸茶,點解呀,因為我哥話對身體唔好,都係既,身子要緊,檸水可力華田朱古力都好好飲o者,但一下子真係有dd唔習慣,我就最鐘意去茶餐廳食飯架喇,而係我心目中呢,間野o唔ok呢有百分之六十三點八一三四個巴仙係取決杯冬T度,唉,冇計....唯有慢慢習慣啦
今日o係餅房卷炮仔喎,由於成年幾未卷過,卷左幾條都係鬆鬆地咁,俾人小左一輪,都係自已冇記性

>>November 22, 2005 at 10:01:02 PM GMT+8

2005 年 11 月 19 日 星期六 【晴】

累到爆茄,返6放6,心情差到加零一,不過算啦,同上年返7am放2am,今日都唔算得係d咩野,
最近俾我知道左元朗金禾(元朗x)zdx一蚊舖,對我黎講,打機係最最最減壓既一種方法,先唔好理贏定輸,o係個過程入邊令到我個人心無雜念咁去個一件我想做既事,令到我好滿足,直頭o係個心笑出黎咁滯,各界好友想搵我去元朗打機食野我都非常之樂意去,
綠勇都推到槍,正!!!加緊修煉先
P.S.
由於我芒死左,我只可以O係我2哥出左街既時候借部腦黎用一陣咁大把,日記只能提供有限度既UPDATE,十萬個不好意思

>>November 19, 2005 at 9:35:46 PM GMT+8

2005 年 11 月 14 日 星期一 【晴】

我個LCD芒壽终,我都好應為佢風光大葬,但我冇所佢之後,我覺得好寂寞,冇人陪我咁......唉......
傷心野唔講咁多,講返我去左邊先啦LEE兩日,我過左馬交合皮,有幾合皮呀,咪食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食食X32.45739716次方
今次係我做左廿二年人第一次去澳門,佢同我想像中既澳門有D唔同,比我想像中現代化(但都係有種懷舊FEELO係度),食比我想像中平,比我想像中細,的確係一個吃喝玩樂既好地方,O係澳門港幣又通行,如果第時屯門馬頭去到澳門之後可能或者會再去,
我住O係澳門濠璟酒店,位於澳門高可寧紳士街,果D死人街名,條條都係咩咩紳士街咩爵士街,O係地圖真係好難搵,簡單D講,O係房望出去就見到觀光塔,O係主教山附近,我揀濠璟既原因係佢冇咁近市區,咁我先至覺得自己度緊假,講開又講,今次都算叻仔,住到咁偏僻都冇打的,
一落船就去搭酒店巴士返酒店攞房,原本係山VIEW架,但個F.O.小姐話山VIEW既房賣晒,依家俾間海景套房我地,佢仲話平時要補返六百幾,今次就唔洗,咁多謝呀我心諗,上到房,我都幾滿意,寬敞,整潔,新淨,都到五星級水準,唔錯,而今次我地都係全靠一本梁望峯寫既書,同埋一張新福利巴士路線圖黎四周圍行同搵野食,
晚餐去左三盞燈一間叫做東京既麵舖食麵,招牌菜就係豬腦麵,在下就覺得都算可以,但NOT MY CUP OF TEA,喜歡食豬腦既老友記一定一定要去試試,
飯後甜品係義順既彊汁撞奶,正,滑到真係唔知點去形容,佢試過既朋友一定明我講緊咩
而宵夜就O係恆友既小食店度買返去酒店食,我地要左兩串魚蛋,一串海鮮丸,一串黑椒腸仔,再一都一棵娃娃菜,大家估下TOTAL要幾$$,$25??$22??我PAY果時都估唔到咁抵,十五大圓就可以食到咁豐富既宵夜,真係開心,佢用個碗裝住,個FEEL幾特別,

>>November 19, 2005 at 9:57:02 PM GMT+8

2005 年 11 月 7 日 星期一 【晴】

今日o係屋企悶能左成日......
又對住部腦成日,除左早,晚餐,大小解之外呢,都冇咩點離開過間房......
我其實有d唔開心架今日,我又再係度重申一次!!!我梁成昆唔會做一d令到我重視既人傷心既事,請容許我既幽默,

>>November 7, 2005 at 10:29:44 PM GMT+8

2005 年 11 月 6 日 星期日 【晴】

條頸都仲未好晒,唔爽呀
講返我返鄉下果兩日發生既事喇係時候,返大陸.....有咩好做丫......唔係lee 樣......就係果樣架啦
28蚊人仔=鐵板牛扒餐
塊牛扒成塊鐵板咁大,肉質鮮嫩多汁,有肉咪,夠厚身,個湯既材料都切到四四方方咁,好有heart,杯咖啡都唔錯,用cream用黃糖,仲跟埋白飯......好食過扒皇3.2563倍左右啦粗略估計,
返到我返鄉下,初初真係唔太認得路,因為條大街真係比以前繁榮左好多好多,行左入內街,就有返d熟悉既感覺.....同我上一次黎既樣貌完全一樣,一條窄窄既小路,兩旁都係有一d殘舊既平房,好多唐狗,好多竹子,眼前出現左一間黑麻麻既茅屋,還記得小時候,一大群小朋友一齊玩煙花,沙炮,轉地龍,火箭炮,龍吐珠,爆竹仔.....真係非常懷念,
現在,屋只剩下外公外婆,很冷清的感覺,外公外婆老了很多,或許,是我太久沒見過他們吧,長大了,便要離家出外工作,平常不過,作為父母的應該感到高興吧,但,總會有點捨不得吧,很矛盾呢,時間許可的話,我想多點回鄉探探他們,好好盡一點孝道,做一點外孫應做的事,我想他們多點露出滿足的表情,高興的笑容
樹欲靜而風不息.. 子欲養而親不待..
打到lee度,真係有d想喊,唉...唔打住...
其實除左外公外婆之外呢,我舅母都係到,佢拎左一個木瓜類既野出黎,比木瓜仔大d咁多啦,我就好似一個廢人咁樣坐o係張木凳度,望住個咸蛋黃,感受住由河邊吹黎既陣陣微風,其他屋既煙囪都不停噴出一團團白煙,食住清甜既木瓜,閉起雙眼......一種難以形容既感覺,好自然,好舒服,咩都唔洗諗,好簡單既一種生活,冇麻雀聲冇電視聲冇hi-fi聲.....好寧靜既環境,我覺得......鄉村既環境我好享受,好鐘意,但唔岩我......冇高達打我會死架
天黑齊喇,到左食晚飯既時候,今晚勁喇,有幾勁呀,一人一隻糕蟹,一隻雞,幾條魚仔,一碟炒菜,仲有果個勁喇,我都唔知叫咩,中間係一舊半肥瘦既豬肉(炸左既)外邊封左一層糖,再有d花生粉o係面,真係家鄉小食,知叫咩名既記住話我知,我同舅母就飲左支啤酒,我都係唔明蟹有咩咁好食,由其係d糕呀,甘甘地咁,好奇怪既口感.....我真係唔識貨.....

>>November 7, 2005 at 11:16:03 PM GMT+8

2005 年 11 月 5 日 星期六 【晴】

唉,今日又冇時間打日記tim,今日用左一次紅勇(zdx呀留意),推呀推,真係幾過癮,不過回槍都回得幾慢,射晒又要去起飛腳,唉,可能我第一次用既關係,成日踢空氣,不過好在仲有個背盾,唔係死鬼左9世,空斬既追力一般般(唔怪得d人咁少用斬啦),前飛再向上跳又唔係太敏捷......可能都係用唔慣既關係啦,定都係用百式好d呢

>>November 6, 2005 at 12:35:52 AM GMT+8

2005 年 11 月 4 日 星期五 【晴】

由如現左已經係夜深喇,lee兩日我北上尋歡既所見所聞,留返緊日再打喇,不好意思

>>November 5, 2005 at 12:18:21 AM GMT+8

2005 年 11 月 2 日 星期三 【晴】

今日睇左[怪誕鬼新娘],鐘意怪誕城之夜既朋友仔就一定要睇喇,因為真係非常之咁靚d畫面,同埋非常幽默,雖不至於扣人心弦,但都幾sweet幾到架,$30,抵!!!多謝麥提莎同UA,
朗豪坊間UA都真係幾正喎,座位舒適又夠闊,又唔會俾前邊阻到,good!!!
唔知大家有冇o係旺角先達附近食過一間叫海南粉既餐廳呀,唉.....一坐或......見到仔小小強......女服務員就K.O.左佢,當冇野叫野食啦,食食下,有隻小小小強o係隔離張餐桌度出現,我用張紙巾搞掂左佢,唉......冇能晒moon......比錢閃人
我要開始學用紅勇呀!!!!!!!!!!我要前鎗人呀!!!!!!!!!!!最鐘意前鎗!!!!!!!!!!!!!!!空中前鎗再前鎗再前鎗,好high呀

>>November 3, 2005 at 12:58:23 AM GMT+8

2005 年 11 月 1 日 星期二 【晴】

打高達真係一件開心又減壓既事情喇,不論係高達DX,zateDX又或者seed,三集都有佢獨特既地方,
高達DX就最講技巧,因為冇得爆氣,o係空中不規則咁飛,真係拍案叫絕,特別係紅勇既前鎗同埋老虎飛斬,簡直係一種藝術!!!
zateDX就有三種醒覺,算係平衡得唔錯既一集(卡姐,THE-O除外),每部機只要你識用,部部都可以好勁!!!RX-78,紅力奇,尼姆都係我既至愛!!!
seed就最多後生仔玩,又因此多左好多新手玩高達系列,飛黎飛去......仲以為自己玩緊virtral-on......
平衡度麻麻......速度底既機好慘,俾兩部機走射就只有等死......最近發覺決鬥高達最岩feel,中機就嫣紅,大機就freedom,
希望可以多d唔同既fd同我打啦.....唔係咁想一桃二......

>>November 2, 2005 at 3:19:58 PM GMT+8

2005 年 10 月 31 日 星期一 【晴】

識我既人話知喇,我就最鐘意行緊街果陣聽四周既人講緊d咩架喇,
有日係家樂商埸入邊行緊喎我,聽到有人講:[我驚件衫著到我好肥]
我心諗,唉,,肥唔肥...都唔太關件衫呀嘛,正所謂,修身,齊家,治國,平天下,施主......
訓o黎頸呀我.....好似機械人咁呀......冇晒心機,放大假先搞d咁野...diu...

>>November 1, 2005 at 1:42:06 PM GMT+8