2009 年 1 月 25 日 星期日 【晴】

今日報左團去日本東京,縱橫遊,$3999五天團,$178保險,離境稅加燃料附加費$490,3月2日出發
O係ICE FICE買左件SCENCE紫紅色風褸,原價$860,特價$490
POKKA CAFE食晚飯,TOTAL$289
O係巴倫紐睇崖上的波兒,$35
放假=洗$$

3434

>>January 26, 2009 at 3:48:18 AM GMT+8

2009 年 1 月 24 日 星期六 【晴】

以下既文章係轉戴在一個同事既facebook筆記入邊,我好認同佢對回憶既分析
有感而發,身邊有人問過我,我之前拍左咁耐拖先分開,有冇恨過對方,我只係唔理解而已,我一點恨意都無,只係由愛情變成感情,愛侶變成雙方的生活一部份,令到對方失去左繼續在一起既動力,當然我如果可以為對方多做一點事情,為雙方的愛充充電,或者可以白頭到老都唔出奇,我好明白過去左就係過去左,時間,係唔等人架,我會為未來既另一半付出多d,努力多d,但係,經過左最近呢3個幾月我發覺,付出係無止境,只有對方覺得夠不夠而已
請大家慢慢欣賞一下我既同事Christopher Ng既筆記,文筆秀麗

讓我成為你的回憶<回憶．．．因為遺憾而美麗>

在電影 < 如果‧愛 > 中﹐命懸半空的張學友哀求周迅 :[放手吧﹐讓我成為你的回憶。]
倘若你的處境像張學友﹐女朋友曾經辜負一個男人﹐今天這個舊情人回來找她﹐兩人舊情復熾﹐你可以怎樣?

回憶總是美好的﹐恰似我們只願意把美好的照片收藏在相簿裡。
時間是一片柔光鏡﹐糊塗了瑕疵﹐突顯了美感。逝去的愛總會被美化﹐因為愛比恨長久﹐因為我們都喜歡逃避現實。

現實中的愛每天被相處損耗﹐昔日的愛卻在時空中凝住﹐留下了一百樣可能 -- 假如時光可以倒流﹐假如能夠回到過去﹐不同的決定﹐會換來甚麼樣的發展呢?'
會比現在好嗎? 應該會比現在好吧。

人對現狀總是有所不滿﹐對錯過了的總是充滿好奇和希冀。
若再加上一份遺憾﹐一份失諸交臂的遺憾﹐力量足以鼓動一個人去冒險﹐近乎麻木地摧毀眼前的安穩﹐在自製的破瓦頹垣中尋覓曙光。

沒幾個人像電影中的張學友般幸運﹐可以執起導演筒﹐讓她從演出中體會失去的滋味。
[讓我成為你的回憶] 要擊倒存活在她回憶中的情敵﹐最佳方法原來是讓自己也成為她的回憶﹐籍此告訴她失去你的滋味﹐絕不比當年她失去他時好受。

當苦苦相逼與哀求皆無無濟於事﹐當情況惡劣到某個地步﹐也只能盼望置于死地而後生。主動消失﹐不讓她有機會正式提出分手﹐事隔十天﹐驀地出現在她面前﹐訴說你有多愛她. . . . . . 結果如何﹐就要看她在撥開雲霧後﹐到底愛誰多一點。

>>January 25, 2009 at 1:25:27 PM GMT+8

2009 年 1 月 23 日 星期五 【晴】

今日既天氣好凍,返到屯門一落車既時候,我真係覺得屯門最少凍銅鑼灣8至10度,
當我經過兆禧輕鐵站既時候,個心酸左一酸,嘆左一口氣
由於聖誕前夕既關係,工作量好大,放工都已經成12點,返到屯門都已經成一點有多,仲記得果日同尋晚差唔多,都係吹住好大既北風,有一個好傻既女仔,戴住頂'冷'帽坐左o係輕鐵站度等緊人,當我見到佢既時候,好感動,因為被受重視既感覺太好了,但,又好心痛,因為果晚屯門得9度,好怕佢會凍親,之後就施住手,行去悅湖買宵夜,行既時候,佢話隻手好凍,咁我就話,放落我個衫袋裏邊,咪唔囉,行到悅湖,買左屯腸粉加多一串燒賣,我就話喇,你拎住佢黎暖手啦,拎左陣,佢話太熱,我拎返,就係咁,就返到慧豐園了......灰熊,很可愛......會狗吠的
唉,一打lee d咁受重視,被愛既感覺既時候,我又喊喇
我送首歌俾我自己
如果愛--方大同


>>January 27, 2009 at 11:26:15 AM GMT+8

2009 年 1 月 19 日 星期一 【晴】

人往往被自己既過去所影響,令到自己失去左為自己爭取幸福既機會,好多好多既事情,如果自己都覺得自己冇可能做到,而唔去嘗試,連唯一既可能性都俾自己扼殺埋,未免太可惜了吧!!
我都唔知自己想講咩9,希望在明天丫嘛,好想好想睇到一對雪白既天使翅膀o係天空度飛翔,
好鐘意聽到lee兩句歌詞
每次當愛從心痛啟程,我明白等待背後是傷痕

扒房生涯第一日,,
感覺好迷茫,希望快d習慣生既挑戰啦,幾特別既經驗,又有得成長喇,嘿嘿

>>January 20, 2009 at 3:21:29 AM GMT+8

2009 年 1 月 16 日 星期五 【晴】

星期五了......下星期一就要上27樓riva了.....不安,擔心應付唔黎,
唔......已經聽左好多人俾我既意見,我選擇左一個好多人都唔贊成既決定,自己既感覺,只有自己先最清楚,只好講聲唔好意思,同埋多謝大家既支持(我唔係去自殺,唔洗擔心)
最近對所有喜歡做既事情都冇晒興趣,例如睇漫畫,聽新歌,打機等等......都提唔起勁,我好想打埋篇文,我印象仲好深刻,但....真係冇心機寫埋落去,俾d時間我......
車干,推首歌俾俾你聽下啦,南拳媽媽既不該結束,聽完會舒服d既

3362

>>January 17, 2009 at 3:27:02 AM GMT+8

2009 年 1 月 14 日 星期三 【晴】

燈熄的時候,滿天的星空,最明亮的是寂寞

>>January 14, 2009 at 1:26:40 AM GMT+8

2009 年 1 月 12 日 星期一 【晴】

人的心靈感到空虛,所以才會感到悲傷
我都好想自己快d變成一個成熟穩重,有魅力既男性,但都係要經歷時間去洗禮而磨練出黎,
成長既過程好痛,好累,黎明前既黑夜總會令人有種不安既感覺,路.一直都在,一個人都係要行落去
當然身邊既人俾左好多好多既支持俾我,我受寵若驚,感激
我既記敘文仲未完成,努力緊,希望唔好爛尾啦
爛gap題:老虎扯旗(估3個字既,小貼士督係第二個未係粗口黎既)
張韶涵-愛情旅程
係翼既來電鈴聲,
每次當愛從心痛啟程,我明白等待背後是傷痕


>>January 12, 2009 at 11:05:45 AM GMT+8

2009 年 1 月 9 日 星期五 【晴】

今日親身體驗左一個道理,負能量係會互相感染的,當然.....正能量都一樣
負能量係會令誤會變大,令人變得唔講道理,唔識聆聽別人既說話,令人變得偏激,令人對別人失去信心,正接影響人與人之間,我都要去接受現實,做一個女皇騎士

>>January 9, 2009 at 11:44:33 AM GMT+8

2009 年 1 月 7 日 星期三 【晴】

心情差絕對會影響睡眠質數,lee兩日訓得唔淋,9點鐘又自動醒9左,周身骨痛,真係攞黎賤
丫,又係個句,一失戀d fd就特別關心自己,好感動,有真正既朋友真好,謝謝各位既支持
打左成個鐘都冇喊,手放開了,
遲d要上扒房睇檔......有d擔心自己會做唔掂
Lo Candy 盧巧音: 喜歡戀愛


3274

>>January 9, 2009 at 11:35:11 AM GMT+8

2009 年 1 月 6 日 星期二 【晴】

木木三同電單車男陪我行街食飯,不勝感激,經過左今日,我對電單車男既認識又深左喇
翼已飛到好遠好遠既地方,她回復自由了,我都應該開始重新振作,做返一隻無雀仔既雀仔
......仲係好痛......真係唔想放手......唉.......
說好的 幸福呢,自己一個人聽到既時候,唔到4句,又喊了,傷心,只因為真係愛過付出過,而呢段時間真係太快樂,太幸福,實實在在有住戀愛既感覺

>>January 7, 2009 at 10:19:31 AM GMT+8