|
2005 年 12 月 19 日 星期一 【晴】
電影
近來看了不少電影。看了「生死時空」、「如果 愛」、「無極」、「King Kong」。
其實我覺得套套都幾好睇。
「生死時空」既內容比我想像中普通，可能我睇唔明吧?! 不過由呢套戲開始，我又多一個新偶像，就係男主角Adrien Brody。雖然佢唔俊朗，個樣仲好似食白粉咁瘦，但我都唔知係佢既乜野吸引我，或者係佢既4號仔氣質吧?!
至於「無極」，相信不少人都覺得有點無聊，而且不太好看吧?! 但我覺得不錯，我覺得當中有很多心理學的元素，我正等待它出VCD，我可以仔細再看再研究。當中最「可笑」的角色，是謝霆鋒吧? 反而我覺得他這個角色本身就代表「荒謬」，滿有意思……
至於King Kong，原來又是Adrien Brody做主角。他白粉佬的樣貌，配上健碩的身型，剎是吸引，而且他也很高呢。很喜歡他的眼睛，真的會說話，很想一直細看……他有4號仔的笑容，很好看啊。女主角也很美，而且那種美很舒服、耐看。至於King Kong，只是個形象化的角色吧?! 其實多少女生都希望遇上生命中的King Kong：既無時無刻能保護自己，而且鐵漢柔情，哈哈！
最近真的很享受看電影，享受貪婪地分享別人的人生、別人的體會、別人的演譯、別人的心血。
好，等待著「宮保雞丁」上畫。
-----------------------------------------------------------------------------------------------------
咩人養咩狗
占士說，咩人養咩狗。
源於一次我在MSN隨意打了一句﹕「Be Be愈大愈曳」。
其實當時Be Be唔係真係曳，我只係覺得佢愈大愈貪玩，隨意打了一句。其實我覺得，活躍總好過呆滯。
但細心留意下發現，Be Be確實有和我相似的地方。
Be Be他很膽小，特別懂得看人眉頭眼額，一個小動作都會令他嚇至逃亡；
Be Be基本上很乖的，領悟力很高，只是偶爾會突如其來的發脾氣，原因不明；
Be Be很「痴」人，成日要人陪佢玩，有時又很自閉（可能因為知道我同阿媽都少同佢玩啦），獨自留在籠裡好半天。
原定想養獨立的貓貓，卻變成養Be Be，當中可能有些玄機吧，是共時吧?!
近來Be Be係咁甩毛，而且佢又成日咬到自己損哂，我好心痛啊……
要好好學會和它相處。
>>December 20, 2005 at 9:45:11 AM GMT+8
2005 年 12 月 16 日 星期五 【晴】
「煩呀煩呀煩得不能呼吸……」
昨晚……發惡夢。
我記得既係兩個情景，一個係同工作上有關，一個係同媽咪有關。一整晚都係度發惡夢，好累啊……
有時，我覺得，做人好煩；有時，我又覺得，可能唔係做人好煩，係因為我做人做得唔叻、做得唔好，所以至會覺得煩。
我覺得好累，好似每日都要去討好身邊既人……
要討好我既屋企人，呢個又要我幫佢諗計，呢個又要我做傳聲筒，果個又要我幫佢做呢樣果樣，問題日新月異，一通電話，隨時侯命。
要討好同事、上司、下屬……無論發生咩事，都好似都係我做得唔岩，總覺得受千夫所指……最討厭的，連我自己都叫自己要檢討一下，為什麼別人做得好，自己卻不?!
經濟上也有壓力，真不知道自己為什麼要去旅行，煩得要死！
還好，我有一些好朋友。我不想做多餘的應酬，只想見我想見的人，只想和我想和她說話的人說話。留點時間給自己，依照自己意願而為，是太自私嗎? 我不知道……
-----------------------------------------------------------------------------------------------------
要求
要求別人很容易，檢討自己才艱難。
人心不足。所有人都覺得世界欠了他、社會欠了他、生命欠了他……
還記得，多年前從一個電視時事節目中看過一個女中學生說：「每個人都埋怨社會福利問題，埋怨政府做得不夠好，但有沒有人問過，自己為社會貢獻過什麼?」
出自一位中學生口中，是如此震撼！
成熟的「大人」們，我們為社會貢獻過什麼? 為世界建設過什麼? 又為生命付出過什麼?
只一味要求，彷彿世上最好的本來就全屬於你的一樣，所以才會覺得自己被虧欠。
這種想法很可怕，卻非常普遍。
還記得，前幾星期看到一本雜誌內一篇文章，評論「恐怖靈訊」。它提到魔鬼能力本領如此高，何須隨便佔領一個臭皮囊，然後伸伸月利，撞撞牆的去證明自己存在?! 它說聖經內提及，魔鬼會去誘惑人，讓人犯錯而不自知，泥足深陷；就如現代人不停消耗自然資源，更一直發展科技，讓人類距離自然生活更遠……這才是魔鬼，魔鬼無處不在，就在你和我的日常生活中。
我覺得很有啟發，很認同呢 ~
最可怕的，是無法識認自己犯錯，一發不可收拾，回頭太遲！
我不要讓魔鬼佔據我的心，我要對得起我自己，對得起身邊每個人。
>>December 17, 2005 at 12:25:50 AM GMT+8
2005 年 12 月 14 日 星期三 【晴】
曳曳細膽叻叻 Be
Be Be好曳曳架，乜都咬呀咬。我成日都話佢「個咀去到邊就咬到邊」。我最唔鐘意佢成日咬我或者咬我d衫呀，成日咬到我痛，或者咬到人地成陣佢d口水味……噫!
Be Be好細膽架，小小事都可以嚇到佢飛起。好似一次髀髀同佢玩音樂怪波，又好似有一次我執衫時唔小心飛到佢，點知佢就即刻嚇到真係飛起，仲一邊慘叫、一邊跑走，轉頭仲要見到佢個頭捐左入sofa底，得返個pat pat突左出黎……
Be Be佢好叻叻架，學野都算快。佢好快就學識去邊度解決佢既大小事喇，佢做錯事又識聽人鬧佢，識dup低頭扮可憐；佢而家仲識聽「入籠」，會好唔願意咁扭下扭下入籠架。
佢而家好似個大頭仔呀，最可愛既時間已經過去，不過希望佢愈大愈乖啦。
-----------------------------------------------------------------------------------------------------
出品品質測試
我第一次做客家線的出品品質測試，三個字可以形容：一團糟。
其實我非常不想負責這工作項目，因為我有「揀飲擇食」的壞習慣，而且我很討厭要和一眾人等 social，我真的不懂嘛！再者，負責這真的 consume 我很多時間，一星期天天都有部份時間給了它，真的不是說著玩！
不過，還是得接受現實，接受腰間肥肉日益壯大吧……?
其實我已經是半個企業傳訊人了。
-----------------------------------------------------------------------------------------------------
加拿芬火鍋
昨晚和欣和大家樂的張小姐及阿 May 到加拿芬吃火鍋。席間，大約是吃到半途吧，張小姐說了一句很應景的，她問：「有沒有試過和陌生人吃火鍋?!」大家都尷尬的大笑了，其實真的相當「應」。
我全場都不太知道說什麼才好，呆呆的，我實在是一條交際費柴，活像個只會說無聊掃慶話的白痴。
另一方面，其實真的覺得張小姐很能幹，是個很 resourceful 的人，好羨慕，我有一天可以像她那樣嗎? 很羨慕她的生活，很想能找到令我廢寢忘餐的推動力……
火鍋由7時半吃到11時多才完，我吃完匆匆的趕到 CWB 的 CEO Neway join 一眾小朋友同事唱K，見到大家真開心。原來 Kelvin 唱歌也很不錯啊，是家族遺傳嗎? 可惜因為未完成工作的關係，只坐了短短一會又要匆匆離開，加上離開前大家熱情的歡呼，真的很捨不得回家啊，甚至離開了都有想過點去再續前緣，最終還是被理智打倒了。
工作到兩時多，太累了，睡覺！
>>December 16, 2005 at 10:07:35 PM GMT+8
2005 年 12 月 12 日 星期一 【晴】
如果．愛 Perhaps Love ......續
如果．愛 這電影的開場說，人生如戲。對於這老生常談，他們這樣演譯﹕
每個人的人生都是一套電影，他的世界就是整個世界，有如井底之蛙。他們都以為整個世界中，他就是主角......而其實，對於某些人，甚至是在他生命中主角的來說，他可能只是配角，甚至是不起眼的小腳色。
滿有意思的。想想自己，何嘗不是如此?!
>>December 12, 2005 at 11:33:04 PM GMT+8
2005 年 12 月 11 日 星期日 【晴】
如果．愛 Perhaps Love
上星期五，看了「如果．愛」。比想像中好，也比想像中不好。
比想像中好的，是它的劇情，特別是金城武想要報復的一段。演員也不錯，除了張學友的演出平平外，我挺喜歡周迅和金城武的演出。比想像中不好的，是它的歌舞部份，好像尷尷尬尬的，拍得不夠精彩。
……唔……好似有好多野想寫，但又唔知寫咩好……
唔知聽日可唔可以準時番到工呢?
>>December 12, 2005 at 11:31:02 PM GMT+8
2005 年 12 月 8 日 星期四 【晴】
知足常樂
今日有兩個好消息，一個壞消息，你想聽邊個先?
好啦，咁一於講好消息先啦。第一個好消息就係，我今年聖誕會同希文、地盤佬同榮仔一行四人去台灣玩呀~ 決定得相當突然，因為俾地盤佬利誘落答。地盤佬先說幾個優點，然後到俾哂錢之後至講d缺點俾我知，佢真係丫！不過點都好，希望會係一個好難忘既假期！
第二個好消息，就係五點幾時Hilda突然打俾我，我好驚訝呀，佢竟然會主動打俾我。我地即慶就約左今晚出黎食飯，於是我就去左TST佢Office度搵佢。我地去左百人一朱食飯，傾左好多計呀。Hilda既思想同我係一個程度上好接近，今晚同佢好坦率咁傾左好多計，好舒服又開心。我地成晚都圍繞住一個topic去傾﹕「人係唔係永遠唔會知足既呢?」，有唔少新啟發呢。
Hilda今晚講左一個故事﹕
有一個乞兒，佢日日都會去買馬票，買到佢自己都完全背到佢買咩no.。有一日，佢發現自己買開既no.真係完全中哂，佢好開心好開心。佢即刻跑去海邊，一掉掉左佢用左咁多年既拐杖落海，佢大叫﹕「我終於可以過新生活了！」就係呢一下，佢忽然醒起，原來張馬票就sip左係拐杖入面。
~~~ 係你既就係你既，唔係你既就唔係你既。~~~
聽過不下十數個類似的故事，但今次才忽然有所啟發。
好啦，黎到講壞消息既時間了。就係屋企又再風起雲湧了，唉……點解會咁架? 我都唔想接受你係咁既人……我可以當你係一時意氣至會講咁過份既說話，希望你快d搵到適合你走既路，好好照顧你自己。
幸而媽媽控制情緒比以前大有進步。媽媽，我有你，心足了。
>>December 9, 2005 at 12:54:53 AM GMT+8
2005 年 12 月 3 日 星期六 【晴】
我的媽媽
最近比較懶，好少寫日記。
其實心情都頗為波動，幸而近幾日已經平伏好多了。
上星期日，一如以往，同媽咪出去飲下午茶。今次去左「綠野仙蹤」。我地傾下傾下，傾到雞翼，我一時感觸起黎，居然突然喊起上黎，阿媽即刻呆左，佢心諗：咩事呀……? 雞翼咋喎……
我估都係因為自己情緒問題o者，一爆爆左出黎，其實唔關佢事架喎。不過媽媽佢而家好叻女呀，佢唔會好似以前咁發我脾氣，反而好關心我，但關心得黎又唔會太煩喎。佢話，「有咩都可以同阿媽分享架~」。佢真係好抵錫。
到左星期一，當我下午打番屋企，想話佢知我唔番去食飯時，佢把聲好cute喎，知道係我之後，仲cute d。當我係度諗緊佢做咩咁開心時，佢問我﹕「你點呀，仲有冇唔開心呀?」雖然只係好普通既一句，不過我覺得佢真係叻左好多架，因為佢以前一定唔識咁做囉。
仲有呀，上星期四晚，我岩岩去完屯漁做出品品質測試，就收到佢電話。佢話佢成日都眼眉跳，佢怕我有事，所以打俾我。其實當時真係覺得好warm架，有個人真係為左自己掛心。
我好喜歡這樣的媽媽啊~
-----------------------------------------------------------------------------------------------------
坑渠邊晚飯
已經是上上星期六的事了。當天下午，替Karen做了個會議記錄。
會議完後，鍾生說肚餓了，叫我陪他去晚飯。他一直說要到「坑渠邊」吃，原來意思是小河邊的大排檔。
當天天氣比較涼，他穿的不夠衣服，有點冷。於是一到達便連叫了三個煲仔菜，另加一個火水爐。那邊的傳菜嬸嬸什麼都不懂，運開個火水爐都說不懂，真搞笑。後來鍾生全程都挺親力親為的，當鍾生把很熱的煲仔輕易的放上火水爐時，嬸嬸很驚訝的說：「你是做廚房的?!」。
一邊吃，鍾生一邊很忙地不停將三個煲仔輪流放上火水爐。哈哈，有點搞笑。吃完一起走路回去時物流中心時，簡單的閒聊，感覺很好。
>>December 4, 2005 at 12:14:40 AM GMT+8
2005 年 11 月 28 日 星期一 【晴】
誤解
你……誤解我了。
老實說，我根本真的沒有懷疑過你和她，因為我一直都很支持你的那位朋友，你是知道的，我又怎會猜你看上了他的妹妹，我只認為你在照顧她而已。只是你一直都說得煞有介事的，我才說說笑罷了。
今天，我早已對你說了原因，才提出即慶的到台灣去散散心。記得你說過明年年初要和我去啊，所以我才沒有答應別的朋友一起去，因我記得你很討厭我不守承諾。
但你突然說的，才叫我覺得意外，我根本……想都沒想過，我真不懂為何你會那麼想……你說的，才叫我開始思考，如果我從沒那個意思，而說出的是你，究竟是否你真的有那意思……?
灰……灰了一段時間了……已經不斷不斷的告訴自己不要再灰下去，因為已灰得又累又悶……但離不開啊，真不明白，為什麼走不出去……
以為即使只是說說而已，以為只要幻想一起到台灣走走都可以很開心，也許我蠢得還以為，你還是我唯一可以依靠的……
也許……只可以沉淪下去……
>>November 28, 2005 at 11:57:29 PM GMT+8
2005 年 11 月 25 日 星期五 【晴】
脫離
天啊，發生什麼事了?! 又來了……
今天看了阿花 (唔係你呀阿花，係另一個阿花呀) email來的invitation及以前的相簿。看到了很多很熟悉的面孔，久違了……我卻……不是太懷念。究竟是為什麼，好想完全脫離那個圈子……其實他們沒有什麼問題，我卻不想再見他們了……我問過自己很多次，卻得不到答案。
反而除了我剛進公司時認識的一群，如Tracy、Evan、James、舒舒等，我還是樂意見到他們的，其他則不了。即使剛才只是見到他們的相片，都有很不舒服的感覺。
我只希望，完全脫離。
>>November 27, 2005 at 5:40:35 PM GMT+8
2005 年 11 月 23 日 星期三 【颳風】
寧記打邊爐
今天，是和Karen、髀髀到寧記打邊爐的大日子。上次請Karen食阿拉麵館後，佢一直話要請我食番次，就係今日喇。
今日亦係鍾生著袍既大日子，鄧佢興奮。五點幾時佢打俾我，問我係唔係同我條「o靚」去食飯……我邊有咁叻有Karen做我條「o靚」丫。因為我知道Karen當時已無野做，為左唔想要佢等咁耐，一放工我就即刻衝去MK喇。
點知髀髀仲遲過我呀~ 7點度，我地去行左一陣，陪髀髀買懶懶熊杯（不過未睇岩），再去買幾件衫同玩具俾be be，我地就上左寧記喇！
萊萊都黎join我地呀，一行四人打邊爐，岩岩好。我想食寧記好耐架喇，一轉涼開始就想到而家，終於食到喇。好喜歡佢地既satay湯底，好岩我口味，老實講句，佢地個湯底真係岩我食過稻香！哈哈~
萊萊黑左好多喎，差d唔認得；反而髀髀就無咩點黑到。睇完阿旺，果度既侍應都開始狂執我地張檯趕我地走。
走左之後，又接到阿Ben電話……sorry，幫你唔到。
番到屋企，已經好累，本來想睇書（「從A到A+」），不過都係開始唔到，太累了，佢又唔太有趣喎……真係頂唔蒲。
好眼訓，有少少關尋晚訓訓下醒左既事。尋晚發惡夢呀，到左半夜，介乎醒都唔醒之間，應該係神智上醒左，不過思想上仲停留係夢境。過左好耐都訓唔番，但又醒唔哂……終於都係醒左，望一望個鐘……03:25呀……好驚……因為諗起岩岩星期一睇果套戲講果D野呀~~~救命！好彩，過多幾個字都訓得番。
-----------------------------------------------------------------------------------------------------
兩個Be Be
屋企隻Be Be成日都卦住訓，唔通真係因為我唔陪佢玩?! 都唔係丫，如果佢唔咬我，唔 lam 我，我有同佢玩架。其實佢著衫都幾好睇丫，不過好似著今日新買果件綠色好睇過著米色喎。
而家Be Be已經學識自己去尿片開大同開細喇，真係好叻叻呀~
都係未習慣要照顧佢……不過岩岩個星期日都幫左佢洗耳仔同沖涼，當然係有人幫手至可以順利完成啦~多謝Novem。
另一個Be Be，尋日揭發我做間諜一事，真係笑死我，咁都俾佢發現，哈哈。仲有，尋晚同佢去食「綠野仙蹤」，埋單時佢係咁指住個匙扣狂笑，以為佢咩事，原來佢笑人地咁既貨色都要4蚊個，真係俾佢激死又笑死……
>>November 24, 2005 at 12:22:59 AM GMT+8
|
![]()
★★★
★★★
我是桑。 
我都係決定日記應該係寫俾自己睇既。大家岩睇既就得閒睇下，唔岩睇就唔好睇囉
我奉信「事無不可對人言」。
~部份桑看過的電影~
~部份桑看過的書~
~桑正在看的書藉~
|
廣告 |
|
|
讀者留言 |
| 路人留言
|
 happy birthday ^
>>April 28, 2006 at 2:01:20 PM GMT+8
多謝你留返廿四號果晚等我同你慶祝
>>April 26, 2006 at 10:55:34 AM GMT+8
其實我不嬲都覺得你唔係少朋友格，
>>April 20, 2006 at 4:10:30 PM GMT+8
呢個web site係講你講得幾
>>April 20, 2006 at 3:57:55 PM GMT+8
哈哈，你有排得戚都有既？你都幾得
>>April 20, 2006 at 3:33:10 PM GMT+8
總之就祝你成功啦，蝦蝦！你好叻架
>>April 10, 2006 at 10:01:34 AM GMT+8
ＢＥＢＥ好得意呀，始終我都係覺得
>>April 6, 2006 at 12:51:58 PM GMT+8
咁其實以前你又做得真係幾開心既，
>>April 3, 2006 at 5:53:27 PM GMT+8
咩叫做漲卜卜麵包呀？食得架咩？好
>>March 29, 2006 at 11:24:20 AM GMT+8
係喎，睇返你以前果個網頁，你而家
>>March 29, 2006 at 11:17:01 AM GMT+8
雖然死神３係無聊左Ｄ，因為淨係賣
>>March 27, 2006 at 11:00:54 AM GMT+8
多謝～～～多謝你讓我變左一口清泉
>>March 27, 2006 at 10:37:56 AM GMT+8
哦．．．好鍾意睇倒你一篇開心既日
>>March 20, 2006 at 4:22:39 PM GMT+8
噢，其實我都好想帶ＢＥＢＥ出街行
>>March 10, 2006 at 11:45:58 AM GMT+8
好似好耐都冇留言咁勒，不過都唔係
>>February 21, 2006 at 2:15:41 PM GMT+8
我都好鍾意而家既BE BE，因為
>>February 7, 2006 at 12:06:18 PM GMT+8
唉呀，係POLY溫書溫到悶悶地，
>>February 3, 2006 at 9:59:02 PM GMT+8
根本就係一頓輕鬆愉快既晚飯啦，唔
>>January 19, 2006 at 10:00:56 AM GMT+8
都唔係呀，其實你都知道你自己盡左
>>January 17, 2006 at 12:59:41 PM GMT+8
點解ＢＥＢＥ成日都病架？佢咁累，
>>January 12, 2006 at 10:23:39 AM GMT+8
係呀，其實我都覺得你係架，你發生
>>January 9, 2006 at 12:09:19 PM GMT+8
ＷＯＯ～～～多謝你呀！
<br>
>>January 4, 2006 at 1:39:56 AM GMT+8
活在當下
>>December 23, 2005 at 12:33:43 PM GMT+8
係呀，我都記得你講過個中學生講過
>>December 20, 2005 at 4:59:00 PM GMT+8
「個咀去到邊就咬到邊」，又幾似你
>>December 15, 2005 at 11:46:34 AM GMT+8
出品品質測試....好懷念呢..
>>December 15, 2005 at 9:34:13 AM GMT+8
唔知點解，我公司夾埋我在內有三個
>>December 13, 2005 at 12:59:38 PM GMT+8
哎呀，你做咩唔講俾我知地小姐講左
>>December 9, 2005 at 11:22:23 AM GMT+8
恭禧恭禧～你終於有一個全新登場的
>>December 5, 2005 at 2:54:41 PM GMT+8
應該係點樣架呢？
<br>
<b
>>November 18, 2005 at 5:36:59 PM GMT+8
我都真係估你唔倒你會買埋RAIN
>>November 15, 2005 at 4:37:54 PM GMT+8
都係我唔好啦, 我應該o係台灣買
>>November 13, 2005 at 2:14:49 PM GMT+8
如果你真係覺得放完大假之後可以解
>>November 8, 2005 at 12:42:15 PM GMT+8
係囉，其實你而家都只不過係工作上
>>November 8, 2005 at 12:38:02 PM GMT+8
唔，我唔贊成咁樣做，日記係自己架
>>November 8, 2005 at 12:27:32 PM GMT+8
雖然我都未問過你，但係我都估倒佢
>>November 8, 2005 at 12:23:27 PM GMT+8
111222
>>November 8, 2005 at 12:23:23 PM GMT+8
哎呀，你都幾得意架喎，話我地都裝
>>November 8, 2005 at 12:18:26 PM GMT+8
咪就係囉，人地弱聽果Ｄ都唔知幾想
>>November 3, 2005 at 1:01:10 PM GMT+8
你就好啦，可以無端端有隻平狗養，
>>November 3, 2005 at 12:59:33 PM GMT+8
我就鍾意睇「再說一次我愛你」多D
>>October 25, 2005 at 12:46:50 PM GMT+8
喂，新德興搬既話，應該會有另一間
>>October 25, 2005 at 12:12:57 PM GMT+8
衰在我幫唔倒你啦，不過實有人認同
>>October 20, 2005 at 2:54:41 PM GMT+8
嘩～如果你屋企真係養松鼠狗就好喇
>>October 19, 2005 at 10:54:20 AM GMT+8
係呀，其實星期六睇完戲之後我都想
>>October 17, 2005 at 5:38:42 PM GMT+8
你真係好似偷拍緊佢咁，呢個角度影
>>October 12, 2005 at 12:36:21 PM GMT+8
即係你由朝到晚都可以見倒阿欣喇喎
>>October 6, 2005 at 11:10:28 AM GMT+8
唔怪得之..你o個晚入到房叫我關
>>October 5, 2005 at 4:56:30 PM GMT+8
噢, 我都愛你......多謝晒
>>October 5, 2005 at 4:54:21 PM GMT+8
睇睇你呀，睇下你呀，又話喉朧痛，
>>October 5, 2005 at 12:41:41 PM GMT+8
|
|
電影
「煩呀煩呀煩得不能呼吸……」
曳曳細膽叻叻 Be
知足常樂
脫離
寧記打邊爐