2008 年 8 月 1 日 星期五 【晴】

依賴.....
不知不覺間

細佬....係我眼中佔左一個超重要既地位

大到.....可以咁講

無左佢我會訓唔著

有佢.....我會好好做榜樣

有佢我會好好照顧.....好好管教

oh..........有時真係好想問.......

點解你要係我細佬再唔係我男友呢.......

因為細佬既貼身.......真係令我好開心

一朝早叫細佬起身.....佢要去表協學野

唸住煮野食比佢佢再出去

點知細佬叫我陪佢去食....

我話等佢放左先去......係翠林等

由於細佬.....知我行得慢

過左黎接我

原先細佬係唸住係我後面.....

點知比我見到......哈

所以........就一齊去食野

再陪埋我去等車

其實本來係我陪細佬等車

不過....最後細佬話陪返我......哈

然後就去補會計......

再去練習.....

之後返屋企等細佬學埋野

再煮栗米腸仔同蟹柳

好味......食完又睇片

時間差不多要訓lu............

>>September 27, 2008 at 1:04:41 PM GMT+8

2008 年 7 月 31 日 星期四 【晴】

跳舞...
今日真係乖啦

早左d起身可以同老豆同細佬去飲茶

去左新雅飲....

入到去果時...12:51食完就係 1:26

食得超快....計埋落單點野既時間

然後就行返學.....遲左小小咁多多

就開始玩....成堂都無咩點聽過

好野！今日終於都教哂.......會計既中四課程"

然後.....完左就同姮睇褲睇完就返屋企換衫

再出去陪楓剪頭......不過等左好耐

然後就出去m記搵丹同詩雯

呀普叫我陪佢去銀行

去完就約左星期六食早餐

之後.......就去返搵丹、詩雯

再上去跳舞.......哈

都係跟唔上.........

跳完再去寶康hea下玩下

差唔多1點就走

返屋企.......笑死全家"

因為呀媽叫我跳比佢睇

細佬係度笑我

之後扮我.......全家笑到傻咁


--------------------------------------------------------------------------------
今日就係7月31日喇

姐係暑假無左一半啦

呢個暑假都過得唔充實既......

希望剩返果一半暑假會過得開開心心！充實又好玩....

過完呢個暑假就要踏入中五生涯喇.....

一 d都唔期待......只要單單唸到會考

就覺得死期將近.....根本就無心理準備去面對........

>>September 27, 2008 at 1:03:43 PM GMT+8

2008 年 7 月 30 日 星期三 【晴】

大尾篤.....BB豆腐客家店!
天氣熱真係唔好講笑！

尋晚見到細佬3點幾都重肚屙真係覺得佢有d慘

不過我都係覺得佢活該！鬼叫佢同我爭食漢堡扒

抵你屙得多過我^^我唸我d黑仔野傳左比細佬....

細佬屙完就訓啦....點知4點幾話好熱....雖然我都覺

所以就叫細佬唔好同我訓...去返自己張床度

就這樣.....細佬就去返自己張床訓....我自己都覺得涼返d^^

訓到12點左右就洗好個頭...換好個衫....

見重有時間就整左個杯麵......um"應該係!伊麵王既撈麵！

講到撈麵就緊係要倒水！我一向都唔中意食好"林"既麵....

所以我見到d麵軟軟地就倒走哂d水.....放好哂調味料

唸住好好享受我既 早午餐!!點知.....d麵硬到pk!!

食左兩啖....就放棄左!!頂......真係白痴！

算喇...都趕唔切煮其他野食....所以就出門口

唔見左巴士證唸住搭下小巴....真係好驚搭錯車

因為.....我未試過自己一個係屋企留下搭小巴去新都城

好彩我夠聰明.......無搭錯姐......只係落車果度比搭巴士遠左!!

然後就行返去補會計....行果時見到好多人向住馬路望

我雖然好八卦想知咩事.....不過都無望

因為.....趕時間.........好彩時間岩岩好!返到課室無遲無早

然後就一直聽 應收帳款統制帳......應收帳款分纇帳調整表

雖然唔多明.....不過都知道大約係點做

到左講應付帳款果時.....就係度發夢同傾計

洪志豪話返比我知.....原來!原來!頭先馬路....撞車撞到個呀婆......

哦............希望果個比車撞既婆婆無事

然後放左會計補課......就同呀姮去左呀姮媽既鞋店

不過無買鞋.......再去睇左一陣電話....G900 真係正喔!!

好可惜.....而家連銀包都無!!所以換電話我都無得唸喇......

再去煲一下......就搭車返屋企

再同細佬換衫出去.....呀姨公司

再等埋舅父放工......去大尾篤果間BB豆腐食客家野既地方 食野!

點解會揀客家店呢? 因為我婆婆係客家人^^

我一見到.....呀婆落車就好開心咁行去果間客家店

重係咁同我地講客家野......真係好開心

呀婆同個老板她娘係咁講客家話講到好熟咁........哈

超過份!!浩賢表弟 竟然唔記得我.....

淨係對住我笑......不過最後佢都識叫我

算係咁喇！.....間野真係好食！加埋d BB豆腐 真係好滑^^

重有....貓仔玩！隻貓真係好搞笑....捉蝴蝶.....跑得超快

初初都無唸過隻貓會捉到

點知.....隻貓捉完之後跑去比老板娘睇.......重係咁玩隻蝴蝶

隻蝴蝶就咁就死左.....但見到隻貓玩得好興奮

所以我都唔知點....我中意貓多過蝴蝶

但係.......隻蝴蝶又真係好慘咁死左！

不過.......都係覺得貓得d！

之後.....浩賢無啦啦同我好fd

竟然會主動叫我同佢影相.....超好笑!!

重知一家人ma"!!!

一家人係埋一齊就緊係開心啦!!

最後我、媽、細佬 就坐...樂文姨架車走


--------------------------------------------------------------------------------







呢個就係浩賢喇^^

得唔得意先.....?呀姨果d話.....有d似我細佬......又有d似我"

/\/\".........哈"得唔得意先......再加埋佢既......天線得得B衫^^

>>September 27, 2008 at 1:03:09 PM GMT+8

2008 年 7 月 28 日 星期一 【晴】

抽血報告"好熱...
今日無去補經濟

因為要去聯合醫院睇之前既抽血報告

哇......唔好講笑！今日真係熱到喊......

無唸過我會咁黑仔.....係呢個咁熱既日子！

我竟然上左架無冷氣既熱狗巴士！

真係擺明想o羅我命.......！熱到pk!!

重要落車既時候....有個傻仔同我講byebye.........

今日真係好矇......唔通真係熱到出煙?"

算啦！天氣真係太熱！

去到睇報告......排隊等果d都唔講

有呀媽陪我去聽.....講真我真係聽唔明

不過佢話我抵抗力比其他人高......

對外來既細菌好敏感....就係因為咁

對自己本身有益既皮膚細胞都殺埋......搞到d皮膚有白蝕

有可能會引起紅斑狼瘡.......或者身體突然發腫或突然肥或瘦

又可能會變成關節炎同風濕或者呼吸困難

又或者只會係一場高燒

如果而家無咁既事發生.......就可能日後當我有bb既時候

傳左比個bb....................所以佢叫我生bb之前一定要驗清楚

我適唔適合生= ="

我都唔明咩叫紅斑狼瘡.......................

重話要驗尿.....不過因為我m到！所以要遲d先驗.......

佢話驗下有無流出大量蛋白質......

因為無左蛋白質會好累同好易會暈

不過真係好好笑！呀媽問.....點睇有無蛋白質係咪d尿白色就係

超白痴！

醫生答：蛋白質係唔可以用眼睇

我真係笑到停唔到........咁都問得出！傻仔

約左期12月15號........

去完睇呢個我都唔明既報告就跟左呀媽去公司

今日有好多貨要整

所以我都要留低幫手

不過....6點我就走返屋企

換衫拎野.........出去跳舞

無計啦......無天份

根本就跟唔上.....要靠你地教返我^^

走果時行雷閃電又落雨.........

真係黑仔.......係最大雨既時候.......我先回家

返到家！竟然一滴雨都無.........

>>September 27, 2008 at 1:01:22 PM GMT+8

2008 年 7 月 27 日 星期日 【晴】

唔通真係整定?
在金錢上要小心一時疏忽或被不實的小道消息迷惑而有損失發生的可能。

呢句野係sina星座 7月24日 <--姐係我唔見"銀包"果日........

呢個就係我既運程......"

唔同真係整定我果日會唔見銀包?....實在太黑仔

無銀包真係好唔放便........


--------------------------------------------------------------------------------
今日都無咩特別.....

就係返教會就訓著咁.........

之後就開琪局......

今日細佬剪左頭髮"

好搞笑.......d的水比人剪走左......"可憐

留髮尾.......都幾得意^^

今日重要行返屋企

因為無錢囉......好陰公

點解會淪落到呢個地步嫁"

好q熱嫁ma"

不過算啦！又唔係得我一個人行

>>September 27, 2008 at 12:58:37 PM GMT+8

2008 年 7 月 22 日 星期二 【晴】

游水^^
今日11點幾要起身啦

因為....1點要逝學補課

買左燒八爪魚丸食

食個飽飽.........就返學啦

好熱好熱......話咁快就成身大汗

真係.....慘;'沖完涼先出黎嫁mA"

補英文.........就係做07年 lis past paper

都好.....算係返黎有用......不過只係做左一個Task4

1點補到3點....先做得咁小.......聽日再努力補^^

補完之後去左商業度睇下.....點知得6個人返

原來佢地都教英文......所以我都坐定聽左15分鐘

佢地就放人....所以我都走

返到屋企同細佬睇片

再.....到8點同呀媽、細佬 係屋企留下游水

真係正！又小人....唔迫

加上......d水好清

游水真係好..........好想再游

不過累......................................../\/\"

細佬唔識游水！係咁比我笑！比我玩......<-我真係衰衰地tim^^


今日就係媽媽生日啦...................

不過都無咩特別

因為尋晚已經幫佢慶祝左啦

雖然我無預備禮物......不過.....好彩世界上有樣野叫做

【後補】^^

雖然禮物唔係生日果日收就無意思

不過......呀媽唔會怪我既^^


媽咪.....................................多謝你咁多年

包容......以為無微不至既照顧喔``>3<

媽媽 我愛你!``

生日快樂^^ HappY BirthdaY/\/\''`!!

>>July 23, 2008 at 1:52:44 AM GMT+8

2008 年 7 月 21 日 星期一 【晴】

周彤搞事

♥點我既人: 周彤
♥寫出填寫日期:21-7-08
♥愛的食物: 樣樣零食^^
♥愛的音樂: 在森林和原野
♥愛的店舖: 無印係其中之一
♥愛的顏色: 黑 , 白 , 紫 , 綠,籃,黃,粉紅
♥愛的國家: 日本,荷蘭
♥愛的工作: 未唸到
♥愛的休閒: 行街,打機,煲一煲^^
♥愛的科目: PA,econ^^
♥愛的甜食: 糖、雪糕
♥愛的個性: 夠搞笑....其實都無咩特別
♥愛的口頭蟬: 頂你呀...., 收皮啦...,仆街啦...., 我吊呀！
♥愛的女人: 媽、婆、自己^^
♥愛的男人: 細佬
♥愛的節日: 聖誕
♥愛的香水: 清清地,有小小水果味但其實唔係....
♥愛的運動: 游水、籃波
♥愛的定義: 坦誠相對
♥愛我的人: 緊係家人啦......^^

>>July 23, 2008 at 1:52:13 AM GMT+8

2008 年 7 月 20 日 星期日 【晴】

19號 攤位遊戲 20號 琪局
19號 ......翠林商場既超小型嘉年華

1點返到教會....然後幫手搬椅

雖然我搬既椅唔係多.....不過我用錯姿勢

所以搞到而家隻手臂好酸痛

搬完就由 萬國兒童佈道團 安排我地既工作

叫我地幫手派單張

又叫d小朋友黎玩......攤位遊戲

初初我地以為呢個名叫嘉年華 應該係好大型

點知.......只係係翠林商場萬寧隔離到恆生櫃員機

呢個咁小既空間

不過都有好多小朋友黎玩......

哈......我係呢個所謂既嘉年華 工作人員^^

好彩無撞到熟人....如果唔係我就好樣衰


20號.....琪局

今日返教會獻詩

之後完左就食m記

就開始琪局左一陣

就要幫手cut紙......為左星期四個camp整

整完6點幾

我、細佬 去左溫志成屋企又開左次琪局

不過....我都話左嫁啦

去到 溫志成屋企 佢呀媽又要我同細佬食飯

頭先先食完又食

不過之後開琪局玩得好正！玩到11點半走佬

車.........................朱朱果d又話去睇 蝙蝠俠

好可惜.....得返頭三行

所以放棄呢個念頭

不過真係好想去睇...........^^

>>July 23, 2008 at 1:51:37 AM GMT+8

2008 年 7 月 19 日 星期六 【晴】

補經濟...
12點幾起身....

真係熱到爆!!!!!!!!!!!!

開左冷氣又唔覺得有開!!

換好衫就去寶琳百佳買我既午餐

燒八爪魚丸重有light檸檬茶

返到學校補經濟.....估唔到得12個人返 = ="

不過今日都無教過d咩野.......只係做練習姐

補完就返屋企睇片

睇睇下....有一集dl錯左 所以就去左同細佬訓覺

訓到9點半呀媽叫我地食飯

好味.....可能因為今日只係食左燒八爪魚丸 肚餓

所以食多左同埋.....覺得好好味

漢堡扒+蒸蛋+生菜

重要同細佬爭食漢堡扒......搞到呀媽食得一塊

食完唔夠30分鐘就肚痛 走去屙屎

果時不知幾咁開心！

我以為自己唔食便秘丸都有屎屙 咁姐係代表..........

我唔洗再便秘

但點知....我屙屙下細佬又話要屙！

又姐係.....唔係我便秘好返

只係.........呀媽煮左d會令人肚屙既美食

呀媽重大大聲同我地講....如果真係佢煮得有問題

佢自己都有得屙啦...................

答案係：佢只係食得一塊漢堡扒!!

大家早知就唔好爭食.......爭完食.....又要爭住屙"

等我重有一線希望......以為日後都唔洗再便秘落去

點知................超!!流料黎ge!!!!!!!空歡喜一場!

>>September 27, 2008 at 1:01:05 PM GMT+8

2008 年 7 月 18 日 星期五 【晴】

^^幸福的家

今日差唔多2點起身

整完野食比細佬就開始梳洗

細佬講得岩嫁

無個家姐會準時出門口

然後去左西九龍

同楓、姮.........食壽司

行下整下........哇！好累

差唔多9點返到家

返到黎.......細佬唔係度....因為去打籃波

等佢返黎一齊睇片.......

然後.....返到黎細佬沖完涼就同我睇....好好笑

都唔知.....幾咁開心！倆個真係超白痴

講野又一樣！

表情又一樣.......超低能

然後無啦啦 我同細佬都好肚餓

呀媽去完教會返黎

煮雞翼比我地食！

細佬重話我同家姐加埋要食13隻......

點知最後倆個加埋食左10隻都無就停哂手

再去睇片......

笑爆咀

細佬教我.......潛水！

首先細佬放臭屁 再大叫！潛水先啦........

我果時都未知......過左幾秒！

終於都明白點解佢話要潛水

臭到爆呀！

然後我都唔差...........一齊鬥放屁

大家都有好多貨！哈哈！全屋都好臭！

最後一齊潛水潛到.....透唔到氣.....出左廳一陣

笑爆咀啦！

細佬笑到流口水 叫我小心d唔好踩

點知轉個身....細佬就踩返自己既口水！白痴仔！

重有.....都唔知點解呢排細佬超中意黏我

頂！.....笑爆咀！大家黏黎黏去.....

最後咪係係口水大戰！

睇下玩下........2點幾度

倆個走去刷牙！

死白痴！細佬笑笑下將刷牙d水噴落我隻手到

好想報仇嫁.......不過我自己都刷完

等下次啦！哈哈........

之後......睇片.....又想睇多集

結果而家3點幾都未訓.......

睇完又去dl........

唔講住啦！細佬吹我訓覺....睇黎都睇到好累！

不過真係好開心........

我感受到有細佬既幸福........./\/\"

好美滿..........可以持續落去就好啦^^

>>July 23, 2008 at 1:49:58 AM GMT+8