2007 年 12 月 8 日 星期六 【颳風】

今日真係痴左線....

3 點先起身！/\/\"

超趕咁返教會....

今日教會就講性格...又做左九型人格

嘻！......我係 完美型！講得都好岩ge^^.....

哈........得閒玩下呢 d 真係幾開心

之後.......婷欣同我講左佢屋企既野......唉

家家有本難唸的經..........

6點啦！返工啦！今日經理係呀Joe 同朱凱

呀Joe同詠恩玩消毒藥水！呀Joe唔小心整到我！果時真係好死嬲

咁就講左句 頂你個肺！......我都知態度差，但我真係好唔中意消毒藥水既感覺

重要整到我隻耳仔！講完頂你個肺之後就去左洗耳仔！呀 JOe行過黎果時....

重以為佢會話我態度差，點知重好好咁同我講笑.......重話比我整返

我無整到佢......不過之後就無事啦^^

然後到左朱凱返！哈...........真係好人！請我同詠恩食多餐！開心到爆

呵呵............

1點左右就放工啦！拎左 d 野食比細佬同呀媽食^^

>>December 9, 2007 at 1:46:10 AM GMT+8

2007 年 12 月 7 日 星期五 【颳風】

陸運會第 2 日.....

真係好好彩..^^

60m 入到決賽....

哈.....拎唔到獎就預左

唔係包尾就ok la ^^

然後成日就玩下玩下咁....到左最緊張既 啦啦隊啦

第 1 隊！仁愛....今年仁愛既衫係最靚！ d 舞真係好正嫁.....但係就有 d d 唔齊

第 2 隊！忠信.......出場果時見到佢地拎住個 信忠！果時真係笑左出黎.....

佢地好齊呀.......... d 衫有特色......而且最好笑容係佢地

第 3 隊！和平.........好多勁舞...........好齊呀......衫就普通左

第 4 隊！勤勉.......衫就超怪........個人表演就真係威！好型咁！高難度動作企到超高！

但中途見到佢地跌左啦啦球.....可能無咩人知

原來今年三個社......都係差唔多樣既啦啦球.....忠信最特別係個圈圈，不過太細個

總知今日啦啦隊就真係各有各好......最後勤勉win....覺得都公平ga"

我覺得 d 舞最靚係仁愛...衫都係仁愛！最齊就係忠信、和平！最高難度就係勤勉！

哈哈！今日無啦啦 Penis 叫我賭.....邊隊制服團體操得最齊！

好啦！我買左 $10 女童軍！YeaH^^ ........咁我就多左 $10用！

之後 2 點幾先返到學校！然後就同西米、鐘楓、佩兒、琇盈、朱耳、呀狗 去左小金井食

食飽飽行兩行就走返屋企....

整好哂野...........然後返教會


去喪禮........今次.淑玲爸爸......因為心臟病....11月 16相信主 11月17日死亡

今日......八點半.......世盛 五樓 永孝堂

今次同上次既喪禮儀式，有所不同

其實........我已經比上次好左好多......無咁失禮嫁啦

上次就係我喊先........今次就係婷欣喊先.........聽到 d 歌.......唸到好多野

..所以........不知不覺咁就流左出黎.........

淑玲.....真係超級堅強................連小小眼淚都無流過(也許在心裡流)


由出世到而家.........原來已經經歷左唔小

婚禮去過、喪禮都去過.、滿月酒飲過、大壽酒到飲過、拜過山..........

笑過、喊過、失望過、絕望過、興奮過、失落過、傷心過、放棄過、長大過、快樂過、傷感過...................

好多挑戰，好多經歷，好多考驗..........

生離死別，我看過...............但我不相嘗試失去摯情親

我沒有勇力面對，更加不能像淑玲、詩茵一樣堅強

我不想！我不要！................................對我來說，我接受不了摯親的世逝

短短兩星期間.........眼看教會的姊妹，都失去爸爸

假若是我.......我實在沒法像她們般堅強

我明白到..........要珍惜........珍惜生存的每一日！珍惜每一個人！珍惜機會！珍惜所擁有的！珍惜...........失去的

還有很多得著.............例如堅強！

一直想！為何可以不流淚水？.........我幫了你流.........

>>December 8, 2007 at 12:23:19 AM GMT+8

2007 年 12 月 6 日 星期四 【颳風】

呀貴 生日快樂~"

今是係一年一度既陸運會！

哈.....個個有整黲食 ^^

呀姮既蝦片.......好搶手

西米既咖哩魚蛋........好味過出街買

鐘楓既炒鳥冬..........暖粒粒好好味

周彤既三文治........夠哂多可以齊齊分

重知名有特式！正......咁就食左個超飽既午膳啦

講返今日既賽事......哈！

我重記得有一年只係聽左 60m 就無聽到 100m

又有一年聽到 100m 就無聽到 60m

今年就真係夠醒目！60m 同 100m 都聽哂

初賽 60m係我果組第1 ^^

初賽 100m係我果組第2^^

之後就連住黎跑....唔夠氣

複賽 60m 第2^^

複賽100m第2^^

但一定入唔到決賽........

哈........算係咁啦！最重要唔係包尾咁就心滿意足啦

今日放左之後就去左慧安食野

食完之後......第 1 次睇仁愛啦啦隊 /\/\"

好靚呀 d 舞.......差少少就齊^^

仁愛 d 舞真係好靚！好有特式.......又有男仔裝！又有女仔裝！

其實我都係睇左幾次！其他都係玩多！哈哈....

然後 8 點左右，我就走左去翠林

因為呀貴生日

貴話想去 m 記食.......之後我、婷欣、詠恩、呀昇、呀貴、秋嬋、老鼠

都黎左.....老鼠最勁！本應喻上堂嫁.......但走堂都黎同貴慶祝真係有心

>>December 6, 2007 at 11:20:35 PM GMT+8

2007 年 12 月 5 日 星期三 【乍雨乍晴】

Pe堂....有得玩下籃球真係好

好記得上年同再上年.......打籃球既趣事

回憶......總是美好！能否再來一次？....就算再來十萬次，我也會奉陪！

打籃球又真係幾好玩^^

中四之後最無壓力既一堂，都可以話係 PE 堂la"

可以經鬆下，有得玩下咁..........

以前就話有音樂堂可以唱下歌仔玩下姐

而家，無嫁啦！所以 PE堂 算係最開心果堂！

哈~"我終於都留完星光lu...^^

上次小息食糖同帶頸巾，今次終於都留完！

留堂既時候叫左 Miss Lee歡容 黎教我會計

呼!!講左一次又一次！今次終於都有頭端啦^^

購銷捐益賬！and資產負債表！哼！.......無難度！ /\/\"

講左都半個鐘有多！我終於都明明地！^^ Miss 歡容姐！真係thank you 你*

企企下我就叫左 Mr楊sir！

我講大話！我同佢講我五點要去九龍灣補習！可唔可以早十五分鐘走？

之後佢就問我補咩呀？我話英文.......佢話ok "

過左一陣佢行黎問我，哇！十五分鐘去到九龍灣?你識飛嫁？你唸住搭咩車去？

我話 港鐵囉.....果時係4:40分！哈.....我就話其實你怕我遲到可以早 d 放我走嫁

之後佢就笑左兩秒！就叫我走lu"'

Yeah!! 講大話成功！我係要去九龍灣！不過唔係補習！係行下姐

因為約左詠恩四點四十五分係觀塘港鐵站等！所以就急急腳咁走

我去到觀塘，叫詠恩上車！點知佢搭左去調景嶺班車！

搞搞下！五點過小小先見到佢，之後咪行下行下

買左 6 個豆沙包呀！有排食^^ 又食左超多零食！哈哈........

結果就 8 點過小小先返屋企.............

嘻！好彩一早叫左呀媽買定 波籮腸仔！

聽日陸運會，所以就幾個人！每人整一樣野食！

之後就好似大食會咁齊齊食/\/\"

我咁聰明！緊係揀樣最易整既野食嫁啦 ^^ 「波籮腸仔！」

食完飯！今日又一齊睇電視啦！

哈哈.........呢段時間係好開心嫁！又笑又講！

^^而家呢兩個劇集都ok la" .........都幾好笑「兩妻時代」

重知........【在一起抱著肚子笑！就時快樂的時刻！】

媽咪！細佬！我地聽日又睇過！哈哈哈哈哈哈..........................................

之後........就開始整我既波籮腸仔啦！

好似無洗手就整！............我唸唔會中毒既^^

>>December 5, 2007 at 11:53:02 PM GMT+8

2007 年 12 月 4 日 星期二 【乍雨乍晴】

大彬生日快樂 ^^

寒冷冬季又怎能不賴床呢！

最近因為賴床......所以搞到差唔多每日都遲到

差唔多...每日都跑黎跑去或者急急腳咁走

今日最樣衰！以為自己就黎遲到所以係咁跑呀跑！！！

點知......原來都未夠鐘！其實重有差不多五分鐘先打鐘~"

上英文堂" 今日就係考oral 既大日子

有 2mins 準備 做 1 mins短講

我係Group 1 第4 個人做短講！

估唔到我都會怕羞！哈哈.......本身唸好左好多野講嫁

但又唔比寫，嚇到腳震震！希望會合格嫁！

題目：如果我係一個leader，我帶住 10 個小學生去西貢玩BBQ

點知就唔見左一個細佬女！咁我會點做呢？

唉！如果合格就好啦！

今日上堂.......一般咁啦！最留心！都係.......數學堂

今日講既野都係咁上下.......明明地又唔明咁^^很矛盾........

放學完左。我、佩兒、毛毛、琇！係飯堂等西米去食野

途中姮and佩兒都返屋企

得返，我、毛毛、西米！重有一個教人打拳既呀sir

去左慧安食野

哈哈........超好笑果個打拳呀sor 係咁講笑！

而琇盈就去左剪頭

我地食完就等琇盈剪頭！打拳呀sir就走左lur

係等既過程！我、西米、呀雞！一齊打牌！正野！

好耐都無打雀啦...........

琇盈剪完！又一齊打左兩場！

我之後就去左 M 記睇時間表！睇完就回家去了.........................

晚飯！吃了很多菜^^ 超喜歡食菜^^........健康！

哈！之後同呀媽、細佬一路睇電視一路食蝦片！

感覺真棒！



【在一起抱著大肚子，開懷地笑.......這些日子

不會多.........或者越來越少，所以.......我會珍惜】


看廣告其間，媽問我一個問題「你喜歡出國旅行多，還是留在家？」

我一直以為媽.......會比較喜歡多出，因為她出國旅行比較少

不論是時間或是金錢上等......她出國旅行的機會都很少

還記得她上次去旅行是為了公幹.......到了北京

從相中看到她笑得很甜.........但，媽對我說「我比較喜歡留在家中，總覺得家比一切要好」

想不到媽會這樣說........這個家，有了這個爸，真的會快樂嗎？他給了負債！壓力！

原來.........這個家，令媽媽覺得很快樂，很美滿！

我也是剛剛才明白..........媽的心意


可是...........我有一個計劃，我希望能夠完成

所以，我在努力的儲蓄！期望不用媽媽、姨姨等人.......付上金錢！

期望不用任何人的幫助！能完成這個計劃！

真的要實行這計劃........我大概要離開家一年才可

愛回家？愛旅遊？....................自相予盾！

>>December 4, 2007 at 11:05:15 PM GMT+8

2007 年 12 月 3 日 星期一 【乍雨乍晴】

帶住頸巾返學校，咁就比Miss文秀玲見到

陰公.....咁就比人記名留堂

佢話...要帶校樓先可以帶頸巾

其實我覺得頸巾比校樓更保暖......

因為校樓太過大件啦！好煩啦！

唉~"小息食糖比果個 Mr 蔡 sir......見到

又比佢記名！真陰公！

午膳又開盤啦！今次我係首次買！^^

買左$10 仁愛......唉~"慘敗！

咁就輸左 $10 都係中五果個仁愛社*(唔識串佢個英文名)

哼....超大口氣叫我買wow" 點知輸左！不過唔緊要啦.....

佢話請飲野！

然後..........閱讀堂果時，我地班會費又多左 $5 蚊啦！

真係要多謝 Penis" 呵！好一句 粗口！Miss王秀群收左 $5

會入落班會費度！哈.....大家日後講多幾句粗口等我地班會費又可以多 d ！

加埋Penus果$5 蚊........班會有 $887.6........

我都總算係有記錄到^^

閱讀堂過左一半！我同琇盈就比 Mr呀七sir 捉左去留堂！

又玩又傾！又睇書！睇左超耐既 冷讀術！今日終於都完成啦！

之後同琇盈行去慧安果邊，唸住.....去搵毛毛班人食野

點知差唔多到果時......佢地又唸住走，所以我地就唔去食野啦

我就返屋企啦！返到去.....同細佬一齊睇 多啦A夢！

又同細佬一齊食蝦餅，重有！等車果時買左個黃心蕃薯！呵.....好味

又食又睇！睇完之後就小睡一會！

然後就食飯啦......

食完飯！呀媽表演左一場！「肥婆 VS 大飛蛾」

不過我無見識到，事關我怕怕！

呀媽話好大隻嫁！佢重話唸住用黎嚇我！不過就算啦！佢都覺得太嘔心！

好彩我無睇到姐！呵........


哇！今日帶左超多麵包！重要係鹹牛肉黎！

本來以為好好味啦！點知我食左一塊就已經要放棄啦！頂唔順！

好難食！唸住午膳求其咁食埋佢！點知原來買左輝仔個飯！

所以就浪費哂 d 包包啦！...............

今日喉嚨超痛！又聲沙！.........希望快 d 好返啦！

哈哈！超耐都未試過流鼻水！原來都幾得意！哈哈.......

兩鐵合併第一日正式通車！呵！有 d 想搭下所謂既 港鐵！港鐵！港鐵！

>>December 3, 2007 at 11:51:12 PM GMT+8

2007 年 12 月 2 日 星期日 【乍雨乍晴】

鐘楓~"生日快樂!!!^^

先講講星期六........

由11點返學返到4 點.........

又係補課果d 野.....補到咁耐，當中重好想訓......但都無訓

覺得數學班教既野，比起學校學既野難d ，要比心機先

返完學就返屋企訓陣......訓到七點幾

就同屋企人食飯

食完大約九點半就去左翠林搵詠恩拎張greenbox卡同傾左陣

之後......佢就送我去搭車"

11點就集合啦！大大班人去唱k....鐘楓慶祝生日

哈~"一到12 點就緊係比禮物啦

當中又唱歌又跳舞好開心嫁

重要係咁講。我係傻仔 = = '"

3點幾同西米落左去 7仔！中間發生左勁多笑話

當然.........我係比人笑果個

等面積同濕佬黎等左勁耐！

等佢黎到就買肉醬意粉比鐘楓食

食完之後累累地呆左一陣

5點45分就走人啦！離開k房就去左 m記食早餐

食完就返屋企訓覺啦！

七點一訓就訓到四點........當中都比人o曹醒過！不過無理到！

一直咁訓！起身重好累好累.........呀媽整左米線比我食

食完就玩電腦..........


鐘楓..........生日快樂呀^^

毛毛........笑返啦^^我地聽日放學去食野/\/\"

>>December 2, 2007 at 7:05:07 PM GMT+8

2007 年 11 月 30 日 星期五 【颳風】

尋晚…聽到呀媽又同呀爸o曹

又係叫老豆走！唉…..

我都好想請老豆走！好心啦！機會都比哂你！你重想點？

你咪又係走去賭錢！留你係度做咩…..

大佬！你想點先？機會又比左……

但有珍惜過咩？一個月都未夠又賭！

叫你走又唔走！妖…….獻世！完全對你無期望！

聽到呀媽一把一把咁打佢！爽呀！……活該啦！

一早就應該打扁你！

太眼訓既關係，所以今次o曹我只係聽左幾句

覺得對白太過厭！所以都係訓覺！

其中老豆既一句對白「打啦！打啦！你打死我啦！」

好心就比 d 創意啦！……妖

--------------------------------------------------------------------------------------------------------------------


哇！今朝返學如果唔係跑！我就一定遲到！

因為有個好例子就係*(所謂既呀PAT)

笑死我啦！佢對住我講「你重唔跑？」

聽完之後我就一直跑跑到返到學校我先停

但……..Pat 佢重慢慢行，結果遲到！真係笑大我個嘴！

今日上堂一直都無咩野………………………………...............

放左學就同呀姮去左買禮物比鐘楓^^

希望佢會中意啦^^

之後…….

就返屋企屙屎！沖涼洗頭！換好衫！出去尚德打邊爐

哇…….好多人！多到唔記得邊個打邊個！

都好好玩！哈……爭肥牛！

食食食……食完覺得有 d 肚痛！

我、毛毛、朱耳 都係咁……..= = “一定腸胃太好啦！

食完就上左彬屋企玩！

玩鋤 d 5 毫子一隻！咁就輸左 4 蚊…..

重要輸比西人！真係唔份氣…..

我、扯扯都輸左 4 蚊。忠仔就輸左 6 蚊！

玩左一陣就走啦！因為聽日要返學！



我要買冷(無)！銀包！電話繩！^^

>>December 1, 2007 at 5:25:13 PM GMT+8

2007 年 11 月 29 日 星期四 【乍雨乍晴】

topic:上堂食砵仔糕

估唔到第3 日著冬季....就咁快帶校樓

嘻^^...而家因為太過凍所以.......載住隻手襪打日記

原來係好有難度嫁！載住黎打成日都會禁錯隔離個鍵

不過太凍啦，要帶住黎打


真係陰公，呢幾日上英文堂都好眼訓，堂堂都差d訓著

小息同陳大彬玩埋 d 低能死搞到我係咁爆粗！

整到我係咁爆粗！

商業堂 西米 你應該好開心啦！

七個人幫你一個作文wow" 你重要訓覺

七個人幫西米作左五百幾字，不過我地又食白糖糕又食三文治

我地幫西米作「帶著目標上路」

有我、琇盈、西人、肥邦、徐玲、黃曉紅、陳力彬

一共七個幫西米作文！你真係幸福啦！

之後旅遊堂

我係度喂 琇盈 食砵仔糕既時候

比朱耳發現 對我講「車神，食砵仔糕咁正呀」

咁梁端玲....就發現左

Miss端玲話「廖美儀同學於 07年11月29日11時45分偷食砵仔糕,如有下次就留堂」

哈哈........之後午膳，和平對勤勉

和平win 左.......YEAH^^做左第三名

放學同佩兒、西米、姮、欣、琇盈、毛毛 重有我

呵........又去慧安食野！之後.......食完就去左買媽咪麵同珍寶珠！聽日上堂食！

4c偷食文化！哈哈哈....................

食完等左陣婷欣就黎左，同佢又食過，食完就返屋企

之後又再食飯！哈.....今日有便便啦！太好啦！

>>December 1, 2007 at 5:24:33 PM GMT+8

2007 年 11 月 28 日 星期三 【颳風】

丙喬^^生日快樂~"

唉~"....遲集隊

真係好廢......因為自己賴床既關係

所以今日遲集隊....><"陰公已經係第 2 次啦

第3次就要留堂嫁啦.....

真係唔多想過返以前留堂當食飯既日子

唸返以前.....真係覺得自己好壞....都唔知個死字點寫咁

哈........而家唔同嫁啦！個頭都電直埋！

連頭髮都唔比人捉" Yeah! ........逃離留堂既生涯^^

今日..........英文堂訓左陣......搞到 Miss 係咁叫我全名

好似好耐都無咁大膽上堂訓.......因為我坐第一個位....所以唔敢上堂訓^^

不過英文堂真係悶到頂唔順.....

之後中文堂就作文「減肥潮流之我見」.......都唔算太難作

不過我重未作完

小息.......因為喬喬生日。所以就成個黑板都寫左生日快樂等等既

祝福語...見到都覺得開心

如果我地班其中一個人生日，我都成班都咁寫生日快樂等等

咁就好啦，一定好開心，一定係一個好回憶...^^如果我生日係咁就好lu^^

會計堂.........明明係好中意，但.......因為聽唔明

所以就傾計，不過傾都好開心，但.........要快快學返

購銷損益賬同資產負債表先得........有排先跟得上

之後......經濟因為呀sir" 要帶隊去踢波

所以.........上左一堂佢就走左

剩下既時間就比我地傾下計，玩下，笑下

都好開心嫁！

之後就黎放學既郣時間........本身同秀盈一齊留堂

但後黎........呵.........我唔洗留，因為我話佢搞錯左

之後我就走人

然後同西米、姮、程裕、彬仔

去左慧安食野

食完無啦啦比彬....推一下

咁就跌左落 d 草到，真係好樣衰

比 d路人笑................好樣衰

之後就返屋企，點知...無帶 Key

坐左係樓梯等左.............老豆一陣

終於有門口入，然後訓左陣，之後就食飯

今日有蝦食.......但無之前果 d 咁入味^^

天氣凍左超多.....大家都唔好冷親呀！著多幾件衫.........

>>November 28, 2007 at 10:26:43 PM GMT+8