2008 年 6 月 22 日 星期日 【晴】

2日3夜 教會營....討厭!連續黑仔!
7月22-24日
日記：點呀？幾日無見.....過得開唔開心先？

我：唔開心.....黑仔到爆！唉"

日記：好啦.....等我睇下你呢幾日做過咩先^^

--------------------------------------------------------------------------------

7月24日 (四)

9點返到學校補課

無唸過原來我係第1個到^^

補到11點半走.....

因為要趕住返家換衫...趕住去教會集合

所以訂書方面....要麻煩呀姮幫我訂.....唔該哂^^

然後我就沖返屋企.....換好衫.....檢查有無野無帶

然後早左d出門口....因為想去 士多買野飲 所以早左d出門口

再去到士多買野食同野飲......比完$*(係20蚊紙)

我話唔洗膠袋....放左個銀包係收銀櫃檯...所以就放野食落個背包度

收好佢找既散銀........轉身走

唔夠 5分鐘已經發覺唔見左銀包

細心搵左一次....果時我只係轉左一個彎

就返去士多問有無汁到銀包....

士多d人話 ： 無

重話....細路女 d銀包有幾多錢.......我地都唔貪果小小啦!

之前有d人留低左個銀包係度.一個月.....我地都會比返佢啦....小小野我地都唔貪..

最離譜就係........我都無見過你個銀包 我見你用散銀包比錢

心唸！無野呀fa.........我個散子包細到無可能放到紙幣嫁！

根本我已經發現自己唔見銀包係5分鐘之內....

加上我咩地方都無去過......所以唔見既地方只有士多

唉...............銀包就係咁唔見左

之後......秋嬋都過左黎

重陪左我去.....警署報失

而其他人就先去camp.....重幫我、嬋拎埋行李....唔該哂你地

今次係我第1次入警署同報失.........秋嬋重比d警察以為係我呀媽

報失：身份證、回鄉證、巴士證、八達通、恆生卡、渣打卡、學生證、現金.......

然後就一直都要靠秋嬋....搭98c->火車->小巴

再打比朱程問佢報領左身份證未....如果未就唸住一齊去報領

點知........原來報領左未拎.....所以佢拎果時我去報領

唉..............無錢用真係好痛苦又唔好意思成日借

去到camp site 粉嶺浸會園......好彩我同秋嬋入去果時都唔係遲好多姐

之後......就開始game 要青蛙跳......真係無唸過自己隻腳會咁酸軟....咁痛

玩完呢個game就已經覺得........好痛！行落樓梯真係好唔掂"

原來我真係太小運動....到而家郁一郁都痛到爆

好彩唔只係我一個.....大把人都痛姐

之後食完飯之後既活動就係我同呀Joe帶(罪)

好多謝有呀Joe...如果唔係我都唔知點算

其實我自己預備既......真係太小

所以...........我下次會更好^^

然後就係最快樂既時刻！當然就係沖完涼大家圍埋一齊鋤D、Uno、7級珠 la ^^

呢個時間唔可以無！更加唔可以小......

除左玩之外 彼此既關係其實係咁建立出黎.....

11點既時候 謝傳道 叫我地關燈

叫左3次.........不過果時我沖緊涼唔知發生咩事

跟住因為熄左燈所以就成班出左去玩

好玩.....因為開始熟.......可以講下笑

1點清場返房訓......刷牙咁.....其實已經好靜.....不過佢地都唔滿意


--------------------------------------------------------------------------------
7月25日 (五)

我叻女.....帶左麥片去沖

食早餐果時...唔洗借錢都有野飲........^^

因為我朝早又洗多次頭........個頭濕

所以我就無用髮夾 用隻手禁住

紅娟問：點解要禁住個頭既.....(可能以為我唔舒服)

我：個頭濕濕地唔想夾髮住

過左一陣我食埋我個麥片之後

我就拎個髮夾髮好個頭

詩茵：超.....原來有夾嫁 又唔一早夾

我：頭先個頭濕濕地

詩茵：我唔覺得而家又有咩分別囉

我：冷笑(心唸：我夾唔夾關你咩事)

之後詩茵就係度話.....d人唔執椅 基本禮貌都無

好彩我重坐低......有幫手執姐"

之後有小小休息時間........頂！黎M囉"

重要無帶到........

搞到唔知點算好！

之後就玩尋寶遊戲、運水遊戲

一直詩茵都無投入過

到左中保既遊戲.......發生碰撞！搞到我撞到詩茵

不過其實只係佢向後行......撞到椅腳先會跌到

係度話我....暴力

到左總結......謝傳道....................唉"

係度講d野搞到好想駁嘴

當我聽到傳道果一句：d人係咪要面要到咁呢?"

不過........無咁做...紅娟就出聲：唔係！唔係咁嫁！

太好.......講出心聲！重講埋......次次都活動緊都掛住訓有咩資格話人！

真係好鬼唔中意聽謝傳道講既野！一黎悶！二黎好針對性！三黎無論點！

到左晚上！其實悔改呢part真係好悶....食飽飽重要睇文字

我有好幾次都差d訓著........

不過見到初中果班會努力試都好開心

然後又到謝傳道講野主題金句係囉................

頂佢！明明句主題金句係佢拎出黎比我地揀........但而家同我地講

呢句金句唔夠好！如果有埋你果句先叫完美？

點解要有埋你果句先稱得係完美？......

你讚完本營刊再話要有你果句先叫完美

我真係覺得.....好唔開心！好想出聲講！好想駁嘴！

不過........我相信就算我唔講都會有其他人講...另外都會有機會比我講

重有！我覺得你果番說話唔應該係果刻講！

可以留返檢討果時講囉.........！

都唔知個傳道黎做咩！咩活動都唔參加！講野就批評！頂！

最後就到我地最快樂既時刻！又係鋤Dee

不過今次鋤得好正！因為輸左要被罰！好正！

雷獸射球！草本精華廣告！木村廣告！

我都輸左........要扮 草本精華廣告！哈哈！不過好好玩

但係11點度謝傳道就返左黎

所以成班人又出左去玩！

7級珠......好野！我係0級！

再玩uno" 1點度就清場

今次唔同左........所有女仔都去完廁所先返房訓

為左唔好再o曹到訓左既人

所以今次真係好靜.......

--------------------------------------------------------------------------------
7月26日(六)

起身刷牙果時.發現.......唔見左牙刷!

連牙刷都唔見......三日連續都好黑仔...重要對住d黑面人！..頂！

估唔到尋晚我地咁靜

但詩茵一朝早起身又係發牌氣

見咩鬧咩........好煩！好討厭

到左最後既活動 永生永死

摺紙既時候..........詩茵同志成 對罵

因為有d人摺得到有d就唔得所以.....

詩茵就話：我地個個都係小學生要用小學生既教法,要我地從頭摺過

秋燕再開始教啦.......但係都講得唔太清晰所以志成就補充小小

不過詩茵就話志成唔尊重 重話團斐d人無禮貌 又話小學生咁

又叫志成唔好做啦....放棄摺吧啦！

所以......志成忍唔住講！

志成：你坐返低啦！你唔係主持人黎嫁！你有咩資格出聲呀?

詩茵：下一part係我有份帶

最後詩茵講：終於都講出心底話 橫掂我都唸住早走 呢度都唔需要我嫁啦

然後詩茵再講補充多句：下一part給比秋燕 你可以帶埋落去 帶唔帶由得你啦！

我覺得！無負責任！因為你明知下一part 係你帶！

唔成熟！你話想走就走.....咁我地個個見到你黑臉咁耐夠想走啦！

無做到榜樣出黎！成日都叫我地比個好榜樣出黎！但第一個帶頭走"

態度差！無包容！無體諒！

由25號早上！已經黑臉都無停過.....個個都因為咁遷就你

包容你既行為！體諒你既說話同舉動！

重要一走了知..............你既身份係導師黎嫁！

唉.................重知根本就唔開心

詩茵走左之後d活動都如常進行到......

我地食完飯就搭旅遊巴回教會.........

再係教會有返個討論不過初中果班走左

大家都講哂.........對於傳道同詩茵既睇法

同好多個人感受......都好坦誠

6點幾度就走......返到家就真係覺得好累

除左因為青蛙跳搞到隻腳好痛之外

戒個人都好眼訓

所以......返到屋企就訓覺

食飯之後就沖涼

再打日記......睇電視"

--------------------------------------------------------------------------------
其實係呢3日2夜

學到忍耐！....就算詩茵同謝傳道講既野

我真係超唔認同......我都會忍到最後

重有包容同體諒

另外開心既係可以同班初中既比以前玩得開心

因為熟多左.....

帶活動其實真係唔容易..........

而家真係好慘......連身份證都無......

>>September 27, 2008 at 12:57:14 PM GMT+8

2008 年 6 月 20 日 星期五 【晴】

涯左咁耐.....鬆一鬆喇"!
??

開心定唔開心?真係唸唔通....

涯過左呢個考試一星期....輕鬆哂

考左 旅遊.....唉"吹得就吹......答黎答去都好似無重點

英文作文.....死左！人地講環境！我講健康！shit

數學......哇!!! 真係唔好講笑 溫黎溫去得個吉

中文口試 題目：大量花費係動物身上係合理？定係浪費呢？

頂........食哂(羅)C ！真係..........完左口試之後又唸到好多重點

以上題目！我揀左合理嫁！

中文作文：我揀左作 塗改液!! 應該合格掛

之後就係今日啦！EcOn ！10點溫到1點幾就走去訓.......

所以唔係唔識既......只係所以圈套我都中哂招！唉......................

但都應該合格掛........不過MC 真係好難...轉筆定生死



雖然....已經過左考試一個星期 但重未感受到考試氣氛既存在

放左學重去 肥霖家 打機.....雖然好好玩 但就失去溫習既時候

明知今次係學期最後而且係最重要既考試

但.......力不從心！有心無力..."

唉.........唸多無謂！唔考都考左......買個教訓.....邊個叫自己咁唔自制

重係餘下 3日 會計、英文口試、商業！

會計..........唉........高分就好啦....唔想失手

前面一失手.......真係後果自負！

商業？唉......Miss 王秀群 講左等於無講.....都唔知點入手好！





今日放左學留左係度溫會計

不過11點幾搞到5點幾 先做得果一題！

考試時間 2個鐘 但要做4題 頂.......點算？重要係望住個答案黎做

唉......................................................................

^^之後同呀姮係 姮媽做果間鞋鋪度

我都有份幫手^^ 真係好得意.................哈

雖然時間唔多！不過覺得好搞野....

之後姮陪我去搵肥霖拎返我既眼鏡(尋日留左係肥霖度)

之後就買糖食就回家去.......









西米、周彤搞事^^點我玩""呵...


--------------------------------------------------------------------------------
Q1 你會選擇在什麼時間親口和愛人表白 ?
ans : 點都唔會講出口！


Q2 如果你喜歡的人說他的愛人是你 但是又暫時不會跟你一起 你會等他嗎 ?
ans : 係鐘意我既...又點解要暫時唔可以一齊？...應該都唔等"

Q3 愛情的定義是什麼?
ans : 你情我願....

Q4 如果你的愛人死掉 你會怎樣
ans : 可惜 ...而且會珍惜以前擁有既過去

Q5 你愛的人對你做過了什麼事情是讓你感到開心咧?
ans : 真心相愛...就算做咩都會好開心

Q6 愛與被愛你選擇那1個?
ans : 當然係被愛 (人係自私)

Q7 面對著1個你明知道是不可能跟他發展的人 or 他1定不會喜歡你的人
你會不會繼續麻目地去喜歡他 or 去喜歡第2個? why ?
ans : 唔會繼續鐘意！...無結果既野做有咩用?....

至於鐘意第2個?就要順其自然！


Q8 如果時間可以倒流 你想回到哪時 ?
ans: 我要返去呀媽個肚到！我要等到有呀哥先出世/\/\"



--------------------------------------------------------------------------------


其實做呢d問題都幾好玩.....哈

>>June 26, 2008 at 12:27:27 PM GMT+8

2008 年 6 月 14 日 星期六 【晴】

收穫?浪費?
精彩.....7點幾起身

太過眼訓...所以飲左權咖啡 先返學

無錯！^^8點度返到學校....過左陣呀姮黎啦

之後睇左陣經濟......彈性彈黎彈去 我真係唔識

灰呀....完全死左係度 9點度Mr 小達 sir 黎啦

上左去3樓 真陰公.....聽黎聽去都唔多明咁

一直講...講彈性 同 小小市場干預 就無啦

去到12點 我、sir 、姮 齊齊行去地鐵站

然後 就返家 換衫......食生菜魚肉

之後就搭98c 出去旺角

除公.....塞車！再加上同呀媽換貨

遲哂到.....對唔住 西米、呀姮、Miss 文慧

之後就係朗豪坊間野 坐定定 聽英文....

學到點寫言論文小小........不過真係好多生字都唔識

要背多d先得......moreover 重傾計

5點度.... 文慧有野做...所以走左 西米行得太快都走左

我同呀姮去廁所 再係度行....咁就行到7 點度

^^又買左超多野.......yo!

開心既係有好多收獲.....nuthermore.......浪費左一日溫書既時間

有得又有失.........但真係好開心....又有新衫著^^

>>June 26, 2008 at 12:28:08 PM GMT+8

2008 年 6 月 13 日 星期五 【晴】

放假"
中四上學日 經已完結......

經歷好多既一年...整年內 百感交集

唔開心有好多 但 開心 就更加多

由一個階段走上另一個階段......

得到既快樂亦有唔同......快樂既方式亦唔一樣

係4c入面我覺得....平時既我地係唔團結

但一到左特別事 4c 都會有另一番表見......

^^ 經過一年相處 希望中五4c既5c 都變得更加團結

過得會更加開心....時間有時真係過得太快 快到有d過份.....

學到既野真係好多....課程好似趕黎趕去都未跟得上個進度咁....

好彩 有幾位老師......無論我上堂既表現再差

都會解答我既問題........衷心多謝你地"^^

除左多謝你地既教導 亦要多謝你地一直都從旁幫助 多謝你地^^


--------------------------------------------------------------------------------

--------------------------------------------------------------------------------


今日 教師專業發展日 放假

放假其實好開心......不過可能因為就快考試開始覺得就黎爆

讀黎讀去都好似無放過野入個腦到.....

有一刻想出去機鋪 打拳！！

又想出去uno.....不過都無做到

只係同細佬落過街買野食

其餘時間都留係屋企......

讀黎讀去個腦都係空..........................

>>June 26, 2008 at 12:29:43 PM GMT+8

2008 年 6 月 12 日 星期四 【微雨】

最後一日 上學日"
離別既一刻.....又要開始

著住校服......帶住pe衫

返學既日子.......真係狼狽

中四既最後一個上學日......竟然無好好珍惜

今日.....之後可能再見唔到一d同學仔上堂

可能因為最後一日我只係掛住傾計....

英文、數學、商業、pe 時間通通都過左.....而且過得好快

放學就同呀姮去搵Miss歡容

再之後.......就同係細細佬去買野....再同呀姮、朱朱 去景林

之後就回家去

中四最後一日上學日.......同學仔希望下年可以再見面"><

>>June 13, 2008 at 12:03:35 AM GMT+8

2008 年 6 月 10 日 星期二 【微雨】

變
朝早有個老師選舉

每人兩票....第1票落筆就比 Mr小達sir

第2票....唸左一陣最後決定係 Miss歡容

呢兩個都係眼中既好老師.....

而後果個人叫我寫多張.....Miss文秀玲 係你啦....

雖然無比你教過....但 對你感覺一日比一日好



--------------------------------------------------------------------------------


放左學去搵Miss歡容溫下會計

點知.....到左返屋企做既一刻就死左係度

唉.......好唔識呀！

然後放學同呀姮去左......茵怡uno

同姮再去惠康陪我買咖啡

再去左呀姮媽 既鞋店 買鞋......^^

好中意......唔同之前咁.....哈

變" 我中意......呵呵

以後返屋企食飯........

>>June 26, 2008 at 12:30:52 PM GMT+8

2008 年 6 月 9 日 星期一 【微雨】

端午補假....
端午"棕"都未食過.....

成日都係屋企咁

起身.....食野.....訓覺.....落街掃貨.....

食野...沖涼....食飯.....落街換野.....差唔多訓

真係無聊又似豬既生活.....................

電話重未拎返.........."聽日先拎...

>>June 13, 2008 at 12:02:16 AM GMT+8

2008 年 6 月 8 日 星期日 【綿綿細雨】

行街^^
尋晚真係訓得好差

朝早 9點幾就要起身....

然後就返教會

完左教會就同鐘楓、呀姮 去旺角

鐘楓幫呀彬拎電話......我就去整電話

然後....我地就行左一陣再食野.....再行過

買左 3條褲 分別係 短 、中、長 ^^

買左 2條裙 黑、籃^^連身....

真係開心.....因為除左短褲之外.....件件都變左至愛^^

因為真係好中意.....呵呵

不過咁就用左 $$ 要節省開支......鬼叫無返工咩...

不過都就快中五啦.....係時候要做返一個學生！

為考試努力！........

睇黎今日我買d褲呀媽好中意咁........

>>June 8, 2008 at 9:24:02 PM GMT+8

2008 年 6 月 7 日 星期六 【颱風】

打邊爐"
今日真係勁....黑、紅、黃 暴雨都黎齊

12點幾起身.....

1點幾煮長通粉早餐同細佬一齊食

然2點度返教會.....返到去詩班無人

所以就坐左一陣.....3點幾團斐開始啦

今日有成24個人....因為我地今日包"棕"

^^包棕又真係幾好玩......幾得意

我包左 4隻！......4隻都好得意好靚嫁.......

包完之後無幾耐就完團斐

之後呀媽打黎同我講....今晚唔煮飯

呀媽要返教會....細佬同老豆唔洗理

話各自各精采.......咁所以我就出去 彩明打邊爐啦.....

7點幾打到11點幾

有我、朱朱、肥仔、黃永"生"、肥文、肥"型"、西西、朱程、仆街朱

打完之後去左搭MTR 去寶琳地鐵站....

同西西、肥仔 吹左一陣水

無幾耐....西西走左....我同肥仔吹左一陣

就去左茵怡公園搵呀姮......坐到 12點半 就返去..

返到去整好 1點幾就訓

點知....訓下又醒下 2點幾醒左

3點幾先訓得著.....可惜5點幾又醒返....

可能因為我發左一個唔開心既夢

我夢見呀姮比車車死.......

大家都好傷心.......呀姮你千萬唔好亂過馬路

...........................你福大命大！唔好有事....

六合彩金多寶都未中........千祈唔好做現實"

>>June 8, 2008 at 9:23:29 PM GMT+8

2008 年 6 月 5 日 星期四 【酷熱】

早退(覆診)*
我過份起來了....

尋晚到今朝....腦中只係唸住食

食一樣 餐後小食"

今朝唸住去既時候......

有位好好友(楓哥) 提點一下.....睇黎我真係過份得好緊要

楓哥講得岩.....風險太大

但我重係好想好想.....不過緊係要聽楓哥話啦...係咪先?^^

所以都無去....乖乖地行返學

今日無帶傘 好彩無落雨 如果唔係.......一定要怪老豆！

因為係老豆叫我唔好帶.......

之後上堂都無咩野既......

係商業真係覺得好煩！考試都就到！死都唔比考試範圍！頂你咩......

旅遊真係好怕會唔合格....到而家都未教完書

但係16號 (第一科)就係旅遊.....我的天！我唔要衰係呢科！

然後......午膳之後就早退

一離開學校就可以食 小食"yo....一嘗我心願

之後返屋企...搞搞下...遲到

遲左成個鐘先去到....容鳳書

上次搭錯2次車 今次行錯路！真係過份蠢！

好彩皮膚科果邊無點話我遲到

果度果個 趙sir 講野好搞笑....搞到個個都以為我同佢認得咁

係等叫我個大名既時候 有個呀婆係度搞事

搞到d護士、姑娘 都火到爆 ！要叫d大粒野出黎

之後個呀婆一路講d唔知咩話 但我覺得佢講緊粗口

一路比姑娘扶住走(送客咩?) 哈......

之後叫到我個名....

..果個護士.....話上次驗血 發現我體內既血糖同抗體有d唔正常

重有d 物質有唔同....佢話 未必有事，唔好擔心

開左張野叫我去 聯合醫院兒科內科 排期

shit！發生咩事.....唔好嚇我...唔想死住

然後開左 4枝 藥膏 比我....重有下次 覆診係 9月25日 3:15pm

聽到真係咪話唔驚....咩唔正常！唔同咁.....重講左好多 但唔記得

然後就去左樂文姨公司食個下午茶

之後就幫樂文姨公司去左地鐵站交收d貨

果條友遲左10幾分鐘....

我都唔差！我有得食......食住等真係等得開心

交收完就去.......牛頭角 學人跳舞 yo!

幾好玩.....不過我做得好樣衰

然後.....果度又有果d認識自已既遊戲玩....

就係有一d只有一半既句子.....要做埋下一半

都ok！例子：假如有一百萬你會___儲起佢_______

你是_大頭傻仔__,

你會點忠告你子女__唔好行差踏錯_防人之心不可無_日久見人心__

你可以改變世界上一樣野你會改變___人既心_____

你希望你父母對期望__唔讀大學都有作為___

其實都幾好ok" 幾中意玩呢d野

學完就回家去......



--------------------------------------------------------------------------------


隱形筆熱賣恐變作弊工具



報道，「隱形筆」外表與普通筆差不多，

但筆帽比較粗，而且還有個小燈泡。

「隱形筆」使用一種特殊的化學原料，墨水透明，

寫在紙上什麼也看不見，但只要用筆蓋上特製的熒光燈一照，

就可看得一清二楚。很多小學生平時上課時，

如果想講話，都會用隱形筆寫在紙條上傳給同學，

即使老師沒收紙條，也只看到「白紙」一張。

一些學生平時還利用「隱形筆」來「紋身」甚至整蠱同學。

特製熒光燈 一照即現形

關注學生利用「隱形筆」作弊的情况，部分學生在考試前，

會將要背誦的課文預先寫在桌子上，

考試的時候如果不懂就「亮燈」查看。有教育專家則表示，

無論是用於作弊還是整蠱同學，隱形筆都會影響學生的身心成長，

學校和家長除了要給予指導外，還呼籲停售該類商品。



--------------------------------------------------------------------------------


考試黎啦！搞到我都想買返枝黎對付考試tim.....

不過！唸下好啦....係小事上唔忠誠！大事上.......後果真係唔敢唸！

重知.....覺得新奇有趣就算啦！廖美儀！可以用黎玩！

但唔可以.......用黎做d 錯事！唔好同我講你會考都唸住用呢招！

你同我生生性性!!!!!醒醒定定!!!!!!廖美儀！廖美儀！！！！

不過我想係停售之前.....買返幾枝絕版貨

>>June 5, 2008 at 11:37:51 PM GMT+8