2008 年 3 月 7 日 星期五 【微冷】

家長日

有其母必有其女

呀媽尋晚叫我 8:45am 要起身

點知大家都掛住同周公玩 所以成 9:15am 先起身

遲到搞到好似係必要既事.......我唸我成日遲到 都係呀媽遺傳比我

umu....去到果時得呀 sir 係度傾緊 所以就同呀媽係門口等

點知 Miss 王秀群 叫我地入去....呀媽拉左我一下！明哂！同我唸法一樣

我就話：唔洗住la.. 我地見呀sir

呀媽話.... d 女老師太中意搶對白啦 唔多想聽

點知入到去見既時候 呀小達sir 提出兩個班主任一齊見

呀媽 立即望左我一眼

坐低就望下考成點......呼~"......好彩合格

都係一樣.....語文唔合格 不過語文好好彩平均就合格 謝天謝地^^

再睇下.....評語：活力充沛，百尺干頭 更進一步

之後呀媽就同我一齊望下.....點知 Miss王秀群 無啦啦提出講成續表

果然....同佢平時上堂一樣樣 廢話 照住黎讀

講完成續就講下我平時上堂

Miss 王秀群 就話上堂好活潑 成日都會問問題，不過都問得有見地^^

Mr 小達sir 就話 我上堂偷食^^

聽到呀媽係度笑！

之後講下 補習 d 野就走人lu

完左之後呀媽話 點解你個呀sir 唔出聲？早知就唔等佢喇

再話 ：你個 Miss 好無聊，照住張成續表同我講成續重以為佢會講 d咩

我初頭都有留心聽，點知........睇睇下佢原來係 照住黎講

以為我無眼咁！.........無聊！ 一個唔出聲 另一個講廢話.....

不過算喇....都係最後一年家長日 以後都無機會見


之後就同呀媽去籃田 食野

我就去呀婆家lu

係呀婆家就坐左一陣 呀婆又比左果 d 手鍊比我.....

見係呀婆串同買，我先會帶......如果唔係.....唔制^^

再同呀婆搭的士去聯合醫院

陪呀婆睇骨科

照完 X光就睇報告

好彩.....醫生話呀婆無咩事

腳腫同膛腳痛都係因為.....年紀大所以先會咁

好彩無咩事姐...嚇得我

之後同呀婆拎住 d 止痛藥就去樂文姨公司

^^收到3 封生日利是 細知舅父比$1000 樂文姨$1000 明姨 $300

多謝多謝....爭好想要我好想要既地圖袋

不過........可能唔買.....周街都用

遲 d 再算 ^^

之後就同姨媽、呀婆、明姨一齊坐明姨既男朋友既車 去明姨家(青衣)

去責衣食飯 再上去明姨家訓

因為聽日出發去澳門 /\/\"

Ps: 尋日叫老豆幫我入果 $3千7

果然無估錯比老豆拎左$500

就係信唔過老豆 所以佢無完錢我就去check 點知真係小左錢

同呀媽講唸住佢會對老豆死心 點知重幫手解釋話 漏左唔記得入

老豆話係因為要入咁多就漏左一張無入話聽日比返我

食屎喇！漏左就尋日已經比左我喇！我唔講出聲！老豆一定唔會比返我

$500 唔係多 但已經睇得出老豆係咩人 都唔明點解呀媽要信佢！唉......

最後：

老豆今日生日 ......老豆 生日快樂~"

重有會計堂坐係我後面既 少顏 同學

少顏同學 生日快樂~"

>>March 8, 2008 at 12:34:47 AM GMT+8

2008 年 3 月 6 日 星期四 【微冷】

返學....無咩特別

只係一直期待放學

跟鐘楓、田雞一連串活動

開心！等左好耐喇...3回....一同共11

有 M3 唔中意！買左一個包！再去和庭食野！

所以去到和庭就無食lu

.....唔記得有幾多係度lu

返到家...沖涼喇

再玩多一陣電腦就食生日大餐

哈....補祝我生日....預祝老豆生日

事關老豆聽日生日

所以今日有得食生日大餐

食完飯又食蛋糕同水果

呵...............

唉...不過.....聽日就係家長日喇

陰公.......都唔知班主任會點講我><"

聽說今日係中五既 last day

見到有人笑又有人喊

咁....我下年會係笑果個 定係 喊果個？

好想努力讀書 但只係有口講無心做

口話想努力.....心就想去玩去試未試過既野

>>March 6, 2008 at 10:53:31 PM GMT+8

2008 年 3 月 5 日 星期三 【颳風】

亦都係無心上學

平時好小上堂會訓嫁ma"

今日患上洩哭症

好想訓.....所以訓 ^^

放學要留留堂班

不過過得好快

因為又要做 news cutting 又要做...中文作文

作完傾一陣就放得

放左同毛毛、雅莉、琇盈、濕仔 去新都 m 記食

過左一陣就走人lu.....

返屋企就睇電視 玩下玩下咁就一日

今日終於都叫左老豆聽日幫我入錢落銀行

比左 $3700 我既利是錢同之前儲返黎^^

老豆竟然話借住比佢先....

我話 咪發夢！我唔會借比你！

佢話：我比返利息你喇.....下個月幫你入返 $4千

我：唔得！唔制！我d 錢唔係要黎借比你既

........坦白講！我先唔會信我老豆借我錢會還比我！

而家補牙果 d 入會費 $ 250 要我比 ><" 如果唔係我就可以入 $4 千喇

又話請我睇牙當係我生日禮物 點知入會費要我比

不過始終都係老豆 無得計既.....

只好等佢入完錢落我戶口先再叫佢幫我 交學費^^ 奸計黎/\/\"

>>March 5, 2008 at 11:15:19 PM GMT+8

2008 年 3 月 4 日 星期二 【微冷】

Today 不是讀書天"

無咩點聽書.....唉

放學食聰嫂之後就回家

訓覺..唔想起身食飯

不過呀媽唔比........煩人

我唸住可以訓到聽朝嫁 ma ....唉

>>March 4, 2008 at 9:10:19 PM GMT+8

2008 年 3 月 3 日 星期一 【酷熱】

祝我 生日快樂^^

多謝 Bon BOn 既出奇蛋^^

哈.....雖然今日要返學

但放左學重有下文嫁^^

我、鐘楓、姮 放學返屋企換衫 再出 apm 唱 k

哈.....好開心！好耐無咁出黎啦

的確....我地變左好多

唱k 期間學左小野.....不過重未識

好開心！唱 k 好耐無唱喇

超大間房 又可以毫無顧忌咁唱同玩

又食野！食到好飽！

再去影貼子相！好開心！因為好好笑！

再加上今次係終於都可以三個人一齊影喇

搞左咁耐都 11 點幾

再回家，本身重唸住再出去.....但係最係我唔想比媽媽話 所以就回家

！多謝 blue ice同幼kai kai！2回 臭！一共x7




多謝同我講生日快樂既人 ^^ 一百八十度菊躬多謝各位！

多謝鐘楓、呀姮！電話繩真係好中意^^ 多謝.....而且又陪我又教野

教會每一個....我要令你地失望了......下星期六、日去澳門返唔到教會.....而且

我希望在多方面有新嘗試............"


謝謝各位.........//\\//\\"開心日陪添

生日願望真係多...不過先講左最重要既

就係 1 表妹可以返 d 好返 努力上學去

2 呀婆 無病無痛長命千歲

之後果d 等我補打喇！哈哈......

>>March 4, 2008 at 9:07:33 PM GMT+8

2008 年 3 月 2 日 星期日 【微冷】

又再一次遲到返崇拜......

真係好眼訓.....但我都起身......不過真係遲 ><"

完左教會就同教會尼希米同提摩太飲茶

之後就......捉琪

再7打波！

打波人物：我、婷欣、貴、昇、志成、老鼠、高耀、細佬

哈哈！真係好好玩！因為好搞笑....又大又細咁

不過........我PK 好痛 ><"

真係有點兒樣衰

之後.......玩埋全場

打波真係好玩

之後回家食飯

電話整好左lu 佢換左部新既比我用太好^^ 但我 d 電話無哂

所以又要不斷問人拎返 d 電話

今日真係幾好玩！但.........PK真係好痛"


尼希米團送我既生日卡 我感受到你地既祝福^^

我會係多方面加油！我都太過放(眾)自己......開始要嚴返 d

同埋要多謝多謝尼希米團送比我既筆筆 真係好得意^^ 多謝你地ya"

>>March 3, 2008 at 12:35:14 AM GMT+8

2008 年 3 月 1 日 星期六 【晴】

八點幾起身就返學啦

英文補習班又開始

之後放左就同呀媽、細佬飲茶

呀媽係想買生日禮物比我，同我行啦之後..自己比錢.買左對米白色既 .....

本來係媽媽比嫁.........不過我又覺得唔係咁好咁，所以自己比 ^^ 第一次用 Eps

我細佬就睇中左對黑色皮版 不過我就話佢岩岩買左對黑色布版 遲 d 先買比佢

之後.......行去千色.... 呀媽買左對鞋，細佬買左返學鞋 佢對返學鞋竟然比我對米白色布鞋平 $1

本來都係呀媽比嫁......都係唔好意思同埋賠償我尋日做得唔好既事......重有就係返工咁耐都無好好咁送野比佢地

而家佢地咁岩又揀到岩心水！所以就我比啦 ^^

雖然係值得！不過.....咁就無左 1 次糧~" ><" 今次份糧重要係平時既1賠

之後.....我就問細佬，你會唔會送禮物比家姐嫁？

細佬話：你想要咩？

我就求求其其唸住玩下所以就指住隻頸鏈

之後細佬就話：有無得平 d 嫁

我就話：我講笑炸！其實我中意.....*(指住左個地圖袋)

細佬話：你放心！個袋好快就會係你張電腦桌出現

/\/\" ........聽到真係好甜^^ 細佬.....其實你呢句話 已經係我最想要既生日禮物

同細佬既感情愈黎愈好.......只怕有一日會變

之後返教會

再返工......

今日都唔知搞咩！超多人" 好錢唔洗錢買野咁

今日見到識既人 penis、(台)拳道老師、呀龜、高腰狗。個個都有著數 ^^

放 1:15am"


呀琇 ~"生日快樂 !!^^

>>March 2, 2008 at 2:38:19 AM GMT+8

2008 年 2 月 29 日 星期五 【颳風】

4 年先會得一日 *(2月29日)

可能因為咁....所以今日過得好唔同

午膳.....*班際手球 (4A 對 4C)

的確！無唸住要win

不過.......啖氣唔可以無！條氣唔可以唔順！雖然...我唔係落場打果個！但係....我係 4c ！

到底係邊 2 位同學 搞到做成今次既局面

心中有數啦!!

不過真係多得其搞事既其中一個啦！ 如果無.......(你)! 我地班唔會咁團結！咁同心協力！

另外搞事果個....根本同係傷口灑鹽無分別！

場波4a 8比 4c2 """"對！分數上就係 4c輸！但係....4c 團結！係代替唔到

洩憤已經完.....希望可以快 d 完左呢件事.......始終大家都係同學

-------------------------------------------------------------------------------------------------------------------------------------------------

放完學就同佢地成班去左錦明食糖水~"

之後就返工.....

.....臭e！x2 lucky green win左！(by 凌威)

>>March 4, 2008 at 9:08:02 PM GMT+8

2008 年 2 月 28 日 星期四 【晴】

放學去左食野之後就去青協

同好耐無見既志成傾下計！哇..無見一排姐

原來發生左咁多事

不過真係好好笑......

之後回家食飯！

>>February 28, 2008 at 11:02:27 PM GMT+8

2008 年 2 月 27 日 星期三 【颳風】

蛀牙....

尋晚估到自己有蛀牙....雖然我 feel 唔到牙痛

不過我第 6 靈感出現左

所以......就叫呀媽去book時間

就係今日放學啦.......去到個醫生問....你真係feel唔到你牙痛？蛀得好深 好彩你黎得早

..........去之前係feel唔到，不過..........整果時真係好麻痺，好痛..........

整左 2 隻 已經走得啦

點知，重話我 d 大牙全部蛀哂！重有 8 隻未補！shit!!!!!!!!!!!!!!!!

一共蛀左 0隻！............= = "重下分期黎補牙

一隻 $500 重有 8 隻姐係......$4千幾

@@.....再同呀媽去 旺角買鞋

老豆唔{很}出錢比我去補牙.......

呀媽我撐你啦.....................！

嗚.......................一共蛀左 10隻

又唔可以一次過補.......要分期黎痛 ><:"Why?

cool牙重好啦！補牙！...................................救命

所有大牙都蛀哂！唔通講得大話多真係會甩大牙?kaka...


不過我既痛又點可以同表妹相比？一唸到呢點......所有野都變得輕鬆得多

就當係.......為表妹分擔痛楚

>>February 28, 2008 at 12:13:49 AM GMT+8