2005 年 9 月 22 日 星期四 【晴】

今日第一次上課上到流眼淚...
真係好辛苦,好大壓力..
今日係100%聽唔明ar.....
聽唔明果下...覺得自己好差...眼看四周的人都很是明白的.....
果下...感到好無助...又不可以問身邊的人...
因為佢地要繼續聽書下去...
係唔得閒解答我....
果下..真係好唔開心....
真係有一刻想說...我放棄了,
因為不只是一日的econ...而係每日每堂的econ都係咁樣....
挫折....我受夠了！

不過‧‧‧‧
我知道我係不能放棄的！
我放棄的話...係無人會可憐我的...
而且.....我在掌握著自己的機會...和前途...
唉...死都要死落去啦....
econ.........
唯有每日放學問番呀sir啦....

放學去伍太學樂理，
一整天的壓力被解放了！
點解‧‧‧？哈哈哈哈哈哈哈哈哈哈哈哈哈！哈哈哈哈哈哈！
因為伍太請左幾舊冰皮月餅我食！~~~~~~~~~~~~~~
我都係響中秋前一星期，食左2個迷你ge冰皮~
中秋過後的這幾天，我突然又勁想食呀!!!!
叫媽咪買，不過原來市面上now應該無得買喇~
我諗住無得再食啦....點知今日竟然有得再食!!!!!!!!~~~
好開心呀！

聽日Miss Lau生日啦！
Happy Birthday！

P.S：突然想起中四..(F4定F.5呢..?=.=)時班制歌唱比賽的歌，

..................So~I will find my way, I want a different way
After the wind and rainThere'll be a brand new day

小時候受傷有人心疼失落有人安慰
現在遇到困難我自己就要學會面對

I will find my way,I want a different way
After the wind and rain　There'll be a brand new day

困難要用我堅強和努力勇敢面對
現在用心去追　感覺就對 I will find my way

I will find my way
I want a different way
我那用去歎氣　高溫載走我起飛
成長裡每天都會碰到一些穩天氣
將氣霧去收起　感覺完美 做好自己

>>October 4, 2009 at 9:45:56 PM GMT+8

2005 年 9 月 21 日 星期三 【晴】

今日發生左2大事：

一.
歷史堂，
派番升中7後第一份小測卷，
哈哈哈哈哈哈哈哈哈哈哈哈哈
哈哈哈哈哈哈哈哈哈
哈哈哈哈哈哈
爆開心呀！！！！全班一半合格，我竟然係其中一份子！！！
不過...我見到個分時真係有d感動到想喊架！
身邊無咩人知我果種心情，因為大把人都Pass啦~
哈哈，唯有在自己心裡登自己開心！！
不過...我咁開心同感動，係因為我真係做到合格喇！
係我A-level以來，第一次Pass！
係我擔心過....又努力過後的一個成績。
Although分數一般，唔係叫很好的，而且哩條題目係屬於很淺的，
不過，對於我來說，是一個好開始、對我自己是一個好的鼓勵，
而且我也有努力過麻，
我同自己講.......
：「只要努力，雖然出ge力係人地聰明的人ge幾倍，不過原來我同人地一樣都做到架！」

二.
小息落去一樓搵Miss Wong,不過搵唔到,但見到Miss張行過，
佢拉我埋一邊，問我點解我d小測會是這樣的成績,
佢並不是訓話的語氣問我,而係用關心的方式問我，
由於我之前同佢傾過計,佢知道我讀書上的困難,
所以.........頭先佢一問我點解我小測咁樣成績時...
我再將我讀書困難同唔開心都講左出黎...
但係我講唔夠2句......就忍唔住.......喊出黎...
之後越講越喊得厲害，真係好似停唔到咁......
我...各方面的壓力,尤其係讀書上...都忍左好耐...都無機會可以發泄出黎...
響教員室出面咁搞法...其實都有好多人見到...不過我無理...
真係喊到隻豬咁....
都無諗過會喊得咁厲害....
睇黎我ge內部真係發生好多問題...
Miss張一路都捉住我對手,
："唔好喊la，我明白你，我都好想幫你ar，唔好咁樣la~"
我覺得好受安慰ar...
最感動係佢話會幫我....

喊到對眼好紅好紅，上到班房立即拿張紙巾，再衝入洗手間搞番掂個樣，
搞掂！番到班房個樣回復正常！咩事都無~~~
=________="

我要更加努力先得喇，更加唔可以俾Miss有失望。


下星期總共有10堂空堂呀~
每日起碼有2堂~
有幾日係有4堂添呀~
正呀~~
可以做自己野~
溫下書~休息下~又溫下書咁~

不過哩2個星期有勁多野做ar,
econ,geo,history都有quiz，
跟住英文有作文、geo有3題essay、econ有練習做...
此外，也有眾多ge補課啦...
我要頂住！workhard D！
我唔想令老師失望ar！爭氣！

>>October 4, 2009 at 9:45:32 PM GMT+8

2005 年 9 月 20 日 星期二 【晴】

今日上課好唔開心,
因為全部都唔識,
特別係econ堂...簡直係將我ge情緒拉到落極底點...
我都唔知自己個腦出左咩問題...
聽極都唔明ge..
之後來的..就係一大堆ge負面思想,
覺得自己真係唔適合讀書,
學人話頭,我真係做隻豬應該arm我多d,
死人econ搞到我整日d情緒都唔太好...
down爆.....


好在lunch可以有得同vivi講,
舒服哂~
我地仲講左好多搞笑野~
笑死人！

丫~好happy~
因為Miss Lau送左本簿+寫左一張書籤俾我~
哈哈~
之前中秋又送左個迷你奇華月餅俾我~~~
^3^

中化小組討論，題目係：可否吃狗肉？
哩個題目搞到我好激動~
因為一講起哩個話題,
諗起d食狗肉ge人,我就好嬲架喇~
不過...到我講時...我又無咩野講...
腦閉塞....

唔想再借野俾人喇!...
次次借野俾人,都有d意外發生ge...
唔見左好多野喇我!!
一唔見野,果下....我就真係會覺得無哂安全感架喇,
我覺得哩個係一個病態..........................=o=

放學同carmen落一樓搵李sir問番d死人econ的MC,
太感動喇!我終於明果d MC喇!!
算數啦~!!

之後我出沙田補UE,
補習果2個鐘都唔知做過咩,
無錯,隻手同雙眼係不停工作中,
不過個腦係閉塞哂的...
70%唔知佢up咩...
而且佢講得又快到咩咁..
腦部發呆的...........

之後應該轉喇我！
唔要P. Chan喇！
唔好ge！
起碼F.Shum仲好過佢!~~!!

補完番到大埔新達,
去大家樂買飯盒番屋企自己慢慢嘆,
買左個一哥焗豬扒飯+一杯楊支金露~~
哈哈，頭先補緊UE時,我突然好想食豬扒飯~~
哈哈！立即買！
好，唔講喇，宜家出廳食。

want to find a hiding place

>>October 4, 2009 at 9:45:05 PM GMT+8

2005 年 9 月 19 日 星期一 【晴】

玩野ar!!今日咁好天~~
藍天白雲!!尋晚BBQ好大雨~
不過都玩得好開心~~
零晨12:00同daddy,mummy一齊睇埋vcd~"早熟"~睇到2:00先訓~

今日訓到12:00呀~~
訓極都好累~~
跟住講講下~我同mummy就決定出沙田行街~
而我老豆就拋棄我同mummy...自己走左出石澳..老人與海~=,="

出到沙田,自由行多到嘜咁...
d人多到丫...一咁多人我就覺得好噪..好迫架喇..
香港人最鐘意行shopping mall..方便、舒適,
不過對於我黎講,d商場已經變成一個個街市...C奶買菜的地方..=.="

行左新的City Super~
太細喇!~~都係銅鑼灣果間正d~~
不過頭先d人好似覺得好新奇咁...
好似前世未見過日本公司咁...

之後食野~
上海年糕正爆~~
不過叫錯野...豆沙餅原來唔同豆沙"喎"餅...!!

跟住買d女仔野~
try....try...try...
最後終於買到喇..

之後睇化妝品,
周圍試人地公司d化妝品~
Biotherm靚野真係靚野，貴d真係貴d...
佢果d野ge質地好靚呀~~好貼好自然~~
不過真係太貴喇~
遲d做野有需要先買~~~

今日同媽咪一齊出街好開心!!
佢教我好多護膚化妝同埋一d女仔應知ge野~~哈哈哈~~

番到新達,
無啦啦買左3件衫~~
本身2百幾蚊一件~~~but now 半價or 100蚊2件~~
底！

之後租左套柯德莉塔圖(Audrey Tautou)的戲~
法國的一套愛情片~
我幾鐘意柯德莉塔圖的電影~
原來我哩間影視鋪有好多佢的電影~~~

番到黎屋企7:00喇~~
累死!~~
聽日又番去地獄度拼命喇~~
將會"""心疲力盡"""...
哈....放學仲要出沙田補習=_______________________="""""""


激死我喇,
宜家O.C.每week先做一集ar!!!!!!!!
有排都要繼續追!!!!
新一輯!!正!!!~~~~~~~~

>>October 4, 2009 at 9:44:46 PM GMT+8

2005 年 9 月 18 日 星期日 【晴】

今日聽道好無奈,
聽聽下道tine姐(今日tine姐講道)無啦啦tine姐話："呀朱你個心去左邊丫"
其實佢係舉例講緊話敬拜要有心,
跟住就求其搵個人舉例,借用黎講下,
無錯,我ge心真係唔響教會度,
講真,佢叫我ge時候,我的確係發緊呆,
所以都好鬼驚下...心虛lor...
呀vi仲話tine姐係咪講中我=.=
其實我覺得,,tine姐係有心叫我架lor,
佢知我宜家ge境況,又知我響果下聽道時真係無留心..所以專登叫我lor.
不過叫完我之後我覺得唔開心,
因為俾人督中左,睇穿左...

教會種感覺...我覺得...
唉,都唔係好咩喇..
番教會種感覺就好似番學上堂咁,各有各,一堆2堆,
大一堆,細一堆,果7個一堆,哩5個又一堆,
大果d就負責任開組教導細果d,
細果d就指定乖乖地坐低聽野,
算啦,
其實係我果顆心已經俾我滅絕左喇.
宜家每次番到去,都覺得自己內心好污joe,
唔想俾人見到自己。
好想好想唔理.
唔番happyhour又怕唔知點同tine姐交代,
真係....唔番都要同好多人交代,
就係因為咁,其實唔想番,但都要好似交差咁...迫住自己番HH..
好衰......唔豬點解自己會變成咁.

可能宜家追求ge野唔同左啦,
係需求唔同左,
(人除了講付出外,好正常都會自私咁講下需求架麻...)
有時,都想番一間除了有青年之外,但也有多d成人的教會,
唔...唔同d lor,我覺得,
雖然...話就話番一間係全年青人的教會可以有差不多age的人一起成長,
大家面對緊ge野又差不多,話題可以咩d,
不過...
唔知ar,
總之我覺得宜家好形式化...同埋各階層分得好清..撈極都撈唔埋..
靈命好的自己一堆,熱心事奉的自己一堆,
失落者一堆,被忽略者一堆
在上者的一堆,年紀小的一堆,番工的一堆。

係呀,我變左ar,仲變得好恐怖添,
我都覺得自己好衰,
唔值得人理我,算啦,放棄我la~
今日嘉敏形容得好arm,
佢都覺得世界上無人再需要自己...仲有為何仍要在生存呢?
哩個問題...哈哈,我諗我係因為我怕死架咋~!!!!!!><

唔豬呀,
今年真係唔知自己做緊咩,
失去自我,失去目標,失去方向,失去自我價值,失去好多興趣,失去朋友...
中國文化科指出"失落同孤寂就係現今後現代社會的年青人ge特徵."

宜家，我d姨媽,姨長,婆婆,表姐入哂黎,
今晚上天台BBQ,
正呀!!!!~~好耐無B過Q~
又可以開開心心咁B番夠本!!

>>October 4, 2009 at 9:44:26 PM GMT+8

2005 年 9 月 16 日 星期五 【晴】

今日的econ堂上到我頭都痛埋！
亂到傻哂,
連君e都唔得ar,
ha...每次econ堂都係一個字「亂」！
不過尋晚自己溫番d野時,明左之後,係好開心架！
其實係架~econ雖然係難~
不過當諗得通、明白左之後就好有滿足感~

小息都好好，
因為當我自己呆響走廊時，Miss Lau經過~
咁佢就主動同我傾計，
唔...Miss Lau都好understand我ge處境同難處，
都明白我唔開心同辛苦的地方。
Miss Lau講得對呀，
可能那些事情.........就是我要學習的地方...
神可能就係要我...去面對果d我唔想面對和害怕的地方...
神可能就係要我...突破我性格上的一些弱點...
不過哩個過程真係好痛苦，
因為要勇敢面對啦、又不能逃避啦,
不過經過這些過程，
可以.....我會變得更加好。
.....So...這半年要學習面對一些事情.....
我要好有忍耐、愛心、包容、不會計較的心。

Lunch同細hel、vi、karen一齊去富山食~~~
好多人呀~所以d野食勁耐先黎到~~~
成搭4先黎到~~~
得3個字時間食咋~~
搞到食到好急呀~~好痛苦~~

放學發生了一件小事~
不過對於我黎講都唔小~
因為令我好驚訝~又係好開心。
唔知呢~!
哩個星期分別同佢同佢講番野~
真係真係好興奮~
仲要係人地主動添...我真係無用,始終都係被動同逃避，
點都好，希望有突破同轉機啦!!!

>>October 4, 2009 at 9:43:44 PM GMT+8

2005 年 9 月 15 日 星期四 【晴】

上歷史堂好唔開心ar種感覺,
點解我會諗唔到野...答唔到問題..
仲有,我好想有人同我一齊討論,
見到人地討論得好好,
我都好想ar,
因為我諗唔到野,所以好想請教下人,聽下人地講野,
真係好想好想...
不過無人同我傾咁...

不過econ堂同夢夢同君e都一齊傾得幾好!!
大家會講下自己唔明的地方,
大家為大家解答~

我覺得,
現在真的好辛苦,真係好辛苦,
成日都好唔開心,
真係無心機讀書ar,
成日諗好多野,好困擾自己,
每日都感覺好煩、好唔開心,
好大壓力呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

番學的日子,
唯有lunch對住呀vi係最開心的,
我可以做番真正的呀朱,
可以講我所想講的,
不用避忌什麼。

今日的Lunch同君e食,
哈哈哈,我地傾左好多野~
好好的相交機會!
越來越認識佢!呀,哈哈^^
逢星期四呀vi唔得閒出去食,
我想以後逢星期四同ada同君e食呀,

.....要聆聽別人的內心世界、
站在別人的角度、
明白別人的難處、
體貼別人的需要...才能真正認識每一位朋友。

我都有幾個最好最好的知己,
每天Lunch同呀Vi食時,
大家都傾好多野,
大家會講出煩惱和唔開心~
放學,就同karen盡"嘔"心中情,
佢係最明白我感受,情感的人。
仲有細hel,mabel,emily.....
多謝,其實真係好鐘意你地,
因為你們不會抽秤和取笑我的弱點，
會看到我好的地方，
若看到我有不好的地方,會鼓勵、支持我去改變
會體貼我的需要,
著緊我的感受,
看重我ge價值,
不會為難我,
會欣賞我、鼓勵我
和你們一起，我的自我感覺是良好的。
最重要的是....可以讓我關心你們~

尋日開始,同一個同班同學有傾有講起來~好開心~以往都無講野的~
哈哈,主動真的好重要!!
佢仲同我講左佢細佬番教會的事。
好高興~!!~~可以有7A的同學仔和我分享~
我好想好想...與7A的每一個打成一片。
我要主動!!!!!!!!!!!!!!!!!!!!!!!!!!!!!!!!!!!主動!!!!!!!!!!!!!!!!!!

可能有人會覺得我什麼都唔識,什麼都不知道,
不過~我卻知道我唔係咩都唔識的。

「靜聽你內心的聲音，尋回真正的自己。」
I Need ....I Want*~~~***

>>October 4, 2009 at 9:43:20 PM GMT+8

2005 年 9 月 13 日 星期二 【晴】

今日econ堂真係想死!!.....
亂到爆ar.....
唔清晰的!!!
唔知講咩ar佢....

今日係第一次出去沙田補英文。

去到已經有40,50人排緊隊,
好誇張...
現代原來要排隊入架...

響搵位ge時候,
撞到樂欣ar~佢係我自細番教會識ge朋友~
佢又係自己報哩個班~
哈哈,無諗過有人陪架~真係好喇~
走又可以同佢搭火車番黎~傾左好多話題。

唔~P Chan~都ok咁啦~
由頭抄note抄到尾lor~
佢d速度去得勁快~~
都幾吃力架~
不過最大問題係room setting 的問題~
好難睇呀d screen!!!

2個鐘咁就過去...^0^

不過真係好感恩,
神好看顧我ar,
我無求的,但神多次都為我預備,
諗住唔洗人陪的,
不過神都安排左朋友俾我,
好奇妙。

>>October 4, 2009 at 9:43:03 PM GMT+8

2005 年 9 月 12 日 星期一 【晴】

今早6:00起身，
因為...我真係頂唔順我個頭...
負離子搞到d頭髮貼住我成塊面咁...
d頭髮又油love love喎,
所以把心一橫...一早洗頭、沖埋涼先番學喇，
出門口前食左自己整的蛋薯仔沙津，
嘩~~~真係好鬼好味架！
最緊要係夠飽！

不過好唔開心ar！激死！
宜家發覺我d頭髮已經有d彎彎地喇！！！
唔好ar....拜托你唔好變番曲ar...
其實都係我唔聽話‧‧‧
電完都無3日o姐‧‧‧我就洗頭、束辮‧‧‧‧‧

今日上econ真係好唔掂,
我同君e都覺得ar sir講書...複雜化，
其實用一句說話可以表達ge野,就講好長...
仲有d note...完全無位可以俾人抄野..
字又好多喎...一段段分得唔清,
唔慣ar...Miss Wong果d唔係咁的,
我諗要開本薄抄note喇！
不過其實都有好處ge~因為ar sir的教學可以鼓勵我地自己諗多d，
唔係單單聽，而係要自己諗，
哈哈哈，都.....ok ge~
要慣lor其實~~無咩野ge都~~

聽日Lunch我、vi、細hel、emily會同tine姐食飯，
唔‧‧‧
希望我地幾個可以分享哂自己的難處同問題，
其實都好ge....大家都好耐無分享喇，
大家有咩野都收埋左..
haaa...聽日...我要講~

今日迪士尼開幕喇！912~
哈哈！遲d先去啦~
最想搵布魯圖ar!!

>>October 4, 2009 at 9:42:46 PM GMT+8

2005 年 9 月 11 日 星期日 【晴】

911四周年喇，
時間真係過得..快得很~

今日番完崇拜,
同karen,emily響操場傾計,
因為emily話佢就快會轉教會,
其實我都好明emily所講的原因..
唉,大家都覺得係咁啦..
不過..
emily唔番哩間教會的話...咁我地就更加無機會見面喇,
我地哩堆,真係好似散哂咁,
唔開心呀,
好掛住我地7,8個一年前大家對神的單純、熱心、團結、合一、珍惜‧‧‧
一切都變哂,
特別掛住mabel‧‧‧

我、emily、karen離開教會的時候，
ha.........俾christine姐捉住左,
都知道佢好關心我地哩堆幾個,
大家幾個月前果顆心‧‧‧
我、emily、karen、細hel、呀vi，都一切屬靈低落...大家都唔知道究竟自己搞咩...
mabel、lung直情離開埋教會生活...
睇得出tine姐好擔心、可惜，
不過....俾我地幾個諗清楚同神的關係為何會這樣啦,
各自檢視番自己ge生命...........

舊年一齊起，
點解今年唔可以一齊起番身?
真係好需要個力！
一齊起身的力！

唉！
煩惱‧‧‧

>>October 4, 2009 at 9:42:32 PM GMT+8