2006 年 3 月 23 日 星期四 【晴】

好多謝你接納我,
連我都接納唔到自己,好討厭自己的時候,
你一直都無放棄我,
雖然有時我會嬲你點解好似唔明白我咁,
不過,宜家我覺得,明唔明白唔緊要,
因為你接納我的缺點.....已經好足夠了,
縱使身邊的人一個又一個的離棄我,
你都願意接納我的極度情緒化、諗野爆轉牛角尖等等....
真係想講一句：你是最好的,你知道嗎?.........

今日一個好朋友講左一句：人地得罪你咩?
...........唔知呢...哩句野講得好arm,
人地得罪我咩?我點解會咁討厭人地?
宜家的確,我都覺得好似個個得罪我咁...
我好變態...好衰...
點解...
我會變得討厭哩個世界?
討厭哩個世界有好多不滿、不公平?
討厭奪去我東西的人?

「人地得罪你咩?」

其實我知道,係我自己得罪我自己,
係我ge思想令到自己日日都唔開心。




不過，我真的好討厭你們。

>>October 5, 2009 at 12:39:53 AM GMT+8

2006 年 3 月 21 日 星期二 【晴】

我覺得人真係好無情,
唔搵你就唔搵你...
好似搞到唔識咁,
ok~~that's fine~~~
無問題ge~~~
我承認我唔得人鐘意架啦~
無咩所謂~~
放棄我都無咩所謂~
又唔洗死ge..
唔重視我ge人,我都唔會重視佢,
我宜家...
只係鐘意果d鐘意我ge人,
重視果d重視我ge人,
唔會再好似以前咁,
傻傻咁付出...
因為人....根本就唔可以做到不問回報只付出的徫人

尋晚媽咪同daddy去左飲喜酒,
係mammy d 有錢呀太結婚,
佢地去半島酒店,
我真係好想好想去見識下咩係靚野,
ar ba ar ma佢地著到好鬼靚,
2個成套晚裝,
個度個個d有錢人家都著到去ball咁,
就好似電視上睇到咁
仲有,佢地講果度好好好靚,大露台望住維港景色,
成層包哂,
有私人樂隊,可以一路上菜,一路聽鋼琴、小提琴...
成隊樂隊陪奏,
仲有waiter私人服侍上菜,
有錢人家,結婚擺酒,都可以響半島搞,
搞一搞餐喜酒,就幾十萬...
好羨慕呀,
有錢就好,
我越黎越覺得,d人話$買唔到快樂的生活,
不過,我剩係知道,無錢,好多野都做唔到,
過著辛苦ge生活,
要捱一世,
我唔想咁樣

===================================

今日本身同呀Bell出大埔睇doctor,
因為我地決定左同佢打殺蟲針,做治療...
原來我去哩間診所係我好細個時,
同我第一隻狗黎醫過病,最後救唔番....死左,
所以頭先一入到去診所,就聞到一陣好熟識的氣味,
或者係一種感覺,
果種感覺令我有d不安...

等左陣就入去睇,
哩個鬼佬獸醫.....好鬼cool..........真係好cool...笑都唔笑下..........
唔太nice...
我心目中ge外國人係個個都咁nice架麻...

獸醫同Bell Bell check下身,
第一句就話Bell D牙好污糟,
haha....成11年狗都未洗過牙......><
不過佢話Bell Bell 大致上都無咩問題喎,
咁之後...就抽血重新驗過心絲蟲,(哩間唔係上次第一次驗果間)

等左10分鐘,
個護士出黎................
竟然話結果係無蟲喎!!!!!!!!
我地成家都呆左一呆........
個護士見到我地咁ge反應...
講笑咁話...隻狗無事唔係好開心架咩?話點解我地好似好失望咁?
HAHA........
因為!!上星期響另一間驗時,係驗到有蟲........
今次就驗到無!!

響哩刻無蟲就無蟲...
唯有信佢...
因為睇左2間了...
無理由再不斷周圍睇...去求證....

咁之後,因為驗到無心絲蟲,
就入去打番d防疫針,
打左防蟲針,同一d混合針,
不過,因為doctor話Bell咁耐無打過針,
所以下個月要再番去打多次混合針,
咁心絲蟲果度....
就半年後再驗多次,睇下果時有無事

所以,今日諗住黎做殺蟲治療...
就變左打防蟲針+防疫針

驗左呀Bell無蟲,
但我宜家....
都仲係好擔心.........
上次果間驗到有好少好少蟲...
今日哩間就話無....仲幫佢打埋預防針,
我宜家ge處境...就好似人患左cancer咁,
去哩間驗就話你有cancer,
但去另一間驗就話你無cancer....
咁信邊個好?
所以做醫生...醫德同經驗係好重要,
生命就由佢控制.

不過點都好,
我地一家唯有拿個"信"字出黎,
去睇doctor就要信佢....
今日唔做都做左...
到半年後驗到有事都無計....
我地要做ge野都做左....

起碼...驗到無事...總好過有事丫...
放鬆心情面對lor..

>>October 5, 2009 at 12:39:37 AM GMT+8

2006 年 3 月 17 日 星期五 【晴】

宜家真係街都唔想點出,
剩係想日日響屋企,陪多d Bell Bell,
所以...哩個星期,
都係響屋企溫書,
已經無再去自修室or君e教會喇...
不過響屋企溫...真係效率好低,
不過....是但啦...
我諗應該可以ge...

這一個星期,好似發生左好多事咁
呀Bell整親眼睛...抱佢出去睇醫生....響屋企喂佢食藥...
考oral.....以至醫生同呀Bell驗血驗到有犬心絲蟲,
唉.......人生的確好無奈,
上個星期仲開開心心,
點知一個星期就可以咁樣.

之前,我咪講過話,如果人可以控制時間就好ge,
宜家,如果可以時光倒流幾年前就好了,
我一定每日都咁珍惜同你一齊的日子,
每天帶你去街街玩,
多d留意你,錫多d你.

原來...時光都係唔可以倒流ge...
唯有宜家,好好咁珍惜同你的每一分每一秒。

可能...我驚ge係...
未曾面對過死亡,
死亡未試過響我生活中咁近...
我怕我唔識點樣面對..
死亡...真係一樣極度恐怖的東西...


尋日,派左econ AL卷,
呀sir話出到去,個成績3乘就合格喎...
咁我都有47分呀,
計埋MC都合格呀,
我自己就幾滿意,
我預期係得30幾分的....
ok啦...

仲有,前幾日同嘉敏講開先發覺,
原來我ge成績比起中六,原來真係追趕左唔少呀.......
原來....計番...
我今個Mock...的3科主科都已經合格了,
歷史,
我終於由中六學期尾考試的30幾分....追到現在的合格,
econ...
我都可以合格了....
地理...
都由中六期考..DBO得30幾分,宜家DBQ差幾分就合格了,
所以,
我應該要學懂見到自己ge進步...並且再追追追,
追到A-level更好ge成績

所有'朋友'
我係得ge
我唔會衰俾你地睇
你地覺得我無可能得,我就要得俾你地睇

>>October 5, 2009 at 12:39:16 AM GMT+8

2006 年 3 月 14 日 星期二 【晴】

今日媽咪同Bell Bell出去獸e度復診,
隻眼的眼角膜無事喇,
doctor話我地好厲害,
咁快搞番掂狗狗的眼睛,
當然la...我地哩2日好似照顧BB仔咁睇住Bell仔....
又喂藥..又滴眼藥水...又喂佢食飯...好多好多野....
咁多年來...
我地都無咩放時間響佢度咁樣細心的take care佢...
今次開始補賞番11年來的責任.....

雖然眼睛好番...
不過...
今日doctor同佢驗血時...
證實左Bell Bell真係有犬心絲蟲...
好大獲............
我完全無諗過會發生哩d野響Bell Bell身上......
我聽完哩個消息後...
個人好想好想喊..........

做哩個療程要好耐...
就好似人的cancer咁...
不過...狗仔就要keep住食藥...
同打針....
半年後...要再驗血...睇下d蟲消哂未...
整個療程要$3000幾....
錢....都唔係話咩問題....因為點都要醫佢......
不過問題係...
驚Bell Bell唔受得d療程...
因為doctor話............
年紀咁大的狗狗....
打哩d針係有高d風險........
我好驚Bell支持唔到...

其實....
我真係好唔開心..
好擔心....
見到佢比以前靜左好多......又無咁活躍....
我真係接受唔到佢慢慢咁一日一日老......
已經唔係一隻狗...已經係我一個11歲的細佬....
由我小學2年班陪伴到我宜家中7...11年...
如果佢真係要離去...我真係接受唔到.....
我想像唔到我會怎樣.......

這幾天不斷好多回憶
回憶番好多同Bell Bell ge回憶
我真係越諗越好不安.......
真係唔想諗落去............
不過控制不了..........................

哩d唔開心.....唔知點形容ge心情....
哩d擔心....哩d懼怕....不安.....
令到我好唔舒服.................
又唔知點同人分享..................
都唔知同邊個講.............
真係無咩人可以體會我宜家ge心情............



或者....媽咪講得對...
：我們要慢慢學習放手了...

>>October 5, 2009 at 12:38:54 AM GMT+8

2006 年 3 月 13 日 星期一 【晴】

我宜家好開心呀!!!!!!!!!!!!!
因為今日終於考完英文oral喇!!!!!!!!!!!!!!!!!!!!!!!!!
過左一關喇!!!!!!!!!!!!!!!!太興奮喇!!!!!!!!!!!!!!!!

多謝幾位朋友的鼓勵,
karen,carmen,kwan e,
今日唔知點解,鼓勵我的朋友,都同我講：你得架
哩句鼓勵,實在對我有好大的幫助呀~

講番今日ge過程啦~~~~
今日12:00開始溫中化,
溫左3篇文化篇章啦,
咁到了3:00,又prepare下Oral~
經過練左咁多次,
我做哂2002年咁多個set的candidate A的Presentation,
我覺得做左好多準備喇,
亦都抱住早死早著的心態出門口喇~
果陣個心都唔係太緊張~
剩係覺得好凍,同好似上戰場,去死ge感覺~~

響小巴上面,
睇note,
唔知係咪因為咁,
一落到車.................好想暈底.............
其實我哩幾日都係咁...........
唔知搞咩...........無啦啦就突然想暈..................
頭先想暈底時........立即打俾karen,
好在,我都平安地上左火車~

今次係第一次自己搵路去考試,
因為oral係無識的人一齊考的.
前幾日,我真係上中原地圖個網,
print左果間學校的位置ge地圖出黎,
再上埋九巴個網.....= ="............搵定搭邊架bus.................
做好哂預備功夫@@

頭先出到沙田,
落左去個巴士總站,
搵架48x個站位,
哈哈,差d上左對頭車..............差d出左荃灣.............><
好在醒目!!haha!!立即問下人!!!
好在終於俾我搵到個站喇!!!
其實我只係去禾輋,非常之近的,
不過無計啦~我唔識行去麻~

nus真係好快就到禾輋喇,
一落車行幾步就見到我今日的試場-----沙田培英中學
我考6:15,
我因為刻意預早d時間俾自己冷靜下...................
所以我5:30就去到喇..........

間學校好離譜!!落大雨啦...但成6:00先放人入去!!!
好多無帶傘的人就企響學校大門前面.....濕哂....
幸好我有傘傘@v@

6:15上到間班房,
等到d人入哂黎,就開始派d分紙,
之後就開始第一輪考試了,
哈哈,我今次竟然咁快喎,第一組考呀,
不用等咁耐~~~唔洗搞到咁夜麻~~~
早死早著呀~~~~

入到預備室時,開始好驚...好緊張....
我.........有祈禱呀........
之後一直個人都有平安、平靜、喜樂同信心....

不過,我竟然到果10分鐘寫note先知道....原來唔可以劃花article paper,
平時我練習時,慣左間底d key words架麻,
所以頭先嚇一嚇添~
唯有用腦記底key words位置~

個topic係關於ghost的,
都ok啦,
discussion topic係講,學校搞一個exhibition係關於ghost,
要我地講下我地對ghost的感覺,同個exhibition可以搞d咩~

哈哈,我個組2其中一個考官係外國女人呀,
好nice,都有d笑容呀,
個香港女人考官就好鬼cool,
仲有呀~~我見到隔離房有一個考官...係印度女人黎架..............
嚇死我....無諗過有印度人做考官....................好在唔係我果組....

今次我個組的4個考生,(包括我~)
2男2女,
我、一個係come from上水、一個唔知、一個係莫壽嶒呀。


Part 1...presentation,
我覺得我都算係咁啦....都ok o瓜,
不過哈哈!!唔知點解~頭先好似上身咁~~~
突然充滿信心~~~
d發音都靚左咁~~~
但discussion哩part,就唔係好掂啦~~~哈哈!!!
我discussion有講不少野..
.不過每一次發言都用好短的句子lor,
同埋,d grammer錯鬼哂啦><
不過我都唔太經大腦就 up d ponit出黎喇,
因為諗唔切,組織唔切,
d人一講完就問我：what do u think?
所以........組織唔切><
響A-level,係唔會再有機會遇到d唔出聲...or好差的人,
上得黎A-level....都唔會真係好差....
所以大家都好把握機會去發言,
同埋,d人真係好勁,
莫壽嶒果個好勁好勁呀,佢d口音完全係外國的口音,
(我地同英文中學真係差好遠架個standard)
d發音好勁,講得勁快,
我跟唔到><
另外個男仔d ponit好掂,仲有個個都好有confidence,
真係唔講得少~
當然~我都扮到好有confidence咁啦~~~
希望我presentation可以幫我拉下分,拉到個合格啦~
無論點...我都盡我的力發揮了...
我個level係咁多就咁多~~

考完出左門口,
之後同埋果個男仔,同莫壽嶒個女仔一齊走,
一齊搭番bus番沙田市中心,
一齊講下野咁~哈哈~~幾好~~

之後我自己走左去CitySuper,
唔知做咩....
丫~~~第一個我打俾Miss Lau呀,
同佢講我好興奮,因為過左一關喇~~
之後,打俾老豆、karen、君e、呀Vi~
哈哈!!

唔理喇~~~~都考完lor!!!!!!!!!

今日......代表住我的高考正式開波喇~
衝呀！@@

>>October 5, 2009 at 12:38:37 AM GMT+8

2006 年 3 月 12 日 星期日 【晴】

終於整番好個喇叭@@
個內置喇叭壞左,出唔到聲,
宜家插番個外置喇叭,
終於聽到聲喇~
太開心喇~

今早,
我同媽咪帶Bell Bell出去大埔舊墟睇獸醫,
眼角膜整損左....
希望..........
Bell身體健康,用左d藥膏後,好番,
唔洗做手術...
因為做手術有風險....呀Bell已經係一個老伯伯,
未必受得哩d野..........
仲有,希望佢只係因為老而氣管唔好,
千祈唔好係心絲蟲....
如果Bell Bell有咩事
我真係受唔住哩d刺激!

我體會到做媽媽的心情,
生個仔出黎驚養唔大,
又擔心佢身體健唔健康,
又擔心佢舒唔舒服,
個仔一有事,就好心痛,好擔心,
而Bell Bell就好似我細佬咁...
我好驚你有咩病痛ar,你要生性ar!!!

========================================

聽日考oral喇,
是但啦,
死就死啦,
早死早著---係我今個A-level ge宗旨~
不過點都好,我的Part 1,即是presentation,
一定要做好d~
因為discussion都預左做得唔好~
所以,presentation一定要加油~

>>October 5, 2009 at 12:38:17 AM GMT+8

2006 年 3 月 10 日 星期五 【晴】

今天俾一個朋友的一句話提醒我：
「做人楂定主意D啦！」
ya!我哩樣缺點真係唔多好!
唔可以成日做小小決定都猶疑不決架,
要決斷d,
仲有,唔可以咁易受人影響的。!!

今日係媽咪同daddy ge 21年結婚周年紀念,
我最愛的你們,恭喜~~


今早10:00番到學校練oral,
好happy,
因為Fanny同珈卿都話我英文有進步,
太好了,
我立即有多少少信心去考試了!!

星期一就係了...........

不過佢地都提我,要多d望人,
我已經決定好喇,
到時考時,
要扮到個樣勁有自信心,一d都唔會怯,
唔會c c 叔叔,仲要以好0厲的眼神望人,
個勢一定唔可以衰,
一定要好有confidence咁~

練完oral,
就去君e教會溫書,
今天溫左一半的ISLM,
進度很慢><
明天再續@@

好驚ar,我呀Bell....
今日,媽咪幫呀Bell沖涼.....
佢唔覺意地...
將好多果d沖涼液..........整左入呀Bell對眼度.........
媽咪又唔覺有咩野喎....仲同daddy出左去行街....
屋企無哂人...
而daddy,mummy成6,7個鐘後,先番...
佢地一番到來屋企....嚇死佢地,
見到呀Bell對眼好似盲左咁....
呀媽先醒番起...應該係d沖涼液搞到佢對眼咁樣....
之後mummy唯有用清水不停咁幫佢抹眼....
當我10:00番到來屋企時...
見到呀Bell咁樣...真係好驚呀...嚇死我.............
好驚好驚............
宜家Bell好似好dd啦................
希望佢訓左今晚後...聽早就會無事啦.....................................
如果有事..............
我都唔知我會點喇.......................................



睇下下面個story......haha~

===豬的愛情===

從前有兩隻小豬，整天過著無憂無慮的生活，他們互相相愛著。
每天主人送來吃的時候，公豬總是先讓母豬吃,
等她吃飽了再上去吃母豬吃剩下的東西，
每天晚上公豬總是給母豬放哨，
他生怕主人乘他們熟睡時把母豬拉出去宰了。

日子一天天的過去，母豬日漸長胖，
而公豬則一天天瘦下去。
有一天，公豬突然聽見主人在跟屠夫商量，
要把長勢見長的母豬殺了給賣掉，公豬傷心至極。
於是從那天開始公豬性情大變，
每當主人送吃來時公豬總搶上去把東西吃的一乾二淨，
每天吃後便躺下大睡，
並且告訴母豬現在換做她來放哨，
如果他發現她沒放哨的話就再也不理她。

漸漸的日子一天天過去，母豬覺得公豬越來越不在乎她，
母豬失望了，
而公豬還是若無其事的過著安樂日子．
很快一個月過去了，主人帶著屠夫來到豬圈，
他發現一個月前肥肥壯壯的母豬瘦的沒剩下多少肉，
而公豬則長的油光發亮．這時的公豬拼命的奔跑，
想引起主人的注意，表明他是頭健康的豬。

終於，屠夫把公豬拖出豬圈的那一刻，
公豬朝著母豬笑著說：『以後別吃這麼多！』
母豬傷心欲絕，拼命的沖出去，
但圈門被主人關上了，擱著柵欄，
母豬看著閃著淚光的公豬。
那晚，母豬望著主人一家開心的吃著豬肉，
母豬傷心的躺倒在以前公豬每天睡的地方，
突然她發現牆上有行字：

**********『如果愛無法用言語來表達，我願意用生命來證明』！<-----******

母豬看到這行字肝腸寸斷，
人類聽到這個淒美的愛情故事也無不為之動容，

女孩們為了紀念這段愛情，
同時也表示沒忘記公豬臨前的遺囑『以後別吃這麼多』，
開始流行減肥……

>>October 5, 2009 at 12:38:03 AM GMT+8

2006 年 3 月 9 日 星期四 【晴】

丫!!Yoyo生日快樂呀~~
CE會考努力~
仲有,越大越靚女~~~~
同你honey仔開開心心~~~

我覺得一位朋友ge日記中,
覺得其中哩句形容得好對，
""當我越成長,
我就越唔可以唔承認我技不如人～
覺得自己渺小～我就係一個咁ge人～
有時會好炆自己～點解我唔夠叻。""

以前好多人會講,
「叻、做到一個成功的人又怎樣?你有快樂嗎?」
不過現在體會到,
響這個現實的世界下,
叻、聰明、成功的人才會被人看起,
才會被重視、重用,
人生在世數十載,
死了就什麼都沒有,
為什麼不快快樂樂的過?
可能，我還未明白什麼是真正的快樂啦，
所以就這樣說。

若果，人可以控制著時間，就好了‥‥
當身處響覺得唔開心、痛苦的時候...
把時間調快些‥‥
當感到幸福、被愛、快樂、溫暖的時刻...
把時間停頓‥‥
總之，可以隨心所欲的控制著時間,
真的很好呀＊﹒﹒﹒﹒﹒﹒

不過，
我們不能控制著時間，
可能咁樣的人生才是人生，
才是一個完美的人生，
可能，全部都只是快樂的人生，根本就不是完美的人生，
所以，
完美中，總是帶著缺陷的‥‥

唉,
這就是人生~
所以都係,勇於面對咁樣的人生啦,

況且，

時間不用我們調快,
它自己都會行得很快的,

加油吧。

>>October 5, 2009 at 12:37:40 AM GMT+8

2006 年 3 月 8 日 星期三 【晴】

now at kwanyee church ,
studing Econ,
2:00p.m go back to school .

****It was just my feeling
and say what i want to say*****

tonight ....here ....again,
study

****I don't expect anyone can understand and like me,
because ---I am who I am ---,
now, I become this kind of people,
a black and a bad one.

>>October 5, 2009 at 12:36:56 AM GMT+8

2006 年 3 月 6 日 星期一 【晴】

《斷背山》最佳導演呀,
好掂呀~
都話哩套戲好架啦~haha~
而且第一個中國人拿奧斯卡的最佳導演,
太勁了~!

尋晚12:00同karen傾電話時,
突然想打波,做下運動,
所以,就約左今早打羽毛球喇,
打一個鐘...完來都已經好累喇!!!!!!
不過做完之後好精神!!
係隻手痛lor!!
不過多謝你教我d打法同d手勢呀!!
仲有,多謝你頭先cook俾我食~~
you are my best friend ar haha!!

=================================================

我真的覺得....
人生就是充滿著不公平....
一個人聽話、順服、外表靚、
性格能取悅別人、懂得說話喜悅別人、
聰明、叻‥‥
就一定得到別人的留意和喜愛...
另外,
有人付出很大很大的努力,也沒有好的成果,
不過,
有人因為聰明的關係,只需要付出少少就可以得到很多,
....
點解我無哩d!!!???
誰人說世界是很公平的？

講真,
真係有d妒忌一d叻ge人,
我承認,在別人成功的背後,
有很多付出的,
難道我所付出的不比你們多嗎？

就算是信仰方面也是這樣,
人若聽上帝的話,按祂的旨意,
就會被上帝祝福,
上帝就會按那人所求的賜給他,
但若人沒有按祂的旨意行,
就得不到祝福,
就算得到祝福,也會較聽上帝話的那人所得的少。


誰人說世界是很公平的？


我真係覺得....
在這裡很辛苦,
在這裡,
我完全找不到自己的價值...
找不到自己可以成功的地方,
找不到信心,
找不到開心,
很想快點脫離這種感覺....

很想出來社會後,
找到自己比別人強的地方,
找到需要我的人
找到自己的地位
找到另一個自己

>>October 5, 2009 at 12:36:22 AM GMT+8