2006 年 1 月 6 日 星期五 【晴】

好凍.................................
我覺得學校好變態,好無良lor,
哩套咁ge校服邊會夠暖呀,
件風褸擋風但保唔到暖,
件校褸更加廢到唔廢,
又唔準人著街外褸喎,
d老師就個個著哂羽絨,
我地就個個凍到死,
市區溫度低過10度先可以著街外褸,
係咪痴線架,市區有幾可低過10度呀,
唔好玩啦,
咁即係叫我地唔洗指意著街外褸啦!凍死得啦!

仲有,果個咁ge網上查閱功課服務...真係麻鬼煩,
真係搵著我地學生黎搞!
功課哩家野...自己抄手冊,自己付責任架啦!
大佬,中7啦,自己做咩功課自己記低,自己付責啦.....!!

宜家,
真係完全無心機去讀埋哩2個月,
好多人都話..."你想臨門一腳先黎死咩?"
我都知咁樣好浪費...
不過...真係....已經無野可以激發自己可以繼續讀下去,
um....都有ge.......
um....得番2個原因lor....
1..為了父母.......同埋....2...我渴望日後有好舒服ge屋企......
其他野...都再談不上了........

宜家...完全專心唔到...........
個人不斷不斷不斷諗好多好多野,越黎越好有抑鬱ge感覺,
個人好煩好煩....

我發覺哩1年多的A-level課程....好多野發生左,好多野變左
總結係唔開心ge比開心ge多100陪,
發生左ge哩d野,令我困死自己響一個框框裡面,
哩一年多的裡面,我努力面對的原來並唔係讀書...
而且最辛苦的都唔係響讀書上面...
最辛苦的....其實係面對自己.....
而最努力的..原來係無數次的...從框框,從唔開心等等的深谷拼命跳出黎.....
希望自己跳到出黎...
不過經過一年多後....
發覺....越迫自己跳出黎,越迫自己做得好,
越迫自己要咁樣做...and唔好咁樣做時.......
係越辛苦...
我哩一年幾..原來...就係咁樣過左....
真係好無聊........

今日週會有IVE黎講talk,
聽完之後好唔開心,其實係好擔心,
好荒謬......原來....讀完中七去報IVE.....IVE係計會考成績黎收生!!!!!!!!!!!!!!
好搞笑lor,中七出黎唔係睇高考成績架咩??????
點解會唔睇....反而係睇會考成績架呢???!!!!!!
唔好玩啦...我會考又唔得......
咁宜家....連IVE...都有d困難咁啦....
哩d係咪叫"天會絕人之路".....?

之後,發覺,
好多人話...咁大個人...應該要獨立....唔係下下有人跟住你,陪住你...
當然咁講啦...因為你地有"人"一齊麻...
一係可以2個,3個一班friend,一係5,6個一班friend咁.....
可以響班中,行出行入都已經有固定特別close的幾個同學......
所以....你地會覺得我的唔開心無咩大不了...
因為你們擁有麻!....
不過,如果俾著你地無,無固定最close的幾個同班同學的話,
就會覺得好痛苦,好無助,好孤獨,
....行出行入都係自己一個....
睇下...果時你地做唔做到話咩要成熟d,獨立d丫?....

頭先聽完talk,就有好大咁樣ge感覺,
見到一個情境,
就係當完左個talk,一堆堆的人就一堆堆,響度彼此分享個talk d 野,
我真係好想同人傾下,講下個talk我聽到d咩咁....
但係...都唔知點插入人地果一堆堆度了,
um...其實都有插入去ge,不過覺得自己好似無人要,而要自己唔要面咁去搵人.
可能你地會覺得主動d啦、突破啦、主動d插入去lor,有咩問題o姐諸如此類,
不過都係果句啦,當你自己係面對緊時,
先體會到果種感覺,先會明白,
另外,走的時候,一堆堆,而自己就突左出黎,真係好難受...

爆討厭響哩班的生活，
好唔開心，
你話我成日唔開心好麻煩又好，自我都好、
況且我開始發覺，每個人根本都是自我的，
只係程度上的分別。

P.S：Lunch同呀vi食lunch,傾計,
佢尋日喊到對眼好腫咁番學....
小息見佢真係腫得好恐怖,
今日lunch同佢一齊傾計.....
2個就死ge人一齊傾計,真係好正,
因為大家都好有同感....
不過呀vi...
雖然我自己連自己都搞唔掂..............................
不過,我會好掛住你架......
雖然我唔開心,不過,我都想你開心,
我哩d人,你唔洗理我架喇,我已經無得救架喇,
我希望你快d解決到你ge唔開心啦。

>>October 5, 2009 at 12:07:31 AM GMT+8

2006 年 1 月 5 日 星期四 【晴】

看到一個朋友的日記
真係形容得好arm
"我好似唔記得左我真正既性格係點樣啦"
無錯
就係咁

每一個人都是壞人
都是不喜歡我的人

堅固的房子也會倒搨

就算有多要好的朋友
始終一天也應該會捨棄我
是應該要離開我

因為我不是好人

兩邊拉扯得很厲害
很痛
感覺就快被撕開般

高考
也不想面對了
面對不來

說不出的心覺藏在心內

>>October 5, 2009 at 12:07:11 AM GMT+8

2006 年 1 月 3 日 星期二 【晴】

點解....
可能群體ge生活真係唔arm我...
我極度唔想番學...
唔想再讀書...
唔想再同人相處....
唔想再好似以前咁隨便同人就交心...
不被接納的感覺....令我好好好唔開心...
究竟..我係咪真係咁難相處..........
我係咪...真的可以...令到人覺得同我一齊的時候好辛苦...好難遷就....?....
當我認為朋友係可以互相接納..互相提醒...互相包容時...
才發覺....原來....朋友..係唔可以咁的.....
我一直都認為朋友...係唔會計較自己付出幾多...遷就得幾多....
因為我認為選擇得成為朋友就是一種緣份...
只要不是傷天害理的事....無論對方點樣難相處...點樣同自己唔夾...
都可以靠著遷就...黎做到朋友......
我也有遷就!!.........我都有做到的......
但點解人會睇唔到...
可惜....原來我遷就人...卻得不到遷就....卻得不到接納.....
我真係未試過咁樣俾人話過.........
我覺得好hurt.....
我會不停的想...我真的這樣差??....我真的咁難相處??.....
從來別人對我的評價都不是這樣的...
我真係覺得..我唔係接受唔到批評,提醒的...
無論如何.....
我承諾...
我唔會再令自己受到傷害,
亦都唔會容易與人交心........
免得自己傷害到別人....而我自己也不知道......

好傷心...
好煩惱....
好down.....

唔開心的事...我真的會記得最清楚....
開心的事......其實我不想忘記的...可惜現實正迫我忘記.....

p.s:放學去了自閉室,第一次去咋~~
原來響自閉室溫書都可以ok專心架,
仲有,響library度...見到...原來《阿甘正傳》有《阿甘正傳續集》架...............
真係宜家先知.......=0=
哈,借了來看^^

仲有借了本《阿非的青春心事》......好似幾好睇咁......
青春.......心事.....
無錯....青春真係特別多心事......
哈哈哈哈哈哈哈

>>October 5, 2009 at 12:06:48 AM GMT+8

2006 年 1 月 2 日 星期一 【晴】

今日訓到12:30....=0=
好累好累....
起身食左麵,
今日媽咪放假,
所以...我應承同陪佢同bell bell落去玩~

由2:30落去,一玩就玩左3個鐘先番,ha~
好開心呀~最開心係陪到呀bell,俾d開心佢,
成日困響屋企,無人理,好慘好悶架,
難得...可以陪佢,同佢玩下!!
同埋Bell Bell今日識左好多狗狗朋友仔呀!!

我地行左去大屋督燒烤場果度,
之後再上埋提壩,行左好耐,
最後落番黎,
去左間士多食沙爹魚蛋,同埋山水豆腐花!!!!!!!!!!!!!!!!!
不過一般好味啦~

睇相啦哈哈~

佢唔敢行落d水度,haha~


上左提霸~景色宜人呀~


俾d海風吹住~不知幾舒服~



Bell Bell,乖


我的腳+大海


大靠山---八仙嶺


扮哂礎礎可憐,想問人拿野食,我係唔會受你tum ge


>>October 5, 2009 at 12:06:31 AM GMT+8

2006 年 1 月 2 日 星期一 【晴】

番完教會就立刻番黎屋企,
訓覺....
頂唔順...晚晚3點訓....
勁累...
因為夜晚要去Party,
所以決定番黎訓番2個鐘先....

訓到3:00,就起身,梳洗,換衫,變身,
之後4:00鐘就出門口,
5:00等同君e一齊搭火車出沙田,
我地2個自己遲d上家卿屋企,其他人就上先~
咁同君e出到沙田,我地就行左陣,
行CitySuper,再行埋東京新幹線,
之後...哈哈,
君e話想化妝喎...
咁我地就入洗手間...我幫佢整...
勁搞笑..我未試過幫人化妝..
好在今日個袋裡有哂準備o姐~

之後6:00左右,我地就搭小巴上家卿度,
哈哈...響小巴上,佢又要我同佢塗mascara....
未試過幫人塗gar....=0=

好快就落車~
響山上面架,好高~搭車時耳鳴=________=
好靚,好靜,好舒服ar果度,
高高在上!!

上到去已經好多人...
我識ge有夢夢,蘇敏芝,錦清,Ada,william,Him,
另外有家卿2個細妹,屋企人,其他幾個chw舊生,
加埋我,君e,家卿,
好似都有成10幾20個~
好多人.
感覺有d似睇O.C ge Party~@v@ HAHA~~

好快就有得食野,
我地有三個食法,傳統BBQ,打邊爐,韓式BBQ~
食左好多野呀我!!!!!!!!!!!!!!!!!!
正!!!!!!!!!!!!!!!好好味!!!!!!!!!!!!!!!

我地響天台BBQ,
食ge中途,
發現到行入d,果度ge景色好靚好靚!!!!!!!!!!!!!!!!!!
係飽覽沙田景色架!!!!!!!!!!!!!!!!!!!!!!!!!!!!!!!!
視野廣闊!!!!!!!!!!!!!!!!!!
望落山下面,燈火好靚!!!!!!!!!!!!

食完野,就落番屋企玩左陣,
玩killer~
一班人一齊玩下,幾好笑,幾好玩丫~~

哈哈,今日個P都幾好玩^^
響佢地哩幾個朋友ge當中,
佢地個個都好好人,好nice,
其實....搵到少少安全感......
有被重視的感覺,
而且佢地今次竟然會叫埋我黎...
都真係好開心^^

玩到10:30就走了~
搭番mini bus----> 火車----> mini bus...
11:30就番到自己屋企了~


平時...
我好少會咁樣咁多人一齊玩....
原來,耐唔耐咁樣同多d人一齊玩下,笑下,
其實.....都幾開心ge^^


哩幾晚都搞到好夜,
都好累,
其實,個心都散左喇,
頭先響火車時我地計過...原來距離Mock...剩番6個星期左右.....
係2個月都無....
ha...我都唔知我點死喇,
宜家先黎心散....

>>October 5, 2009 at 12:05:59 AM GMT+8

2005 年 12 月 31 日 星期六 【晴】

2006年了~Happy new Year!!
激死我喇!!!!06年新ge開始就有唔開心呀!!!!
因為....倒數時...竟然響小巴上面!!!!!!!!!!!!!!!!!!!!!!!!!!有無搞錯!!!!!!!!!!!!!!!!!!!!!!!!!!!!><
趕唔切番屋企!!!!!!
竟然響小巴上過倒數....
小巴上....無人歡呼.....好沉靜...
我第一次倒數係無得出聲咁倒數lor!!
預計我黎緊哩年都唔方好@@

講番今日丫~其實今日都好開心呀!!
今日補完課,就買左碗叉燒賴粉,就上karen屋企,
上去借一借地方一用~
食左野,換衫,變身!!
之後就同karen一齊過大中~
佢就出佢ar姨度,
我就等埋daddy,mummy,
就搭72X出MK喇~

出到去,距離睇戲仲有2個鐘,
所以就行下街,
陪媽咪睇佢公司用ge指甲用品,
之後就番朗豪坊~行、行、食、食！
哈哈哈哈哈！


仲有~~!!探左4個funny澳洲人!!
睇唔到佢地沖涼添~Haha!!



之後又場睇戲前,去左Delifrance食野,
好開心呀!!好好味!!
咁貴,平時唔捨得食~
家下媽咪響度,就有得食啦^^

睇下媽咪幾開心^^



食完5:45....已經開場喇,
所以我地好快咁趕入場,
arm arm 開始做~好在!
睇左3個鐘~
超好睇~
無悶場~
人情味豐富~
人性的刻畫很細膩!

真係....有喊....
其實由哥羅芳果度已經想喊..不過都ok,忍到~ha~
但去到帝國大廈上面最高果時,果幾幕,
就真係好感動,唔係覺得慘....而係好感動....
雖然一早知道隻kong會死,但去到果個位時,都好感動,
淚流滿面......眼淚係咁滴落黎個嘴度...haha...
呀dad呀mum笑我...........話我做咩搞成咁.....=0=
可能好多人都唔覺得值得好喊,or唔覺得慘,包括我daddy,媽咪...........
不過,都話架啦....
人死我唔會喊...........動物死我先喊...............
haha...好似好變態咁....@@
不過..........
我覺得king kong咁奮不顧身,義無反顧...咁保護個女主角....
真係好感動!!@@

哈哈,
anyway...睇完戲....
行左陣....
haha~
估唔到我買左條裙.......我平時都唔敢著裙ge...=0=
見條裙好靚,加上又想試下著下裙...咁...入左去試身,....又ok喎,接受到!
咁....就買左喇....
好驚買左又唔敢著...=0=

之後我地就行去奧海城,
嘩,that Christmas Tree勁大勁靚!!!!!!!!
仲有原來奧海城有倒數活動,又有d歌手黎表演,所以勁多人ar!!

My father and mother^^


咁之後...都成10:00了~行左陣~咁我地就食野,
哈哈!!!食魚腐呀!!
正!!!!!成碗食哂!!!!!
真係好好好鐘意食哩間d魚腐!!!

我鐘意的魚腐米線^^


食完....11:00,
同佢地去百佳買生果,
無意中...俾我見到....haha!!
薑餅人呀!!!!!! 係 ICQ中ge我呀^,^
果舊薑餅人餅餅係Small的!!!!好得意!!
我就買左佢番黎喇~
不過...其實我又唔鐘意食架bor~~~haha~~
...咁....買番黎...就係睇..之後就變壞架咋...=0=

好鐘意ar!! Ginger Bread Men !!!



時間真係過得好快好快...
人生真係好短暫.....
咁就一年...
話時話....
其實.......
我都唔太想面對新一年....@@
好多野都唔想面對....
....A-level......驚.......
仲有....呀bell又老多一年喇........驚....
仲有仲有.....
好驚面對自己.....
新一年,大一年,即是要有多一點的進步啦.....
......不過...我又怕面對自己做得唔好的地方...要改善的地方....
另外....與神的關係..又唔想面對.....
總之...好驚大一年就卻退步一年....

哈哈......20歲都未到,就咁灰,
唔知ar~~Just what i'm worring about....

>>October 4, 2009 at 11:59:00 PM GMT+8

2005 年 12 月 31 日 星期六 【晴】

死喇,
我變左隻夜鬼喇...
放假如果唔洗補課...我就會訓到成中午12點1點先起身...
之後宜家每晚成點鐘都好精神~~!!
真係越夜越精神架!
尋晚都成3:00先訓啦~~haha!!

今日訓到1:00~
起身刷個牙,之後cook個lunch自己食~~
老豆買四海魚蛋出品ge順得魚腐,
我就用黎cook左個麵食~
e....都唔好味ge~~
等我知道老豆買左魚腐番黎..我咁興奮同期待,
原來唔好味ge~!!
最好味都係奧海城果間的魚腐湯米線!!!
聽日睇完戲一定要去食呀!!!~~~

好野！聽日就睇戲喇！

lunch之後~就做UE~
之後又訓左....由5:30訓到7:30.............................

7:30起番身,
好內疚...知死.....
即刻溫書！
溫左實用文~~
溫完哂d實用文喇~~~
個心即刻無咁內疚...
因為...今日都無白費丫~

細hel就開心啦~Bosco又有新劇集出喇,
識法代言人仲有三集就做完喇...
無得睇Samuel喇><
話時話,真係越黎越鐘意佢呀~~

死啦....
以前唔鐘意玩......宜家先黎開始鐘意玩,
A-level喇,點解...好似唔關我事咁....=0=
完全無哂鬥志...
好想hea左佢...
不過如果我真係hea左佢...我以後ge前途....就會死得,
點算...???!!
我唔可以再hea喇,
但我又好想hea喎,
我死得了！

>>October 4, 2009 at 11:58:31 PM GMT+8

2005 年 12 月 29 日 星期四 【晴】

今日11:30先起身,
老豆買左個麥當勞早餐番黎,
哈哈,正~
食完就開始做history 2001' 的DBQ,
估唔到一做......就做成日....
中途又訓下覺....行黎行去...又不斷食野....
d自制能力....真係...haha~~~~~

下午同老豆一齊合力大洗魚缸~
雖然成缸魚死哂,不過...
我地一定會再接再"厲"!!!再接再"黎架"!!!!!!!!!!
洗好個魚缸,等呀Vi俾d魚仔我~~~!
新一班白老鼠呀,.hehehe=0="
死未^^

得番聽日可以溫下書,做下野,
星期六...要番學校補UE,
下午就同daddy,mummy去朗豪坊睇戲!!!睇《King Kong》呀！
好多人都睇左喇,
個個都話套戲好正,好好喊wor,我都想喊下呀,
haha~~星期六就可以睇喇!!
都幾期待呀!!~~
仲有.....好掛住果四個澳洲人呀....!haha!!
到時一定要記得去探下佢地先~~~
(嘉敏,我會影佢地相俾你睇~~ha~~如果今次....見到...佢地沖涼...ha~就好喇~~~ ^V^"")

星期日下午,會去蔣家卿屋企玩呀！
到時會有好多人呀~
第一次同家卿,君宜佢地果班玩!!
之前,都未試過同佢地幾個果班一齊玩過,
我估...都應該幾好玩架~~
都幾期待呀,因為睇左當日流程個e-mail,好似好好玩咁^^
希望會開心啦~~

>>October 4, 2009 at 11:58:02 PM GMT+8

2005 年 12 月 28 日 星期三 【晴】

今日補地理,
9:30補到成2:00先放,
4個半鐘呀！
不過,我今日ge狀態又ok喎,
傾下,講下笑,聽下書,抄下筆記咁,幾開心~
都算過得快喇d時間~

之後,
我就自己過左大中,
無啦啦落雨架！由學校行過去大中時,d雨都幾密,幾大粒架,
好在我件羽絨有頂帽仔咋,
如果唔係就仲濕添！
不過,我見哩幾日好似暖番d,
所以,我今日將件羽絨脫左2隻袖ar,
點知....今日竟然咁凍!!............
激死我喇.....
行去大中時真係凍到丫....
又流鼻水ar....@@

自己響大中行左一個round,
都係睇下果幾間精品店,
因為想搵靚ge電話套呀,
頭先見到有個小飛象電話套好得意呀,
其實,之前想買布魯圖架,不過家下又見唔番wor,
不過其實,
都唔知買唔買有公仔好ar~
好似好小朋友咁,haha~
都係睇定d先~~~
唔可以心急~!haahaa~~

行完之後,
買左10蚊三包ge 撈麵!!
好好好耐無食喇!!所以,覺得勁好味!!!

之後,我又好想過富善食薯餅喎~~
最後...haha~~~~都係行左過去食~~~~
自從10月停左學琴之後,
三個月喇,都無去食呀姨ge薯餅喇,
以前每個星期都一定會食一次,
逢星期四,行去學琴時經過都一定食的.
哈哈,
頭先....又係好耐無食的關係,所以...
haha!!!好好味呀!!~~~~

有鐘意食ge野食,真係好幸福~~~哈哈哈哈哈!

食完,行去撘車,
好大雨,
濕哂喇.......><
好凍添呀..............><
之後搭車番黎home,
落車....又係好大雨......
濕左半個人..........
凍..........................
唔係o瓜.........=0=..........我arm arm先好番dd咋,
唔想咁快再病過呀！


yaYa!!聽日後日唔洗出街！
可以響屋企正正式式溫下書！^^~~

>>October 4, 2009 at 11:57:44 PM GMT+8

2005 年 12 月 27 日 星期二 【晴】

尋日BBQ的相~~
一人一叉!!


前日星期日響教會影ge相ar~~~
左起：細hel、本人、karen


有新手機~~~哈哈~~~立即用黎玩自拍ar@@



講番今日，
今日補習呀....
好累ar！
由2:30補到8:00....
補左5個半鐘ar...!!
頭好痛ar....
原來我支持到咁耐呀,好厲害呀！

補完之後,
約左daddy,mummy響新達的"紅樹林"食西餐~~~
嘉敏都一齊食呀!!好開心!!
好似一家四口咁,如果我有個妹妹就好喇,
好想試下照顧人,haha~~~
不過...照顧人之前,要首先照顧好自己先ar~~

唔開心ar
哩2晚都出左街,
唔記得錄陳鍵鋒呀！
無得睇！
我諗我都要透過d非法途徑去睇番先得！

>>October 4, 2009 at 11:57:09 PM GMT+8