2006 年 5 月 8 日 星期一 【晴】

===第一次+第一日番工===

今日中午出去大中,
買左對番工著的新皮鞋,
之後就番屋企,
沖個涼~
再訓左一個鐘~
4:00起身~換衫化妝~
4:30就出門口番工喇~

一入火車,
就見到2個老師...
不過同佢地都有d距離~
所以佢地應該見我唔到~

今日番6:00~11:00~
咁我6:45番到去,
就開始我第一日ge工作喇~

首先,一個女同事教我開工打卡,
之後就響員工更衣室,俾左套制服我,
我就換衫,
之後要出商場ge toilet...束辮,
一出後門,
就見到幾個同事圍埋一齊...食煙,
第一個感覺有d驚~
不過,其實我都預左,離開左學校,出到來社會,
人...就會複雜同咩人都有,
可能,在學校認識的人真是最純良的了~

咁番到鋪,
就開始工作了‥‥

第一樣野學的,就係分叉、刀、匙羹,
分完就浸熱檸檬水,
再抹乾~
最後拿番出去cup board。

之後,
另一個男同事就教我一系列ge野....
記台號、
set位放紙巾,和叉,刀匙羹、
清理碗碟入廚房,
同客人打招呼、
俾剛剛到的客人暖or凍水、
巡台fill水、收碗碟,
客人走時...清理台面,
重新set台。

接近10:00時,
另一個女同事就教我清理cup board,
拿走垃圾袋,換垃圾袋。

總括今日,都係不斷巡黎巡去,
留意剛來的客要俾水、留意fill水、留意食剩的碗碟要收、
收碗碟盤拿入去廚房、
俾下餐牌、芝士粉...............

其實我估...我現在的工作量應該唔辛苦了,
因為,我仲未需要落單同埋單...
如果做埋哩d,我相信我需要行走得仲多,
一定仲累架~

其實,我11:00果時,都可以收工走得架喇,
不過我見d同事一齊食野,
我咪坐底食少少lor,
有穌皮湯、三文魚沙律、同d抄意粉呀~
好似好正咁ar,不過...
因為累了,都無咩胃口,
所以食左少少就走了~

總括今日,
可能由於我仲未出餐,
就算收碗碟都唔太重,
所以對手唔累,
但係對腳就好累了,
我對新鞋前面有d夾腳....腳趾尾腳甲.....斷左同流血...>o<
好痛ar,
同埋腳瓜好累,好酸軟呀,
其餘的身體部份,都ok,
無咩點累^,^

其實無得點樣break的,
不過可以叫bar的同事沖杯野飲~
唔洗錢~

um...d同事方面,
so far都ok啦~
都好願意幫助我,好願意教我,
係有一兩個無咩笑容...講野直接d...同cool d lor,
大部份都ok架,
起碼,在我面前都ok,
起碼合作得來呀。

好彩,
今日第一日番工都無咩野出錯...
只不過被主任和教我的同事....指點一些做得唔好的地方,
例如收野一定要用托盤,
就算收2個杯都要用托盤...
另外,客人埋左單都好,
但一日未走,收佢食完ge碗碟時,
都唔可以收左佢隻水杯!
頭先,就係....我見佢埋左單....我過去收碗碟時....
唔知道...收埋佢隻水杯...
好似想趕客快d走咁>.<

我放工前,
睇左今個星期的間表了~
我隔日番呀~
都好丫,唔洗太累呀,
我黎緊...
後日...
星期三：6:00p.m~11:00p.m
星期五：12:00中午~6:00p.m
星期日：6:00p.m~11:00p.m

今個星期的time table....就係咁啦~

我希望我可以聰明d,醒目d,最緊要係....記性好d!!!!!
咁我就可以...少出錯,快d學識多d野,多d幫到手~

無錯呀...經過今日...我真的覺得,
每一份工作都可以有好多野學,
以前我認為做快餐店...or canteen...
都應該無咩特別技能同咩野學....
不過...今日就覺得,單單響一間canteen到做,都有好多野要學,
一間鋪頭由早到晚的run down,
係涉及有好多野的,
係有好多程序...好有系統的,
所以都確實有好多野記和學呀!!

同埋,原來意粉屋的管理同服務真係唔錯ar,
對員工的工作服務要求都好仔細...
整間野一整天ge run down都好有系統呀....~~!!!
同埋...d野食都好似唔差咁ar!

真是一間唔錯ge餐廳~

>>October 5, 2009 at 1:33:50 AM GMT+8

2006 年 5 月 7 日 星期日 【晴】

很喜歡欣賞天色，
也很喜歡欣賞平靜的大海＊~

summer 的天空真的尤其靚，
真的很美！
雲層是厚厚的，
白雪雪的、
軟綿綿的，
很想躺在藍天白雲的天空裡＊====


好想出海呀，
很想和一班朋友租一小艇仔~
出海釣下魚、影下相、響艇上玩下傾下計、
欣賞下大自然的景色，
嘩，藍海呀、藍天白雲呀‥‥

哈哈哈！





可惜，大家都要番工了>.<


宜家，連BBQ都要落空了>o<"

>>October 5, 2009 at 1:34:08 AM GMT+8

2006 年 5 月 6 日 星期六 【晴】

今日要睇3套戲~
剛剛先睇完《無國界追兇》~
等陣繼續睇埋餘下ge 2 套!!~~

今日ar~
幫karen做功課......
都唔係好知點解當初會口響響,應承左佢架@@
一起身,就做左2篇半ge Newspaper cutting~
搞左成半日...真係好跨張呀~~~
haha!!
請食飯啦要!

>>October 5, 2009 at 1:34:22 AM GMT+8

2006 年 5 月 5 日 星期五 【晴】

今日係family day~
陪daddy,mummy出街~

我好耐無試過咁樣毫無顧慮的出街興鬆了!!
起碼自升上中六後...都無咁free的行街...
唔洗心裡掛住要番屋企溫書~

今日首先,
我地出左觀塘APM行,
3:00幾左右~~就搭地鐵出尖沙咀,
因為daddy買左5:00睇戲呀~
響尖沙咀睇 M.I.Ⅲ~~
《職業特工隊Ⅲ》
好好睇呀!~由頭刺激到尾架~
真的好緊張架!!
唔錯唔錯!!

睇完~7:30左右,
就搭271番大埔了~

響舊墟一間野食上海野~~~
宮寶雞丁,上海炒粗,銀c卷,小籠包!!!
好味呀!!~~~

今日,實在太慘太痛苦喇....我指我對腳!!!!!!!!!!!!!!!!
因為著左對高根鞋!!!(另外一對)
行得耐...就勁痛!!!真係勁痛!!!!!!!!!!!!!!!!!!!!!!!!!
痛到想喊!!!!!!!!!!!!真係好好好好X100000000000000痛!!!!!!!
我諗....如果....女人生仔係10級痛的話...
著高根鞋係9級痛!!!!!!!!!!!!!!!!!!!!!!!!!!!!!!!!!!!!!!!!!!!!!!
痛到無心機行了....睇完戲就搭車走..>,<

聽日,我要響屋企休養下喇~~~~~
頭先租左三套戲,《燦爛人生part.2》,《無國界追兇》,《撒哈拉奇兵》
聽日響屋企睇~~~haha!!
同埋....
我................要......................
幫karen做功課.............=. ="..........................................

**今日食左雪糕車ge軟雪糕ar~!!
好耐無食喇!!!
真係太好味!!

丫~尋日同panda響屈臣氏呢~
買左杯糖~
係The Jelly Bean呀,
我覺得佢好得意的~
一杯內有成差不多30種味的~

不過...有d味原來真係好難食...><

>>October 5, 2009 at 1:34:39 AM GMT+8

2006 年 5 月 4 日 星期四 【晴】

(長到爆的日記....)

丫~響我報告今天發生的事情之先~
應該要講樣野先...唔係會俾人打的~
就係：生日快樂呀!!!!林嘉敏!!!!!!!!!!!!!!!!!
我記得架,幾厲害^u^~!!!

嘩KaKA!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
今天完成了最後一科----中國文化科口試
我成了!!!!!!!!!!!!!!!!我終於正正式式了結左個A-level喇!!!!!!!!!!!!!!!!!!!!!!!!!!
真在太過興奮喇!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Wa kaka!!!!!!!!!!!!!!!!!!!!!!!!!!!!!!!!!!!!!!!!
係完完全全finished喇!!!!!!!!!!!!!!!!!!!!

講下個考試啦,
今日早上...番學校練習都唔係太掂~
我個人的自信心都仲係唔係好掂,
個人短講又好驚..
講左2句...就緊張得濟...就問呀sir:可唔可以重頭黎過...haha~~

咁練完啦...11:30a.m....就買左個M記,番屋企食~
(我都唔想食M記架...不過忍唔住喇太耐無食)
食完...訓左2個鐘~~
唉...食完M記就立即訓...今次仲唔肥死....!!!!!!!!!!!!!

之後3:30起身...就再練下d講野同寫稿...
又睇下呀sir d 報紙咁,
咁好快就5:30...就出門口了~

我考6:30果場,響富善園玄咋~~~好近HAhaha!!!!~~~
同panda一齊入試場~
大家一齊鬥驚..><
入到考場....其實真係好鬼好鬼驚同緊張!!
其實我最怕最怕就係哩d咁ge口試.....要對住人講野...>.<
頭先去到...先知原來我同panda分開市場考...我4樓佢2樓...
大家各自努力!面對挑戰了!

第一round就到我了!!!
實在太好喇...快d搞掂..唔洗驚咁耐ar!!!

入到prepare room...都已經唔識驚了...
心裡同自己講：
"信心信心~振定振定~只要有自信心,我實得ge!!"
以咁的心態...就去考哩個口試了....

哈哈,我係四號同學呀,好開心同好興幸ar,
因為最鐘意做中間位置的人,
第一個講就會好驚,最尾講又俾前面的人講哂~~haha~~

當第一、二、三號同學預備時,
我..............大概睇到....題目係圖片題.....................
一年得一題係圖片題....我真好彩....
睇到係圖片題...驚左一驚,
因為驚完全唔明幅圖講咩....

好喇,到我預備喇............
深呼吸！同自己講：勇氣、加油！我得ge！
收到題目後...就一直衝了~
哈哈....幅圖都唔難ar原來~
係講教育的~

好啦,過去考試室考了,
再一次，深呼吸！同自己講：勇氣、加油！我得ge！
咁就叩門入去了~~

終於完成了,
講的時候,
我無驚、無震、無亂、無沒有野講的情況，
仲有,時間.......以往我一直都講唔到兩分半鐘的.....
講唔到兩分半鐘就一定fail,
哈哈!!!!今日!!!我做到了!!
距離3分鐘,剩番15秒咋!!!!!!!!!!!!!!!!!!!!!!!!!!
同埋內容同個結構都應該ok啦~
v.gd!!!!!!!!!!!!!!!!!!!!!!!!!!!!!!!

同埋果一男一女的考官真的好好呀,
笑咪咪咁,
俾我有稍為興鬆同舒緩緊張ge感覺...
而且,當我講野的時候,
佢地會微微點點頭...
我覺得,俾我有好大ge認同感呀,
令我無咁緊張。

到小組討論喇,

題目係：
~假若要在香港紙幣上印上名人肖像,以下會選擇哪一位？
曾蔭權 邵逸夫 李小龍 金庸
試討論並達成共識。

"達成共識"哩種題目...呀sir真係tip中左呀!!!!!!!!!!!!!!!!!!!
哩2日番學校練,都係練哩種題目!!
so, very happy ar!!!!!!!

不過,
我覺得我哩組大家ge勢力都差不多,
無咩邊個突出咁呀,
不過,我都有用ar sir的技巧,
找出問題的重心...引導討論...
不過好似無咩人so我咁....haha~

唔知點解,
平日響學校練時,自己做得好差,
做唔到ar sir要求 ge野,
但係,一出到來考試,
平日所學的每一點,每一樣野,每一個技巧,
頭先都可以好好的發揮出來,用得著...
所以,呀sir實在太厲害!!!!!!!!!!!!!!!!!!!!!!

好多謝wong天生老師的教導,
佢真係俾左好大的信心俾我地,
令我地出到去考的時候,有好大的信心同能力,
令我地感到自己絕對不比別人差,
所以....好 :) 呀!!!

我考6:30果場,
仲要係第一round就考了,
但考完...都成7:45先出離開學校~
咁我就坐響M記等埋Panda~
響等panda中,報告我的喜訊俾我d好友知~~~
daddy啦,karen啦,fanny啦,君e啦,珈卿啦,yoyo啦!!~~~
多謝大家同我分享我的開心呀^,^

等埋Panda出黎~!!!
我地一見到面就狂笑!!~~~心情好high~~~
因為終於完成了!!!而且大家都幾滿意ar!!!
實在太好!!!
我地去左大中的仙跡岩食野!!~~~
我地響仙跡岩度傾計~
不知不覺間...原來都傾左成一個幾鐘呀~~
望下個錶~嘩~~~10:00喇~~~

之後仲響大埔廣場行左個圈~因為panda話要"落下格"喎~~haha~
行下行下~又行多半個鐘~~
差不多10:30先走呢~~~

我覺得好開心ar,
因為有Panda相伴,令我今天無咁驚,
因為有個伴,
有個支持者,
而且感受到有人與我一起努力呀~~~
另外,我好似都未試過同panda咁樣2個人傾計的~
真係第一次同佢咁樣傾計,
我覺得好舒服呀,同埋同佢close左好多咁呀~
都好開心同好珍貴^^

仲有,亦好興奮(真係好興奮)~
fanny響我考前30mins打來俾我,
俾左好多好多鼓勵同支持ge說話俾我,
對我黎講,fanny對我的說話真的好大ge支持!!!!!
好開心呀^0^

終於完了........所有都完成了....
要大大的鬆一大口氣....
原來縱使辛苦...不過辛苦過後...努力過後....而親手完成了一件事情....
是何其的興奮....是很滿足的....
(((所以...karen要加油ar,努力,
...記住,,只要一直努力向前衝,辛苦過後,回望轉頭..你一定會感到好快樂的))))

之後下來的幾個月~
我又要面對不同的挑戰了~
不是學業...
而是第一次...嘗試出來工作的挑戰,
相信我會有另一番的體會...

我可以專心的工作,響洗杯....傳菜中...學野!!!
仲有當工作時間穩定後...就學番琴琴喇~
我要向我的夢想------八級鋼琴進發呀!!!!!!!!!!!!!!!!!!!

Ya!!!!!!!!!!!!
好有衝勁同盼望呀!!!!!!!!!

>>October 5, 2009 at 1:35:34 AM GMT+8

2006 年 5 月 2 日 星期二 【晴】

各位我有工做喇!!!!!!!!!!

多謝emily以行動來支持我呀^,^!!!
我地1:00響新達等~
之後搭火車,1:30就到九龍塘喇!~~
之後坐底響KFC...買左個飯食..
哈哈~大緊張~~所以食左一半就食唔到~~

響Spaghetti House門口驚左一陣,
就鼓起勇氣衝左入去~
：唔該,我想搵Tony(經理),係XX介紹黎見工架
咁個Tony就出左黎~
坐底,俾左份form我填,
填完就問下我野咁~
問下我之前有無做過哩行~
咁跟住就問我幾時番得工~~
我話星期一開始可以~~咁佢就話"咁你星期一番工啦"
之後佢再講下工作時間ar、工作範圍ar、薪金呀咁~
佢星期日編好d更期就call我~
整個過程10分鐘搞掂~~好快手~~

丫~講下份工的info啦~
地點~
係又一城的Spaghetti House~
薪金~
$21 per hour(車錢都無左一個鐘ge錢呀),
半個月出一次糧,現兜兜的cash^,^
時間~
一個星期大約做3,4日咋,
鐘數~
自己take~~haha~~可以做多d hours,可以做少d(半日)~~~
不會影響我星期日番教會架,因為我可以take Sunday中午先開工~
不過星期六要做full day~
工作~~
經理話會係好辛苦的工作~
初初做,就會響bar度洗下杯....><....or 出下菜,上下菜咁呀~
((只希望...我有力托起d野食=0=" ))
之後慢慢就會教多d野俾我~例如對客人呀、落單呀咁lor~

下星期一~
就番第一日架喇~~~

情況...大約就係咁lor~~


其實我真係好開心~
我完全無去搵過工...就有份工做,
(一直都想有工做,但無勇氣行動,去真係去搵)
雖然薪金都幾低....
不過...考完A-level...咁快就有份工做,
都好幸運架喇!!~~

星期一,就係嘗試我人生一個挑戰喇!!!!
好大的挑戰~~~
哈哈,我終於大個女..
踏入勞動市場喇~~~
希望我醒醒目目、學野快手d、話頭醒尾啦~~~~
咁人地就會教我多d野~我快d上手~可以做多d hours啦~
咁就可以快d加我薪酬^v^ hehe*~~~~~~~~~~~!!!

我相信,這一定是個很好的經歷、經驗、挑戰~~
我將會學懂書本上不能學的東西呢!!!

不過~頭先見到果度d員工,
d 女仔男仔好似個個都大過我咁呀(可能其實差不多大....但我生得細o姐),
人地一齊做野咁耐~所以已經好friend~
我好希望快d同同事熟~
同識得同同事相處呀,
同埋遇到d好人啦~~~
同人熟左~咁樣做野都開心d麻~~~
有個照應呀麻~唔識做d野都可以問人~~

同埋~希望唔好俾人蝦啦~
要適當的保護自己~

出黎做野,就要學習主動了!!!!

>>October 5, 2009 at 1:36:23 AM GMT+8

2006 年 5 月 1 日 星期一 【晴】

聽日係我人生裡面第一次的見工呀!!!!!
好緊張!!!但又好開心!!!

係我堂妹的呀姨介紹的,(尋日先聽到哩個消息)
佢呀姨識果間野的經理,
而果間野又好需要人手,
我堂妹同佢的一個同學,前幾日都去in左喇,
都請左佢地,
哈哈,我諗我...中7畢業...應該都得o瓜~~~

丫~~間野...係響又一城ge意粉屋~~
環境都應該唔錯ge果度~~~
哈哈,希望我成功啦~~~

哈哈!!頭先同emily MSN,
佢竟然話聽日想陪我去呀!!~~
真係好多謝emily!!!!
其實最初都好想搵人陪架~~~
你知啦~~有人陪住我身邊~~我會定d~~~
不過諗諗下,都大個女喇~~
應該學習自己有勇氣去處理一d事~~~
所以都諗住自己去架~
不過家下有好好的朋友相伴^^都好ge!!!
始終有人傾下講下係好d ge!!~~~

so....勇氣!!!
......哩排很多事情,成日都考驗我ge勇氣>.<

>>October 5, 2009 at 1:36:43 AM GMT+8

2006 年 4 月 30 日 星期日 【晴】

諗左好耐....
今日，我終於付出左好大ge勇氣,
踏出第一步,
今日...番番教會了,
已經四個月了,
今天是時候回家喇。


其實,我覺得今次真係學懂了不少東西,
而且,以往響知識層面上識ge野,
今次係親身體會,感受得到...
例如以往在知識層面上,
知道浪子回頭ge故事,
亦知道無論我們怎樣,
神也會接納我們和尋回我們,
但可能我由小開始信主,
所以,很多很多的東西都已經麻木了,
所以很多東西只是知識層面上知,
但卻沒有實質的領會,其實根本是不明白的...
而今日...
雖然最初番到去..感到有d壓力,
因為覺得自己好失敗...
所以好怕被人看見...
不過,我相信我已經行出了第一步!
另外,今日..
我真係第一次真真正正的體會到好多好真實的感覺...
都是以往麻木了...失去了的感覺...
例如,今日,好感受到一家人、姊妹間的情宜,
我這年一直渴求被愛,被關心...
而今日真的感受到被愛、被重視、關心,
哩種感覺,是我好耐都沒有的,
今天實在得著滿足...
同神方面...
我今日真係重新被神的愛感動...
以往信得麻木了....
有一段日子,好似已經不能再感受到神的愛...
亦都覺得神不愛自己..
但是,經過今次...
我真係好知道神是愛我的,
最起碼祂讓我回到祂身邊...
我好感受到一樣野...
就是,這幾個月...我咁多罪...咁唔聽佢話...又唔認佢...又質疑佢...又忘記佢以往的恩...
但今天,祂仍然好像對我說祂不介意....
信主咁耐...什至浸埋禮....
今日是第一次真正的體會到...就算自己真的很多罪..很差..很衰...很忘恩負意...............
但祂仍愛我...
哩d都係從前未經歷過,未體會,未領會.....
或者一直以為自己明白但其實不明白ge一 d 感受同體會...


所以,回想番...
若果沒有當初的離開,
我是不能體會這些感覺,
所以...我應該好好把握今次的機會~
重新開始...真係重新開始....
我相信,好快有一天,我可以變番一年前的我,


*好thanks 你們的接納同支持,
是你們幫助我鼓起勇氣,
面對自己、面對神，
幫助我再一次踏入這個門口。

Thanks yours＊~~~
~~Christine姐, Connie姐, karen,hel,ar tung, 小園,君e,文彥
仲有頭先同我講過下面ge說話的人：
「我好掛住你呀」
「好耐無見喇」
「你番黎喇」

~~Love yours＊


由今日開始是新開始,
一切重新~
以往ge事....由它們過去吧!!!

我不用再在世界上尋找什麼，
因為在這四個月中...
我都尋過了.......
可是原來...這些東西都確實不能滿足我內心深處...
好像真的..."尋遍了世上也沒有任何像祂"...
所以，要再一次抓緊天父。

今天,很大很大很大的感動....
失去了很久的感動...
很久很久沒有為神而痛哭了,
今日,這個哭實在令我太開心,
一路唱,一路哭,
我過去大半年的罪...一切的事.......
好像隨著湧出來的眼淚....而被神清洗淨般.....
感覺真的好舒服....好寧靜...



《誰曾應許》

誰曾應許，一生不撇下我？每段窄路，誰陪我去走過？
誰還領我，於青草恬靜處躺臥，豐足恩惠比海沙更多？

誰曾應許，天天看顧著我，晝夜眷佑，連頭髮也數過？
誰還以愛驅走心裡懼怕，怯懦那懼路途捲動著漩渦？

因你是我主我避難所，我盾牌和詩歌，
你是我的高臺我隨時幫助，
來吧，用信心讚頌和高歌，你永在我心窩，
唯你有永生江河，除你以外不倚靠別個，

"我究竟算甚麼，神你竟這般顧念我。

>>October 5, 2009 at 1:37:23 AM GMT+8

2006 年 4 月 29 日 星期六 【晴】

一直以來,影左好多雲，天空ge相。


天空同雲就好似人的心情一樣，
變幻莫測，
今日藍天白雲...聽日就突然灰雲密佈..
今日灰雲密佈...聽日又可能藍天白雲...
不過整體黎講，天空都係好美麗的！

>>October 5, 2009 at 1:39:04 AM GMT+8

2006 年 4 月 28 日 星期五 【晴】

今日實在太開心喇!!!!!!!!!!!
我想做ge野............今日終於都做哂!!!!!!
cut hair,買shose同衫~
哈哈!!!實在太興奮!!!!

今日1:00出到間髮型屋,
點知佢自己都電緊髮,
叫我5:00再黎過~~
都...ok啦~
咁我就立即call人陪~~
哈哈!!!想近近地行下沙田~~
突然醒起珈卿住沙田~~
咁就call佢~~~一齊行下街街~~
哈哈~~點知佢真係肯出黎陪我喎~~~
都幾開心呀~~
同多d其他朋友相處~~
可以了解多d其他人~~~

我行左好耐,睇左好多間鋪~~
終於買到一直想買ge shoes~~
仲有,買左一直想買ge外套~~~
之後...我地響仙綜林食野~
傾下計~
仲有d野好味呀~
不過食完唔知點解有d想嘔~~
仲有,
我地影左貼紙相~~~

之後5:30番到黎大埔~
去cut hair~~
第一次焗油~~~
原來焗完油,d頭髮好滑架~~~
剪完~感覺好似輕左好多咁~!
d頭髮薄左好多同碎左~
不過都係咁長~

今日...
洗左好多錢....
不過令到自己好開心,
好多壓力都放下了~
我要小心唔可以俾自己放縱響物質裡面,
不過有時,物質....又確實可以令到人有表面和短暫的開心~

連續出左幾日街喇,
聽日,響屋企溫中化oral喇,
要prepare下...
睇哂呀sir個網d報紙!!

尋晚,
好開心呀,
同Ada第一次傾電話,
點知一傾就傾左兩個鐘....
我地由零晨12:30,傾到2:30多d....
傾左好多好多野...
太開心喇....
響當中,都了解同認識Ada不少....
原來,我同佢有部份的性格都幾似...
Ada!你都要加油呀!!!
要記住,你都有好多優點同特點架!~
一齊努力!!一齊做個有自信的人!

到頭先,又好開心~
同karen食dinner,
大家都分享左唔少野...
佢唔開心....不過...
希望我真係可以幫到佢啦...
^,^加加油
你係得ge!
記住,
1>不怕辛苦,不怕捱
2>開番個"讀書之火"
3>積極
4>開心

我發覺我宜家唔知做咩,
可以唔洗食野~
哩個星期都係咁~
早餐唔食....lunch唔食....
去到4,5:00先食少少野~~~
夜晚都可以唔食~
但整日都可以唔覺肚餓~~
唉...我可能就黎升仙~


Vi,hel,lung,mabel,karen,emily!好想快d一齊出黎玩喇!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
快d到果日!!!!!!
好掛住你地!

**加油呀yoyo,我響背後support U~

>>October 5, 2009 at 1:39:37 AM GMT+8