2006 年 7 月 24 日 星期一 【微雨】

好好反省自己...的一天

>>July 24, 2006 at 6:41:33 PM GMT+8

2006 年 7 月 23 日 星期日 【晴】

岩岩同人傾左個電話...

真係估唔到原來我咁多既野....

竟然有人可以記得晒...

一路聽一路覺得好舒服好溫暖.....

原來知道有一個人咁了解自己係一件好開心既事.....

我諗到宜家為止都冇一個人可以好似佢咁了解我.....

多謝妳牙...

----------------------------------------------------------------------------------------------------
p.s:期待明天的來臨.....

>>July 23, 2006 at 7:30:32 PM GMT+8

2006 年 7 月 22 日 星期六 【晴】

今日又到左星期六啦^^

一樣出左去玩空手道...

我地操左一個鍾基本之後就決定打自由搏擊@@(心諗..唔係下話~我又輸咪慘囉><)

點知第一埸就搵我出去打=.=咩事牙...師兄唔好玩啦~

round 1

藍帶的我 vs 黑帶(佢成日出去比賽的= =)

佢既身型已經嚇死我喇...巨人咁...help

好彩以前都有去留意既打既時候..

大約都估佢第一下一定想偷我頭部既空位..拎1分先

所以諗定半跪打佢下腹....

正丫...佢第一下真係衝過黎偷我頭部既空位^^

所以我好容易就首先得分..yeah

round 2

黑帶點會咁易比我領先= =

惡夢以家先開始...每次既進攻都連續攻擊...都唔知點擋><

當然擋到前幾下..擋唔到後幾下啦><

咁又比佢追返平手....黑帶....唉

round 3

平手既情況下...佢開始變成被動(因為對初段數既人黎講..高段係好易拎分的)

每次我想跳近少少...佢都會跳前攻擊
(因為我主攻..心理上會唔敢跳得太接近對手....就因為跳得唔夠接近..所以多數主攻一方都唔會攻擊~佢知道e一點....所以跳前大步少少就可以係冇危險既情況下得到一個攻擊機會..就咁..我又冇左1分....高手!!!)

round 4

因為時間得返30秒(日文:ar拖c爸啦古)

所以唔理佢被動又好主攻又好...點都要打到佢

我大謄咁跳前跳後..嘗試慢慢進入我既可攻擊範圍

成功之後就壓住佢隻前手(因為壓左佢既前手..佢想攻擊只可以用後手)

壓住佢隻前手用第二隻手攻擊頭部(當佢想反擊既時候..後手既攻擊好少機會會比主攻者快)

所以係e種情況下..我成功咁拎返一分^^

ronud 5

最後的15秒..........

我同佢以家係平手...邊個拎到一分就會嬴

所以佢變返主攻...大家又開始諗盡方法去令對方出現錯誤

因為錯誤係最易失分的

我辛苦咁維持住應該有既防衛(好大壓力)

突然見到佢想轉椿(本來佢左手左腳係前面..轉做右手右腳係前面)

我就衝上去打...點知佢擋到(勁快囉佢)

佢反撃我擋...一陣混亂之後

佢有一拳打則左(佢打則左..令我可以唔擋...因為佢仲處於攻擊狀態..所以右手下面有空位)
(因為我唔駛防守..所以可以直接攻撃佢既空位)

當然我唔會放過e個機會啦

最後既賽果係...3比2^^

我爆冷丫!!!!!!!!!!!!!!!!!!!!!!!!

>>July 23, 2006 at 12:38:28 AM GMT+8

2006 年 7 月 21 日 星期五 【晴】

今日我又一早起身..因為約左佢一早拎野比佢

琴日三點幾先訓..今日七點起身^^

一早起身沖左個涼就等佢電話啦...

等等下入返房訓左係張床到...哇~好舒服丫

差d睡著果時就收到佢既MSN喇~^^等妳好耐喇

落左去拎帶比佢就送佢去坐車啦

(今日既妳一樣好似以前咁靚....)

今日最開心既事就係..見到佢...

>>July 21, 2006 at 6:25:10 PM GMT+8

2006 年 7 月 17 日 星期一 【暴雨】

今日又出左去空手道...

第一次打自由搏擊我冇得過分...我第一次拎0分

最後仲要整到俊腳..宜家仲幾痛下....

點解今日好似總係提唔起精神嫁><

聽日去bbq...希望隻腳會冇事啦

期待明天......
-------------------------------------------------------------------------------------------------
P.S:好掛住妳丫..真係好掛住妳!!
唔知妳係到做緊咩呢?

>>July 17, 2006 at 10:39:43 PM GMT+8

2006 年 7 月 15 日 星期六 【暴雨】

今日主要既活動係出元朗學空手道

平時我都唔返咁遠去學嫁....不過因為就黎要考試

我又唔想仲係藍帶..所以只好返埋元朗啦

我考試套拳都未熟牙...我諗下星期四都要返埋大圍個場啦

唔係真係唔知點去考試LU...

今日我6點幾就出到元朗啦...今日主要都係練返D基本同體能

不過都有打過既...仲傷左少少==

唔知幾時整嫁呢?..算啦~都唔痛唔理喇

練到9點就自己坐車返屋企

係巴士上面見到有個男仔同個女仔係到玩3G

我估果個女仔都係佢女朋友啦...佢見個男仔好似好累同有D唔開心

就扮左好多得意既樣出黎...希望哄返個男仔~

我覺得E個男仔真係好幸福丫...因為佢有一個好好既女朋友^^

返到屋企沖左涼就打日記喇...
------------------------------------------------------------------------------------------
P.S:E排唔知點解我個日記好似有D生氣喇...有人幫我留言..哈哈~~~THX晒

>>July 15, 2006 at 10:32:30 PM GMT+8

2006 年 7 月 14 日 星期五 【微雨】

時間過得太慢了

每一天的天光直到天黑...

我也不知道自己當天作了什麼有意義的事...

這種感覺好像已經遺忘了很久...

每天毫無意義地生存...

無目標地等待...

等待明天的來臨...

明天慢慢變得空虛...

慢慢變得平凡...

慢慢變得孤單...

曾經想過
如果合了眼..再也看不見明天
可能是最想要的結果

>>July 15, 2006 at 12:53:05 AM GMT+8

2006 年 7 月 11 日 星期二 【酷熱】

今日我竟然訓到下午4點先起身...
可能因為琴日睇動畫睇得太夜掛...
一起身又繼續我既睇碟生涯...哈哈
睇到6點就準備一陣同樹根佢地去太和游水啦^^
今次有(肥溫,肥銘,我,樹根同牙華)
哈哈~勁好玩牙
成班傻仔玩係水入面講野
red hoo...
收皮啦....
你老闆....
哈哈~係水入面勁講
大家都聽到笑晒出黎...XD
好消息係..肥銘竟然學識游水???
勁丫^^
我地游到9點到就走啦..因為華想去食大家樂....
去到大家樂..都冇咩野好食
所以全部都食一哥局豬排飯..得肥銘食超滑蛋牛飯..正丫
註:::肥銘話...!!!....做完運動..食D M...
原來佢想講..做完運動...食D M記!!
點知佢講到個M字就停左...哈哈
笑死我地喇....

聽日我地又去過游牙....有興趣既就搵我啦^^

>>July 11, 2006 at 11:33:24 PM GMT+8

2006 年 7 月 10 日 星期一 【炎熱】

冇心機...

>>July 10, 2006 at 6:06:21 PM GMT+8

2006 年 7 月 7 日 星期五 【炎熱】

今日係星期五^^一個唔駛返學既星期五...

今日我6點鍾就起左身...因為佢約左我
佢約左我朝早去打壁球^^本來真係唔願咁早起身嫁
不過一諗起可以見到佢...就好快起左身沖左個涼...
準時7點鍾就去到體育館...佢依然都係比我早到...
佢今日著得好靚丫...比平日仲靚^^
一去到如佢講左聲早晨就去左簽場啦...
唔知點解今日好多人同一時間簽場...所以我地等左一陣
等既果段時間...雖然我地冇咩傾計..但係一d都唔覺得悶
因為佢係我身邊...有佢又點會悶喎^^
佢有似有d眼訓咁...可能因為佢琴日夜訓掛...
簽完場就入左去打波啦...其實我鍾意打壁球都係因為佢
打壁球既時間真係好開心嫁...
雖然途中比佢打中左一下...都幾痛嫁~
不過每次佢唔小心整到我..佢都會好驚咁笑住同我講對唔住
見到佢果時既樣..我又點會記得去痛喎
我地一直打到9點鍾...打完我就送左佢去坐車

e兩個鍾..足以令我開心一日牙^^

>>July 7, 2006 at 5:01:49 PM GMT+8