2006 年 11 月 2 日 星期四 【晴】

今日係第一日既測驗週...
測既係英文同會計...
英文真係唔識..唉~
會計就比我想像中容易..
合格都應該冇問題既^^

其他堂都係咁啦..好悶~

好快就到放學~本來諗住送埋佢去坐車先返屋企嫁
不過因為今日比空手道d師兄拉左去返大圍既道場..
所以等唔到佢就返左屋企lu...sorry牙
今日有師兄車我去道場..thx晒牙^^
因為我就黎出去比賽..所以今日都係教我打果時既技巧..
好正丫...有個用腳好叻既師兄教左我點出腳同點用力收腳
哇~佢真係用腳用得好叻嫁!!
經過佢努力既教導..我終於明白左點出腳喇..
果時我真係好開心嫁...因為我學左好耐都唔識..
今日我終於成功左喇...要開始諗下點組合一套combo喇^^
希望係星期六之前諗到啦..可以搵人試下^^

聽日考經濟...我今日都溫左一陣既^^
努力啦~~~
------------------------------------------------------------------------------------------------------------
p.s.: e幾日溫書都唔好溫得太夜丫...
輕輕鬆鬆咁去考就得嫁喇...緊張反而會諗唔到野...
繼續加油啦..^^
------------------------------------------------------------------------------------------------------------
abby:成日話我冇妳個名...今日就打下妳個名係我日記啦..呵呵
覺得值得去愛就去愛啦...唔好理人點睇
只要自己覺得開心咪得囉...唔好比自己有後悔既機會丫!!
支持妳每一個決定...

------------------------------------------------------------------------------------------------------------
空手道係我最愛既活動...

>>November 2, 2006 at 11:20:10 PM GMT+8

2006 年 11 月 1 日 星期三 【颳風】

今日係星期三...
一早我就出左去接佢...
同佢一齊返學^^
好鍾意e段時間...就算訓少d都冇所謂啦..呵
好快我地就返到學校...佢繼續等人
而我就返左去操場溫普通話同傾計...
好快就早會啦~今日都唔算熱幾舒服丫
早會之後我地中五又上左524室聽講座...
今日講d野都幾有用嫁...不過希望我第日唔需要用到啦^^

聽完就落左去上pth...唉...今日要默書牙...
我有溫過..不過都錯左好多唔應該錯既地方...
算啦...已經滿意喇!!
上完pth就上好悶好悶既..旅遊喇
因為琴日訓得唔好..所以3堂我都訓左係到
sorry牙...我自己都唔想嫁><
不過果時真係好眼訓^^
訓醒就返左屋企食lunch...今日媽媽既lunch一樣都係咁好食^^正丫
食完又返左學校上eng...今日教既野都唔難
大部份都明既..只係串唔到出黎..哈哈
又要努力d喇....

放學就陪佢出去郵局拎郵件...^^
個十字架妳帶左一定好令嫁....
之後送埋佢去坐車..我就返屋企喇...

總括黎講..今日好唔錯^^

----------------------------------------------------------------------------------------------------------
聽日就測驗喇....大家都要加油牙!!
特別係妳牙^^..加油唷

>>November 1, 2006 at 8:45:28 PM GMT+8

2006 年 10 月 31 日 星期二 【微冷】

應承左妳每日都打日記....

琴日因為部電腦唔係屋企..所以打唔到..唔好意思丫!
--------------------------------------------------------------------------------------------------------------
今日11點先起身...因為琴日練空手道好累...
練到隻手都震晒^ ^
所以今日訓到咁遲先起身....
今日係爸爸出殯既日子...
全日都唔係好開心...個心好煩好煩...
不過見到佢唔洗係醫院咁辛苦都係一種解脫黎既...
睇開d囉...係咪?
5點到..搞掂晒爸爸d野就返左屋企沖涼...
唔知點解今日冇做乜野..但係都覺得好累...
所以沖完涼就訓左一陣...

宜家起身打埋日記就食野..訓教啦~
----------------------------------------------------------------------------------------------------------

琴日我對妳講左d過份既說話...
對唔住牙....
我知道我e排成日都令到妳唔開心...
希望妳唔好嬲我啦...

今日係萬聖節..我係到同妳講多一聲(萬聖節快樂牙!!)

近排天氣開始凍..要小心身體牙.

>>October 31, 2006 at 8:34:47 PM GMT+8

2006 年 10 月 26 日 星期四 【微冷】

真係好耐冇打日記喇...
自從電腦開唔到到宜家..
我都冇打過日記..
因為
我真係唔知自己可以打d咩係日記到...
我又冇玩咩遊戲...
冇出去行街...
成日只係放學>>打波>>返屋企>>睇電視>>做功課>>靈修>>訓教
日日如是..天天如此
e d日子真係好悶...好悶

屋企宜家得返3個人...太自由喇
自由到越黎越覺得自己冇地方去...好孤獨
msn傾黎傾去都係幾個人...
而且我都係鍾意面對面傾計...msn好似會唔知講咩咁...
好奇怪呢...
電腦宜家除左用黎聽歌..上下網之外..好似都冇咩用
------------------------------------------------------------------------------------------------------------------------

如果我從前對愛係選擇1.

宜家我開始有d想選擇2.

唔知點解......

可能我太討厭..孤獨了...

>>October 26, 2006 at 6:03:55 PM GMT+8

2006 年 10 月 21 日 星期六 【晴】

終於開到電腦...

但係...

唔係好想打日記住...

SORRY牙

各位

>>October 21, 2006 at 11:20:35 PM GMT+8

2006 年 10 月 9 日 星期一 【微雨】

要慢慢學會自立了...

每天要自己起身返學...

自己煮野食...自己洗碗...

----------------------------------------------------------------------------------------------------------
多謝陸傳道今日去左探我爸爸牙...

我真係越黎越鍾意粉嶺堂e個地方啦...

大家真係好似一家人咁...

願主祝福粉嶺堂裡的所有人...

感謝主...
----------------------------------------------------------------------------------------------------------
今日送左一份少少既禮物比妳...

希望妳鍾意啦^^

喜歡妳的輝輝...

>>October 9, 2006 at 10:58:16 PM GMT+8

2006 年 10 月 4 日 星期三 【晴】

今日唔小心講錯左野...

對唔住牙...

希望日後既時間可以更了解妳...

因為我唔想我地e段感情有什麼改變...
----------------------------------------------------------------------------------------------------------------
今日爸爸既情況都係好眼訓...

可能因為成日係醫院冇精神掛...

同佢傾一陣佢好快又訓返....

陪佢訓左一陣..我就走左lu

爸爸...努力丫...
-----------------------------------------------------------------------------------------------------------------
會考..我一定要合格既科目

英文.
中文.
普通話.
會計.
經濟.

我一定要成為一個快樂的小警察^^
----------------------------------------------------------------------------------------------------------------------

期待和妳拖手走過之後的路....彤

>>October 4, 2006 at 9:36:25 PM GMT+8

2006 年 10 月 2 日 星期一 【晴】

今日同琴日都出左去BBQ..哈哈
連續兩日都BBQ...有點兒過份^^(XD)

琴日就同學校班朋友去..玩左好多野好多野丫..
本來好開心嫁...不過最衰最後有D事發生左令到我其中一個朋友好唔開心丫><

今日就同左班教會既弟兄姊妹去..一樣都玩得好開心丫
仲食左好多野^^...可能因為琴日唔係食左好多野啦..
所以今日要食返夠本...食左一陣又出左去踏單車...
隻豬..踏單車真係好好好好...快...囉==
本來半個鍾都唔駛既路..我地可以踏左成個鍾先到==
勁正^^

P.S.好多謝..何太借舍地方出黎同埋咁照顧我地丫^^

-----------------------------------------------------------------------------------------------
經過今日果堂空手道..我更加喜歡空手道了^^

>>October 2, 2006 at 10:55:38 PM GMT+8

2006 年 9 月 26 日 星期二 【晴】

Abo...

妳係我宜家最鍾意既女仔...

雖然大家相處既時候唔係好多...

可能只係少少放學既時間...

但係...每日我都好珍惜同妳一齊既少少時間...

因為果段時間係我一日最開心既時間...

喜歡妳..

>>September 26, 2006 at 4:42:21 PM GMT+8

2006 年 9 月 24 日 星期日 【晴】

今日爸爸好精神丫..勁開心

仲有丫..今日一班弟兄姐妹都黎左探我爸爸...

勁感動丫...神既力量真係好勁丫...

感謝主..帶我認識佢地同認識你!!

-------------------------------------------------------------------------------------------------
今日突然早d打日記..因為今日要打既野真係好多好多^^

今日我邀請左肥鵬黎我地e間教會...正丫

佢係我既第一個見證!!!...勁開心丫

我地係粉嶺火車站集合..等左好耐佢先黎><(好衰囉...)
不過等到佢真係好開心嫁...因為好怕佢會放我飛機!!!
所以見到佢真係好開心...^^
我地10點45分就到左教會啦...我地係門口做左一陣歡迎隧就上左去lu
因為佢係新人..要填返少少野
(佢填表果時係介紹人到..寫我同佢既關係...(親人)==)
真係笑死我..我講下笑..佢真係寫...天丫
我多左個細佬..xd
填完就入左禮堂坐啦...
肥鵬見到咁多人歡迎佢..勁怕羞..哈哈..(笑死我了...XD)
到左唱詩歌既時間..我同佢都唱得好大聲^^
佢第一次唱就話好鍾意D詩歌啦^^
我都係好鍾意嫁...因為大家一齊唱詩歌..個FEEL真係好正丫!!!!
唱到我地個喉嚨都沙晒..不過真係好開心囉...
唱完晒詩歌就聽陸傳道講道啦...大家都好用心聽
(坐肥鵬旁邊...佢成日咩都加輝輝兩個字...笑死我...好煩丫...哈哈)
開開心心咁就聽完陸傳道講道...好有意思呢
之後我地一班人就去左食lunch...
菜飯真係幾時都咁好食嫁!!!
食完野我同肥鵬就返左去教會先喇
因為應承左人要返去幫手..^^
點知...d人仲未開完會..
咁我地就搵左個籃球打啦..打打下又成身汗..哈哈
水星人+火星人
打左一陣就去開會lu...101的第一份功課
輔助區聚遊戲的進行...
開左一陣會..岩岩2點鍾就開完lu
之後就為之後既遊戲時段準備啦..

ok晒之後...遊戲時間正式開始^^
第一個遊戲牙ling就話:輝輝..出去....
我o晒...下..咁快就搵我出去做先鋒嗎??help
第一個遊戲仲要係..絲...襪....王....
人身第一次著絲襪...咁就獻左比教會啦!!!
經過我既努力...我唔係最尾..哈哈
都好好嫁啦(安慰下自己先^^)

第2個遊戲係...鄧...仔...王...
當然啦..我好想就輸左啦
因為我鍾意讓女仔...
做男仔唔應該同女仔爭嫁..係咪先^^
個遊戲玩到最後..我地我返patrick留左係到...
好叻丫...^^不過最後我地U.F.O.組都係輸左...算啦
玩得開心咪得囉...呵
第3個遊戲..我都唔知叫咩名添..(冇記性)
不過開心既係..我終於可以為小組出返少少力啦
教會既人知既...唔多講啦^^..呵呵
玩完e幾個遊戲之後..就係啦啦隊時間
勁好笑..我地同其他組一齊唱歌
同一首歌唱左3次..XD..
啦啦隊時間之後呢就到左..
第4個遊戲係...又唔記得左...
總之又係我做代表...好似賣豬仔咁...
出到去...又唔小心輸左...SORRY牙
又令大定失望添><
最後一個遊戲係...體...能...王...
首先每組要搵4個人出黎..
一個負責吹氣球(牙ling)
一個負責來回跑(patrick)
一個負責射罰球(當然係..肥鵬..啦)
最後就係我負責既掌上壓軸30下..超easy^^)
玩晒之後..我地拎左第2名..都唔錯嫁喇^^
因為大家努力過^^yeah

感謝主..賜予我地今日的時間
感謝主..保守我地今日的歡樂
感謝主~

遊戲過後大家都幫手清理個場地^^

之後我就去左打籃球..今日封左幾球波又入左幾球3分
勁開心丫..我d防守能力仲係到^^

打到成身汗之後就同肥鵬出去join返牙ling佢地啦
因為佢地今日會同我一齊去探爸爸
多謝佢地丫...
最多謝既係負責車我地去北區醫院既王子^^

今日爸爸好精神丫...大家都好開心
因為見到佢有好轉!!!

好多謝教會既一班弟兄姐妹..
好多謝您地幫我爸爸祈禱..
真係好多謝您地丫...

當然仲要特別多謝..U.F.O.既全部組員啦
(牙ling... Eat 莎包...隻豬...patrick...方方...肥鵬...安仔...海豚)

多謝晒您地丫...i love you!!!!
----------------------------------------------------------------------------------------------------------------
P.S:蕃薯生日快樂丫....

>>September 24, 2006 at 8:10:40 PM GMT+8