2005 年 9 月 5 日 星期一 【晴】

好累牙~岩岩先去完上空手道
慘慘牙~一返到去就操左基本,好辛苦牙><
仲拉傷左小腿...HELP ME!!
上到最後十幾分鍾就打FREE FRIGHT(自由搏擊)
係受傷的情況下出戰,,結果輸8/0比黑帶><好魚牙....

今日返學都唔悶牙~好開心
開始鍾意上數學同會計...D阿SIR,MISS好掂牙!!!!

>>September 5, 2005 at 10:52:27 PM GMT+8

2005 年 9 月 4 日 星期日 【雷雨】

今日我本來可以去玩獨木舟嫁..點知同左阿媽出旺角=.=
玩少左好多野牙~佢地今日去左拾海星期天海膽牙><好想去!!!

去完旺角返黎先12點幾..灰晒啦~所以就同朱古力傾計同玩msn d game^^
第一次玩,已經叻過佢lu..哈哈~我真係聰明啦
同佢玩完就去左訓教教,,今日好大風牙所以訓得好舒服
一起身就已經6點啦~要換3去朱古力個生日會lu
沖完涼6點45諗住去啦~點知阿爸叫左我去買飯盒==
佢話:(稍我去買幾個飯盒,我今日唔煮飯,)
我話:(你去啦,我要去朋友生日會,唔可以遲到)
佢:(買飯盒,洗幾耐,我唔想換3)
我:(你換3洗幾耐,我已經就黎遲到喇,)
佢:(宜家你去唔去牙!!!)
我:(去囉)
7:15分到左買飯盒果到,,,勁多人排隊!我又打電話比佢
我:(阿爸,,好多人排隊喎,不如你黎買..我真係要走喇)
佢:(排隊駛幾耐,,你等下啦,快d買快d返)
我:(cut 佢線,,講左句粗口)
然後到沂打電話比我,,閙左遲到
我果時已經勁嬲,所以勁想講粗口
好彩佢好快就收左線,,唔係我已經講左=.=
買完晒.已經7:30,,返到屋企仲要比佢話,,慢
好9撚想打9佢....算~爸爸

7點45我終於到左粉嶺kfc~一入去就見到朱古力唔開心
為咩事唔講啦~好彩我同阿富哄返佢笑咋^^
跟住就玩得好開心啦,,玩野食完野之後就行左陣街返屋企啦^^

>>September 4, 2005 at 11:09:59 PM GMT+8

2005 年 9 月 2 日 星期五 【晴】

HIHI~大家...
我終於返黎啦^^
咁多日冇打日記...我真係有d衰牙..係咪呢?

講返今日先...今日我訓到7點幾先起身,因為琴晚出左去深井食燒鵝牙
係裕記到食...一隻燒鵝$260=.=灰晒~未食之前以為一定好好食啦
點知..我個脆字==唔覺得有咩分別.咁就冇左$260...算啦~食左個名就算了
係喎~講返起身先,一起身就去左餵龜仔,佢一路食我一路沖涼...哈哈
沖完就換3返學啦~一返到去就見到肥鵬想打波個樣...可惜我冇帶波啵
呵~一定悶死左佢啦...返到去等左一陣就要出去晒啦--晒都唔緊要
點知..個數學科主任(唔記得佢叫咩名)一早就係到講d佢自己都唔明既野,
既然佢都唔見,同我地講黎做咩...白痴的~~聽完就上返課室啦^^

第一至四堂都受左黎調位...我比人調左去到個唔識既人坐=.=
好彩佢唔算太難相處..因為佢成日都玩緊手提....唔得閒煩我~真好
而樹根同阿樹就坐係我旁邊...悶可以搵佢地傾計..唔錯唔錯^^
調完晒位..唐sir就開始收回條lu~仲收左我$50做什麼什麼會費!
咁又冇左$50..心痛!!!!收完回條好快就lunch啦~我就同猩猩返左屋企食野
然後再一齊返學(次次都要隻大猩猩等我..真唔好意思啦)今次我帶左個波返去
因為肥鵬話返學想打喎...咁咪帶比佢打~隨便我又可以打下..幾好牙~

7.,8堂..上旅遊,我升c2就係為左佢..因為c1好似冇的=.=
仆...契弟泉教..灰晒啦~本來有心機都變左冇心機....唉
算啦~照聽啦...還好旅遊好簡單只係要記d野..成績我諗唔會太差啦
好快就到左放學啦...同肥鵬落左去打波.
好耐冇打啦~冇晒d手感..我睇要慢慢練返啦.....
打到4:45分比人趕先走..yeah~又多左一身汗lu^^

>>September 3, 2005 at 12:11:24 AM GMT+8

2005 年 8 月 20 日 星期六 【晴】

唔好打日記住....

>>August 20, 2005 at 12:23:09 AM GMT+8

2005 年 8 月 10 日 星期三 【微冷】

==不來已經咁多日冇打日記
我自己都唔知添...因為e幾日差唔多都冇咩開過部電腦
只係做暑期作業...好煩牙d數學..佢識我我唔識佢><
好掛住黃sir==我又佢教數...miss黃教我英文牙!!
miss林==消失左...唔知去左邊

今日成日都冇咩做過..睇左d戲咁囉
(夏日的麼麼茶)好好睇牙^^好感動....
聽日就要返學校啦~~唔知派左去邊呢

>>August 10, 2005 at 8:35:14 PM GMT+8

2005 年 8 月 5 日 星期五 【清涼】

哈哈~我今日終於都完成日個5日夜camp...
哇~e幾日係camo到真係好辛苦><

第一日去到分營分組...我果組有3個極品小男孩=.=
個營我前年去過..不過now佢裝修緊...連飯堂都冇...唉
食早餐仲要係男仔房..女仔就比較麻煩啦

訓左一晚..聽日就要出去露營啦

第二日一早就起左身..因為大家都唔想阻礙活動既進行
早餐係味道一段既通炒=.=食完好快就開始玩團體遊戲啦
好好玩嫁...我地成組都玩得好開心~雖然成績唔算太好
不過最重要既係過程嘛^^
玩到下午食飯盒...哇個飯盒好掂牙~哈哈...享受
食完飯休息左陣~就要準備去露營啦^^
係咁熱既天時露營真係好辛苦.....

又訓左晚..不過訓得唔好咁好

第三日一早起身又要開爐煮野...我地ed男仔幫手收營拎野算數^^
不過我都有幫手洗野嫁...果3個極品只係識食..仲要勁串
屋企有錢唔係大晒!!!!洗好晒d野...好快又開始行山啦...今日要上3百幾米
一個字..苦..>.<其他野都係差唔多啦...

第3日夜晚我地比人安排左要自己一個出去第二道訓><
出發前仲要收晒d手提.電筒.mp3.相機.手錶....我比人分配左去一個海灘到獨宿
初初以為好好啦..點知訓訓下d虫跳晒上我身到=.=好煩牙
搞到我差唔多訓唔到~訓到一早我開始覺得濕源地..唔係一早既露水牙
原來係潮漲=.=本來我都仲有位坐..過左一陣連企我都冇位=.=
灰晒...

其他聽日先打...累~~

>>August 5, 2005 at 8:52:44 PM GMT+8

2005 年 8 月 1 日 星期一 【晴】

再過一個半小時..我就要入camp啦><...

>>August 1, 2005 at 12:31:18 PM GMT+8

2005 年 8 月 1 日 星期一 【暴雨】

樹根..我唔係唔寫日記牙><
只不過係唔得閒寫咋...=.=
因為要準備聽日入camp d野牙~~
一入就要入5日啦..星期五先返...唉
睇黎又要辛苦5日~冇得留係屋企啦...
都唔知開心定唔開心好.......

>>August 1, 2005 at 12:06:38 AM GMT+8

2005 年 7 月 29 日 星期五 【颱風】

今日唔想打日記^^

比我懶一排啦~~

>>July 29, 2005 at 9:23:35 PM GMT+8

2005 年 7 月 27 日 星期三 【晴】

都有好多日冇打日記lu...
因為e個星期差唔多日日都出左去玩獨木舟...^^
返到屋企成日都已經累到散晒...所以都冇上黎打日記
本來今日都諗住去玩嫁...點知琴晚突然發燒喎...
哇~~好耐冇發過燒啦><原來發燒都真係幾辛苦^^
哈哈~~不過食左藥藥訓左一晚..今朝就已經冇乜事lu
呵呵..我真係健康牙^^

有樣野好得意嫁...我都冇話比薯蕃知我病
唔知點解佢又知喎~都唔知邊個講佢知既
不過應該唔係好多人知我病嫁啵=.=究竟係邊個呢?????

>>July 27, 2005 at 11:33:53 PM GMT+8