2006 年 8 月 15 日 星期二 【酷熱】

岩岩睇完第一集既deathnote...

一本令我驚嘆既漫畫丫...

無論角色性格..佈局..圖畫同連接性都做得非常出色既漫畫

十分喜歡夜神月e個角色呢...

thx樹根借比我睇^^

-----------------------------------------------------------------------------------------------------

講返今日..一早起身呆坐左好耐

12點到就沖涼出去買書啦...

去到學榮..已經買左一半書...不過我本普通話真係唔知點買好

仲有冇出都成問題==...哈..K.o.

買完之後就上左樹根屋企屋企練IIDX...有cs槍聲影響...真係冇乜興趣呢

打左一陣..妙打電話比我

咁我就落去同佢買少少野啦..(下次講清楚D好喎...唔係好魚嫁..呵呵)

買完野就陪佢去佢既新屋...一路行佢一路話(想死..熱死人咩....- -"下次帶陪冷氣出街吧)

陪完佢去新屋..佢就自己去左街市買魚(我唔可以成日陪妳買送呢...要自己試下去喇)

唔知佢成唔成功呢?

咁佢走左我就返左樹根屋企啦...

返到去又開始練IIDX...悶呢悶呢

不過開心既係今日打成首..蠍火既A..哈哈~想打到好耐

以前玩...連C都拎唔到的^^

已經滿足...

然後再玩左陣其他GAME...睇佢地打左陣CS...好激~
不過我已經好悶....- -

返到屋企食左飯就睇電視...因為有DEATHNOTE既吸引

連小龍女我都覺得悶..唔想睇

睇到1030...我就去左沖涼啦

沖完終於可以靜靜咁睇下E本..好多人都話好好睇既漫畫

果然我一睇就停唔到手..正丫

-------------------------------------------------------------------------------------

人..一但曾經擁有希望■
就一定有機會去承受失望◆
那為什麼明知會有失望的一天``♡
您也不斷付出去尋求希望..？
想過這一點的°恭喜您..因為您擁有了『愛』

這是我的想法....

去為自己認為值得付出的人..付出一切吧...

---------------------------------------------------------------------------------------------------------

星期一出旺角果時買嫁...28蚊..好平丫^^勁鍾意

>>August 16, 2006 at 3:00:08 AM GMT+8

2006 年 8 月 13 日 星期日 【晴】


↑今日一早又上左樹根屋企打IIDX
竟然比我打左個FullCombo出黎...
不過最衰有一個pool啦..唉><

打多一陣肥鵬就上左黎....
再打多陣肥豪都上埋黎....
再打多陣就出左去幫佢搬野lu....肥豪搬野真係好慢囉
搬完返到佢屋企就汁晒d野~咁就開始砌佢買左果張台lu
砌完係佢屋企玩相機....影左少少相

都唔錯嫁...呵呵

幫佢整晒d野..我就返屋企食飯喇
食完就返空手道lu~今日成績唔錯
抄左人8比0..哈哈
不過都好累丫...

>>August 13, 2006 at 1:21:35 AM GMT+8

2006 年 8 月 10 日 星期四 【炎熱】

今日又係肥鵬個日記睇左個幾我意既測驗..

網址係...http://vega.cs.tku.edu.tw/~u7197120/RPG_Test.htm

而我既結果係..↓哈哈


岩岩去左樹根屋企練IIDX..

哈哈~好開心丫...因為今日打左兩個A出黎↓



>>August 10, 2006 at 6:03:36 PM GMT+8

2006 年 8 月 8 日 星期二 【炎熱】

今日一早就起左身..因為約左佢去溜冰^^

好開心嫁..因為我都好耐冇玩溜冰lu...

最重要既梗係佢啦....呵呵

去到火車站我遲左少少...sor牙

今日佢整左芒果彈菜糕比我地食...哈哈(我終於食到喇..等左好耐lu)

咁岩我冇食早餐..所以就更加好食喇...(多謝妳牙....真係好好食^^)

不過火車站唔食得野...所以就要等到係九龍城先食得啦

食完之後就差唔多到溜冰場喇

去到溜冰場lu...點知

溜冰場一早果段時間要留黎比d小朋友上堂..我地要等到1點幾先玩到

咁我地諗左一陣就決定去旁邊間戲院睇戲啦...

因為佢話想睇魔盜王..所以就去左睇啦^^

果間戲院我好似係第2次去..又好似唔係..唔知呢

不過又真係幾舒服嫁...

一開始諗住應該都會幾好睇啦..點知原來比我想像中差左少少囉

太少戰鬥場面啦...不過都唔錯既

(佢睇睇下..好似訓著左咁..哈哈~)

睇完佢話隻腳好痺牙...

之後我地就上左去上面食野啦

一個食豬排飯..佢食拉面..我食牛肉飯^^

我食完之後就讓左個位比人坐啦..等埋佢地

我地就一齊去溜冰場排隊入場啦^^

好耐冇黎過...真係好想快d入去玩丫

入到去就換鞋..出去lu..正丫...e種感覺真係好耐冇試過喇

雖然45蚊只可以玩個半鍾...不過講真值得嫁

^^因為都玩得好開心...唔知幾時可以再去呢?

好想再去牙!!!

今日佢地兩個都好叻...因為都敢行出去...我諗下次再玩佢地都會識嫁啦^^

玩完之後就陪佢去買野...

買完就行去塔火車喇(我帶人行錯路...哈哈..好魚><)

一路搭火車佢都訓下醒下咁..佢一定好累啦

返到去上水我就走左..佢地就再去買d野..

我返到屋企就訓左陣..傾左陣電話啦...

岩岩睇埋小龍女...D cg 真係做得好好..正丫

玉蕭劍法個cg睇到我o晒囉...超靚(我覺得....)

----------------------------------------------------------------------------------------------------

>>August 8, 2006 at 9:41:58 PM GMT+8

2006 年 8 月 7 日 星期一 【酷熱】

好熱牙...

岩岩陪完人出去買今晚拜神d野...

好彩我屋企唔會拜神咋..唔係我都要買..呵呵

換完3就落左去等佢啦....等左一陣

佢終於出現....

到左之後就陪佢去龍豐啦..因為佢要幫佢表姐換鞋= =
(佢叫我陪佢果時只係話..買燒肉...點知...去左龍豐 - -)

去完之後佢話要等半個鍾...omg

所以我地就決定去左買其他野先....

去到新街市..首先同佢買左30蚊燒肉...(好想食牙^^)

之後再去買10蚊豬肉...(佢可以話係未買過送囉..比d師奶買晒先..自己企係到等==)
(買送唔駛排隊嫁...師奶唔會等妳買左佢先買的= =記住喇)

等左一陣佢終於好大膽咁買左佢既10蚊碎豬肉..哈哈^^

買完之後因為仲有大把時間就同佢行左陣廣場...行到差唔多時間就返左去龍豐啦

佢都可以拎返對鞋lu..咁我就諗住去惠康啦

點知佢話想去上水廣場買蛋糕食...(女仔點解真係咁鍾意食蛋糕既...謎?)

買完蛋糕佢勁開心囉...

我都好開心..因為(我地終於可以去最後既目的地..惠康喇)

去到之後佢就揀香蕉...(點解一定要揀5隻既?...有人知嗎)

揀完香蕉又話要買5個蘋果(點解又一定要5個呢?)

好野佢話買晒啦...咁我地就走lu...

送到佢去屋企樓下我就走啦.....(好熱呢)

哈哈..不過佢幫我消磨左一陣時間

--------------------------------------------------------------------------------------------------------

一陣仲要返空手道...唔知會點呢?

---------------------------------------------------------------------------------------------------------

>>August 7, 2006 at 4:25:41 PM GMT+8

2006 年 8 月 5 日 星期六 【酷熱】

今日一早出去幫豆荳佢搬屋....

都唔明點解佢屋企可以有咁多衫...多到可以開時裝鋪--

幫佢係粉嶺搬晒d野上貨車之後...

我自己踏佢架單車去上水佢既新居(清河村)

係e個天氣幫人搬屋一個字啦....熱

去到又幫佢搬晒d野上屋企....(差唔多得我同牙富搬 - -)

天丫....

搬到3點到啦~搬晒d野..我就返左屋企喇....

好累..隻手仲搬到損左....唉

(有人搬屋就搵我啦.....15蚊一個鍾...哈哈)

註:今日我幫佢得到既係...野飲...

----------------------------------------------------------------------------------
岩岩係肥鵬日記玩左個心理測驗...

幾準嫁

這是我的

付出型（和藹慷慨，富同情心）

您是外向、快樂、活力充沛、友善、自信、討人歡心，尤其是樂於助人。
您自願為他人提供時間、精力及物質，而且您所贈送的禮物總是經過精心挑選。
您的世界是以人際關係為主，面對別人的需要和感覺有天生的同理心，能調整自己以迎合他人的需要。甚至更徹底地成為別人想要認識的那種人。
您會因應不同的人而有不同的表玩，卻不帶任何欺騙成分。

優點：
您會給他人無條件的愛，讓人覺得溫暖。對別人和善，並且經常給別人鼓勵。

缺點：
當人們對您的不斷付出不以為意，或是視而不見時，您會表達出強度足以震驚他人的情緒或憤怒。

愛情：
專注於一對一的關係，一旦選定和某個人交往，會以精心設計又而深具誘惑的手段攻擊目標，直至「追到手」為止。

您對自己能讓人人都想和您成為情人的能力感到洋洋得意。
「我能讓每個男人感覺自己就像個國王，即使只是共處一夜。我能讓他因為我拿酒杯的特定方式，就永遠都忘不了我。若這是一段較為長期的關係，我會深入調查他所喜歡的一切，驅使這個人上癮。」

安定方位：自我型
在安定的狀態下您會增強情緒的一面，有從親密關係中抽身而出的傾向。

壓力方位：挑戰型
當面對感情的壓力或情緒對抗時，您會變得專制、易怒，最後勃然大怒。
不願遭受控制的慾望會擴大至對自由的渴望，為了維護自己的立場，以平常不曾表現過的方式去抗拒他人的要求。

建意：
注意個人的成就及價值
告訴別人您的需要，並讓他們為您而做
注意「多重人格」的衝突

最渴望：被愛，被別人需要
最恐懼：孤獨，不被喜愛
最難達到的美德：謙卑 (Humility)
最難克服的執念：奉承 (Flattery

>>August 5, 2006 at 11:11:22 PM GMT+8

2006 年 8 月 5 日 星期六 【暴雨】

今日本來約左人一齊去機鋪玩孖寶兄弟 GP.

點知佢唔知去左邊- -

無理由一個人去打咁無聊..所以留左係屋企

好悶呢...

----------------------------------------------------------------------------------------
p.s:

如果連自己想點都唔知既

咁人地點幫妳?

好多時人地想幫妳既時候

妳答一句唔知

妳知道佢會幾失落嗎?

>>August 5, 2006 at 12:41:33 AM GMT+8

2006 年 7 月 31 日 星期一 【晴】

yeahyeah....

宜家終於又開到電腦啦....今日既第3個奇蹟丫!!!

勁丫...

今日一早就陪左樹根出去動漫節...哈哈

佢今日出去打wcg2006(魔獸世界香港區選拔賽2006)

一去到就飛都唔駛買就入到場lu^^多謝樹根帶我入去呢...呵呵

入到去佢就準備打啦..換晒自己私人用既mouse同鍵盤

第一場佢好似好輕鬆就嬴左..唔講

第二場經過左相方第一次既接觸(好有evo feel)樹根既不死...兵力大幅下降

係地圖其他既地方見唔到佢既兵...佢既兵力拾時間得返主城一帶

但唔知點解係第二次接觸既時候..佢既兵力唔知係邊到出現左一大隊以蜘蛛為主既兵

突然出現左...兵力仲要比對手多...加上樹根既技術

成功突破左對手既防禦直接攻入人地主城....

(這是第一個奇蹟)

最後樹根當然成功入圍頭4名啦...恭喜恭喜


第二個奇蹟唔講啦....總之真係諗都諗唔到^^

果時好開心丫...呵呵


第三個就係宜家竟然開到電腦喎..正丫

--------------------------------------------------------------------------------------

今日出去動漫見到一個軍曹既模型..好得意嫁

不過應該仲未出...出果時我一定去買丫

買夠兩隻^^

期待期待.....

>>July 31, 2006 at 7:17:03 PM GMT+8

2006 年 7 月 28 日 星期五 【晴】

今日同琴日一樣都係留左係屋企..

好悶呢...

今日一起身就收到個電話....一直同佢傾到1點幾

因為佢要去飲茶...

佢飲茶既時間我就繼續上網搵下有冇方法救下陪電腦啦

宜家我部電腦咩都安唔到...天丫

有冇人識整電腦既高手?幫幫我丫....

搵完佢又打返比我...傾傾下

我就返左床啦~勁舒服丫^^

一路傾一路哄佢去訓教(因為我果時好想訓..呵)

經過我既吹眠..佢終於想訓啦..哈哈

佢訓左我就可以訓lu...

我一直訓到食飯....

食完飯就睇電視啦...以家就打日記^^

--------------------------------------------------------------------------------------
p.s:今日樹根打wc入左8強...加油丫

>>July 28, 2006 at 10:56:54 PM GMT+8

2006 年 7 月 25 日 星期二 【晴】

早餐

午餐

晚餐

游水

宵夜

睡教

那樣就過了一天

----------------------------------------------------------------------------------------
今日睇電影聽到一句說話 ( (每天也是情人節 ) )

如果兩個人有幸可以走在一起

希望您地可以珍惜e段時間

因為唔係每個人都可以擁有e一段時間

請為其他唔可以擁有既人去珍惜佢...

記住...每天也是情人節

>>July 26, 2006 at 1:32:15 AM GMT+8