2003 年 9 月 13 日 星期六 【晴】

今日過得不錯呢

十一點左右起身，跟住做下功課，食飯，又做功課，跟住返團契啦

今日返團契好有出乎意料之外的喜樂ar~!
唔知點解開組時候跟大夥兒談得很興奮，返左團契年幾都冇試過咁High~
今日仲「初步」加入左教會個行山隊~
呵，第日會有行山方面的野做 ( 好似 )
我計劃好lu~ 除左澳門中山，會考完大概我都唔會去得遠，留左香港，因為好似大把野做~
我希望能在圖書館找到份暑期工供我暑假開支，我想考行山D Cert 呢 ( 唔記得專業D 個名稱為何 ), 希望能有錢連考兩級呢!

活動崇拜完，同范嘉豪Ricky 去市中心周圍走，跟住就返屋企
又好頹，又睇電視又玩電腦，十二點先寫番Essay 做Maths, 跟住寫日記lu
好奇怪，都人人都緊張起來的時候，我卻頹廢得很厲害，看來明天起都係少碰電腦為妙

>>September 18, 2003 at 6:05:37 PM GMT+8

2003 年 9 月 12 日 星期五 【酷熱】

十點幾鐘起身，就收到不少人的來電，話唔去cycling
跟住就打下電話逐過comfirm下啦

最後都有七個去
我地本來想去天水圍ga
但係有人要五點左右回去
所以到藍地就折返
算啦，會考完踩去上水都無問題! 哼哼哼!~
在香港上山下海真係唔錯ga!

不過空氣始終差!
深呼吸氣管就痛啦
唉，今日有fog, 公路又多車又大塵啦

後來五點左右，師傳同Karl 還左車各奔前程，剩下的踩去海傍---屯門碼頭附近個海堤!
屯門睇海最正就係這兒，尤其係黃昏暮日之時! 金色的太陽斜映大海，其實幾「浪漫」下ga~
享受海景海風一陣，就踩番去還車lu

跟住在新屯門中心四圍走，之後阿本走先，我同溫同勳去市中心
我地又多左個花名俾自己呢~ --- 「爆石王老五」, 「膽石王老五」同「腎石王老五」!
因為預計自己都係王老五gala~ 又冇錢喎，所以做唔到「鑽石王老五」，就變成上列幾類「王老五」囉~
唔緊要~

跟住係市中心周圍蕩，陪勳去書軒，又去買書，跟住陪溫拿回結他，又去買野食，跟住歸家沖涼，吃飯，睇書睇電視，打電話找人談Project ( 實質吹水也 ) ，跟住係度打日記lu~

>>September 18, 2003 at 6:06:02 PM GMT+8

2003 年 9 月 11 日 星期四 【晴】

哎呀啊~ 都唔知點維持這個日記啦
成日都好懶 ( 七月考完大考那一刻到現在都係咁 )
有時返完學做完功課溫完書又好疲憊，都無力打日記lu
不過我會努力ge, @@

這天是中秋節，早上大家叫阿南係黑板寫多D 野，都係「中秋節快樂」之類的說話，仲搞下笑話中秋反功課反測驗添~ 各老師都有少少感想~ 唔緊要啦，玩下je~

History 堂Miss Chan又訓話，又講到我好慚愧，跟住派Test, 要重寫Essay! 真係自己拿來的，誰叫自己諸多理由懶唔溫書，冇計啦，放假又要寫Essay lu ( 其實我想找Miss Chan 理論下ga >< )

中文堂，某人借書俾Miss 知道左，跟住佢同借取者皆要放學找MIss 受審呢，跟住有D 人地班的事情俾我地知道左，Miss 都有D 特別感想啊，但唔可以講咁多呢

上上下中文堂就要去週會聽 / 睇候選學生會內閣present. 今年我覺得兩個表現的差唔多，冇邊個特別好，算吧，我都係覺得以前那些好些。今次唸到選邊個，基於上兩年ITP 曾被某些人玩得好慘，所以我堅決唔選某內閣呢 !
仲有，今年候選學生會宗教科面D 活動，好似差左D 喎.....
至少我覺得唔會好過以前
唉

P.S. 阿John 佢地下年都想搞學生會，據了解佢地有特別意義特別目的ga，好期待好想見證一下呢!

午飯時間又冇飯開啦~ 因為要準備英文堂ERS Presentation D 野，要幫人預備好D powerpoint 使presentation 得以順利呢。等人地整完才正式開工，其間大家陸繼回來，知我知道誰要present, 就勁問我，個個又要話想放自己個powerpoint 上電腦睇下，問過叫過不停，宜家諗番都覺得幾煩~ 不過唔緊要啦~ 其間都幾感動下! 有人知我無食飯，俾面包我食啊! 真係多謝曬 ! 真係好開心啊 !~

夜晚去了阿Sam 屋企玩。但其實去到食下野，冇咩做，後來都係玩積木 !
好久沒玩過積木呢! 又記番細個時D 野
我仲記得細細過，小學二三年級時，姨媽表哥佢地俾左我好多積木ga!
我砌左好多野~ 最犀利都係砌左隻頗大的「戰艦」呢! 好搞笑ga~ 大船上有幾層樓的大廈~ 真係唔知點講好~
但後來都是拆了，之後漸漸遺失，搬來田景之後都冇玩過啦
中秋節晚玩積木真係好開心!
我整左隻「宇宙艦」呢!
正爆! 不過其他人整得仲多~@@

十一點左右，離開，去左青山灣
本來這晚超人會來，但臨時去不了
唉，年年中秋都有D 遺憾的事情發生.....

到了青山灣，同左D 今年陳記Form 3 玩~
都玩得幾開心，不過坦白講始終唔夠盡興~
算了，年年中秋都過得一般

一點左右，番到屋企，沖下涼，就睡了

>>September 13, 2003 at 12:19:45 AM GMT+8

2003 年 9 月 10 日 星期三 【晴】

我又有幾天冇寫日記啦

因為我又開始回復過往的作戰生活

一有Test, 我就唔做功課唔多理其他野 ( 當然靈修繼續 )

結果日記都唔寫

不過其實呢幾日都過得幾平凡

實際上都冇咩特別野發生

D test, 我隨便做下算了

不過某日的週會又幾有意義

這個週會告訴了我們為何要去讀書，讀書的意義為何

對的，我們不是為成績才去讀書

>>September 10, 2003 at 6:12:45 PM GMT+8

2003 年 9 月 7 日 星期日 【微雨】

今日過得毫意義

朝早我無返崇拜.....因為懶惰貪睡.......唉.......

實際上，當我在星期日而沒有返崇拜的話，就註定那天是頹廢的，今日也不例外

唉

結果今日沒做過什麼事

功課早就清左

等午飯晚飯

跟住夜晚睇電視玩ICQ 吹水

咁就一日

看來今日係九月過度最廢的一日

>>September 7, 2003 at 11:17:28 PM GMT+8

2003 年 9 月 6 日 星期六 【暴雨】

今年是一個幾有意義的日子

昨天睡了很多，休息得差不多吧! 所以很早就起身了，做些History 的Notes
時間差不多，我出門口，去市中心
初出門口以為冇咩雨，點知雨越下越大，心裡有為天氣禱告，不過雨冇停過bor
但現在( 十二點 ) 回想一下，我們去做義工的地方，有瓦遮頭，其實沒什麼關係呢，神總有衪的計劃

到了市中心，發了一陣呆，終於話集合，出發，就去拿東西搭車去景峰的安老院lu

其實之前都睇過下電視及聽講母親大人講過下，所以入安老院那刻並沒有太緊張
入到去，同公公婆婆打下招呼，派禮物，又同佢地唱歌，跟住就同佢地傾計啦.....

一開始「唱歌」的時候，有些老人家點點頭，拍拍下手，我以為佢地係敷衍下我地，其實不是........

一開始我地派禮物，我覺得佢地係就係開心，但唔會開心得去邊，其實不是.........

我地分開去同公公婆婆傾計，我同其他人同過幾個老人家談談，有位話自己有九十多歲的，都幾精神下，我地同佢講「中秋節快樂」，佢都好開心啊! 跟住就同我地講好多好多野，講自己D 野呢，仲不斷叫我地把握讀書機會呢 !
跟住又同其他婆婆傾計，有位.....我唔多想去形容.....真係好慘，佢眼睇唔清，講野都有困難，但佢都好努力想同我講野ga, 甚至上氣唔接下氣.......還好像認錯我地做佢孫仔.....叫我地「結婚」喎........佢又唔郁得下.....(身體太虛弱．．．）都努力同我地訴苦．．．．．
( 其實好多都係咁，因為平時冇人關心，見有人來探佢地，佢地會非常開心，很努力同我地講野，其實佢地老左....動作慢D, 但佢地有人探，好開心ga, 絕對不是「敷衍」...... 佢地上氣唔接下氣的同我地講野傾計，就知佢地真係好想，好需要人關心.....)
有幾位老伯，有得做運動，但聽講其實佢地平時都真係好孤獨.....冇咩玩得ga...
其他.....
據聞有位老人家以前係香港大學教授來的，也給人送了這兒.....
有人說老人家們向他們訴苦，說該院姑娘其實對佢地唔多好..... 都怕佢地....( 我都覺得係，我地同那位眼力不多好的婆婆談話時，她們竟又「騙」著她，我們是她的「孫兒」，像騙小孩一樣 )

.............

其實都唔知點講好

老實說，那兒的環境不太好
但，公公婆婆們的子女竟把他們的父母親放在這兒
有過份到可以把父母放在這兒自己舉家移民外國

社會常說「老人問題」
但社會有沒有用愛心去關懷一下他們?
那些「子女」心中也有孝道嗎?
如果換著是我，我寧可馬上死掉又不願如此在安老院渡過殘生
真係好慘.....

我未曾了解到，我們少少的禮物，可以令到他們那麼開心
我未曾了解到，我們探望一下他們，他們會雀躍如此
最想不到是婆婆們縱然上氣唔接下氣也要跟我們傾計

環境我能估測到的，可是他們的心情我真的想像不到

連大學教授也給人送入安老院
其實他們也曾努力奮鬥過
但這樣的生活做為人生的一部分的話
人生未免太悲哀

老人家不應該給忽略的
為什麼我們只懂關心知名歌手的少少傷風感冒
而把長輩的情況忘掉呢

我們縱使不能每一分每一秒都去照顧他們
但，若有機會我們都應該去關懷他們吧!

據了解農曆新年前會有上門為獨居老人清潔家居的義工呢!
大家要參加啦!

好老實講，今日其實我係要番團契的。但是，我先選擇了去做這個義工
耶穌基督愛我們，為我們釘死在十架上
而我們去用什麼報答呢
難道不應該去將基督的愛實踐出來嗎?!
難道只在躲在教會團契中玩玩就成了嗎?
難道我們只會在教會裡唱詩歌而在外就完全不為神作工嗎?

當然完左之後我都有番去教會
係活力崇拜的講道
講道內容把我之前心裡想著甚至手打了出來的事，完全解答，推翻了
詳細情況明天補寫
太夜，要睡了

>>September 7, 2003 at 1:04:08 AM GMT+8

2003 年 9 月 5 日 星期五 【晴】

九月五, Day C
要企操場呢
看到隔離今年的4A 得九個男仔
真係心寒----假如無男的升上去不就成了笑話
呵呵
一路講，到有Announments 時，環境甚為悶熱的時候，突然天降及時雨，真搞笑
我常想上帝經常跟我開玩笑，這是真的
我不時覺得我信的神是個很幽默的神~
哈~

跟住都冇咩特別野
到lunch time 的時候，大夥兒出去食，到了綠茵，叫飯，等飯，等到，祈禱
混亂的事又發生啦，我祈完禱，拿叉，點知我唔知點解，拿叉拿到倒了水! 還把某人的阿華田倒翻了，大家都閃得快，但他說我lock 住佢，佢避唔切，液體翻上了他的褲子上!! @@"
不知是否那杯阿華田不潔淨，給我祈禱祈翻了，真係混亂! 這也是上帝的幽默嗎?~ @@"
其實唔知點解我地去綠茵，每個月都可能倒水一次，真係06特色囉
又唔知點解，今次食得好飽，竟然差點食唔曬，不知是否皮帶束得緊了些，食不下了，似乎皮帶有助減肥呢

下午，聖經堂
其實我唔多鍾意上XXXX的聖經課，佢成日講分數，唉，如果我說話說得不好，分數低了些，成績表宗教科得了 E, 那麼我就是個 E 級的基督徒? 哎呀啊
跟住又要分組做Project 喎，本來我同Rachel 講話combine, 點知同曾佬講，曾佬話己經同某人之經交易完成，同人combine 左啦，哎呀啊，希望佢地唔係斬我........我控制不了咁多呢
跟住落堂，我要即刻落去拿實物投影機啊，我係ITP ma, 儘管會變回Class ITP 呢，不過唔緊要啦，敬業樂業嘛~
呢個單堂Econ 好無癮，我又同人傾計，出面有咩「活動」我都唔知 ! 跟住就落堂囉喎，只教了一個point 呢，似乎呢D 單堂冇咩用，給我回家睡覺可能更好

放學，我要周圍走呢，先去教會office, 跟住上番MMLC 做LCD Record 簿D 野，得我一個做呢，不過歎曬MMLC D 冷氣，正!
其間發現阿南佢地正進行班會職員點票呢，呵~ 我如願當了謝師宴籌委~ kaka, 大家好受啦!~

回家，本想打日記，但都係冇打，走去睡覺，睡完看電視，打幾個電話，又睡了

>>September 6, 2003 at 11:55:23 PM GMT+8

2003 年 9 月 4 日 星期四 【晴】

又無寫日記
又再去補寫
又忘掉幹過什麼
又要努力去回憶

四號 Day B
Test History
先前Miss 講左一大堆道理
其中有D 好似係講緊我
實際上我也是個頗為愛理不理的人
想去做的話我會好熱心ga
但唔想做的話我會完全無慟於衷
Miss 講講，又頗為覺得自己有些不對，有D 對唔住佢呢
算了
卷派下來，我草草的做完了
見前面幾個做得咁落力，而我?~
算啦。打鐘，Miss 話做完走得，我邊吹水邊等溫同曾佬做完，但等左好耐，超人Karl 等又在出面等我地喎，咁我就草草收筆走人~

出到去，去到邊都爆曬，無奈，竟走了去愛群
唉，其實愛群D 野唔多好食，雖然佢地送蛋撻，但看來這只不過是拉攏客人的方法罷了
質素欠佳始終是質素欠佳

跟住D 野唔記得啦
只記得自己努力計數，跟住睡覺lu

>>September 6, 2003 at 11:27:39 PM GMT+8

2003 年 9 月 3 日 星期三 【綿綿細雨】

其實寫這天日記時己經係另一日啦，但我總要補寫的

其實我是一個很善忘的人，除非特別有深刻印象，否則我別天便可能忘掉昨日的事了

九月三，沒什麼特別的一天
據說原來History 是有test 的，但Miss 改了日子，我也不理了
唔記得咩時份Miss 派左張表，叫我地自薦及推薦別人做班會職位啊
推薦人那兒我唔多識填，有些抄別人ideas, 有些「應許」人家幫人寫佢個名
我自己想做謝師宴籌委，不過有D 人話叫我做總務喎，唔知啦~

週會，孫sir 講左一大堆野，話唔可以這個唔可以那個，心想，自己也犯了不少呢!
還是該收歛一下啦

午飯時間，我冇同大夥兒出去食ar, 也不要他們在等我，真係對唔住ar !
我去有蓋操揚，嘩! 好多人! 據聞大部分都係Form1. 他們排隊排到差不多在樓梯附近呢!
唔緊要，等我上去做一做數先!
做到咁上下，就落下看看啦! 點知都差不多!
我周圍走，無所事事，行上行落，真係無聊....
終於少人lu, 我去問問有咩食，唉......
咩都冇曬，話即整，我無奈的話唔駛，佢地又得番個飯盒，唔大，但十五蚊!
搞錯，當然不要浪費時間啦! 我只得買罐檸檬茶飲! 又周圍「訴苦」@@
唉，好端端轉咩「維他天地」呢，好懷念以前ge 雞扒面啊!
大件抵食! 宜家? 哼，大公司原來冇好野，結果即係逼我出街食je! 減肥慳錢計劃受到嚴重挫折啦....... ( 聽講佢地D 雞翼唔錯，但我無興趣啦! )
奇怪的是，我之後三連堂英文竟然非常精神!
真係奇妙~!

放學ITP 開會，開一陣就搞點，跟住又吹左陣水，最終都係番屋企。

夜晚我家叫外賣吃呢
吃完，唔記得點解會走去溫下History, 其實我唔想溫ga ! 好煩，開學冇耐就要test .....真係煩
八點左右要offline ( 我細佬用電腦 ), 之前有人ICQ 問我History 點溫
因為我趕住offline, 所以講得好匆忙，至於佢今日( 九月四 ) 考成點咩情況就唔知啦
我都唔想成日問成日講這些東西

真係有興趣，自然會熱衷gala, 咩情況做咩野都一樣
我好熱愛行山，想征服香港群山，所以我把握每一個有得行山的機會
我的確對歷史這回事有興趣嘛，所以鍾意讀History lor
對我來說，沒有什麼溫History 的特別方法的，讀書就緊要的是，要先有興趣，越濃厚越好~
然而「考試」就破壞大家對歷史的興趣啦!
所以當有人問我應該點溫，我其實唔多想答，不過人家問起，我覺得係代表佢有心發憤用功，咁唯有想想點樣幫人家囉
但我覺得咁讀書好悲慘
而我也不想成為考試機器，不想成為香港填鴨

off 左line, 去做功課，九點左右，出房睇「皆大歡喜」!~ 九點半左右，回房，唔記得左咩原因驅動自己去溫一下History. 後來十點後溫打電話來，佢話自己去左自修室，話都有好多人在那兒溫History 呢. 吹左一陣水就收線，我突然覺得好慚愧，又好矛盾。大家都在努力溫書，大家都在打仗，自己卻在偷懶白嘆冷氣，袖手旁觀嗎? 我也記得<<聖經>>某處都講過類似的說話的 ( 請大家指點 ) 但自己的確唔想因為"test" 而才溫書喎......算了，拿自己寫的Notes 看一看.....

十一點左右又on番line, 同Miss 等傾左一陣
佢話校長會逼我地考好D 呢
真係對學校高層好失望
我地差關佢咩事呢
佢地係唔係忘掉了辦學宗旨，還是「辦學宗旨」跟本就是一堆假的中文字?

哼!

>>September 4, 2003 at 5:44:40 PM GMT+8

2003 年 9 月 2 日 星期二 【颱風】

說起大浪灣，說起那件「小事」，令我想到，我現在的價值究竟為何?

大浪灣真係好正! 挖沙挖水玩水玩浪，正爆! 完全爽ga!
但係回家車程上，因為架車多人，我地班人分開坐
車上我一直在思索很多東西，不過，當母親大人打電話給我，我交低幾句後收線睡了
沒什麼的，好像聽到有人講我叫我，我唔想理佢地，就扮聽唔到，原因下文講
到屯門，唔記得左邊個叫我起身。迷迷矇矇之間，我好似聽到分到後面坐的John 仔, Joey等人講緊我。
我唔知係咪心理作用，我想我問佢地，佢地都唔會答，當我細路敷衍下我。

佢地好似講緊「升中六」的事情。
好似聽到講我。跟住就好細聲，聽唔到。

或者我係一個唔應該出現的人。
我似乎很令人討厭。
或許我廢話實在太多煩到人掛，但這該不是全部原因吧!

幾年來成績不太好，俾人睇唔起
今年中四好感恩，是我的全盛時期 ( 我想會一去不復來了 )，雖然外表上跟以往沒什麼分別
我「成績」好像「好了」，但我唔覺，至少我英文好易唔合格
但唔知點解別人對我的感覺好像不同了

實際上只不過係有些初中起讀書就好勁的人遇上問題jama!
我只不過是一個普通的文科生，成績一般
可能係其他「傳統勁人」一向背書為上，入了文科唔同環境出問題je!
我有什麼特別 !?
D人都話我什麼「升梗啦」。大佬! 我點知我升唔升到啊!

我會覺得，其實那班「傳統勁人」一早計，一早預邊個邊個升到升唔到，甚至中二中三時己經在計左了，點知殺出我這種「異類」......我會覺得佢地係好鄙視我，唔想我係陳記中六出現，因為一開始都冇想過! 話唔定覺得我無資格......至少我個樣唔似那些會「努力讀書」的，唔似認真做人的......


同佢地幾個好似channel 不同。
成日講讀書功課
行山都會講下
我也插下嘴，拿作笑話笑笑
其實，好好講嗎
成日講都唔厭
悲劇的，我都受影響了!
講得多唔覺得煩gama!?
唔知點解 D 人總係唔信我冇溫書!
大佬! 在文科裡，俾人話「勤力」，可能係話緊你每時每刻都係度死背書!
大佬! 我總不是這些白痴，總不是這樣的書蟲掛!
居然有人仲以為中史係完全死背的!
混帳，中國幾千年文化，俾「死背」觀念完全褻瀆曬 !

我想我就算升到中六，同班的可能係一群完全唔同Channel ge 人....
咁我仲升來幹什
個個都鄙視我


昨天有某人問我考全級第幾
我唔想答
佢其實係好奇心大想知je
但我給她一問就想到很多野

我在大家的眼裡是否變了
我的價值只在於我考幾多名嗎
Form 3 那年，我有次中史得七十多分，俾人鄙視左我成年幾
老實說，初中的科目，都只不過是鬥背書je, 大家都是受填鴨式教育的，大家都是香港填鴨，有什麼資格鄙視我?
今日，我好彩拿了些獎，那些人就沒什麼說話了

陳記「溫室」都咁現實，外面的世界也應該是瘋的

我真係咁Cheap?


講返今日~
今日返學都係好平凡~
Ricky 個Pop and Folk Music Club, 我冇幫手，只不過去了"DC Club" 那身講廢話，又同何Sir 同阿Head 了解一下今年IT Comittee新班子
Geog Club 東平洲那個唔知幾時去，好期待啊!
黃sir 話中五報得一個課外活動，但我又點會受制呢~

我係DC Club 攤位，D 人見到我同Kpo, 問遠足學會去左邊
唉~ 今年冇啦~
我地D 「主要人物」都要會考啦! 黎sir 又番去中文學會
如果下年我升到上來，應該係找友愛堂胡家豪傳道人搞啦~ 佢有牌~
但今年盛況應該不再，我也相信我的中六一定會過得唔開心

之後上課後，選班長之際，話三號風球，要走啦!
我冇同06 D 人食飯
我話唔出就唔出啦
唔好迫我

原本想溫下書，但最終都係選擇睡覺睇電視
我唔想迫自己

今日掛左陣九號風球，一陣之後就除下啦

大概明天要返學
曾佬打電話來話會test 喎
但我唔理lu

我唔想迫自己做D 唔想做ge 野

也不想「為勢所逼」
也不會跟潮流
今日有人叫我整爆炸頭喎
我就唔想
起碼人人都整
自己整
會覺得自己好cheap, 好冇性格
我喜歡自己好長頭髮，全垂下來的樣子~
覺得幾型，儘管人人都說像賊~
哈，我唔介意，反正我都唔係靚仔~

>>September 3, 2003 at 12:04:27 AM GMT+8