2004 年 4 月 24 日 星期六 【晴】

終於來到四月廿幾
只差幾步
就可以解脫gala

>>April 24, 2004 at 2:45:03 PM GMT+8

2004 年 4 月 17 日 星期六 【晴】

感謝主賜我友伴!

>>April 17, 2004 at 1:19:14 PM GMT+8

2004 年 4 月 1 日 星期四 【晴】

好辛苦的溫書生活.....

>>May 21, 2004 at 8:29:50 PM GMT+8

2004 年 3 月 20 日 星期六 【晴】

努力溫書

>>March 20, 2004 at 11:53:27 AM GMT+8

2004 年 3 月 12 日 星期五 【晴】

無疑，青山是屬於０６的

由青山開始我們的遠足
由遠足建立我們的友誼
每朝上學，等升降機的時候，我都會凝望青山
每朝上學，在路途上，我都會抬頭望青山
每次走出圖書館，我都會遠望青山
回味大夥兒同心走上山頂的路途

下午再次走上久別半年的青山
今次的體能明顯沒有以往那般好
可能是自己肥了 ( 我跟皮勳都有此感覺 )
可能是半年沒有上
可能是自己很久沒有做運動
不像以往暴曬之下也能剷上眾多山頭
不像當晚披星戴月走上鳳凰山那麼健壯和順利
或許是上帝要壓一壓我的驕傲和氣焰吧

終於走上青山頂
山上的日落很美，當然少點煙霞就更美絕了
轉過頭望回山下的景色
是屯門，是我的屯門

每次我走上青山，望著下面的屯門
我都會感覺到，我和我的屯門是無法分開的

在屯門，我由三歲小兒成長至今天的熱血青年
十三年生活啊
感謝主在此地給我祝福
我在這兒認識祂
祂讓我進了陳記
我在陳記正式相信了祂
祂給我身邊眾多的小天使
06, 5B, 2F2...
感謝主

這輩子也不會忘記這地方，一定不會

的確，我扎根在屯門

天到底是會黑的
我們到底是要下來
那一下子
我不想

在山上真係好舒服
放下重擔，陶醉滿眼風光之中
但要下山那刻
真是不欲下去
返回大千世界，又要面對好多複雜的事情
給會考煩，給家事煩，給很多很多東西煩.....
我真是不想回去
不是對屯門的喜愛淡了
而是給那些事情打擾了

不過，終歸是要下去的
帶點無奈
跟Last Day 最後一課的最後一刻一樣
不想下課，但終歸是要下課的
終歸要成長
終歸要經歷以後更多的東西

今天我的同行者，就是０６一班好戰友！
本, Kpo, 溫, 泓, 皮勳, 大S
加埋我自己，七個熱血青年
06 就是 06

>>March 13, 2004 at 12:32:28 AM GMT+8

2004 年 3 月 5 日 星期五 【晴】

考Mock 中

>>March 5, 2004 at 1:25:22 PM GMT+8

2004 年 2 月 20 日 星期五 【晴】

尋晚返到屋企，醒起自己沒有放去相機，就去找找
找啊找，找極都沒有發現
我明明放左係個袋度，但返到家中，見都唔見個袋，慘啦。
我打電話給母親大人，佢話「無見過」．．．．．

慘啦！相機唔見左！
我心唸，冇理由ga, 明明放學回家時，「摸」一摸個袋，摸到ga, 最多我唔記得拿出來je.....怎麼會唔見lei......
母親大人好聲好氣同我講，話當幾千蚊買個教訓．．．．．．
講就咁講，但真係好唔開心ar !
我對部相機都有感情gama! 它幫左我好多...... 中五好多珍貴片段，都是用它影的
宜家Last Cycle la....
先至話唔見.....
仲有啊，部相機表哥表姐都有份出錢資助ga....
唔見左叫我點同佢地交代喎.....
唔通又問佢地借相機用咩........
雖然部A70 唔係好勁，但我都算從它學會了不少......
我同miss 同阿茶講，佢地叫我pray
但其實那一切，心裡都不夠平安

臨訓前都係唔開心
五點鐘醒來，再禱告，想起一句金句，「所以我（耶穌）告訴你們，凡你們禱告祈求的，無論是什麼，只要信是得著的，就必得著。」
心中都平安一些
再sleep

七點幾鐘起身，我試著扮未訓醒，冇面同屋企人講野．．．．．．
母親大人都算係好聲好氣咁同我講道理，叫我以後做事要小心, 謹慎....
我跟她說，打算返學校找
阿爸話：唔好啦，費時話你報假案ar
我都唔知講咩好，蓋上被子打算睡多回先
跟住呢．．．

母親大人叫我：喂，這兒啊！
啊！就是這部相機了！
原來母親大人見我實在太差啦，竟然將相機連袋同PE衫同放在籃子裡
她洗衫的時候，發現了這個，好激氣，但我己經出左去踢波，冇得鬧，於是收埋佢先，嚇一嚇我，等我知錯．．．．．．

唉，怪不得跟母親大人說遺失相機時，她還能好聲好氣同我講野啦
我都覺得有些奇怪，點解佢唔鬧我呢，二千幾個bor !
另外點解阿爸會叫我唔好去學校，話我會「報假案」，我又覺得出奇，「下？我真係唔見左部相機gama, 唔係假bor....」

原來係母親大人收埋部相機嚇我，仲等我唔開心左成晚，訓訓下又醒，唉．．．．．．
仲等我係咁祈禱，原來上帝都有份開我玩笑
我都話我信的神，經常藉著不同事情跟我開玩笑gala.....

我都知自己好多缺點，包括粗心大意，不小心，不謹慎......令到有時說話時不知不覺傷害人地，自己都唔知，呢D 性格，有時仲害埋自己.....
又上左一堂人生課了，學費差點是二千幾..... （好左母親大人謹慎，冇將相機倒進洗衣機.....)
也學會了更加都信靠神呢，尋晚同Miss 同阿茶講，佢地都叫我禱告，但那時候其實都唔夠信心......
我平時叫人要有信心，但自己呢..... 呃, 神可能係想藉呢件小事試鍊下我

仲有，我學會小心分析
尋晚其實己經覺得有D 唔對路，點解母親大人咁「淡定」呢，平時我唔見一百大元的話，都會給罵個狗血淋頭.....點解佢咁冷靜呢。我尋晚都有唸過下，會唔會係佢收埋左，但做了她十六年兒子，都冇見過她玩這些「遊戲」gama......

宜家睇番部機，真係要摸一摸，確認一下....

>>February 20, 2004 at 10:02:34 AM GMT+8

2004 年 2 月 19 日 星期四 【晴】

放左學，先返屋企，跟住換衫，煮個公仔面，食完就走去踢波

其實大部分時間都係睇，我自己只踢了上半場的十五分鐘，冇咩建樹，大部分防守的工作都係小景同吳家瑋做曬，我自己表現好差......冇計啦，好似溫曾咁話，A 班D 人踢波踢得耐過我地，技術, 體能, 甚至身形，我地都唔夠佢地鬥。( 我完全俾人撞開，又唔夠人地反應, 速度快 )又真係ge, 我地班實力唔夠人地強，但守得住唔俾人地入到波己經好好。

我下半場冇出，睇波都好正。上下半場都守得住呢，人地入唔到波。後來要射十二碼才輸掉，冇計啦，A 班個龍門真係好犀利ga

雖說早就預左會輸俾人地，但其實AB班賽事完左之後，心裡有點還是唔服氣，因為我地輸十二碼。如果話係上下半場俾人炒 X 比 0，咁都ok, 因為技術上差很多，好在人地雖然攻勢凌厲，我地都冇俾人入波ar. 不過宜家輸十二碼，我覺得有D 唔抵囉。算了。( 不過後來人地班對C 班，就俾人入左球啦，如果唔係，A 班隨時會以十二碼分勝負ge 方式拿冠軍呢 )

睇完波跟溫去了自修室
走啊走，講番文學堂講話，Miss 有個friend 個細佬俾人迫婚，一世幸福咁就冇左
溫講起，當Miss 問，「如果阿媽因為你唔肯結婚而鬧死，咁你順唔順從？」有人大叫「死咪死囉！」話呢個人好差
我心唸，下？我好似講過呢句野喎！咩唔係話「如果個女仔/人因為你唔止同佢結婚而鬧死」咩？哎啊！搞到我成了不孝子啦！怪不得我大叫之後，好像有人對我有所非議啦，咩原來．．．．．．
不過，如果係我俾人逼婚，我一定會走佬ga !

十點鐘，自修室關門，走路回家。

>>February 20, 2004 at 10:02:04 AM GMT+8

2004 年 2 月 14 日 星期六 【晴】

唸通左~

個人都開心好多~

唔洗再俾那些東西煩住自己 lu~

還是專心的向自己的理想進發吧~

>>February 14, 2004 at 11:08:25 PM GMT+8

2004 年 2 月 10 日 星期二 【晴】

這是一溝絕望的死水，
清風吹不起半點漪淪。
不如多扔些破銅爛鐵，
爽性潑你的賸菜殘羹。

也許銅的要綠成翡翠，
鐵罐上銹出幾瓣桃花：
再讓油膩織一層羅綺，
黴菌給他蒸出些雲霞。

讓死水酵成一溝綠酒，
飄滿了珍珠似的白沬：
小珠們笑聲變成大珠，
又被偷酒的花蚊咬破。

那麼一溝絕望的死水，
也算誇得上幾分鮮明。
如果青蛙耐不住寂莫，
又算死水叫出了歌聲。

這是一溝絕望的死水，
這裡斷不是美的所在，
不如讓給醜惡來開墾，
看他造出個甚麼世界。

>>February 10, 2004 at 11:36:47 PM GMT+8