2003 年 12 月 21 日 星期日 【晴】

去左做店鋪project
睇到左好多野......

不過，我發現筲箕灣一間面包鋪的雞尾飽好好食ga !
才$ 1個半~

回程第一次搭西鐵~
但夜裡看不到景色@@

>>January 9, 2004 at 1:12:43 AM GMT+8

2003 年 12 月 18 日 星期四 【晴】

生與死只差一線
我終於目睹

我見識少
像今日的狀況我以往未看過，也不敢去描述
一人倒下，繼以各人連鎖的悲慟起來.....

我和幾位男同學一起祈禱
這時候我們什麼都幹不到
只有把他交給上帝

當然，要交託的還有全班同學的心情
每一次祈禱，我有更大信心，我信佢一定無事 !
上帝愛惜每一個人的生命

祈禱是有功效的
經過搶救，佢回復知覺
給救護員送上白車送院檢查

之後校長也來領禱，佢沒有訓話，很好
接著某負面人物說了一堆難聽的說話
對這個人，我自己無話可說，但他的說話再傷了不少人的心

上到班房，大家心情沉重
良久才逐漸離去

終於明白「一個都不能少」的真意義
「珍惜眼前人」

在這事會學到東西吧
會成長吧
雖然不是發生在自己身上，但他是我熟悉的同學
佢出事，震撼每個人的心靈
但是如此促使大家成長，實際太痛苦，太可怕

今日的事唔想直接講
但我不會忘記這件事

>>December 18, 2003 at 11:40:01 PM GMT+8

2003 年 11 月 24 日 星期一 【晴】

十二點左右，我出現在東涌新市鎮的街頭上
大家那時候可能在抱頭大睡
而我，就跟教會行山隊上鳳凰山!

由東涌搭的士，一點半左右到伯公坳
的士播放著的音樂，很是有動感，激動著自己的心情和鬥心

起步了，一路上唔算完全黑，因為東涌新市鎮及新機場的燈光照了上來
頭上也有星光，全程除遇上霧的時候要開電筒，一路上都係唔駛開

披星戴月走 !

一路行，身子暖，加上厚厚衣物，冷風陣陣吹著時，走著，真舒服
以往行山都有太陽在上，熱死人 ( 即令海邊又不是時常有海風吹來的 )
冬天夜行，原來是一種享受

最令我驕傲的，是我上鳳凰山，三百幾米到九百幾米，只喝了三百多毫升水 !
一來防止用水過量又要排放麻煩，二來證明自己進步左
---- 年半前第一次正式行山，上青山未到綠屋仔，就差唔多飲曬支水冇曬氣，最後失敗下山
第二次都係靠大S 支1.5 L 水才有六個人上到青山頂，講都覺辛酸，但沒有如此經歷，都沒有今日的 06! 06 不是那些膚淺的小圈子!

大夥兒三四點上到山頂。由伯公坳上，難度跟行青山 ( 工業學院上 ) 差唔多，係比我想像中易好多好多ga ! 以往 06 的鍛鍊沒有浪費

我同幾個Form 4 的男仔進了避風處，開燈開爐，打邊爐食野 !
佢地都幾勁下，買成八磅野上山，其中肥失就買左兩磅，真係正爆~
由四點食到六點，天光啦 !
可惜日出位置剛好被一堆棉花掩住，只看了「曙光」，但都好靚
個景唔錯，我地冒住寒冷上山係值得ga !

七點左右落「天梯」，落ge 難度冇我想像中那麼難，但上就唔敢想像la, 就咁睇好似有成七十度斜 ! 我地由伯公坳上的決定係冇錯ga !
落山時候，雖有冷風，但畢竟回暖。
哈! 我落到去狗牙嶺入口，望住余仁指給我看的「路」，竟想罵自己見識少 ! 所謂的路，不太明顯，大石就有，阻住曬，似乎一定要爬過石頭才行到 ! 我不敢想像「一線生機」同「閻王壁」那兒的情況了
在入口處，我換上了班衫～
內有一件背心就行了，不用著褸就落山！
件班衫黑色吸熱，厚薄適中，冬天遠足下山就大派用場 !
落到大佛個度，等車等左個鐘 ! 好在有D 惹笑的狗群，佢地D 行為真係笑死我地～
不過人畢竟比小狗強百倍，山哥的搞笑睡相足以打入荷里活

余仁話，係大佛這兒行番落東涌，比等成個鐘車更好，但是今次算數

終於上車，睡著。到石壁水塘主壩時迷濛的醒了，看了石壁水塘一眼 －－ 很美，美不勝收
在我眼中，石壁水塘時最美的水塘，比萬宜, 船灣, 城門, 大欖涌等等，秀麗得多，加上鳳凰山屏風般的雙翼，簡直是美絕的山水畫 !

>>December 11, 2003 at 12:01:17 AM GMT+8

2003 年 11 月 23 日 星期日 【晴】

家豪結婚 ar ! 我都有去觀禮~
以前以為基督教形式的婚禮是很悶的
但意想不到，婚禮也有詩歌去敬拜神
是因為上帝才是最大的證婚人嗎?

新娘步入禮堂之後等等的儀式不多說了~
之後有梁家麟牧師訓勉，好得意ga,
佢話

亞當當年想要配偶，要美麗，又賢淑，又要溫柔
上帝話要付出昂貴代價
亞當說，我一D 錢都冇bor ( 類似說話啦，我唔記得左少少 )
上帝於是就要他一隻手一隻腳
但亞當覺得代價太大啦 !
於是上帝就只係用佢一條肋骨做夏娃
但係呢個「咁平」ge 夏娃
又樣衰，又差勁，還令到他犯罪tim bor !

結論就係話，要得到最適合自己的另一半，係要付出好多同好大代價 !

當然，呢個係笑話，聖經冇講過ga~
但都係訓勉

婚禮其間我都也在想，「幾時輪到我啦?」「我能否有此種機會呢?」
我D 老友話，最重要係要找一個「適合」自己的，但什麼才是「適合」?
是「興趣相同」? 「唔好高過自己 ?
我覺得，愛情婚姻總不是簡單的事情吧 !
點先可以避免悲劇，是我最關住的事情

>>December 10, 2003 at 11:22:07 PM GMT+8

2003 年 11 月 18 日 星期二 【晴】

這天又是5B班歷史中特別的一日 ~
我地出左兩組人去SU 個「電影創作鬥一番」~

個話劇係陸運會前都己經準備左好耐gala !
到左那一日，大家都好興奮
History 堂完左，我地就立即衝落去準備~

小息完結，週會開始。可是SU 卻出了洋相－－電腦方面又無聲出啦! 得個Screen 睇，己經係第三次，今次SU 都唔知做緊咩．．．真麻煩
但唔緊要，我地終於開場

一開始，曾佬, Kin Ming, Karl 扮文福, 國彬同Terry, 羅嘉寶係後面扮掃街阿伯。佢地話考試差，去打機減壓，跟住我自己就拿摺椅上台，同溫扮綁匪捉佢地~ 仲同「阿伯」打起上來 ~ 之後話捉左Terry 同文福...... ( 下刪數百字，睇翻套錄底左ge 片最好 ~ )

跟住有阿南那一組「精武門」，內容唔多講，但的確做得比第一組好~ 非常搞笑，音響組竟又合作到bor, 我地第一組時反而屢次出錯，又是麻煩 !

跟住分別有5C 班同四位阿sir 做show ~~~
後來就公佈獎項
阿南那組得了全部獎~
第一組雖然冇獎
但我地全部人都好滿意，好欣賞自己的表現 !

我地呢次真係做得唔錯ga~
經過咁多野，我地班團結左好多
真係好開心
中五生活，是愉快的 !

>>December 4, 2003 at 11:27:29 PM GMT+8

2003 年 11 月 13 日 星期四 【晴】

中五陸運決戰第二日

一入場又係繼續影相，d 相唔算得係太好，但畢竟是回憶ma!

而且，我地要跑八百米

我一直都有為八百做預備，去鄧肇堅作所謂的練跑都係為八百
不過，我係鄧肇堅練時，最勁才得3分10秒，都有D 失望
之前都有為比賽祈禱，我知神會俾力量我，無左佢，我連行八百米都成問題

終於開跑
開始頭一個圈，我留左力，我知道要我下一個圈才衝ma
剛跑完一個圈，我望住另一邊的一條柱，我想，就在那兒發力吧 !
結果，跑左一個百米，在那條柱的位置，我發力，我衝 !
我不斷爬頭，我努力，我運用我有的氣力 !
終於，我得了第十三名 !

2分51秒 ! 我過左 Standard !
相比起D 勁人，我唔係好勁，但畢竟Win 左自己突破以往 !
真係好開心啊 ! 我運用了上帝給我的力量 !
我盡左全力。陸運前多左練跑，我決心不令自己在這陸運有遺憾
那一刻，我成功了 !

大夥兒跑完，大夥兒一起腳痛。
都唔緊要啦 ! 大家都好enjoy !
因為隻腳勁痛，行都行唔到 !
直至Kin Ming 叫我地去hurdle 唔好俾人扣分
先至唔著鞋咁行過去
由於隻腳的情況太差，真係勉強唔到自己
所以兩次投擲都失敗，之前的練習都浪費了，但最緊要係八百，所以hurdle 失敗都冇關係啦~

跟住我繼續影相。
後來係齊跑一千ge 時間ar !
我地班著曬班衫行，加埋個大班牌，真係有氣勢! ( 但係我唔記得帶班衫.....)
之後仲搶左D Cert 去影相~

食飯去左某越南餐廳，都ok ge, 但始終唔夠小巴黎好食 !

四點幾鐘，陸運會完結
我地班繼續影一大堆相 !
要睇番D 相先知得盛況啦~
06 小隊都有一齊影 !

一切看來，都是光輝的一頁
我見到了神在我身上的作為
我們再一次拍照，留下了友情的歷史
他日一定再有機會
朋友們，願我們齊集在下年陸運會 !

>>December 26, 2003 at 7:57:28 PM GMT+8

2003 年 11 月 12 日 星期三 【晴】

中五 陸運會 決戰第一日

足足睡了十幾個鐘
六點鐘起身執野，七點鐘搭車，在兆康好快地遇上曾同溫一齊搭車

到了會場，替相機入電入CF Card, 正式開工影相 la !
今年我胡混地加入攝影學會，得到了個「攝影證」，就可以周圍影相啦 !
所以我今年係無咩坐過觀眾席GA !
不過我都係初哥，仲有好多野要去學，大家支持一下啦 !
今日都用左成三排電芯.....

Lunch Time, 大夥兒周圍走，走左一輪，終歸都係去綠茵
成日都食綠茵，由友愛食到天水圍，真係有點兒無奈
天水圍這間綠茵，原來速度慢半拍ga
要人等好耐下
不過我例外，因為我下午要跑千五，唔敢食太飽，所以只叫了沙爹牛肉米粉加紅豆冰
快過其他人，所以我都先走，受溫之託幫佢買電芯 ( 可是血本無歸，無人還錢俾我 )，之後急急腳回去

全日對我來說，最重要的都係千五
集合時候等左好耐好耐，D 人跑千五，不跑步而行路，仲有人俾水參賽者飲，真係混帳，毫無體育精神可言 !

終於到我跑 !
我之前係無練過千五米ga ! 練跑都係練八百......

無Train 過之下 跑千五米 6分18秒 !

真係好感恩
我一路上都無放棄停低，沿路上又聽到好多人支持自己
到左終點，我先至頂唔順，俾人扶入Red Cross 到，五年陸運都係第一次
好在有溫, 曾同皮勳係身邊扶我幫我飲水，好感謝神給我有這些好朋友在身邊 !

休息左一陣，光著腳, 腳痛著拿相機繼續影相
機會難得，況且最後一年，我唔可以放棄 !

四點幾左右完結第一日賽事
腳好痛, 送我地班D 人去巴士站 ( 佢地整Logo )，同Ricky 一齊搭輕鐵，講左好多野
返到屋企，沖涼食飯，就sleep lu

>>November 27, 2003 at 11:21:43 PM GMT+8

2003 年 11 月 11 日 星期二 【晴】

陸運倒數，最後一日

早上，Econ Test, 上堂時一大堆人問 Miss Lee 野
擾攘左成堂先Test
今次Test 要計數，我都係亂咁計

Um

回到家，準備好一切，包括相機
七點幾就睡覺去

準備明天，那挑戰性及紀念性的陸運會

我報左千五米，我之前無練過ga
都唔知點算 @@

我都係祈禱
「主啊，求你醫治我的腳傷，讓每一個運動員能盡力比賽．．．．．．（從略 )」


>>November 15, 2003 at 1:36:28 AM GMT+8

2003 年 11 月 10 日 星期一 【晴】

陸運倒數兩日

上午下午的事情統統忘掉了
只記得夜晚要溫Econ

可悲，溫書是我的唯一生活指標嗎 ?
我好想反抗，但這是唯一的路，For 自己，For 我的家庭，甚至For 未來的另一半 ( 有機會的話 )
( 點解 " For 我的家庭 " ? 想知就私底下問我啦，關心我的，我一定會答 )

終於溫到某一刻，我向自己宣佈「溫完」
跟手周圍打電話吹吹水

再睡覺


>>November 15, 2003 at 1:27:34 AM GMT+8

2003 年 11 月 8 日 星期六 【乍寒還暖】

在阿本塊版看到

KPO 信主的喜訊 !

哈利路亞 ! 感謝主 !

我都係今日夜晚返完教會先知
真係好開心ar !

Kpo, 願你在上帝的祝福中更有新的生命和恩典 ! !

===================================================

踏入十一月，就N 咁多日冇寫日記

十一月真係好忙好多野做啊 !
班會方面，最辛苦都係曾佬，又要跟進某事，又要協調某事
見佢做到索曬氣，真係難為佢
( 仲有好多好多人都係 Miss, 阿南, 小豪等等，大家辛苦曬 ~ )

跟住呢個月在某d 事上都有「進展」
成功拉左人返教會團契 ar !
先有阿南，一星期前我地班的小景都返左 !
今日我地班仲有多d 人返 ! 不過係五餅那邊GA !
真係好有動力帶更多更多人返教會 !
活力崇拜都提醒我地唔好消滅傳福音同帶人返教會咁感動 !
感謝主 !
我一直想等會考後才出擊，但近日的情況教我不用再等不用停 !
我地真係要更努力 !
大家看到這段文字就為我地祈禱吧 !

今日都有談劇本
真係唔排一排都唔知有咁多野要改
好在有排 !
星期一就預演
以我地宜家GE 情況應該冇問題 !
再在道具等等跟進一下就OK~

>>November 8, 2003 at 10:12:29 PM GMT+8