2005 年 7 月 18 日 星期一 【晴】

有時我都唔明
由幾時開始，朋友們的Event 都要由我組織ge lei......
近幾日有人叫我組織大隊去書展．．．．．有個人仲打電話來，一開始就係度鬧我！話做咩到宜家都冇聲氣，究竟去唔去。痴線！
點解一定要我搞ga！我唔係鬧朋友，鬧大家，而係我己經冇心力，只係想做番個等候者、被安排者，而且書展．．．咁多年經驗話俾我知，三四個人一齊去其實好些，拉大隊．．．．．．到了會場都係分開！而且又要就這個就那個，就集合時間、地點、走人時間。越多人越麻煩。咁多年．．．．．．那位人兄都唔明！仲要大條道理鬧我！近來看了「接納」和「不批判的態度」兩個原則，才不致即場發火！找我的幾個人之中，還是溫和曾佬的電話好聽很多，舒服很多

還有遊船河．．．．．．其實我想去，但係我唔多想有份組織．．．．．．我同曾佬成日都唔多閒，會累事．．．我估Joey 也不會得閒都去邊吧，她好像總是有野做的。但．．．擔子還是落在我們身上，要打電話聯絡等等．．．．．．

救命

( 有冇人睇我日記ge lei....有一半是為了自我渲泄自我記錄重要事情，不關讀者需求 ; 有一半係為了令人家知道我諗咩 )

>>July 21, 2005 at 1:25:17 AM GMT+8

2005 年 7 月 17 日 星期日 【晴】

是甚麼原因　甜蜜的回憶
全變成逐漸消失的泡沫
要如何分辨　死心和塌地
是不是感應

　失去的總是太美麗　總讓人無法呼吸
　貼近耳邊呢喃話語　瞬間流傳的氣息
　要多少勇氣　才填滿愛情空隙

　不管到那裡　也碰在一起
　那是我們不可思議的默契
　我愛的是你　我怕的是我
　過後才發現愛到不成比例

太多這樣讓人沮喪的話語
愛錯了　還不捨離去

　不管到那裡　也碰在一起
　到底是你　還是我開始放棄
　我愛的是你　我怕的是你
　會讓我失去了最初的自己
　想問一個不想回答的問題
　我是否還愛你


想問一個不想回答的問題
我是否還愛你


我們現在還有多少的距離
才回到最初的關係
你去到那裡　那裡　那裡

太多這樣讓人沮喪的話語
愛錯了　卻讓人不捨離去

>>July 21, 2005 at 1:59:33 AM GMT+8

2005 年 7 月 15 日 星期五 【晴】

今日ITPC 開年終會議及執野～
今年．．．的確年尾四月開始，小弟就懶了＝.＝搞到何sir 激氣了～sor=.=

之後執野，好快就搞定，大夥兒一起玩中文打字比賽的程式！
呵呵～小弟五分鐘能打對三百一十二個字呢～平均每分鐘六十二個字以上！正！

之後拉大隊去市中心食飯
本來話去意粉屋的，可能是太貴太貴了，所以阿sir 都係去返Pizza Hut~
都好過冇~ 都係阿sir 請je~, 雖則自西九龍廣場的經驗之後，已經對Pizza Hut 的歡喜程度大減．．．
坐定後，都係女孩子決定曬D 野～我到佢地叫完野食之後，都唔知有咩食=.=
其實都問過我想吃什麼飲什麼湯，我聽聞有白湯以外還有什麼菜湯，我有興趣，就叫了。送到來，原來係羅宋湯＝.＝．．．還以為有什麼特別=.= 我話「下．．．唔早講！．．．」熙文姐卻說：「早就提左你gala!，你聽唔到咩！」下．．．我真係聽唔到．．．
之前又突然想起闊條面，就同佢地講。後來送到了．．．呃．．．係一堆表面係闊條面狀的薯蓉！搞錯！．．．到最後食盡了薯蓉才見到「闊條面」，唉，都係薯蓉味的．．．．．．無話可說=.= 除此之外，其他東西都不過不失～有應有的水準～特別係那些肉丸～好入味～
之後叫野飲～大家對「碎冰朱古力」議論紛紛，話應該都係凍朱古力=.= 咁ge 野．．．我當然冇叫啦．．．但叫了的什麼咩咩光芒．．．一D 都唔光，色澤暗淡（與在場燈光無關），隻味都係麻麻．．．．．．唉，發咩神經，叫親ge 野都咁差．．．．．．運滯嗎=.=
成班人有講有笑呢～大夥兒玩阿sir ~ 叫佢「老豆」（事緣係在往Pizza Hut 途上，有很多人叫買書，有人話玩阿sir, 如果有拉金魚的走過來，我地就同阿sir 話「老豆，買唔買書ar ？」笑死呢～後來講了學校、高考會考和未來選科與職業的話題，果然係除了愛情以外大家最關心的問題，連只是升Form3 的妹妹阿芳都好留心聽呢～

八點半鐘左右埋單，五百幾蚊。我自己除數，除出每人三十幾，俾陳冠聽到，笑到佢死下死下=.= ( 我地有八個人）
之後何sir 先走～見佢之後即刻打電話，莫非約了「阿媽」？～　後來熙文姐也離隊，剩番六個人，在睇戲之前，走去影貼紙相！～鏡頭那轉位的機真是不錯呢～，六個人影得很開心～可惜D 相分得細張了點=.=想睇可以問我或有關人士拿來看～是次是我有生以來第三次去影貼紙相～也是最主動的一次～

之後陳冠和譚逸昇先後離隊～剩番兩男兩女，一齊去巴倫紐睇戲～其實我一早想跟她們去看戲，加埋大佬就絕曬～所以其實早找了資料，hehehe....小高高那時也發現我早「做了功課」～哈哈．．．到了那兒，才知道巴倫紐大堂裝修中，我還差錯腳閃些跌到呢=.= 九點半入場睇＜荒失失奇兵＞！雖然只有一個鐘多些（好像是），做完的時候還意猶未盡～不過真係好好睇，獅子和班馬這對朋友真係絕配～斑馬尋找獅子的那幕友情戲有少少感動。最緊張都係長頸鹿牠們在火車站和船上的兩幕～長頸鹿病病地傻傻地，佢同獅子河馬一齊在月台邊睇有冇列車，列車卻急速駛進月台！差點撞爆戇居的長頸鹿！我那時候真係為牠好緊張！之後牠們跟斑馬重憑，又被警察包圍！～獅子更中了麻醉針呢～中左麻醉針就立刻會發D 好白痴ge 夢～在船上，偷出木箱企鵝們偷襲了船長，自己指揮將船駛往南極～大轉彎時就把斑馬牠們四個都木箱整跌落水～牠們就飄浮了去馬達加斯加lu~ 搞笑的時企鵝們後來又去番馬達加斯加呢～唔多講劇情啦～

睇完就去卓爾居買野飲，跟住我同大佬分別送她們回家～我梗係送我個妹妹啦～

真是愉快的一天，我希望大家的關係能如此繼續下去～

>>July 18, 2005 at 12:02:35 AM GMT+8

2005 年 7 月 14 日 星期四 【晴】

星期一和星期四的海岸公園大使Course 都唔錯
其實講員沒有如女孩子所言般那麼沉悶，一個中年男人，主任級，都差唔多啦~

真係學到好多好多野!
搞清了珊瑚的顏色從何處來 ( 原來係蟲黃藻！）、三種海洋生物的「生境地」：石珊瑚群落、海草叢、紅樹林、鸚鵡魚會為了食蟲黃藻而咬吞珊瑚石，排泄出來就是沙．．．．．．

堂中有個「爛gag王」，好多好多廢話．．．．．．真係阻住了課堂的進程．．．唉．．．事後成為女孩子口誅筆伐的對象＠＠據聞還是某位舊同學的男朋友．．．世界真係小小小，世界真係妙妙妙．．．．．．．

落堂後在阿茶同阿Joe 的領導下，去西九龍廣場的美食廣場食Pizza ! 超抵食！！！！！兩個大批一碗食一碗湯，五個人分，都唔洗廿蚊！質素絕對比得上Pizza Hut ！現在也嫌後者的面包太厚了，前者就份到好處，不會蓋了「食送」料的味道！真係好好食啊！

後來男女分途，我跟衡爺去了黃金，七點幾家裡急call 叫我回去吃飯，才走人。
那時發現女孩子早走了，還以為會係一齊走．．．搭ge 車都係一樣gama.....算啦=.=

星期四註冊後跟班中的靚女們出發再往長沙灣，為了考那只是十五分鐘的試～
份卷令我想起了一年前的Geog 會考．．．這是繼Econ 那些MC 之後另一份難卷．．．．．．令我做卷的時候，要打醒十二分精神（以前D 中西史MC 好輕鬆的！）
後來跟人討論，發現自己都錯了兩題．．．．．．不過都應該合格ge ( 八成對才算合格 )，應該有得做大使！哈！

之後一大班人上去學生資助辦事處拿表格．．．
不太受人歡迎呢．．．被人點來點去，去到又話「你地邊間學校ga，你地學校冇表格咩」、「我地唔多想同學親自來拿表！其實可以download 或影印！」，搞到我地好似成班乞丐上去乞錢咁．．．．．．真係覺得被學校同學生資助辦事處兩方面一起老點！好唔滿意．．．．．．

其後又去食Pizza ，著校服每個大批都係三十蚊ja! 仲抵食過上次！

後者又分途了，自己到最下層找扭蛋公仔。度度都沒有我想要的．．．．．．唉，我真係好想要拉克絲同卡嘉莉兩人的Q版公仔！能夠和基拉同阿斯蘭那個配成一對對ma~

之後獨自搭車回家

>>July 21, 2005 at 1:29:00 AM GMT+8

2005 年 7 月 11 日 星期一 【晴】

近來發覺~
除非男仔跟女仔拍拖，或個性上好女仔野、同女仔喜好性格近乎一樣

否則行商場的時候，男女還是要分途的=.=

>>July 11, 2005 at 10:15:19 PM GMT+8

2005 年 7 月 5 日 星期二 【酷熱】

上車去醫院的那一刻，我突然好掛住妳.....

雖然只係覆診，但入到醫院，我就想到了生和死....

那時我好想妳能陪我....

=========================

相逢恨晚.........

>>July 8, 2005 at 12:41:26 PM GMT+8

2005 年 7 月 5 日 星期二 【晴】

這兩天派卷，成績頗令我滿意呢~

中史同History 都比上次大考好好多!!!
哈，這兩科是我A-Level 要搏殺拿高分的科目來的 ! 當然唔希望差啦!
(雖則這兩科的目標都係C .....)

中化就依然樣衰，除作文外其他卷都唔多好=.= 個個Listening 都有四十幾分，我就得三十! 真是哭笑不得呢。唔明白點解由中一起，中文科大考都冇好過........

English ....算係咁啦......~不過不失(始終份卷係易ga!)

Econ,MC 僅僅合格
@@冇溫書就係咁!

我A-Level ge 目標係四條C 仔! (English 就D !)

============================================

近來心情不錯呢~

>>July 8, 2005 at 12:41:10 PM GMT+8

2005 年 6 月 30 日 星期四 【雨】

這天出很遠的太古城去看恐龍！
近幾日出街都有成班的三分一人去～

首先去千色店買傘子－－無啦啦下了大雨呢．．．．．．十一點集合，九點十點前還天朗氣清的=.=
我也去看銀包，想買些可以放兩幅相看的呢！一張放０６的合照，一張放我那可愛的妹妹的照片～不過．．．沒有合心水的呢～也貴呢．．．．．也講了自己早上的搞笑野－－我把止汗劑當了定型劑向頭噴呢＝．＝笑到大家死下死下～

之後搭巴士出荃灣，到咖喱王食飯！這是第二次光顧咖喱王呢～
唔知點解佢地會用A4 紙做底紙=.= 阿茶就用A4 紙寫餐單！
這餐飯好開心啊！

接著搭地鐵去太古城。真是好平呢！才＄５.７！由良景到市中心的輕鐵竟要＄４咁貴．．．仲要話俾人聽年年虧損．．．．．．真係離曬譜．．．又唔係快喎．．．

去地上樓找恐龍
Wow.....第一次見恐龍！好大好大．．．．．．真是想像不到！小時候看書知道很大，但想不到果真如此．．．．．．噢噢．．．．．．神的創造真奇妙！

不過放在商場，任人開閃光燈、喧嘩．．．．．．我覺得始終不太好．．．
雖然能吸引更多更多的人來認識，但似終閃光燈和噪音會對化石造成一定程度的影響吧．．．．．．而且也少了一份神聖的感覺，少了一份對遠古歷史的尊重。人們對恐龍的肅然起敬，是因為它的龐然，而不是它的歷史。
牠們死前想也想不到今日會如此給人們「指指點點」吧

看完之後去馬莎，再去玩具反斗城（ｙｅａｈ！）！
去出口扭蛋，扭到了Q版基拉和阿斯蘭的蛋！Yeah ! 一出手就扭到兩個主角啦～如果係拉克絲和卡嘉莉就更好呢！～
( http://community.webshots.com/album/247282853KwxyfP/1 )
後來男女分途，我們去了戲院看看有什麼新戲、豐澤、砌圖店（龍貓的砌圖好得意）～
再會一會D 女仔，就走人啦～

>>July 7, 2005 at 10:07:44 PM GMT+8

2005 年 6 月 29 日 星期三 【晴】

是日唱K, 有首歌有很深的感受呢．．．．．．
嗯．．．．．．

　 當你看著我　我沒有開口
已被你猜透　還是沒把握
還是沒有符合　你的要求

是我自己想得太多　還是你也在閃躲
如果真的選擇是我　我鼓起勇氣去接受
不知不覺讓視線開始閃爍

喔　第一次我　說愛你的時候
呼吸難過　心不停地顫抖
喔　第一次我　牽起你的雙手
失去方向　不知該往那兒走
那是一起相愛的理由
那是一起斯守　〔對我〕

喔　第一次吻　你深深的酒渦
想要清醒卻沖昏了頭
喔　第一次你　躺在我的胸口
二十四小時沒有分開過
那是第一次知道　天長地久

感覺你屬於我　感覺你的眼眸
第一次就決定　決不會錯

＝＝＝＝＝＝＝＝＝＝＝＝＝＝＝＝＝

唱完之後去溫屋企無聊左陣～
跟住同小景一齊去Sandy 屋企整電腦～
其實都係D 線je~ 不過我就成日搞出D 烏龍野=.= 俾小景笑呢=.=
睇到Sandy 媽的婚妙相：嘩！好似Sandy 呢！！！！！
平時Sandy 媽戴眼鏡、染了髮，兩母女唔多似樣，點知原來「真實」的她們．．．．．．噢！我深深明白什麼叫「餅印」了！～　無論係面型、「倫郭」（唔記得點寫！）、膚色，都係幾乎一樣！噢．．．．．．Sandy 話可以從這幅相中透視她的未來樣子～我諗都係既～

哈，我諗第日Sandy 結婚著婚妙時一定會很美的
不過要等幾年後先有得睇lu

唔知道我地一班男仔女仔，再之後變曬阿伯阿婆，會係點ge 樣呢？～
哈哈～

>>July 7, 2005 at 7:29:15 PM GMT+8

2005 年 6 月 28 日 星期二 【晴】

這天去了曾佬屋企玩大富翁!~

呵呵~ 真係刺激呢~

成班人分開兩批，一班人玩電腦的叮噹大富翁，一班人玩紙卡~
我就係後者那批~
跟曾佬、小景、曾佬妹妹玩，後來Joey 也加入~
今次玩真係失敗呢=.=
越來越退步了=.=
玩了幾個鐘.....只有三塊地 ! 咁當然會入不敷支啦.......最後死在Joey 同小景手下=.=-----經過他們的貴地方三次! 屋又賣埋，地又賣埋，都唔夠俾過路錢=.= 唯有破產=.= 真是哭笑不得呢~

七點幾走人~
送諸位回家~
同曾佬一齊送阿茶去小巴站~ 阿茶講左好多搞笑野啊! 原來地上爬的蟑螂才叫「小強」，而飛行的叫「Mary」! @@

>>July 7, 2005 at 12:26:38 PM GMT+8