2005 年 3 月 2 日 星期三 【晴】

吉之島
$10





真係偶有佳品！

「坐墊」 $10-

吉之島十蚊店(銅鑼灣)

去露營齊齊坐地下, 墊住坐又舒適d, 又無咁dirty.
唔捨得洗幾百蚊買地蓆, 廿皮買兩張墊地黎訓都"正"。

重量：唔夠 50g.

優點：平、輕、舒服。
缺點：摺合後體積都算大。
<該店有其他款式選擇, 不過就無呢張咁厚, 但係就可摺細好多, 方便儲存攜帶>


參與山頭霸王05的杜比和雞翼王Ray將用該產品以作地蓆渡過寒冷的一夜。

>>March 3, 2005 at 4:18:36 PM GMT+8

2005 年 3 月 2 日 星期三 【晴】

Yahoo ！
10 歲 了

互聯網搜尋器雅虎（ Yahoo ）今天（周三）十歲了，
兩位創辦人楊致遠和菲洛，十年前將校園興趣變成事業，
早成億萬富翁，至今仍然雄心萬丈，原因？
菲洛說：「問題變得愈難，挑戰愈大，但事情愈刺激。」
雅虎規模大了，他們更勇於向高難度挑戰。

雅虎最初只是小公司，員工只有幾人，現在則逾七千六百人。
雅虎的企業文化格言是： 「 Work hard, play hard 」 工作時工作，遊戲時遊戲。
在工作上衝完一輪，雅虎人會訓身玩樂，在公司打籃球和排球。

>>March 2, 2005 at 1:28:12 PM GMT+8

2005 年 3 月 2 日 星期三 【晴】

剛獲增補為全國政協的特首董建華今日上京出席政協大會，並列席人大會議。
在離港前夕，他昨午在禮賓府會見華特迪士尼公司行政總監邁克．艾斯納。

興建迪士尼樂園是董建華當第一任特首時最大的建樹。
迪士尼樂園已定於今年九月十二日開幕。

艾斯納向董建華表示，香港迪士尼樂園的興建工程進度良好，
並重申雙方攜手繼續合作，使計劃成功。
董建華則相信香港迪士尼樂園開幕後，
一定會鞏固香港作為亞洲區內一個最受歡迎的旅遊勝地。

治港近八年劣績纍纍的特首董建華，最終敵不過中央要他「查找不足」的壓力，將會黯然下台，
親北京政界人士昨晚表示已收到中方消息，稱董建華已向中央提出請辭，並獲北京批准，
相信等他下周成為政協副主席後會作出正式公布。

有國際傳媒亦指董建華下台已成定局，特首辦卻罕有地沒有對請辭消息作出反駁，
有政界人士坦言，辭職傳聞已對金融市場造成影響，
仍不見特區政府及中央主動澄清，顯示中央對董建華請辭已做好準備。



>>March 2, 2005 at 12:42:44 PM GMT+8

2005 年 2 月 28 日 星期一 【陰晴不定】



故事大綱
《酒佬日記》故事講述邁斯與杰克這對相交多年的老朋友，
在遊覽加洲葡萄園的旅程中所體會到種種友情與愛情的微妙關係。

邁斯是個背負婚姻失敗的創傷，再加上事業受挫的作家，
杰克則是個半紅不黑的失意演員。

杰克正準備結婚，
老友邁斯便決定在杰克舉行婚禮前一星期與他一同到加洲葡萄園遊覽，
好讓杰克能在婚前輕鬆一下。

雖然邁斯與杰克是相交多年的老朋友，但他們的性格及喜好卻截然不同。
杰克是個外表充滿魅力而又沉醉色慾的人，邁斯則是個冒失鬼；
杰克希望能於婚前作最後一次放縱，邁斯則好杯中物；
杰克愛喝平價的默爾樂(Merlot))紅酒，邁斯卻渴望能嘗到珍貴的比諾紅酒(Pinot)。
然而，他倆共同的地方就是大家已青春不再，但理想還未達成。

當邁斯與杰克來到岸邊渡假的時候，他們發現自己已沉醉於美酒與女色之中，
杰克搭上了永不令自己吃虧的史提芬妮，史提芬妮更要脅他取消婚禮，
邁斯則與對葡萄酒有研究的美雅交往。
這對老朋友喜劇性地步入中年危機。

杰克的婚禮逐漸迫近，但邁斯與杰克兩人能否就此返回洛衫磯如舊地生活呢？



於《酒佬日記》一片中，內容總離不開葡萄酒，
觀眾於片中可見識到不同的紅酒及白酒，
有平價的，有珍貴的，
有些酒適合豪邁暢飲，有些則適合細意斟酌。

世界上有很多不同種類的葡萄，不同的葡萄會釀製出不同味道的酒。
卡百內紅酒(Cabernet)充滿果味及丹寧酸；
默爾樂紅酒(Merlot)較容易入口，並於美國大受歡迎；
比諾(Pinot)則集多種葡萄味道，被譽為頂級紅酒；
夏敦埃(Chardonnay)為味道較辣的白色開胃酒；
Sauvignon Blanc含草本味道，酒精成分較輕；
Reisling則是美道較甜的白酒，與甜品一起品嘗更能相得益彰，成為現今越來越流行的餐酒。

>>March 1, 2005 at 1:09:00 PM GMT+8

2005 年 2 月 27 日 星期日 【暴雨】

跟番上年山霸Day 1
行去上水。

最後繞路行左去文錦渡果邊。











睇到羅湖架。



輸送東江水的管道哦！



晚上, 在上水打邊爐。



>>March 3, 2005 at 3:33:50 PM GMT+8

2005 年 2 月 26 日 星期六 【晴】

Mountain Hardwear
開倉行動


Mountain Hardwear 開倉行動於2月25日隆重舉行，
貨品種類包括：GORE-TEX®、WINDSTOPPER®、羽絨衫、防水外套、睡袋、背囊等。
尚有其他Outdoor名牌如 Osprey、Dana Design、blurr、Altitude 貨品可供選擇。
由於貨品數量有限，每日均有可能被搶購一空。
為了盡量滿足所有愛好者之熱烈需求，所以每日均會有限度地增加不同種類的貨品。
機會千載難逢，萬勿錯過！

日期： 25-Feb-05 (五) – 會員專賣日
26-Feb-05 (六) – 公開日
27-Feb-05 (日) – 公開日
05-Mar-05 (六) – 公開日
06-Mar-05 (日) – 公開日
時間： 10:00am – 5:00pm
地點： 沙田小瀝源安心街19號匯貿中心1810室
查詢： 6254 4975

注意事項


會員專賣日:
1.只供會員及附屬會員入場
2.所有會員及附屬會員必須持有之會員証方可入場
3.未有領取或遺失會員咭之會員及附屬會員必須持有身份證或入會時之單據以便核對會員資料
4.會員及附屬會員如想查核會藉之到期日，可到Mountain Hardwear之網頁查詢，詳情可點擊這裏
5.未能持有以上有效證明之人士將不被安排於會員專賣日進場


其他事項：
1.貨物出門，恕不退換
2.只收現金
3.開倉貨品不設保養，並會於貨品標籤加上記號或剪去貨品標籤以資識別
4.入場安排將視乎當日輪候人數，並採用先到先得之派籌方法及潮水式人群安排以儘量減少輪候時間
5.由於輪候需時，部份得籌人士將被安排於下午進場，謹此致歉

>>February 26, 2005 at 11:26:07 AM GMT+8

2005 年 2 月 25 日 星期五 【雨】

第二堂
成人急救課程

上午部份講些理論, 下午主打講骨折同埋教包扎。
用三角巾包的都唔多難，用磞帶倒複雜多了。

去到patagonia TST, 成個場好似街市咁。
"特賣"果然有號召！
平時都唔多覺有咁多人著"劈記", 仲要有好多都係OL, 好可怕。

逛完吃過後, BearBear同我過去旺角「攀山」買爬石鞋。
最後買唔到「5．ten」, 買左對《MAD ROCK》的"FLASH",
著住先, 有機會繼續玩落去先換個對。

>>February 26, 2005 at 12:30:50 PM GMT+8

2005 年 2 月 24 日 星期四 【晴】

發單日期： 15/02/2005
截數日期： 24/02/2005 15:26:11

基本話音通話時間 237 分鐘
心連心通話時間 87 分鐘
總話音通話時間 324 分鐘

>>February 24, 2005 at 9:04:52 PM GMT+8

2005 年 2 月 23 日 星期三 【晴】

Ray,
你記得誰是chammi嗎？

由於trekcamp舊生的聚會搞唔成, 不過有部份已預留時間的, 都想吃餐飯, 所以...
她約了幾位tc03的友好, Josephine, Gigi, Money, 當然還有我,
而且士丹利都會join埋, 仲有佢老婆同個女。

有見及此, 咪問埋你黎唔黎囉？當然還可以邀請埋尊夫人Sammi呢！

現階段, 據消息稱我地係計劃去鑽石山食日本菜的。
大概集合時間為晚上七時三十分。

toby05




>>February 24, 2005 at 4:29:26 AM GMT+8

2005 年 2 月 23 日 星期三 【雷雨】

晚上, 飯局過後, 過左去牛頭角同阿Bear拿一張patagonia的通行証。
等左好耐都無我想搭的小巴, 咁只好搭去銅鑼灣先。



行到三越, 車站無人空空的, 大概是車子剛走掉了。
我無在車站位置排隊, 一直都不喜歡這樣排隊....... 甚至不喜歡排隊。
站在三越待關的閘前, 樓梯位。睇住三越落埋呢個閘。

等車, 由車站空無一人, 到大排長龍。
兩條線都企滿人。
開始下起微微雨。

感覺差不多車要來了, 慢慢行去龍尾。
未到龍尾就見到車子要來了, 排隊先。
忽然發覺一個好耐無碰見的人, "她"在排隊中, 準備上車。

印象中, 未見過佢著裙。
這一個晚上, 她穿上裙子, 綠色的冷頸巾；炸左個頭<電左髮>。

好像真的好久好久無撞過佢喇！
有記載下, 資料顯示都已經係上年四月前後的事了。

因為被剎過操手不及, 忽然遇上, 難免有多少心動的感覺。
想著想著, 發現... 原來「立春」過後, 正是春天。

架車好多人, 坐滿哂。
坐我隔離果位姐姐, 件啡色皮褸幾靚, 仲好軟熟 ~

落車, 進入商場的電梯大堂等𨋢。
我走近她, 耳邊說：妳係咪阿仙？ <如果加個爐，咪係阿仙奴>
她認得我呢, 可是說不出我的名字。
咁我就話：咁妳都認得我？ <我當時戴住冷帽>
她鬼馬的回應：你笠住個頭之嘛，又唔係笠位塊面。
講完我個頭, 我又講番佢個頭, 因為佢炸左個頭... ...

哈哈.....進入電梯。

離開電梯, 佢停一停, 等埋我便問番我個名。
之後的問題便是：仲有無搵許嫚然？ <相信我無記得是這一個「嫚」然>
我話我都久唔久同佢icq, 咁佢就話自己忙到連icq都無上.....
講開又講, 我話佢 d 皮膚好差。 <事實真係, 好多粒粒, 大概經常化妝>
隨即佢便停下來, 摸摸自己塊面, 道：咁你都睇到？ <大概是這樣吧, 類似的說話>
(唔通佢懷疑我的視覺能力？)
我叫佢休息多 d, 飲多 d 水。
唔知點解我又講多句：睇妳今朝都遲到啦, 趕頭趕命出門口果隻。
眼睛小小的她瞪大眼說：咁妳都估到？！

最後道別, 我往上走, 她則往下走。各自歸家。

究竟佢做緊咩呢？sales？
咁夜先收工？唔知邊間鋪頭呢？唔通......

會再見嗎？

>>February 24, 2005 at 4:28:28 AM GMT+8