2005 年 4 月 20 日 星期三 【晴】

從老朋友的日記
copy來的。

好耐都無係xanga談及過感情生活，或者我現在既感情生活平穩得無得再平穩．　可惜身邊總係有朋友要面對感情煩惱，我真係覺得佢地好慘，點解要佢地面對一ｄ世界上最煩人既問題？　呢個時候，我諗起一個term“際遇”．

每個人一出世既“際遇”都唔同，有ｄ好有ｄ差．有ｄ整體都好，有ｄ?粋S某些野好，或者我呢ｄ朋友係感情上既“際遇”就偏向差那方面．　而我又何嘗未差過？我相信我幾位老朋友可以解答呢個問題．　前幾年既我，人生只有一解決唔到既問題：男朋友．那時既我情緒可以大起大落亦係因為一個問題：　男朋友．　經過咁多挫折同失敗，得到既係好多領悟同方法．我知道對唔同人要有唔同既態度，溝通既方法．　呢一點除左有益於感情關係上，亦有益於人際關係上．　某程度上我已經對情情塔塔睇化左，可以係因為我而家有段平穩既關係．　但我相信上天係公平，佢而家比幾多痛苦我既朋友，將來一定會還返幾多辛苦比佢地！要記住，領悟同挫折係成正比！努力呀，各位朋友！



“我珍惜現在我所擁有的一切，因為天知道我可以活多久！”

“我感謝所有令我幸福的人，特別是那些曾經傷過我，賜我領悟的人．因為你們，我才知道幸福的定義．”



Thank you for every bitch and bastard that has appeared in my life!

各位朋友，我用左好多心機去打呢個entry，希望你地能夠感受到我既comfort!

>>April 20, 2005 at 2:53:49 AM GMT+8

2005 年 4 月 19 日 星期二 【晴】

05~toby‧杜比領悟 說:
我好慘啊 ！

砵砵蕉 說:
y ???

05~toby‧杜比領悟 說:
玩outward bound, 咪要跳碼頭。

05~toby‧杜比領悟 說:
跳到唔見左隻表。

砵砵蕉 說:
下...................

05~toby‧杜比領悟 說:
老豆隻 protrek

砵砵蕉 說:
真係幾慘bo咁

05~toby‧杜比領悟 說:
頂！ 完全唔知 時跌。

砵砵蕉 說:
膠帶表???

05~toby‧杜比領悟 說:
係啊！

05~toby‧杜比領悟 說:
無鬼用架

05~toby‧杜比領悟 說:
咁鬼化學。

砵砵蕉 說:
不過超計應該頂得住d衝力嫁bo

砵砵蕉 說:
味境就甩梗

05~toby‧杜比領悟 說:
其實都唔應該係跳時跌。

05~toby‧杜比領悟 說:
我估係頂人 上岸時跌的。

05~toby‧杜比領悟 說:
因為要幫其他組員上岸。咁 我梗係幫人果個多過俾人幫架喇！

砵砵蕉 說:
你玩outward bound貴嗎???

05~toby‧杜比領悟 說:
2200

05~toby‧杜比領悟 說:
隻表一千。總共三千 。真係仆街。

砵砵蕉 說:
隻表唔會係新掛???

05~toby‧杜比領悟 說:
老豆買左唔夠一 月。

砵砵蕉 說:
咁真係要頂一頂, 唉........

05~toby‧杜比領悟 說:
最衰係無機會俾 落水搵嘛。

05~toby‧杜比領悟 說:
如果俾我去，好大機會搵得番。

砵砵蕉 說:
點落bo, 咁深

05~toby‧杜比領悟 說:
我 地上 水位置唔係太深的。 我估得四五米。

砵砵蕉 說:
自己去又得唔得呢???

05~toby‧杜比領悟 說:
問過，唔俾。都係安全問題。

砵砵蕉 說:
唔係公共地方???

05~toby‧杜比領悟 說:
佢地自己 碼頭的。

砵砵蕉 說:
oh......................

05~toby‧杜比領悟 說:
~_~

>>April 19, 2005 at 11:41:27 AM GMT+8

2005 年 4 月 19 日 星期二 【晴】

sms
make new friend

話說兩日前, 即係十六號。
當日正是入營的大日子。
電話裡頭收到兩個不明來歷的短訊：
喂，得唔得閒？<050416, 00:32>
怎麼打來又不說話？<050416, 01:53>

咁我搭車入西貢的時候, 就send番sms俾佢, 問佢係咪誤發訊息？
之後入營, 上繳左個電話同銀包。
直至今日出營, 拎番部機, 再開, 一埋sms.....

其實我係係戲院拾到你個電話號碼，也由於我個人太無聊，所以咪想知o下你係何許人囉，請不要怪我過份唐突。<050416, 10:03>

食埋滿記, 就去坐旺角小巴出去, 覆番個sms.

在戲院拾到我電話號碼？？真的？哪一間？你點稱呼？<050418, 18:23>
咁耐先覆架, 我係數碼港吉茄<18:28>
數碼港吉茄，你都未答問題！咩戲院？唔係數碼港嘛？<18:35>
係呀<18:37>
甘得意？你從哪裡發現號碼？椅背？:-D 而你又在裡頭工作？<18:39>
是在票房發現的<18:50>
票房發現的？何解？你是在裡頭工作的吧！？<19:01>
是呀，果日我幫手賣飛嘛，你有無黎過睇戲？<19:17>
果日你幫手賣飛？邊日先？而你又何解會發現我的號碼？唔明<19:20>
當我賣緊飛時拾到一張寫了你電話的紙<19:23>
當你賣緊飛時拾到一張寫了我電話的紙？咩紙黎架？點解又會有我電話呢？除左電話還有甚麼嗎？<19:25>
只是一張寫了你電話號碼的白紙而已<20:38>
咁你又怎稱呼？<20:40>
對不起！我真是個超級無聊的人，對了，你喜歡看戲嗎？<20:44>
喜歡，那你能夠請我入場看嘛？而你又有幾無聊呢，介紹一下自己吧！<21:25>
倘若你真的來看戲我可定請你睇啦.你看我只是拾到一個號碼,正常的人大概不會理會,但我卻send message俾你<21:32>


你用咩台架，費時交電話費時嚇親，玩唔玩icq?<050418, 21:38>
仲有你叫咩名？我真名叫阿嘉做戲院就黎廿歲，肥婆一個唉，很失望吧？<050418, 21:41>

起身時看見有新訊息, 及後才發現時昨夜的。

早晨！阿嘉。你甘早起身？琴晚太倦了，所以一回家便睡了。你的icq號碼是？我洗個臉後才上網。<050419, 0902>
你係返夜班的嗎？我Icq:7456xxxx<0905>
我不是夜班工作呢。哈哈。忘了告訴妳，我叫杜比, toby.我想我見過妳的呢。呵呵！剛看見妳的民愚偽術，其實妳都不是太無聊呢。起碼我唔認為。我用橙台的。<09:26>
哦哦，是女孩子嘛？你來時過看戲喔？幸會！:-) <0929>
我都是用這個台的，呵呵！可以省一筆！<09:33>
哈哈，太好了！其實我成日都會來戲院看電影的。好多時我都一個人來。<09:36>
其實我放假都係一個人睇戲不如咁呀找日一齊睇呀！<09:51>
看見你請兼職伴友呢？$35收買唔到我人架架...<09:54>
但可以看場兩小時的電影。<09:55>
哈哈，昨天有不少同事來見工呢！<09:56>
;-) 有合格的嗎？<09:57>
沒有啦，有的不夠秤，有的有女友，而且我們公司大多人都食煙。哈哈！<10:00>
我倒是不反對吸煙呢，只要不在我跟前吐出煙來。<10:04>
你是在寫字樓工作的嘛？<10:04>
其實我都只是說說罷，要是他喜歡我，我也不會介意太多了吧。何況咁好條件的人也不會看不上我<10:09>
其實我都只是說說罷，要是他喜歡我，我也不會介意太多了吧。何況咁好條件的人也不會看不上我<11:08>
做咩？<11:11>
妳說：可況咁好條件的人也不會看不上妳。妳都幾有自信！<11:14>
我想你誤解了，我意思是若有這麼好的男仔，他們才不會喜歡我<11:16>

>>April 19, 2005 at 11:38:16 AM GMT+8

2005 年 4 月 19 日 星期二 【晴】

人氣: 13760



>>April 19, 2005 at 9:47:51 AM GMT+8

2005 年 4 月 19 日 星期二 【晴】

上
班



>>April 11, 2005 at 4:06:44 PM GMT+8

2005 年 4 月 18 日 星期一 【晴】

完成三天的外展訓練。
多謝各位。



>>April 21, 2005 at 10:26:08 PM GMT+8

2005 年 4 月 17 日 星期日 【晴】

所有外展導師都著這條 Montane 的褲。
制服褲。有長有短的。



>>April 20, 2005 at 1:05:05 PM GMT+8

2005 年 4 月 17 日 星期日 【晴】

經過外展第一天的訓練,
Matt 體力透支過度...........................

玩完第一日, 都真係幾攰, 特別係ECOSYSTEM.
九點十點便完成放我地去沖涼休息。
瞓上床, 樓下班cti仲係度吹水, 原本好似話有班諗住會"鋤弟", 好彩最後都去左其他地方玩。

都好不容易才進入睡眠狀態。

醒左, 還以為夠鐘起身, 望出窗, 天仍未亮。
睇睇錶, 原來只係零晨兩點二三左右。但係感覺好像睡了很久。
再瞓番。

不久, 聽到傳呼聲。坐起身望望咩事啦！
我房門外有一部召援機。由於我瞓近門口的上格床, 從門框上看見阿Ming正在呼救！
大概係話有人抽根, 係阿Matt.

導師入營時才介紹過部召援機, 可惜無諗過真係需要用上。

自己組員, 那有置於事外的理由, 何況只是抽根咁小事！
Matt 同Martin, 阿Ming, Johnson四個人一間細房。
我過到去看見的是Matt已身係地上！！！

Matt 佢左耳有血, 手腳間歇性抽搐, 身體左右搖擺, 個頭兩邊 "fing". 雙眼時開時合。

當時情況並唔容許我作出相對反應,
只好將佢佢仍吊在床邊的右腳搬埋落地,
相信佢係自己碌落床的吧, 以此狀態推斷。

其次我可以做的事只有清理現場, 置環境安全。
由於我地組明天的兩盤糧食都放左係佢地房,
而佢當時頭部位置就正左膠盤附近, 真係好近架,
真係好彩佢自己無撞埋去, "拿拿臨"搬走。

無幾耐, 鬼佬奉召到場, 雙手托著Matt頭部, 大概係準備檢查... ...
Matt 突然清醒過來, 自己走番上床瞓返, 其實佢並怎樣不清醒。
返左上床的Matt, 仍間歇性左右搖擺, 不時瞪眼。

鬼佬話搵電話報警, 班cti的同事們便提供私藏的手機致電報警求助。
我陪同被嚇親的阿Ming出外展大閘迎接白車, 鬼佬則留守房間主持大局。

救護員到來, Matt 都大致清醒過來, 不過最後都係要送院檢查一下。

萬料不到會有case發生！
不過都唔奇的, 其實........
佢地成班 cti 好似全部都休息唔夠, 大部份都話之前果晚只瞓得一兩粒鐘。
而阿Matt 佢今日參與亦非常落力, 表現突出。

不能忘記他經過扮成龍, 雙手向前舉出V字手勢, 並說：I LOVE HK.

<05April17 0355>


********發作處理方法********

1. 全腦性癲癇病發處理

保護患者，特別是頭部位置
移開週遭危險的物件
把患者身體放側；同時，可放些薄身及柔軟的東西在其頭下，讓患者慢慢復原
避免人群聚集圍觀，保持空氣流通
不要強塞東西進患者嘴裏
切勿抓緊患者或制止抽搐
記錄抽搐的時間
如果發現患者呼吸不暢順，應檢查其口中是否有嘔吐物、假牙之類哽塞喉部
切勿給予患者飲食，也不應讓其服食額外的抗癲癇藥物

2. 局灶性癲癇病發處理

安慰患者
引領患者離開危險環境
不要強行抑制患者
如患者情緒擾亂，必須加以防範
不要單獨留下患者
記錄病發的形式和時間

3. 一般情況下，患者無需送院，除非出現以下情況：

患者第一次病發
患者受到損傷
患者懷有身孕或有糖尿病
患者持續性抽搐超過15分鐘

>>April 20, 2005 at 11:34:11 AM GMT+8

2005 年 4 月 16 日 星期六 【晴】

根據香港法例第 228 章《簡易程序治罪條例》
第 20 條，

任何人若使用電報、電話、無線電報或無線電話傳送任何極為令人厭惡的訊息，
或任何不雅、淫褻或威脅性質的訊息；
或使用上述方法傳送任何其明知是虛假的訊息，旨在對他人造成煩擾或不便，
或旨在令他人產生不必要的憂慮；
或無合理因由及旨在達致任何上述目的而不斷打電話，
一經定罪，可被判處罰款一千元及監禁兩個月。

>>April 19, 2005 at 9:09:53 AM GMT+8

2005 年 4 月 16 日 星期六 【晴】



人氣: 13700

>>April 16, 2005 at 7:29:01 AM GMT+8