2003 年 7 月 14 日 星期一 【晴】

黑色星期一!!!!!!!!!!!!!!!!!!!!!!!!!!! 黑色星期一!!!!!!!!!!!!!!!!!!!!!!!!!!!!
黑色星期一呀~~~~~~~~~~~~~~~!!!!!!!!!!!!!!!!!!!!!!!!!!!!!!!!

天呀~~~~~~~~!! 點解?! 點解要咁對我呀?! 好痛呀.............好痛呀..............(哭)

唔通個天點都要我受此一疫?! 記得琴晚 (已經過左12點,係"星期一"黎架喇!!!!) 我細佬突然好恐懼咁走過黎正在玩電腦既我身邊話有隻野o係個廳度(其實係一隻蜜蜂黎既)............見佢咁驚,做家姐既就梗唔可以驚過佢喇~~~(其實個時我都好驚v_v") 我就搾住張報紙諗住去趕走佢喇..............點知打極都唔走..............我自己就係度諗喇,可能我唔夠高啦..............(因為隻野伏左係個窗簾度,仲要係較高既位置) 打唔中佢死穴..............於是我就走去拎左我阿"女麻"個支拐杖去趕佢啦..............點知都係趕極都唔走!! 死都要瀨係度.............後尾媽咪就出左黎................趕走不速之客大行動就梗係順利移交俾我阿媽繼續進行喇~~~ 呀..............媽咪幾利害呀!!! 三爬兩撥就張隻野唔知撥左去邊喇..............(但幾firm既係隻野其實冇俾我阿媽趕出屋架,只係唔知撥左去邊@_@") 就咁我搵左好耐好耐都搵唔到.............攪下攪下,我就成6:30a.m.至訓到喇~~~

跟住............照理黎講我應該會訓到好晏至起身才對,就係唔知因乜事,我自己好自然地係8:30a.m.起左身~一起身我今日既惡夢就開始喇 !! 我一起身,就見到隻黑色既野係我隻腳度..............我既下意識就梗係話俾我聽佢係一隻我好怕既昆蟲~~~呢個時候我既自然反應叫我用手好快速咁撥走o個隻野(其實佢應該就係琴日個隻衰蜜蜂!!) 就咁.............o係我撥走o個下我感覺到俾野"吉左一吉"既feel............唉!! 就咁............我隻腳就..............我隻腳就咁有個直徑有2mm既傷口.............依家仲要係腫埋行路又痛...............(T_____T)

我阿媽話..............俾蜜蜂針到要去打針..............唉!!! 好驚呀.............我最怕痛.............點算?!

★～★～★～★～★～★～★～★～★～★～★～★～★～★～★～★～★～★～★～★～★～★～★

今日已經睇”東京天使保鑣”睇到第十期.............真係愈睇就愈唔太鍾意個男主角龍二既性格!!! (唉~~~第一次睇既時候都未有呢種唔鍾意既感覺,都係因為某某!!! 依家睇親就諗起.............) 哎呀~~~~~~!! 激死我喇~~~~~!! 你o的性格同行為可唔可以唔同某某咁似呀?? @_@"


>>July 14, 2003 at 10:27:38 PM GMT+8

2003 年 7 月 13 日 星期日 【晴】


(同場加影特別場..............爸爸疼愛囡囡篇)

時間 : 7月初某一天下午
地點 : 陳宅飯廳
人物 : 我,爸爸,媽咪

(當時我正在房裡玩電腦,而爸爸同媽咪則坐係個廳度睇電視..........)

媽 : 妹妹........妹妹呀~~~唔好玩電腦住啦!! 過黎呀...........過黎試下呀~~~
我 : 試咩呀??
(我就咁走左出廳喇..........)
媽 : 黎呀~~~拎隻手出黎呀!! 試下帶唔帶得落.......睇下好唔好睇~~~(就咁拎左隻礸石手鐲出黎幫我帶起左)
我 : (驚訝) 做乜無啦啦有o的咁既野架?! 係邊個架?!
媽 : (過耳關兼同我爸爸講.........) 呀~~~個款幾好喎.........妹妹都帶得落喎~~~ 我隻手就肥左o的...........
爸 : 你隻手就梗係肥啦...........呢o的少女帶架嘛!!
媽 : (笑) 係咩?! (望下自己隻手...........再摸我隻手) 妹妹~~~鍾唔鍾意呢隻款呀?!
我 : 究竟呢舊野係邊個架?! 要幾多錢呀?!
媽 : 係何太既.........我見個款幾靚咪拎係俾你帶下囉~~~ 係o岩少女帶架!! 呀..........個款真係幾靚喎!!!
爸 : 妹妹都帶得幾好睇喎~~~ 妹妹呀 !! 你鍾唔鍾意呀 ?!
我 : 下?! 我?! 你買左喇?! 唔係呀?!
爸 : 未...........咁你鍾唔鍾意先?!
我 : 下?! 咁幾多錢先?!
爸 : (唔耐煩)你冇理啦~~~錢唔係一個問題 !! 最緊要你鍾唔鍾意先?!
我 : 鍾意呀~~~但唔好買呀 !!一定好貴..........我地又唔係有錢!! 咁..........即係幾多錢呀?!
媽 : 要2千幾架............
爸 : 得啦~~~鍾意就得喇 !! 媽咪.........同何太講要左佢啦 !!
我 : 唔要呀~~~!! 咁貴.........我寧願你俾2千幾蚊我好過喇...........( <----我心目中真正既諗法講左出口 v_v")
爸 : 得啦.........你鍾意既話幾貴都買俾你!! 你乖就得喇~~~ (我正在感動中............)
媽 : 你呀.........千祈唔好話俾哥哥細佬知我地買野俾你呀下!! 佢地唔知架~~~
我 : 哦..........多謝媽咪!! 多謝爸爸 !!

我愛爸爸............我愛媽媽............
我愛我的家 !! +^_^+

☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆~☆

呢排實在太鍾意楊千嬅喇~~~ (唔知係咪睇左新紮師妹既關係呢.......... )
今日download左佢首新歌聽!!!聽左一次已經激喜愛 !! 實在太好聽太touching喇~~~

~+~+~+~+~＊稀客＊~+~+~+~+~

為何男孩都這副德性 沒法忍受慾望停定
年輕要任性 外出要盡興
熱戀也像驅車過境
好好觀光 親手攝影 抱抱陌生的背影
然後你繼續行程 玩遍每座城
護照裡蓋上各式簽證

遊客是你 風景是我 無法避免 讓你經過
薔薇如期盛放 遊人如期過路
情人如期相愛至到分開
就像命書中批過 在最後 都化作烏有
但那天曾實在 華麗地邂逅
早發生過 好等你繼續走

年華磨成的精緻優雅 未夠一夜便用完吧
由稀客路過 玩賞讚譽過
什麼故事也沒留下
山光水色 芳草野花 你那日記寫過嗎
難道我美麗年華 為裝飾一下 夜裡你那無聊的牽掛

遊客是你 風景是我 無法避免 讓你經過
薔薇如期盛放 遊人如期過路
情人如期相愛至到分開
就像命書中批過 在最後 都化作烏有
但那天曾實在 華麗地邂逅
早發生過 不阻你繼續走

命運暫且的交錯
在最後　都化作烏有
但那天曾實在 華麗地邂逅
這個詛咒 不知算應了沒有
即使間相戀像化緣
以後 亦無內疚
還哪有藉口


>>July 14, 2003 at 3:07:01 AM GMT+8

2003 年 7 月 13 日 星期日 【晴】

今日由於天氣實在太過炎熱.............超級怕熱既我最後都決定留係屋企避下個咁大既太陽~~~(真係唔想就咁出一出街將我用左咁耐既fancl心血毀於一旦呢!! ~_~")

o係屋企一日除左狂聽我心愛既歌之外,就係狂睇我心愛既"東京天使保鑣"喇............呀!!真係睇下睇下........愈睇愈覺得入面既男主角白神龍二勁有"某某人"既影子.............@_@" (汗) 一樣有咁既性格,咁既情況,咁態度.............唉!! 睇到我都.............煩煩地~~~ (不過始終龍二比某某真人好好多既!! )

今日係食飯既時候終於同左我阿媽講我想攪攪個頭..............十分了解阿媽既我就梗知佢一開始梗係又鬧我浪費金錢啦什麼什麼咁啦~~~不過我都唔輸蝕,一向係我阿媽面前永不言敗既我就梗同佢辯論一番啦!! 以下就係今日同阿媽既對話..............

我 : 媽咪我想轉髮型呀!!我個樣太細個喇~~~你知唔知呀?我琴日去機鋪又俾人查身份證喇...........
媽 : 細個咪好囉!!不知幾多人想細個o的呀!! 唔通你想依家有個似28,29歲既樣喇喎~~~
我 : 我唔係咁既意思呀~~~我想變得大個成熟o的嘛!! 我依家俾人感覺連18歲都唔夠...........(哭)
爸 : (插咀)你個樣係咁就咁架喇............點大個o的呀?! 你40歲時呀個樣仍然似30歲咪好囉~~~
媽 : 咪係~~~比人多幾年青春用呀!! 咪幾好~~~幾多人恨都恨唔到呀 !!
(唉.........不愧係兩公婆...........v_v")
我 : 人地恨唔恨係人地既事嘛 !! 總之我想變得似大個o的喇~~~
媽 : 個o的人呀為左後生o的呀,洗幾多錢去拉面皮打羊胎素呀 !! 你第時就恨架喇就想生得後生o的架喇 !!
我 : 咁關我依家咩事呀 ?! (氣)
媽 : (開始入正題) 咁你想點整呀 ?
我 : 可能..........電髮..........阿魚話電大波浪喎 !! 話會自然o的架...........不過我都未決定係咪真係去電~~~
媽 : (驚訝) 電髮 ?! 唔好 !! 唔好呀 !! 你依家咪幾好~~~電髮唔o岩你架!!
我 : 咩唔o岩喎 !! 我會問好左人既意見先架喇 ~~~ 好多野未試過又點知喎 !! (>3<)
媽 : 一陣電到成個阿婆咁唔好喊住咁返黎呀 !! 你阿媽頭髮小至去電之麻..........你把頭髮咁大把唔使喇~~~
我 : 關頭髮大唔大把咩事喎 !! 未必會電到成個阿婆咁架 ~~~ 可能出黎個效果好好呢 !! 都未試過............
媽 : 你唔好到時電左話唔鍾意又叫我俾你去整番直呀 !! "徙"晒o的錢呀~~~唉.........無啦啦電乜鬼髮丫 !!
我 : 我想試下好耐架喇............佢地個個都試過喇,都電到好靚呀 !!
媽 : 呢~~~你個時呀"徙"成幾百蚊去整直o的頭髮呀............依家又唔要直喇 !! 成日"徙"埋o的咁既錢..........
我 : (開始唔好脾氣喇^^") 喂~~~阿姐!!你自己夠電頭髮喇~~~你講呀 !!你幾耐去電一次呀 ??
媽 : (好神氣地) 半年先電一次囉 !!
我 : 我呀 !! 你講我個次整直頭髮呀已經係2002年3月既事喇 !! 距離依家已經係1年零4個月咁耐喇~~~
媽 : (傻笑) 咁又點呀?
我 : 你呀~已經係呢1年零4個月裡面起碼電左3次髮啦 !! 我依家想電一次o者......我電就唔得你自己電就得!!
媽 : (已經心軟了........haha)去邊度電呀咁？
我 : 去粉嶺囉..........阿魚識人呀!! 180蚊咋~~~ 加埋 treatment喎!! 好抵呀 !!
媽 : (由於我阿媽聽到180蚊實在太平.........自己都已經心郁郁左lu~~~) 係鋪頭黎架?!
我 : 應該係喇~~~ 要booking添架 !! 唔係話去就即刻有架 ~~~ (講到好high添!! )
媽 : o拿..........180蚊呀~~~ 電左唔好後悔,又要整番直就得喇 !!樣樣都三分鐘熱度...........
我 : (都知道自己係咁但都想反駁.........@@") 幾時有喎............電頭髮之嘛!! 關三分鐘熱度咩事喎~~~
(就咁成功左喇............但其實都未真係決定去電髮架...........haha ^_^" )

(同場加影媽咪關心囡囡篇.............)
媽 : 係喎............你琴日買個對鞋我幫你拎去整過個鞋底喎 ~~~
我 : 下?! 你唔好整高左喎 !!
媽 : 邊會高左架 ?! 整左唔會咁容易"線"到呀 !! 你之前個d鞋都幫你整左架..........
我 : 哦.............
媽 : 你呀~~~第時著個對鞋時小心o的呀 !! 成日行路又唔小心又唔睇路........"線"到整親條尾龍骨就麻煩喇!!
我 : 知喇.............(雖然表面冷淡, 其實我好開心感動架............因為我媽咪好care我囉!!)

以上就係小小我平時同我父母相處既片段喇...........雖然好多身邊既人都覺得我同我阿爸阿媽相處好唔融洽,同佢地講野好似鬧交咁...........又唔尊重佢地.............其實我內心最錫既始終係佢地,我只係唔多識表現出黎o者~~~ 都已經慣左咁樣同佢地兩個講野咁多年喇...............係咪?! (汗)

所以.........我都好想呢排做個乖乖囡,我知之前因為我經常唔係屋企............好想見到我既爸爸成日都好唔開心好勞氣..........成日都訓唔著,擔心我呢樣個樣............攪到佢身體都差埋!! 唉...........因為我既任性攪到爸爸咁.............真係............唉~~~ (內疚) 所以呢............呢排我日日係屋企訓...........我爸爸就笑足咁多日,仲成日買我鍾意既野番黎食.............(不過呢樣野就真係俾佢激死,明知我減緊肥..............~_~" )



>>July 14, 2003 at 3:02:22 AM GMT+8

2003 年 7 月 12 日 星期六 【晴】

由於琴晚成6點至訓既關係, (唉~~~呢幾日都唔係好訓到.........v_v)今日一起身既時間已經係日上三竿既2點喇~~~就咁攪下攪下..............原本諗住3點出既街............成7點至出到!! (服左自己.........@@")不過都算喇~~~~因為............hehe.............有收穫囉!! 係一對好靚好靚既鞋呀~~~多謝媽咪!!

今日又同左我友人傾電話...........將我一身既悶氣怨氣所有既氣都講晒出黎 !! 真係好多謝你係呢段日子裡面陪左我咁多~~~ 你既support係我繼續努力既泉源 !! 我發誓.........無論點都好,我都會support你就好似你support我一樣!! 要為我地美好既將來奮鬥呀~~~~~~~~~!! love u 唷~~~ ^3^ kiss kiss

＊＊友人金句＊＊

"無知既人會開心o的~~~” <--- 如果呢個係一個事實, 我寧願做一個無知既人..........v_v"(無奈)

今日去機鋪竟然又俾人查身份證.............仲累到vickie俾人查埋..............(汗)
已經唔止一次喇............累人一齊查身份證都唔係第一次喇~~~
我個樣真係連18歲都唔夠咩?! @_@" (擔心)

p.s. 自從同vickie去玩左個打鼓機後.........我地兩個都深深咁愛上左佢!! haha..........我地一定要將我地既技術練得更加好!! 做個 "達人" ~~~ yeah~~~!!

呢排好多人去旅行呀..........Daniel去台灣,阿牛去Korea..........(其實都係兩個o者^^") 攪到我都好想去旅行!!
不過算喇~~~我要儲多o的錢..........同我一班最好既朋友一齊去!!



>>July 13, 2003 at 3:16:49 AM GMT+8

2003 年 7 月 11 日 星期五 【晴】

"Happy birthday to u ~ Happy birthday to ar yat.........Happy birthday to u !! "

阿Yat...........生日快樂呀!!

唔經唔覺已經有年半喇............還記得第一次遇見你係o係2002年既1月1日同治堂入面~
個時你仲做緊waiter, 一幅好可愛既樣子~~~ (笑)
而阿寶就係入面整果汁............(汗)
個年我既生日真係過得好開心呢 !! 多謝你............多謝Angela!!
我永遠都會好記得o個一日............阿Yat好可愛好怕羞咁企埋一邊..........o個個不知所措等緊既樣真係.......真係好得意~~~(笑)
跟住走過黎同我講 " 而?! 今日你生日呀?! 生日快樂呀~~~!! " (甜)
之後所發生既事雖然有深刻既..........有開心既...........有唔開心既..........有失望既..........不過開心既總比唔開心既多既.........
總之又係o個一句............我會好好珍惜呢段咁美好咁攪笑既回憶,咁荒唐咁奇怪既經歷喇 !! :)

～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～＊～

Dearest my Best 友人,

今日好開心呀!! 多謝你.........原來我地係咁了解大家架~
我地一齊為我地既將來努力呀~~~ ^3^ kiss kiss !!



>>July 12, 2003 at 2:24:02 PM GMT+8

2003 年 7 月 11 日 星期五 【晴】

對唔住呀...........angela...........我知我自己個日好衰...........我冇去陪你............明知你唔開心我都仲咁做!!
我知我真係做得好過分,好hurt你..............你嬲我係應該既.............v_v
真係好對唔住............gomenne...........hontou ni gomenne！！我發誓我唔會再有第二次架喇！！
原諒我可以嗎？!



>>July 11, 2003 at 2:02:35 AM GMT+8

2003 年 7 月 10 日 星期四 【晴】

一向好鍾意睇星座書,星座網頁既我.............今日去左一個星座web site睇~~~
呢個網除左比我之前睇開個d有更多野睇同玩(有好多心理測驗玩架~~ ^^)之外,準確既程度亦非常之高!! 呢個絕對係一個好值得一去既web site~~ 好既野就更要同人分享喇!!

個address係 : http://star.silkera.net/

你屬於哪一天 ?你是哪一天出生的？(唔錯呀~~~都幾準呀!!)

◎ 1號　 富有獨立精神的野心家。因為包容心強又喜歡照顧別人，身邊會圍繞許多仰慕者。

◎ 2號　 性格溫柔，喜愛和平，是個感情豐富的浪漫主義者。缺點是容易為一點小事就受傷害。

◎ 3號　 洋溢藝術天分，雖然性情令人捉摸不定，但是基本上還是屬於受歡迎的一型。

◎ 4號　 嚴謹認真，凡事都會腳踏實地努力耕耘。不過自我意識頗強烈，不善於和他人協調。

◎ 5號　 腦筋動得很快，擁有適應變化的能力。 喜歡追求刺激，較難安於現狀。

◎ 6號　 個性溫和而且穩重。最大的特色就是不論對任何人， 都可以表現得既親切又寬大。

◎ 7號　 感受力敏銳，非常懂得察言觀色。不過缺乏和周圍協調的能力，注意不要變得太自我中心。

◎ 8號　 一旦下定決心，便充滿幹勁全力以赴。 這種個性的人朋友多，敵人也多。

◎ 9號　 善解人意，又富有博愛精神。 容易感情用事，也容易受到環境左右。

◎10號　意志力堅強，不服輸，獨立心也十分旺盛。 需注意不要流於莽撞行事 。

◎11號　性格浪漫又多愁善感，是個肯努力的理想主義者， 能夠盡情享受豐富的人生。

◎12號　具有華麗高貴的氣質，對各種事物都抱有興趣， 常識豐富，教養良好 。

◎13號　個性冷靜謹慎，即使再細微的細節也能注意到。 再加上本性誠實，能得到許多人的信賴。

◎14號　頭腦清楚，好奇心旺盛，樂於追求快感，又行事衝動； 不可思議的是運氣總是很好，很少失
敗。

◎15號　意志力很強，立定目標後無論遇上任何挫折，都會排除萬難達成。通常都很喜歡照顧別人。

◎16號　聰明做事情有條理，不輕易受別人影響，做什麼都有自己的一套。

◎17號　平常看起來溫和體貼，其實主觀很強，有時候會出現大膽行動，讓身邊的人大吃一驚。

◎18號　性格非常極端，不是意志堅定勇往直前； 就是感情用事隨波逐流。

◎19號　想像力豐富，有個性又有才華。不過自尊心很強， 而且有好強不服輸的傾向。

◎20號　是個性喜和平的浪漫主義者。運氣雖然不錯， 但如太過任性，將會遇上意想不到的挫折。

◎21號　開朗快活，充滿活力，到哪裡都很有人氣。是凡事都往好處想的樂天主義者。

◎22號　認真而且責任感很強，只要不剛愎自用，做生意成功的機率很大。

◎23號　挑戰心旺盛，學什麼都能很快上手。 問題是喜新厭舊，而且欠缺耐性。

◎24號　擁有敦厚慈愛的人品，所以即使個性神經質， 遇到低潮時，身邊的人都願意伸出援手。

◎25號　看事情不求深入，隨著好奇心行動，到處累積經驗。 個性獨立。熱愛自由。

◎26號　耐壓力特強，即使肩頭責任重大，也能夠處理得穩穩當當， 是個實行主義者。

◎27號　有個性?感情也豐富。擁有應付各種狀況的機智， 若能掌握時機，成為成功人士的機會很高。

◎28號　韌性很強，擁有戰勝困難的力量。這天出生的女性， 常給人一種妖豔的印象。

◎29號　人生的道路似乎波折不斷，容易感情用事不過運氣和生命力都很強，必定能夠成功，獲得幸
福。

◎30號　擁有語言?文筆?藝術等天分。缺點是容易沈浸於逸樂，而缺乏責任感。

◎31號　誠實認真?很清楚自己的人生目標，能依照自己的信念和原則過一輩子 。

>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<>o<

好開心呀........棋魂終於出第22期喇...........(期待中)
呢兩日拎番好耐冇睇過既"東京天使保鏢"出黎睇............嘩~個感覺真係好好............實在太好睇喇!!
"白神龍二" 好有型呀~~~!! \^0^/

p.s. 雞頭哥~我唔會再唔開心架喇.........因為我知乜野叫知足喇 !! 多謝你.........




>>July 11, 2003 at 1:04:33 AM GMT+8

2003 年 7 月 9 日 星期三 【晴】


~~~~~~~~~~~~~~~~~~*<我的幸福論>*~~~~~~~~~~~~~~~~~~

我有好愛我既父母............
有一對由細錫到我大,願意為照顧我而付出佢地一生既親生父母;
有一個亦師亦友常為我而擔心,願意一齊分享,仲要係好朋友死黨o個種既Vickie媽;
有一個曾經好錫我對我好關心既大孖爸爸............

我有好疼我既哥哥............
有一個由細睇到我大,成日任我發脾氣都唔多嬲既親生哥哥;
有一個唔識哄人但好會擔心我既雞頭哥;
有一個成日俾我激嬲但始終都係緊張我既鵬哥哥.............

我有好錫我既姐姐............
有一個視我如親妹妹,會盡力保護我永遠支持我既Wendy表姐;
有一個好關心我願意做我聆聽者同我分享佢既喜悅既Michiko............

我有好交心既死黨............
有一個同我好夾永遠都會就我,同佢一齊就會好開心既小兒;
有一個同佢一齊就會變得一齊傻,有講唔完既話題既阿牛;
有一個有佢係度一定會有好多笑蛋既阿狗;
有一個同我一樣都鍾意明星既阿魚;
有一個曾經一齊玩有過好多開心回憶既阿蟹;
有一個成日玩失蹤既金嬌.............

我有好多好難得既好朋友............
有一個雖然只識左一年但好睇住我好照顧我既daniel;
有一個好得意好懶訓, 會照顧女仔既wuso;
有一個曾經係工作上好錫我既細孖;
有一個好重朋友,我有唔開心會出黎陪我既Billy;
有一個係中六轉新校至認識,一見如故既咖哩;
有一個雖然同佢語言不通但為左大家而互相努力學對方語言,同我交心既Rie;
有一個年紀細過我但反而成日受佢照顧既Angela;
有一個為左我呢個朋友願意付出好多金錢同時間既Molly;
有一個雖然唔係成日見面,但彼此心中都有大家,永遠站在對方身邊既Step;
有一個好可愛,見到佢會好想去錫佢既阿欣;
有一個成日為我著想為我擔心既Carmen............

無論係過去定現在.............我都好感激每一個曾經陪過我既人............

原來我有好多好多幸福架 !!





>>July 10, 2003 at 2:35:05 AM GMT+8

2003 年 7 月 7 日 星期一 【晴】

"愚昧人行愚妄事,行了又行,就如狗轉來吃牠所吐的"

大概有好多人每天都在做這種事吧?! (包括自己在內呢...... v_v")

+++++++++++++++++++++++++++++++++++++++++++++++++++++++++++++++++++++++++++++++++++

"未見官先打三十大板?!" <----- 唔知點解傾左成晚最深刻的都係呢一句 !! >:)

經過咁多日後........得出的結論係 : 做好自己 !! 別人既事就由佢地自己去決解喇...........盡了朋友的責任就行了!! 唔好再令對自己有寄望的人失望了..........

*~*~咬唇~*~*

逆境大戰　咬著唇昂然接受
幸福誓約　為何無勇氣承受
鑽戒這樣重　任務空前絕後
護送它猶如長途競賽　只怕被你甩開了手
別人都知道我火爆　直行直衝不守禮貌
若決心跟了你　就不計較　要和誰人絕了交
若情感需要這執拗　落場後只許盡力去跑
咬著唇邊　穿起婚紗上路　餘生請你指教

自古大將　咬著唇完成戰事
熱戀大概　亦是類似這回事
借我一啖氣　現在從容就義
是說謊或是濃情蜜意　不愛下去怎麼會知

別人都知道我火爆　直行直衝不守禮貌
若決心跟了你　就不計較　要和誰人絕了交
若情感需要這執拗　落場後只許盡力去跑
咬著唇邊　穿起婚紗上路　餘生請你指教

問誰可保證你可靠　諾言是否終生有效
望見幾多愛侶　直衝過去　到頭來全是氣泡
若情感需要這執拗　像盲目選手盡力去跑
我就從今　將一生都押下　唇都不咬一咬

又一首又好聽又好有意思既歌喇....... :)
「新紮師妹２」真係好好睇呀 !! 又好笑又溫馨...........我俾十個好睇佢 !! ^_<



>>July 8, 2003 at 2:46:32 AM GMT+8

2003 年 7 月 5 日 星期六 【晴】

琴日同左我一個曾經一齊出生入死既kinki friend出街~~~呀........個感覺真係好好.........好開心呀!! ^0^/
唔知係咪真係好耐冇去行過以前成日去既旺角...........(仲要係同志同道合既friend去睇kinki既野添喎), 發覺我真係有好多野miss左..........(內疚中.......v_v"), 睇番佢地既vcd,佢地既雜誌............唉!! 真係有一種講唔出既感覺...........

記得以前為左佢地...........唔食野,唔買衫,唔去玩,唔讀書,勁搵partime做,去追車,去排隊,去學日文,都係為左買佢地o的野,為左望多佢地幾眼,為左識聽佢地講野,為左拉近同佢地既距離............為左佢地,都已經唔記得同爸爸媽媽鬧過幾多次交,發過幾多次脾氣.............不過依家望番轉頭.............呢一切一切都黎得好有趣好特別!! 我唔會後悔過鍾意kinki...........因為如果唔係因為佢地,我唔會識到一班同我咁交心既死黨,唔會經歷到其他人唔會有既經歷 !! (笑)

呀......諗番起.........自kinki第一次(2000年)黎香港既個一年我真係經歷左好多以前冇諗過自己會做既野呢 !! (嘻嘻...)每次無論係kinki,V6黎都好.........我都會諗起好多好值得回憶既人和事..........

第一次同阿牛訓街有警察想拉人?! 第一次遇到step同jenny,自此成為好朋友?! 阿爸阿媽出黎搵我,要求代我排?! 阿蟹同猩猩買早餐同kinki彩頁探我?! 第一次買飛時電腦short左抱住阿蟹喊?! 第一次逃學?! 同蟹阿牛係屋企狂練kinki o的歌?! 第一次整板板 "剛,光一,aishiteru?! 睇完演唱會第二日考mock,幾個鍾都寫唔到d咩,成個腦都諗住kinki?! 第一次包的追車?! 第一次係追kinki途中遇見angela (個時未識佢,只在icq傾過偈)?! 第一次認識cat同molly,自此組隊?! 落車關門差o的整死angela?! 第一次見報?! 第一次上船同剛好近距離定定的望住佢?! 司機係賽車手?! 見到吳剛師傅,當時同kinki距離只係一門之隔,而當時只有我地一班追到?! 冇去接機極度後悔?! 為左排隊,唔去test,So Sir唔嬲,仲俾我地幾時test番都得?! 第一次去接機仆到?! 第一次搭咁貴既的士?! 偷入酒店?! 扮記者?! 打 "實Q"?! 造衫?! 搵祕道俾人發現扮傻扮盪失路?! 第一次半個身擒左上個台到?! 第一次捉住左光一隻腳?! 為左佢地第一次配隱形眼鏡,用左$900,但只戴左兩日?! 同kinki friend攪簽名會?! 同日本friend一齊作曲作詞既歌"your trust"錄左係隻碟度俾阿剛做生日禮物?! 我既日本friend帶左我既貼紙相俾阿剛同光一睇?! 光一話我似佢既髮型師?! 扮"實Q"伯伯既孫女?! 唔想理a-level?! 俾人以為我係一個離家出走既細路女?! 同本來唔識既o係"玩具反斗城"做既人夜晚一齊玩,仲影埋相?! 同"實Q"熟到拎佢個手提傾電話都冇問題?! 之後仲一齊出黎玩?! 第一次同剛有眼神接觸,同舉"V"字手勢?! 同tsubasa又有"V"字手勢交流?! 第一次灑淚機場?! 第一次Jr係我隔離行過,被激可愛既錦戶亮吸引左?! 第一次認識阿欣,亦成為左超好朋友?! 第一次同cherry,怪追星?! 第一次見識到美美的過分?! 第一次追星感到無助,好受委屈,喊住走?! ..........

仲有...........好多好多好珍貴既回憶呢...........唉............真係講都講唔晒.............不過係呢一刻我真係好希望神可以俾我留住我所有既回憶直到我死為止 !!

多謝每一個給過我珍貴回憶的人........... :D

Dearest my Best KinKi and my Best KinKi friends and 愛我的好朋友,

I have you to be with　Everything will be easy
曬的陽光　淋的雨滴　都值得回憶
I have you to be with　才懂心不夠近才怕距離
心電感應　絕不斷訊　會如影隨形
曾灰心以為　我來錯了世界　太多想法很另類　找不到人瞭解
當我說的感覺　牽動著你的臉　互動的淚　讓我們變得特別
你是我的魔力　想要勇敢就想你　一眨眼睛　把不如意　都變成流星
你是我的魔力　心情不好我就想你　刪除憂鬱　複製甜蜜　笑容不結冰
幸福是間電影院　沒有單人的座位　要肩並肩　才能看好戲上演
I Wanna Say Thank You!　Thank You!　Thank You!




>>July 5, 2003 at 4:52:22 PM GMT+8

初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。 讀者留言 |  路人留言   | 小情人..睇到你有Y仁呢個咁好o >>March 10, 2009 at 10:54:18 PM GMT+8 雖然張卡普普通通..但係我用左九 >>March 10, 2009 at 1:15:04 AM GMT+8 我都要好多謝你送既情人節禮物.. >>February 15, 2009 at 10:26:49 PM GMT+8 其實經過今次旅行，你既日語能力應 >>April 8, 2008 at 12:39:11 AM GMT+8 不知不覺你又成個月無寫日記 >>February 13, 2008 at 2:59:37 AM GMT+8 連續幾篇日記都係遊同係咁食... >>October 17, 2007 at 12:16:11 AM GMT+8 呵呵呵~~ <br>老婆你今次一 >>October 16, 2007 at 12:07:08 AM GMT+8 你講到我咁偉大//,, <br> >>July 25, 2007 at 6:28:24 PM GMT+8 好～～早２日同你講生日快樂先 < >>March 4, 2007 at 1:04:28 AM GMT+8 咁爛訓既我..專登唔鬼訓我都留言 >>February 19, 2007 at 1:46:41 AM GMT+8 哈哈~~見到你同ryry咁開心. >>February 6, 2007 at 10:36:45 PM GMT+8 06就過去喇~~唔開心一掃而空 >>December 31, 2006 at 12:15:24 AM GMT+8 hehe...thanks! >>November 7, 2006 at 9:27:15 PM GMT+8 "不是愛傷害了我們 <br>是時 >>October 30, 2006 at 7:03:18 PM GMT+8 嘩!!~哈哈~我最近都聽緊呢隻電 >>May 26, 2006 at 5:15:19 AM GMT+8 吊!!!咩撚人黎架?!咁撚樣衰都 >>May 10, 2006 at 1:06:16 AM GMT+8 收禮物呀~! >>March 22, 2006 at 12:21:33 AM GMT+8 咪理佢咁多啦~清者自清, 心數自 >>February 20, 2006 at 5:45:36 PM GMT+8 其實星期六晚我都好想喊... < >>February 15, 2006 at 11:14:39 PM GMT+8 i agree with u t >>January 15, 2006 at 7:20:45 PM GMT+8 好&#24543;好&#2454 >>November 14, 2005 at 6:35:56 PM GMT+8 等我加手字先.... <br> >>October 26, 2005 at 3:56:19 PM GMT+8 叫動物家族好唔好呀﹖ >>September 5, 2005 at 11:29:01 PM GMT+8 路人甲行過 >>August 15, 2005 at 12:29:00 AM GMT+8 hihi....今日真係好開心呢 >>July 8, 2005 at 4:02:17 AM GMT+8 快d入黎我公司做啦！ <br> >>June 5, 2005 at 11:27:19 PM GMT+8 又唔駛錫晒o既,俾阿鵬鵬好"d" >>April 30, 2005 at 1:55:32 AM GMT+8 傻啦，豬豬，我又點捨得嬲你呢。 >>April 27, 2005 at 9:56:25 PM GMT+8 而!乜你又改左名叫小矮人咩 @_ >>April 24, 2005 at 11:17:23 PM GMT+8 我感覺到呢篇完全係發自內心寫 o >>April 11, 2005 at 2:14:17 AM GMT+8 依家除左阿筠,阿威,kathy同 >>April 4, 2005 at 11:49:50 PM GMT+8 哥哥知阿妹o既話係出於關心,安慰 >>April 1, 2005 at 11:40:50 PM GMT+8 我們不擁有任何人,相愛是一種默契 >>October 29, 2004 at 12:06:33 PM GMT+8 我都相信karma，重咩因，就會 >>September 7, 2004 at 2:30:39 PM GMT+8 最緊要問心無愧！對得住自己，對得 >>September 7, 2004 at 2:26:09 PM GMT+8 其實辛苦先會肥 <br> <br >>June 22, 2004 at 2:31:08 PM GMT+8 終於肯update！ <br> >>February 27, 2004 at 1:12:37 AM GMT+8 厭食.......... <br >>November 28, 2003 at 3:33:43 AM GMT+8 原來你也喜歡[決定愛你]這歌呀! >>November 27, 2003 at 11:50:22 PM GMT+8 I miss daniel ~~ >>November 25, 2003 at 8:02:37 PM GMT+8 一字記之曰: 男人冇本心 ~ >>September 28, 2003 at 5:53:40 PM GMT+8 我重申我為人好低調,亦唔鍾意映貼 >>September 16, 2003 at 9:55:57 PM GMT+8 if ur life is as >>September 1, 2003 at 2:15:40 AM GMT+8 YEAH!!!!! tmr is >>September 1, 2003 at 2:14:17 AM GMT+8 失戀、負債、失業、失學唔一定係唔 >>August 31, 2003 at 3:37:54 PM GMT+8 哀莫大於心死！ <br> <br >>August 29, 2003 at 12:18:18 AM GMT+8 Time makes every >>August 28, 2003 at 10:56:13 PM GMT+8 唔知叫咩名果個叫肥聰(都係胡忠仔 >>August 13, 2003 at 10:26:53 PM GMT+8 一定可以既!!!! <br>加上 >>August 12, 2003 at 12:13:04 AM GMT+8 有心唔怕遲！！！！！ <br> >>August 2, 2003 at 12:44:04 AM GMT+8 有o的朋友會o係我地人生既路上因 >>July 24, 2003 at 11:51:24 PM GMT+8 鼓之達人...呵呵呵...我地不 >>July 14, 2003 at 6:42:31 PM GMT+8 睇下原來你有咁多Friends原 >>July 10, 2003 at 3:07:59 AM GMT+8 妹睇左你5/7 o既日記後我終於 >>July 5, 2003 at 11:12:37 PM GMT+8 邊個欺騙你 ar?!妹 <br> >>July 1, 2003 at 11:01:01 PM GMT+8 波波你唔好亂咁諗 la <br> >>June 30, 2003 at 12:07:13 AM GMT+8 傻妹~~ <br>你唔好想太多喇 >>June 21, 2003 at 9:47:04 PM GMT+8 波波你無野 ar <br>又唔開 >>June 13, 2003 at 1:10:23 AM GMT+8 Fate chooses you >>May 31, 2003 at 5:33:08 PM GMT+8 我地都冇耐冇見,每次到訪~咩你都 >>May 28, 2003 at 3:51:27 PM GMT+8 天上有彩虹等緊你呀!! <br> >>May 26, 2003 at 6:23:39 PM GMT+8 開心0的啦香港人!! >>May 22, 2003 at 9:39:54 AM GMT+8 我黎喇!^^ <br>你就好啦! >>May 20, 2003 at 4:12:22 AM GMT+8 "妹"你近排係咪好多問題ar? >>April 26, 2003 at 11:52:35 PM GMT+8 咁無恆心ga <br>真係就快變 >>April 14, 2003 at 4:04:55 PM GMT+8 "E"...... <br>嘩a >>April 7, 2003 at 5:16:18 PM GMT+8 我都知阿琪係一個好好好..... >>April 7, 2003 at 1:38:06 PM GMT+8 頂你ar..... <br>個阿 >>April 6, 2003 at 2:21:27 AM GMT+8 你都知你阿哥係咁賤格架喇.... >>April 5, 2003 at 3:18:32 PM GMT+8 阿哥一定會原諒你,因為你係我阿妹 >>April 3, 2003 at 2:38:02 AM GMT+8 阿哥一定會原諒你,因為你係我妹妹 >>April 3, 2003 at 2:19:59 AM GMT+8 哈哈~~ <br>咁都俾我知道你 >>March 29, 2003 at 6:04:37 PM GMT+8 成編日記得羊冇牛既!!哼! <b >>March 22, 2003 at 11:18:25 PM GMT+8

人氣: 37264

Design & Scripting by ShowHappy.Net