|
2003 年 7 月 27 日 星期日 【晴】
琴日o係ICQ同阿牛傾偈..............出奇地佢都鍾意左水晶!!! 仲即刻約我第二日去買咁話~~~ (哈哈.............我地o的性格真係.............似到呀~~~成日都係咁,一想要就要即刻去買..............^^" ) 就咁我約左阿牛今日2點半o係新城市新開o個間Crystal Palace度等~~~今日我地既收穫都好豐富呀 !! (其實都係阿牛買既多~)
阿牛買左一條好靚好靚既紫晶手鏈,一個心形既紫晶座同一個白晶簇,仲經我極力推介之下影埋氣色相添呀,而我就買左個少少地既白晶簇同一個入面o的"幽靈"好靚既綠幽靈,兩個都有我最最最鍾意既rainbow添呀!! 加上仲有成6折既discount...........嘩~~~抵呀(我o個o的.........)!!! 就咁total買鏈買"座"影相買書用左成$800 !! 加埋上次o個$800............好野~~~我地可以做VIP喇~~~ \^0^/
今日我o係Crystal Palace學左唔少野.............原來呢個世界有"木化石",仲係有令腸胃暢通o的既作用添呀!! 個sales仲話"你坐左上去包保你一陣就要去toilet喇!!" 哈哈............好得意呀!! 個sales仲講左好多其他水晶既用途同用法俾我聽添~~~原來將一個未經琢磨既芙蓉晶放上白晶簇上再放置o係自己書桌上既左方係可以增加...............魚呀魚............快o的返黎啦~~~(笑)
p.s. 今日係飲extra slim up既第二日..............要忍口.............要做運動...............要加油!!
>>July 28, 2003 at 6:51:28 PM GMT+8
2003 年 7 月 24 日 星期四 【晴】
琴日因為好早就訓左既關係..............冇寫到日記今日寫番~~~
前幾日o係報紙度睇到一個記者介紹舒適堡依家做緊個promotion,纖體美容各項項目都只需$100,仲一個月內任做任試,好奇既我就梗係去睇下啦~~~咁抵............(笑)不過由於條件係要係當日3個鍾頭前先俾booking既關係,唔好彩既我前日(星期二)book唔到,(但竟然俾vickie book到喎~~~佢真係好彩呀!!)就咁我就book左琴日既2點至5點喇 !!
由於vickie已經俾左個"要除晒衫"既準備我,所以我都冇咁驚.............不過我去到冇耐就發生左件"瘀"既事~~我竟然.............唔識著o個件浴衫!! (汗)攪到個美容師等我之餘仲要叫佢幫我著(之後連個superior都黎埋幫我)............我...........好蠢呀!! >_<
之後我經美容師既介紹,最後做左G5,Bodyline同M6~~~G5真係好舒服............Bodyline都唔錯,不過初初做就真係覺得好痕,攪到我成日都忍唔住笑左出黎,(唉.........我真係好難忍唔到笑~~~@.@" )最攪笑既係連美容師都笑埋一份 !! 最後做M6既時候可算係最辛苦既時候..............佢真係好似一部吸塵機 !!仲要係強大馬力o個種~~~本來忍住兼狂同自己講唔痛既唔痛既我都吸吸下忍唔住叫個美容師調教細小小個馬力............做完之後真係好似做左2-3個鍾頭運動咁.............好累............好累.............今日我都發現我隻腳都瘀左兩撻.............我都贊成過幾日做一次會比較好o的............日日做真係會俾佢吸死~~~ (汗)
＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃
呢排我開始對水晶好有興趣...........原本水晶呢樣野好特別架!! 佢除左唔同色有唔同功效之外,仲會因為你而改變佢既色澤~~~水晶真係有佢既生命力架 !! 而且o的款真係好靚呀~~~ 我都忍唔住買左黎戴!! haha......
跟住我仲貪得意去影埋"氣色"相添呀~~~嘩..............真係好準呀!! 我都冇講過任何野俾分析員聽,佢都竟然可以講中晒我心裡面諗緊o的咩!! 依家仲做緊promotion,$50一次.............抵呀!!!!
＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃～＃
好耐冇聽過Kelly既新歌喇...........呢首歌真係好好聽~~~good呀............
＊～＊～＊～她比我醜～＊～＊～＊
朋友都說
你為了她心醉像個木偶 任誰力勸亦無力可拯救
我想到她比誰也更清秀 我不看一眼絕對不肯走
誰在此刻跟你成為密友 明白事實已經不能補救
我恨我尚要看清楚對手
難以見諒你太沒有要求 感情紅燈口
順勢遇到她的溫柔盲目地接受
你說今後 無人再動你念頭
明日我便會自由 而我想冷笑就夠
她比我醜 但竟可偷你走
內心鬆口氣 不用再忍受
若覺得她也算世界獨有
但我怎可看著你們 愛到直至白首
何解你 厭舊愛新 竟也沒有內疚
若誰令你突然學懂偷走
我知道她必然有點優秀
我輸了所有 但說不出口
才用心找一個 堂皇藉口
其實漸漸化妝不停加厚
看著鏡內我更加的顫抖
唯有怨恨你太沒有要求 感情紅燈口
順勢遇到她的溫柔盲目地接受
你說今後無人再動你念頭
明日我便會自由 曾有的卻再沒有
她比我醜 什麼都比我醜
用這種方法安慰我感受
自覺得因過去愛你未夠
但我怎可看著你們 愛到直至白首
何事會令你逗留 何以她有我沒有
她比我醜 什麼都比我醜
用這種方法安慰我感受
若覺得她也算世界獨有
就以祝福送贈你們 要對著到白首
>>July 25, 2003 at 12:54:59 AM GMT+8
2003 年 7 月 23 日 星期三 【雨】
琴日同小兒傾電話傾到凌晨4點至訓.............好耐都未試過同小兒傾電話傾到咁夜喇~~~ 我琴日真係.........好開心呀!! +^^+
我地傾左好多關於拍拖既野,依家既野.............發覺呢個世界真係乜野人都有!! 有o的可以悲觀到你點同佢都講佢唔通既人..............有o的可以樂觀到連一丁點壞方面都唔會諗既人.............有o的永遠都睇唔出佢真正一面既人...............有o的做人做得好過分但幸運之神總係卷顧著佢既人.............我地依家所接觸過既世界其實仲係好少好少,如果要了解呢個世界多o的,我地仲有一條好漫長既路要走~~~o係呢條路上面想要開心定失意,美好既結果定悲慘既結局............全在乎自己既每一個想法~~~
☆~兩個人相處鬧咬就梗有架啦...........但唔代表我唔愛你嘛!!
☆~兩個人相處溝通固然好緊要,但俾番o的空間大家亦都好緊要架............唔通我同你鬧左咬,搵人發洩搵人傾既時候又係你?! 所以拍拖之餘,朋友亦都唔可以忽略.............如果唔係,到你需要既時候你就會後悔過往自己對朋友所做過既每一樣野架喇!!
☆~兩個人一起既時間係要做番原本既自己,唔係要你為左佢而將你原本既性格整個改變或者為左留住佢既心去重複做番人地前女朋友做過既每件事............咁有乜意義呢?! 咁樣唔係叫拍拖呀!!
☆~o個個人係屬於你既,點都係屬於你...........唔係你既點都唔會係...........要學識放手呀!!
☆~可以得到溫暖既地方除左係自己既另一半之外.............仲有屋企人同朋友...........呢個世界係好大架,唔淨只愛情,唔好迫自己好似走左入條絕路!!
☆~真正既朋友唔係由相識時間長短來斷定............而係視乎相方有冇願意為對方打開自己既心!!
☆~有o的朋友會o係我地人生既路上因發生左一o的事而離開左我們,但唔需要為此而難過,因為只要我地相信大家,呢個只不過係短暫既分開............係朋友既最後始終都會係!!
☆~呢個世界人既是是非非係最令人可怕架.............不過唔緊要,只要呢個世界仲有人明白你,咁就證明仲有人support你,你未必係錯o個個............既然是是非非係唔可以避免,只要對自己所做既唔內疚就行了!!
☆~對於已經盲目唔聽人講既人,不如放著不管,還是等佢自己遇到挫折,自己醒覺比較好!!
☆~附和你既朋友固然係基於支持你,但與你意見不合既朋友亦唔代表佢唔係你既朋友,佢地由始至終都係為你好!!
ha...........根據小兒既分析,針我o個隻蜜蜂原來唔係香港既resident,而係一隻" illegal immigrant" !! 我俾左個名佢...........叫" illegal bee"~~~ haha..............(笑)
>>July 24, 2003 at 8:53:01 PM GMT+8
2003 年 7 月 22 日 星期二 【晴】
今日一早10點半就起左身準備出去尖沙咀唱lunch K..............出到去尖咀至發覺自己唔多識路.............係烈日當空之下係尖咀行左好耐..............好耐.............至搵到間Neway !! 又話問人十個有九個會識路~~~我問o個個係做Neway..............佢都唔識................攪到我差o的係尖沙咀"人間蒸發"左...............@.@" 雖然今日都算抵,每人$29有飯有野飲, 仲要由原本2個半鍾既時限唱多1個鍾零3個字~~~不過.............下次如果可以的話都係o係沙田好o的...............(怕)
今晚Daniel返黎喇............好開心呀!!
>>July 22, 2003 at 6:57:14 PM GMT+8
2003 年 7 月 20 日 星期日 【晴】
今日一早7點幾就醒左.............唔知係咪因為知道Daniel今日6點幾7點機呢~~~起身個時真係好有衝動打電話俾佢同佢講聲"一路順風" !! 不過最後都冇打到.............唔知點解我會好記得Daniel講過既每一句說話,可能係因為佢都會好記得我所講過既每一句話一樣喇~~~有個咁care自己既朋友,個感覺真係好好呀~~~記得琴日真係好開心,Daniel無啦啦打電話黎問我讀副學士一年要幾多錢............問完之後佢就同我講"我聽日去台灣喇,6點幾就要去到機場~星期二夜晚11點幾至返到香港~" 我答 "下?!要咁早?! 咁咪要係機場訓?!" Daniel話" haha.........係掛~我去到買禮物俾你好冇?! " 嘩~~~!! 好開心呀..............Daniel實在太錫我喇~~~ +^-^+
之後冇幾耐我爸爸就放工番黎,就咁我就同我爸爸一齊食左個溫馨既breakfast喇.................由於太早起,11點幾終於又頂唔順訓番覺~~~ @.@"
就咁...........訓下...........睇下漫畫.............聽下歌就去左一日喇 !!
p.s. 不過今日都唔係完全冇得著既.............今日係icq度同左個叫杰既男仔傾左好耐,其實之前已經識左佢好耐,不過由於我前排唔係成日online,所以大家都冇再乜點傾...........不過唔緊要依家傾番咪得囉!! 又一個交心既朋友...........實在太好喇 !!
>>July 21, 2003 at 2:23:59 AM GMT+8
2003 年 7 月 19 日 星期六 【晴】
今日我媽咪話俾我聽我婆婆入左醫院.............起初係因為小小既傷風感冒而攪到成日咳, 依家因為咳得嚴重而入左院留醫.............初步驗出有輕微既肺炎..............>_<
我婆婆其實都已經有成八十幾歲.............真係好希望佢有一百歲命 !!! 佢係我咁多個婆婆之中最最最鍾意架~~~婆婆係我媽咪既媽媽..............佢一向都好錫我媽咪,所以我媽咪都好錫佢............我地成家都好錫佢!!我婆婆雖然有好多個孫,但佢好好..............(絕對唔似得住係我屋企o個個咁...........v_v") 佢每一個都好錫,雖然佢有咁上下年紀但佢都會好有心咁記住邊個孫幾時生日............生日o個時一定會親手俾封生日利是我地~~~
還記得我出黎做野個時...............我同婆婆傾過好多次偈...............婆婆因為太錫我,擔心我仲細出黎做野會俾人蝦而喊左出黎............仲因為咁佢有好幾晚訓唔著..............因為我而令到婆婆咁...........唉..........我真係好衰女呀~~~~~~!! (哭)
諗番起我婆婆一生都過得唔係咁開心, (曾經同佢傾過偈而知道的) ,後生時一個人要獨力養大我媽咪佢地幾個化骨龍之外仲要受盡奶奶既刻薄!! 老左仲要同個又人品差對佢又唔尊敬又成日單單打打既媳婦一齊住!! 唉...........如果唔係我屋企已經有一個...........我寧願佢同我地一齊住~~~
一個對人咁好既婆婆............千祈唔好俾佢有事呀~~~~~~~~!! >0<
～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～
今晚我有個朋友因為感情既問題叫左我出去陪佢..............出到去見到佢隻手包住左,都已經知道佢又"界"手黎!!! 睇到佢為左個男仔唔食野而攪到成個人瘦晒.............飲酒又飲到自己食唔到野,個胃又傷晒................仲要再不停咁食埋煙 !! 唉~~~~~~!!真係激死我喇.............點解要咁唔自愛呀?! 傻女 !! >_<
你既心情我好明白..............我何嘗未試過你呢種感受呢?! 傷心,難過,掛念,唔知可以做o的乜.............呢o的野係一定會經歷架喇~~~如果你係鍾意佢既話就唔好要佢擔心你!! ok?! 你試想想..............你為佢整傷自己,為佢喊,為佢唔食野,為佢飲酒,為佢食煙...........這些佢知道嘛?! 佢知道你全都為佢嘛?! 佢根本一o的都唔知!! 咁樣好唔值得架~~~傻妹 !! 你何不漂漂亮亮咁係佢面前出現呢?! 我唔想你為左一個人而又令自己唔知要沉幾耐囉 !! 無錯既係...........係...........佢其實仍然好關心我好錫我仲會有時打電話黎同我傾偈,但咁又代表o的咩呀?! 你要同自己講現實終歸係現實 !! 唔係就唔係 !! 佢已經有左女朋友就已經有左 !! 如果因為咁而同佢發展,要自己同另外一個女仔分同一個男朋友............我寧願同自己講我要選擇一條漂漂亮亮既大道喇~~~
呢段時間就順住你自己既心意去做你想做既事啦~~~雖然我知道呢段時間點都係唔開心架喇..............就當俾個時間自己去放鬆下...............唔好逼得自己太緊呀.............總之你對自己無悔就得喇 !! 對自己好o的呀~~~發洩其實可以有好多種方法...........唔好再做對自己身體有害既行為喇 !! 我都可以唔需要用o個o的方法恢復過來點解你唔可以呢?! 我知道當你要去面對呢o的野既時候係會令人好難受............但你知道嘛?! 當你已經可以跨過佢之後,你就會發現你又成長左架喇 !! 因為你會係裡面得到好多好多野...............當你望番轉頭既時候你就會發覺...............原來自己曾經勇敢過..............係咁堅強過架喇~~~
仲有既就係............唔好以為冇左佢就等於全世界冇人再關心你冇人再錫你囉.............你既家人再點樣話你都好,都係因為錫你愛你o者.................佢地其實係好關心你架!! 仲有..............你o的朋友呢?! 只要你用小小既時間抽番自己出黎望番落去............你就會發現其實係你唔開心難過既同時,其實有好多人o係你身邊support緊你架~~~!!
～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～＋～
今日我終於第一次同傳說中既阿欣傾左一陣電話~~~佢把聲真係好得意好可愛呀 !! 同佢講野真係會俾佢笑死...........佢既邏輯思維同埋佢o個金句"喂~喂~喂~" 真係...........只可以用一個字黎形容 "掂" !! haha...........好期待可以同阿欣玩既一日呢~~~ ^-^
>>July 20, 2003 at 4:14:04 PM GMT+8
2003 年 7 月 18 日 星期五 【晴】
今日我約左友人2點一齊玩icq..........可能佢一向都比我早起, (其實係我生活習慣有問題先........haha)我諗佢一早就已經上左網等我, 我地傾左好多偈............好開心,因為有人了解我,明白我...........同你傾偈可以咩都講得~~~好暢快呀!! 錫錫............^3^
之後6點幾我出左去旺角會合vickie............由旺中一直行行到花園街~~~沿途我地不停地買左好多戰利品.............今日個感覺真係好high~~~可能又係個句喇............好耐未同過女仔朋友一齊出旺角掃衫喇~~~我地兩個好似買野唔使錢咁,鍾意就買,o岩feel既又買!! 買到o的現金冇晒,仲要繼續入鋪頭問可唔可以"look" EPS !! haha............好開心好high呀~~~ ^0^/
vickie同sales話我帶帽好睇呀..........仲有我最鍾意既日本feel添呀...........唔~唔~咁等我以後帶多的帽先!!!
+^^+
>>July 19, 2003 at 1:52:21 AM GMT+8
2003 年 7 月 17 日 星期四 【晴】
由琴日開始頭痛既我直至今日都仲痛緊..............vickie擔心咁話會唔會o的蜜蜂毒上腦或者係冷親呢?! 我諗唔會掛?! 不過驚驚地既我去探左下熱,發覺原來我發緊燒 !! 不過就唔係咪野高燒...........係"低燒"o個隻,咁究竟我呢幾日係咪其實都冇退過燒呢自我俾蜜蜂針到發燒後?! 有點疑惑............因為上次我發覺自己發燒後,我食左粒藥就當佢冇事喇.........都冇再去探多次熱證實一下...........唉!! 如果聽日仲係咁,都係去睇下醫生先~~~
今日下午1點幾既時候,最關心我既雞頭哥打電話黎............問daniel,大小,tracy有冇打過電話黎搵我,其實個時我都估到佢地又一班人去daniel屋企會所玩架喇..............唉!! 其實個時聽到呢個消息,我個心其實真係有o的唔開心唔係好舒服............雖然雞頭哥都想我去,但始終一來個度唔係佢住既,二來我自己無啦啦上去又怪,所以我都同自己講算喇.............(我真係好想好想同雞頭,wuso,daniel佢地玩呀~~~~~~~!! 就算唔玩見下都好呀~~~~~~~~!! v_v)
o係電話度雞頭哥同我講左一句說話"原來愛情呢樣野係會令一個人改變架............" 唉~~~~~~~~~~~!! 我絕對絕對地同意 !!! 但究竟係變得好定壞呢?! 呢樣野真係要去值得深究一下..............如果因為呢樣野而令人變得重色輕友,雖然我知道呢樣野係正常既,因為o個個始終係陪自己走埋下半生既人嘛~~~(我都唔能夠擔保到自己拍拖時會唔會咁..........但我希望到時我能夠做到個平衡喇~)但如果過左龍就真係令人有o的反感............記得自從同某某鬧左交之後,某某send左個message同我講我地既友誼係幾咁好,又話真係視我為好朋友,希望唔會因為o個件事而將咁多年既感情破壞左佢,又話要一齊玩............根本所有野都係呃人既!!! 過左咁耐佢一次電話都冇打過俾我.............就連去玩都冇..............每次只有我打電話俾佢.............仲要係我開到口問至講.............記得有次我仲忍唔住直接咁問佢點解唔叫埋我,佢個答案真係令到我好驚訝!!
佢竟然可以同我講 "咁你咁忙,又咁多人約你,次次叫親你都唔得閒,係人都灰啦 !! " 我真係好想係當時當面問佢 "你有親自打過電話問我咩?! " 佢由頭到晚淨係識得陪住人架o者!! 每次都係雞頭,wuso同daniel 打黎搵我, 咁依家究竟係邊個唔當邊個係朋友呀?! 係咪打一個電話黎都咁難呀?! 你問得一次兩次三次我都唔去,咁係咪代表你以後都唔搵我呀?! 如果係咁既話我地以前一齊玩開既friend咪散左好耐?! 我真係已經唔認識現在既某某喇...........(嘆)
我絕對唔想因為我同佢既事而令到我同雞頭,wuso,daniel既關係疏遠左............因為我真係唔想再失去朋友喇~~~因為呢件唔關其他人事既事而失去同佢地一齊玩既權利就更加唔值得 !!
☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°☆∴°
唔係咁開心既我,今日6點幾既時候,一個令我從唔開心既世界拉出黎,令我開心番既daniell打左個電話黎~~~以為佢去左旅行返黎既我好開心咁同佢講 "你終於都返左黎喇!! " 點知佢話 "下?! 去邊呀?! " 我話 "你唔係去左台灣咩?! " 佢笑住咁話 "haha.........你都傻既!!我都未去~~~我今個星期日至去呀 !! " 我個時真係..............^-^" (瘀) 臨收線時佢仲問我 "你減成點呀?! " ha~~~佢仲記得我講過我要減肥............雖然我依家都仲未有咩大既進展,不過我會繼續堅持.............我要成功!! ^0^/
由於我唔舒服既關係, 原本今晚同vickie既旺角shopping大行動順延至聽日舉行.............今晚改行沙田先~不過由於行沙田都已經行都悶悶地既關係,我地就係唱K同睇戲之間,選擇左睇戲 !! vickie真係冇介紹錯.......佢話其實外國既卡通好好睇..........叫我應該去睇下~~~ (由於我熱愛日本既關係,除左日本既卡通之外,我係未去戲院睇過外國o個o的架..........^^" ) 就咁,我地就去睇左10點場既 "海底奇兵" (Finding Nemo) !!
"海底奇兵" 入面既 o個隻小丑魚"mo仔"真係好得意好可愛呀~~~!! 估都估唔到既係海入面會有學校有交通警..........仲有一幕係爸爸馬倫教仔仔mo仔出門口時要小心o的,出去視察左環境之後要立即入番屋重複呢個動作4次就叫安全喇~~~haha.........真係俾佢激死!! 雖然故事開頭有o的慘............不過之後所演繹出黎既父子情就更加令人感動,同更加叫人珍惜佢地之間相依為命,點都唔可以冇左對方既個種愛~~~呀..............個故事真係又感人又有意義............同日本o個o的真係有得揮~~~ (笑) 加上o的配音真係一流...........一向任何野都忠於原著既我,開頭諗住係睇呢個english version,但vickie話chinese version好睇o的,所以後尾係睇左中文版~~~ 原來香港既配音水平係咁good架!!
原來呢套 "海底奇兵" 係配音卡士係咁強勁架~~~~~~~~~~!!
馬倫Marlin(爸爸)/ 劉青雲 配音 <---小丑魚爸爸
小丑魚爸爸最愛錫的妻子/郭藹明配音
多莉 Dory/ 毛舜筠 配音 <---仗義陪住馬倫藍色o個條魚
大舊布斯 Bruce/ 黃毓民 配音 <---鯊魚大阿哥
大口祖 Nigel/ 杜汶澤 配音 <---幫馬倫爸爸搵mo仔o個隻塘鵝
小桃Peach/ Yumiko 配音 <---海星
泡泡 Bubble/ Boy'z的Kenny 配音
基圍積 Jacques/ Boy'z的Steven 配音
爆谷Bloat/ 周子駒 配音
p.s. 未睇 "海底奇兵" 既就快o的去睇喇~~~!! ^-^ 包保睇完之後大叫 "好~~好~~好~~!!"
>>July 18, 2003 at 1:43:06 AM GMT+8
2003 年 7 月 16 日 星期三 【晴】
今日繼續我既執屋大行動...........係下午既一個小休時,我上左網玩icq,撞到小兒同佢傾左一陣!! 原來個時小兒既男朋友都上左佢屋企...........就咁我就同佢男朋友傾左兩句~~~原來佢男朋友叫vincent !! 佢又知我叫汶琪~~~ ha.......多得小兒!! ^-^ 有機會真係要出黎一齊玩下喇...........
夜晚我又約左友人出街.............我著左我前幾日買既新鞋,由於係新鞋既關係,我兩隻腳後面都俾佢擦損晒...............(痛) 好在友人有帶膠布,但都幫唔到幾多.............攪到我成晚行路行到好似溜冰咁 !! v_v" 不過點都好,我地都過左一個好開心同充實既一晚~~~ yeah !!
>>July 17, 2003 at 6:52:58 PM GMT+8
2003 年 7 月 15 日 星期二 【晴】
琴晚..........真係有發燒............雖然唔係乜野高燒,但真係證明左雞頭哥講既一句說話 "俾蜜蜂針到會發燒架!!" 不過都好好彩好快就冇事喇.............皆因媽咪俾左粒藥我食嘛~~~ 今日隻腳已經冇痛喇 !! (謝天謝地)
不過就含左"濃"同仲有o的腫腫地.............希望快o的好番喇 ~~~!! ＊^_^＊
今日可算係充實既一日~~~由下午2點開始執屋............執到夜晚7點半都仲未執完.............嘩!! 真係執死人~~~平時就咁望落去我屋企已經有好多野架啦,執左出黎之後發現仲多.............仲要係百分之九十都係我既野............(汗) 呢箱又係我o個箱又係我..............呢度未執完o個邊又吹我執...............就咁執下執下,我執左三大袋中學已經唔讀既書,pastpaper同補充出黎拎左去賣(費事霸住我寶貴既地方喇~~~@_@")
不過好攪笑............我一路執就一路好開心..............皆因我執親既好多都係kinki既野囉 !! (傻) 唔覺唔覺............原來我真係買左佢地好多野番黎..............有poster,相,剪報,cd,vcd,dvd,vhs,會刊,演唱會souvenir,月曆,宣傳用既板板,雜誌,有佢地個樣既野..............我都已經唔知買左幾多個箱去安置佢地喇.............只知道依家我要連我自己張床都要放埋o的箱係度~~~(驚)
就咁,今日8點我就約左vickie出去陪我賣書...............雖然書就賣左好多.............但執番既都係得$200........(賺死o個個賣書啦~~~)不過算啦.............學雞頭哥話有得執好過冇得執嘛!! 之後我地行下行下就去左一間鞋鋪度睇鞋喇.............因為我地去到既時候已經好夜,間鋪頭只淨番個老闆娘係度.............好奇怪,唔知係咪大家都o岩feel,傾起偈上黎~~~仲傾得好開心個隻添..............個老闆娘叫carol又可以叫謝太,係一個睇落去好青春(其實實質都係好後生既~)既媽咪,佢已經有兩個仔仔, 一個差唔多六歲,另一個就兩歲幾~~~ 間鋪頭係同老公一齊開既............carol份人好nice好有賢妻良母feel,唔知係咪以前佢做過照顧有問題兒童既關係............真係睇落去都特別有愛心o的~~~ 不過最令到我同vickie笑到合唔埋咀既係............我地話俾老闆娘聽我地一個讀大學year2一個大學year1一個22歲一個20歲,佢竟然好驚訝咁話 "仲以為你地係中五添!! 睇唔出你地有20,22歲...............仲以為你地係得15,16歲!! " haha.............究竟呢個係一件好事定壞事呢?! ^_^"
今晚繼續我既執屋大行動.............v_v" (悲)
>>July 16, 2003 at 1:02:59 AM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37261
Design & Scripting by ShowHappy.Net
|
琴日o係ICQ同阿牛傾偈..............出奇地佢都鍾意左水晶!!! 仲即刻約我第二日去買咁話~~~ (哈哈.............我地o的性格真係.............似到呀~~~成日都係咁,一想要就要即刻去買..............^^" ) 就咁我約左阿牛今日2點半o係新城市新開o個間Crystal Palace度等~~~今日我地既收穫都好豐富呀 !! (其實都係阿牛買既多~)
琴日因為好早就訓左既關係..............冇寫到日記今日寫番~~~
今日我媽咪話俾我聽我婆婆入左醫院.............起初係因為小小既傷風感冒而攪到成日咳, 依家因為咳得嚴重而入左院留醫.............初步驗出有輕微既肺炎..............>_<
今日我約左友人2點一齊玩icq..........可能佢一向都比我早起, (其實係我生活習慣有問題先........haha)我諗佢一早就已經上左網等我, 我地傾左好多偈............好開心,因為有人了解我,明白我...........同你傾偈可以咩都講得~~~好暢快呀!! 錫錫............^3^
由琴日開始頭痛既我直至今日都仲痛緊..............vickie擔心咁話會唔會o的蜜蜂毒上腦或者係冷親呢?! 我諗唔會掛?! 不過驚驚地既我去探左下熱,發覺原來我發緊燒 !! 不過就唔係咪野高燒...........係"低燒"o個隻,咁究竟我呢幾日係咪其實都冇退過燒呢自我俾蜜蜂針到發燒後?! 有點疑惑............因為上次我發覺自己發燒後,我食左粒藥就當佢冇事喇.........都冇再去探多次熱證實一下...........唉!! 如果聽日仲係咁,都係去睇下醫生先~~~
今日繼續我既執屋大行動...........係下午既一個小休時,我上左網玩icq,撞到小兒同佢傾左一陣!! 原來個時小兒既男朋友都上左佢屋企...........就咁我就同佢男朋友傾左兩句~~~原來佢男朋友叫vincent !! 佢又知我叫汶琪~~~ ha.......多得小兒!! ^-^ 有機會真係要出黎一齊玩下喇...........