|
2003 年 8 月 17 日 星期日 【晴】
琴日食完飯之後,我地全部人去左大細孖屋企打麻雀...............佢屋企究竟幾時至肯裝番部冷氣架?! ~_~" 我地熱到一到左屋企個個走晒入間大房嘆冷氣~~~為左打麻雀舒服o的,我地將張麻雀檯搬左入房,可以講係我地一切既活動都係o係間大房度進行...............@.@"
由於我呢排"從良"早訓...............好快凌晨1點幾我就頂唔順要訓喇~~~就咁我就同阿姿小寶去左細房訓,佢地就繼續玩.............琴晚雖然話想訓好累,不過真係好耐都冇同阿姿小寶佢地傾過偈喇!!!!!!最後我地都傾左好多偈至去訓.............我地傾左好多野呀~~~有開心有唔開心..............希望我地大家都可以為大家而努力,一齊過o的開開心心既生活喇!!!!!!!!!!!! ^0^/
訓醒冇幾耐,順面執埋自己同vickie既野就返左屋企lu.............聽日就係我真正踏入社會做野既第一日喇!!!!!!!!好緊張呀..............好驚自己做唔黎..............大意做錯野呀~~~ v_v" 今晚都係早o的訓好好迎接新既一日啦~~~ ^-^"
>>August 21, 2003 at 10:52:28 PM GMT+8
2003 年 8 月 16 日 星期六 【晴】
琴日見成工............個look就唔使再咁大個..............所以我決定今日再去千田搵我鍾意既michael叫佢幫我染髮同剪番o的"陰"~~~都係細個o的靚o的!!!!!!!!!由於我記得vickie都想染髮,今日星期六咁o岩佢又放1點,不過佢要出去幫阿哥買LV袋.............所以我地就預定約3點幾4點一齊去整頭髮喇~~~
見到vickie o個時佢手拎住LV個紙袋真係令人格外有"貴氣"~~~所以我都忍唔住叫佢俾我拎左陣!!!!!! 嘩........拎住個成4千蚊既LV袋係身個種feel真係好正!!!!!!直情好似成個人都變得有錢左一樣................唔~~~我第時有錢我都要試下買番個貴野帶下至得~~~ (笑)
我地去到千田,我就例行叫左michael幫我攪我個頭,而vickie就去攪佢既"紫色"染髮喇~~~個michael真係好好呀!!!!!!! 為左染個靚頭,同我傾左好耐,又驚我悶成日俾雜誌我睇,仲俾埋水我飲添呀~~~!!!!!! 哈哈.............vickie見到都..............都埋怨點解我o的待遇好o的~~~哈哈............我都話我鍾意既michael係好識體貼人架喇~~~呵呵呵................^0^
夜晚我就去同阿姿小寶鬍鬚會合一齊去慶祝雞頭哥21歲既生日~~~!!!! 去之前阿姿小寶見左阿哥一面..........原來佢地未見過阿哥架喎!!!!!! 我仲以為佢地已經一早見過面添.............^^" 我地一共有8個人去左沙田既一間酒樓食飯~~~哈..............今日o係雞頭咁多份生日禮物裡面令我最深刻既都係阿姿小寶送既VCD!!!!! 係講佛教既VCD,仲要係有兩款,一盒8隻,另一盒好似有4隻............雞頭收到呢份禮物時佢個樣真係..............^^" (笑) 不過鬍鬚隻"馬"都唔輸蝕~~~雖然冇上次係九肚山見到個隻咁大,但勝在係彩色!!!!!! 而我份禮物就慘喇..............唉!!!!!! 俾雞頭嫌棄呀~~~ 嫌份禮物細..............哼!!!!!! >_<" 你阿妹呀放左好多心機去搵呢份禮物架!!!!!!!!!!!!!! :P
臨食完既時候,我地準備左一個蛋糕俾雞頭..............哈~~~一向低調既雞頭就更係唔好俾佢咁低調咁過啦!!!!我地仲大大聲咁唱左首中文版生日歌俾雞頭聽!!!!!!哈.............死未?! (笑) 食完之後我地一齊去左機鋪打機~~~嘩..............打機真係好好玩呀!!!!!! 我仲同細孖一齊玩左個打鼓機添.............唉!!!!!!! 不過我唔好彩失手..............記住係唔好彩失手咋!!!!!!!!!! (笑)竟然輸左俾第一次玩既細孖..............低分過佢,唔制呀~~~我一定要去苦練下至得!!!!!! >:)
P.S. o係度再祝多次我親愛既雞頭哥生日快樂~~~永遠都咁靚仔,中多d馬,打機贏多幾鋪~~~!!!! yeah....... :D
>>August 21, 2003 at 10:32:19 PM GMT+8
2003 年 8 月 15 日 星期五 【晴】
今日一早就起左身準備一陣3點半既面試,由於我爸爸媽咪驚我唔識路,(不過實質我真係唔識路)所以佢地兩個就同我一齊去,去到原來係工廠區黎架.............我就叫左佢地係樓下一間餐廳等我, 我就自己上左去in,嘩.............講都冇人信呀!!!!!!!!!! 我去到,佢好似已經好了解我咁,叫我坐低等佢print o的資料俾我睇,叫我睇完下星期一返工個時簽完名俾番佢地就ok,臨走個時我真係忍唔住問佢 "你真係唔睇我o的resume同學歷呀?!" 佢一句令到我更加呆左............."得架喇!!!!!!!!!我相得過你~~~" ,就咁我就見成左份工喇.............@.@"
之後我就同左爸爸媽咪去將軍澳行街...............個商場係大就大,不過真係好靜,冇乜好野睇,所以我地最後就去左參觀將軍澳既現樓樓盤~~~嘩..............o的樓真係好靚好大...............我地睇左一間3房既高層大約650尺既現樓單位,仲要係已經裝修好個隻!!!!!!!!!!!!!!!!!! 激靚呀~~~ 我睇時有錢一定要買番間至得~~~!!!! >0
夜晚我爸爸帶左我同媽咪去旺角一間食野抵兼好多款選擇既餐廳食野...............之後就番左屋企lu~~!!
>>August 20, 2003 at 12:22:14 AM GMT+8
2003 年 8 月 14 日 星期四 【晴】
今朝早o係我仲訓到濛濛濃濃期間,我表姐就打電話黎搵我,話俾我知我呢兩日應該見得工,仲俾左個電話我去contact個僱主,就咁我等到12點幾懷住一個緊張既心情去打呢個電話.............點知!!!!!!! o個個梁生原來超好人,仲同我唔該前唔該後~~~其實我真係覺得自己呢一生都好幸運,因為我成日都得到我身邊親人同朋友既照顧,幫助同支持.............好似我今次搵工咁,除左我自己apply o個o的之外,我好幾個朋友好似阿魚呀知我搵工,都一路幫我去留意,一有咩好工就打黎同我講,而我既一個kinki朋友仲俾埋佢自己個大學password我去大學個hp度搵工之餘仲同我問佢其他朋友有冇工做住先添,我哥哥就更加會幫我去問幫我去睇...............而Vickie呀咖哩呀其他朋友就咁不斷鼓勵我去搵工~~~我o係美國住依家去左日本教日本小朋友英文既表姐仲得意!!!!!! 叫我去日本同佢一齊教小朋友中文...............哈!!!!!如果我日文掂,我一定會去!!!!!! ^^"所以我表姐知道佢公司有人離職就即刻同左佢個阿head講留住個位..............所以我打去俾梁生o個時原來佢已經知我會打去同連我個名都一早知道埋,哈...............仲攪到我之前咁緊張,係度狂sms Vickie又問我阿哥我打電話去一開口應該點講好先~~~原來我表姐一早幫我講左!!!!!梁生仲問我我想今日in好定聽日in好,我就選擇左聽日,因為我想我in之前攪攪個look先.............@.@" (我要變大個o的呀!!!!!!!!!!!!!!)
就咁我就將呢個好消息話左俾阿魚聽,我地決定左今日去整頭髮,要變靚靚呀~~~ ^0^/ yeah~~~~!!! 去整頭髮之前,我同阿魚去左LP先,因為我地想報29號既一個talk,個talk係講美容同keep fit 架~~~我地crystal family就梗係唔執輸要去聽下啦!!!!!!!!!!!!! ^-^" 不過去親LP唔知點解就梗係冇番兩三個鍾都唔會走,今次都唔例外..............我地仲免費玩埋個"靈擺"添呀...............真係好神奇呀!!!!!!!!!!!!!!真係會自己郁架!!!!!!!!!!!!! @0@"佢測到腳同喉嚨都有o的問題..............係呀!!!!!!!!!!!!!中呀~~~我呢排隻腳真係受左好多傷,好痛,我喉嚨咁o岩亦都有痛同有咳添呀!!!!!!!!!!!!!! 水晶呀水晶..............你好叻呀!!!!!!!!!!!!! ^3^ 我俾十個叻你呀下~~~叻叻叻叻叻叻叻叻叻叻!!!!!!!!!!!!!!!
之後我地就去左千田剪頭髮...............阿魚染髮,我就決定電髮,其實我之前真係好拿唔定主意...............好怕電完髮之後個result唔好睇...............但經阿魚一番極力既推介同睇書睇到有個model電髮真係電得好靚之後,我就唔理咁多,試左至算!!!!!!!!!!!!!! 好在出黎既result唔錯...............好多人都話好睇呀!!!!!!!!!!!!!! 黎緊我要染佢淺色o的~~~yeah!!!!!!!!!!!!! 有樣野不得不提.................我真係好鍾意係千田剪頭髮呀~~~!!!!!!!!!!!!! 之前o個個Pato已經令我都好鍾意架喇...............今次呢個Michael仲得我歡心~~~(笑)佢真係好好人呀...............又溫柔又體貼客人既需要~~~呵..............仲好有型添呀!!!!!!!!!!!!!!! 千田真係好,有咁多咁有型既髮型師~~~(+^-^+)
剪完頭髮之後,我行行下先發覺點解我個兩隻手咁得閒?! 原來我留左把遮o係LP,所以我地又二度重返LP喇~~~今次返去我同左海婷傾左陣偈...............原來Cherry同Kit冇做既原因係因為佢地過唔到試用期.............其實我真係好鍾意佢地兩個架...............特別係Cherry............無奈呢個世界係咁,希望佢地會搵到份更好既工喇...............
夜晚同阿魚食完飯散左陣步就回家lu................
p.s. 今日開ICQ收到Daniel既offline message,佢話佢安全返到美國喇!!!!!!!!!!!!!!!!!!! 仲係好掛住Daniel呀.............
>>August 17, 2003 at 9:55:23 PM GMT+8
2003 年 8 月 13 日 星期三 【晴】
琴晚同左MoonStone Fish傾電話,傾到成兩點幾至訓....................今日又係訓到成12點幾至起身~~~
哈~~~傾完電話之後,我真係發現左一樣野...................點解有o的人可以咁奇怪既?!明明唔鍾意人,但又要成日約埋一齊出街食飯飲野傾偈,扮到勁friend,仲有講有笑o個隻!!!!!!!!!!!! 拎轉頭又可以打去俾其他人講對方壞話是非................唉................好恐怖呀!!!!!!!!!!!!!!! 點解呢個世界會有o的咁既人架?! 佢地唔辛苦架咩?! 係對方面前咁樣扮好人法?! 我就真係做唔到喇..................~_~" 面對住我唔鍾意既人,最佳既辦法莫過於唔主動搵佢,唔主動同佢講野咪得囉...............又唔使令自己咁辛苦對住佢喇,使乜攪到自己咁虛偽丫?!
唉...............呢個世界真係一樣米養百樣人呀................真係乜人都有呀!!!!!!! @.@"
>>August 17, 2003 at 6:18:56 PM GMT+8
2003 年 8 月 12 日 星期二 【晴】
Daniel今日終於要走喇...................好唔開心.................因為我真係好唔捨得佢呀!!!!!!!!!!!!!!!!! >_<
今朝8點既時候就收到Daniel send黎既message,其實o係個時我真係好出奇~~~因為我記得佢講過佢係唔會send message俾人架,因為覺得咁樣好麻煩~~~所以我真係好開心佢會send message俾我,就咁我地最後send左兩個message俾大家講byebye,代替左打電話.............
又要等4個月至可以見到我喜愛既Daniel喇................v_v
我喜愛既Daniel走左..................今日點會有mood呢?! 唉...................就咁o係屋企渾渾噩噩左一日..............
>>August 17, 2003 at 5:58:48 PM GMT+8
2003 年 8 月 11 日 星期一 【雨】
今日下晝原本小兒約左阿牛,fan同chui ting食tea,叫埋我去,不過我唔想去食咁多野,等佢地食晒我至去join佢地,哈.............小兒個look變左好多呀.............不過我仲未接受到............>_<" 你...........你電左髮之後真係更加似一隻羊呀!!!!!!!!!!
食完tea之後,我就陪阿牛去買suit for佢大學既presentation,順面佢又陪我去訂埋今晚慶祝鬍鬚生日既蛋糕,攪下攪下,就已經攪到成8點.............我俾左個蛋糕大孖拎走之後,我就自己返左屋企拎個盧,Daniel個公仔同鬍鬚份禮物去等細孖,因為大孖吩咐左細孖去我屋企幫手拎野,之後我地就一齊出發去新城市join埋其他人一齊搭小巴去九肚山喇~~~
嘩.............今晚真係有好多人呀!!!!! 有鬍鬚,雞頭,Daniel,大孖,細孖,Gordon,阿興,小白,吳子峰(唔知係咪咁寫^^"),阿佳,周仔,Tracy,仲有個我唔識唔知叫咩名男仔............夾埋我成14個人去慶祝生日,好熱鬧呀~~!! 哈...........周仔一d都冇變,見到我第一句就話我"冇見你咁耐,你仲係咁矮架~~"其實我不嬲都矮架啦,係你高o者~~~ ^-^" 哈............
原本以為係佢地屋企打邊盧會好舒服,有冷氣嘆.............點知!!!!唉...............都唔知係咪賣冷氣架,間屋咁大,只有一部冷氣係work,另外o個部吹出黎既竟然係暖氣?! 俾佢吹脹...............~_~" 佢地講得o岩,我地依家係一個有好多冷氣機既屋入面,但係好奇怪,我地係覺得熱架!!!!! 佢屋企除左冇冷氣之外,仲冇水添,成間屋所有toilet都冇水沖亦冇水洗手,唯一有水既就係廚房既水喉,但都唔好得幾多,o個條所謂既水柱.............唉!!!!真係同支棉花棒差唔多粗...............死未?!我地仲要等佢慢慢出水..............又要滾定d水又要洗野.............每做完一樣野之後就要等勁耐去儲水............唉!!!!我今日終於都明白點解佢媽咪每次番黎都只係o係呢度住一晚既原因喇,因為呢度根本唔住得人!!!!@~@" 記得最攪笑既係阿佳竟然係呢個時候去開大..............由於個樓上既toilet就好似一個冇空氣既異度空間咁,佢去完之後.............好似o岩o岩沖完涼未抹身咁.............成身濕晒!!!! 最慘既係佢又冇得沖廁...............d水又嚴重缺乏,要慢慢等d水滿之餘沖左兩次至ok~~~哈............原來阿佳都好好傾好好玩架!!!!! 由於係二樓打邊盧,而只有一樓部冷氣work,我地為左"近"d一樓d冷氣,食食下就決定將張檯搬近d個樓梯..............哈!!!!搬搬下將檯o個隻腳竟然"luck"左一隻出黎!!!!!!!!!!!! @0@" 基於張檯係木造既關係,(睇得出係非常之重.........)成7,8個男仔抬住張檯都嗌晒救命,出晒汗..............企係隔離既我,daniel,gordon都笑到跪左係度係咁捧住個肚笑~~~就咁............個個男仔都熱到赤裸晒上身打邊盧,唉............最衰我係女仔,我都好想除左d衫去............因為實在太熱喇,同o係一個蒸籠度冇咩分別!!!!! 原來吳子峰真係好gentlemen架,除左成日夾野俾我d女仔食之外仲成日"針"野俾我飲,係短短食野個段時間裡面佢已經"針"左成3杯野俾我飲!!!!! 食完野之後仲好乖咁幫手執野抹檯...............唔!!! 果然係一個好仔~~~ ^_^
Daniel佢留左陣,食左陣野就走lu...........今晚係我最後一晚見到Daniel喇.............佢聽日就要返美國喇!!!!!!真係好唔捨得..............今晚我除左俾番佢個公仔佢之外仲送左我上次o係大嶼山買既龍貓鑰匙扣俾佢,佢都知我好唔捨得佢,臨走時都有叫我今晚send message俾佢............唉!!!! 好唔捨得呀~~~又要等4個月後至見到佢喇~~~!!! (T__T)
最後我地一齊食埋蛋糕等佢地玩左陣機之後我地就走lu..............唉!!!! 都唔知係咩原因,我發覺我呢一世行路都唔會行得好.............我已經著左波鞋架啦!!!!!!!!!!!!!!!! 點解?!點解我都係o係走o個時行行下"線"低左架?!好彩有大孖佢地係旁邊扶住我,不過o個時我都已經跪左係度.............>_<" 嗚.............好痛瘀左喇!!!!!! 我唔要成日行路都仆倒呀~~~
之後,我同雞頭一齊搭的士走,佢地就好似平時咁返去榕翠..............雞頭送我送到屋企樓下,我地傾左陣偈後就番左屋企大覺訓lu............
p.s. 鬍鬚................生日快樂呀!!!!!!!!!!!!!!!!!! ^3^ 真係好開心可以識到你呀...............
MoonstoneFish...........對唔住呀.............我一入到九肚山,我部電話就收唔到喇,開始同人間隔絕左一樣.............^-^"所以收唔到你電話呀~~~!!
>>August 13, 2003 at 12:25:22 AM GMT+8
2003 年 8 月 10 日 星期日 【晴】
聽日就係鬍鬚生日喇~~~而過多幾日就到我既好哥哥雞頭生日.........所以我今日約左阿牛陪我出旺角買禮物!!!! 雖然大致上都知道佢地兩個鍾意d乜,但講真...........唔買慣禮物俾男仔既我同阿牛都諗左好陣子至諗到買咩俾佢地兩個............^-^ 希望.............佢地會鍾意喇~~~
買完禮物之後,我地決定行陣旺角.............原本我地兩個都應承左大家一定要阻止對方再買野,初初都好地地,一路睇衫我地就一路同對方講"唔好買喇.............已經生活係貧窮線以下喇~~~" 哈..............點知睇睇下,大家開始同對方講"買囉~~~咁平!!!" "好呀!!!!就呢件呀..........." "唔錯呀!!!!買左佢囉~~~最緊要你鍾意嘛!!!"死唔死.............我真係發覺我地既自制能力好低..............點算?! @.@"
最後尾我都係冇買到原本計畫要買既野.............冇計畫在內既竟然買左好多番去.............v_v"
＃＞＜＃＞＜＃＞＜＃＞＜＃＞＜＃＞＜＞＃＜＞＃＜＞＃＜＞＃＜＞＃＜＞＃＜＞＃＜＞＃＜＞＃
今日夜晚收到一個好好朋友既電話...............唉...............佢呢對又出現左問題,可能會分手................睇見佢咁我又幫唔到佢d乜,只可以俾到d我個人既諗法佢..............希望幫都佢啦!!!!! 不過講真,我真係希望你可以搵到個真係會好錫你好顧及你感受既男仔喇...............如果唔係你會難過架...............一個好既男仔唔係在於佢識唔識得認錯,認錯話要反省都未必係真架,講就永遠易過做既,好多人都係得個講字架咋,真正能去面對去肯為你而改既先係真正對你好既男仔呀~~~
>>August 12, 2003 at 9:33:44 PM GMT+8
2003 年 8 月 9 日 星期六 【晴】
琴日因為夜訓左今日成12點幾至醒,醒左冇耐就打電話俾雞頭問佢今日幾點比賽,原來佢地5點9開始比賽,5點要去到美林體育館準備,由於我唔識去,初初我就打算去博康同雞頭鬍鬚一齊搭車,但冇幾耐,tracy就打黎,約我一齊去,佢仲叫埋小寶同阿姿去,又叫我叫多d女仔去..............哈~~~我都知佢地既目的既.............我最後尾都係叫阿魚陪我去就算,就咁我就唔跟雞頭鬍鬚去,改約同阿魚,小寶,阿姿一齊去喇!!!!
佢地參加既係沙田區三人籃球賽,冇分年齡,好老既都可以去參加,所以我見到好多好老既人比賽.........~_~"其實佢地經過特訓之後,都已經變強左d同變得都幾合拍架喇.............特別係雞頭哥,我真係聽到有人讚雞頭哥有進步架!!!!!不過最後都係輸左..............唔緊要,勝在嬴d經驗番黎o者~~~不過最可惜既係雞頭出左場冇幾耐就俾人換走左,仲諗住可以睇多陣佢比賽個樣,我喜愛既Daniel仲慘.............冇得落場!!!!!有冇攪錯?!點解唔俾佢落場喎...............佢都好犀利架!!!!! >0<" 我黎除左捧雞頭鬍鬚場之外,最大原因都係因為黎捧Daniel場咋!!!!!!!! >_<" 哼..............唔制~~~
睇完比賽之後,我就同阿魚,小寶,阿姿一齊走,其他人就繼續去源禾路練波~~~我同阿魚就去食野兼去睇下d"波波",小寶同阿姿就諗住去沙田買六合彩~~~由於就黎到我媽咪生日,我決定買水晶俾佢作生日禮物,最後選擇左一個蘋果型既金髮晶吊墜俾佢,雖然平平地............但等我有錢時,我一定會買個勁d俾佢架!!! >:D 哈..............跟住我就同阿魚去左大眾睇書..............之後收到小寶既電話,佢話佢中左六合彩4個字...............但冇買到,因為唔識路去投注站!!!!哎呀..............激死我喇~~~下次唔識記住打黎問嘛!!!!! 4個字.............都有成幾百蚊架..............@.@"
番到屋企............夜晚就接到Daniel既電話,我地又傾左陣~~~哈.............佢話佢番到美國就會去學"踢躂舞"!!!!! 原來佢已經想學好耐,但係香港學好貴,要成$1000先得o個4堂,o係美國圍起幾十蚊港紙就得............咁就梗係係美國學好喇!!!!!佢一路講我就一路諗,"踢躂舞"咪就係要著黑色"踢死兔",拎住支"士的",戴住頂高黑帽o個d,仲要留埋兩撇鬚o個隻.............哈!!!!!激死Daniel~~~佢話o個d根本就係一個小丑............"踢躂舞"係可以好有型架喎~~~哈哈............我信呀~~~!!!!!都係o個句喇,我最喜愛既Daniel跳喎~~~梗係有型喇!!!!!佢仲話等佢下次番黎會跳俾我睇添呀~~~!! yeah............好期待呀!!! \^0^/
p.s.我細佬今日正式去報讀遵理...............學費要成$2400一個月.............仲要俾9期!!!!!!好貴呀~~~唉...........希望佢經過呢次之後知道有得讀書既可貴喇.............~_~"
>>August 12, 2003 at 6:36:47 PM GMT+8
2003 年 8 月 8 日 星期五 【雨】
經過琴日一輪作戰後,仍冇任何好消息,我地成家都已經打定輸數要俾錢我細佬讀私校!!!! 所以我媽咪就吩咐左我去沙田個間當代拎d資料番黎睇,而我哥哥就出馬鞍山既遵理拎資料,比較一下價錢方面既問題........臨行前同友人傾左陣電話,講左好多對某人驚奇既睇法同"事跡"俾佢聽~~~聽到佢都"嘩~~~嘩~~~"咁聲!!!!!!哈............我自己都唔明點解可以咁呀?! 咁長時間都做同一樣野架?! 唔悶架咩?!...............唉~~~!! v.v"
之後我就同媽咪一齊去當代拎資料,我媽咪就想順面睇下個環境係點,去到當代已經有兩個當代學生好熱情咁走過黎,都係個句喇,佢地以為我都係中五學生,又問我讀咩科,又show校服俾我睇,又帶我參觀實驗室呀課室呀咁,我就扮係中五學生咁扮晒想黎o個度repeat,我媽咪就狂問野.............哈!!!不過最後都俾我媽咪揭穿左,臨尾一句"好呀...........唔該呀下,我地都係返去同佢細佬(指住左我)商量下先.........." o個兩個學生互望左一下講左句"哦............幫細佬問~~~好呀!!!返去睇下先呀!!"
拎完資料後我就約左MoonStone Fish去LP,因為Cherry打左電話俾佢話我地個兩條要改既黑曜石手鏈已經番左黎!!!好心急見仔仔既我就梗係即日去帶佢番屋企啦~~~(笑)去到接左仔仔之後,我同阿魚每人買左本書番去睇就走喇..............之後我就番屋企俾d資料我細佬睇,阿魚就去見工.............加油呀魚!!!! >:o
今晚有皇馬對港隊~~~今次係我第二次認真去睇波.............記得上次已經係中七謝師宴既時候,o個日都係因為有碧咸我至睇得咁投入,今次亦都唔例外..............(笑)碧咸真係好有型呀!!!!! 佢紮頭髮個look真係好掂呀............佢係我睇過咁多個外國人裡面最好既一個~~~而且佢又顧家喎..............咁好既男仔係邊度搵呀?! 不過今日港隊真係打得非常好!!!!! 簡直係超水準既表現~~~ 頭個幾十分鐘就俾皇馬入左兩球後,我同vickie都估佢應該會輸成6比0甚至8比0,哈..............估唔到可以keep到4比2到完場~~~!!! 勁呀~~~!! ^0^/
>>August 12, 2003 at 8:56:28 PM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37262
Design & Scripting by ShowHappy.Net
|
琴日食完飯之後,我地全部人去左大細孖屋企打麻雀...............佢屋企究竟幾時至肯裝番部冷氣架?! ~_~" 我地熱到一到左屋企個個走晒入間大房嘆冷氣~~~為左打麻雀舒服o的,我地將張麻雀檯搬左入房,可以講係我地一切既活動都係o係間大房度進行...............@.@"
琴日見成工............個look就唔使再咁大個..............所以我決定今日再去千田搵我鍾意既michael叫佢幫我染髮同剪番o的"陰"~~~都係細個o的靚o的!!!!!!!!!由於我記得vickie都想染髮,今日星期六咁o岩佢又放1點,不過佢要出去幫阿哥買LV袋.............所以我地就預定約3點幾4點一齊去整頭髮喇~~~
今日一早就起左身準備一陣3點半既面試,由於我爸爸媽咪驚我唔識路,(不過實質我真係唔識路)所以佢地兩個就同我一齊去,去到原來係工廠區黎架.............我就叫左佢地係樓下一間餐廳等我, 我就自己上左去in,嘩.............講都冇人信呀!!!!!!!!!! 我去到,佢好似已經好了解我咁,叫我坐低等佢print o的資料俾我睇,叫我睇完下星期一返工個時簽完名俾番佢地就ok,臨走個時我真係忍唔住問佢 "你真係唔睇我o的resume同學歷呀?!" 佢一句令到我更加呆左............."得架喇!!!!!!!!!我相得過你~~~" ,就咁我就見成左份工喇.............@.@"
今朝早o係我仲訓到濛濛濃濃期間,我表姐就打電話黎搵我,話俾我知我呢兩日應該見得工,仲俾左個電話我去contact個僱主,就咁我等到12點幾懷住一個緊張既心情去打呢個電話.............點知!!!!!!! o個個梁生原來超好人,仲同我唔該前唔該後~~~其實我真係覺得自己呢一生都好幸運,因為我成日都得到我身邊親人同朋友既照顧,幫助同支持.............好似我今次搵工咁,除左我自己apply o個o的之外,我好幾個朋友好似阿魚呀知我搵工,都一路幫我去留意,一有咩好工就打黎同我講,而我既一個kinki朋友仲俾埋佢自己個大學password我去大學個hp度搵工之餘仲同我問佢其他朋友有冇工做住先添,我哥哥就更加會幫我去問幫我去睇...............而Vickie呀咖哩呀其他朋友就咁不斷鼓勵我去搵工~~~我o係美國住依家去左日本教日本小朋友英文既表姐仲得意!!!!!! 叫我去日本同佢一齊教小朋友中文...............哈!!!!!如果我日文掂,我一定會去!!!!!! ^^"所以我表姐知道佢公司有人離職就即刻同左佢個阿head講留住個位..............所以我打去俾梁生o個時原來佢已經知我會打去同連我個名都一早知道埋,哈...............仲攪到我之前咁緊張,係度狂sms Vickie又問我阿哥我打電話去一開口應該點講好先~~~原來我表姐一早幫我講左!!!!!梁生仲問我我想今日in好定聽日in好,我就選擇左聽日,因為我想我in之前攪攪個look先.............@.@" (我要變大個o的呀!!!!!!!!!!!!!!)
Daniel今日終於要走喇...................好唔開心.................因為我真係好唔捨得佢呀!!!!!!!!!!!!!!!!! >_<